Pancham speaks about his initial days and lots more...

Download from Files/Audio Files/VB's Golden Jubilee Celebrations.

Happy listening!!!

Sujoy

SARGAM KE SITAARE - INTERVIEW OF MUSIC DIRECTOR PRITAM
------------------------------------------------------

Part 1-2

PR: Pritam
MS: Mamta Singh


PR: to jab woh Dhoom kar rahe the to 'obviously he wanted me to do
the film'. aur main ek baat kahoonga ki itna jo mera 'music hit' huya
hai, yeh huya, uske peechhe Sanjay Gadhvi 'will be one of the main
reasons'. woh hamko DhoonD ke nikaale, ek 'support' kiya, uske baad
Aditya Chopra, 'after we came to Yash Raj with Mere Yaar Ki Shaadi
Hai', Aditya ne hamko bahut 'support' kiya, unke film mein kaam karne
ka mauka diya. uske baad Dhoom, 'I dont think' mere 'career' mein na
to itna baDaa 'hit' dekhaa hoon, aur 'after' Dhoom mere ko lagta
naheen itna baDaa 'hit' huya hai, kabhi "kajraa re kajraa re"
aur "jhalak dikhlaa jaa", yeh sab 'hit' huye hain lekin "dhoom" ka jo
ek 'reach' tha, woh ek 'urban city' se chaaloo
karke, 'internationally', aur gaaon mein, to woh jo ek 'reach' tha 'I
dont think' koi aur gaana abhi tak pahunchaa hai.

MS: chhoTe bachchon se lekar booDhe logon tak pasand kiya

PR: haan woh ek 'universality' tha usmein

MS: aur ek naye andaaz ka tha sangeet Dhoom ka. to ek tarah se nayi
paramparaa shuru huyi, kyunki uske baad bahut se 'music directors' ne
is tarah ke gaane banaaye. aap ka koi Khaas yaa vishesh 'thought' tha
uske peechhe, is geet ke peechhe koi vishesh tayyaari thi?

PR: "dhoom" ke peechhe, jab banaa rahe the "dhoom" to itna
baDaa 'hit' to maine sochaa naheen tha, gaana 'record' hone ke baad,
gaana jab Sanjay Gadhvi ne sunaa, tab se woh bol rahe the ki 'yeh
bahut baDaa gaana hai, 'you have no idea'', aur gaana  'record' hone
ke baad Adi bhi 'constantly' bol rahe the 'yeh to bahut baDaa gaana
hai'. mujhe to lag naheen raha tha, woh sab bol rahe the, gaaan kitna
baDaa ho sakta hai, unkaa 'judgement' tha jo unhone sunaa tha, maine
banaaya tha isliye mere ko, mera to har gaane ke saath alag
alag 'attachment' hota hai mera, to woh alag se 'attachment' tha, 'I
like "dilbaraa" also', kyunki, maine aap ko bolaa ki mujhe 'romantic'
gaane zyaada pasand hai. to 'I used to like "dilbaraa".

MS: woh bhi kaafi 'popular' huya

--------------------------------------------
Song: dilbaraa apun ki tu apun teraa (Dhoom)
--------------------------------------------

PR: aur "dhoom" ka jo ek 'popularity' un logon ne 'sense' kiya, woh
main utnaa naheen kar paaya. mere aas paas ek cheez tha, woh "dhoom"
mein maine dekhaa, aur filhaal "hare raam hare krishnaa" mein maine
dekhaa ki gaana 'release' hone se pehle koi bhi gaana suntaa tha to
kehta tha ki 'yeh to 'superhit' gaana hai. baaki gaane mein 50-
50 'opinion' rehta hai. kuchh kuchh 'achchha gaana hai' bolte hain,
koi 'superhit' gaana bolte hain, usmein kuchh gaana 'hit' ho jaata
hai, kuchh gaana 'superhit' ho jaata hai, kuchh 'picturization' ki
wajah se 'hit' hi naheen hota hai. 'but' yeh jo do gaane hain, pehle
din se hi, jab se 'recordeing' huya hai, koi bhi sunta tha to bolta
tha ki 'tyeh to superhit gaana hai'. aur "hare raam hare krishna"
mein Akshay ka jo haath ka 'movements' tha woh bahut 'popular' huya
uske saath saath.

MS: logon ne usko 'copy' karne ki bhi koshish kee

PR: main bhi aajkal idhar udhar jaake woh 'movements' karta hoon
kyunki ek 'nature' ban gaya hai gaane ke saath, 'in fact' mera
ek 'show' hai bachchon ka Chhote Ustaad...

MS: jee haan, ham dekh rahe hain, aap chhaaye huye hain us 'show' mein

PR: to usmein bhi kabhi kabhi haath aise karke bolta hoon
ki 'kya 'marks' diya jaaye'.

MS: bachche bhi karte honge

PR: haan, bachche bhi karte hain, agar Chhote Ustaad ke bachchon se
kuchh kahaa jaaye, to woh haath aise karke bolte hain ki 'achchha
sochte hain'. to 'music' ko bahut 'popular' kar diya hai Akshay ne.

MS: to bachchon ke saath hilmil kar yeh 'show' karne mein kaisa lag
raha hai?

PR: bahut yeh ek alag saa, pehle yeh tha ki 'show' ka jo 'judgement'
hai, pehle bhi mujhe 'offers' aaye lekin maine itna 'seriously'
naheen liya kyunki pehle lagta tha ki yeh 'audience votes' ki wajah
se wahaan baiThe 'judges' kuchh naheen kar sakte. kuchh bhumikaa hi
naheen hai, jaise ki 'puppets' hain. aap 'mike' leke phenk sakte
ho, 'you can shout', lekin usse zyaada kuchh kar naheen sakte. lekin
yeh jo Chhote Ustaad ka jo 'pattern' hai, usmein 'judges' ki bhi
bhumikaa hai, woh kisi ko baahar nikaalna, jab woh 'out' ho rahe
hain, usko phir andar laa sakte hain aur ek 'last four candidates'
hain jo 'weakest' hain, unmein se ek ko baahar phenk ke baaki teen ko
andar laa sakte hain.

MS: aap logon ki wajah se in bachchon ko jo 'guidance' mil raha hai,
unse aap jo baaten kehte hain, woh unke liye kaafi preraNaadaayi hoti
hain.

PR: bahut 'important' hota hai, kyunki bachchon ko, 'handle with
care' jo kehte hain, ham log jab kabhi 'flight' mein 'travel' karte
hain to koi bhi jo 'breakable' cheez hota hai uspar 'fragile' likh
kar dete hain, bachche log bhi waise hi 'fragile'
hain 'completely', 'really handle them with care otherwise they break
down very easily and'

MS: 'depressed' ho jate hain

PR: haan, 'depressed' ho jaate hain, 'they take it to heart very
easily'. aur ek cheez hai ki jo 'advantage' hai bachche logon ka ki
is umra mein aap ki jo Galatiyaan hain unhe aap 'correct' kar sakte
ho, baad mein woh jab baDe ho jaate hain tab unhe 'correct' karna
bahut mushkil ho jaata hai. abhi is umar mein unhe 'guide' karna
bahut aasaan hota hai ki kya galat hai, isko aisa karna chaahiye,
isko waisa karna chaahiye.

MS: achchha Pritam, ab phir se aap ke gaano ki or lauT-te hain,
kyunki aapke 'music' ke bahut saare chaahnewaale hain, ek dhoom ki
baat chal rahi thi to ham woh dhoom machaata huya gaana sun len?

PR: jee zaroor

-----------------------------------
Song: dhoom machaa le dhoom (Dhoom)
-----------------------------------

MS: Dhoom ke is gaane ke baad ham yeh jaanna chaahte hain ki ek gaana
Dhoom mein hi aap ne Tata Young se gawaaya tha. to kaise unhe raazi
kiya tha?

PR: 'actually' yeh jo Tata Young hain, unhe maine naheen balki Aditya
Chopra ne sab 'arrange' kiya tha aur hamko bolaa ki iska ek 'English
version' banaate hain, us 'time' unkaa bhi ek 'album release' huya
tha. main bahut Khsuh huya ki yeh Bangkok se aayenge, to maine jo
gaana tha usko maine Hindi se English banaaya aur uska 'format'
thoDaa alag kiya. hamaara jo mukhDaa antaraa, Hindi gaane ke andar
jo 'format' hota hai waisa naheen rakhaa, balki 'English format' jo
hotaa hai 'verse one, verse two' aur 'bridge', aisa rakha tha. to woh
aaye aur bahut 'excited' the, naach rahe the, lekin ek 'problem'
tha. 'English language' mein "dha" naheen hotaa hai. to woh jab gaana
gaa rahe the to "Doom machaa le Doom machaa le" gaa rahe the. to main
thoDaa, achchha lag raha tha mujhko, lekin main us 'time' Adi
ko 'call' karke bolaa ki yeh to mushkil hai. maine bahut 'try' kiya
ki woh "dhoom" bole , lekin main jitnaa "dha" boltaa hoon woh utna
hi "Da" bolte hain. phir Aditya Chopra ne mujhse kahaa ki 'See how
its sounding'. maine bolaa ki 'its spunding vety good, bahut alag lag
raha hai, matlab, aisa naheen ki kharaab lag raha hai, yeh alag lag
raha hai'. us 'time' maine Sunidhi Chauhan ko "dhoom machaa
le" 'accent' ke saath gaane ke liye bolaa tha, (sings) "dhoom machaa
le dhoom machaa le dhoom".

MS: gaaya bhi tha unhone aise hi

PR: unko maine bola tha aise gaane ke liye, to usmein kya hota hai
ki "dhoom machaa le" puraana 'word' hai, kaafi gaano mein, Yashji ke
hi "mach gayi dhoom", woh jo puraanapan hai woh na lage, isliye
thoDaa 'accent' se gawaaya tha. 'accent' se kya hota hai ki, jaise
(sings) "mohabbat hai mirchi", 'accent' se puraana Hindi 'word' kya
hota hai ki gaane mein naya lagta hai. aur woh 'hit' ho gaya. unka jo
(sings) "Doom Doom come on light my fire...", "Da" alag lagta hai,
naya lagta hai.

---------------------------------------------
Song: Doom Doom come on light my fire (Dhoom)
---------------------------------------------

MS: achchha, ab aate hain Dhoom II par. Dhoom II ka sangeet bhi aap
ke liye baDi chunauti thi. logon ko 'crazy' karne ke liye aap ne kaun
sa jaadoo chalaaya tha?

PR: Dhoom II ka bahut hi 'pressure' tha, kyunki Dhoom I ka
jitna 'success' tha, Dhoom II ke liye sab log 'wait' kar rahe the.
aur "crazy kiya re" mere ko maaloom tha 'hit' hogaa kyunki us 'time'
hi ham logon ko pataa chal gaya tha. ha logon ne baut din
pehle 'recording' keeye the is gaane ka. to DeDh, naheen paune do
saal baad gaana 'release' huya, phir bhi, uske baad bhi gaana 'hit'
huya. 'I think Aishwarya was looking very god in that song. The way
she performed the song'. abhi aap agar Dhoom ki baat karenge
to 'music plays a very very important part'. lekin Dhoom II mein
Hrithik Roshan...

MS: zyaada 'important' (laughs)

PR: agar aap Dhoom II ke baare mein sochenge to aap ko pehle 'actors'
ka yaad aayegaa, woh yaad aayegaa, jab ki Dhoom mein gaane pehle aap
ko yaad aayenge.

MS: aap itni baarikiyon se bataa rahe hain, hamein bahut achchha lag
raha hai. achchha yeh bataaiye ki Dhoom II ka kaun sa gaana aap ko
behad pasand hai?

PR: "'crazy' kiya re" 'I think is the best song'.

MS: sunte hain yeh gaana.

--------------------------------
Song: 'crazy' kiya re (Dhoom II)
--------------------------------

MS: Gangster mein aap ne Zubin Garg ko 'introduce' kiya tha. aur aage
chalkar kaafi mashoor huye Zubin. to kahaan mile the aap ko woh?

PR: Zubin ko pehle se main jaanta tha, Assam mein woh bahut baDe
gaayak hai, bahut gaane gaata hai Assam mein, par Gangster ke liye
maine Zubin ko bulaaya tha "tu hi meri shab hai" gaane ke liye aur
us 'time' "yaa ali" main Khud gaane waala tha. 'in fact' meri 'voice'
mein woh gaana 'approve' bhi ho gaya tha, Mukesh-ji, Imran, lekin
Zubin aaya, ek 'line' gaaya to mujhe lagaa ki uski aawaaz mein gaane
ka jaadoo kuchh aur lag raha hai. maine bolaa 'tu hi yeh gaana gaa
le'. usne bhi bolaa ki 'main yeh gaana bahut achchha gaa sakta hoon',
bahut 'confidently' bolaa woh (both laughs). maine kuchh aur gaane ke
liye bulaaya tha usko. to raat ko 3 baje usne gaana gaana chaaloo
kiya aur 1/1.5 ghanTe mein khatam kar diya, aur usne jab gaaya to
maine bolaa ki main khud ka naheen rakhta hoon, yeh gaana bahut baDaa
honewaala hai.

------------------------------------
Song: yaa aali rahem aali (Gangster)
------------------------------------

MS: ek jo 'judgement' hai 'new voices' ka, aap dekhenge do saal mein
to kaafi saare 'new voices introduce' kiya hoon jaise ek to Zubin
hai, James hai Bangladesh ka, uske saath saath Abhishek, 'then'
Soham, Suhail, "in dino dil mera" mein Soham.

----------------------------------------
Song: in dino dil mera (Life in a Metro)
----------------------------------------

PR: phir Suhail Metro mein, phir Mohit Chauhan jo hain Silk Route
mein, unko Jab We Met Mein, idhar udhar se pakaD ke laake gawaata
hoon main sab ko, Neeraj Bombay Vikings mein tha woh, khud ke gaane
gaate the, lekin usko maine sunaa to Bhaagambhaag mein jo 'title
song' hai usmein usko gawaaya, uske baad aur bhi gaana gawaaya, uske
baad "hare raam hare krishna" hit ho gaya. yeh naya 'voices' ka
ek 'knack' hai mera, 'in fact' Amit Kumar ko maine 'reintroduce' kiya
hai Apna Sapna Money Money mein, "dil mein baji 'guitar'" mein. yeh
gaana banaane ke baad mujhe lagaa ki Amit Kumar hi sabse achchhe
lagenge.

MS: lekin kaise yeh achaanak aap ne Amit Kumar ka naam liya? matlab,
koi Khaas wajah thi?

PR: naheen, koi gaana banaane ke baad, ek 'voice' aap ke 'mind' mein
bajtaa hai, woh kiskaa 'voice' hai, woh 'important' hai usko DhoonD
ke nikaalna, main aap ko bol raha hoon Mohit Chauhan ko maine Main,
Meri Patni Aur Woh ek film tha Rajpal Yadav ka, usmein ek gaana gaaya
tha Mohit Chauhan ne "gunchaa" karke, mere ko maaloom bhi naheen tha
kisne gaaya, lekin 'movie' dekhte waqt mujhe woh gaana bahut pasand
aaya tha. aur phir maine DhoonD ke nikaala ki woh Mohit Chauhan hai.
to uske baad mere 'mind' mein tha ki Mohit Chauhan mera gaana
gaayega, lekin kaun sa gaana mujhe maaloom naheen. Jab We Met
ke 'time' jab "naa khonaa paana" banaaya, tab maine Imtiyaz ko bolaa
ki 'yeh to Mohit Chauhan ka gaana hai'.

-------------------------------------------------------
Song: naa hai yeh paana naa khonaa bhi hai (Jab We Met)
-------------------------------------------------------

PR: to Mohit Chauhan ke liye ham logon ne 1.5 maheena 'wait' keeye.

MS: achchha!

PR: matlab, Mohit ka 'number off' thaa, woh Mumbai mein hi rehta hai,
lekin Delhi ka hai, 'number off' karke rakha tha, kya 'reason' hai
kuchh maaloom naheen. itna SMS kar raha hoon, 'call' kar raha hoon,
kisi ko naheen mil raha hai Mohit Chauhan ka 'number'. Imtiyaz ka koi
dost, Mohit Chauhan ka ghar usko maaloom hai Delhi mein, woh uske
ghar pe jaake usko DhoonD ke nikaala. aisa 'similarly' "bheegi
bheegi" ke liye James hai Bangladesh ka, Dhaka mein Anuraag ka ek
dost, James ke ghar pe jaake hamko 'call' kiya. to kisi ko agar
chaahiye koi gaana, koi gaana banne ke 'time' mein na ek aata hai
dimaag mein ki yeh gaa raha hai yeh gaana.

----------------------------------------------------------
Song: bheegi bheegi si hai raaten bheegi bheegi (Gangster)
----------------------------------------------------------

END OF PART 1-2

PART 4
------

PJ: Dr Prakash Joshi
KS: Kamal Sharma
NM: Nimmi Mishra


NM: haan, Dr saahab, yeh ek aur aap ke kamre mein main yeh 'photo'
dekh rahi hoon

KS: 'rare' hai

NM: bahut 'rare' hai, aur Kamal-ji, main dekh rahi hoon aapka dhyaan
bhi usi taraf hai.

KS: jee jee (laughs)

NM: to is 'photo' ke baare mein, yeh mehfil kab jamee aur kyaa kyaa
huya yeh hamaare sunnewaalon ko bataaiye.

PJ: mera yeh saubhaagya tha ki ek din Salil-da aur Anil-da, jab yeh
dono Bambai mein the, Anil-da the, Meena-ji theen, Salil-da, unki
Mrs, Sabita, woh bhi theen, bangaali gaane ka zikr huya, iska zikr
huya, phir 'chorus song' ka zikr huya, phir Naukri karke ek film aayi
thi

KS: Salil-da sangeet tha

PJ: Salil-da ke sangeet mein, aur usmein Kishore-da ek gaana gaate
hain

NM: aaah, "chhoTaa sa ghar hogaa"

PJ: "chhoTaa sa ghar hogaa"

KS: kyaa Khoobsoorat gaana hai!

PJ: aur us din ham sab log, Meena Kapoor, aur 'even' Salil-da, aur
hamaare sab mehmaan, jo unke chaahnewaale yahaan aaye the, un sab
ne 'chorus' mein yeh gaana gaaya tha (all laughs) ""chhoTaa sa ghar
hogaa"

NM: sunte hain yeh gaana

------------------------------------------
Song: chhoTaa sa ghar hogaa (Naukri, 1954)
------------------------------------------

NM: achchha ab Dr Prakash, ham baat karte hain C Ramchandra ke
sangeet ki.

PJ: to yahaan jab C Ramchandra-ji ka chalta hai to 3/4/5 ghanTe C
Ramchandra-ji ke gaane hi chalte hain. aur ek Rege saahab karke hain,
unko to har ek gaane ka har ek 'notation by heart' hai, Anna ka,
yaani C Ramchandra ka, 'and he was the second revolution'.

-----------------------------------------------------
Song: sholaa jo bhaDke dil mera dhaDke (Albela, 1951)
-----------------------------------------------------

PJ: 'film industry' mein paanch 'revolutionaries' maane jaate hain,
Ghulam Haider, uske baad 'number' aata hai C Ramchandra ka, yaani
jinhone sangeet ka poora moD badal diya. uske baad O P Nayyar saahab
hain, R D Burman saahab hain, aur abhi A R Rahman saahab hain.
jinhone bhi jo 'popular' sangeet tha, usko dhakka dekar apni khud
ki 'identity' banaaee

KS: bilkul

PJ: poora pravaah badal diya, jaise C Ramchandra saahab, "aana meri
jaan 'Sunday' ke 'Sunday'"

---------------------------------------------------------
Song: aana meri jaan 'Sunday' ke 'Sunday' (Shehnai, 1947)
---------------------------------------------------------

PJ: mujhe abhi bhi yaad jab Sudhir Phadke aur Lalita Phadke, Lalita
Deolkar ko hamaare yahaan 'felicitate' kiya tha, jinkaa satkaar kiya
tha, to unhone C Ramchandra-ji ke baare mein bahut si baaten bataaee.
jaisa Nadiya Ke Paar karke ek film thi, to us zamaane
mein 'recording' jab hota tha, to woh kehti hain ki C Ramchandra-ji
ko 'notations' bahut achchha yaad rehta tha, aur 'he was a quick
music director', unke jaisa 'fast music director' aur koi naheen tha.
aur woh jahaan jahaan jaate the, mele mein athvaa koi 'programme'
mein, achchhi koi lok dhun sunee yaa achchha koi TukDaa milaa to
apni 'diary' mein 'notation' turant likh ke rakhte the.

-----------------------------------------------------------------
Song: more raaja ho le chal nadiya ke paar (Nadiya Ke Paar, 1948)
-----------------------------------------------------------------

PJ: aur ek 'recording' tha jab, bataa raheen theen Lalita Deolkar-ji,
ki woh bahut 'upset' the, woh 'recording' jaisa taisa poora kiya,
lekin gaana sunne ke baad woh bilkul gumsum baiThe rahe, to Lalita-
ji 'recording' ke baad gayeen unke paas ki 'Anna, huya kyaa, aaj
itna 'upset' kyun hain, tabeeyat to Theek hai na?' yeh sab unhone
poochha to bechaare rone lage aur bataaya ki 'aaj kisi ne kisaa mera
kaaT diya'

NM: achchha, woh 'notations'

PJ: to woh bole ki 'kitne bhi 'note' mere jaate the, 1000/2000/5000
mujhe koi Gham naheen tha, meri 'notation' waali 'notebook' gayi
usmein.

KS: oh ho

PJ: kabhi bhi unhone 'tune' pehle naheen banaaee. pehle geet. woh
bolte the 'geet saamne aane se pehle mere dimaag mein kuchh aata hi
naheen'. to pehle woh geet dekhte the aur dekhte dekhte hi unke
dimaag ka 'computer' chalne lagta tha aur '5 minute' mein faTaafaT
dhun banaa dee. jaise Azad ki 'story' to aap sab ko maaloom hai. ek
hafte ke andar saare ke saare gaane bankar tayyaar ho gaye, lekin ek
se ek gaane. 'within one week he finished the whole score of Azad'.

------------------------------------------
Song: kitna haseen hai mausam (Azad, 1955)
------------------------------------------

PJ: kya kya sangeetkaar the. aur Anna-ji to hamaare

KS: 'genius'

PJ: 'genius'

KS: to usi 'genius' ka ek aur geet ham sunwaana chaahenge.

PJ: zaroor, film Yasmin ka sunaayenge aur Lata-ji ka hi sunaayenge

-------------------------------------------------
Song: mujhpe ilzaam-e-bewafaai hai (Yasmin, 1955)
-------------------------------------------------

END OF PART 4

EPISODE 4 (13/03/2008)
----------------------

SP: Sulaxana Pandit
KS: Kamal Sharma


KS: Sulaxana-ji, Vividh Bharati ke is kaaryakram mein aap ka bahut
bahut swaagat hai, namaskaar.

SP: namashkaar, shukriyaa

KS: Sulaxana-ji, pichhle 'episode' mein ham baat kar rahe the Madan
Mohan-ji ki, Madan Mohan aur unke samkaaleen sangeetkaaron ne bahut
sureela sangeet diya. us daur ke sangeet ko sunkar aap kya sochti
hain?

SP: ab aisa 'music' kab aayegaa aur main kab gaayungi aise gaane!
pehle to yehi gaano ko sunke riyaaz ho jaata tha. jis cheez ko
aap 'picturize' kar rahe hain uske aage bahut log hain, aur phir kisi
ne naGhmaa banaaya, phir woh 'camera' mein 'catch' huya, kitni saari
cheezen hain jo gaane mein lag jaati hai

KS: bilkul sahi baat hai

SP: poora gaana Theek na ho to saari cheezen bekaar ho jaati hai

KS: bikul, aur log usi 'reject' kar dete hain unko, lekin kuchh gaane
jab bahut achchhe hote hain to amar bhi ho jaate hain

SP: amar bhi ho jaate hain, 'you are right', jaise meraa "tu hi
saagar hai tu hi kinaara"

KS: Sulaxana-ji, aap ne Kishore-da ke saath Door Ka Rahi film mein ek
kaaljayee geet gaaya hai, dil ko chhoo leta hai yeh geet, "beqaraar
dil"

SP: 'oh my God'. us gaane mein Kishore-da ne mujhe bahut chiDhaaya
tha. unhone kahaa 'naheen tum "beqaraare" bologi'. maine
bolaa 'main "beqaraar" boloongi (laughs), unhone kahaa 'naheen,
tum "bekaraar" kahogi'. to main boli 'naheen, main "beqaraar"
boloongi'. to aise karte karte ham 'studio' pahunche, Film Center,
wahaan par Rekha bhi theen, Yogita Bali bhi theen, to Kishore-da to
Kishore-da, bole 'is laDki ko haTaao yahaan se, naheen to pardaa
lagaa do, bahut dekhti hai mujhe'. to is tarah se "beqaraar dil"
hamne gaaya.

-----------------------------------------------------
Song: beqaraar dil tu gaayeja - Part 1 (Door Ka Rahi)
-----------------------------------------------------

KS: yeh gaana kitni der mein 'record' huya tha?

SP: main aap ko bataayun, "beqaraar dil" sirf do baar gaaya gaya, to
Kishore-da ki maangen ki 'yeh lagaa do, pardaa lagaa do, laDkiyon ko
bhagaa do', aur main bhi khaDi huyi, main kuchh boloongi to, par
kaafi jab aisa hone lagaa to maine bolaa 'dekhiye, aap itna kyun kar
rahe hain, ham log to aise naheen'. 'tere ko maaloom chalegaa kya
hai'. phir maine gaana gaaya unke saath, aur Kishore Kumar to dhanee
hain har cheez ke, 'music director' woh hain, 'actor' woh
hain, 'writer' woh hain, 'filmmaker' woh hain, kya naheen hain woh,
har cheez se bharpoor, saraafa ek 'artiste' nazar aata hai unmein.
umar mein woh mere Pandit Jasraj-ji jaise hi the lekin...

KS: andar se bachche...

SP: andar se bachche aur baaten karna apne patton se, apne 'garden'
se, 'daily' apna ghar badalnaa, bigaaDna, kabhi jhopDi banaa dete
the, itnaa saa, 'time' zaraa bhi naheen lete the woh.

KS: (laughs) aap ne unke saath 'stage shows' bhi keeye na?

SP: hazaaron. aur itnaa mazaa bhi aaya, itna seekha bhi hai, bahut
kamaal ke hain, Kishore Kumar dobaara paida naheen huya.

-----------------------------------------------------
Song: beqaraar dil tu gaayeja - Part 2 (Door Ka Rahi)
-----------------------------------------------------

KS: Sulaxana-ji, aap ne Khayyam, Kalyanji Anandji, Ravindra Jain aur
laxmikant Pyarelal ke sangeet nirdeshan mein bhi kai rachnaayen gaayi
hain, aur is joDee ne bhi film sangeet jagat ko kai sureele yaadgaar
geet deeye.

SP: 'audience' ko to ek baat unhone kaam se bataa diya, insaan mein
agar koi baat hoti hai to woh saamne aata hai, agar na ho, zabardasti
karen to woh to Galat baat ho gayi. apnaa 'trumpet' agar Khud bajaane
ki koshish kare to koi bhi 'like' naheen karegaa. aur aaj ki 'date'
mein jo bhi sunnewaale hain, woh bewakoof naheen hain, sabko maaloom
hai ki yeh kaun si star mein gaa rahi hain, yaa gaa raha hai, aur woh
yeh bhi jaante hain ki is gaane ko is tarah gaane se mushkil hota
hai. aaj ke 'college' ke jo bachche hain, unko bhi puraane gaane
pasand hote hain, yaani ki 'mid' ke. lekin haan, aaj ki 'date' mein
woh bahut dil se 'like' karte hain achchhe gaano ko. unko gaate huye,
unke dil mein rehta hai ki yeh gaana kitna achchha tha.

KS: Sulaxana-ji, agar main ek aur sangeet jagat ki ek shaKhsiyat ka
zikr na karoon to naainsaafi hogi, aur woh hain Rafi saahab

SP: o ho ho

KS: unke saath bhi aap ne gaane gaaye, aur kai baar to mujhe yeh
lagta hai ki chaliye isi bahaane main bhi Rafi saahab ke saath hoon,
kyunki aap ne bhi Rafi saahab ke saath gaaya hai to main bhi Rafi
saahab ke saath khaDaahoon.

SP: 'how sweet how sweet?'

KS: maine jin jin se Rafi saahab ke baare mein baat kee hain, sabne
kahaa hai ki Rafi saahab ek farishtaa the

SP: o ho

KS: aur phir 'singer' to maashaa-allaah, jis tarah se unhone gaane
gaaye hai...

SP: dekhiye main aap ko ek baat bataati hoon

KS: jee

SP: main Rafi saahab ke saath 'first time' baisaakhi ke mele mein
mili. to Rafi saahab ne mujhe bolaa ki 'yeh 'baby' bahut achchha
gaati hai, to inko ham le jaake London, Bahrain, Tehran
ke 'programme' mein gawaayenge. main aur mera bhaai saath mein tha.
to 9 saal ki umra mein mujhe London le jaake gawaaya tha Rafi saahab.
ek aur roop main bataati hoon Rafi saahab ke baare mein. woh itne
mahaan 'actor' the, itne mahaan ki 'hero' ko kuchh karna hi naheen
paDtaa tha, Khud (sings) "din Dhal jaaye haaye raat na jaaye", yeh jo
karnewaali cheezen hain, yeh wohi kar sakte the.

------------------------------------------------
Clip: din Dhal jaaye haaye raat na jaaye (Guide)
------------------------------------------------

SP: (sings) "tere mere sapne ab ek rang hai, jahaan bhi le jaayen
raahen ham sang hain"

--------------------------------------------
Song: tere mere sapne ab ek rang hai (Guide)
--------------------------------------------

SP: Rafi saahab Khud ek behatareen naayak aur gaayak the, main unke
saath gayi thi to mujhe kuchh naheen maaloom tha ki 'programme' ke
baare mein kya bolna hai. to main kuchh naheen bolti thi. aur Rafi
saahab ne 'first show' jab mere saath kiya, to ek tarah se bahut
hansee ki lahar aayi. maine sochaa 'main gaana gaa rahi hoon lekin
yeh hans kyun rahe hain!' Rafi saahab ne phir meri taraf dekha aur
hanse, to logon ne phir taaliyaan bajaayi. maine dekha ki kitne
baDe 'actor' the, logon ne dekha aur unko achchha lagaa. sab se baDi
baat hai ki aaj ki 'date' mein waisa 'actor' koi naheen hai jo Mohd
Rafi saahab the, aisa koi naheen hai jo Mohd Rafi saahab jaise gaa
sake, main unko salaam karti hoon, aur Rafi saahab ki aawaaz mein woh
bholaapan aur yeh, 'hero' ko hilaa Daalta tha, (sings) "kukkkoooo
mast bahaaron ka main aashiq", is tarah ke gaane gaane se 'hero' ko
bahut oocnhe se (KS laughs), '6 feet' oonche se 'hero' ko 'jump'
karaaya jaata tha.

-----------------------------------------
Song: mast bahaaron ka main aashiq (Farz)
-----------------------------------------

KS: aap jab Rafi saahab ke saath khaDee theen, kya aap ko lagta tha
ki 'main ek kingvadanti ke saath khaDee hoon, 'legend' ke saath
khaDee hoon'?

SP: haan haan, mujhe aaj bhi fakr hai ki maine Rafi saahab ke saath
bahut saare gaane gaaye, aur Rafi saahab aise shaKhsiyat hain jinke
taareef ke liye mere paas alfaaz naheen hai, aur bahut pyaare insaan
the, pataa naheen kyun hamein chhoDkar chale gaye. aap dekhiye gaana
rulaa bhi detaa hai, gaana hansaa bhi detaa hai, gaana har cheez,
zindagi ke har moD pe gaana aap ko wohi cheezen seekhaayegaa jo aap
sun rahe hain. hamein pyaar karna Rafi saahab ne seekhaaya

KS: haan bilkul!

SP: hamein ronaa Rafi saahab ne seekhaaya

KS: kya baat hai!

SP: hamein hansnaa Rafi saahab ne seekhaaya, hamein mohabbat karna
kisne seekhaaya, Rafi saahab ne seekhaaya. to inhi ki to gaayiki hai,
jo aati hai 'set' pe to log sunte hain, kaun sa gaana aaya, haan aaj
yeh gaana aaya, kaun sa, (sings) "man re tu kaahe na dheer dhare..."

--------------------------------------------------
Song: man re tu kaahe na dheer dhare (Chitralekha)
--------------------------------------------------

SP: yeh likha kitna achcha hai dekhiye

KS: jab likhaa achchha hota hai to woh andar se nikaltaa bhi achchha
hai

SP: bahut sahi kahaa aap ne.

KS: aap ko apnaa gaaya huya kaun sa gaana apne dil ke bahut kareeb
lagta hai?

SP: apne dil ke kareeb to mujhe bahut saare gaane lagte hain lekin
yeh baat aisi hai ki main kabhi kisi ko naheen kehti.

KS: lekin hamein to aap ke saare gaane achchhe lagte hain, aur Khaas
taur se mujhe aap ka woh gaana bahut achchha lagtaa hai, "baandhee re
kaahe preet"

SP: 'ohh, beautiful song'!

KS: bahut achchha gaaya hai

SP: 'beautiful song and beautiful film'

-----------------------------------------------------------------
Song: baandhee re kaahe preet piya ke sang anjaane mein (Sankoch)
-----------------------------------------------------------------

END OF EPISODE 4

2008

pyaare fauji bhaaiyon, aap sab ko Altaf Raja ka namaskaar, aadaab.
aaj is 'programme' mein aakar mujhe bahut Khushi ho rahi hai. main
apne baare mein bhi aap ko bataayunga aur apne gaane bhi aap ko
sunwaayungaa. leejiye sab se pehle suniye woh geet jis geet se aap
sab ne mujhe pehchaana.

Song: tum to Thehre pardesi (Tum To Thehre Pardesi - Nonfilm)

fauji bhaaiyon, sab se pehle to main aap logon ka is tarah se
shukriya adaa karoonga ki aap ke rehte huye ham srakshit hain yahaan.
jitni bhi hamaari jo takleefen hain, aap ko wahaan 'border' pe
jhelnee paDti hai, iske liye saare deshwaasi aap ka jitna shukra kare
kam hai. aur apne baare mein main yeh kehna chaahoonga ki mera jo
janm hai woh sangeet bhare maahaul mein hi huya, mere 'mummy' paapaa,
woh apne zamaane ke mashoor qawwaal hain, jinka naam hai Rani
Rooplata-ji aur Ibrahim Iqbal saahab. to unse mujhe bahut kuchh
seekhne ko milaa. aur mehfil mein kis tarah logon ko kis tarah apni
or aakarshit karnaa, achchhi shaayari ke zariye, achchhe sangeet ke
zariye, ek tajurbaa bahut hi achchha lagaa mujhe aur isi tarah main
yeh kehna chaahoonga ki apni ek film aayi thi, Company film ka geet
hai, bas yeh samajh leejiye ki main aap logon ke liye gaa raha hoon.

Song: tumse kitna pyaar hai dil mein utarkar dekh lo (Company)

fauji bhaaiyon, chaliye baat karte hain us geet ki, jab "tum to
Thehre pardesi" 'release' huya, uske baad mera 'Do Dil Haare' 'album'
aaya tha, 'Aaj Ki Raat Na Jaa Pardesi' aaya tha, uske baad aaya 'Dil
Ke Tukde Hazaar Huye', aur yeh 'album' ka yeh jo geet hai, jo log
door rehte the aur apne ghar ki yaad aati thi, unhone kaafi pasand
kiya, aur iske bol the "pehle to kabhi kabhi Gham tha, ab to har pal
hi teri yaad sataati hai", main chaahoonga aap bhi zaroor sun
leejiye, aap ke dil ko bhi yeh zaroor 'touch' karegaa, kyunki aap ke
dilon ki kaifiyat main jaanta hoon ki sardi ho yaa garmi ho, yaa jo
bhi koi bhi mausam ho, unko jhelte huye apne ghar se door, apne
maataa pitaa se door, apni biwi se door, apne bachchon se door, yeh
jo aap ki kaifiyat hai main samajh saktaa hoon, aur yeh aap geet sun
leejiye to aap ko pataa chal jaayega ki maine aap ki kaifiyat ko kis
tarah se is geet mein baandhaa hai.

Song: pehle to kabhi kabhi (Dil Ke Tukde Hazaar Huye - Nonfilm)

pyaare fauji bhaaiyon, meri bahut tamanna hai ki main aap logon ke
beech mein aayun, kabhi aap logon ka manoranjan karoon, aap logon ka
dil behlaayun, kyunki aap hamaare liye, desh ke liye kitna kuchh
karte hain, raat din tainaat rehte hain, aap jaagte hain to ham
yahaan aaraam kar paate hain. mere ab tak ke kareeb 11 'album' aa
chuke hain, jismein "tum to Thehre pardesi" pehla 'album' tha, "aaj
Ki raat aa jaa pardesi", "do dil haare", "dil ke TukDe hazaar
huye", "dil ka haal sune dilwaala", "taazaa hawaa lete hain", "dard
sabhi ko hotaa hai", "agar tum mil jaayo zamaana chhoD denge ham",
aur abhi 'latest' mera 'album' aaya hai 'Harjaaee'. Harjaaee ka ek
geet aap ko sunaana chaahoonga, jismein maine South Indian 'rhythm'
ka istemaal kiya hai aur baDaa pyaara geet hai jo aap logon ko bahut
pasand aayegaa.

Song: uff teri maasoom hansi (Harjaaee - Nonfilm)

pyaare fauji bhaaiyon, maine sangeet ki taaleem, abhi jo is duniya
mein naheen hain, swargwaasee Pandit Govind Prasad Jaipurwale-ji se
lee hai, gaayiki ki taaleem, aur Mohd Shafi Niyazi saahab, jo
mere 'mentor' rahe hain, bahut kuchh, jo Urdu ke maamle mein,
alfaazon ke jo apna talaffuz hai, unke maamle mein, unse seekha
maine. Iqbal Khan saahab the hamaare, unse maine Dholak seekhee, aur
yahaan Bhaarti Vidhaya Bhawan Chaupaati mein Prakash Sharma-ji the,
unse maine 'harmonium' seekhaa. to is tareeke se bahut se logon se
mujhe bahut kuchh seekhne ko milaa. aur main samajhtaa hoon ki abhi
bhi koshish rehti hai meri ki aur bhi bahut kuchh seekhoon, aur kuchh
seekhoon, kyunki yeh fan aisa hai ki aap zindagi bhar seekhteraho aur
pataa chalta hai ki aap ne kuchh naheen seekhaa. chaliye, main thoDaa
zyaada 'emotional' ho gaya tha. lekin ek film aayi thi Market, usmein
meraa sangeet tha aur maine ek geet gaaya tha "mere TooTe huye dil ko
sahaara kaun degaa".

Song: mere TooTe huye dil ko sahaara kaun degaa (Market)

pyaare fauji bhaaiyon, thoDaa aap bhi 'emotional' ho gaye honge is
gaane ko sun ke. chaliye main aap ko bataata hoon ki sab se pehle
kis 'composer' se mera aamna saamna huya. darasal yeh 'credit' bhi
main "tum to Thehre pardesi" ko doongaa ki us geet ki maqbooliyat
ne 'film industry' ko majboor kiya ki mujhe filmon mein le aaye. aur
ek film ban rahi thi Shapath. uske andar 'music director' the Anand
Milind. jee haan, to Anand Milind ke 'composition' mein maine pehli
baar gaaya tha Shapath film ka gaana, (sings) "ishq aur pyaar ka
mazaa leejiye, thoDaa intezaar ka mazaa leejiye..."

Song: thoDaa intezaar ka mazaa leejiye (Shapath)

Shapath film ke is geet ko gaakar bahut mazaa aaya tha kyunki Sonu
Nigam-ji aur main, ham dono ne milkar yeh geet gaaye the, yeh kaafi
lokpriya huya. aaj bhi main jahaan kahin 'show' karne jaata hoon iski
farmaaish aati hai. aur ab main chaahoonga ki aap yeh geet sune,
mere 'album' 'Dil Ke Tukde Hazaar Huye' ka, jo ki mujhe
iski 'composition' bahut pasand hai, (sings) "jaa bewafaa jaa hamein
pyaar naheen karnaa..."

Song: jaa bewafaa jaa (Dil Ke Tukde Hazaar Huye - Nonfilm)

haan to pyaare fauji bhaaiyon, aap se main jitni bhi der baat karoon,
mujhe aisa lagegaa ki main bahut kam baat kar raha hoon. par
kambaKhat waqt kisi ko bhi ijaazat naheen detaa, pataa naheen meri
baaten aap ko achchhi lagi yaa buri lagi, aap to ham sabhi
bhaaratwaasi ke dil mein rahenge. aap ki baaten kabhi buri lag hi
naheen sakti. aap itnaa nek kaam karte hain, bas mere paas alfaaz hi
naheen hai aap logon ke liye, isliye kuchh manoranjan ho jaaye.

Song: ham woh deewaane hain (Taaza Hawa lete Hain - Nonfilm)

aap sabhi se yeh naacheez Altaf Raja aagyaa letaa hai, ijaazat
chaahta hai, namashkaar, Jai Hind!

THE END

SARGAM KE SITAARE - INTERVIEW OF MUSIC DIRECTOR PRITAM
------------------------------------------------------

Part 1-1

PR: Pritam
MS: Mamta Singh

MS: doston, aaiye, sangeetkaar Pritam ke gaano ke saath aaj jhoomte
hain, thirakte hain, muskurate hain, gungunaate hain. jaise meeThe
unke gaane hain waise hi madhur insaan hain Pritam-ji.

----------------------------------------------------
Clip: dekho deewaano kya mast mast hai samaa (Dhoom)
----------------------------------------------------

MS: Pritam-ji, aap ko kaisa lag raha hai Vividh Bharati ke 'team' se
muKhaatib hote huye?

PR: bahut achchha lag raha hai. yeh main pehli baar Vividh Bharati pe
aa raha hoon, bahut achchha lag raha hai.

MS: achchha, zyaada bhumikaa na banaate huye, kyunki waqt aap ke paas
bahut kam hai, ham seedhe seedhe aap ke 'hit' gaano par aa jaate
hain, bataaiye ki 2007 saal aap ke liye kaafi hangaamedaar raha, kai
kaamyaab filmen aayeen, kaisa lag raha hai aap ko?

PR: haan, bahut achchha lag raha hai, 2006 mein bhi kaafi 'hit' gaane
the mere, Dhoon II, Apna Sapna Money Money, Bhaagambhaag, Gangster,
Woh Lamhe, Pyar ke Side Effects. par 2007 mein jo huyaa woh mere
liye 'exciting' isliye hai kyunki ismein 'hit' gaane bhi hain, "its
rocking", "hare raam hare krishna", aap ke liye ek 'line' gaana hoon,
(sings) "teri aankhen bhool bhulaiyaan baaten hain bhool
bhulaiyyaa....". is gaane ke saath saath kuchh 'albums' hain jo karte
huye bahut achchha lagaa aur jo 'popular' bhi bahut huye, jaise Life
in a Metro, main yeh 'album' bahut 'enjoy' kiya karne mein, jo 'full
movie' hai, usey karne mein bahut mazaa aaya, uske baad Jab We Met
bahut achchha tha

MS: kaafi 'popular' huya

PR: 'popular' ke saath saath ek 'enjoyment' hota hai, 'creative
satisfaction' hota hai, woh mila mujhe, is saal ka 'balance' bahut
achchha tha mere liye. ek taraf achchhe 'romantic' filmen, achchhe
gaane, jo karne ke liye milaa, uske saath saath 'hit' gaane bhi "hare
raam hare krishna", yaa "o yaara Dhol bajaa le", "its rocking yaara
kabhi ishq to karo". bahut achchha 'combination' raha is saal.

MS: Pritam-ji, Life in a Metro ki baaten ham karenge, Bhool Bhulaiyya
ki bhi baaten hamein karni hai, lekin Jab We Met ka zikr chalaa hai
to uske baare mein bataaiye, ek alag shaili ka sangeet hai, to yeh
aap kaise kar lete hain ki ek taraf 'rock' shaili, doosri
taraf 'romantic' gaana.

PR: mujhe agar aisa 'scope' milta hai ki khaali 'romantic' filmen
karo to main waisa hi karoon, kyunki us tarah ke gaane mere liye, Jab
We Met 'is more close to my heart because' kyunki koi bhi 'romantic
film' ka 'proposal' mere paas aa jaata hai to main bahut khush ho
jaata hoon, 'I know personally I would enjoy doing that song'. Jab We
Met mein aap "yeh ishq haaye" le leejiye,
chalo "maujaa" 'and' "nagaDaa" 'is more itemish, item songs', agar
aap "na khonaa paana" yaa "aayo meelon chalen", yeh gaane mere
bahut 'close to heart' hain.

-------------------------------------
Song: ham jo chalne lage (Jab We Met)
-------------------------------------

PR: "maujaa" yaa "nagaaDaa" inmein Punjab ka 'flavour' hai
kyunki 'movie' mein aap dekhenge to...

MS: film ki 'demand' thi

PR: haan. main Punjabi naheen hoon, 'but  land up doing all
Punjabi', 'north' mein sab 'press' aur, mera ek 'show' tha 'north'
mein, usmein 'invitation card' mein bhi log mujhe Pritam Singh
bulaate hain (both laughs). main naheen hoon Punjabi 'but I love
doing these songs'.

MS: hamein bhi bahut pasand aaya, aur aap ko ek baat bataa doon ki
Vividh Bharati par jo farmaaishi 'programmes' hote hain, Khaas kar
ke 'phone in programmes' aur Man Chaahe Geet, to usmein Jab We Met ki
itni farmaaish aayi itni farmaaish aayi ki kyaa bataayun, aur mujhe
bhi pasand hai "yeh ishq haaye". ab bataaiye ki kaun saa gaana sunaa
jaaye is waqt.

PR: "yeh ishq haaye" sunte hain

MS: sunte hain

-----------------------------------------------------------------
Song: yeh ishq haaye baiThe biThaaye jannat dikhaaye (Jab We Met)
-----------------------------------------------------------------

MS: yeh Jab We Met film ka gaana hamne sun liya, aur ab Bhool
Bhulaiyya par aate hain. "hare raam hare krishnaa", 'title song' iska
baDaa hi kamaal ka tha. is 'composition' ke baare mein hamein kuchh
bataaiye.

PR: yeh "hare raam hare krishnaa" jo gaana hai, jise ham film
mein 'after thought' jisko ham kehte hain, 'movie complete' ho gaya,
tab ek 'promotional' gaana banaana hai, aisa tark kiya gaya, aur yeh
jab gaana banaaya tab hamko maaloom tha ki gaana bahut achchha hai
lekin yeh ek 'phrase' chaahiye, ek 'word' chaahiye jo gaane ko, koi
bhi aap 'item' gaana dekhiye, jo 'word' aata hai woh
sabse 'important' hotaa hai, jaise "dhoom machaa le dhoom",
agar "dhoom machaa le" ke jagah kuchh aur aa jaata tha to
utnaa 'impact' gaane ka rehta yaa naheen woh kaafi sochnewaali baat
hai. kyunki maine jab "dhoom" banaaya tha, tab main "laila laila tu
meri laila" karke gaata tha. to Sameer saahab jo "dhoom machaa le
dhoom machaa le dhoom" leke aaye, usse gaane ka 'weight' baDh gaya.
gaana itna baDaa 'hit' huya. "hare raam hare krishnaa" ke liye bhi
aisa hai ki maine jab gaana banaaya tha, usko (sings) "shake it love
shake it love shake my world around", aise gaata tha. aur mere ko
maaloom tha, ham logon ko maaloom tha ki aisa koi 'word' laana
paDegaa, uske liye Sameer saahab, main, aur mera 'assistant' Ashish,
ham log T-Series ke 'office' mein bahut der baiThe the ki yeh
kaise 'crack' kiya jaaye. wahaan par Akshay Kumar ka ek 'poster' tha,
ek kapDaa, woh 'entry' leta hai ek woh, 'hip hop look' leke, uske
saath 'om namah shivaay' likhaa huya ek, hai na, to wahaan se
ek 'idea' aaya ki "hare raam hare krishnaa" kar sakte hain, aur woh
bahut achchha 'fit' ho gaya gaane mein, "hare raam hare krishnaa"
jab 'fit' ho gaya to hamko maaloom chal gaya ki yeh gaana bahut baDaa
honewaala hai, kyunki main hameshaa boltaa hoon ki bhagwaan ka naam
hai to woh gaana 'hit' ke binaa kuchh aur ho hi naheen saktaa.

MS: (laughs) us vajah se 'hit' bhi huya Khoob

PR: wohi, wohi

MS: ab to 'mobiles' mein 'ringtone' bhi baj rahi hai baar baar, aur
log hamesha gungunaa rahe hain, aur phir wohi baat kahoongi ki
hamaare paas bahut farmaaishen aayeen.

------------------------------------------------------
Song: teri aankhen bhool bhulaiyyaan (Bhool Bhulaiyya)
------------------------------------------------------

MS: aur ab aate hain Pritam-ji Bhaagambhaag pe. Bhaagambhaag ke liye
aap ne Remo Fernandes ko bulaaya tha. to yeh kaise huya, kaise mumkin
huya?

PR: Remo ka ek hai, jab gaana banaaya maine, us waqt Remo Goa mein
the aur unko 'call' kiya main, aur unko gaana 'phone' pe sunaaya,
unko bolaa ki 'yeh gaana hai aur yeh gaana aap ke binaa koi naheen
gaa saktaa'. 'He was so excited, he was a nice man', 'dates adjust'
karke aa gaye, aur ek 'whole evening' khud ko 'enjoy' karke woh gaana
gaake gaye.

MS: bahut achchhi dosti hai unke saath?

PR: haan, bahut. abhi achchhi dosti hai, us 'time' main pehchaanta
naheen tha Remo ko, par 'number' leke kahin se maine unko 'call' kiya
aur apnaa 'introduction' diya aur kahaa ki 'ek gaana hai banaaya hai
aur aap ko aana hi paDegaa, aap ke binaa koi gaa hi naheen saktaa
hai'. to woh bahut achchha huya.

MS: aap ke 'music' se 'impressed' hokar aaye yun kahe.

PR: aur ek gaane ke baad jo hotaa hai, ek 'friendship' ho jaata hai

MS: aage phir qaayam rehti hai.

---------------------------------------------
Song: signaal pyaar ka signaal (Bhaagambhaag)
---------------------------------------------

MS: ab Dhoom par aate hain. Sanjay Gadhvi ki film Dhoom aap ko kaise
mili thi? kaise juDe unse?

PR: 'actually' waise dekhaa jaaye to Sanjay Gadhvi, unka jo pehla
film hai Tere Liye, uske baad Mere Yaar Ki Shaadi Hai,
jismein "sharaara sharaara", Mere Yaar Ki Shaadi Hai ke baad
unkaa 'third film' tha Dhoom, to unke saath 'already'
ek 'relationship' ban gaya tha 'because of Tere Liye and Mere Yaar Ki
Shaadi Hai.

-----------------------------------------------
Song: hamne sunaa hai (Mere Yaar Ki Shaadi Hai)
-----------------------------------------------

PR: to jab woh Dhoom kar rahe the to 'obviously he wanted me to do
the film'. aur main ek baat kahoonga ki itna jo mera 'music hit' huya
hai, yeh huya, uske peechhe Sanjay Gadhvi 'will be one of the main
reasons'. woh hamko DhoonD ke nikaale, ek 'support' kiya, uske baad
Aditya Chopra, 'after we came to Yash Raj with Mere Yaar Ki Shaadi
Hai', Aditya ne hamko bahut 'support' kiya, unke film mein kaam karne
ka mauka diya. uske baad Dhoom, 'I dont think' mere 'career' mein na
to itna baDaa 'hit' dekhaa hoon, aur 'after' Dhoom mere ko lagta
naheen itna baDaa 'hit' huya hai, kabhi "kajraa re kajraa re"
aur "jhalak dikhlaa jaa", yeh sab 'hit' huye hain lekin "dhoom" ka jo
ek 'reach' tha, woh ek 'urban city' se chaaloo
karke, 'internationally', aur gaaon mein, to woh jo ek 'reach' tha 'I
dont think' koi aur gaana abhi tak pahunchaa hai.

MS: chhoTe bachchon se lekar booDhe logon tak pasand kiya

PR: haan woh ek 'universality' tha usmein

MS: aur ek naye andaaz ka tha sangeet Dhoom ka. to ek tarah se nayi
paramparaa shuru huyi, kyunki uske baad bahut se 'music directors' ne
is tarah ke gaane banaaye. aap ka koi Khaas yaa vishesh 'thought' tha
uske peechhe, is geet ke peechhe koi vishesh tayyaari thi?

PR: "dhoom" ke peechhe, jab banaa rahe the "dhoom" to itna
baDaa 'hit' to maine sochaa naheen tha, gaana 'record' hone ke baad,
gaana jab Sanjay Gadhvi ne sunaa, tab se woh bol rahe the ki 'yeh
bahut baDaa gaana hai, 'you have no idea'', aur gaana  'record' hone
ke baad Adi bhi 'constantly' bol rahe the 'yeh to bahut baDaa gaana
hai'. mujhe to lag naheen raha tha, woh sab bol rahe the, gaaan kitna
baDaa ho sakta hai, unkaa 'judgement' tha jo unhone sunaa tha, maine
banaaya tha isliye mere ko, mera to har gaane ke saath alag
alag 'attachment' hota hai mera, to woh alag se 'attachment' tha, 'I
like "dilbaraa" also', kyunki, maine aap ko bolaa ki mujhe 'romantic'
gaane zyaada pasand hai. to 'I used to like "dilbaraa".

MS: woh bhi kaafi 'popular' huya

--------------------------------------------
Song: dilbaraa apun ki tu apun teraa (Dhoom)
--------------------------------------------

To be contd...

SANGEET KE SITAARON KI MEHFIL
----------------------------------

AMEEN SAYANI'S PROGRAMME ON MUKESH
**********************************

Part 2
------

MU: Mukesh
NM: Nitin Mukesh
LM: Lata Mangeshkar
AS: Ameen sayani


doston, Sangeet Ke Sitaaron Ki Mehfil 'programme' aaj aage baDhegaa
wahaan se jahaan ham pichhli baar ruk gaye the. us 'programme' mein
shuru huyi thi mahaan 'playback' gaayak Mukesh ke jeevan aur sangeet
ki daastaan. Mukesh ka janm, unka pehla filmi geet aur unkaa
pehla 'hit' filmi geet film Pehli Nazar ka. iske alaawa Khud Mukesh
ki bolti huyi aawaaz bhi aa chuki thi hamaari mehfil mein. unhone
apne Khaas hamsafar Raj Kapoor ki baat chheDi thi, woh bhi aaj aage
baDhegi. aur Mukesh ke aaKhri safar ki baat poori karne ke liye Nitin
Mukesh ka 'interview' bhi aayega. aaj ka bayaan shuru hogaa us chhoTi
si dillagi se jo Mukesh bhaai ne 'film production' ke saath kee thi
1951 ke aaspaas. baheno aur bhaaiyon, hamne aap ko bataaya ki Mukesh
bhaai ne 'film production' mein pehlaa qadam rakha film Malhar se.
woh qadam laDkhaDaa gayaa, waise bhi gaayiki ke alaawa Mukesh ko film
ki koi bhi doosri vidhaa raas na aayi. ek aur film bhi
unhone 'produce' kee par poori na kar paaye, aadmi baDe 'handsome'
the, to 'acting' ka bhi shauk lagaa, aur us film mein Mukesh ne apne
aap ko gaayak hi naheen balki sangeetkaar bhi banaa diya, aur saath
hi saath 'hero' ka 'main role' bhi unhone Khud hi le liya. woh
adhoori film thi Anurag. Anurag na banee lekin uske geeton ne sangeet
premiyon ke dilon mein aaj tak jagah banaa rakhi hai.

-------------------------------------------------------
Song: pal bhar hi ki pehchaan pardesi sanam se (Anurag)
-------------------------------------------------------

lekin isse bhi gehri aur mahaan thi woh dosti jo mahaan gaayak Mukesh
ki huyi thi Raj Kapoor se, unki pehli 'produce' kee huyi film Aag ke
zamaane se. baheno aur bhaaiyon, aap ne Mukesh ke 'interview' mein
Raj Kapoor ke baare mein kee gayi baaton ka pehla hissa sunaa jab Aag
lagi thi. film 'fail' ho gayi magar Raj Kapoor 'pass' ho gaye. aur
phir...

MU: aur Aag ki jalan miTaane ke liye phir Barsat banee.

AS: hummm, aur saahab aisi barsee woh barsaat ki chhappaD phaaD dee
denewaale ne.

MU: jee haan

AS: magar Mukesh bhaai, aap ki Khayaal ko saamne rakhte huye hamaare
sunnewaalon ko doosre hisse ka intezaar hogaa, yaani ki Barsat se
Sangam tak ka. is hisse ko sunne se pehle film Barsat ka koi geet
sunaaiye.

MU: is hisse ko aap shuru keejiye Barsat ke us gaane se "taak dhinaa
dhin, barsaat mein hamse mile tum sajan tumse mile ham"

------------------------------------------------
Song: barsaat mein hamse mile tum sajan (Barsat)
------------------------------------------------

AS: achchha Mukesh bhaai, Barsat banee Aag ke 'flop' ho jaane ke
baad. jab yeh film 'fail' ho gayi thi to naye sire se 'production'
shuru karne mein Raj Kapoor ke saamne mushkilen to bahut saari pesh
huyi hongi?

MU: mushkil? Ameen bhaai, naamumkin ho jaata, dekhiye, jaise maine
aap se pehle kahaa ke Aag ke 'fail' ho jaane ke baawjood Raj
Kapoor 'pass' ho gaye. dekhiye kaise, yeh bahut baDe 'financer' Mr U
V Puri, woh aaye, aur tamaam 'business' ki zimmedaari apne upar le
lee, 'distribution' ki, 'finance' ki, apne upar le lee, aur Raj
Kapoor ke upar yeh zimmedaari Daal dee ki 'tum ek achchha sa 'unit'
banaayo aur ek behatareen film banaao'. Raj lag gaye saahab, ab
dekhiye, film ka 'unit' banaane ke liye film lekhak ke saath har
ek 'worker' ka taar milna chaahiye, yaani sur milna chaahiye. dekhiye
kaise kaise aadmi unhone chune, 'writing' ke liye Khwaja Ahmed Abbas,
Ramanand Sagar, Inder Raj Anand, Shailendra, Hasrat
Jaipuri, 'photography' mein Jal Mistry, Radhu Parmarkar, Taru Dutt,
achchha saahab 'art direction' mein Achrekar, 'sound recording' mein
Allauddin, aur 'last but not the least music' mein Shankar Jaikishan
aur Lata Mangeshkar.

AS: aur Mukesh?

MU: (laughs)

------------------------------------------------
Song: patli kamar hai tirchhi najar hai (Barsat)
------------------------------------------------

-----------COMMERCIAL BREAK---------

doston, aaj Sangeet Ke Sitaaron Ki Mehfil mein aap sab ke chaheete
Mukesh ka ek bahut hi puraana naayaab 'interview' sun rahe hain Raj
Kapoor ke baare mein, apni bayaan mein mukesh bhaai Barsat ki
kaamyaabi tak pahunch gaye the.

AS: aur uske baad to Mukesh bhaai Raj Kapoor ka zabardast daur shuru
ho gaya?

MU: zabardast, Ameen bhaai, film dekhiye, Awara, Shree 420, Aah, Jis
Desh mein Ganga Behti Hai, aur Sangam.

baheno aur bhaaiyon, us 'interview' mein Mukesh ne Raj Kapoor ke
kuchh laajawaab 'hit' filmon ke naam to le liye the, magar aaj barson
baad un filmon ke naamon ke saath geet joDne ka kaam Sangeet Ke
Sitaaron Ki Mehfil ke sunnewaalon ke liye main karoonga, sunte jaaiye
jhalken aur yaad keejiye un filmon mein Raj kapoor ke labon ka hilnaa
aur un labon par Mukesh ki aawaaz. ek 'footpath' chhaap naujawaan,
Awara, jis par dil luTaaati thi ek imaandaar laDki...

---------------------------------------------
Song: ham tujhse mohabbat karke sanam (Awara)
---------------------------------------------

aur 'high society' ki logon ka pol kholta huya Shree 420...

-----------------------------------------
Song: mera joota hai jaapaani (Shree 420)
-----------------------------------------

maut ke saaye mein zindagi ko pukaartaa huya pyaar, film Aah...

---------------------------------------
Song: aaja re ab mera dil pukaara (Aah)
---------------------------------------

Daakuyon ke beech ghira huya ek seedhaa sachchaa naujawaan, Jis Desh
Mein Ganga Rehta Hai...

--------------------------------------------------------
Clip: pyaar kar le nai to phaansi chaDh jaayega (JDMGBH)
--------------------------------------------------------

aur mohabbat aur dosti ka imtihaan, Sangam...

---------------------------------------------------
Song: bol raadha bol sangam hoga ke naheen (Sangam)
---------------------------------------------------

aur ab ham phir lauT aate hain Mukesh-ji ke us puraane 'interview'
mein. Mukesh bhaai ne Raj Kapoor ke kaamyaabiyon ke kaafile ke naqshe
se kheenchaa tha, aur pahunch gaye the kahaan tak, Sangam tak. uske
baad...

MU ab hotaa hai Ameen bhaai, Joker ka daur shuru. aap sab ko maaloom
hi hai ki Joker sabko hansaata hai aur Khud rota hai. dekhiye Joker
ke saath kya kya guzraa. pehle inke saathi Shailendra chale gaye.

-------------------------------------------------
Song: teri yaad dil se bhulaane chalaa hoon (
-------------------------------------------------

MU: uske baad Shailendra ka Gham bhool bhi naheen paaye the, Jaikishan

----------------------------------------------------
Song: dost dost na raha pyaar pyaar na raha (Sangam)
----------------------------------------------------

MU: aur uske baad paapaa-ji ki beemaari aur yeh Dar ki yeh saaya bhi
hamaare sar se uTh jaanewaala hai. phir Joker 'release' huyi, woh bhi
logon ko pasand naheen aaya!

AS: hummmm, Joker mein bahut se Khoobsoorat pehlu the aur Raj saahab
ki apni zindagi ki jhalak bhi thi.

-----------------------------------------------------
Song: kehta hai joker saara zamaana (Mera Naam Joker)
-----------------------------------------------------

AS: Mera Naam Joker bante bante, hamne sunaa hai, behad takleefen
unko aayeen aur karzaa bhi bahut ho gaya?

MU: karzaa Ameen bhaai sirf paise ka naheen tha, lekin ek film
banaanewaale ki haisiyat se jo apne chaahnewaalon ka karzaa tha, woh
unhe poora maar Daala. haalaanki kamar TooT chuki thi, magar janaab
himmat naheen haare. jasbaa wohi tha Ameen bhaai ki 'the show must go
on', aur tamaam mushkilon ka saamna karte huye unhone Bobby 'start'
kiya. achchha, ab Bobby 'start' karte karte, aap ko maaloom hai Ameen
bhaai, ki kai saathi chale gaye the, kai saathi bichhaD gaye the, to
apni 'unit' mein kuchh aise aadmiyon ki zaroorat unhe mehsoos jinse
unhe phir se taar joDni thi, phir se apni sur milaani thi. to saahab,
Dimple Kapadia, Rishi Kapoor, aur janaab 'music' mein Laxmikant
Pyarelal, gaane ke liye unhone janaab Anand Bakshi, aur gaane gaane
ke liye unhone Shailendra Singh aur Narendra Chanchal ko rakhaa,
aur 'result' to aap logon ko pataa hi hai, mujhe bataane ki zaroorat
naheen hai

--------------------------------------------
Song: ham tum ek kamre mein band hon (Bobby)
--------------------------------------------

to kai baras pehle ki baat hai jab Mukesh bhaai mere' studio' mein
aaye the apne dost Raj Kapoor ko salaami dene, ab dono ateet ke
damakte sitaare bankar amar ho gaye hain, waaqai kya zabardast joDi
thi dono ki! magar baheno aur bhaaiyon, Mukesh ne to kai aur sitaaron
ko apni mulaayam aur purasar aawaaz baKhshee thi. aaiye kuchh aisi
yaadgaar geeton ki jhalkiyaan sune, main sirf jhalken pesh karoonga,
filmon ke naam aur 'heroes' aap Khud pehchaan leejiye!

----------------------------------------------------------------
Song: zindagi khwaab hai (Jagte Raho)

Song: yeh mera deewaanapan hai (Yahudi)

Song: jhoomti chali hawaa (Sangeet Samrat Tansen)

Song: mujhko is raat ki tanhaai mein (Dil Bhi Tera Hum Bhi tere)

Song: raam kare aisa ho jaaye (Milan)

Song: suhaani chaandni raaten hamein sone naheen deti (Mukti)

Song: husn-e-jaana idhar aa aaina hoon main tera (Saathi)

Song: koi jab tumhaara hriday toD de (Purab Aur Pashchim)
----------------------------------------------------------------

-----------COMMERCIAL BREAK---------

gaayak Mukesh ki yaadon aur geeton ko Sangeet Ke Sitaaron Ki Mehfil
mein do ghanTon mein sanvaara hai. ham unke geeton ke nashe mein Doob
to rahe hain magar saath mein ham dheere dheere us ghaTna ki taraf
bhi baDhte jaa rahe hain jiska zikr san 1976 mein Mukesh ke inteqaal
ke baad Mukesh bhaai ke sureele beTe Nitin Mukesh ne hamse kiya tha.
to tayyaar hain aap sunne ke liye Mukesh bhaai ki zindagi ki aahri
din ka haal?

NM: us din shaam ko Detroit mein 'show' tha. us din mujhe itna pyaar
kiya, itna chheDaa, itna laaD kiya ki jab main aaj sochtaa hoon ki 26
saal ki umra mein shaayad kabhi itna pyaar naheen kiya. 4:30 baje
dopahar ko kehne lage ki 'harmonium mangwaao beTe, main zaraa riyaaz
karoonga', maine 'harmonium' nikaalke unke saamne rakhaa, woh riyaaz
karne lage. mujhe aisa lag raha tha ki, aawaaz bahut Khoobsoorat lag
rahi thi, aur bahut hi magna ho gaye the apne hi sangeet mein. jab
riyaaz kar chuke to mujhse bole ki 'ek pyaala chaai mangwaa, main aaj
ek dam 'fit' hoon', aur hansne lage. kehne lage ki 'jaldi jaldi
tayyaar ho jaayo, kahin der na ho jaaye 'show' ke liye'. kehkar woh
snaan karne chale gaye. mujhe zaraa bhi shaq bhi naheen tha ki kuchh
honewaala hai, isliye main Khud riyaaz karne baiTh gaya. kuchh der ke
baad 'bathroom' ka darwaaza khula to maine dekhaa ki paapa wahaan
haanf rahe the, unka saans phool raha tha, main ek dam ghabraa gaya,
aur ghabraake 'hotel' ke 'operator' se kahaa ki 'doctor' ko jaldi se
bhejo. phir maine didi (Lata) ko 'phone' karne lagaa to bahut pyaar
se dhutkaarne lage, kehne lage ki 'didi ko pareshaan mat karo,
main 'injection' le loonga, Theek ho jaayunga, phir shaam ki 'show'
mein ham chalenge', par main unki naheen sunnewaala tha, maine didi
ko jaldi bulaa liya, aur 5-7 'minute' mein didi bhi aa
gayeen, 'doctor' bhi aa gaye, aur 'ambulance' mein le jaane lage. tab
maine unki jeevan ki jo sabse pyaari cheez thi, unke paas rakhi,
Tulsi Ramayan.

AS: yahaan main aap ko yeh bataa doon baheno aur bhaaiyon ki Mukesh
bhaai ki tabeeyat ko sufiyaana rang dene mein Shri Ramcharit Manas ka
bahut baDaa haath hai. Mukesh apni Ramayan hameshaa apne saath rakha
karte the aur niyam anusaar uskaa paaTh kiya karte the, aur jab karte
the to aadhyaatmikta ke alagh jalaate the Mukesh

-------------------------------------------------------------
Song: vishwaatramitra samay sukh jaani (Shri Ramcharit Manas)
-------------------------------------------------------------

achchha to doston, 27 Auhust 1976 ke us dardnaak din ke baare mein
Nitin Mukesh ne bataaya tha ki America ke Detroit shahar mein Mukesh-
ji ki tabeeyat achaanak Kharaab ho gayi aur uske baad...

NM: uske baad ham 'ambulance' mein baiThke 'hospital' ki or chale. ab
woh mera hauslaa baDhaane lage, 'beTaa, mujhe kuchh naheen hogaa,
main bilkul Theek hoon, main bilkul Theek ho jaayunga', yeh kehte
huye 'hospital' pahunche. 'hospital' pahunchne ke baad jab unhe pataa
chala ki unhe 'intensive care' mein le jaaya jaa raha hai, jitna
pyaar, jitni jaan baaki thi, meri taraf dekhke muskuraaye, aur bahut
pyaar se, apna haath uThaake mujhe 'bye bye' kiya. iske baad unhe
andar le gaye aur iske baad main unhe kabhi naheen dekh sakaa.

----------------------------------
Clip: alvidaa alvidaa (
----------------------------------

-----------COMMERCIAL BREAK---------

Mukesh ke jaane ka Gham sabhi ko huyaa, magar Khaas taur se un logon
ko huya jo unhe Kareeb se jaante the, main bhi unmein shaamil tha.
magar Mukesh bhaai apne parivaar ke alaawa sab se zyaada do logon ko
chaahte the, ek to the Raj Kapoor aur doosri, unki chhoTi bahen aur
hamsafar Lata Mangeshkar. aur jab Lata ko chhoDkar chale gaye unke
pyaare Mukesh bhaiya to kya beetee thi Lata ke dil par, yeh Lata hi
ki aawaaz aap ko bataayegi:

LM: Mukesh, jo aap sab ke priya gaayak the, unmein baDi vinay thi.
Mukesh ke swargvaas pe duniya ke kone kone mein sangeet ke laakhon
premiyon ke aankhon se aansoo bahe. meri aankhon ne unhe America mein
dam toDte huye dekha. aansoo bhari aankhon se maine Mukesh bhaiya ke
paarthiv shareer par America mein vidaa hote dekhaa. Mukesh bhaiya ko
shraddhaanjali dene ke liye teen shabd hain, jinmein ek unki bhaavnaa
keh sakte hain ki jismein ek kalaakaar doosre kalaakaar ki mahaan
kalaa ki prashansaa karte hain. unki madhur aawaaz ne kitne logon ka
manoranjan kiya, jiski ginti karte karte na jaane kitne varsh beet
jaayenge. jab jab puraani baaten yaad aati hain to aankhen bhar jaati
hain.

---------------------------------------------------
Clip: tum na jaane kis jahaan mein kho gaye (Sazaa)
---------------------------------------------------

Mukesh ke geeton ki chaahat sangeet premiyon ke dilon mein sadaa
barkaraar rahegi baheno aur bhaaiyon. aaj bhi Mukesh ke chaanewaale
bhaarat mein hi naheen duniyabhar mein faile huye hain, jagah jagah
unke 'fan club' bhi bane huye hain, jinmein har saal yaa to
unke 'death anniversary' pe yaa unke janamdin pe unki yaad mein
Khaas 'programmes' hote hain, log unki aawaaz bhi sunte hain, aur log
unke geet Khud bhi gaate hain, kyunki yeh bhi to ek Khaas baat thi
Mukesh ki, ki unke gaayan ki sureelee taareeKh ko har honhaar gaayak
ki aawaaz chhoo paati thi. Mukesh sabke the, Mukesh ke geet sabke the.

-------------------------------------------------
Clip: jis dil mein basaa tha pyar tera (Saheli)

Clip: mubaaraq ho sabko samaa yeh suhaana (Milan)

Clip: chhoTi si yeh zindagaani (Aah)
-------------------------------------------------

Mukesh ke geet hamaare liye meeThe bolon aur meeThe bhavnaayon ka
vardaan hai, woh geet hamein sadaa hi lagan aur gehraaee ka sabak
seekhaate rahenge, aur yeh updesh bhi dete rahenge ki jeevan ke khel
ko agar madhurtaa se khelte rahenge to woh dhoop bhi chhaaon ki tarah
sheetal aur suhaani lagne lagegi.

------------------------------------
Song: chhoTi si yeh zindagaani (Aah)
------------------------------------

aur yaheen par aakar Sangeet Ke Sitaaron Ki Mehfil mein Mukesh ke
geeton, Mukesh ki baaton, aur Mukesh ke jeevan ki dhoop chhaon ki
kahaani ka safar Khatam hotaa hai baheno aur bhaaiyon. Mukesh bhaai
ke 'interview' mein aur unke beTe Nitin Mukesh ki yaadon ne is safar
ko waaqai yaadgaar banaaya. ab aapka dost Ameen Sayani aap se kehta
hai namaskaar, Khudaa haafiz, Khush rahiye, sangeet mein base rahiye,
har baar binaa bhoole sunaa keejiye SANGEET KE SITAARON KI MEHFIL!

END OF PART 2

THE END

EPISODE 3 (06/03/2008)
----------------------

SP: Sulaxana Pandit
KS: Kamal Sharma


KS: Sulaxana-ji, Vividh Bharati ke is kaaryakram mein aap ka bahut
bahut swaagat hai, namaskaar.

SP: namashkaar, shukriyaa

KS: Sulaxana-ji, jab aap ki yeh film bankar 'release' huyi, Uljhan ki
baat kar raha hoon main, to apno ka, doston ka, saheliyon ka
kya 'reaction' tha?

SP: dekhiye, ham jab woh film 'premiere' mein hi dekhe the, to jitne
dekhnewaale the woh sab 'spell bound' ho gaye. yaani unko yeh samajh
hi naheen aaya ki yeh nayi 'heroine' hokar Ashok Kumar, Sanjeev
Kumar, Farida Jalaal, Aruna Irani ke rehte huye, aur yeh laDki lekar
chali gayi 'cake'! sab mujhi ko yaad karte. to ek maasoomiyat usmein
yeh thi ki meri nanad aati hai Farida Jalaal mere paas aur kehti hai
ki brij aa gaya hai aur agar main uske paas naheen gayi to woh mere
saare pyaar bhare Khat mere pati ko de degaa aur main to kisi ko munh
dikhaane ke laayak naheen rahoongi. is tarah 'scene' pe 'scene', ham
jab 'dubbing' karte the tab 'oh Sulaxana, what are you doing,
tremendous!' sab mujhe, matlab, pyaar karte the ki yeh nayi laDki
hokar bhi itna achchha kar rahi hai.

-------------------------------------------
Song: subah aur shaam kaam hi kaam (Uljhan)
-------------------------------------------

SP: dekhiye Khat laana, Brij ko maarnaa, phir 'husband' se chhupaana
ki main Khooni hoon, aur uske baad mein ek chhoTi si guDiyaa
jaisi 'heroine' baiThke seh rahi hai yeh sab, main Khud ro deti hoon
kabhi kabhi us film ke baare mein sochke, baDi pyaari 'script' thi,
aur bahut 'tight' kaam tha, ek ek 'scene' main kabhi dekhti hoon to
main aankh band kar leti hoon, yeh 'scene' aayegaa, yeh 'scene'
aayega, aap yakeen naheen karenge Ashok Kumar-ji ne jo kaam kiya hai
us film mein, 'I am really', unki aatma ko shaanti de bhagwaan, woh
itne baDe kalaakaar hokar ek 'scene' diya unhone, to Sanjeev aaye
neeche, yeh aaye, Ashok-ji, to bole ki 'kyun bahu ko ghar se nikaala
gaya, kyun usko hathkaDi dilaayi, kiske bolne par 'police' aayi?', to
Farida Jalaal bolti hai ki 'naheen, jeejaaji main bolti hoon, main
Khooni hoon, main usey pyaar bhare Khat likhti thi, kamzori meri hai,
usey jo dhutkaar rahe hain, meri aatma gawaara naheen karti'. main
bolti hoon 'jab tak main hoon mujhe karne de, main agar kamzor paDee
tab koi aur baat hai'.

KS: jee

SP: magar woh 'scene' pe 'scene', 'scene' pe 'scene', 'scene'
pe 'scene', pyaare pyaare 'dialogues', aur ek sahee bahu, ek sahee
nanad ka jo kaam, woh mujhe zindagi bhar yaad rahegaa.

KS: ek baDaa kalaakaar wohi hotaa hai jo us chunauti ko nibhaa le
jaata hai aur apne abhinay se apni kalaa se ek charitra ko itna
vaastavik, itnaa vishvasniya banaa deta hai ki log uske saath
apne 'emotions share' karne lag jaate hain, usmein apne aap ko dekhte
hain. kahaani jab logon ke dilon par asar karti hai, baat tabhi banti
hai. aap ki ek film 1975 mein aayi thi Salakhen, jismein aap ne kaam
kiya tha Shashi Kapoor ke saath mein. usmein Shammi Kapoor bhi the
aur Mahmood bhi the usmein shaayad, hai na!

SP: jee jee, bilkul sahee

KS: aur sangeet Ravindra Jain saahab ka

SP: jee

KS: to Shashi Kapoor ke saath bhi aap ne kaam kiya, Shammi Kapoor ke
saath bhi, aur Rishi Kapoor ke saath bhi.

SP: jee. aap ko ek bataa doon, Kapoor 'family' mein aise kaun hain
jinke saath maine kaam naheen kiya? (KS laughs) sabse baDi baat yeh
hai ki Raj Kapoor saahab ne bhi mujhse kahaa 'tum filmon mein kaam
karo, gaana to milte hi jaayegaa'. aur bhari 'audience' mein
Shanmughanan Hall mein unhone 3000 aadmiyon ke saamne kahaa
ki 'Sulaxana Pandit will be my heroine in RK'. sunkar main gumsum ho
gayi. ek baar Shashi Kapoor kisi 'programme' mein aaye the aur unka
takiya kalaam huya karta tha 'jee mujhe Shashi Kapoor kehte hain'. to
uske baad sab ko biThaaya gaya, ham sab baiThe the 'programme' dekhne
ke liye, to Shashi-ji se kahaa gaya ki 'aap kuchh kahen'. Shashi-ji
ne kahaa ki 'main bahut Khush hoon ki aap log baiThe hain yahaan, aur
mujhe aap 'award' de rahe hain, is baat se main bahut Khush hoon, to
logon ne bolaa 'dialogues'. to unhone bolaa 'dekhiye, yahaan pe na
koi 'camera' hai aur na koi 'heroine' hai'. to 3000 'public' ne ek
saath kahaa 'Sulaxana Pandit!'. main Khud hairaan ho gayi. aur unhone
peechhe muDkar dekhaa ki aisa kaun hai Sulaxana Pandit jinka naam
kahaa jaa raha hai. to unhone kahaa ki 'jee maine kabhi inke saath
kaam to naheen kiya lekin kaam karna paDe to main inke saath zaroor
kaam karoongaa'. bhagwaan ki dayaa dekhiye saat filmon mein maine
unke saath kaam kiya. to aise bahut si cheezen insaan ke saath hoti
hain jo woh kabhi bhool naheen saktaa.

KS: waise Shashi Kapoor saahab ki baat karen to woh bhi apne parivaar
mein alag tarah ke vyakti hain jinhone apni tarah se, apne parivaar
mein, Khaaskar naaTakon mein jo yogdaan diya hai, paramparaa ko aage
baDhaaya, aur usko bahut sahejkar sambhaalkar rakhaa.

SP: sab hain aise hi. Raj Kapoor ke jo beTe hain Rishi Kapoor, mujhe
unke saath itna achchha lagaa, bilkul 'down to earth', zaraa ghamanD
naheen, 'on the contrary helping'. ek baar ham jaa rahe the, hamne
ek 'banner' dekhaa Mamta. usmein jitne bhi 'staff' the, 'helper'
aur 'hair dresser', sab ko maine bolke rakhaa 'kal 'ticket' laake
rakhna, 9 baje 'shooting' khatam hogi, phir ham log yeh film dekhne
aayenge'. uskaa ek gaana mujhe bahut pasand aaya tha, uskaa ek
ek 'line' main aap ko sunaati hoon

KS: zaroor zaroor

SP: (sings) "ham gawanwaa na jaibe ho binaa jhoolni..."

----------------------------------------------------
Clip: ham gawanwaa na jaibe ho binaa jhoolni (Mamta)
----------------------------------------------------

SP: (sings) "sakal bana gagana pawana chalata purvaaee ri...."

------------------------------------------------------
Clip: sakal bana gagana pawana... ham gawanwaa (Mamta)
------------------------------------------------------

SP: (sings) "vikal moraa manwaa un bin haaye..."

------------------------------------------------
Clip: vikal moraa manwaa... ham gawanwaa (Mamta)
------------------------------------------------

KS: bahut Khoob bahut Khoob!]

SP: yeh gaana bahut pasand aaya tha, abhi to Khair mera galaa baiTha
huya hai. aap ek baat sochenge to aap ko ajeeb lagegaa, maine kabhi
zindagi mein haath mein kaaGaz leke naheen gaaya. aadmi ki yaaddaash
bahut baDi cheez hai, aaj bhi meri zahan mein hazaaron gaane hain.
mere apne hain, Pandit Jasraj, aur mere pitaaji Pandit Pratap Narayan
hain, main garv karti hoon ki main unki beTi hoon, mere pitaaji ko
aap ne dekhaa hotaa ki aap sochte ki 'kaun si 'personality' hain
yeh!' meri maa ko Sanskrit ki aur poojaa ki jitni jaankaari thi
shaayad hi kisi ko hogi. mujhe unhone gaana sunaaya, usmein kuchh
ajeeb si thi, 'language' thi, doodh, ghrit, (sings) "doodh math ghrit
kaaDh le aa, Daar gaya chhoya, mhaara ri giridhar gopaal doosra na
koi". to main jab maa se sunti thi to main unse kehti thi ki 'aap ko
samajh kya aa raha hai iskaa?' to bolti theen, gyaani theen,
ki 'beTaa, doodh ko mathnaa paDtaa hai, doodh math, phir usmein se
ghee nikaalna paDtaa hai, aur in teen cheezon ke baad chhaanch ko
phenk denaa paDtaa hai'.

KS: ismein guDh baat chhipi huyi hai, gehra darshan chhipa huya hai
jeevan ka, aur jab ham darshan ki baat karte hain, to kaavya ke
maadhyam se, geeton ke maadhyam se, hamaare jo kavi hain, geetkaar
hain, shaayar hain, woh hamaari baat, apni baat, duniya ke saamne
rakhte rahe hain. aur film sangeet iski sab se baDi vidhaa hai.
Sulaxana-ji, main aap se jaanna chaahoonga ki woh kaun se sangeetkaar
hain jinse aap, jinki sangeet se aap bahut zyaada prabhaavit huyeen?

SP: ek baar kya huya ki maine Anpadh film ka yeh gaana sunaa
tha, "aap ki nazron ne samjhaa"

---------------------------------------
Song: aap ki nazron ne samjhaa (Anpadh)
---------------------------------------

SP: main Madan Mohan-ji ki bahut baDi 'fan' ho gayi, ham dono ek din
Mehboob Studio saath hi mein jaa rahe the, meraa bhi gaana tha, unkaa
bhi tha. to jab main jaa rahi thi to unko aise dekh rahi thi jaise
koi bahut baDi shahseeyat ko dekh rahi hai. maine sochaa ki 'kaash
main inkaa koi gaana gaa loon!' sochte sochte achaanak ek din Khabar
aayi ki woh is duniya mein naheen rahe. sach poochhiye itni Thes
pahunchi mere dil ko aur 'music' ko.

------------------------------------------------------
Song: jaana tha hamse door bahaane banaa liye (Adalat)
------------------------------------------------------

SP: kitni 'lucky' hain Lata Mangeshkar, Asha Bhosle, jinko achchhe
achchhe chere mile, jinke woh 'lip movement' kare, aur itne achchhe
geetkaar, Raja Mehendi Ali Khan, Shaqeel Badayuni, kitne achchhe
achchhe 'writers' unko mile. aaj agar Lata Mangeshkar aateen to main
samajhti hoon kabhi woh "dhoom machaa le" naheen gaateen, woh to yehi
gaateen ki "lag jaa gale ke phir yeh haseen raat ho na ho"

--------------------------------------------------------
Song: ag jaa gale ke phir yeh haseen raat (Woh Kaun Thi)
--------------------------------------------------------

END OF EPISODE 3

JUBILEE JHANKAAR - GOLDEN JUBILEE CELEBRATION OF VIVIDH BHARATI
---------------------------------------------------------------

INTERVIEW OF NOTED GRAMOPHONE RECORDS COLLECTOR DR PRAKASH JOSHI
****************************************************************

PART 3
------

PJ: Dr Prakash Joshi
PC: Professor Chitale
KS: Kamal Sharma
NM: Nimmi Mishra


KS: Dr saahab, aap ne baat chheDi thi Sudhir Phadke-ji ka

PJ: haan, to jab baabuji, Sudhir Phadke-ji jab yahaan aaye the Anil-
da ke saath, to unka jab 'operation' bhi huya tha, Anil-da baiThe
the, woh baiThe the, bahut kashT se Anil-da se baat karte
the. 'arey "saa" naheen lag raha hai, kya gaayun!' to Anil-da bhi us
din ro paDe, phir unhone phir bataaya "baandh preeti phool Dor", ek
gaana, Malati Madhav karke ek film thi, Sudhir Phadke ne banaaee thi,
to kehte the ki 'garv ki baat hai ki jab yeh gaana sunte hain to
logon ko lagta hai ki Anil-da ka 'music' hai, yaani 'I was inspired
by that, but' woh bhi Jai Jaiwanti ka bahut 'beautiful song' hai'.

-----------------------------------------------------------------
Song: baandh preeti phool Dor door jaana na (Malati Madhav, 1951)
-----------------------------------------------------------------

KS: ham bhi yahi kahenge apne sunnewaalon se ki yahi Dor jo preeti ki
hai yeh baandhe rakhiye Vividh Bharati ke saath, achchhe sangeet ke
saath, aur yahi Dor baandhe rakhi hai Dr Prakash Joshi ne, ham sabke
saath, us sangeet ke saath jo vilupti ke kagaar par hai.

NM: to mujhe lagta hai ki aap ne Lata-ji ka bhi koi ek
baDaa 'compilation' kiya hai, bahut saare gaane hain unke, to uske
baare mein kuchh bataaiye, kaise gaane hain usmein, kyunki Lata-ji ke
deewaane hamaare sunnewaalon mein bahut hain.

PJ: har ek jab 'compilation' jab karta hai, to Lata-ji ke 'best 10
songs', koi 21 nikaalta hai, koi 50 nikaalta hai, lekin maine yeh
kiya ki usmein kuchh alag ho jaaye, to maine har sangeetkaar ka ek ek
gaana liya aur 101 sangeetkaar liya, aur unke ek ek 'best song' leke
maine yeh 'compilation' banaaya. usmein aise aise heere hain jo logon
ne sune naheen hain.

KS: to ek heera hamein bhi sunaaiye.

PJ: zaroor zaroor

KS: kaun sa sunaayenge?

PJ: ek film thi Dhola Maru, 'love story' thi Marwar ki, Dhola Maaru
aise bolte hain isko, aur S K Pal saahab ka sangeet hai, aur Dhola
maaru mein Lata-ji ne jo geet gaaye hain, kyaa baat sunaayun main,
bas jigar mein lag jaati hai.

------------------------------------------------------
Song: kaThin virah ki peer vidhaata (Dhola Maru, 1956)
------------------------------------------------------

KS: aap ka kaam to beemaari door karna hai, lekin sureele sangeet ki
yeh jo sankraamak beemaari hai yeh aap ne apne alaawa aur kitne logon
ko lagaai hai?

PJ: (laughs) arey, hamaare yahaan jo aate hain bas sab deewaane hi
hain.

KS: kitne?

PJ: bahut saare hain (laughs), jaise aaj yahaan aap maujood hain,
jaise hamaare Principal Chitale.

NM: Professor Chitale, aap bataaiye ki sangeet prem ke alaawa aap aur
kya karte hain?

PC: jee main 'mathematics' ka 'teacher' hoon aur filhaal main XXXXX
ka Andheri ka jo 'campus' hai uska main 'director' hoon, sabhi
wahaan 'colleges, schools' jo hain, unki zimmedaari mere upar hai.

KS: to yeh gaNit ke sameerakaN hal karte karte sangeet ke sameekaraN
mein kaise ulajh gaye?

PC: main gaNit ka 'teacher' zaroor hoon lekin meri umar ke saatwen
baras se main gaane sunta aaya hoon. sabse pehla gaana meri zahan
mein jo baiThaa tha woh tha Lata-ji ka Deedar ka gaana, jo unke saath
Shamshad Begum-ji ne gaaya hai, woh gaana meri zahan mein baiTh gaya.

----------------------------------------------------
Song: bachpan ke din bhoolaa na denaa (Deedar, 1951)
----------------------------------------------------

PC: ek cheez main aap se kahoonga ki us zamaane mein har ek gaane ki
film mein ek jagah hoti thi, aisa naheen ki bas gaana Daalna hai,
ek 'scene' Daalna hai, ek gaana Daalna hai, aisa naheen hota tha. woh
gaane jo hote the kahaani se juDe huye hote the. mera yeh saubhaagya
hai ki Yashwant Dev aur Sudhir Phadke mere chaachaa ke dost the aur
woh hamaare ghar aaye the. unke mukh se gaana sunaa tha aur tab main
10 yaa 12 saal ka raha hoonga. ab Malati Madhav ka to Dr saahab ne
zikr kiya, doosra jo gaana hai "tumhe baandhne ke liye mere paas kya
hai mera prem hai", 'its a very beautiful song composed by Sudhir
Phadke-ji' aur us gaane mein Lata-ji ne jo kuchh harkaten kee hain,
har ek 'stanza' ke 'end' mein woh ek 'pause' leti hain aur
woh 'pause' lene mein Lata-ji itni maahir hain ki us 'pause' se woh
bahut kuchh bataa jaati hain.

NM: wohi gaane ki Khoobsoorti hai

PC: wohi gaane ki Khoobsoorti hai, aur bahut achchha lagta hai, to
Ratnaghar ka yeh gaana aap suniye.

--------------------------------------------------------
Song: tumhe baandhne ke liye mere paas (Ratnaghar, 1955)
--------------------------------------------------------

NM: achchha Dr saahab, Hemant Kumar ki jo rachnaayen hain, bahut hi,
unkaa sangeet, unki aawaaz, usmein jo ek gungunaahaT hai, lagta hai
ki jaise hamaari aap ki aawaaz hai.

PJ: 'golden voice', aur '50 to 60' mein unkaa kya 'beautiful
contribution' hai, Taj karke ek film hai, phir Bahu karke ek film
hai, Hamara Watan, ek ek karke jo aap unke gaane sunenge to ek se ek
meeThe gaane...

---------------------------------------------------------------
Song: yeh shoKh sitaare karte hain ishaare (Hamara Watan, 1956)
---------------------------------------------------------------

PC: aur Lata-ji ka 'voice' aur Hemant-da ka sangeet,
kya 'combination' huya tha! lekin mujhe pasand hai film Taj ka gaana,
Lata-ji ka, "jahaan mein aayi diwaali baDe charaaGh jale, hamaare dil
mein magar Gham ke daaG jale", yeh 'song' aap zaroor sunaaiye apne
shrotaaon ko.

KS: jee zaroor!

-------------------------------------------------------------
Song: jahaan mein aayi diwaali baDe charaaGh jale (Taj, 1956)
-------------------------------------------------------------

END OF PART 3

EPISODE 2 (28/02/2008)
----------------------

SP: Sulaxana Pandit
KS: Kamal Sharma

KS: Sulaxana-ji, Vividh Bharati ke is kaaryakram mein aapka bahut
bahut swaagat hai, namaskaar! Sulaxana-ji, jab baat chal rahi thi aap
ke parivaar ki, aap ke bachpan ki, tab aap ne apni chhoTi bahen ka
zikr kiya tha Vijeyta ka.

SP: jee. meri zindagi ki woh ek aas hai, aur woh Khud ek devi hai,
usne har tareeke se mujhe bachaaya, aur itna pyaar diya, apni maa
jaisa samjhaa, aur jab uske baare mein zikr aata hai to meri aankhon
mein aansoo bhi aate hain ki main us bahen ki bahen hoon baDi jo aaj
mere sath mujhe itna pyaar deti hai ki kisi cheez ki kamee mehsoos
naheen hoti.

KS: matlab bahen bhi hai, saheli bhi hai, kai kai roop hai uske, hun?

SP: 'yes', saare roop, to Vijeyta ke saath hamne sochaa ki Vijeyta ke
saath koi gaana aana chaahiye, aur kudrat ki den dekhiye ek gaana aa
hi gaya.

KS: kaun sa gaana?

SP: "haathon mein meri bhi mehendi lagaayo, jaldi se jaayo mera dulha
leke aayo"

----------------------------------------------------------
Song: haathon mein meri bhi mehendi lagaayo (Dil Se Mile Dil)
----------------------------------------------------------

KS: Sulaxana-ji, yeh mera saubhaagya hai ki aaj mujhe aap ke saath
baiThne ka, aap se ru-ba-ru hone ka mauka milaa.

SP: yeh mera bhi saubhaagya hai

KS: jab bhi dekhaa to us chehre pe ek bholaapan, ek maasoomiyat.
yakeen hi naheen hota ki inhone kabhi bachpan mein sharaarat bhi kee
hogi.

SP: bachpan mein, aap yakeen naheen karenge ki main ek bahut
sharmilee laDkee thi. itni sharmilee ki meri koi bahene naheen.

KS: yeh to aap ko 'screen'pe dekh kar hameshaa lagta hai

SP: (laughs) magar main sach keh rahi hoon, mujhe apne aap ko baahar
laana aur 'challenge' ho gaya tha. agar mere 'father' naheen hote to
aaj main 'singer' naheen hoti, 'star' naheen hoti, kuchh naheen hoti,
bhagwaan ne unko apne haathon se banaaya tha bahut Khoobsoorat se,
bahut achchhe swabhaav ke the, bhole the, aur sabse achchhi baat yeh
hai ki woh bahut achchhe guru the. unki pandit Jasraj-ji itni taarif
karte rehte hain aaj bhi, aur kehte hain ki 'aajkal main Prataap
bhaiya mein milne laga hoon'.

KS: ab aap ne jab Pandit Jasraj-ji ka naam liya, to main unkaa bhi
bahut baDaa 'fan' hoon, bahut adbhut gaate hain, jab gaayan divyataa
mein parivartit ho jaata hai.

SP: deewaangee

KS: yeh cheezen uparwaala bahut meherbaani se hi detaa hai

SP: karmon se detaa hai

KS: to aap ke kitne bhaai bahen, us samay kahaan rehta tha aap ka
parivaar?

SP: pehle ham log sab Calcutta mein rehte the, wahaan par All India
Radio se pitaaji ko ek 'letter' aaya ki 'Pandit-ji, aap ko national
Programme mein gawaa rahe hain aur aap Bombay aa jaaiye'. to sab
bachche peechhe paD gaye ki 'ham bhi jaayenge ham bhi jaayenge',
Bambai dekhne ka sab ko shauk tha. to main aur mere baDe bhaai
Bandhir, woh bhi mere guru hain, unhone bhi mujhe bahut mada kee hai
laykaari mein, aur unse maine bahut laykaari seekhee hai, aur main
laykaari mein unko apna guru maanti hoon.

KS: yeh jo baarik kaam hai gaayiki ka

SP: bahut. to ham log yahaan par aaye aur pitaaji ka gaana 'national
recording' ho rahi thi, itne mein baal vibhaag mein ek bachchi naheen
aayi thi. to woh soch mein paD gaye. to unhone dekha ki Pandit-ji gaa
rahe hain to unke bachche bhi zaroor gaate honge. to woh aaye mere
bhaai ke paas. unhone poochhaa 'aap ko gaana aata hai?' maine
kahaa 'mujhe naheen, usko aata hai' aur baDe bhaai ki or haath
uThaaya. to is tarah yeh baat chalti rahi 'naheen yeh gaati hai,
naheen yeh gaata hai, naheen yeh gaati hai, naheen yeh gaata hai'. to
usne dekha ki 'time' nikal jaayega aur 'programme' bhi haath se nikal
jaayega, to unhone hamaara haath pakDaa aur seedhe 'mike' ke saamne
le gaye. aur kahaa 'hamko sunaaiye na ek gaana'.

KS: matlab, 'radio' se aap ka rishtaa bahut puraana hai!

SP: bahut puraana. maine fauji bhaaiyon ke liye bhi kaaryakram kiya
tha.

KS: mujhe yaad hai aap ne fauji bhaaiyon ke liye jo
Jaimala 'programme' hai usmein aap ne shirkar kee thi aur na keval
apne pasand ke gaane sunwaaye the balki unki hausla afzaai bhi kee
theen

SP: jee haan.

KS: 'acting' ka aap ka safar shuru huya tha Sankalp se.

SP: jee haan

KS: Sankalp mein aap ke 'hero' kaun the?

SP: Ramesh Sehgal-ji ke bee hi the. main safed kapDe pahenke, baal
vidhvaa hoti hai na, maine us kirdaar ko Ramesh Sehgal saahab ke
saath kaam karke nibhaaya to us 'acting' ke liye bhi mujhe 'award'
mile. main bahut Khushkismat hoon ki jinhone Sunil Dutt saahab ko
Railway Platform mein 'first introduce' kiya, unhone hi mujhe kiya.
to kitne 'great' honge woh ki unhone 'artistes' chune, 'industry'
ko 'artsites' deeye.

KS: Sankalp 1974 ki baat thi. phir 1975 mein aap ki 3 filmen aayeen.
to inmein aapki sabse pehle kaun film 'release' huyi, Uljhan?

SP: dekhiye, ismein chhoTi si baat main aap se kahoongi

KS: zaroor

SP: main Nadiadwala ki film Bundlebaaz mein kaam kar rahi thi, aur us
waqt mujhe ijaazat naheen thi ki main kisi aur film mein kaam karoon
jab tak ki Bundlebaaz naheen ban jaaye.

KS: woh to 1976 mein 'release' huyi thi

SP: 'yes yes yes'. to kya huya ki Bundlebaaz jab ban rahi thi to main
itni Khush thi, itni Khush thi ki Rajesh Khanna us zamaane mein bahut
baDe 'actor' maane jaate the, ek bahut baDaa 'set' lagaa huya tha, us
pe ek gaana 'picturize' kar rahe the. to ek din Sudesh Kumar aaye aur
kahaa ki 'ek meri film hai Uljhan, aap karengi?'

KS: arey waah. aap ke 'hero' the usmein Sanjeev Kumar. kyunki woh
film maine dekhi hai. aap ko lagaataar ek tanaav jhelnaa paDtaa
hai 'screen' mein aap ko taaki 'husband' par woh baat zaahir na ho
jaaye.

SP: jee haan

------------------------------------------------------
Song: apne jeevan ki uljhan ko - Lata version (Uljhan)
------------------------------------------------------

SP: saamne Sanjeev Kumar, jaise ki kisi bhi 'role' ko kar sakte the,
ek seemaa par khaDe naheen rehte the, woh apni raah banaate jaate
the.

KS: 'great' the

SP: aur 'I think' ki unke jaisa kalaakaar aaj ki 'date' mein naheen
hai.

------------------------------------------------
Dialogues between Sanjeev & Sulaxana from Uljhan
------------------------------------------------

SP: aap se keh doon ki main Bundlebaaz mein kaam to kar rahi thi,
Khush bhi thi, par jab Sudesh Kumar ne yeh 'picture offer' kee mujhe,
woh Uljhan, to maine sochaa ki hazaaron filmen hain, chalo isko bhi
kar dete hain.

KS: Sulaxana-ji, yeh aap ki doosri film thi na?

SP: jee haan

KS: aur doosri film jismein lambaa anubhav bhi naheen tha

SP: jee haan

KS: aur aap ko ek aisa 'drama' jismein bahut zyaada tanaav, lagaataar
aap ko jhelnaa hai aur 'screen' par woh dikhnaa chaahiye, taaki
dekhnewaala apne aap ko uske saath 'associate' kar sake

SP: bilkul sahee hai

KS: aur woh bhi uis tanaav ko, us 'pain' ko jheltaa hai jo aap ko
dekh raha hai. aap ko lagaa ki 'challenge' hai, aur saamne, jaisa ki
aap ne farmaaya ki Sanjeev Kumar jaisa 'actor' ho, us kad-kaaThi ka...

SP: o ho, jab unkaa naam aata hai to 'really' lagta hai ki aise
kalaakaar baar baar naheen paidaa hote.

KS: us samay aap ko thoDi 'nervousness' thi?

SP: bahut, balki peeTh ke peechhe chhup jaati thi, jab koi
aisa 'romantic scene' aata to main sharmaa jaati thi aur woh sakht
rehte the, gambheer. yeh naheen ki mere sharmaane par unhone
kuchh 'comments' keeye, kuchh naheen. sochte honge ki 'Sulaxana jo
hai, 'obviously' abhi abhi aayi hai filmon mein, pyaar mohabbatwaali
baat, aur tum 'daddy' bannewaale ho'. to aisi cheezen jab saamne aati
thi to thoDaa peechhe ho jaati thi, phir himmat karke saamne aati thi
aur 'dialogue' keh deti thi.

KS: jitne bhi shrotaa hain, jo is waqt baatchit ko sun rahe hain ,
Sulaxana-ji ka woh chehra, woh 'scenes' Uljhan ke, apne yaadon ke
galiyaaron se guzar rahe honge. ham Indian Beauty jise kehte hain,
bhaartiya saundarya jise kehte hain, us saundarya mein sharm hai,
nazaakat hai, aur sankoch hai

SP: bilkul sahi hai

KS: to kya bahut zyaada Khayaal karti hain ki yeh bhi kudrat ki den
hai?

SP: (laughs) yeh bhi kudrat ki hi den hai. ham log to 'singer' hain.

KS: Noorjehan aur Suraiyya ne jo paramparaa banaaee thi, aap ko main
usi parampara mein shaamil karta hoon

SP: 'oh my God! thank you'

KS: kyunki gaana aur abhinay, dono ek saath bahut 'rare' hai.

SP: Kishore Kumar bhi aise kalaakaar the jo film banaate bhi
the, 'direct' bhi karte the, aur 'producer' bhi the, aur sangeetkaar
bhi the, aur sarvaguN dhanee the

---------------------------------------------
Song: ge ge ge geli zaraa Timbaktu (Jhumroo)
---------------------------------------------

KS: ham abhi kuchh der pehle 'beauty' ki baat kar rahe the, sahi
maaeene mein jab tak aadmi andar se Khoobsoorat naheen hai, 'inner
beauty' jise ham kehte hain, mere Khayaal se woh zyaada sundar hoti
hai

SP: bahut baDi baat kahee aap ne

KS: bahut lambe samay tak log usey hi yaad rakhte hain

SP: bahut sahee

KS: aur aisaa bholaapan aap ke man mein gehraa asar chhoDtaa hai,
aur 'screen' par bhi zyaada apna bhi lagta hai. aisa...

SP: dekhiye main ek baat kehti hoon

KS: jee

SP: aap jis tarah se saundarya ki baat kar rahe hain, to woh
saundarya bhagwaan banaata hai. main yahi kahoongi ki jab main raaste
par chalti thi, 16/17 saal, ek 'church' hai, wahaan main mombatti
jalaati thi.

KS: oh

SP: main bhajan gaati thi ki 'bhagwaan mera achchha ho', sab jagah
jaati thi, to 'without my knowledge' ke log mujhe peechhe muD muD ke
dekhte the, ki yeh kaun hai yeh kaun hai, itni Khoobsoorat lagti thi.
phir ek baar main Manna-da ke saath koi gaana gaa rahi thi, mujhe
dekhte hi bole 'arey Sulaxana, tu 'heroine' kyun naheen banti?' (KS
laughs). maine kahaa ki 'main gaana gaane aayi hoon'. to bole
ki 'Noorjehan ki tarah gaa, aur Suraiyya bhi gaati theen, unke jaisaa
kaam bhi karo'. to maine kahaa ki 'achchha, jaise milegaa main
karoongi'. to is tarah se Manna-da ne, aur phir Kishore-da ko jab
pataa chalaa ki Sulaxana itni 'talented' hai, 'isko bhi usi
tarah 'effort' aa rahe hain jaise mujhe aate the' to kyun na isko
filmon mein kaam karaaya jaaye. unhi ke saath Hemant-da aaye, unhi ka
jo 'production' hai usmein kaam karo. ab dono mein kahaan haan kahaan
naa mujhe pataa naheen. to 'ultimately' yahi 'plan' huya ki naa woh
kaam denge naa main kaam karoongi aur dono ko apni apni jagah jaise
hain waise hi rahenge.

KS: Uljhan ki baat zaraa beech mein ulajh hi gayi, usko zaraa
suljhaana zaroori hai (SP laughs). Sanjeev Kumar ki baat chal rahi
thi, woh kabhi aap ko 'guide' karte the, bataate the chhoTi chhoTi
baaten, madad karte the?

SP: jahaan tak unkaa samjhaana, jo baat woh samjhaana chaahte the woh
Raj Jalani ko bol dete the ki 'Sulaxana ko bolo ki yeh 'scene' woh is
tarah se kare'. is tarah Sanjeev-ji ka bhi jab main 'scene' dekhti
thi, to mujhe lagtaa tha ki kya aankhen hain unki! kyaa unkaa chehraa
bhagwaan ne 'specially' banaaya hai! koi bhi insaan unko dekhe to jaa
naheen saktaa tha. bahut hi saadar dil aur bahut 'emotional' aur
bahut dooooooor ghanTon dekhnaa, woh 'scene' ko naheen dekhte the
jaise ham log baiThe huye hain, 'scene' de diyaa, 'scene' paDh liyaa,
to 'balcony' mein jaakar ghanTon khaDe rehte the jab tak 'light'
lagti thi.

KS: aur andar hi andar us par kaam kar rahe hote the

SP: kaam kar rahe hote. Naya Din Nayi Raat mein unhone nau 'role'
keeye the.

KS: to Sulaxana-ji, isiliye kuchh log jis naam se woh jaane jaate
hain 'actor' ke roop mein, woh wohi nazar aate hain 'screen' par bhi.
lekin kuchh log woh hote hain jo film ka 'character' hota hai woh
nazar aate hain. unkaa asli naam peechhe chhooT jaata hai

SP: bilkul sahee

KS: aur Sanjeev Kumar aise hi 'actor' the jo us 'character' mein
samaa jaate the, jo us 'character' ko amar banaa dete the.

SP: bilkul

KS: chaahe Sholay ke Thaakur saahab ki baat karoon, chaahe Aandhi ki
baat karoon

SP: aa haa

KS: Mausam ki baat karoon

SP: kya baat hai

KS: Koshish ki baat kare ham

SP: o ho ho

KS: bahut hi 'challenging role'

SP: kamaal kar rahe hain aap, itne achchhe filmon ke naam aap ko yaad
hai, main soch ke aa rahi thi ki in filmon ke naam main loongi
lekin 'I must give you credit' ki 'you know Sanjeev-ji so nearly',
main bahut 'contended' mehsoos kar rahi hoon.

KS: achchhe log sab ke dilon par raaj karte hain

SP: bilkul sahee, bilkul sahee kahaa hai

----------------------------------------------
Dialogues between Sanjeev & Asrani from Uljhan
----------------------------------------------

---------------------------------------------------------
Song: apne jeevan ki uljhan ko - Kishore version (Uljhan)
---------------------------------------------------------

END OF EPISODE 2

Hi!

Can anybody able to upload Vividh Bharati Morning Signature Tone
(Sahnai).

Thanks

Dear Sujoy,

Thanks for uploading all such gems.  I have no words to thank you
sufficiently.  These are real treasures to all VB listeners - past
and present; more so to people who live abroad.

Thanks again.

Anit

-- In vividhbharati@..., "soojoi_india"
<soojoi_india@...> wrote:
>
> Sudha Malhotra speaks about one of her first songs - vandemaataram.
>
> Download from Files/Audio Files/VB's Golden Jubilee Celebrations.
>
> Happy listening!!!
>
> Sujoy
>

EPISODE 2 (28/02/2008)
----------------------

SP: Sulaxana Pandit
KS: Kamal Sharma

KS: Sulaxana-ji, Vividh Bharati ke is kaaryakram mein aapka bahut
bahut swaagat hai, namaskaar! Sulaxana-ji, jab baat chal rahi thi aap
ke parivaar ki, aap ke bachpan ki, tab aap ne apni chhoTi bahen ka
zikr kiya tha Vijeyta ka.

SP: jee. meri zindagi ki woh ek aas hai, aur woh Khud ek devi hai,
usne har tareeke se mujhe bachaaya, aur itna pyaar diya, apni maa
jaisa samjhaa, aur jab uske baare mein zikr aata hai to meri aankhon
mein aansoo bhi aate hain ki main us bahen ki bahen hoon baDi jo aaj
mere sath mujhe itna pyaar deti hai ki kisi cheez ki kamee mehsoos
naheen hoti.

KS: matlab bahen bhi hai, saheli bhi hai, kai kai roop hai uske, hun?

SP: 'yes', saare roop, to Vijeyta ke saath hamne sochaa ki Vijeyta ke
saath koi gaana aana chaahiye, aur kudrat ki den dekhiye ek gaana aa
hi gaya.

KS: kaun sa gaana?

SP: "haathon mein meri bhi mehendi lagaayo, jaldi se jaayo mera dulha
leke aayo"

-------------------------------------------------------------
Song: haathon mein meri bhi mehendi lagaayo (Dil Se Mile Dil)
-------------------------------------------------------------

KS: Sulaxana-ji, yeh mera saubhaagya hai ki aaj mujhe aap ke saath
baiThne ka, aap se ru-ba-ru hone ka mauka milaa.

SP: yeh mera bhi saubhaagya hai

KS: jab bhi dekhaa to us chehre pe ek bholaapan, ek maasoomiyat.
yakeen hi naheen hota ki inhone kabhi bachpan mein sharaarat bhi kee
hogi.

SP: bachpan mein, aap yakeen naheen karenge ki main ek bahut
sharmilee laDkee thi. itni sharmilee ki meri koi bahene naheen.

KS: yeh to aap ko 'screen'pe dekh kar hameshaa lagta hai

SP: (laughs) magar main sach keh rahi hoon, mujhe apne aap ko baahar
laana aur 'challenge' ho gaya tha. agar mere 'father' naheen hote to
aaj main 'singer' naheen hoti, 'star' naheen hoti, kuchh naheen hoti,
bhagwaan ne unko apne haathon se banaaya tha bahut Khoobsoorat se,
bahut achchhe swabhaav ke the, bhole the, aur sabse achchhi baat yeh
hai ki woh bahut achchhe guru the. unki pandit Jasraj-ji itni taarif
karte rehte hain aaj bhi, aur kehte hain ki 'aajkal main Prataap
bhaiya mein milne laga hoon'.

KS: ab aap ne jab Pandit Jasraj-ji ka naam liya, to main unkaa bhi
bahut baDaa 'fan' hoon, bahut adbhut gaate hain, jab gaayan divyataa
mein parivartit ho jaata hai.

SP: deewaangee

KS: yeh cheezen uparwaala bahut meherbaani se hi detaa hai

SP: karmon se detaa hai

KS: to aap ke kitne bhaai bahen, us samay kahaan rehta tha aap ka
parivaar?

SP: pehle ham log sab Calcutta mein rehte the, wahaan par All India
Radio se pitaaji ko ek 'letter' aaya ki 'Pandit-ji, aap ko national
Programme mein gawaa rahe hain aur aap Bombay aa jaaiye'. to sab
bachche peechhe paD gaye ki 'ham bhi jaayenge ham bhi jaayenge',
Bambai dekhne ka sab ko shauk tha. to main aur mere baDe bhaai
Bandhir, woh bhi mere guru hain, unhone bhi mujhe bahut mada kee hai
laykaari mein, aur unse maine bahut laykaari seekhee hai, aur main
laykaari mein unko apna guru maanti hoon.

KS: yeh jo baarik kaam hai gaayiki ka

SP: bahut. to ham log yahaan par aaye aur pitaaji ka gaana 'national
recording' ho rahi thi, itne mein baal vibhaag mein ek bachchi naheen
aayi thi. to woh soch mein paD gaye. to unhone dekha ki Pandit-ji gaa
rahe hain to unke bachche bhi zaroor gaate honge. to woh aaye mere
bhaai ke paas. unhone poochhaa 'aap ko gaana aata hai?' maine
kahaa 'mujhe naheen, usko aata hai' aur baDe bhaai ki or haath
uThaaya. to is tarah yeh baat chalti rahi 'naheen yeh gaati hai,
naheen yeh gaata hai, naheen yeh gaati hai, naheen yeh gaata hai'. to
usne dekha ki 'time' nikal jaayega aur 'programme' bhi haath se nikal
jaayega, to unhone hamaara haath pakDaa aur seedhe 'mike' ke saamne
le gaye. aur kahaa 'hamko sunaaiye na ek gaana'.

KS: matlab, 'radio' se aap ka rishtaa bahut puraana hai!

SP: bahut puraana. maine fauji bhaaiyon ke liye bhi kaaryakram kiya
tha.

KS: mujhe yaad hai aap ne fauji bhaaiyon ke liye jo
Jaimala 'programme' hai usmein aap ne shirkar kee thi aur na keval
apne pasand ke gaane sunwaaye the balki unki hausla afzaai bhi kee
theen

SP: jee haan.

KS: 'acting' ka aap ka safar shuru huya tha Sankalp se.

SP: jee haan

KS: Sankalp mein aap ke 'hero' kaun the?

SP: Ramesh Sehgal-ji ke bee hi the. main safed kapDe pahenke, baal
vidhvaa hoti hai na, maine us kirdaar ko Ramesh Sehgal saahab ke
saath kaam karke nibhaaya to us 'acting' ke liye bhi mujhe 'award'
mile. main bahut Khushkismat hoon ki jinhone Sunil Dutt saahab ko
Railway Platform mein 'first introduce' kiya, unhone hi mujhe kiya.
to kitne 'great' honge woh ki unhone 'artistes' chune, 'industry'
ko 'artsites' deeye.

KS: Sankalp 1974 ki baat thi. phir 1975 mein aap ki 3 filmen aayeen.
to inmein aapki sabse pehle kaun film 'release' huyi, Uljhan?

SP: dekhiye, ismein chhoTi si baat main aap se kahoongi

KS: zaroor

SP: main Nadiadwala ki film Bundlebaaz mein kaam kar rahi thi, aur us
waqt mujhe ijaazat naheen thi ki main kisi aur film mein kaam karoon
jab tak ki Bundlebaaz naheen ban jaaye.

KS: woh to 1976 mein 'release' huyi thi

SP: 'yes yes yes'. to kya huya ki Bundlebaaz jab ban rahi thi to main
itni Khush thi, itni Khush thi ki Rajesh Khanna us zamaane mein bahut
baDe 'actor' maane jaate the, ek bahut baDaa 'set' lagaa huya tha, us
pe ek gaana 'picturize' kar rahe the. to ek din Sudesh Kumar aaye aur
kahaa ki 'ek meri film hai Uljhan, aap karengi?'

KS: arey waah. aap ke 'hero' the usmein Sanjeev Kumar. kyunki woh
film maine dekhi hai. aap ko lagaataar ek tanaav jhelnaa paDtaa
hai 'screen' mein aap ko taaki 'husband' par woh baat zaahir na ho
jaaye.

SP: jee haan

------------------------------------------------------
Song: apne jeevan ki uljhan ko - Lata version (Uljhan)
------------------------------------------------------

SP: saamne Sanjeev Kumar, jaise ki kisi bhi 'role' ko kar sakte the,
ek seemaa par khaDe naheen rehte the, woh apni raah banaate jaate
the.

KS: 'great' the

SP: aur 'I think' ki unke jaisa kalaakaar aaj ki 'date' mein naheen
hai.

------------------------------------------------
Dialogues between Sanjeev & Sulaxana from Uljhan
------------------------------------------------

SP: aap se keh doon ki main Bundlebaaz mein kaam to kar rahi thi,
Khush bhi thi, par jab Sudesh Kumar ne yeh 'picture offer' kee mujhe,
woh Uljhan, to maine sochaa ki hazaaron filmen hain, chalo isko bhi
kar dete hain.

KS: Sulaxana-ji, yeh aap ki doosri film thi na?

SP: jee haan

KS: aur doosri film jismein lambaa anubhav bhi naheen tha

SP: jee haan

KS: aur aap ko ek aisa 'drama' jismein bahut zyaada tanaav, lagaataar
aap ko jhelnaa hai aur 'screen' par woh dikhnaa chaahiye, taaki
dekhnewaala apne aap ko uske saath 'associate' kar sake

SP: bilkul sahee hai

KS: aur woh bhi uis tanaav ko, us 'pain' ko jheltaa hai jo aap ko
dekh raha hai. aap ko lagaa ki 'challenge' hai, aur saamne, jaisa ki
aap ne farmaaya ki Sanjeev Kumar jaisa 'actor' ho, us kad-kaaThi ka...

SP: o ho, jab unkaa naam aata hai to 'really' lagta hai ki aise
kalaakaar baar baar naheen paidaa hote.

KS: us samay aap ko thoDi 'nervousness' thi?

SP: bahut, balki peeTh ke peechhe chhup jaati thi, jab koi
aisa 'romantic scene' aata to main sharmaa jaati thi aur woh sakht
rehte the, gambheer. yeh naheen ki mere sharmaane par unhone
kuchh 'comments' keeye, kuchh naheen. sochte honge ki 'Sulaxana jo
hai, 'obviously' abhi abhi aayi hai filmon mein, pyaar mohabbatwaali
baat, aur tum 'daddy' bannewaale ho'. to aisi cheezen jab saamne aati
thi to thoDaa peechhe ho jaati thi, phir himmat karke saamne aati thi
aur 'dialogue' keh deti thi.

KS: jitne bhi shrotaa hain, jo is waqt baatchit ko sun rahe hain ,
Sulaxana-ji ka woh chehra, woh 'scenes' Uljhan ke, apne yaadon ke
galiyaaron se guzar rahe honge. ham Indian Beauty jise kehte hain,
bhaartiya saundarya jise kehte hain, us saundarya mein sharm hai,
nazaakat hai, aur sankoch hai

SP: bilkul sahi hai

KS: to kya bahut zyaada Khayaal karti hain ki yeh bhi kudrat ki den
hai?

SP: (laughs) yeh bhi kudrat ki hi den hai. ham log to 'singer' hain.

KS: Noorjehan aur Suraiyya ne jo paramparaa banaaee thi, aap ko main
usi parampara mein shaamil karta hoon

SP: 'oh my God! thank you'

KS: kyunki gaana aur abhinay, dono ek saath bahut 'rare' hai.

SP: Kishore Kumar bhi aise kalaakaar the jo film banaate bhi
the, 'direct' bhi karte the, aur 'producer' bhi the, aur sangeetkaar
bhi the, aur sarvaguN dhanee the

---------------------------------------------
Song: ge ge ge geli zaraa Timbaktu (Jhumroo)
---------------------------------------------

KS: ham abhi kuchh der pehle 'beauty' ki baat kar rahe the, sahi
maaeene mein jab tak aadmi andar se Khoobsoorat naheen hai, 'inner
beauty' jise ham kehte hain, mere Khayaal se woh zyaada sundar hoti
hai

SP: bahut baDi baat kahee aap ne

KS: bahut lambe samay tak log usey hi yaad rakhte hain

SP: bahut sahee

KS: aur aisaa bholaapan aap ke man mein gehraa asar chhoDtaa hai,
aur 'screen' par bhi zyaada apna bhi lagta hai. aisa...

SP: dekhiye main ek baat kehti hoon

KS: jee

SP: aap jis tarah se saundarya ki baat kar rahe hain, to woh
saundarya bhagwaan banaata hai. main yahi kahoongi ki jab main raaste
par chalti thi, 16/17 saal, ek 'church' hai, wahaan main mombatti
jalaati thi.

KS: oh

SP: main bhajan gaati thi ki 'bhagwaan mera achchha ho', sab jagah
jaati thi, to 'without my knowledge' ke log mujhe peechhe muD muD ke
dekhte the, ki yeh kaun hai yeh kaun hai, itni Khoobsoorat lagti thi.
phir ek baar main Manna-da ke saath koi gaana gaa rahi thi, mujhe
dekhte hi bole 'arey Sulaxana, tu 'heroine' kyun naheen banti?' (KS
laughs). maine kahaa ki 'main gaana gaane aayi hoon'. to bole
ki 'Noorjehan ki tarah gaa, aur Suraiyya bhi gaati theen, unke jaisaa
kaam bhi karo'. to maine kahaa ki 'achchha, jaise milegaa main
karoongi'. to is tarah se Manna-da ne, aur phir Kishore-da ko jab
pataa chalaa ki Sulaxana itni 'talented' hai, 'isko bhi usi
tarah 'effort' aa rahe hain jaise mujhe aate the' to kyun na isko
filmon mein kaam karaaya jaaye. unhi ke saath Hemant-da aaye, unhi ka
jo 'production' hai usmein kaam karo. ab dono mein kahaan haan kahaan
naa mujhe pataa naheen. to 'ultimately' yahi 'plan' huya ki naa woh
kaam denge naa main kaam karoongi aur dono ko apni apni jagah jaise
hain waise hi rahenge.

KS: Uljhan ki baat zaraa beech mein ulajh hi gayi, usko zaraa
suljhaana zaroori hai (SP laughs). Sanjeev Kumar ki baat chal rahi
thi, woh kabhi aap ko 'guide' karte the, bataate the chhoTi chhoTi
baaten, madad karte the?

SP: jahaan tak unkaa samjhaana, jo baat woh samjhaana chaahte the woh
Raj Jalani ko bol dete the ki 'Sulaxana ko bolo ki yeh 'scene' woh is
tarah se kare'. is tarah Sanjeev-ji ka bhi jab main 'scene' dekhti
thi, to mujhe lagtaa tha ki kya aankhen hain unki! kyaa unkaa chehraa
bhagwaan ne 'specially' banaaya hai! koi bhi insaan unko dekhe to jaa
naheen saktaa tha. bahut hi saadar dil aur bahut 'emotional' aur
bahut dooooooor ghanTon dekhnaa, woh 'scene' ko naheen dekhte the
jaise ham log baiThe huye hain, 'scene' de diyaa, 'scene' paDh liyaa,
to 'balcony' mein jaakar ghanTon khaDe rehte the jab tak 'light'
lagti thi.

KS: aur andar hi andar us par kaam kar rahe hote the

SP: kaam kar rahe hote. Naya Din Nayi Raat mein unhone nau 'role'
keeye the.

KS: to Sulaxana-ji, isiliye kuchh log jis naam se woh jaane jaate
hain 'actor' ke roop mein, woh wohi nazar aate hain 'screen' par bhi.
lekin kuchh log woh hote hain jo film ka 'character' hota hai woh
nazar aate hain. unkaa asli naam peechhe chhooT jaata hai

SP: bilkul sahee

KS: aur Sanjeev Kumar aise hi 'actor' the jo us 'character' mein
samaa jaate the, jo us 'character' ko amar banaa dete the.

SP: bilkul

KS: chaahe Sholay ke Thaakur saahab ki baat karoon, chaahe Aandhi ki
baat karoon

SP: aa haa

KS: Mausam ki baat karoon

SP: kya baat hai

KS: Koshish ki baat kare ham

SP: o ho ho

KS: bahut hi 'challenging role'

SP: kamaal kar rahe hain aap, itne achchhe filmon ke naam aap ko yaad
hai, main soch ke aa rahi thi ki in filmon ke naam main loongi
lekin 'I must give you credit' ki 'you know Sanjeev-ji so nearly',
main bahut 'contended' mehsoos kar rahi hoon.

KS: achchhe log sab ke dilon par raaj karte hain

SP: bilkul sahee, bilkul sahee kahaa hai

----------------------------------------------
Dialogues between Sanjeev & Asrani from Uljhan
----------------------------------------------

---------------------------------------------------------
Song: apne jeevan ki uljhan ko - Kishore version (Uljhan)
---------------------------------------------------------

END OF EPISODE 2

JUBILEE JHANKAAR - GOLDEN JUBILEE CELEBRATION OF VIVIDH BHARATI
---------------------------------------------------------------

INTERVIEW OF NOTED GRAMOPHONE RECORDS COLLECTOR DR PRAKASH JOSHI
****************************************************************

PART 2
------

PART 2
------

PJ: Dr Prakash Joshi
KS: Kamal Sharma
NM: Nimmi Mishra


KS: Dr saahab, ham baat kar rahe the saazindon ki. aur kaun kaun se
naam yaad aate hain?

PJ: jaise Jaisinh Bhoyi saahab the, 'special effects' mein 'master'
the, phir Ramlal, jo khud jaane maane sangeetkaar aur khud 'violin'
bajaate the, aur saarangi bhi bajaate the aur..

KS: shehnaai

PJ: shehnaai mein to 'master' the hi, shehnaai mein unka bahut
achchha kaam hai, Sehra mein unhone 'music' bhi diya hai, phir
Marutirao the jo tabla bajaate the, phir Jairam Acharya-ji hain, woh
sitaar achchha bajaate the, "o sajnaa barkhaa bahaar aayi" mein unki
sitaar hai.

-------------------------------------------------
Song: o sajnaa barkhaa bahaar aayi (Parakh, 1960)
-------------------------------------------------

PJ: phir Anna Joshi the, woh bhi table ke 'master' the, aur ek saahab
the Abdul karim, jo Ghulam Mohammed saahab ke bhaai the. ek baar aisa
huya ki kuchh 'recording' chal raha tha, to usmein kuchh Galat tablaa
bajaaya. 'senior' jo 'artistes' the woh hans paDe aur unse kahaa
ki 'tu doosra koi kaam kyun naheen kar letaa, yeh tablaa tumhaare bas
ka rog naheen hai'. to uska aisa 'insult' huya to woh seedha rote
rote apne bhaai ke paas gaya, Ghulam Mohammed-ji ke paas, aur kahaa
ki 'tum mujhe tablaa sekhaa do, naheen to main mar jaayungaa'. to
phir Ghulam Mohammed-ji ne taaleem chaalu kee aur phir 8-8 ghanTe
haath Khoon se bhar jaaye to bhi taaleem mein 'stop' naheen, 8-8
ghanTe bad tablaa ke bol bajaate raho, bajaate raho, bajaate raho,
aise jab ek saal, do saal mein jab tablaa mein 'master'-i paayi, phir
jaake 'again' woh 'recording' mein haazir huye aur aisi achchhi
unhone tablaa aur Dholaki bajaaee ki sab log Khush ho gaye. woh gaana
tha Kathputli film ka. Lata-ji itni Khush ho gayeen ki seedhe 100
rupay ka 'note', us zamaane mein 100 rupay to...

NM: bahut baDi rakam

PJ: aaj woh 5000/10000 hogaa

KS: kaun sa gaana tha Kathputli mein se?

PJ: mere Khayaal mein "baakaD bam bam bam" tha kyunki 'memory' bhi
kaafi 'weak' ho gayi thi, kyunki Kathputli ka hi tha, aur unko 100
ki 'note' mili to turant zor se hans paDaa tha aur un logon ke saamne
jaakar kahaa 'dekh, Lata-ji ne mujhe kya diya hai, aaj main kaun hoon
dekh!'

-------------------------------------------------------
Song: baakaD bam bam bam baaje Damroo (Kathputli, 1957)
-------------------------------------------------------

KS: Dr saahab, jo jaanemaane sangeetkaar hain unke baare mein to
aKhbaaron mein aata hai, 'radio' mein, 'television' par aata hai,
lekin aise bhi kamcharchit sangeetkaar hamaare yahaan hain jo
vyaavsaayik drishTi se beshaq zyaada safal na rahe hon, lekin jahaan
tak unke sangeet ki baat hai, unke dhuno ki baat hai, to ek ek dhun
jo hai woh karoD karoD rupay ki hai.

PJ: haan, ek dam heere hain sab, jaise Shailesh Mukherjee

KS: jee

PJ: unhone do-teen filmon mein hi 'music' diya tha, jaise Parichay
karke unki ek film thi, uska ek gaana Lata-ji ka, kya gaana hai
saahab, "jalke dil Khaak huya aankhon se roya na gaya...

NM: zaKham kuchh aise jale phoolon pe soyaa na gaya"

PJ: waah waah waah kya baat hai! aur is gaane ka janm kaise huya, woh
bhi Shailesh-ji ne hamein bataaya tha. woh dhun banaa rahe the par
kuchh jam naheen raha tha, to achaanak raat ko 12/1 kuchh baj gaye
honge, to 'studio' ke andar hi so gaye honge, aise hi 'harmonium' pe
haath rakh ke. to sapne mein unhe kuchh dhundlee si dhun koi aayi, to
woh raat ko 12/1 baje phir chheDnaa chaalu kiya, geet to saamne tha
hi, cheeDte chheDte bas subah yeh geet poora ho gaya.

-------------------------------------------------------------------
Song: jalke dil Khaak huya aankhon se roya na gaya (Parichay, 1954)
-------------------------------------------------------------------

PJ: phir doosre ek sangeetkaar the Basant Prakash-ji

NM: Khemchand Prakash-ji ke chhoTe bhaai

PJ: jee haan, Anarkali film ka ek gaana unhone 'compose' kiya tha.

NM: jee haan jee haan

PJ: ek gaana 'compose' kiya tha, Geeta ne gaaya tha, baaki sab gaane
Anna ne banaaye the. to unki ek film aayi thi Saloni, to usmein Lata-
ji ke do gaane hain, itne behatareen 'songs' hain ki kya bataayun aap
ko, jee chaahta hai aap zaroor suniye.

NM: zaroor sunte hain

---------------------------------------------
Song: mujhe dard tune kya diya (Saloni, 1952)
---------------------------------------------

KS: aur doosra?

PJ: "meri veeNaa ke sur saat re sur saat re", woh bhi gaana bahut
achchha hai.

-----------------------------------------------
Song: meri veeNaa ke sur saat re (Saloni, 1952)
-----------------------------------------------

PJ: jab woh aaye the, Basant Prakash-ji, bas unke yeh gaane unko
sunaaye to bilkul ro hi paDe wahaan. jab baabuji, Sudhir Phadke-ji
aate the, aur unki Mrs ka bhi hamne, Lalita Deolkar, woh 'playback
singer' theen

NM: haan unke gaaye huye gaane bhi bahut...

PJ: bahut, puraane zamaane mein Anna ke saath unke bahut achchhe
achchhe gaane unhone gaaye hain.

---------------------------------------------------------------
Song: hamko tumhara hi aasra tum hamaare ho na ho (Sajan, 1947)
---------------------------------------------------------------

END OF PART 2

77 years ago, on this day, 14 March 1931, the first Hindi talkie Alam
Ara was released and with this began the journey of Hindi Film Music.
The first Hindi film song, in Alam Ara, was "de de khuda ke naam par"
sung by Wazir Mohammed Khan.

Long Live HFM!

Sujoy

Sudha Malhotra speaks about one of her first songs - vandemaataram.

Download from Files/Audio Files/VB's Golden Jubilee Celebrations.

Happy listening!!!

Sujoy

UJAALE UNKI YAADON KE
---------------------
INTERVIEW OF SULAXANA PANDIT
****************************

EPISODE 1 (21/02/2008)
----------------------

SP: Sulaxana Pandit
KS: Kamal Sharma

KS: Sulaxana-ji, Vividh Bharati ke is kaaryakram mein aapka bahut
bahut swaagat hai, namaskaar!

SP: namashkaar, shukriyaa, Ujaale Unki Yaadon Ke mein mere bahut
saare 'track' hain, main kaun se 'track' mein baat karoon samajh mein
naheen aa raha hai, lekin phir bhi main aap ko bataa denaa chaahti
hoon ki  maine bahut saare 'actor'-on ke saath, mere zamaane ke, jab
Neetu Singh, Dimple Kapadia aur main, Raja mein maine Roshi Kapoor ke
saath kaam kiya tha, Khabar aayi thi ki yeh 'picture hit' ho gayi,
Bobby, to hamne 'party' bhi kee, phir hamne aur Rishi ne kaam kiya.
yeh 'angle' to hai hi, phir mujhe sangeetkaaron ka ek 'angle' milaa.

KS: Sulaxana-ji, aisa hai ki is samay main ek na raani ke saath
baiThaa hoon, aap ne raaja ki baat kee na, yeh raani sangeet jagat
ki, raani abhinay jagat ki, aur jinhe parivaar se sanskaar mile,
sangeet ke, aur Khoobsoorti milee. main sangeet se shuru kartaa hoon
kyunki main samajhtaa hoon ki filmon mein aap bahut baad mein aayeen,
shuruwaat aap ne kee sangeet se, aur mujhe yaad aata hai aap ka ek
gaana jo Vividh Bharati se hamne kai kai baar bajaaya, film Taqdeer
ka gaana.

SP: jeeeee haaaaaaan!

KS: "pappa jaldi aa jaana"

SP: "pappa jaldi aa jaanaaaaaa"

KS: kitne baras ki rahi hongi aap?

SP: main us waqt 9 baras ki thi, aur main jab gaa rahi thi, main Lata-
ji ko dekh rahi thi aur woh itni pyaari lag rahi thi jab woh gaa rahi
theen, main aap ko thoDaa sa sunaa deti hoon, (sings) "saat samundar
paar se, guDiyon ke baazaar se, achchhi si guDiyaa laana, guDiyaa
chaahe naa laaana, pappa jaldi aa jaana"

------------------------------------
Song: pappa jaldi aa jaana (Taqdeer)
------------------------------------

SP: unke saamne Khoobsoorat se Khoobsoorat 'heroine' bhi kuchh naheen
hai.

KS: main to Khud awaak hoon aap ko dekhte huye aur aap ko gaate huye
dekhke. aur aap Khud bhi us waqt ek guDiyaa jaisi theen, Theek hai na
(laughs), aur parivaar mein sab ki dulaari, yeh jo guDiyaa jisne
pehla gaana 9 baras ki umra mein filmon ke liye gaaya, us guDiyaa ko
baad mein logon ne Sulaxana Pandit ke roop mein jaana, lekin ghar
mein kya bulaate the aap ko?

SP: (laughs) aap yakeen naheen karenge, mujhe ajeeb lagtaa hai kehte
huye, jaise meri bahen Vijeyta, Munni yeh kar leejiye, Munni woh kar
leejiye, main sochti hoon Munni to yeh Khud hai Vijeyta, Munni
mera 'pet name' hai.

KS: to woh jo Munni thi, usne kisi se sangeet ki baaqaayda taaleem
lee, yaa ghar mein aisa maahaul tha, kahaan se preraNaa mili aap ko
sangeet mein aane ki?

SP: mere jo pitaaji the, ab to naheen hain, yaaden hain unki mere
saath, to mere jo 'father' hain, woh ek bahut seedhe, bahut
bhole, 'extremely 100% actor', aur woh 'singer' the, itnaa achchha
gaate the ki teen saptak ke taan to aise jhapaaTedaar lagaate the ki
sunnewaalon ki aankhen baahar aa jaati thi. woh ek mahaan hasti the,
aur aap ko main kya bataayun, aap jaante hi hain ki 'Pandit family'
mein jo gaana hai woh apne aap hi hai, aur hamaara gharaana hai
mewaati, aur mere 'father' jo hain unhone mujhe poora jo hai sugam
sangeet bhi seekhaaya.

-----------------------------------------
Song: baat bahut si baanTen hamne (
-----------------------------------------

SP: kisi bhi daaere mein aap jaayenge, to aap sochenge ki yeh
Sulaxana Pandit 'classical' bhi gaati hai, sugam sangeet bhi gaati
hai...

KS: sangeet ki poori viraasat se samriddha hai aap ka poora parivaar,
aap ka Khaandaan, jismein ek se ek ratna jinhone naam kamaaye, chaahe
ham aapki bahen Vijeyta-ji ki baat karen, unkaa bhi galaa bahut hi
sureelaa hai

SP: jee haan, ismein koi shaq naheen

KS: phir chaahe ham Jatin Lalit ki baat karen

SP: jee haan jee haan

KS: to jis parivaar mein sangeet hi sangeet ho, phir Viejya-ji ke jo
jeevan saathi hain, Aadesh-ji, aaj ke jaanemaane sangeetkaaron mein
unkaa shumaar hota hai, to main samajhta hoon ki jahaan raat din
suron se hi khelaa jaata ho to sureelaapan to rahegaa hi!

SP: jee

KS: Sulaxana-ji, Taqdeer mein aap ne gaana gaaya, uske baad ek aur
film thi Mahuya, jismein aap ne Rafi saahab ke saath bhi ek gaana
gaaya tha.

SP: jee, woh gaana aisa tha, (sings) "jab jab apnaa mel huya to dil
yeh hi pukaara, janam janam tak TooT sake naa kabhi saath hamaara..."

------------------------------------
Song: jab jab apna mel huya (Mahuya)
------------------------------------

SP: main yeh kahoongi ki gaana ek aisi cheez hai jo ham 'mike' ke
saamne gaate hain. to ham samajhte hain ki 'music director'
ek 'producer' bhi hota hai.

KS: jee, jee

SP: ek hisaab se, kyunki woh apne bachche ko 'singer' ko detaa hai.

KS: bilkul sahi baat hai

SP: aur uskaa anjaam gaayak ko denaa chaahiye. maine "maana teri
nazar mein" ek gaana gaaya tha, Khayyam saahab 'busy' the 'musicians'
ko lekar, aur unki patni Jagjit Kaur bahut 'concerned' rehti theen,
ki 'gaana kaise hogaa, gaana kaise hogaa, 'difficult'
hai, 'difficult' hai', main chupke chupke sunti rehti thi to mujhe
lagtaa tha ki kitnaa baDhiyaa gaana mujhe milaa hai, aaj mujhe gaana
hai! maine saare devi devtaaon ka naam lekar maine gaana shuru kiya.
aur jaise hi 'first take' shuru huya, Khayyam saahab itne Khush huye
itne Khush huye, aur aa kar mere 'cabin' ka darwaaza khola aur
kahaa 'Sulaxana, bahut achchhe beTaa, dekhnaa mera aashirvaad rang
laayegaa, gaate raho'.

----------------------------------------------------------
Song: maana teri nazar mein tera pyar ham naheen (Sankalp)
----------------------------------------------------------

SP: Khayyam saahab ek film kar rahe the aur us waqt main chaahti thi
ki Khayyam saahab koi mujhe gaana de, to aksar unke yahaan main jaaya
karti thi. ek bhajan hai unkaa jo maine gaaye hain, do bhajan hai,
woh aaj tak subah 6 baje kisi bhi 'channel 'mein aa jaate hain, uskaa
ek chhoTaa sa main aap ko bataa deti hoon gaa ke, (sings) "prabhu tum
antaryaami, dayaa karo dayaa karo he swaami....", yeh gaaya tha maine
Khayyam saahab ke saath. is gaane ke dauraan Khayyam saahab ki ek aur
film chal rahi thi, aur uske 'director' the Ramesh Sehgal, jinhone
Sunil Dutt saahab ko Railway Platform film mein pehli
baar 'introduce' kiya tha. jab maine "prabhu tum antaryaami" gaaya,
to Ramesh Sehgal saahab ne kahaa 'yeh laDki jo hai, mujhe yahi
chaahiye is film mein, main kisi ko naheen lenewaala'. main hairaan
reh gayi. jaise Vijeyta ne 'acting' seekhee, shuruwaat uski aise
huyi, lekin maine koi 'acting' naheen seekhee, to yeh jo baat
hai, 'joint' ho gayi Shabana-ji se aur mere se. woh chaahte the yaa
to Shabana Azmi ho yaa main hoyun. woh maine Shabana-ji se 'request'
kiya ki 'aap yeh kar deejiye kyunki main 'acting' bilkul naheen
jaanti hoon'. bole 'tum naheen jaanti ho, jhooTh bolti ho, jo insaan
ke andar gaana hotaa hai wohi to 'acting' hoti hai'. main dekhti reh
gayi ki kya kahaa hai inhone aur main bahut 'appreciate' kiya. phir
Khayyam saahab ne kahaa ki 'kar hi lo beTaa, kya farak paDtaa hai,
kar lo agar woh chaahte hain to'. maine woh film 'sign' kee.

KS: aap ne usmein ek gaana gaaya tha jiske aap ko shaayad 'award'
milaa tha.

SP: Filmfare Award milaa tha, Tansen-ji ka 'award' mila tha, Haridas-
ji ka 'award' mila tha, main thak gayi thi 'award' uThaate uThaate.

KS: jee haan. Sulaxanaji, aap ne baat kee us Sankalp film ki, yahaan
hamein ek sankalp lenaa paDegaa shrotaaon ke liye, aur ek gaana, is
film ka jo mashoor gaana jiske liye bahut bahut aap ko saraahana
mili, woh gaana lagaate hain, aur main samajhtaa hoon ki sabse baDaa
inaam, jo janataa se aashirvaad milta hai, usse baDaa kya inaam hai!

SP: koi inaam naheen

KS: hai na

SP: jee

KS: to unhi ko yeh gaana 'dedicate' karte hain?

SP: haan 'sure, truly'

----------------------------------------------
Song: DhoonDta hai tu kiskaa sahaara (Sankalp)
----------------------------------------------

END OF EPISODE 1

JUBILEE JHANKAAR - GOLDEN JUBILEE CELEBRATION OF VIVIDH BHARATI
---------------------------------------------------------------

INTERVIEW OF NOTED GRAMOPHONE RECORDS COLLECTOR DR PRAKASH JOSHI
****************************************************************

PART 1
------

PJ: Dr Prakash Joshi
PJM: Dr Prakash Joshi's mother
KS: Kamal Sharma
NM: Nimmi Mishra

KS: Vividh Bharati ki 'golden jubilee' par sabhi shrotaaon ko Kamal
Sharma...

NM: aur Nimmi Mishra ka...

KS & NM: namaskaar...

NM: Kamal-ji

KS: haan-ji

NM: aaj to ham apne 'studio' mein hain hi naheen

KS: jee haan, aaj ham hain dakshiN Mumbai ke us chhoD par jahaan
hamaare saamne hai ek aetihaasik imaarat, kareeb 200 saal puraana ek
ghar hai. abhi ham baahar khaDe hain, to kyun na andar chalen

NM: aur un swar lehriyon ko sune jo hamaare shrotaaon ko bahut pasand
aayenge.

KS: to aaiye milte hain Dr Prakash Joshi se

PJ: namashkaar

NM: Dr saahab, sabse pehle to ham yeh jaanna chaahenge ki film
sangeet ka jo yeh poora ka poora itihaas chhupaa huya hai aap ke ghar
mein, uske baare mein kuchh bataayen.

PJ: shuruwaat to bachpan se hi huyi hai. jab main chhoTaa tha to mere
[itaaji bhajan aur puraane jo 78 RPM 'records' ka unke chaachaaji ke
paas bahut baDaa 'collection' tha. aur aise aise sab kalaakaar the,
Narayan Rao Vyas, Bal Gandharva, Amirbai, unke sab 78 RPM 'records'
woh laaya karte the. hamaare ghar ke peechhe ek 'garden' tha, phoolon
mein paani Daalte huye, mujhe abhi tak yaad hai "raadhe krishna bol
mukh se", Narayan Rao Vyas-ji ka bahut baDhiyaa bhajan tha...

-------------------------------------------------------------
Song: raadhe krishna bol mukh se (Bhajan by Narayan Rao Vyas)
-------------------------------------------------------------

PJ: phir kya hai meri maataaji bhi bahut gaane gaaya karti theen.
jaise "shaanta saagari kasha sa uThavaLi savaadaDe", aisa ek
bahut 'famous song' huya karta tha.

PJ's mother sings "shaanta saagari kasha sa uThavaLi savaadaDe".

KS: aaiye, aaj jab aap apne beTe ko dekhti hain sangeet ki is tarah
se sevaa karte huye, kaisa lagta hai aap ko?

PJM: ekdam saras

PJ: hamaare yahaan jo 'first record' aayi thi woh Tarana ki thi
aur 'first song' tha "seene mein sulagte hain armaan". yeh jo gaana
hai woh rachnewaale Prem Dhawan saahab, gaanewaale Talat saahab, aur
sangeetkaar Anil Biswas saahab, teeno ek saath mere ghar mein aayenge
aur apne gaane ka luft uThaayenge woh maine kabhi sapne mein bhi
naheen sochaa tha. mujhe lagaa 'oh my God, what I have achieved!'

KS: to kyun naa sab se pehle ham usi gaane ki ek jhalak sunwaa den
aur us aetihaasik mauke ko is bahaane shraddhaanjali arpit kar den

PJ: zaroor!

---------------------------------------------------
Song: seene mein sulagte hain armaan (Tarana, 1951)
---------------------------------------------------

NM: achchha Dr saahab, sangeetkaaron aur unko jo rachnewaale hain,
unse milne ka mauka aur yeh sab kaise sambhav huya?

KS: yeh 'practice' kab se shuru huyi aap ki? (all laughs)

PJ: bas 'around 1970'. phir jaise jaise 'record' milte gaye main ek
ek karke 'collect' karta gaya.

KS: aur kahaan kahaan se 'collect' kiya yeh bhi bataaiye.

PJ: naheen, 'first' to Chor Bazaar, phir maine Karachi, London hai,
Dubai hai, phir East mein se bhi kaafi 'pictures' mile, phir London
se bhi mujhe achchhe achchhe 'pictures' mile jo yahaan par naheen
the 'available'. to 'compilation' ka daur wahaan se chaalu huya.
to 'first' maine 'video compilation' kiya Madhubala ka. lekin parde
ke upar film Aaram ka ek geet hai, "man mein kisi ka preet basaa le o
matwaale o matwaale", Lata-ji ka geet hai, Anil-da ka sangeet hai,
aur jab Amil-da hamaare ghar aaye the to, Sunny Kastolino jo
kalaakaar tha, jiska woh hameshaa zikr karte the, aur is gaane mein
jo 'piano' bajaa hai, woh Sunny Kastolino, jo 'Goan artsite' hain,
unkaa bajaaya huya hai, aur aise 'piano' ke 'songs' bahut kam hai.

---------------------------------------------------
Song: man mein kisi ka preet basaa le (Aaram, 1951)
---------------------------------------------------

KS: waah waah

PJ: Lata-ji ne Chhatrapati Shivaji ek film thi, us film mein unhone
khud kaam bhi kiya tha aur gaane bhi gaaye the, lekin yeh kahaa jaata
hai ki Aap Ki Sewa Mein, jo film thi, Datta Davjikar ka sangeet tha,
main yeh kehna chaahoonga ki Datta Davjikar Anil-da ko apna guru
maante the. unkaa jo Lata-ji ka jo film ka pehla gaana hai, Aap Ki
Sewa Mein ka, "paa laagun kar jori re Shyaam naa maaro pichkaari",
itnaa baDhiyaa gaana aur itni 'young' hai Lata-ji, aur poora baiThak
mein jo Thumri hoti hai, baiThak ki Thumri, wohi hai us gaane mein,
aur kyaa Lata-ji ki aawaaz lagi hai!

-----------------------------------------------------
Song: paa laagun kar jori re (Aap Ki Sewa Mein, 1947)
-----------------------------------------------------

KS: Nimmi-ji?

NM: hun?

KS: dil ki dhaDkano ka kyaa haalchaal hai aapki?

NM: main soch rahi hoon ki main kuchh na boloon, kyunki hamaare paas
bahut baaten aise, sansmaraN bataane ke liye Dr Joshi hain aur ham
apna waqt nikaal ke aur unkaa waqt churaakar apne shrotaaon ke liye
kuchh achchha, bahut achchha, yaadgaar kuchh sunna chaahte hain.

PJ: abhi tak mujhe yaad jab Anil-da, Salil-da aur Prem Dhawan-ji jab
aaye the, to bas woh bhi apne puraane zamaane mein kho gaye the. woh
baat karte karte ek baat bataa dee, ki Prem Dhawan-ji ka ek Juhu pe
banglaa tha. to har ravivaar ki subah wahaan pe aisi mehfil jamti thi
aur kaun kaun saahab aate the, Salil Chaudhury, Anil-da, Prem Dhawan,
Meena Kapoor, phir Sahir Ludhianvi, 'even' Pandit Narendra Sharma,
Ramanand Sagar, phir Roshan saahab kabhi kabhi aaya karte the. aur
woh us 'week' mein kaun kaun si achchhi achchhi dune banaaee woh sab
ke saamne pesh karte the. Anil-da ne Roshan ke baare mein yahi
bataaya tha ki 'Roshan jaisaa 'interlude music' bahut hi kam log
banaa sake hain'. Anil-da Khud bole ki aisa 'interlude music' main
naheen banaa sakoonga. shehnaai, sitaar, 'flute', aur kya milaap hota
tha 'instruments' ka, 'I just can't describe'. ham ek gaana sunenge
Roshan saahab ka, "do nainon ne jaal bichhaaya aur do naina ulajh
gaye", aur jo Roshan saahab ka kamaal hai, woh aap ko is gaane mein
dikhaaee degi.

-------------------------------------------------
Song: do nainon ne jaal bichhaaya (Sanskar ,1952)
-------------------------------------------------

NM: jaisaa ki aap ne Roshan saahab ke baare mein bataaya ki
unkaa 'interlude' bahut achchha hotaa tha, isi tarah Anil Biswas ka
jo 'orchestration' tha woh kamaal ka tha

PJ: haan jee, 'he was the first music director' jinhone '12-piece
orchestra' Bambai mein laaya. unki 'recording' dekhne ke liye baaki
sab sangeetkaar jaate the.

KS: jab ek 'western colour' aane lagaa to 'instrumentalists' kahaan
se aate the?

PJ: Goan jo 'artistes' the, aur Bombay mein yahaan kaafi 'clubs' huya
karte the, aur wahaan se yeh 'instrumentalists' yeh sab bajaane ke
liye aate the. to Bambai ke jo jaanemaane, diggaj sab kalaakaar,
maine ghar mein bulaake sab ka satkaar kiya tha aur kaun kaun
kalaakaar the, Abdul Karim, Marutirao ek table mein 'master' the, aur
Lala Dholkiwala, unka naam Lala Gangawani tha, 'but he was known as
Lala Dholkiwala' aur ek zamaana aisa aaya ki Lala Dholkiwale ka naam
itna huya ki sab maujood hain, 'recordist' bhi aaye hain, Lata-ji bhi
aayeen hain, Rafi-ji bhi aaye hain, lekin khaali Lala Gangawani
naheen aaye hain, to 'recording' thoDi der ke liye rukta tha, 'they
used to wait for sometime' ki Lala Gangawani aa raha hai.

KS: kya baat hai kya baat hai!

PJ: jo "tere binaa aag yeh chaandni", aap yeh gaana to sunte hain

NM: jee haan jee haan, Awara ka

PJ: Awara ka. to woh gaane mein bhi jo, baad mein "ghar aaya mera
pardesi" ka jo pehla jo 'piece' hai

NM: jee haan jee haan

PJ: Dholak ka, (hums the prelude piece of "ghar aaya mera pardesi"),
woh jo 'piece' hai, aur uska to 'recording' raat ko poora huya, subah
se 'recording' shuru huya to raat tak chalaa, woh the Lala Gangawani.

KS: sun lete hain is gaane ko

PJ: jee haan

------------------------------------------
Song: ghar aaya mera pardesi (Awara, 1952)
------------------------------------------

END OF PART 1

Dear Soojoi,
Have you or any other member of our group recorded what Hasan Kamaal
spoke about Sahir Ludhianvi. If yes, I would like to have the
recording. Couldn't capture it because I was driving then.
Thanks in advance.
Shirish

My favourite lyricist. Enjoyed the read (thanks Sujoy)

Cheers
Srinivas

Even this was worth a read. Thanks Sujoy

Cheers
Srinivas

Meri Yaadon Mein Sahir Ludhianvi - Hasan Kamaal
-----------------------------------------------

Recorded in Vividh Bharati studio in 1999
Re-broadcast under SWARNA SMRITI series on 1 March 2008
-------------------------------------------------------

Sahir Ludhianvi saahab se meri pehli mulaaqaat Lucknow mein huyi thi,
jab main Lucknow University ka 'student' tha, aur woh 'university' ke
ek mushaayre mein pehli baar Lucknow aa rahe the. yeh woh zamaana tha
jab Sahir Ludhianvi ka woh 'craze' tha ki log kehte the ki 'agar koi
Sahir Ludhianvi ka naam naheen jaanta, to yaa to woh shaayri ke baare
mein kuchh naheen jaanta, yaa phir naujawaan naheem', kyunki Sahir
Ludhianvi us zamaane mein naujawaanon ke mehboobtareen shaayar the.
mujhe achchhi tarah yaad hai ki main unhe 'receive' karne ke liye
doosre 'students' ke saath Charbaag pahunchaa, to meri Khushi ka yeh
haal tha ki jaise na jaane yeh meri zindagi ka kaun sa din hai aur
kis hasti ke deedaar honewaale hai ki jiske deedaar ke baGair hamein
yeh lag raha tha ki zindagi adhoori rahegi. woh tashreef laaye, ham
log unhe wahaan se 'receive' karke laaye, aur unhe ek 'hotel' mein
Thehraaya gaya, aur meraa unse taarruf yeh kehkar karwaaya gaya
ki 'Sahir Ludhianvi saahab, yeh Hasan Kamaal hain, hamaare bahut hi
tez aur tarraar kism ke taaleebilmon mein, 'students' mein, aur inki
sabse baDi Khusoosiyat yeh hai ki inhe aap ki nazm Parchhaaiyaan, jo
19 'pages' ki lambi nazm thi, zabaani yaad hai'. Sahir saahab bahut
Khush huye, aur shaam ko jab ham unhe lene gaye, to waqt se kuchh
pehle pahunch gaye the, to unhone baat karte karte achaanak kahaa
ki 'bhaai, kisi ne mujhe bataaya ki tumhe Parchhaaiyaan poori yaad
hain?' maine arz kiya ki 'jee haan'. kehne lage ki 'achchha, to
sunaao!' aur maine poori Parchhaaiyaan nazm unko ek hi nashist mein
paDhkar sunaa dee. aur woh sunte rahe. aur jab nazm Khatm huyi to
unkaa 'comment' yeh tha ki 'bhai aisa hai, ki main Punjabi hoon, aur
sher bahut buraa paDhtaa hoon, aur aaj jab tumko apni nazm paDhte
sunaa, to mujhe yeh mehsoos ho raha hai ki aaj ke mushaayre mein mere
bajaay meri shaayri tum hi sunaanaa'.


yeh woh zamaana tha jab unke geet bhi apnaa rang jamaa chuke the, aur
Naujawaan mein unka gaana "ThanDi hawaayen lehraake aayen", Taxi
Driver mein unkaa gaaya "jaayen to jaayen kahaan", yeh sab chaaron
taraf mulk bhar meibn goonj rahe the, aur main samajhtaa hoon usi
daur mein unkaa ek nazm Dhool Ka Phool bhi 'release' huyi thi. to
maine unse shikaayat kee ki 'Dhool Ka Phool' ke gaane maine sune hain
Sahir saahab, gaane bahut achchhe hain, magar Mahendra Kapoor saahab
ne do ek talaffuz mein Galati kee'. kehne lage 'kahaan?' maine
kahaa 'misaal ke taur par, usmein ek gaana hai ke "beqaraaron ki
duniyaa", "sambhal jaayen ham beqaraaron ki duniya"'. to maine kahaa
ki 'unhone "bekaraaron ki duniya" kahaa hai "beqaraaron ki" naheen
kahaa hai. to unhone kahaa ki 'talaffuz ki Galati unse huyi'. phir
kehne lage ki 'talaffuz ki galati to mujhse bhi hoti hai, main bhi
Punjabi hoon'. aur woh meri zindagi ka yaadgaar din tha kyunki Sahir
us waqt mehboob tareen shaaayar the.


phir main jab Bombay aaya, to unse mulaaqaaton ka silsilaa shuru
huya. aur woh mujhe bahut azeez lagte the, aur aksar unke yahaan
jab 'party' vagerah hoti thi, mujhe bulaate the aur 'naujawaan'
kehkar bulaate the. aur kehte the ki 'yeh Khidmat tumhaare supoort
hai'. aur yeh silsilaa kaafi arse tak chalta raha.


unke inteqaal ki Khabar maine Canada mein sunee. ham log ek mushaayre
mein wahaan gaye huye the jab yeh maaloom huya ki Sahir saahab is
duniya mein naheen rahe aur mujhe achchhi tarah yaad hai ki main
kamraa band karke bahut der tak royaa kiya tha.


Sahir ki nazmon ne 'motivate' kiya naujawaanon ko,Sahir ki nazmon ne
ek 'progressive' rumaaniyat ka tasavvur diya, aur Sahir ki nazmon ne
ek aag si lagaa dee thi us waqt ke maahaul mein. aap yakeen karen ki
maine aaj tak itnaa mehboob shaayar naheen dekhaa. unke kalaam ke
baare mein logon ke muKhtalif raayen hain, 'critics' ke kuchh hain,
sunnewaalon ki kuchh hain, paDhnewaalon ki kuchh hain, lekin mujhe
yeh achchhi tarah se maaloom hai ke unke jo majmooyen hain, kalaam
hain 'talKhiyaan', aaj tak 'talKhiyaan' ke jitne 'editions' chhape
hain, kisi doosri shaayri ke, majmooyen ke naheen chhape. yeh main
aaj ke daur ki baat kar raha hoon, Ghalib vagerah ki to Khair baat
alag hai, lekin jo aazaadi ke baad, jin shaayaron ke naam hamaare
saamne aate hain, unmein Sahir Ludhianvi waahid naam hai jiski kitaab
ke 21 'editions' us waqt chhap chuke the jis waqt woh zindaa the. aur
aaj tak yeh silsilaa jaari hai. ek Khusoosi baat jo maine
unmein 'note' kee thi woh yeh thi ki woh apni maqbooliyat ko
pehchaante huye bhi aur jaante huye bhi kabhi yeh naheen bhoole ki
unki apni jaDen kahaan hain. yaani woh jab bhi tanhaa hote the, to ek
baat yeh kehte the ki 'maine jo shaayri kee hai, uski jaDen Faiz aur
Majaaz ke yahaan hain'. aur unhone Majaaz ko bahut dino tak apne
yahaan mehmaan bhi rakhaa. Majaaz ke woh be-intehaa qaayal the,
Majaaz se be-intehaa mohabbat karte the.


Sahir Ludhianvi ke maut ke baad mushaayron ki duniya mein koi aisa
maqbool shaayar nazar naheen aaya ke jisko ham aam zabaan mein 'crowd
puller' keh sake. Sahir ka naam lete hi jaise laDkon aur laDkiyon ke
Thak lag jaate the. mujhe maaloom hai ki jab woh Ludhiana bulaaye
gaye ek baar, yahaan woh kabhi 'student' raha karte the, to us waqt
Ludhiana mein jab yeh maaloom huya ki Sahir Ludhianvi Ludhiana aa
gaye hain, to koi bhi naujawaan paDhaa likhaa, mard, aurat, laDkaa
aur laDkee aisa naheen tha jo us 'college' mein maujood na ho jahaan
woh apna kalaam sunaate the, mujhe unkaa zikr huya to Mir ka sher
yaad aaya, jo un par bahut saadiqaata hai ki "paidaa kahaan hai ki
aise paraagandaatabaa log, afsos tumko Mir se sohobat naheen rahi",
meri Khushkismati hai ki meri Sahir saahab se sohobat rahi aur Khoob
rahi, mohabbaten rahi, laDaaiyaan rahi, pyaar rahaa, aur yeh sab meri
zindagi ki bahut Khoobsoorat nishaaniyaan hain.

THE END

YOUTH EXPRESS
-------------

LIGHT HOUSE - EK KAAMYAAB YUVA KI KAHAANI: SINGER SHAIL HADA
------------------------------------------------------------

SH: Shail Hada
YK: Yunus Khan
GC: Students of Gokhale College, Mumbai

YK: is waqt hamaare saath hain film Saawariya se film sangeet sansaar
mein khyaati praapt kar chuke Shail Hada aur sirf Shail Hada hamaare
saath naheen hai, balki Mumbai ke Gokhale College ke kuchh chhaatra
bhi hamaare saath hain, jo Shail Hada se bhi sawaal poochhenge aur is
poore kaaryakram mein bahut mazaa aayegaa. Light House - Ek Kaamyaab
Yuvaa ki Kahaani stambh ke andar ham Shail Hada se baat karenge.
Shail, kaisa lag raha hai aakaashvaaNi mein vaapas aate huye?

SH: jee, sab se pehle Vividh Bharati sunnewaale sabhi shrotaaon ko
mera praNaam.

YK: Shail, yeh bataaiye ki 'radio' se aapka naataa kis tarah ka raha
hai aur kaise shuru huya yeh naataa?

SH: mere paapaa bhi aakaashvaaNi ke bahut achchhe kalaakaar rahe
hain, to unko dekhkar main prerit hota tha ki, aakaashvaaNi hamaare
liye bahut baDaa tha us samay, ki aakaashvaaNi mein 'perform' karna
hai. yuvaa vaaNi 'programme' hota tha, to usmein main bahut jaldi
hi 'select' ho gaya tha, bahut 'young age' mein 'select' ho gaya tha
to ' started performing', bhajan, geet gaata tha main. kabhi kabhi,
kuchh jaan pehchaan thi wahaan pe, 'uncles' the paapaa ke dost wahaan
pe, to ghaZal bhi gaa letaa tha (laughs). dheere dheere dheere karte
karte maine Jaipur All India Radio se 'audition' diya, Ghazal, bhajan
aur geet, teeno mein 'pass' huya main.

YK: aap ki taaleem ke baare mein kuchh aur baaten poochhenge lekin
dekh raha hoon ki hamaare kuchh yuvaa saathi yahaan maujood hain aur
woh bhi kuchh poochhna chaah rahe hain, bhai kaun poochhegaa bataaiye
sabse pehlaa sawaal?

GC: main aap se poochhna chaahti hoon ki kya aap ko bachpan se hi
aadat hai sangeet seekhne ki, 'college life' mein bhi?

SH: main aap ko boloon ki kab sangeet mere andar aa gaya Khud ko bhi
maaloom naheen. kabhi seekhaa bhi naheen, lekin yeh 'credit' jaata
hai meri 'mummy' ko. mujhe godee mein leke, mujhe yaad hai, jhoola
jhulaate the, pataa naheen, 'back of my mind' chalta rehta hai ki
sabse pehle unhone gaana seekhaaya tha. subah subah main uThtaa tha
to 'record player' pe, 'LP record', 75 mm, 45 mm...

YK: RPM

SH: RPM, 'sorry', to sab se pehle maine jinkaa gaana sunaa woh the
Ustad Amir Khan Saahab, woh bhi raag maarwaa, phir Ghazal mein
Mehendi hasan saahab ko sunaa, unki Ghazlen suntaa tha subah subah,
(sings) "baat karni mujhe mushkil kabhi aisi to na thi"

-------------------------------------------------------------
Clip: baat karni mujhe mushkil (Nonfilm Ghazal - Mehdi Hasan)
-------------------------------------------------------------

SH: to yeh kuchh na kuchh, 'something was happenning', par yeh kis
roop mein jaa raha tha paudhe ko maaloom bhi naheen tha, bas seekhtaa
jaa raha tha, 'I really dont know' ki kaun sa 'age' tha
mera. 'college' bhi maine 'join' kiya Mumbai University mein to
wahaan bhi 'classical', Ajay Monkar-ji ne mujhe apna shaagird banaaya
tha. unse bhi main zyaada seekh naheen paaya tha kyunki 'college'
ki 'competitions' mein bahut 'busy' ho gaya tha. yahaan par vidhivat
maine shikshaa praapt kee Pandit Aaskaran Sharma-ji se. mere pehle
guru mere paapaa ji hi the, bachpan mein unhone mujhe ek baat
seekhaaee thi jo taa-umra mujhe yaad rahegi ki jo bhi gaana dil se
gaana, tumko agar achchha naheen lagegaa to saamnewaale ko bhi
achchha naheen lagegaa. to jab tak zindaa hoon seekhta hi rahoonga.

GC: mujhe aap se ek 'request' hai ki aap hamein ek gaana
sunaayen, "jab se tere nainaa"

SH: (sings) "jab se tere nainaa mere nainon se laage re..."

------------------------------------------------------------
Clip: jab se tere nainaa mere nainon se laage re (Saawariya)
------------------------------------------------------------

YK: Shail, yeh bataaaiye ki aap ne apne gaano ke sanskaaron ka to
zikr kiya, gaane aur paDhaaee ke beech mein kis tarah
ka 'contradiction' chal raha tha?

SH: yeh thaa, ki gaane ke taraf mera dhyaan thoDaa zyaada tha, 'plus'
mere 'mummy' paapa, aur Kota mein paDhaaee ka bahutwa hai. IIT aur
PMT, IAS, aur jitne bhi hai, wahaan pe paDhaaee pe Khaas dhyaan diya
jaata hai.

YK: Kota shahar mein rehte huye, kyunki doosre shahar ke log Kota
jaate hain taaki IIT 'admissions' ki tayyaari kar sake. to aap ke
upar is tarah ka 'pressure' naheen tha ki IIT mein jaana hai?

SH: bilkul tha, bilkul 'pressure' tha, lekin mujhe andar se maaloom
tha ki kuchh na kuchh hogaa. 'what happenned' ki 10th ke baad 'I got
first division', to Science mil gaya. mujhe lagaa ki 'parents' ke
liye kuchh karna chaahiye, main itnaa 'selfish' naheen ban
saktaa. 'So, I started doing my 11th 12th in Science Maths, but' jo
hona hota hai woh to hoke rehta hai. Yuva VaNi 'programme' ke liye
AkashvaaNi jaate waqt 'I met with an accident'. 'mummy' ne kahaa
ki 'ab zindagi mein jo karnaa hai', 'because it was a second birth
for me', main kaise bachaa mujhe kuchh pataa naheen. to 'mummy' ne
mujhe bolaa ki 'jo ab zindagi mein banna hai bano'.

YK: waah waah, iske baad saare 'pressures' khatam ho gaye.

SH: haan, 'again credit goes to AakaashvaaNi' (YK laughs)

YK: ab aglaa sawaal kaun poochhegaa?

GC: mujhe aap se sawaal karna hai ki 'except singing', aap ke 'other
hobbies' kya hain?

SH: mujhe 'travel' karna bahut pasand hai, logon se 'interact' karna
bahut pasand hai, aur khelnaa koodnaa bahut pasand hai.

YK: waah!

SH: 'I love sports and I do a lot of exercises, I exercise a lot'

YK: woh aap ko dekh kar lag raha hai (all laughs). achchha yeh
bataaiye kaun kaun sa 'sports' pasand hai, 'cricket' par hi zyaada
dhyaan raha hai yaa kisi aur 'sports' par.

SH: naheen, aap ko bataayun main, 'school' mein bhi main 'athletics'
mein 100/200 m, 'log jump', 'foot ball', 'cricket' to tha hi, jo
mera 'favourite sport' hai woh hai 'badminton'

YK: kya baat hai!

SH: main usmein 'state level', kaafi 'high ;evel' tak pahuncha hoon.

YK: ek taraf gaana, doosri taraf khelnaa, teesri taraf Science ki
paDhaaee, yeh sab kaise hota tha bhai?

SH: 'energy level' bahut 'high' hai meraa. (YK laughs)

GC: aur aap ka apna 'favourite' gaana kaun sa hai?

SH: mere 'favourite' gaano mein....

YK: mushkil mein Daal diya aap ko?

SH: maine bachpan mein bahut sunaa tha ek gaana, jo meri 'mummy' ko
bahut pasand tha, "yun hasraton ke daaG moahbbat mein dho liye"

YK: kyaa baat hai, waah waah waah!

----------------------------------------------------------
Clip: yun hasraton ke daaG moahbbat mein dho liye (Adalat)
----------------------------------------------------------

YK: achchha Shail yeh bataaiye, zindagi mein 'career' ko lekar
kabhi 'pressure' naheen raha? aam taur par ek umra ke baad 'pressure'
bahut zyaada 'mount' hone lagta hai ki ab 'life' mein kuchh ho jana
chaahiye, 'life stable' ho jaana chaahiye. aur hamaare yahaan achchhe
bachche woh maane jaate hain jo Theek Thaak paDhaaee kar lene ke baad
Theek Thaak naukri mein chale jaate hain.

SH: aap ko bataayun, maine iske liye 5 saal 'school' mein paDhaaya
hai.

YK: 5 saal?

SH: aaj main 'reveal' kar raha hoon, 5 saal 'teacher', Teaching
Academy, Marine Drive mein. yahaan par 5 saal tha, kyunki main rukna
naheen chaahta tha, yahaan pe bahut ajeeb hai, main bataayun aap ko,
yahaan pe aap ko 'frustrate, saturate' kar dete hain, aur
main 'saturate' naheen honaa chaahta tha. mere ko bachche bahut
pasand hai, chhoTe bachchon mein rehnaa, usse mujhe lagta tha ki 'I
am young, although I am 32 years old now'. usmein lagta tha 16/17
mein hi hoon abhi. woh mere ko isliye huya ki, aur Saawariya
mein 'power' isliye aaya kyunki us 'age' se maine 'grow' naheen kiya,
maine apne aap ko baDhne naheen diya, andar se main abhi 16/17 hi
hoon, us hisaab se mujhe apne ko 'mould' karna hi paDaa.

YK: aap kya paDhaate the 'school' mein?

SH: 'music, I was music teacher in that school'.

YK: ek taraf aap ko Mumbai mein 'struggle' karne ke liye logon se
milna tha, doosri taraf paDhaa rahe the, to bahut saara waqt to
wahaan chalaa jaata hogaa.

SH: thoDaa sa usmein, 'train' mein bhi jaata rehta tha to apne palTon
ka riyaaz karta rehta tha.

GC: 'sir', mujhe apne 'college life' ke baare mein kuchh bataaiye.

YK: (laughs) aap samajh rahe hain ishaara?

SH: 'college life' ke baare mein bataayun aap ko, main Mumbai
University mein aaya, mujhe Mumbai University mein 'admission' diya
gaya, bhaartiya 'classical' mein, wahaan par Ajay Monkar ji ne kahaa
ki 'mere paas aake seekheeye' to unke paas jaake seekhne lagaa, 'but
suddenly' yeh huya ki University ki taraf se 'competition' mein
gaya, 'that time I won first medal of my life', phir Mumbai
University ki taraf se bahut 'gold medals' jeete, to 'calculate' mein
to maaloom naheen, kahaan kahaan jaake, Gwalior, Ranchi, Chandigarh,
Nagpur, jagah jagah jaake ham logon ne, uske baad mujhe 'college'
mein 'admission' naheen diya gaya ki sirf 'competitions'
mein 'participate' karo. to wahaan se maine bahut kuchh. wahaan
ka 'director' bhi raha ek saal, Potdar College ke andar main ek saal,
main unko seekhaata tha. in sab se 'motivation' bahut milta tha.

GC: aur ek sawaal hai, aap ki koi 'girl friend' hai?

YK: ab poochh liya usne

SH: naheen, sachchi bataayun, abhi tak to, filhaal to koi naheen.
meri 'girlfriend', bachpan se hi aisi 'training' hai ki meri 'wife'
hi meri 'girl friend' hogi. pataa naheen woh kab kya hogaa abhi.

YK: achchha 'music' ki duniya mein jo aap ke 'favourite singers' rahe
shuru se, woh kaun rahe?

SH: iske liye maine baDaa achchha sochaa hai ki Rafi saahab ka
sureelaapan aur golaai...

----------------------------------------------------
Clip: jo vaada kiya woh nibhaana paDegaa (Taj Mahal)
----------------------------------------------------

SH: Kishore-da 'dot to dot singing plus notes' unke...

-------------------------------------------
Clip: pyaar deewaana hota hai (Kati Patang)
-------------------------------------------

SH: Asha-ji ki chanchaltaa aur unki jo harkaten lene ki jagah hai,
woh...

--------------------------------------------------------------
Clip: dekho kasam se kehte hain tumse haan (Tumsa Nahin Dekha)
--------------------------------------------------------------

SH: Lata-ji ka kya boloon (YK laughs), bahut chhoTaa munh bai baat ho
jaayegi, Lata-ji matlab, 'she is goddess for me'...

-------------------------------------------------------
Clip: ajeeb daastaan hai yeh (Dil Apna ur Preet Paraai)
-------------------------------------------------------

SH: Manna-da ka riyaaz...

-----------------------------------------------------
Clip: kaun aaya mere man ke dwaare (Dekh Kabira Roya)
-----------------------------------------------------

SH: in sab ko 'incorporate' karta tha, Amir Khan ji ka 'voice
culture', unke gale ka woh, paapaa kehte the ki woh 18-18 ghanTe
riyaaz karte the, to ham 8-8 ghante to karte the. to woh 'motivation'
tha un logon se.

YK: yeh ho hi naheen saktaa ki Rajasthan ka koi bandaa Youth
Express 'programme' mein aaye aur binaa koi Rajasthani gaana gaaye
chalaa jaaye.

SH: mujhe sachchi naheen aata

YK: (laughs) aise bach naheen sakte aap, kuchh to gaana hi hogaa.

SH: haan, ek chhoTaa sa gaana, (sings) "thaaro kesariya...."

YK: bahut baDhiyaa bahut baDhiyaa.

GC: aap ko pehle gaane ka 'break' kaise mila aur kab milaa?

SH: gaane ka 'break' mujhe milaa 6th July 2007. iske peechhe bahut
baDi kahaani hai. mujhe 'motivate' karti hai ki 'you should never
lose hope'. ke Dhaai saal tak 'I was teaching'. is 'movie' Saawariya
ke har ek 'singer' ko main seekhaata tha. 'as an assistant my job was
to teach the songs'.

YK: iska matlab ki aap is film mein Assistant Music Director the?

SH: jee haan.

YK: Monty ke saath

SH: Monty ke saath, mujhe maaloom naheen main safar pe chal paDaa
hoon aur kahaan pahunchoonga 'but I have to maintain my dignity and
grace'. chalta jaa raha tha waqt, aur yeh jo Dhaai saal mere zindagi
ke, sabse kaThin waqt tha, thoDaa bahut main bhi hilaa. yahi kahoongi
ki 'everybody is not firm like', kabhi kabhi ham log bhi TooT jaate
hain. mere andar jo 'style' hai gaane ka, woh sab ko seekhaana, aisa
naheen ki main 'singer' hoon to chhupa loon, usmein Kunal boliye, ya
Shreya boliye, Shaan bolo, jitne bhi 'singers' ismein the, Richa-ji
bolo, sab logon ko main Thumri, woh "daras binaa naheen chain hai",
woh kuchh alag tha, (sings) "o raamaa daras binaa naheen chain...".

---------------------------------------------------
Clip: o raamaa daras binaa naheen chain (Saawariya)
---------------------------------------------------

SH: 'nothing was happenning for me', sab ke gaane 'record' ho
gaye, 'but nothing was happenning'. main roz aata tha, kabhi kabhi
ashrudhaaraayen bhi beh jaati theen. 'as an artiste' main bahut 'high
level' pe sochta tha. kyun aisa ho raha hai! aap karmyogi hain to
karm karte rahiye. karta jaa raha tha karta jaa raha tha, 'suddenly'
ek baar Sanjay-ji "saawariya saawariya" ek gaana chaahiye aise kehne
lage, har 'time' main hi gaata tha, har ek gaana maine hazaar hazaar
baar gaaya hai.

YK: baap re!

SH: Dhaai saal tak. jo gaane sun rahe hain aap, hazaar hazaar baar
maine gaaye hain, 'sittings' mein, 'hard task master' hain bahut
Sanjay-ji, bahut dil se kaam karte hain, 'passionately'. ham log
sochte naheen lekin dukh to hota hi hai ki sab kuchh jhonk raha hoon
apna lekin kuchh ho naheen raha hai. to 6th July ko jab woh baat kar
rahe the ki 'kisko gawaana hai kisko gawaana hai', mujhe aage jaakar
bolna paDaa ki 'Sanjay 'sir' mujhe ek baar 'mike' pe jaane deejiye'.
aur uske baad to "saawariya" gaana 'happened'. '25 minutes' mein
poora kahatm ho gaya gaana.

-------------------------------------
Song: saawariya saawariya (Saawariya)
-------------------------------------

YK: yeh gaana, mujhe lagta hai ki Saawariya mein sab se mushkil gaana
yahi raha hogaa. kyaa aap ko lag raha tha 'record' karte waqt ki yeh
itna baDaa 'hit' ban jaayegaa? Shail ki pehchaan ban jaayega?

SH: mujhe thaa, sachchi bataayun aap ko, "jab se tere naina" agar
main hi gaata, yaa "jaanejaana" gaata, "yun shabnamee" gaata, jo bhi
gaana is film ka main gaata, woh mere liye 'trademark' hota tha. 'I
was 100% sure', kyunki yeh mera 'style' hai, "jab se ter naina" sunke
aap naheen keh sakte hi kaun gaayegaa, kyunki yeh mera 'style' hai
ek.  Monty bhaai ke saath isliye 'connect' hota hoon kyunki
kyunki 'there is some connect betwen us', jo 'specialties' hamaare
beech mein hai jisse aise gaane bante hain. ab jo mere gaane aayenge
to aap dekhenge ki 'there is some bonding between us'. mere ko
maaloom tha, jab "saawariya" gaake utraa tha to 'I was shivering',
mere ko naheen maaloom ki kya ho raha hai. 'I was into
trans', 'trans' boliye yaa kyaa, main kisi aur hi duniya mein
th, 'totally blank', mujhe yeh bhi naheen maaloom tha ki Sanjay 'sir'
saamne baiThe hain, Monty baiThe hain, sab baDe baDe log saamne
baiThe hain, bas 'point blank', mere ko gaana tha, bas gaana
tha, 'that was the last chance'. uske baad 'again' wohi
lambi 'journey' ho jaati.

GC: main yeh jaannaa chaahta hoon ki aage aap ke kaun se naye gaane
aanewaale hain?

SH: mere naye gaane aanewaale hain, Neeraj Vohra-ji ke liye aanewaale
hain, Sunny bhaiya, Sunny Deol-ji ke liye kuchh gaane aanewaale hain,
Monty ke saath kaafi gaane aanewaale hain, usmein amin baht
si 'experimental' cheezen karnewaala hoon, matlab, mera 'background'
poora 'classical' hai, ek 'classical singer' kya kya kar sakta hai,
mera wohi hai ki 'classical is very important'. aap ki neev mazboot
hona bahut zarori hai, puraane log bhi yahi bolte hain, main usi baat
pe chal raha hoon aur shaayad main bhi purana hoon, puraanaavaadi
hoon, 'but I cant help it', hoon to hoon. yeh hai ki neev mazboot
hona bahut zaroori hai, agar 'alphabets correct' naheen honge to aap
English kaise bologe? "sa re ga ma pa dha ni sa" bahut zaroori hai,
abhi bhi main roz subah aadha ghanTaa palTi karta hoon, kyunki riyaaz
aur gaana mein antar hai, yeh logon ko samajhnaa bahut zaroori hai.
gaana to gaaya hi jaas akta hai lekin riyaaz, kaam mein taasir honi
chaahiye.

YK: mujhe lagta hai ki Saawariya ki kaamyaabi ke baad aap jis raaste
par chal paDe hain, kahin kahin manzil nazar aa rahi hai?

SH: main soch hi naheen raha. main phir wohi bol raha hoon ki manzil
main tay kar loonga to ek jagah par phir Thehraav aa jaayegaa. to
gaane mein hehraav bahut sambhaalke rakha huya hai, gaane mein
Thehraav bahut zaroori hai lekin manzil mein naheen. main naheen
chaahta ki rukoon, bahut abhi 'ideas' hain.

YK: 'album' ke baare mein kuchh soch rakha hai? 'exclusive album'
Shail Hada ka?

SH: sochaa to maine, lekin abhi, apna 'album' mujhe apne hisaab se
karna hai, jo mujhe achchha lage.

YK: achchha, ab aap ek aisa koi gaana gaa deejiye jo hamaare Youth
Express ke shrotaaon ko pasand aaye, 'inspiration' mile.

SH: ek gaana, jo bahut achchha lagtaa hai, (sings) "raat kali ek
Khwaab mein aayi aur gale ka haar huyi..."

-----------------------------------------------------
Song: raat kali ek Khwaab mein aayi (Buddha Mil Gaya)
-----------------------------------------------------

YK: Shail, aap ko Youth Express ke shrotaa sun rahe hain, bahut
chhote chhote kasbon aur shehron mein hain yeh. unko lagtaa hai ki
Mumbai aa jaayenge to yahaan pe bahut faTaafaT kaamyaabi waale raaste
hain. aise logon ke liye aap apne anubhav se koi baat bol deejiye.

SH: aap mein bahut zyaada saahas hona chaahiye, bahut
zyaada 'patience' hona chaahiye, aap seekhe huye hone chaahiye, aur
aap mein yeh honaa chaahiye ki aap is cheez ko jhel sake. aur aap ko
apne aap bharosaa rakhna bahut zaroori hai.

YK: bahut sahi hai

SH: apne aap pe bharosa rakhiye aur chalte jaaiye. yeh mat sochiye ki
manzil pe pahunchna hai. jis din manzil pe pahunch gaye, us din
Theraav aa jaayega aur aap ruk jaayenge, aap chalte jaaiye, yahaan pe
rehkar mehnat karna bahut zaroori hai, mehnat, 'sjortcut is
patience', bahut 'patience' chaahiye, 'you need to have hell lot of
patience'.

YK: bahut baDhiyaa baat kahee hai Shail ne ki agar 'patience' rakhen
to 'success' aati hai. Shail, aap ne Youth Express ke liye waqt
nikaala, bahut bahut shukriyaa Vividh Bharati ki or se, aur in yuvaa
saathiyon ka bhi ham shukriya adaa karte hain apne 'college' se
yahaan aaye aur aap se baaten kee.

SH: 'thank you'

YK: bahut shukriyaa!

THE END

2008

fauji bhaaiyon, namaskaar, main hoon aap ka dost Irshaad Kaamil. main
aaj yahaan apni baaten karne ke liye naheen aaya, aap ki baaten karne
ke liye aaya hoon. aur aap ke saath baaten karne ke liye aaya hoon.
zindagi ki baaten, ahsaason ki baaten. aur sab se baDaa ahsaas hai
desh prem ka. desh ke liye aap ka prem, aap ki shraddhaa, aur bhakti
ke aage mere jaise un kai naujawaanon ka sar jhuk jaata hai jinhone
kabhi fauj mein bharti hone ka sapna dekha tha. lekin yeh sapna sapna
hi reh gaya. zindagi mein anginat sapne adhoore reh jaate hain.
adhoore sapnon ka zikr hotaa hai to aksar ek aam faham si laDkee yaad
aa jaati hai, kuchh sookhe huye phool mahakne lagte hain, aur yaad aa
jaata hai uskaa woh aaKhri Khat jismein usne likha tha 'mera kuchh
saamaan tumhaare paas paDaa hai'.

Song: mera kuchh saamaan tumhaare paas paDaa hai (Ijaazat)

phoolon ke alaawa ek aur cheez bahut mahatwa rakhti hai, fauji
bhaaiyon, woh cheez hai tasveer. phoolon se, Khaton se, aur doosri
nishaaniyon se bahut zyaada mahatwapoorN, jo binaa shart aap ke
aankhon ke saamne rehti hai, aap ke seene se lagi rehti hai, aur
aapki yaadon mein basee rehti hai. saudaaee dil tasveer dekhta rehta
hai aur kehta rehta hai 'zaraa tasveer se tu nikal ke saamne aa'.

Song: zaraa tasveer se tu nikal ke saamne aa (Pardes)

fauji bhaaiyon, kya aap ko bhi lagtaa hai ki pyaar insaan ki zindagi
mein roshni ki tarah aata hai? ham kitne bhi maayoos, kitne bhi udaas
kyun na baiThe hon, us aam fahem si maasoom laDkee ko yaad karte hi
chehre pe raunak aa jaati hai, aankhen chamakne lagti hain, dil
dhaDakne lagta hai. jise ham pyaar karte hain, jab kabhi woh laDkee
dikhaaee de jaati hai, sapnon mein aakar mil jaati hai, to us bholi
soorat ko dekhkar kya hota hai, kyaa lagtaa hai, bataa paana mushkil
hai!

Song: ek laDkee ko dekhaa to aisa lagaa (1942 A Love Story)

fauji bhaaiyon, main aksar sochtaa hoon ki aap ke gharwaalon ko aap
par kitna naaz hogaa. kitni Khushnaseeb hain woh bahenen jinke
bhaaiyon ne sirf apni hi naheen balki poore desh ki bahenon ki laaj
bachaane ka zimmaa liya huya hai. kitni aadaryog hain woh patniyaan
jinke suhaag kaDoDon ke suhaagon ki rakshaa kar rahe hain. aur sab se
zyaada sar jhukta hai un maaon ke aage jinhone aap ko janam diya, aap
mein desh prem ka jasbaa bharaa. main jaanta un maaon ka jawaab tab
kya hogaa jab bachpan mein kabhi aap ne kahaa hogaa 'main kabhi'

Song: main kabhi batlaata naheen par (Taare Zameen Par)

main ek sawaal aksar sab se karta hoon fauji bhaaiyon, aur aaj wohi
sawaal aap se bhi kar raha hoon, aur woh sawaal yeh hai ki aap soch
ke mujhe yeh bataaiye ki zindagi mein sab se Khushi ka pal kab aaya
tha. kyaa aap ne kabhi sochaa hai? agar pehle naheen sochaa to ab
sochiye, kyaa woh pal woh tha jab aap ko fauj se bulaawa aaya tha,
yaa phir woh jab koi kitaab mein rakhkar aap ko koi chhoTaa sa
sandesaa de gaya tha. yaa phir woh jab aap kisi ke saath janam janam
ke liye juD gaye the. aap soch ke rakhiye, tab tak main aap ko yeh
bataata hoon ki meri zindagi mein woh pal kab aaya tha. meri zindagi
mein woh pal tab aaya tha jab mera yeh geet mashoor ho gayaa...

Song: main teri ho gayi yaar sajNaa ve sajNaa (Chameli)

ab Khushiyon ki baat chhiDee hai to yeh kahe binaa naheen rahaa jaata
ki koi bhi Khushi naach gaane ke binaa adhoori hai. to aaiye Khushi
ke maahaul ko isi tarah se barkaraar rakhte hain aur jaldi se ek geet
sun lete hain thiraktaa huya, naachta huya, machalta huya, 'maujaa hi
maujaa'.

Song: maujaa hi maujaa (Jab We Met)

to aaKhir waqt nikal gaya, aur fauji bhaaiyon, aap se vidaa lene ka
samay aa gaya. aaj aap logon se baaten karke mujhe kitna achchha
lagaa main aap ko bataa naheen saktaa. jab aap farz par Daten huye
hain, to hamaara farz hai ki aap ke manoranjan ka Khayaal rakhen. aap
hamaare liye wahaan hain aur ham aap ke liye yahaan. ham hameshaa aap
ke saath the, aur fauji bhaaiyon, hameshaa aap ke saath rahenge. is
vaade ke saath apne dost Irshaad Kaamil ko ijaazat deejiye, aur
chalte chalte yeh geet.

Song: panchhi nadiyaa pawan ke jhonke (Refugee)

THE END

An introduction of singer Jagmohan followed by one of his rare songs.

Download from Files/Audio Files/VB's Golden Jubilee Celebrations.

Happy listening!!!

Sujoy

SANGEET KE SITAARON KI MEHFIL
----------------------------------

AMEEN SAYANI'S PROGRAMME ON MUKESH
**********************************

Part 1
------

MU: Mukesh
NM: Nitin Mukesh
AS: Ameen sayani


dil ke nazaakat aur sur ke gehraaee ke shehedaaiyon, chale aaiye
jaldi se apne 'radio' ke paas kyunki aaj aap ke sangeet saathi Ameen
Sayani lekar aaya hai Sangeet Ke Sitaaron Ki Mehfil ka ek bahut hi
Khaas 'programme'. baheno aur bhaaiyon suniye aaj ke sitaare ka naam,
madhur geeton ke pyaare se shahezaade, MUKESH!

------------------------------------------------------------
Song: tum bin jeevan kaise beeta poochho mere dil se (Anita)
------------------------------------------------------------

Mukesh ka dehaant huya tha 27 August 1976 ke din America ke shahar
Detroit mein. aur aaj ham baheno aur bhaaiyon, abhi kuchh der mein
Mukesh ke gaane usi aaKhri safar se shuru karenge, lekin Mukesh ke
geet beech beech mein smaay ke bandhanon ko toDkar aap ko apne paas
bulaate rahenge.

------------------------------------------------------
Song: main to har moD par tujhko doonga sadaa (Chetna)
Song: kai sadiyon se kai janmon se (Milaap)
Song: jo tumko ho pasand wohi baat kahenge (Safar)
------------------------------------------------------

Mukesh ka inteqaal America mein huya, bhaari dil aur bheegi palken
liye unke apne, unke saathi Mukesh ke shav ko lekar hawaai jahaaz
mein lauTe. shamshaan ghaaT mein antim kriyaaen samaapt huyi aur phir
kuchh din baad Mukesh ke beTe Nitin Mukesh ko maine apne paapa ke
baare mein bataane ke liye apne 'studio' mein bulaaya:

AS: Nitin bhaiya, zara apne man ko mazboot karke bataao yeh
durghaTnaa kaise huyi?

NM: aap ne mujhe yeh sawaal kiya, iskaa jawaab shaayad main kabhi
naheen de saktaa. magar kyunki main jaanta hoon ki aap sab mere paapa
ko itna pyaar karte the, karte hain, isliye main kuchh aisi baaten
kehnaa chaahta hoon un dino ki jo unki zindagi ke aaKhri din the. 27
July ki raat paapa aur main hawaai jahaaz se rawaana huye New York ke
liye. New York se phir ham Canada gaye, Vancouver. wahaan hamein didi
milne waali theen. didi hain Lata Mangeshkar-ji, duniya ki, hamaare
desh ki mahaan kalaakaar, magar hamaare liye to bahen, didi, bahut
pyaari hain. woh hamein vancouver mein mili, phir 'shows' shuru huye,
pehli August ko pehla 'show' aarambh huya.

--------------------------------------------------------
Song: baDe armaano se rakha hai  (Malhar - from concert)
--------------------------------------------------------

NM: aur uske baad '10 shows' aur hone the. ek ke baad ek ke baad
ek 'shows' bahut baDhiyaa huye, logon ko bahut pasand aaye.

------------------------------------------------------
Song: aaja re ab mera dil pukaara (Aah - from concert)
------------------------------------------------------

NM: logon ne bahut pyaar barsaaya, aisa lagaa ki shohrat ke shikhar
par pahunch gaye hain dono. didi to bahut mahaan kalaakaar hain,
magar unke saath jaake, unke saath ek manch pe gaake paapa ko bhi
bahut izzat mili aur bahut shohrat mili.

From concert:

Mukesh: magar pehle hogaa "shor". (the audience shouts). shor woh
naheen jo aap kar rahe hain, magar shor jo pawan kar rahi hai, woh
waala shor, "saawan ka maheena pawan kare sor" (the audience laughs).

-------------------------------------------------------------
Song: saawan ka maheena pawan kare sor (Milan - from concert)
-------------------------------------------------------------

-----COMMERCIAL BREAK-----


Sangeet Ke Sitaaron Ki Mehfil mein ham shuru kar chuke hain Mukesh ke
antim safar ka zikr. safar aur baDhegaa aage, pehle Mukesh ke kuchh
aur yaadgaar geet machal rahe hain aap tak pahunchne ke liye. baheno
aur bhaaiyon, itne sainkDon laajawaab geet hain unke jinko main
shaamil kar naheen paayunga, aur na hi zyaada geet poore poore bajaa
paayunga, bas aap sweekaar karte chalen yeh gaane, aap hi ke dil mein
base huye the yeh gaane, aur bas aap hi ke dil mein lauT rahen hain
yeh gaane.

-----------------------------------------------------
Song: ham chhoD chale hain mehdfil ko (Ji Chahta Hai)
Song: jaane kahaan gaye woh din (Mera Naam Joker)
Song: bahaaron ne mera chaman looT kar (Devar)
-----------------------------------------------------

aur ab woh aglaa moD Mukesh-ji ke us aaKhri safar ka, 1976 mein, unke
dehaant ke kuchh din baad Nitin Mukesh ke mukh se:

NM: isi tarah 6 'shows' bahut achchhi tarah ho gaye, phir
saatwaan 'show' tha Montreal mein. wahaan ek aisi ghaTnaa ghaTee,
jisse paapa bahut Khush huye magar main zaraa ghabraa gaya. wahaan un
dono mahaan kalaakaaron ke saath mujhe bhi gaane ko kahaa gaya, aur
aap yakeen maaniye, mere mein himmat bilkul naheen thi magar didi ne
mujhe bahut saahas diya, bahut himmat dee, aur is wajah se
main 'stage' par aaya. mera gaana sunke, didi ke saath khaDaa hoke
main gaa raha hoon, yeh dekh ke paapa bahut Khush huye, bahut zyaada
Khush huye, aur mujhe bahut pyaar kiyaa, bahut aashirvaad deeye. phir
woh din aaya, 27 August.

ab yahaan us durghaTnaa ki taariKh tak pahunchne se pehle baheno aur
bhaaiyon, aaiye ham Mukesh ki jeevan mein jhaanke, unke janam, unki
jawaani, unki pehli kaamyaabi ki tasveeren dekhen, aur shukar karen
us uparwaale ka jinhone hamein Mukesh jaisa madhur insaan diya.

----------------------------------------------
Song: kabhi kabhi mere dil mein (Kabhi Kabhie)
----------------------------------------------

aawaaz kuchh aisi jaise maKhmal ke farsh par jaDe huye kuchh jhilmil
sitaare, andaaz kuchh aisa maano jheel ki lehron par chupke se
choomta huya patwaar, kharaj sharaarat ki, miThaas mohabbat ki, woh
jab bhi gaate, jo bhi gaate, lagta ki baat hamaari hai, hamse hi keh
rahe hain hamaare apne Mukesh.

-----------------------------------------
Song: mera joota hai jaapaani (Shree 420)
-----------------------------------------

Mukesh ka naam aate hi suron ki pankhuDiyaan Khud ba Khud machalne
lagti hain, fazaayon mein Khushboo bikhar jaati hai aur nainon mein
bhaavnaayon ke rang!

---------------------------------------------------------
Song: maine tere liye hi saat rang ke sapne chune (Anand)
---------------------------------------------------------

phir achaanak jaane kahaan se baadalon ne jhoomne, paani barsaane
shuru kar diya, ab ek taraf kaDee dhoop to doosri taraf baarish ki
rimjhim. yun lag raha tha jaise dharti ke man ki pyaas bujhaane ke
liye suron ke amrit ne janam le liya ho.

--------------------------------------------
Clip: ae mere aankhon ke pehle sapne (Mukti)
--------------------------------------------

bachpan hi se Mukesh ki dilchaspi geet sangeet mein thi.
chaahe 'school' ka koi utsav ho yaa doston ki mehfil, Mukesh hameshaa
apne 'harmonium' par geet gaate nazar aate the.

-----------------------------------------------------
Song: mera naam raaju (Jis Desh Mein Ganga Behti Hai)
-----------------------------------------------------

ek baar apni bahen ki vivaah ke avsar par Mukesh baaraatiyon ke beech
mehfil jamaaye baiThe the. is mehfil mein tab ke jaanemaane 'star'
adaakaar Motilal bhi the. Mukesh ki gaayiki se Motilal is qadar
prabhaavit huye ki fauran Mukesh ko Bambai aane ki daawat de dee aur
yun shuru huya Mukesh ka sangeet safar, mushkilon se sanvraa huya,
tanhaaiyon se nikhraa huya.

-------------------------------------------------------
Song: chal akelaa tera mela peechhe chhooTaa (Sambandh)
-------------------------------------------------------

magar kya aap jaante hain ki Mukesh ka pehla filmi geet kaun sa tha?
1941 ki film thi woh, Nirdosh, jismein Mukesh ka 'hero' banne ka
khwaab bhi poora huya tha Nalini Jaywant ke ru-ba-ru. Ashok Ghosh ke
sangeet nirdeshan mein gaaya huya Mukesh ka woh gaaya huya pehla
filmi gaana.

-----------------------------------------------------
Song: dil hi bujhaa ho to fasl-e-bahaar kya (Nirdosh)
-----------------------------------------------------

magar shohrat ke pehle sholay Mukesh tak tab pahunche jab 1945 mein
ek film aayi Anil Biswas ke sangeet se sajee huyi, jismein 'hero'
wohi Motilal the, aur Motilal ke liye gaaya Mukesh ne film pehli
Nazar mein.

-------------------------------------------------------------
Song: dil jalta hai to jalne de aansoo na bahaa (Pehli Nazar)
-------------------------------------------------------------

-----COMMERCIAL BREAK-----

baheno aur bhaaiyon, is 'break' se pehle aap ne sunaa Mukesh ka pehla
mashoor geet, film Pehli Nazar se. Mukesh ne yeh geet us zamaane ke
sab se mashoor gaayak K L Saigal ke rang mein Dhalkar gaaya tha,
magar phir to Mukesh ki apni shaili ubharne lagi, unka apna dil ko
chhoo lenewaala 'style' sanvarne lagaa, nikharne lagaa alag
alag 'music director-on ke sang.

Naushad...

---------------------------------------------------------------
Clip: tu kahe agar jeevan bhar main geet sunaata jaayun (Andaz)
---------------------------------------------------------------

Roshan...

----------------------------------------------------
Clip: teri duniya mein dil lagta naheen (Bawre Nain)
----------------------------------------------------

Sardar Malik...

---------------------------------------------------------
Clip: saaranga teri yaad mein nain huye bechain (Saranga)
---------------------------------------------------------

Madan Mohan...

-------------------------------------------------------
Clip: bhooli huyi yaadon mujhe itna na sataayo (Sanjog)
-------------------------------------------------------

Khayyam...

--------------------------------------------------------------
Clip: aasmaan pe hai Khuda aur zameen pe ham (Phir Subah Hogi)
--------------------------------------------------------------

S D Burman...

----------------------------------------------------
Clip: o jaanewaale ho sake to lauT ke aana (Bandini)
----------------------------------------------------

Kalyanji Anandji...

-----------------------------------------------------------
Clip: chandan sa badan chanchal chitwan (Saraswati Chandra)
-----------------------------------------------------------

Dattaram...

--------------------------------------------------------
Clip: aansoo bhare hain yeh jeevan ke raahen (Parvarish)
--------------------------------------------------------

R D Burman...

--------------------------------------------------------
Clip: jis gali mein tera ghar na ho baalma (Kati Patang)
--------------------------------------------------------

S N Tripathi...

-----------------------------------------------
Clip: aa lauT ke aaja mere meet (Rani Roopmati)
-----------------------------------------------

Laxmikant Pyarelal...

--------------------------------------------------------------
Clip: gore gore chaand se mukh par kaali kaali aankhen (Anita)
--------------------------------------------------------------

Shankar Jaikishan...

------------------------------------------------------------
Clip: taaron se pyaare jinke ishaare...aana hi hoga (Diwana)
------------------------------------------------------------

aaiye ab phir zaraa peechhe ki taraf chalen, Mukesh ke gaayan ke
kareeb kareeb shuru ke daur hi mein huya woh milan, jo uske baad
barson tak shaandaar sangam ke misal banaa raha. safalta ke sapne
apne man mein liye ek naujawaan ne 'film production' ke maidaan mein
qadam rakhaa. Raj Kapoor tha uska naam. 1948 mein Raj Kapoor ne apni
pehli film Aag banaaee, aur apne geeton ke liye chunaa Mukesh ko.
Mukesh, jinki aawaaz hi naheen, dil bhi, dard bhi, taDap aur talaash
bhi Raj se milti julti thi.

-----------------------------------
Song: zindaa hoon is tarah ke (Aag)
-----------------------------------

-----COMMERCIAL BREAK-----

abhi abhi Aag par aakar hamaara 'flashback' ka jo 'camera' hai baheno
aur bhaaiyon, phir ek baar ruk gaya tha kyunki un dino ke Raj Kapoor
ka bayaan ab shuru honewaala hai, kinke mukh se? Khud Mukesh ke mukh
se. doston, Mukesh saahab ke gaane to aap ne bahut saare sune hain,
aaj unki bolti huyi aawaaz bhi suniye, aur unse suniye Raj Kapoor ki
pehli filmi pravesh ke baare mein. Mukesh saahab ne yeh 'recording'
mere 'studio' mein tashreef laakar kee thi.

MU: jis moti ke baare mein main aaj zikar kar raha hoon Ameen bhaai,
us moti ka naam hai Raj Kapoor. aur main Raj ke zindagi se hi teen
hisse pesh karoonga.

AS: zaroor bataaiye, lekin un teeno hisson ke naam hamein zaroor
bataa deejiye.

MU: bilkul saaf hai Ameen bhaai! pehle hisse ko kahoonga Aag, doosre
ko Barsat se Sangam, aur teesre ko Joker se Bobby.

AS: bahut Khoob! bahut Khoob! to Mukesh bhaai, pehle Aag roshan
keejiye!

MU: main us zamaane ki baat kar raha hoon jab Ranjit Studio ke andar
ham log 'training' kar rahe the. jee haan, Raj Kapoor ko lekar
Chandulal-ji ke paas aaye paapaaji. paapaaji, yaani Prithviraj
saahab. aur kehne lage ki 'dekhiye, yeh mere saahabzaade jo hain, yeh
film mein jaana chaahta hai, aur main chaahoonga ki yeh 'filmmaking'
ke har ek 'branch' ko seekhe aur koolee ke kaam se shuru kare.

AS: koolee ke kaam se? yeh baDaa ajeeb shauk hai ki apne beTe ko
koolee ke kaam se shuru karne ko keh rahe hain!

MU: Ameen bhaai, aisa hai ki paapaaji ne Raj mein kuchh guN to dekh
hi liye the Prithvi heatres mein kaam karte waqt. to woh chaahte the
ki jab yeh film mein jaa hi raha hai to poori poori tarah se saara
kaam seekhe.

AS: achchha. to Ranjit mein unhone kis tarah ka kaam shuru kiya?

MU: woh ban gaye wahaan Kidar Sharma saahab ke 'assistant'.

AS: aur maine sunaa hai ki 'assistant director' ko kaam seekhne ke
liye koolee se bhi zyaada kaam karna paDtaa hai

MU: bilkul sahi hai

AS: Kidar Sharma-ji ke Neel Kamal mein to Raj saahab 'hero' bhi the
na?

MU: jee haan. woh kya tha ki Sharma-ji ne 'assistant' ke andar 'hero'
bhi dekh liya. aur Sharma-ji ke saath saath aur bhi 'producer'-on ne
Raj ko 'hero' banaa liya.

AS: magar yeh bhi bataaiye ki un dino Raj saahab 'assistant director'
aur 'hero' rehte huye kuchh kaam bhi kiya karte the yaa apne paapa ke
beTe bane rehte the?

MU: Ameen bhaai, ek baat main aap ko bataa detaa hoon, ki paapaaji ka
aashirvaad aur paapaji ka saaya raha un par, lekin paapaji na to yeh
chaahte the ki unke naam ka koi faaydaa Raj uThaaye, aur naa hi Raj
ne uThaaya, yeh bhi maannaa paDegaa. Ameen bhaai, Raj hameshaa se hi
bahut 'ambitious' raha hai aur baDaa mehenti, yaani hamesha bahut
ooncha sochte the, bahut oonche 'decisions' liya karte the, aur un
par amal kiya karte the.

AS: bahut Khoob! achchha ab yeh bataaiye ki Aag kaise shuru huyi?

MU: Ameen bhaai, ek din ham Ranjit Studio mein baiThe the. hazrat ke
paas ek TooTi fooTi Ford gaaDi huya karti thi un dino. to usmein
biThaaya hamein aur le gaye bahut door ek jagah. wahaan le jaakar
apna faislaa sunaaya ki 'ham ek film Aag banaana chaahte hain'. to
kuchh 'scenes' bhi sunaaye. 'scenes' to pasand aaye hi the magar
mujhe jo zyaada baat pasand aayi, woh thi ki jis josh ke sang woh
banaana chaahte the Aag ko. jee haan, woh josh mujhe bahut pasand
aaya.

AS: lekin Mukesh bhaai sunaa hai Aag banaate samay takleefen kaafi
aayi theen?

MU: kaafi takleefen, Ameen bhaai koi andaaza naheen lagaa saktaa.
paise ki takleefen, 'date'-on ki takleefen, yaani film banaate samay
jo jo takleefen aa sakti hain ek 'producer' ko, woh imtihaan thi Raj
Kapoor ki. film ban gayi to koi Khareedaar naheen. Khareedaar aaye to
hamaari mazaak uDaaya kare. ek ne to yahaan tak bhi kahaa ki 'Raj
saahab, agar Aag aap ne banaaee hai to apna 'theatre' bhi banaa
leejiye, taaki Aag lage to aap hi ki 'theatre' mein lage' (laughs)

AS: (laughs) yaani ki 'distributors' apna 'cinema' bachaa gaye.
Mukesh bhaai, Aag to 'fail' ho gayi thi shaayad?

MU: haan, jis 'standard' se ham kehte hain, us 'standard' se
to 'fail' hi ho gayi thi, magar dekhiye Ameen bhaai, Raj
saahab 'pass' ho gaye the.


Sangeet Ke Sitaaron Ki Mehfil mein abhi aap manmohak Mukesh ki bolti
huyi aawaaz sun rahe the. Mukesh ki 'interview' mein Raj Kapoor ke
Aag ki tapan hatam huyi thi aur Barsaat shuru honewaali thi aur phir
ek baar yaadon ke camere ne karwaT lee aur Raj Kapoor se haTkar
dekhiye kahaan pahunch gaya. achchha, 1951 saal ke aate aate Mukesh
ko 'film production' ka chaskaa sa lag gaya tha, Darling Films
ke 'banner' tale unhone Malhar film 'produce' kee. Malhar ne
haalaanki bahut baDi kaamyaabi naheen haasil kee magar uske geeton ne
pyaar ki duniya mein suhaani si halchal machaa dee.

-----------------------------------------------
Song: baDe armaanon se rakha hai balam (Malhar)
-----------------------------------------------

yeh baaten hain filmi duniya ke mahaan gaayak Mukesh ke pehle pehle
panno ki, un dino ki yaaden kuchh to hamne baTori baheno aur
bhaaiyon, aur kuchh Khud Mukesh bhaai aap ko sunaa rahe hain, lekin
unke 'interview' mein zyaada zikar tha unke gehre dost aur hamsafar
Raj Kapoor ka. yeh zikr Sangeet Ke Sitaaron Ki Mehfil ke
agle 'programme' mein aage baDhegaa, kyunki Mukesh jaisi hasti ke
liye ek ghanTaa thoDe kaafi hogaa baheno aur bhaaiyon! bas, to vaada
keejiye ki aap Sangeet Ke Sitaaron Ki Mehfil ke agle 'programme' mein
bhi zaroor zaroor shareek honge, Khaas kar Mukesh ke aage ki safar ka
haal sunne ke liye. namaste!

END OF PART 1

SARGAM KE SITAARE

INTERVIEW OF LYRICIST SWANAND KIRKIRE & MUSIC DIRECTOR SHANTANU MOITRA


PART 3-2

SM: Shantanu Moitra
SW: Swanand Kirkire
MS: Mamta Singh

MS: bahut der se baDi sanjeeda sanjeeda baaten ho rahi hai, yeh jo
film Laaga Chunari Mein Daag, yeh bahut baDi 'hit' saabit huyi thi.
to iske gaane to sach mein bahut achchhe the, ab aap dono ki
koi 'creative' nokjhok jo huyi ho, woh bataaiye, ki abhi tak to baDi
achchhi achchhi, baDe dosti ke baare mein zikr kiya. ab Swanand-ji,
kuchh bataaiye Shantanu-ji ke baare mein.

SW: naheen, koi nokjhok to huyi naheen zyaada.

MS: kyunki aap ne jaise kahaa ki ek tarah ka Banaras ka poora
baazaar...

SM: nokjhok jab hoti hai to ham dono ek 'team' mein hote hain

SW: ham dono ek 'team' mein hote hain aur baaki sab doosri 'team'
mein hote hain. lekin jo Banaras ka baazaar tha, usmein ek kamaal ki
baat, jo Pradeep Sarkar the, bahut achchhe, bahut baDe 'director'
hain, lekin thoDe, woh 'mike' par chale jaate the, 'music director'
hon bhi wahaan pe to bhi 'direction' dene lagte. aur unkaa viparit
hotaa hai, jab koi aur hogaa to to usko Bengali mein 'instructions'
dete, aur jab koi Bengali 'singer' aata to usko Hindi mein bolte.
(all laughs). to Sunidhi ko Bengali mein, Shreya ko Hindi mein
unkaa 'instructions' chal raha tha, aur woh matlab, ek ek cheez
ka 'instructions' dete the. idhar gaay chaahiye gaay. us waqt
to 'recordist' gaay Daalegaa, yaa to Sunidhi gaana gaayegi, yaa...

SM: aur jo paan waala 'line' hai

SW: haan, jo paan waala 'line' hai na, jismein Sunidhi thookti
hai, "panwaa khilai de", Sunidhi paan khaane ki 'acting' kar rahi thi
to woh usse santushT naheen the.

SM: unhone paan mangwaaya, peek daan mein jaise karna chaahiye waise
kiya, woh 'sound recording' kiya, to bahut 'perfectionist' hain.

SW: haan, unke saath kaam karne ka aanand hi kuchh aur hai, matlab,
shaayad...

SM: 'music' ko bahut 'respect' dete hain

SW: aur hamko isse zyaada kya chaahiye

MS: unkaa 'reaction' aap logon ke geet sangeet ke baare mein kis
tarah ka raha hai?

SM: abhi tak to saath mein hi kaa kara hai, aage dekhna hai

MS: achchha Pradeep-ji yeh baaten agar sun len to naaraaz to naheen
honge?

SM: naheen, unko pataa bhi naheen hogaa

SW: aur agar sun bhi len

MS: ham bhi unse Guzaarish karte hain ki naaraaz na hon

SW: naaraaz mat hoiye 'please'

MS: naaraaz mat hoiye kyunki hamaare shrotaa bahut 'enjoy' kar rahe
hain in baaton ko. Swanand-ji, itne kaThin shabd jo rakhte hain,
jaise...

SW: nistabdh ghaDi hoon main

MS: haan, to ismein aapko koi Dar naheen lagta hai, 'risk' naheen
lagta hai ki...

SW: maine aapko pehle bataaya jaise ki Shantanu ke saath kaam karna,
Pradeep Sarkar ke saath kaam karna, Vidhu Vindo Chopra ke saath kaam
karna, yeh log, in logon ke saath kaam karne ka sabse baDaa faaydaa
yeh raha ki inhone kisi ke baare mein yeh naheen kahaa ki 'yeh naheen
karo', kabhi yeh naheen kahaa ki 'arey yeh shabd 'audience' ko samajh
mein naheen aayenge', aur 'yeh sab logon tak pahunch naheen
paayenge'. mera Dar jo tha woh in logon ne haTaa diya. in logon ne
mujhe itna 'confidence' diya ki 'naheen, aisa hi hogaa', aur woh
jo 'firmness' ki baat kar rahi hai woh laDkee, woh aur kisi bhaashaa
mein naheen aa sakti hai, uske jo shabd hain "nistabdh ghaDi hoon
main", "dhwast ghaDi hoon main", poora Hindi kavitaa hai usmein, to
unhone kaha ki ;sound' se baat aur zyaada woh hoti hai, in lgon ke
saath kaam karne ka faaydaa hi yeh hota hai ki...

SM: yahaan par main ek chhoTaa sa 'point' bataana chaahta hoon,
dekhiye, 50 saal ho gaye hain, 'literacy level' dekhiye kahaan se
kahaan pahunch gaye hain. aap agar 'rate' dekhen to 'its a huge
literacy level'. aise aise jagahon pe 'literacy' pahunch gayi hai
jahaan pe pehle naheen tha bilkul. to kyaa phir shabd naheen samajh
sakenge?

MS: sahi baat hai

SM: to us zamaane mein us 'level' ka 'poetry' gaane mein hota tha to
abhi to aur bhi honaa chaahiye. ab to log aur paDh likh gaye hain.
mujhe lagtaa hai ki yeh hamaari 'understanding' ka 'problem' hai ki
hamein lagta hai ki log samjhenge naheen. log bahut baKhoobi samajhte
hain.

SW: kai shabd aise the jo un gaano ki vajah se maine woh shabd jaane.
Gulzar saahab ke gaano mein aapko pataa naheen chaltaa hai ki kuchh
faarsi ke shabd istemaal kar dete hain, faarsi ke shabd phir aap
DhoonDte hain ki sika matlab kya hai, yaa aap logon se baatchit karte
hain yaa aap logon se pataa lagaate hain, to aise hi aapko nayi
cheezen pataa chalti hain varnaa kaise pataa chalegi, aapko jitna
aata hai utna hi bolne lage to 'a aa i ee ta ta tu tu' ke aage aap
seekh na paayen.

--------------------------------------------------
Clip: zeehaal-e-muskin mukun ba ranjish (Ghulaami)
--------------------------------------------------

SM: yahaan pe main ek 'interesting' kissa bataana chaahta hoon, main
koi vigyaapan ka kaam kar raha tha Gulzar saahab ke saath.
chaar 'line' the, unhone likha tha. 'adverstising agency' se aaye
the. to unhone, Gulzar saahab ne 'line' paDhe, chaaron 'line'. to
bahut achchhe the, lekin 'advertising agency' ko kuchh to bolnaa
paDegaa ki, bilkul sab kuchh sahi hai to unkaa matlab naheen bantaa.
to unhone kahaa ki 'Gulzar saahab, teen 'line' bahut achchhe hain,
chauthaa 'line' kuchh samajh naheen aaya'. to Gulzar saahab ne unko
poochha ki 'teen 'line' aapko samajh aa gaye?' to unhone
kahaa 'haan'. Gulzar saahb ne kahaa 'to chauthaa chhoD deejiye na'
(all laughs).

MS: yeh to sach baat hai ki agar teen 'line' samajh mein aa gayi to
chauthi 'line' bhi aa hi jaayegi.

SW: aur kuchh to alag ho, kuchh to naya ho, jo pehle sunaa naheen!

MS: Shantanu-ji, aap se main do baaten jaanna chaahoongi, aap ne
paDhee Economics aur aa gaye sangeet mein, phir banaaya 'band'
Saptak. yeh Sapatak kya tha aur kya karta tha?

SM: Sapatak Chittaranjan Park mein, jo maine bataaya, Durga Puja mein
jab ham 'programme' karte the, us 'band' ka naam tha Saptak,
bangaali 'band' tha, bangaali gaane karte the, geet likhte the aur
dhun dete the, to yeh 'band' tha, har Durga Puja mein jaate the aur
jo bhi paise milte usse ham khaa lete the, 'but' ek 'experience'
miltaa tha aur bahut baaa 'audience' bhi hota tha, jaise Chittaranjan
Park mein ek ek 'concert' mein soch leejiye ki 4-6 hazaar log, to
bahut baDi baat thi, ham 'students' the, to 'band' yeh tha aur
Economics isliye paDhee thi kyunki aapko bataaya maine ki aarthik
avasthaa aisi thi ki paDhaaee likhaaee karke hi kuchh bannaa
tha, 'music' ke zariye karna mushkil tha.

MS: jee. ab Swanand-ji se ham jaanna chaahenge ki NSD mein aap kaise
aaye, matlab, Indore se, 'theatre' ke prati apna junoon, aisa kuchh
tha?

SW: naheen, darasal main Bambai aana chaahta tha, jaise Indore ke ek
laDke ke saath hotaa aaya hai, pataa naheen hota hai ki kya karna
hai, kaise karna hai. to do tareeke the. main Commerce Graduate hoon,
do tareeke the Bambai ke 'film industry' mein aane ke. yeh naheen tha
ki main 'acting' karoonga, 'direction' karoonga, NSD mein kya hota
hai, 'career minded' to tha naheen ki yeh sab soch
samajhke 'research' karke baiThaa tha. jab man lag hi naheen raha tha
kisi kaam mein, main kai tarah ke kaam kar raha tha Indore
mein, 'vacuum cleaner' beche, 'bank' mein naukri kee, sab kuchh karke
dekhaa, man kahin ram naheen raha tha. to aise mein jab pataa chalaa
ki Bambai jaana hai, aur Bambai jaake bhi jo karna hai woh aata
kahaan hai Theek se, to kaise karenge! to woh jaanne ke liye maine do
jagahon ka pataa kiya, Poona Film Institute ka, aur National School
of Drama ka. Poona Film Institute mein Science Graduate ki zaroorat
thi aur main Commerce kar baiThaa tha. to ab doosra tareeka bachta
hai ki NSD. to 'theatre' main kar hi raha tha, lagaa ki 'theatre' ke
baare mein jaankaari hogi aur yeh hogaa, to phir maine NSD ko 'apply'
kiya. aur pehli baar naheen huya, doosri baar mein huyaa.

MS: kaun kaun se 'drama' aap ne keeye the kuchh yaad hai?
mahatwapoorNa naaTak?

SW: mahatwapoorNa naaTak, maine baDe, maine Lower Depth kiya, maine
Shakespeare ka Romeo Juliet kiya, maine apna ek naaTak kiya tha
National School of Drama mein, Bhagat Singh ke 'documents' ke upar,
Ek Sapna naam se, aur ek 'important' naaTak tha Chaaruvaak Darshan,
aise kai naaTak keeye.

MS: achchha Shantanu-ji, Mumbai mein aapka pehla kaam kaun sa tha,
film Leela?

SM: film Leela pehla kaam tha.

MS: to uske baare mein bataaiye na kuchh

SM: Leela ke 'director' hamaari 'colony' mein 'football' khelta tha.
(all laughs). phir woh New York chale gaye film school mein. phir
unhone sunaa Ab Ke Saawan, to unko pataa chalaa ki 'arey yeh to wohi
hai, saath mein khelte the'.

SW: 'football' khelte the

SM: (laughs) to unhone, Shambhunath Sen, bahut achchhe dost hain, to
unhone kahaa ki teen gaane agar aap likh sake to. maine film ke gaane
keeye naheen the, to ek achchha 'opportunity' tha.

SW: Gulzar saahab ke saath "chamkaee dhoop ke saaye", yeh 'please'
sunaa deejiye yeh gaana

MS: jee, sunte hain, zaraa gungunaakar bataayenge dono?

SM: mere ko thoDaa sa yaad hai, (sings) "chamkaee dhoop ke saaye..."

-------------------------------------
Clip: chamkaee dhoop ke saaye (Leela)
-------------------------------------

MS: Shantanu-ji, mujhe yeh lag raha tha ki aap ne gaane Swanand-ji se
gawaaye bahut saare, lekin aap ne Khud gaane ki koshish naheen kee,
matlab, 'album' yaa...

SM: main gaata naheen hoon, itna gaa leta hoon ki saamnewaala samajh
jaaye ki main kya bataana chaahta hoon

SW: ek baar main bhi karoonga 'scan' inkaa

MS: Theek hai, jaldi bataaiyegaa, Vividh Bharati ko Khaas taur se

SW: main zaroor bataayunga, aapka 'number' hai mere paas (all laughs)

SM: ek film mein maine do 'line' gaaye hain

MS: kaun si film?

SM: film ka naam hai Yahaan, woh Gulzar saahab ne likha tha
gaana, "poochhe jo koi mei nishaani", uskaa jo pehla jo 'part'
hai, "raksai aadi"

MS: jee jee jee, bilkul! Swanand-ji, ab aap bataaiye Mumbai mein
aapka pehla kaam kaun sa tha?

SW: mera Mumbai mein pehla kaam tha, ek 'television serial' ki
maine 'script' likhi thi, Manju Singh karke ek kahaani banaati theen,
Bhagat Singh ke upar ek 'serial' banaaee thi Swaraaj, to woh kaam
mera pehla kaam tha. aur geet ki drishTi se pehla kaam agar dekhaa
jaaye to woh hai "baawra man"

MS: Shantanu-ji, phir aap se ek sawaal poochhte hain, Yahaan ka zikr
aaya tha, aur Yahaan ke do gaane mujhe bahut pasand aaye aur Gulzar
saahab ne geet likhe the. to Gulzar saahab ke saath aap ke kaam ka
kaisa 'experience' raha, bahut guNee geetkaar aur sunaa hai woh bhi
bahut 'perfection' chaahte hain.

SM: dekhiye, Gulzar saahab aur mera jo sampark hai woh kamaal ka
hai, 'actually' gaane bajaane se naheen hai, balki 'astronomy' se
hai, chaand taaron ka jo 'study' hai, unko bhi bahut pasand hai
chaand taare, aur mujhe bhi pasand hai chaand taare. unko kavitaa ke
nazariye se aur mujhe 'science' ke nazariye se. woh pasand karte
hain. aur kai baar to milte the aise hi, charcha leke ki Saturn
ke 'rings' mein kya ho raha hai, yahaan par kya ho raha hai, kya
naheen. to woh karte karte ek din kahaa ki 'bahut din ho gaye, chaai
vaai pee liya, ab kisi ko phansaate hain'. (all laughs). to phir
Sujit Sarkar, jo 'director' the Yahaan ke, unko maine kahaa ki,
unhone kaha tha ki Gulzar saahab ke saath kaam karna hai, to maine
milaaya unko. bahut hi kamaal ke insaan hain, ek 'discipline' jo hota
hai, unse seekha hai maine ki jo 'talent' hota hai woh to bhagwaan ka
diya hota hai par jo 'discipline' hota hai, woh ham karte hain. aur
kai baar hota hai ki, hamaare 'age group' ka 'problem' hai, unko
lagtaa hai ki bahut jaldi agar koi dhun aa jaaye to usi mein ham
santushT ho jaate hain. par Gulzar saahab kehte hain ki ekdam dhun
aana aur shabd aana to hai hi, uske baar kya kar rahe hain aap. aap
mein ghar mein jaake usey kaise karte hain, kaise dekhbhaal karte
hain, usko 'better' karte hain ki naheen, tabhi banta hai
woh 'craft'. to yeh seekha maine unse aur 'in fact' Khoya Khoya
Chaand mein unse bahut 'help' milaa ki kaise 'interraction' hota tha
us zamaane mein, kaise baatchit hoti thi, to unse bahut baatchit huyi.

MS: Shantanu-ji, Yahaan film mein jo ek gaana hai, abhi thoDi der
pehle jiskaa zikr bhi kiya tha, to woh do 'line' agar aap gungunaa
sake to main apne shrotaaon ko sunwaayun.

SM: (sings) "poochhe jo koi meri nishaani rang heena likhnaa....."

-------------------------------------------
Song: poochhe jo koi meri nishaani (Yahaan)
-------------------------------------------

MS: Swanand-ji, aap bataaiye ki jab aap geet likhte hain to aapki
preraNaa kya hoti hai? kahaan se aapke man mein itne achchhe achchhe
shabd nikal hain?

SW: jab main bahut gareeb tha to meri preraNaa thi paise (all
laughs). naheen naheen, aisi baat naheen hai. zindagi se baDi kya
preraNaa hogi, agar apni aankhen khuli rakhke apne aas paas dekhte
rahen to sab kuchh mil jaata hai, itni visangatiyaan hain samaaj
mein, itni 'dualities' hain, ek taraf kuchh ho raha hai, to woh sab
kuchh aap dekhte rehte hain, zindagi baDi Khoobsoorat cheez hai aur
usmein jab aap ghoom rahe hote hain to saari 'images' aapko yaheen
mil jaate hain, yahi preraNaa hai meri.

MS: aapke priya geetkaar kaun rahe hain?

SW: bahut saare, chaar naam main letaa hoon, har kahin letaa hoon,
jaise sabse 'favourite' geetkaar mere, 'all time favourite' geetkaar
mere hain Shailendra, jinhone itne Khoobsoorat gaane likhe, itnhe
seedhe aur itne 'simple' bhaashaa mein gaane likhe hain inhone ki
kuchh 'style' hi naheen hai. baaki logon ka jaise ek 'style' ban
jaata hai, woh baDe baDe geetkaaron ka ki haan aapko pataa lagta hai,
lekin Shaielndra jab geet likhte the to itnhe seedhe seedhe aur
sundar pravaah ki tarah. doosre mere Sahir Ludhianvi saahab hain,
Gulzar saahab hain, Majrooh Sultanpuri saahab hain, Javed Akhtar
saahab.

MS: to in teeno geetkaaron ke liye koi gaana nazar karna chaahenge
shrotaaon ko?

SW: Shailendra saahab ka gaana "suhaana safar aur yeh mausam haseen"

MS: sunte hain

-----------------------------------------------------
Song: suhaana safar aur yeh mausam haseen (Madhumati)
-----------------------------------------------------

MS: ab bataaiye Swanand-ji, aapke priya sangeetkaar. Shantanu-ji ka
naam to lenge hi aap! (laughs)

SW: Shantanu-ji ka naam to main loonga hi, Shantanu-ji mere bahut
priya sangeetkaar hain hi, kyunki ek tarah ka mujhe jo kaam, aur
mujhe, matlab, yeh kehne mein mujhe bilkul hichkichaahaT naheen hogi
ki jab maine pehli baar Ab Ke Saawan sunaa tha, jaisa maine kahaa ki
meri pehli mulaaqaat hi Ab Ke Saawan ki wajah se huyi. kuchh mera juD
gaya tha, mujhe lagaa ki yeh woh cheez hai jo main karna chaahta
hoon. yeh jo 'blend' hai 'western' ka aur Indian ka, yeh main
kahin 'associate' kar paaya tha, main aur mera dost, aap yeh gaana
zaroor sunwaaiyegaa "Dere Dere Doloon baawariya re", yeh gaana ham
2000 baar ek din mein sunte the. to woh to hain hi, uske baad A R
rahman ka kaam bahut pasand hai, kehne ki baat hi naheen hai, S D
Burman, R D Burman, Salil Choudhury.

------------------------------------------------------------
Song: Dere Dere Doloon baawariya re (Ab Ke Saawan - Nonfilm)
------------------------------------------------------------

MS: ab yehi baat agar Shantanu-ji se poochhon ki aapke priya geetkaar
kaun hain?

SM: 'actually' mujhe 'literature' ka 'knowledge' bahut kam hai, pataa
naheen kyun mujhe, Majrooh Sultanpuri, Shailendra, Gulzar saahab,
Javed Akhtar, mujhe Yogesh bhi bahut pasand hai. 'but'
mera 'expression words' ka yaa 'literature' ka zyaada hai dhun
ke 'through' se, jis gaane mein dhun ke saath shabd ka mel mujhe
achchha laga hai, tabhi maine 'notice' kiya hai, 'gnerally' yeh naam
mere liye aham hai.

MS: Swanand-ji, aap ne ek baat pe Gaur kiya? Shantanu-ji ne aapka
naam naheen liya hai, (SM laughs), kuchh aap ko naaraazgee si naheen
ho rahi?

SW: main soch raha tha maine zyaada bol diya (MS & SM laughs)

MS: aap dono thoDaa jhagDaa, thoDi nokjhok to kariye

SM: aapne 'notice' kiya maine jitne naam leeye, Gulzar saahab chhoDke
koi bhi kaam naheen kar rahe hain. (all laughs)

SW: Javed saahab kar rahe hain waise

MS: yeh to mazaak ki baaten hain, hamein pataa hai ki aap dono ek
doosre ko bahut chahhte hain, aap ke gaano mein bhi jhalak raha hai,
aapki poori baatchit mein bhi jhalak rahi hai. ab thoDi si baatchit
Shantanu-ji se karna chaahenge, aap apne 'albums' Man Ke Manjeere aur
Ab Ke Saawan ke baare mein bataaiye kuchh.

SM: main vigyaapan kar raha tha, bahut saare. us samay Punjabi ka
bahut baDaa ek 'movement' chal raha tha. gaane mein Dhol tha,
Punjabi 'hits' chal rahe the, aur ek 'pressure' bhi tha mere upar,
sab keh rahe the ki 'tum itne saare 'ads' kar rahe ho, tum 'album'
kyun naheen kar rahe?' mujhe bahut, mere dimaag mein yeh tha ki main
kya karna chaahta hoon, 'but' woh hota hai na 'guts' naheen ho raha
tha, samajh naheen aa raha tha ki main karoon ya na karoon, mujhe
pataa naheen ki ho sakta hai ki naheen ho sakta hai. us samay
ek 'competition' mein main gaya tha Kazakhistan mein, uska 'capital'
hai Almatti, wahaan pe ek 'competition' hotaa hai, bahut
saare 'musicians' aate hain, 25 'countries' aate hain wahaan
pe 'participate' karne, 'folk and pop' ka 'fusion' hota hai. woh
maine dekha wahaan pe ki 'actually' ho raha hai, ki 'folk' leke
usko 'contemporary sounds' ke saath aap ek 'creation' kar rahe hain,
wahaan pe banaa Ab Ke Saawan, 'clear' mere dimaag mein tha ki
yeh 'album' sirf Shubha Mudgal hi gaa sakti hain. main waapas aaya,
unse 'contact' kiya, pehlaa gaana jo kiya woh "Dere Dere" tha, Shubha
Mudgal ne mujhe 'introduce' karwaaya Prasoon Joshi ke saath, jinhone
usmein gaane likhe the. is 'album' mein 'interesting' baat yeh tha ki
ismein Jaideep bhi the.

MS: Jaideep Sahni

SM: Jaideep ne ismein do gaane likhe the, to Ab Ke Saawan mere liye
ek bahut baDaa 'opportunity' tha, 'jingles' 30 'second' se gaane ke
maadhyam mein jaane ke liye. aur woh 'click' ho gaya. usse, dekhiye
na kitna kuchh ho gaya, Swanand ne mera gaana sunaa, Sudhir Mishra ne
gaane sune, poora ek baat khulaa. maine kuchh soch ke naheen banaaya
tha lekin yeh sach hai ki Ab Ke Saawan mere liye ek zindagi ka....

MS: jee, to is 'album' se koi gaana sun liya jaaye?

SM: aap zaraa, usmein ek bahut achchha gaana hai, (sings) "seekho naa
naino ki bhaashaa piyaa..."

-----------------------------------------------------------------
Song: seekho naa naino ki bhaashaa piyaa (Ab Ke Saawan - Nonfilm)
-----------------------------------------------------------------

MS: Swanand-ji, aap se main yeh jaanna chaahoongi, aap ne kai
kshetron mein kadam baDhaaye hain, gaane bhi gaaye hain, Eklavya aur
Chameli jaisi filmon ke samvaad bhi likhe hain, kuchh filmon mein
Assistant Director bhi rahe hain, geetkaar to aap hain hi, to inmein
se kaun sa kaam aap ko sabse zyaada pasand aata hai?

SW: saare. naheen, sach bataayun to saare, lekin geetkaar ka kaam
maine abhi nayaa shuru kiya hai, baaki kaam main karta raha hoon,
lekin geet likhne ka kaam naya shuru kiya hai aur mujhe bahut mazaa
aa raha hai kyunki logon ko pasand aa raha hai. baDi Khushi hoti hai
ki logon ko achchha lag raha hai ki aap ne jo kuchh bhi kiya hai, woh
log bahut achchhe se usko 'accept' kar rahe hain. to geet likhna
bahut achchha lag raha hai. waise to sabhi kaam karna achchha lagta
hai lekin abhi geet 'special' hai.

MS: waise aap Indore ke hain aur Indore mein khaan paan ka baDaa....,
chaaT chaTpaTe...(laughs)

SW: main, Indore mein aap mujhe chhoD deejiye, main 10 kilo baDhaake
aa jaayungaa.

MS: achchha Shantanu-ji, aap bataaiye, raaz ki baat hamein bataaiye
ki aap ki patni se kis gaane ki preraNaa milee, matlab kis sangeet ki
preraNaa mili, kaun sa gaana 'compose' kiya unki preraNaa se.

SM: 'actually' woh bhi is Saptak mein gaana gaati thi. to wahaan se,
ham jo Bengali mein gaane gaate the, woh bhi theen. waheen se
mulaaqaat huyi aur kyunki woh samajhti hai gaana bajaana, isliye, ham
log zaraa paagal 'type' ke log hote hain, to woh samajhti hai, aur
ghar mein 'piano' hai aur raat ko uThke gaana banaata hoon to unki
neend TooTti hai lekin woh samajhti hai ki 'shaayad inko zaroorat
hai 'piano' mein baiThne ki'.

MS: aap ke gaano ko 'appreciate' karti hain aur kisi gaane ko kehti
hain 'Theek naheen hai'?

SM: bilkul, bilkul, bahut 'critic' hai, aur yeh 'important' hai ki
ghar mein aake aap logon se baaten karen, aur mera jo laDkaa hai
Shubham, woh to sabse bDaa 'critic' hai.

MS: Shantanu-ji, Swanand-ji, aap Vividh Bharati ke 'studio' mein
aaye, chalne se pehle kuchh kehna chaahenge?

SM: yehi hai ki Vividh Bharati main aaj bhi suntaa hoon, yeh ekmaatra
aisa ek ahsaas hai, jo itnaa baDaa desh hai par kitna chhoTaa bhi
hai, yeh mujhe Vividh Bharati sunkar ahsaas hota hai.

MS: kya baat hai! bahut achchha lagaa. Swanand-ji, aap bataaiye

SW: main bhi Vividh Bharati ke liye yahi kehna chaahoonga ki Vividh
BHarati sun sun kar baDe huye hain log, itne saare gaane, Bhoole
Bisre Geet se leke Chhaaya Geet tak sunnewaala praaNi tha main, har
waqt rehta tha, iski wajah se itne gaano ka 'exposure' milaa, itni
tarah ke sangeet ka 'exposure' milaa aur Vividh Bharati mein baiThkar
shrotaaon se baat kar raha hoon to mujhe bahut zyaada, man se Khushi
ho rahi hai.

MS: Shantanu-ji, Swanand-ji, Vividh Bharati ke 'studio' mein aap aaye
aur itnaa saara waqt diya, itni rochak baaten hamse 'share' kee
Vividh Bharati ke shrotaaon se, aap dono ka bahut bahut dhanyavaad,
namaskaar!

SM: namaskaar

SW: namaskaar

END OF PART 3

TECHNICAL ASSISTANT: VINAYAK TADWALKAR
PRODUCTION ASSISTANT: P K A NAIR
RECORDING & SPECIAL ASSISTANT: CHITRALEKHA JAIN
COMPILED, EDITED & PRODUCED BY: MAMTA SINGH

THE END

Manoj Kumar congratulates VB and plays "ek pyar ka maghma hai"

Download from Files/Audio Files/VB's Golden Jubilee Celebrations.

Happy listening!!!

Sujoy