SS: Sukhwindara Singh
MS: Mamta Singh

PART 1-1

--------------------------------------------
Song: jab raat kaTee aur din niklaa (Paheli)
--------------------------------------------

MS: Sukhwindara-ji, Vividh Bharati ke poore 'team' ke saath aap ko
kaisa lag raha hai?

SS: Vividh Bharati ke 'listeners' ko mera namaskaar, adaab, aur
satsriakaal.

MS: shukriya bahut bahut. Sukhwindara-ji, Subhash Ghai ki film Black
& White mein aap ne 'music' diya hai aur pehle Halla Bol mein 'music'
diya. to ham yeh jaanna chaahte hain ki aap ka 'career' gaayak se
kahin 'music direction' ki or to naheen 'shift' ho raha hai?

SS: aaj se kareeb kuchh 10 yaa 15 saal pehle yeh ek 'matter' tha ki
kis taraf aap 'concentrate' karenge. abhi jaise jaise 'music' wide'
ho gaya, abhi jaise 'music international level' pe jaa chukaa
hai 'almost', to abhi yeh hai ki 'there is no problem' ki aap kisi
tarah se agar 'singer' bhi hain aur 'composer' bhi hain,
aur 'composer' hote huye bhi 'singer' hain, aap dono cheezen baDe
sukoon se, baDe aaraam se kar sakte hain, 'smoothly carry' kar sakte
hain.

---------------------------------
Song: is pal ki soch (Halla Bol)
---------------------------------

SS: to agar maine, 'playback singer' agar 'music direction' ki
taraf 'turn' kiya hai, usmein ek sadmaa to mujhe huya naheen hai, ki
mujhe 'singing' mein to koi 'insecurity' thi hi naheen

MS: bilkul

SS: aur hai bhi naheen. iska matlab yeh hai ki dono 'similar' hai
mere liye aur mere is kaam se, doosre jo 'music composer' hain, jinke
liye main gaana gaata hoon, is baat se bhi Khush hain ki 'jo ham
chaahte the, woh tum kar rahe ho'.

MS: aur aur fan aap ka dekhne ko milaa logon ko

SS: jee, 'actually, there is no insecurity also'

MS: bilkul, aur Black & White ke gaano ki kaafi charchaa ho rahi hai
in dino. aap bataaiye ki kaun sa gaana aap ko bahut pasand hai aur
kis gaane ki aap charcha karna chaahenge.

SS: ismein bahut 'treatment' diya gaya hai gaano ko. Black & White ka
jo sangeet hai, ek tarah se, film ka jo 'screenplay' hota hai, us
tarah se hai, aur ismein "jogi aaya" gaana mujhe bahut pasand
hai. 'its like a divine'

MS: jee jee

SS: 'divine feel' hai ismein. "jogi" shabd apne aap mein
bahut 'innocent and divine' hai.

MS: iski 'recording' se juDee koi Khaas baat bataana chaahenge?

SS: main jab yeh gaana gaa raha tha, Subhash Ghai-ji wahaan baiThe
huye the, un logon ne jab mujhe gaana 'play' karne ko bolaa,
ham 'composer' 'director' ke saamne gaana 'play' karte hain,
jo 'situation' hamein bataaee jaati hai, jaise hi main gaake haTaa to
bole ki 'mujhe "ramtaa jogi" ke din yaad aa gaye, jab tumne "ramtaa
jogi" gaaya tha tab maine 'notice' kiya tha ki tumne 26 baar "jogi"
shabd ko alag alag tareeke se 'improvise' karke gaaya tha, 'I was
very impressed and that time I took the decision' ki 'he can compose
music as well'.

MS: kya baat hai!

SS: 'aaj to tum gaana gaa rahe ho "jogi aaya", aaj bhi tum wohi cheez
kar rahe ho'.

MS: "ramtaa jogi" jo gaana itna 'hit' huya tha, gali gali mohalle
mohalle logon ne gaaya tha, gungunaaya tha, ghar mein chhoTe baDe
buzurG, sabhi ne gaaya tha, aur yeh "jogi" waala jo gaana hai, to kya
aap dono ko gaake iski antar ko bataayenge hamein thoDaa saa?

SS: jaise ki Ramta Jogi jo tha, uska naam tha Rehmat, Punjabi mein
laa-pyaar se Rehmat ko Ramta bolte hain. 'He was in love with
Jamaalo'. ek gaana maine bahut saal pehle banaaya tha, "tutak tutak
tutiyaan he jamaalo", 'he was in love with Jamaalo', par unkaa pyaar
jo tha bahut 'divine level' pe tha, bahut roohaani tha, to uske liye
jo Rehmat, jisko Ramta bolte hain, uski jo deewaangee thi usko
hamne 'natural way' mein Dhaalne ki koshish kee. ab shabd
aaya "jogi", kyunki Ramta jogi bhi tha, ismein aisa lagta hai ki
jaise koi sant fakeer...

MS: sufiyaana

SS: haan, chehre pe noor hai, aur usko 'welcome' kiya jaa raha hai,
woh 'feel' jo hai, 'theme' hai, (sings) "jogi aaya jogi aaya jogi
aaya re....."

-----------------------------------------
Song: jogi aaya jogi aaya (Black & White)
-----------------------------------------

MS: phir Taal mein "main prem da pyaala pee aaya", aur yeh gaana
mujhe bhi bahut pasand hai, saare gaane bahut pasand hai, lekin yeh
gaana aap se yahaan sune baGair aage naheen baDhoongi (laughs)

SS: bahut achchha hai, 'its written by Anand Bakshi saahab'.

MS: kis tarah huyi thi is gaane ki 'recording'?

SS: woh mujhe chheD rahe the ki 'tum ramtaa jogi ho', yaani ramta
jogi ka 'pattern' tha ki kab aayegaa, aayega to kuchh leke aayegaa,
to jaayega to yeh kab jaayegaa, jaayegaa to phir kab aayegaa, to do
ek maheene tak dono mujhe chheDte the, Rahman bhi aur Subhash-ji bhi.
to phir maine kahaa ki 'lets make a song on ramta jogi', to yeh gaana
ban gaya.

-----------------------------
Song: main ramtaa jogi (Taal)
-----------------------------

MS: Halla Bol aur Black & White ka hamne zikr kiya. hamaare shrotaaon
ko yeh bataaiye ki aur kaun kaun se filmon mein aap ne 'music' diya
hai.

SS: filhaal main, iske alaawa, jaise ki hamne pehle bhi is baat ka
zikr kiya tha ki 'singing' ke alaawa 'music direction together',
Halla Bol ke baad jab Black & White ka 'music composition' kiya, iske
baad ab main apne 'favourite music directors' ke liye, unke liye main
gaane mein 'busy' hoon, jo 'opportunity' mujhe mili rahi hai 'like'
Vishal Shekhar, Saleem Suleiman, Vishaal Bharadwaj, Rahman...

MS: kaun kaun si filmen aanewaali hain aapki? bataaiye, uske baad ham
aap ke gaano ki aur charcha karenge.

SS: yeh Tashan hai jismein Vishal Shekhar ka 'music' hai, Rahman hai
jinka Yuvraj film hai

MS: Tashan ki baat ham karenge, Tashan ka koi gaana hai jo aap ko
bahut pasand hai, jiski baat aap karna chaahen?

SS: iska 'music' bahut achchha hai, bahut 'stylish', 'actually' inkaa
Vishal Shekhar ka 'picture' hai, 'very stylish', kahin pe
koi 'competition' naheen hoti, bahut 'neat and clean' kaam karte
hain, 'it has very good music'.

MS: gungunaake bataana chaahenge?

SS: 'definitely', (sings) "main chalaa main chalaa is gali us gali..."

------------------------------------------------------
Song: main chalaa main chalaa is gali us gali (Tashan)
------------------------------------------------------

MS: "chhaiyya chhaiyya" se lekar "dard-e-disco" tak aap ne lagaataar
bahut saari 'hit' filmen dee hain, aur Shahrukh ke liye gaaye. to
Shahrukh Khan ke liye gaana aap ke liye kaisa 'experience' raha hai?

SS: main gaaya to apne liye tha par le gaya Shahrukh Khan (MS
laughs). unmein yeh bhi 'quality' hai.

MS: aap ki aawaaz waise sab pe 'match' karti hai.

SS: kisi bhi 'playback singer' ki aawaaz sab pe 'match' karni hi
chaahiye. aur agar ham yeh sochke gaayenge ki ham kisi 'particular
artiste' ke liye gaa rahe hain, to hamaara jo 'improvisation' hai woh
ruk jaayegaa. woh aap ko itminaan se, bahut 'natural way'
mein 'perform' karna paDegaa 'as a singer, as a playback singer', aap
ka 'concentration' 'poetry' aur 'composition' pe hona chaahiye. agar
aap jaake yeh poochhenge ki 'ismein kaun 'artiste' hain, kitni baDi
film hai', to usmein aap ka 'time waste' hogaa. 'Listen to the poetry
first, poetry is the introduction of the person', jaise ham kisi
shaKhs se jab milte hain, 'shake hands' yaa namaste karte hain to
unke chehre ki taraf dekhte hain, jise kehte hain chehra, sangeet
mein ise kehte hain mukhDaa. to pehle mukh ko dekhen, mukh hotaa hai
gaane ki 'poetry', sirf usi ke baare mein poochhiye, yeh naheen ki
kaun log hai. baad mein aap yeh kariye. phir
uski 'personality', 'personality' yaani 'composition', chehre ko
jo 'presentable' kiya hai woh hai 'composition', uski taraf dhyaan
den, phir aap aaraam se gaayen. to maine to yahi sochke, yeh sab jo
bataa raha hoon, aise hi gaaya tha.

MS: kis tarah ki tayyaari hoti hai, aur baDi raaz ki baat aap ne
bataa Daali, aur ab aage bahne se pehle aap ki pasand ka koi gaana ho
jaaye?

SS: 'definitely'

-------------------------------------
Song: chal chhaiyya chhaiyya (Dil Se)
-------------------------------------

MS: Chak De India 2007 ke 'latest hit' mein shumaar hai, aur ek tarah
se 'cult song' ban gaya hai, iske baare mein aap kya kahenge?
iski 'recording' se juDee koi Khaas baat bataana chaahte hain?

SS: bahut achchha. yeh jo Chak De India film ki soch hai, itni
achchhi, itni swasth, aur itni 'creative' hai ki jaise ham kehte hain
ki ham kabhi kabhi ham kisi ke liye ek bahut hi pyaara shabd hai
ki "shat shat praNaam", is film ke baare mein jisne sochaa, unko mera
shat shat praNaam, meri taraf se, aur bhaarat varsh ki har khilaaDi
ki taraf se.

MS: kya baat hai! Vividh Bharati ke shrotaaon ke taraf se aur ham sab
ki taraf se bhi shat shat praNaam

SS: to yeh baDi achchhi soch hai aur bas mujhe ek gaane ke liye
bulaaya gaya, to maine sunaa, 'poetry' ko paDhaa, kuchh naya
lagaa, 'composition' bahut achchhi banaaee Saleem Suleiman ne, maine
gaaya, haan, koi log naheen the wahaan pe jo waah waah waah kare, ek
bahut 'sensible' tareeke se kaam ho raha tha. 'I came back and' maine
apne kisi 'friend' ko bolaa ki 'mujhe kuchh 'documentaries'
chaahiye 'hockey' ki'. to ham logon ne Bhopal se, Delhi, Chandigarh,
jahaan jahaan main apna haath pair maar sakta tha, 'and I collected
within one and half day', main poora shaam se leke raat 3:30 baje tak
dekhta raha, woh peeDaa mehsoos kee maine jo 'on ground' hoti thi,
woh 'moment' bhi dekhee hai ki jis waqt 'doubt' ke binaa pe
kisi 'player' ko 'ground' se nikaal denaa jab ki 'foul' naheen tha.
ek woh 'moment' bhi dekhaa ki kis taraf se 'attacking mood' mein
jaate hain, aur woh muskuraahaT bhi dekhee, woh Gham bhi dekhaa, to
uske baad mein, gaana main gaa chukaa tha, 'then I called these
people again that said that I want to come again and sing the song
again'. to 'they were surprised' ki 'something wrong?' 'I
said, "no"', mera dil keh raha hai, to zara sa ek 'expression change'
huya tha, woh sab 'study' se jo maine kee thi.

MS: to is film ka koi gaana sunwaana chaahenge?

SS: zaroor, (sings) "kuchh kariye kuchh kariye....."

--------------------------------------------------------------
Song: kuchh kariye... chak de ho chak de India (Chak De India)
--------------------------------------------------------------

MS: Sukhwindara-ji, Omkara mein aap ne do shaandaar gaane gaaye.
pehla 'title song', doosra "beeDee". to Vishaal Bharadwaj aur Gulzar
saahab, dono se aap ka gehra naata hai. to hamein pehle Vishaal-ji ke
baare mein bataaiye. kis tarah ki aap ki dosti hai, kis tarah se unke
saath kaam karte hain, yaa koi yaadgaar baat bataaiye.

SS: Vishaal Bhardwaj un logon mein se hain jinke liye ham kehte
hain 'waah', 'and very real', bahut achchhe, bahut 'natural', matlab
main unka kisi ke saath 'comparison' naheen kar saktaa. 'but' jo
ek 'era' tha na 40 se 80 ke beech mein, 'composers' ke, yeh unke
jaise hain. jab Madan Mohan saahab the, aur kitne log, is shaKhas ko
un logon ka aashirvaad hai, aisaa 'composer' hain. 'poetry' jo Gulzar
saahab ki hai, woh to gul-e-gulzaar hai, (MS laughs).

MS: 'recording' ke dauraan koi Khaas baat huyi? jab inkaa koi daKhal,
kis tarah ki tayyaari, aur aap se kis tarah ki 'tuning' rahi, yeh
hamein bataaiye.

SS: jab ham kisi 'guest' ko apne ghar pe bulaate hain to khaana ham
apne tareeke se banaate hain

MS: bilkul

SS: lekin ham usko yeh naheen keh sakte ki khaao bhi hamaare tareeke
se. woh apne tareeke se khaaygaa. to yehi inka 'pattern' hai ki 'this
is the song', ham logon ne yeh banaaya hai, ab aap apne aas
paas 'concept' ko na 'change' karte huye apne tareeke se koi 'input'
denaa chaahte hain to 'you are most welcome'. agar har kisi ko naheen
kehte the to kisi kisi ko kehte the. is tarah se jab aap
ko 'platform' milta hai, is tarah ka aap ko koi 'authorized' karta
hai, ek waise aap Khush ho jaayenge ki chalo agar kuchh zahan mein
aaya to uske liye aap 'authorized' ho ki aap kuchh kar sakte ho.
khaana aapko wohi hai jo unhone banaaya hai, lekin khaana aap
chammach se khaayenge ki haath se, yeh aap ke upar hai.

MS: aap ke liye itni chhooT hoti hai

SS: chhooT hoti hai

MS: to Omkara ka koi gaana to sunna zaroori hai kyunki woh ek meel ka
patthar jaisa raha hai aur logon ko bahut pasand hai

SS: mujhe bhi bahut pasand hai yeh gaana, 'so definitely',
(sings) "dham dham dhaDam dhaDaiya re sabse baDe laDaiya re
omkaara..."

------------------------------
Song: omkaara omkaara (Omkara)
------------------------------

MS: Sukhwindara-ji, Gulzar saahab ke liye "chhaiyya chhaiyya",
Paheli, Just Married, aur bhi filmen hain. to un filmon ke gaano ka
zikr aap kariye.

SS: Gulzar saahab bahut 'innocent person', bahut 'humble', aur woh
libaas bhi jo rakhte hain, unki 'presence' jo hai, jis waqt woh aate
hain mehfil mein, to lagta hai ki jaise ek bahut hia chchha saa
vaataavaran ban jaata hai. bahut baDhiyaa. to unke saath jo gaaye
huye gaane hain, 'poetry is very different', apnepan ko ujaagar karti
hain, aur woh 'help' karti hai ham logon ko jis waqt ham gaate
hain, 'poetry' help karti hai.

MS: to un gaano ki baarikiyon ke baare mein hamein bataaiye, in
geeton mein kis tarah ki baarikiyaan aap ne apni taraf se Daalee?

SS: jaise dekhiye, "na to chakkuya ki dhaar.... maare ke daant ka
nisaan chhoD de, yeh kaTaai to koi bhi kisaan chhoD de", waah, to
dekhiye ki unhone yeh kiya to baDe 'natural way' se lekin woh
sab 'item songs' ke liye yeh bahut baDaa taana hai, tareeka yeh hota
hai jise 'item song' kehte hain, yeh naheen ki behudaa shab 'use'
kiya jaaye. yeh tareeka hai ki jismein shaayri bhi hai, aur
deewaangee bhi hai aur ek woh desipan bhi hai. to woh mujhe abhi tak
yaad hai ki jab Vishaal-ji ne bola ki 'aap shuru karen', to maine
bolaa ki 'main is 'line' se shuru karoonga', gaana is 'line' se shuru
naheen hota hai

MS: jee jee

SS: 'they understood' ki yeh 'line' isko aTak gayi hai

MS: to in gaano ko thoDaa thoDaa gungunaana chaahenge aap?

SS: thoDaa thoDaa gungunaane se to kuchh naheen hotaa, poora poora
gungunaayunga (MS laughs), (sings) "o na to chakkuya ki dhaar..."

--------------------------------------------
Song: beeDee jalaile jigar se piyaa (Omkara)
--------------------------------------------

MS: Gulzar saahab ke liye jab aap gaate hain to unke liye aapki koi
alag tareeke ki tayyaari hoti hai, yaa phir jo jaisa rehta hai aap
waisa gaa dete hain, koi aapki apni or se tayyaari hoti hai?

SS: balki yeh ki jab Gulzar saahab jab yeh dekhte hain ki Sukhwindara
ko unka gaana gaana hai to woh tayyaari karke aate hain, woh mere
liye ras leke aate hain, ras jo ham log bachpan mein Punjab mein
peete the, woh kahaan se laate hain mujhe pataa naheen

MS: achchha woh khaanewaala ras?

SS: haan-ji

MS: arey, main soch rahi thi 'music' ka ras, kya baat hai (laughs)

SS: unko pataa hai ki jab tak woh yeh tayyaari naheen karke aayenge
to na to main gaayunga, naa hansoonga

MS: ham logon ko pataa hotaa to ham log bhi leke aate (laughs)

SS: Khaas tarah ki tayyaari agar karenge to aam hone ke 'chances' ho
jaate hain, aam taur par jaisa karte hain waisa karne ki koshish
karenge to Khaas ho jaata hai.

---------------------------------------------------
Song: kaisi kaisi raam milaaye joDee (Just Married)
---------------------------------------------------

MS: Gulzar-ji ke liye ek aur gaana tha Bunty Aur Bubly, woh bhi
bahut 'popular' huya, woh bilkul alag tarah ka gaana tha, aap kuchh
apni taraf se bataayenge?

SS: haan, bahut achchha, usmein bhi unhone, "laTToo ghoomaike Thengaa
dikhaaike, looT lenge duniya ko...", 'very good', maine bahut sahee
shabd kahaa unke liye, gul-e-gulzaar, (sings) "laTToo ghomaike
chakkar chalaaike looT lenge duniya ko Thengaa dikhaaike...."

---------------------------------------
Song: Bunty aur Bubly (Bunty Aur Bubly)
---------------------------------------

TO BE CONTD...