Yes Anup, I keep banning and removing members as and when I see
those spam posts.
Sujoy

--- In vividhbharati@..., Anup Manchalwar
<anupmanchalwar@...> wrote:
>
> Sujoy...please check the unwanted members in the group. Some guys
are making menance by posting spams.
>
>
>
>
>
> Anup Manchalwar,
> Senior Analyst,
> Cbay Systems (India) Pvt. Ltd.,
> SP Infocity, Fursungi,
> Pune - 412 308
>
>
> Lata Mangeshkar Fan Club
>
>
>
> ----- Original Message ----
> From: soojoi_india <soojoi_india@...>
> To: vividhbharati@...
> Sent: Thursday, March 15, 2007 7:34:15 PM
> Subject: [vividhbharati] Aaj Ke Fankaar - Snehal Bhatkar
>
> Audio Courtesy: Ramaswamy & Parag
>
> doston namaste, main hoon Amarkant, aur aaj ham baat karenge
> sangeetkaar Snehal Bhatkar ki. hamaari jo aaj ki peeDhee ke
shrotaa
> hain, jo jawaan hain, woh shaayad is naam se parichit naheen, woh
> shaayad is naam ko jaante naheen honge, lekin Bhoole Bisre Geet
> kaaryakram ke jo shrotaa hain niyamit roop se, woh is naam se
bhalee-
> bhaanti parichit honge. unhe yeh naam baDaa pyaara lagta hoga,
baDaa
> meeTha lagta hoga. kyun lagtaa hoga, uske baare mein baat bas is
geet
> ke baad.
>
> Song: haal-e-dil unko sunaana tha sunaaya na gaya (Fariyad)
>
> haan to doston, ham baat kar rahe the sangeetkaar Snehal Bhatkar
ki.
> aur is geet ko sunkar hamaare bahut se doston ko shaayad kuchh
kuchh
> yaad aaya ho. aur hamne yeh bhi kaha ki hamaare jo Bhoole Bisre
Geet
> kaaryakram ke shrota hain, woh to zaroor hi Snehal Bhatkar saahab
ko
> yaad karte honge, unki dhuno ko jaante honge, unki miThaas ko
> pehchaante honge. ham aapko bataa den ki Snehal Bhatkar, inkaa
poora
> naam tha V.D. Bhatkar. Vasu Dev Bhatkar ke naam se woh jaane jaate
> the lekin inke saath ek dikkat thi. dikkat yeh ki ek 'recording
> company' mein 'service' kiya karte the, lekin sangeet ke baDe
> jaankaar the, aur phir khud bhi sangeetkaar banna chaahte the.
> sangeetkaar banne ki jo khwaahish thi, iski aaDhe unki naukri aati
> thi. isliye unhone B. Vasudev ke naam se unhone sangeet dena shuru
> kar diya aur ab aur aage baDhne se pehle doston, ham aapko ek aur
> geet sunwaana chaahenge jise sunkar aap sab ko nishchit roop se
> Snehal Bhatkar saahab ki yaad aa hi jaayegi.
>
> Song: kabhi tanhaaiyon mein hamaari yaad aayegi (Hamari Yaad
Aayegi)
>
> Snehal Bhatkar ki dhune nishchit roop se tanhaaiyon ko sehlaati
hain.
> Snehal Bhatkar ka janm 17 July 1919 ko Mumbai mein hi huya aur yeh
> Mumbai ki Dergaon ilaake mein raha karte the. aur usi dauraan
> filmkaar Kidar Sharma se unki mulaaqaat huyi. Kidar Sharma naye
> kalaakaaron ko kaafi pryotsaahit karte the, aur yeh mulaaqaat
Snehal
> Bhatkar ke 'career' ke liye ek bahut achchhi baat saabit huyi,
kyunki
> iske baad Kidar Sharma ke dimaag mein yeh baat jam gayi ki is
> kalaakaar ko mujhe kabhi na kabhi mauka dena hai. yeh mauka unhone
> kab diya, kaisa diya, is baare mein ham karenge baat, magar is
gaane
> ke baad.
>
> Song: aapne huzoor mujhe kya se kya banaa diya (Fariyad)
>
> Kidar Sharma saahab ke umra bhar shukra-guzaar rahe Snehal
Bhatkar,
> kyunki unke poore 'career' mein adhiktar filmen Snehal bhatkar ne
jo
> kee, Kidar Sharma saahab ki hi theen. par ab ham baat pehle ki
karte
> hain, yeh baat hai 1947 ki. yeh woh saal tha ki jab desh aazaad
> honewaala tha. doosri taraf Raj Kapoor jaisa baDaa sitaara filmon
ki
> taraf aane ki tayyaari mein lagaa huya tha. aur us samay Raj
Kapoor
> Kidar Sharma ke 'assistant' huya karte the. aur isi saal Kidar
Sharma
> ne Ranjit Studio ki 'banner' tale ek film 'plan' kee - Neel Kamal,
> jismein woh Raj Kapoor ko bataur 'hero' lena chaahte the. bas yahi
ek
> mushkil khaDi ho gayi, kyunki Raj Kapoor isse pehle kabhi 'camera'
ke
> saamne to aaye naheen the. Ranjit Studio ke maalik us waqt huya
karte
> the Chandulal Shah, aur unhe yeh baat katai pasand naheen aayi.
aur
> sirf Raj Kapoor hi naheen, Madhu Bala ko bhi lena chaahte the
Kidar
> Sharma, aur sangeetkaar ke roop mein unhone Sbnehal Bhatkar ka
naam
> sujhaaya tha. yeh baaten Chandulal Shah ko pasand naheen aayi.
unhone
> is film ka virodh kiya. woh naheen chaahte the ki is tarah ka
> koi 'risk' liya jaaye. lekin Kidar Sharma to apne dhun ke pakke
the.
> unhone jab tay kar liya ki is poori 'cast' ko lekar film
banaayenge
> to unhone film banaaee. yeh film kitni chalee woh ek alad mudda
hai
> lekin yeh ek baat itihaas mein hamesha ke liye darj ho gayi ki Raj
> Kapoor jaisa baDaa sitaara jab rupahle parde pe aaya to sabse
pehle
> unke liye sangeet diya Snehal Bhatkar ne. yeh koi kam baat naheen
hai
> doston.
>
> Song: ho ji main kya boloon sarkaar, mujhe aa gaya uspe pyar (
>
> doston, aayiye ab baat karte hain jaani-maani abhinetri Nutan ki.
ji
> haan, Shobhna Samarth ki beTi Nutan. ab aap soch rahe honge ki
> sangeetkaar Snehal Bhatkar ke kaaryakram mein Nutan ka zikr kyun!
> uski wajah hai doston. Shobhna Samarth, jo apne zamaane ki
jaanimaani
> abhinetri rahi hain woh filmen bhi banaati theen, nirmaatri bhi
> theen. aur unhone jab apni beTi Nutan ko filmon mein 'launch'
karne
> ke baaremein socha to ek film 'plan' kee Hamari Beti. yeh baat hai
> san 1950 ki. aur is film ke liye jis sangeetkaar ka chunaav kiya
gaya
> woh the Snehal Bhatkar.
>
> Song: dekho dekh raha tha papeeha (Fariyad)
>
> doston, 50 ke dashak ki baat hai. us daur mein sangeetkaar jaise
> Shankar Jaikishan, O P Nayyar jaise sangeetkaar apne dhuno ke
kamaal
> dikhaa rahe the aur yahi woh daur tha kab Snehal Bhatkar bhi apna
> sangeet logon tak pahuncha rahe the, lekin Snehal Bhatkar ka jo
> sangeet tha, woh pashchimi sangeet se zyaada prabhaavit naheen
tha,
> ya seedhee seedhee baat kahen ki pashchimi sangeet ka woh asar
unke
> sangeet mein nazar naheen aata tha, sunaaee naheen deta tha, jo
> Shankar Jaikishan aur O P Nayyar jaise sangeetkaaron ne istemaal
> karna shuru kar diya tha. aur jo dhune huya karti thi, jo gati
huya
> karti thi, unke saamne Snehal Bhatkar ke sangeet mein woh baat
nazar
> naheen aati thi, aur dheere dheere Snehal Bhatkar gumnaami ke
andhere
> mein khote chale gaye, lekin ek baat bataana zaroori hai ki
Shobhna
> samarth jinhone Snehal Bhatkar ko Hamari Beti mein mauka diya tha,
> unhone apni chhoTi beTi Tanuja ko 'launch' karne ke liye jo
Chhabili
> film ka nirmaan kiya 1960 mein, to ek baar phir unhone Snehal
Bhatkar
> ke naam ka hi chunaav kiya. to yeh baat hoti hai vishvaas ki, yeh
> baat hoti hai bharose ki, aur yeh baat hoti hai sangeet ko jaanne
ki,
> samajhne ki aur usse lagaav ki. kuchh filmon ke baare mein Snehal
> Bhatkar ki aapko jaldi se bataa den, 1948 mein aayi film Suhag
Raat,
> 1947 mein Meera, 1950 ki Hamari Beti ke baare mein hamne aapko
> bataaya, aur isi saal ek film aayi thi Pagle, jismein ek gaana
> tha "kyun shikwa karen, kyun aah bharen" jismein Mukesh, Talat
> Mahmood aur Khan Mastana ki aawaazen theen, aur 1951 mein Bhola
> Shankar, aur bahut hi zabardast hit film thi Hamari Yaad Aayegi
1961
> mein, Faryaad, jiska geet abhi hamne aapko sunwaaya 1964 mein
aayi,
> 1980 mein aayi Pehla Kadam, 1989 mein aayi Pyase Nain aur 1994
mein
> Sehme Sitare. yaani abhi kuchh saal pehle tak Snehal Bhatkar ka
> sangeet goonjta raha hai lekin aaj ki taareekh mein Snehal Bhatkar
> saahab film sangeet se bahut door hain, lekin unka sangeet hamse
door
> naheen hai, woh sadaa hamaare saath rehta hai. Snehal Bhatkar
saahab
> bhale gumnaami ke andheron mein kho gaye hon lekin unka sangeet na
> khoya hai na khoyega.
>
> Song: farishton ki nagri mein main aa gaya hoon (Hamari Yaad
Aayegi)
>
> to doston yeh tha Aaj Ke Fankaar kaaryakram jo kendrit tha
> sangeetkaar Snehal Bhatkar par. ab Amarkant ko ijaazat deejiye,
> namaste!
>
> THE END
>
>
>
>
>
>
>
_____________________________________________________________________
_______________
> No need to miss a message. Get email on-the-go
> with Yahoo! Mail for Mobile. Get started.
> http://mobile.yahoo.com/mail
>