EPISODE 6
---------

KS: Anandji, aap se baatchit karke aisa lagtaa hai ki aap bahut hi
Khush-mizaaj hain, aur jahaan bhi aap baiThte hain, us mehfil mein
jaan Daal dete hain, wahann sirf Thahaaken hote hain, lekin gaane jab
banaaye tak bahut saare 'serious' tarah ke gaane bhi banaye, aur
zyaadatar 'srious' gaane banaaye.

AN: pehlaa to yeh ki 'expectation' na ho aapko zindagi mein to aadmi
mast rehta hai. ab ja aise gaane aate hain to sachchaai bhi saamne
aati hai, ki bhai sachchaai kya hai, ham kya aisa baDaa kaam kar
chuke hain? aaj dekhiye, agar main yahaan baiThaa hoon
to 'technology' ne mujhe 'help' kee hai. hamaare, aaj se sau saal
pehle, achchhe achchhe 'composer' honge, unhone bahut kuchh kaam kiya
hogaa, achchhe achchhe 'writers' the, bahut kuchh kaam kiya hogaa,
lekin us waqt 'exposure' naheen tha, to unke 'frustrations' the ya
naheen the, pataa naheen, lekin kuchh na kuchh to kameeyaan reh gayi
theen jo aaj ham itna sa bhi kaam karte hain to itnaa baDaa dikhtaa
hai. aaj 40/50 saal ke baad un gaano ko 'revive' karwaa rahe hain,
yaad kar rahe hain, aur maa baap ne hamko achchha khaana khilaaya
hai, sachche ghee mein aur miThaaee khilaaee aur baadaam khilaaye,
woh cheezen yaad hain to woh sab aise aise huya tha. samjhe na aap?
to yeh sab jo hain woh sab kaam aa rahe hain, maa ka jo upkaar hai
woh aap bhool naheen sakte, usek dukh ko samajhte hain, kabhi gareeb
ko saamne se dekhte hain to uskaa dukh hotaa hai, yeh saari cheezen
samajh mein aati hain, eeshwar ki kripaa yaad aati hai.

-----------------------------------------------
Song: om jay jagadish hare (Purab Aur Pashchim)
-----------------------------------------------

KS: Anandji, Saheli film bhi ek hai, usmein bhi ek bahut hi meeThaa
gaana hai, agar ham udaas sur ki baat karen "jis dil mein basaa tha
pyaar teraa, us dil ko kabhi ka toD diya".

AN: haan yeh do 'version' mein banaa tha yeh gaana, Lataji ne bhi
gaaya tha, Mukeshji ne bhi gaaya tha.

KS: 'popular' jo hai woh Mukeshji ki aawaaz mein huya hai.

AN: yeh taajjub ki baat hai ki aisa jab bhi gaana huya hai, abhi tak
iska samajh mein naheen aaya ki kyaa baat hai, lekin jab bhi
do 'version' mein gaane hote hain to 'male' gaana aksar 'popular'
hota hai, 'female' se zyaada hotaa hai, mujhe aisa lagtaa hai
ki 'male is extrovert', yeh apnaa izahaar kar saktaa hai, 'ladies'
kam karti hain, to isliye mujhe lagtaa hai ki dil ki baat jo hai
aadmi khul-e-aam keh sakta hai, laDkee agar kisi ko pasand karti hai
to naheen keh sakti hai, aaj ki baat naheen kar raha main, yeh 1960s
ki baat kar raha hoon, to bahut suljhee uyi baaten kee gayi hain,
kisi ko giraaya naheen gaya hai, nikamma naheen kiya gaya hai kisi
ko, uski ibaadat ko dhyaan mein rakhkar baat hoti thi.

--------------------------------------------------------------
Song: jis dil mein basaa tha pyar tera - Lata version (Saheli)
--------------------------------------------------------------

KS: Anandji, agar sangeet ki baat karen to aap dono ne bahut kuchh
diya hai ham logon ko, bahut meeThaa sangeet diya hai. hamaari
baatchit chal rahi thi Mukeshji par, aapne kahaa ki Mukeshji jitne
achchhe kalaakaar the utne hi achchhe insaan bhi the, ek bahut hi
nirmal 'soul' waale insaan the. unse juDaa koi aisa prasang yaad aata
hai jiski gehree chhaap aapke dil mein paDee?

AN: Mukeshji ki chhaap kabhi kam hogi hi naheen kyunki woh hamaare
aadarsh ho gaye the, kuchh log hote hain jo jeevan mein aadarsh ban
jaate hain, aap unko 'support' karte the, woh aapko 'support' karte
the, samjhe na aap? Mukeshji aise the, jaise Amitji, pehle hamko aisa
lagaa ki ham unko 'encourage' kar rahe hain, baad mein pataa chalaa
ki woh hamko kitna 'support' kar rahe hain, bure waqt mwin, har waqt
mein woh hamaare saath ke saath rahe, hamaare saath abhi tak usi
tarah se rehna, shuru mein aisa lagta tha ki ham unko 'help' kar rahe
hain, aaj hamko yeh lagta hai unko dekhke, hamaare bachchon ko dekhke
ki upkaar kisi ke kya hain! baDon se laise bartaav karna, yeh karna,
woh karna! Mukeshji mein bhi yahi Khaas baat thi, main ek kissa aapko
sunaata hoon. ham log Banaras mein gaye the Mukeshji ke saath 'show'
ke liye. bahut phakkad aadmi the, na kisi se kabhi kuchh poochte the,
na 'advance' lete the, un dino waise bhi paise naheen milte the,
kuchh naheen miltaa tha, to ham chale gaye 'show' karne, 'show'
khatam huya to pataa chalaa ki 'organizer' jo bachche the woh bhaag
gaye the. 'show' ke baad koi tha hi naheen, kisko kahaan DhoonDen? to
kya karenge, kahaan khaayenge? to mere saath hamesha chale-vane hote
the, to jahaan ham Thehre the, ek chhoTi si 'hotel' thi jahaan ham
Thehre the, wahaan gaye, chane-vane khaaye, yeh keeye, ab 'return
ticket' to thi lekin Dilli tak ki. to ham log wahaan se nikal rahe
the, kisko bolen? to unhone (Mukesh) 'hotel' waale se kahaa ki 'tumko
kuchh paise dene hain baaki', to bole ki 'naheen naheen woh le
loonga, unko chhoDoonga thoDe', to yeh bole ki 'unse kehna ki woh
bhale mere paise na de lekin 'musicians' ke paise de de'. to yeh
kehnewaala aadmi aaj ke zamaane mein kahaan se aapko milenge?

----------------------------------------------------------------
Song: jis dil mein basaa tha pyar tera - Mukesh version (Saheli)
----------------------------------------------------------------

AN: Mukeshji ki chhaap kabhi kam hogi hi naheen, kuchh log hain jo
jeevan mein aadarsh ban jaate hain, kabhi phaTee 'pant' mein aa gaye,
yeh log kabhi naheen aayenge.

KS: yeh jo phaTee 'pant' ki baat kahee aapne, kabhi aapne dekhaa tha
unko aise?

AN: haan, dekhaa hai.

KS: kaise chale aaye woh?

AN: hamko unko kahaa 'Mukeshji, aapki 'pant' phaTee huyi hai', Dilip
saahab ko bhi kahaa aise to bole ki 'kya farak paDnewaala hai, saare
log jaante hain mujhe, matlab yeh naheen ki bahut dikhaave ki
zaroorat hai, anadr se yeh log itne gehre hain ki baahar ka unko
kuchh fark naheen paDtaa.

------------------------------------------------
Song: chaand aahen bharegaa (Phool Bane Angaare)
------------------------------------------------

KS: Anandji, sab 'music directors' yahi kehte hain ki Mukeshji ki
ek 'range' thi jisse aage woh jaa naheen paate the. aap bataaiye?

AN: har kisi ki ek 'range' to hoti hai, koi bhi kitna bhi hogaa par
ek 'range' to hogi ki isse zyaada woh naheen jaa paayenge, wohi to
unki Khoobi thi, 'composer' agar teen sur mein gaana banaa sakta hai
to 'singer' bhi 'baathroom singer' ho sakta hai, (sings) "chaahe door
ho chaahe paas ho...", "gaayeja geet milan ke tu apni lagan
ke...", "ghaTaa ghanghor ghor mor machaaye shor...", to itne mein hi
hain yeh gaane, aur saare chale bhi hain yeh gaane, "jhoom jhoom ke
naacho aaj gaayo khushi ke geet...". 'compose' to aapko karna paDega
hi na? 'music director' ka kaam kya hai yeh samajh leejiye
aap. 'music director' ka kaam hai ki kahaani sunne ke baad
usko 'compose' karna hai, shabd maujood hain to Theek hai, naheen to
ek 'compose' kar lete the, gaane ka 'meter' kya hai, yeh sab baaten
main bataayunga aage chalkar, to sunna bhaai log!!

KS: to aaj yeh baatchit Mukeshji par...

AN: haan Mukeshji par, 'last' gaana kaun sa karenge?

KS: aap bataaiye

AN: mere hisaab se "jo tumko ho pasand wohi baat karenge".

KS: film Safar ka gaana jo Feroz Khan par filmaaya gaya

AN: jo unki zindagi thi ki jo tum kahoge wohi karoonga, lekin unko
ham chhoDenge naheen.

--------------------------------------------------
Song: jo tumko ho pasand wohi baat karenge (Safar)
--------------------------------------------------

END OF EPISODE 6