CASA DE GOA
From: "Virginia.B.Gomes" Virginia.B.Gomes@...
Casa de Goa in Lisbon have opened a contest for a Hymn and the rules are ready for dissemination. We would like the dissemination to be as broad as possible, so that the Goan communities in the diaspora are aware of the contest and that is why we would be grateful if you could also help us in dissemination the rules as well as the curricula of the members of the Jury through the site Goa-Portuguese.
The information is available in concani and in Portuguese.
Intentionally, we have not translated it into English, since potential candidates must be
familiar with both, concani and portuguese, in order to be "in the spirit" of the Hymn.
For more info, email joli.goa@..., casa_de_goa@...
“CASA DE GOA” HACHEM STUTIGIT (“Anthem”)
U M E D V A R P O N N A C H E NEM’
2003 vorsachea Janera ani Fevrerachea mhoineamnim “Casa de Goa” hachim vangddi-vangddinni Sobhechê Osadharonn Zomatint ektthaim zalim. Sounsthecheam 1987 vorsa thaun choltale team Kaideamnim ani Sobhavik Chalu Nemamnim gorjecheam bodolnniam vixim bhasabhas kelea uprant teô posônt korpak heô zomati bhoron haddloleô.
Adleam likhithamnim chuklolem tem bhorun kaddchê khatir, Jorge de Abreu Noronha hea vangddiachê suchnê pormannem, êk novo Ovesvôr – Sovo Ovesvôr – bhitôr ghalcho mhonn posônt kelem. Hea Ovesvorachem 18vem kolom’ sounsthechê khunnechem ani 19vem kolom’ tichea bavtteachem vornnon korta, ani tachea 20vea kolomant oxem tharail’lem asa: Stutigit (“Anthem” / “Hino”) êkê spordhê vorvim ek porikxôk monddoll sodun kaddtolem, ani hem monddoll, Karbhari Somitichê suchnê pormannem, Sorv-vangddianchê Sobhechi Zomat nem’toli; tea bhair, Stutigit Konknni bhaxên rochun haddchem ani tacho êk Portugêz bhaxên onnkar ascho. Nadachea ani utranchea porikxôk monddollanchi rochnnuk 2003 vorsachea Novembrachê visvêr bhorlolê Sorv-vangddiachê Sobhechê Sadharonn Zomatint posônt keli.
Oxem astam, “Casa de Goa” hacheam Sobhavik Chalu Nemanchea tea Sovea Ovesvorachea visvea kolomak pallo diunk, umedvarponnache nem’ hanga ami jahir kortanv. Konn-ui apnnem rochlolem Stutigit “Casa de Goa” mukhar ghalunk sodit tôr, tem korpak hê sounsthechê Karbhari Somitin tharail’le nem’-ui hanga jahir kortanv.
NEM’
Casa de Goa
Calçada do Livramento, 17
1350-188 LISBOA
PORTUGAL
Rochun haddlolem Stutigit kesettichêr khonchun kaddchem ani 3 (tin) protimnim “Casa de Goa” mukhar dovorchem: rochlolea nadar gail’lim utram ani svormella khatir vaporlolim vazontram (dekhik: piano, organv, gitar) tichêr aikunk mellchim. Tea bhair, Konknnint rochlolim Stutigitachim utram ani Portugejin kel’lo tancho onknnar nada borabôr boroun diunchim.
Porikxôk monddollanchi nadachi ani utranchi molavnni - Marsachi 15, 2004
Nikalachi porgôttnni - - - - - - - - - - - - - - - - - - - - - Marsachi 22, 2004
PORIKXÔK MONDDOLLACHEAM VANGDDIANCHE OBHEASKROM’
NAD
LUÍS PEDRO DE SOUSA E FARO – “Centro de Estudos Gregorianos” hanga songitachem xikop, ani uprant “Instituto Gregoriano de Lisboa”, “Conservatório Nacional de Lisboa” ani “Academia dos Amadores de Música” hanga unch xikop kelam. Addvea vennuchem, adlê poromporentlea gitarachem ani prohar korun vazoupacheam vazontranchem xikop. Poromporik nadancheô zaiteô sodi keleat ani tanchi ollôkh dilea. Tis vorsam vôir gavpiam-pongddancho mistri to zaun gelo, ani atam legit gitancho ani gavpa-kolechê komaiecho to xikxôk asa.
JOSÉ BRUTO DA COSTA – “Departamento de Ciências Musicais da Universidade Nova de Lisboa” hanga Poilea Panvddeachi Podvi (“Bachelor”) tannem zôddli. Thoim itihasik songitvidiechi Unchlea Panvddeachi Podvi (“Master”) kaddpak toiari korta. “Academia de Música e Belas Artes Luisa Todi”, “Instituto Superior de Educação e Ciências” ani “Escola de Música do Conservatório Nacional de Lisboa” heam xallancho to xikxôk aslo. “Orquestra Metropolitana de Lisboa” hantum utpadôk koso tannem vavr kela. Gulbenkian gavpiam-pongddacho to vangddi. Opus 21 nanvacho gavpiam-pongôdd tannem sthapla ani apunnuch to choloita.
UTRAM
IÉSUS HERÁCLITO GOMES – Romani Xobdxastracho Poilea Panvddeacho Podvidhôr. Portugêz Bhaxêvidiecho Unchlea Panvddeacho Podvidhôr. Madhiomik Xikxonnacho xikxôk (1959-1998). Obheasancho Margdorxôk ani Portugêz Bhaxecheam Xikoupianchê Akarnnent Xikxonnxastrik Margdorxôk (1979-1988). “Escola Superior Artística do Porto” hanga Xikxonnachea Kariakromacho Sonchalôk (1987-1989). Zanjibarachea (1989-1994) ani Abidjanachea (1994-1996) Vidyapitthamnim Portugêz Bhaxecho ani Sonvskrutaiecho “Lecturer”. 2001-2002 vorsamnim “Boletim da Casa de Goa” poripotrantlea “Gõychea Lôkvedachêr Nodor” bhagacho sthir sohokar-divpi.
WILLIAM VINCENT HERCULANO DA CUNHA – Karachi xarant (Pakistan) zolmololo, aplem madhiomik xikop Gõyant korun SSC (Matriculation) kaddli. Teach kallar Konknni bhas xiklo. 1957 vorsa, SSC kelea uprant, Vidyapitthachem xikxonn Karachi xarant korunk gelo; thoim “Hotel Management and Administration” hacho kurs kaddlo. Aplea tornnattponnar “Aldona Boys” pongddak dhorun Konknni nattkamnim vantto ghetla, ani tanchê borabôr sobar pavtti him nattkam Gõyam ani Karachi xarant machiêr ghalim. 1959 vorsa thaun 1962 vorsa porian, Karachi ani Lahore aslo tednam, thoim “Vavraddiancho Ixtt” ani “Aitarachem Vachop” heam satolleancho batmidar aslo. Aplea dhondeant, Udentichê Afrikecheam, Modhiom’-Udenticheam ani Europacheam Desamnim (Portugalak porian) “Intercontinental” ani “Sheraton” Amerikan vangddi-hottelancheam sanklliancho karbhar choloila. 2003 vorsachê survatêk thaun (mhonngê Portugalak aplem tthikann korunk tharailam tednam thaun) to “Casa de Goa” hacho vangddi zalo, ani hê sounsthecheam sonvskrutik kariavollimnim umedin vantto gheun ieta; dekhik “Boletim da Casa de Goa” hea poripotrachea (2003 Julai/Agostachea 10vea ankar, 8vea panar) “Amchea Ganvchi Kovita” bhagant “Maim-Bhas Konknni” hi apli kovita tannem uzvadda haddli.
Do you Yahoo!?
Yahoo! Hotjobs: Enter the "Signing Bonus" Sweepstakes
Offline 
Send Email