NOTE: As I could not listen to this programme for the
entire duration, so I have modified it to some extent
by myself.


Hamare aaj ke sargam ke sitaare hain suvikhyaat
sangeetkaar evam gaayak Sachin Deb Burman. Peechhle
hafte aap sun rahe the is karyakram ka pehla bhaag,
aaj suniye iska doosra aur antim bhaag.

Song: Hum hain prem ke pujaari (Prem Pujaari)

Sachin Deb Burman ke gaane jahaan ek or shastriya, lok
and paashchatya sangeet ka sangam huya karta hai,
wahin doosri or unke gaanon mein ek masoomiyat hoti
hai to kabhi jaise kisi bachche ki shararat. Aisa hi
ek geet suniye Geeta Dutt ki awaaz mein.

Song: Jaane kya maine kahi (Pyaasa)

Agar Sachin Deb Burman ke pehle guru unke pita Navdeep
Chandra Deb Burman the, to Rahul Deb Burman ke pehle
guru the unke pita Sachin Deb Burman, jinke saath
assistant ke roop mein unhone kai saalon tak kaam
kiya.

RDB speaks: Woh hamesha yahi kehte the ki ek achchha
sangeetkaar banna chahte ho to apni mitti ki sangeet
ko samjho, yaani apne lok sangeet ko jaano, Iske liye
gaaon mein jaakar wahaan ke sangeet ko sunna aur
samajhna bahut zaroori hai.

Song: Junli raat ma (Talash)

RDB speaks: Woh kabhi meri taarif naheen karte the.
Main kitna bhi achchha dhun kyun na banaayun, woh yahi
kehte ki isse bhi achchha ban sakta tha, aur koshish
karo. Ek baar woh morning walk se waapas aakar behad
khushi ke saath mujhe yeh bataya ki ab tak jab bhi we
walk ke liye nikalta the, log kehte the ki "dekho S D
Burman jaa rahe hain", par aaj wohi logon ne kahaa ki
"dekho R D Burman ke pita jaa rahe hai". Unko is baat
se behad khushi mili thee.

Song: Roop tera mastana (Aradhana)

Sachin Deb Burman par aadharit yeh karyakram adhoori
hi rahe jayegi agar hum film Guide ki baat na karen. R
K Narayan ki upanyaas par aadharit is film ki kahani,
script, aur abhinay jitni taarif-e-qaabil hai, utni ki
taarif-e-qaabil hai is film ka sangeet.

Song: Wahaan kaun hai tera (Guide)

Aur aayiye ab sunte hain S D Burman ke sangeetbaddh
kiye tamaam sureele geeton mein se kuch sumadhur geet:

Song: Faili huyi hai sapnon ki baahen (House No 44)
Song: Yeh kisne geet chheda (Meri Surat Teri Aankhen)
Song: Thandi hawayen lehra ke aaye (Naujawaan)
Song: Yeh raat yeh chaandni phir kahaan (Jaal)
Song: Soja nindiya ki bela hai (Nau Do Gyarah)
Song: Main sitaaron ka tarana (Chalti Ka Naam Gaadi)
Song: Yeh dil na hota bechara (Solva Saal)
Song: Pavan deewani (Dr Vidya)
Song: Ek ghar banayunga (Tere Ghar Ke Saamne)
Song: Teri bindiya re (Abhimaan)
Song: Arye yaar meri tum bhi ho gazab (Teen Deviyan)
Song: Aaj madhosh huya jaaye re (Sharmilee)
Song: Jaanu jaanu ri kaahe (Insaan jaag utha)

Aaj Burman dada hamare beech naheen hain, par unhone
jo geet hamein dekar gaye hain woh hamesha gungunaaye
jaate rahenge. Film sangeet ke jagat mein woh ek ujwal
sitaara hai aur film sangeet ke itihaas mein unka naam
swarnaksharon mein likha rahega.

Song: O jaanewale ho sake to laut ke aana (Bandini)

THE END.



__________________________________
Do you Yahoo!?
Check out the new Yahoo! Front Page.
www.yahoo.com