PITAARE MEIN PITAARA - INTERVIEW OF VISHAL-SHEKHAR
--------------------------------------------------

VS: Vishal
SH: Shekhar
YK: Yunus Khan

YK: hamaare saath hain mashoor sangeetkaar joDi Vishal aur Shekhar,
bahut bahut swaagat hai is kaaryakram mein.

VS: 'thank you', namashkaar

SH: 'thank you', namashkaar

--------------------------------------------------------
Clip: tumko paaya hai to jaise khoya hoon (Om Shanti Om)
--------------------------------------------------------

YK: sabse pehle bataaiye ki Om Shanti Om ka 'music' itna 'hit' huya
hai, aur bachchon se lekar baDon tak sab ko bahut pasand aa rahe hain.

VS: 'thank you', jab ek 'music director' koi geet abnaa raha hota hai
to usey ek aashaa rehti hai ki sab log sune, aur sabko pasand aaye.

SH: aur Om Shanti Om sabko pasand aaya, iske liye ham sabka shukriyaa
adaa karna chaahte hain.

YK: is 'interview' mein ham zyaada koshish karenge ki aapki 'creative
process' ko zaraa samjhen aur aapki 'career' par ek poori ki poori
nazar Daalen. kyaa aap yeh bataayenge ki aapka 'creative process' kya
hota hai? agar ham Om Shanti Om ko ek misaal banaakar chalen, iske
teen gaano par hamaara 'focus' hogaa, ek to "aankhon mein teri ajab
si adaayen", jise aap ne likha bhi hai jahaan tak mujhe yaad aata
hai, aur "dard-e-disco", aur "chhan se jo TooTe sapnaa", 3
alag 'genre' hai kyunki.

VS: haan, kya hota hai ki har film ki 'creative process' jo hoti hai
woh alag hoti hai. Khaaskar hamaari jo 'creative process' hai woh
lagbhag 'same' hai aur bahut arse se ek doosre ke saath kaam kar rahe
hain. lekin jab ek 'director' is 'picture' mein aa jaata hai, ham 3
log saath mein milkar kaam karte hain to 'energy' alag ho jaati hai.
to Om Shanti Om ke 'music' ki jitni 'credit' hai woh 'actually' aapko
Farah Khan ko deni chaahiye, kyunki har gaane ka har 'idea' Farah
Khan ka hai. 'that was the creative process behind Om Shanti Om'.
hamaare paas jab woh aayeen pehli baar, bahut 'research' karke,
bahut, apne film ko soch samajhke unhone hamein 'explain' kiya ki
is 'type' ka hamein 'music' chaahiye. to hamaara kaam bahut aasaan ho
gaya.

YK: jee. Shekhar-ji, aap kya kahenge?

SH: main yeh kahoonga ki Om Shanti Om bahut 'special' film hai
hamaare liye. bahut bahut 'special' hai, kyunki Farah ke saath kaam
karke hamein bahut mazaa aaya, kyunki woh sangeet ke maamle mein
bahut jaankaar insaan hain, aur bahut 'music', 'filmmaking', jo
bhi 'process' hai, 'writing lyrics', 'everything', 'she is just
fantastic'. unke saath kaam karke ek shiksha mili hai hamein ki ek
aisi 'institutuin' hai Farah ki bahut 'experienced' hain, aur unke
saath kaam karke bahut mazaa aaya, aur 'compositions' mein, unhone
hamaare saath baiThke 'compose' bhi kiya, 'ideas' bhi deeye. jab
hamaare paas aayeeen theen aur jab 'situations' bataaya unhone, to
sab 'homework' karke aayeen theen.

VS: 'exactly'

SH: ki yeh 'situation' hai, mujhe yeh chaahiye, aur is tarah ke gaane
hain, aise shabd hone chaahiye.

YK: koi yaadgaar baat bataayenge? kabhi koi bahas huyi ho, yaa koi
aisi yaadgaar baat jismein unko mazaa aaya ho.

SH: yaadgaar baat yeh ki jab ham 'lunch' pe jaate the to bahut
achchha khaana milta hamein. (YK laughs). unhone hamein bahut achchha
khaana khilaaya, kyunki ek maahaul jo hai, woh mazedaar ho to kaam
karne mein bahut mazaa aata hai. to jab aap gaane likhte ho, Om
Shanti Om ke gaane 6 din mein 'complete' ho gaye the.

YK: achchha?

SH: 'compositions were completely done', 'director' agar
aapko 'correct brief' de to 'music director' ka kaam bahut 'simple'
ho jaata hai.

VS: mere liye, 'personally', Om Shanti Om ka ek yaadgaar pal yeh hai
ki hamne saare gaane Om Shanti Om ke poore kar liye the, aur 'record'
hoke 'mix' ho gaye the, 'mastered' ho gaye the, sab, 'music' pe jitna
kaam hona tha sab ho chuka tha. ham log saath mein baiThe huye the
aur hamein lag raha tha ki 'wish' ek do gaane aur karne hote is film
ke liye. (YK laughs). yeh Om Shanti Om ki 'energy' kuchh aisi thi ki
iski 'music' jab Khatam huyi, jab 'complete' huyi, jab 'music'
hamaare 'system' se nikalke 'handover' kar diya tha T-Series ko,
jitna kaam karna tha sab ho chuka tha, ek...

YK: khaalipan

VS: haan, ek Khaalipan mehsoos ho raha tha, is film ke saath jeene ka
jo mazaa tha, uski 'loss' mehsoos huyi hamein.

YK: "aankhon mein teri" aap ne likha bhi hai aur baDhiyaa 'soft' sa
gaana hai. jab aapke 'studio' ki taraf ham aa rahe the, to is gaane
ki baat ho rahi thi. likhne ka shauk kab se raha hai aur is gaane ko
likhte huye kya 'thought' tha aapke man mein? is film ka bahut
zaroori hissa hai yeh gaana.

VS: mere liye 'romantic' gaana likhte huye ek hi 'thought' hai, woh
meri 'wife' hai, bahut aasaan ho jaata hai 'romantic' gaana likhna
jab aap uska matlab samajhte hain

YK: bilkul

VS: us gaane ki 'emotion' ko aap samajh len to us gaane ko 'compose'
karna bahut aasaan ho jaata hai. uske shabd likhna bahut aasaan ho
jaata hai.

YK: 'music director' ke liye kitna 'challenge' hai apne gaane likhna?
kyunki usko 'compose' bhi karna hai, yaa to dhun pehle yaa..

VS: naheen, 'to be absolutely frank', maine jitna bhi likha hai,
chaahe woh "ajab si" ho, chaahe woh "allaah ke bande", ho, "tu
aashiqui" ho, har baar aisa lagta hai ki ismein Khaamiyaan hongi,
ismein kuchh, 'you know' koi 'professional lyricist' aa jaaye
to 'fine tune' ho paayega, lekin 'producer, director', Shekhar, sab
kehte hain ki 'naheen, yeh bahut achchha hai, yehi rakhenge aur
yahi 'final' hai'.

YK: Javed saahab ne dekha tha jab aapne likha tha? unhone kya kahaa
tha, koi 'reaction', koi daad

VS: unhone 'actually', unko achchha lagaa tha. unhone kahaa tha
ki 'yeh maine aisa likha hai jo bahut se 'professional lyricist'
naheen likh paate', yeh unhone kahaa tha, Javed saahab ne, to yeh
mere liye bahut baDi baat hai, aur bahut achchha mujhe badhaai dee.

----------------------------------------------
Song: aankhon mein teri ajab si (Om Shanti Om)
----------------------------------------------

YK: Shekhar-ji, aap bataaiye ki, agar is film se aap ko ek gaana
chunna paDe aur yahaan ham "aankhon mein teri ajab si adaayen" to
bajaayenge hi, iske alaawa aapki or se agar koi gaana bajaana paDe to
ek gaana Om Shanti Om ka kaun sa hogaa?

SH: "jag soona soona laage"

YK: kya baat hai!

SH: Rahat Fateh Ali Khan saahab ne gaaya hai, aur yeh gaana 'compose'
karte huye Vishal aur mujhe itna mazaa aaya, ek 'energy', 'room' bhar
jaata hai, aise gaane 'compose' karte hain tabhi. aur 'I think'
Farah ;studio' mein aanewaali theen, aur uske 15 'minute' pehle main
aur Vishal 'studio' mein baiThe huye the ki

VS: ham kisi aur dhun pe kaam kar rahe the isi 'situation' ke liye,
aur yahi gaana aa gaya aur poora 'room' bhar gaya. Farah aayeen aur
hamne gaana sunaaya aur turant 'approve' kar diya gaana unhone.

YK: to kya thoDaa saa sunaayenge yeh gaana?

Vishal & Shekhar sings "chhan se jo TooTe koi sapnaa, jag soona soona
laage...."

------------------------------------------
Song: jag soona soona laage (Om Shanti Om)
------------------------------------------

YK: aapne gaane kabhi kabhi Khud bhi gaate hain. yeh shauk aap dono
ko kab se hai, gaane ka?

VS: 'actually' ham log dono pehle se gaayak hain.

YK: aap to Pentagram...

VS: main pentagram ka 'lead vocalist' hoon, Shekhar ne ek 'album
release' kee thi 1997 mein

SH: First Love

VS: to hamaari 'musical training', 'primary training' ho hai, 'as
singers' huya hai

YK: ham apne sunnewaalon ko yeh bataa den ki Pentagram ek Rock Band
hai.

VS: jee

YK: aur Vishal-ji uska hissa rahe hain, aur Shekhar-ji ka bhi
ek 'album release' ho chuka hai, kya naam bataaya tha aap ne?

SH: First Love

YK: jee. aap keh rahe the gaane ke baare mein

VS: haan, to sangeet ka sabse 'natural expression' gaana hai. har
bachcha gaata hai, jaise aap jaante hain. to waheen se sangeet ka
shauk paida hota hai, gungunaake, gaane gaake. to hamne bhi aise hi
seekha hai, 'I guess'.

SH: mere 'father' se maine bahut seekha hai, 'hobby' thi
unki 'accordion' bajaana, unhone bahut baDe aadmi se seekha hai, xxxxx

YK: kya baat hai, kya baat hai!

SH: uske baad 'dad' ne Mukesh-ji ke saath bahut saare 'shows' keeye,
bahut 'accordion' bajaaye.

YK: 'accordion' woh saaz hai jo Raj Kapoor saahab filmon mein aksar
bajaate huye dikhte the.

SH: jee

-----------------------------------------------------
Piece: Prelude of "har dil jo pyaar karegaa" (Sangam)
-----------------------------------------------------

YK: achchha yeh bataaiye Vishal aur Shekhar ki yeh joDi bani kaise?

VS: bas kaam karna shuru kar diya

YK: sabse pehle aap dono ne kya kaam kiya tha ek saath?

VS: hamne Pyar Mein Kabhi Kabhi ka 'title track', Pyar Mein Kabhi
Kabhi ke 'soundtrack' mein ek hi gaana saath mein kiya tha. baaki
gaane hamne alag alag keeye the.

YK: "musu musu haasi"

VS: woh maine kiya tha, "woh pehli baar" maine kiya tha. Shekhar ne
kiya tha...

SH: sabse pehle "door na jaana", "meer naam se kuch kahaa"

VS: ham dono ne ek doosre ka kaam sunaa, aur pataa paDaa ki uske 5/7
saal pehle se ham dost reh chuke the. to pataa paDaa hi ham ek film
mein kaam rahe hain (laughs).

SH: jab 'title track' saath mein kiya to bahut mazaa aaya kaam karte
huye.

VS: usi maze ko, usi ki 'spirit' mein ham aaj tak kaam kar rahe hain.

SH: aur agle 25 saal tak kaam karenge to aur mazaa aayegaa (YK laughs)

----------------------------------------------------
Song: pyaar mein kabhi kabhi (Pyar Mein Kabhi Kabhi)
----------------------------------------------------

YK: kyaa baat hai kya baat hai! aap ke 'music' mein bahut 'zing' hai,
josh bharaa hai, iske peechhe aapki 'personality' ka kitna baDaa
haath hai?

VS: 'I guess' bahut baDaa haath hai

SH: ham log 'young' hain, 'cool' hain, bahut maze karte hain

VS: kaun young' hai, 'cool' hai? aap? main naheen. (all laugh)

SH: aap to bahut 'young' ho, 'cool' ho.

VS: 'music' mein apni 'personality' dikhaaee deni chaahiye, sunaaee
deni chaahiye. ham sirf aisi 'music' karte hain jo hamein bahut
pasand hai. to chaahe woh "main agar kahoon" ho, usmein aisa
kuchh 'touch' hamaara hogaa jo aapko thoDaa chaunkaa degaa.

SH: 'We are very big fans of Pancham-da', to aap jab hamaare gaane
sunenge, to unki thoDi jhalak to mil jaayegi aapko.

------------------------------------------------------
Song: 'boss' kaun tha maaloom hai kya (Jhankaar Beats)
------------------------------------------------------

YK: achchha to unke naam aap apna kaun sa gaana samarpit karenge? yaa
phir Pancham-da ka gaana sunwaana chaahenge aap?

VS: hamaari saari filmen, jiske hamein hamein Filmfare Award, R D
Burman Award milaa, Jhankaar Beats, saare gaane Pancham-da ke naam
keeye hain.

SH: 'The entire album was dedicated to Pancham-da'

VS: aap Taxi 9 2 11 le leejiye, usmein ek 'love song' tha,
(sings) "ek nazar mein bhi pyaar hota hai....", poora Pancham-da
ka 'style' hai. to hamne koshish kee hai ki woh jis tarah se
hamein 'inspire' karte hain, unke 'style' ko zinda rakhen aur 'you
know, express' karen.

YK: aisa karte hain "ek nazar mein bhi" sunte hain, is tarah se yeh
gaana ham Pancham-da ko samarpit kar rahe hain

VS: jee

----------------------------------------------------
Song: ek nazar mein bhi pyaar hota hai (Taxi 9 2 11)
----------------------------------------------------

YK: Taxi 9 2 11 ki baat kar rahe hain, is film ke ek geet ke liye aap
ne Bappi-da ko bulaaya tha.

VS: jee jee

YK: yeh kis tarah se huya tha, ek 'music director' ek doosre,
apne 'senior music director' ko bataur gaayak bulaa raha hai.

VS: 'actually' is kaam ke jo 'creditor' the, is 'idea' ke, woh is
waqt baahar baiThe huye hain, Mr Milan Luthria, jinhone is film
ko 'direct' kee.

YK: o ho ho

VS: jab ham yeh gaana banaa rahe the, 'track piece' banaa rahe the,
to banaate banaate ek 'horn piece' aaya, unhone kahaa ki 'Bappi-da
ka 'poster' lagaake wahaan yeh 'piece' mujhe unki yaad dilaaegi' (YK
laughs). hamne kahaa ki Bappi-da ko poochh lete hain.

SH: hamne 'phone' kiya Bappi-da ko to unhone kahaa 'haan haan, main
zaroor gaayunga aap logon ke liye'

YK: kya baat hai!

SH: kitni baDi baat ho gayi hamaare liye

YK: Bappi-da Vividh Bharati ke 'studio' mein aaye the, bahut utsaah
ke saath hamein bataaya tha ki 'abhi abhi mera naya 'career' shuru
huya hai bataur gaayak'. do gaano ki unhone charcha kee thi, ek aapka
aur ek Guru ke gaane ka.

SH: woh to pehle se hi gaayak reh chuke hain.

VS: main ek bataayun aapko, Bappi-da jaisa gaayak naheen hai
aaj 'industry' mein. unke jo sur lagte hain, woh jis adaa se gaate
hain, koi unke saamne Tik naheen saktaa.

------------------------------------
Song: boombai nagariya (Taxi 9 2 11)
------------------------------------

VS: yeh mujhe yaad hai, Sa Re Ga Ma ke waqt ham jab 'shoot' kar rahe
the, bahut 'late', 'late night' tak 'shoot' chal raha tha, 2/2:30
baje tak, aur 2 baje Bappi-da ne ek 'contestant' ke gaane ko sunkar
kahaa ki 'yeh gaana sunkar mujhe ek aur gaana yaad aa raha hai', aur
unhone gaana shuru kiya, 2 baje, subah. sur aur jo 'power' thi
unki 'voice' mein, 'unbelievable'!

YK: kya baat hai!

SH: aisi aawaaz hamne suni naheen

YK: poora daur aaya Bappi-da ke naam aur ham sabhi ne 'radio' par bhi
unke gaane sune aur unke saath hamne gungunaaye bhi hain. Taxi 9 2 11
ka ek gaana hai, jiski, main sochta tah ki aap se kabhi mulaa1qaat
hogi to uski charcha karoonga, woh gaana hai "aazmaa le"

VS: Shekhar ne gaaya hai

YK: jee. mujhe isliye pasand hai kyunki ek to yeh
gaana 'inspirational' hai, doosra bahut 'soft' hai, aur 'composition'
kamaal ki hai, is gaane ke baare mein bataayenge?

SH: "aazmaa le" yeh jo gaana hai, iski 'brief' jo Milan ne dee thi,
itni 'clear brief' dee thi gaaane ki, ki Vishal aur main saath mein
baiThe the, jaise maine aapko kahaa ki agar 'director' ka 'brief
clear' ho to gaana apne aap ban jaata hai. aur yeh gaana apne aap ban
gaya. Dev saahab ne bahut kamaal ka gaana likha hai yeh

VS: Dev Kohli saahab ne

SH: aur yeh gaana maine, 'just' ek 'scratch' gaaya tha, ham
jab 'programming' karte hain to ek 'scratch vocal' Daal dete hain

YK: bilkul

SH: aur Milan aur Vishal ko itna pasand aaya ki

VS: maine to, maine morchaa le liya tha ki aur koi aawaaz ho hi
naheen sakta, maine to yeh bhi kaha tha ki 'dont even re-record',
jo 'take' tha wohi itna baDhiyaa tha, lekin phir isne aur bhi kamaal
ka gaaya

YK: bahut baDhiyaa gaana hai, zaraa gungunaaynege hamaare liye?

SH sings "aazmaa le aazmaa le aaj Khud ko aazmaa le..."

---------------------------------------
Song: aazmaa le aazmaa le (Taxi 9 2 11)
---------------------------------------

YK: ab main Bluff Master ki baat karna chaahta hoon, bahut hi alag
tarh ka gaana hai, usse pehle is tarah ka gaana aaya naheen tha. film
ke 'promotion' ke liye usko bahut 'use' kiya gaya tha. kis tarah se
woh gaana tayyaar huya tha?

VS: hamne "das bahaane" Abhishek ke saath kiya tha, Dus ki 'success
party' mein Abhishek woh gaana gungunaa rahe the. hamne
unko 'suggestion' dee ki aapko gaana chaahiye, woh sur mein gungunaa
rahe the. to aise hi hansi mazaak mein baat Tal gayi aur kuchh din
baad Rohan Sippy ka 'phone' aaya mujhe, unhe achchhe se jaante the
ham, unhone kahaa ki 'Abhishek milna chaahte hain aap logon se, aap
log Olive aa jaaiye'. Olive mein 'shoot' ho rahi thi, wahana gaye.
wahaan Rohan aur Abhishek ne bataaya ki yeh 'idea' hai gaane ka,
ek 'hip hop' gaana karna hai, aur is gaane ki 'lyrical inspiration,
is gaane ke bol maine hi likhe hain, aur is gaane ki 'lyrical
inspiration unhone us waqt dee thi ki "aaj phir jeene ki tamanna
hai", us gaane kki jo bol hain, 'sentiment' hai, woh laDki
ki 'sentiment' hai, us gaane mein. aur wahaan se is gaane ki
ek 'idea' shuru huyi. usi din 'actually' mere ghar pe main aur
Shekhar 'table' par baiThe 'compose' kar rahe the...

YK: aap log aise hi 'compose' karte hain kya?

VS: haan, ham log aate jaate, 'cofee shop' mein

SH: paagalon ki tarah chakkar lagaate hain Mount Mary ka, Mount Mary
ka jo 'slope' upar jaata hai.

YK: achchha achchha, to wahaan kaun kaun se gaane bane?

VS: bahut se

SH: bahut se, 'meter down', "tez dhaar" banaa hai, bahut bahut gaane
bane hain.

--------------------------------
Song: 'meter down' (Taxi 9 2 11)
--------------------------------

YK: ham waapas aate hain Bluff Mater ke gaane par. aap bataa rahe the
ki 'table' par...

SH: haan, 'table' par ham "ek main aur ek tu hai, aur hawaa mein
jaadoo hai",

VS: yeh banaaya, phir aate jaate kahin bhi, woh jo 'female parts'
the, "come to me bhool jaayen saara jahaan..." . woh 'phone' pe
maine 'record' kiya, phir Rohan ke 'office' gaya ki yeh 'idea' hai,
unhone kahaa 'bahut achchha hai', to 'that was done'. phir
ham 'record' karte huye, hamaare jo 'programmer' hain Abhijeet, unke
saath jab baiThe to 'base line', gaana bas hota gaya, phir Abhishek
aaye 'studio' mein, unhone do baar gaana 'record' kiya.

SH: woh gaana ghar pe leke gaye, 'rehearse' kiya gaana

YK: waah

SH: yeh bahut baDi baat hai, itna 'busy schedule' hote huye bhi poora
gaana 'rehearse' karke 'studio' mein aaye aur aadha pauna ghanTaa
mein gaana khatam kar diya

YK: kya baat hai! yeh to bahut 'professional singer' jaisi baat hai

SH: bahut 'professional'. uske baad aur bhi 'professional' huye woh.
unhone hamaare saath 6/7 gaane gaaye hain jo abhi tak 'release'
naheen huye hain. woh hamaare paas, woh shaayad 'album' banegi kabhi
na kabhi. jab chhaThaa gaana ho raha tha, ek ek 'take' mein 'approve'
ho rahe the.

YK: waah! to ham intezaar karenge is 'album' ka

SH: jee zaroor

------------------------------------------
Song: ek main aur ek tu hai (Bluff Master)
------------------------------------------

YK: bahut mazaa aa raha hai, yahaan main soch raha tha ki Honeymoon
Travels ki baat kar lee jaaye.

VS: jee haan

YK: Honeymoon Travels ek bahut chhoTi si film thi aur iske do gaane
bahut hi mashoor huye the jinka zikr main yahaan pe karna chaahta
hoon, ek "sajnaa ji", bahut alag tarah ka 'sound' karta hai yeh
gaana, Sunidhi kehti hai ki unke 'career' ke 'best' gaano mein se ek
hai jab woh Vividh Bharati mein aayeen theen, main hi unse baatchit
kar raha tha. unhone kahaa ki yeh gaana bahut ajeeb sa tha lekin unko
ahsaas tha us waqt ki yeh gaana 'click' karegaa. bataaiye ki yeh
gaana kis tarah se banaa tha aur yeh gaana bahut alag 'sound' karta
hai, kya yeh 'intentionally' is tarah se banaaya gaya tha.

SH: 'actually' Honeymoon Travels ka yeh paanchva gaana tha jo
hamne 'record' kiya tha. aur Javed saahab ke ghar mein baiThe huye
the, baat kar rahe the ki ab kya kiya jaaye, ki ek 'item song'
chaahiye, ek 'club song' chaahiye.

VS: lekin 'regular club' naheen chaahiye, kuchh alag kiya jaaye
ismein.

SH: Javed saahab ka yeh 'idea' tha ki kuchh 'folk genre' mein ghuste
hain

YK: arey waah!

SH: kuchh 'folk' karte hain, aur ham usko kuchh 'modern type'
ka 'arrangement' karke..

VS: Javed saahab ka 'folk music' pe kaafi pakaD hai

YK: bilkul

SH: unhon eyeh 'lyrics' bahut hi kamaal likhe aur unidhi ne aake
poore 'folk style' mein gaana gaaya, aur jo 'base line' hai gaane ki,
jo 'base guitar' 'play' hota hai, woh to bahut achchhi 'compose' kee
huyi hai

YK: gaana bahut achchha banaa hai, iska 'arrangement' aur jis tarah
se saazon ka istemaal huya hai bahut kamaal hai, kuchh aur kehna
chaahenge?

VS: haan, usmein ek raaz hai, usmein jo 'flute' bajtaa hai woh
Shekhar ne bajaaya hai

YK: oh kya baat hai!

VS: matlab Shekhar-ji ki ek aur visheshtaa saamne aayi

SH: hamaara jo 'studio' tha wahaan ek 'flute'-waala aaya karta tha,
woh peechhe se aake pee pee pee pee bajaaya karta tha.

VS: usye chup karaane ke liye usse ek 'flute' mangwaaya, (YK laughs),
ek 'flute' de do aur jaayo yahaan se.

SH: ek 'flute' le liye. abhi bhi wahaan paDaa hogaa peechhe

YK: kya baat hai!

SH: mujhe 'flute' bajaana aata naheen. main aise hi khel raha
tha 'flute' ke saath. aur Abhijeet jo hamaara 'programmer' hai, wohi
sur, wohi tha, ek (hums the tune) laughs

YK: kya baat hai waah! yeh gaan suna jaaye.

-------------------------------------------------------------
Song: sajna ji waari waari jaayun (Honeymoon Travels Pvt Ltd)
-------------------------------------------------------------

To be contd...

INSE MILIYE - PALAK MUJHAL
--------------------------

INTRO: PALAK MUJHAL is a 16 year old upcoming playback singer, who
has so far raised funds through her stage shows, worth Rs 1.58 crores
for the open heart surgery of 305 poor children! 509 children are
still on the waiting list! She has also given playback in 13 films
till date.
*****************************************

PART 2
------

PM: Palak Mujhal
AD: Amarkant Dubey

AD: doston, namaste, ek baar phir Vividh Bharati ke 'studio' mein,
jee haan, aisa naheen hai, Palak se usi din hamne poori baatchit kar
lee thi, aaj is baatchit ko naye sire se aap tak pahuncha rahe hain,
Palak yeh bataayo, ab tak kin kin shahron mein 'show' kar chuki ho.

PM: Bhaarat mein to lagbhag sabhi shahron mein, aur India ke baahar
London, Boston, Belgium, Dubai, Bangkok aur Singapore mein 'show' kar
chuki hoon.

AD: yeh videshon mein jo 'show' karti ho, wahaan kaisa 'response'
raha hai?

PM: wahaan to 'response' bahut hi achchha rehta hai, aur, yahaan par
bhi sabhi tarah ke geet pasand keeye jaate hain, lekin wahaan par
zyaadaatar puraane geeton ki farmaaish hoti hai.

AD: puraani yaani kaun sa gaana jo tumhe lagta hai ki har 'show' mein
farmaaish aati hai videshon mein?

PM: ek Ghazal hai "aaj jaane ki zid na karo", is Ghazal ki to maine
jahaan bhi 'out of India show' diya, is Ghazal ki har jagah farmaaish
aayi.

AD: to is Ghazal ki chalo main bhi farmaaish karta hoon.

PM: (sings) "aaj jaane ki zid na karo, yunhi pehlu mein baiThe
raho....."

AD: bahut Khoob, bahut achchhe! main Palak se yeh poochh raha tha ki
videshon mein uske 'shows' ko kis tarah ka 'response' milta hai. to
Palak, aap bataa rahi theen ki 'response' bahut achchha milta hai,
lekin main jaanna chaahta tha ki videshi log jeb se bhi 'response'
achchha karte hain?

PM: jab videshon mein 'shows' hote hain to ek hi 'show' se itni saari
bachchon ki madad ho paati hai. abhi hamne 'recently' Bangkok
mein 'show' diya tha, to wahaan par ek hi 'show' mein 35 laakh
ka 'donation' mila tha.

AD: yahaan ek Khaas baat main poochhna chaahta tha, videshon mein
jo 'shows' hote hain, jo madad milti hai, to wahaan ke jo pravaasi
bhaaratiya hain, wohi log madad ke liye aage aate hain yaa videshi
log bhi aage aate hain?

PM: naheen, NRIs to aate hi hain, saath hi videshi logon ka bhi bahut
achchha 'response' milta hai. kyunki jab ham London mein 'show' dene
gaye the, wahaan par bhaaratiya log to the hi, lekin 'foreigners' bhi
the. unhone bhi bahut zyaada sehyog kiya tha.

AD: bahut achchhi baat hai, is kaam ke zariye ek taraf tum logon ki
madad to kar hi rahi ho, zarooratmandon ki madad to kar hi rahi ho,
videshon mein, videshi logon ke saamne yeh udaaharaN bhi prastut kar
rahi ho ki bhaarat mein aise log bhi hain jinke seene mein doosron ka
dard dhaDakta hai. bahut achchhe! isi tarah se lagi raho. ab ek Khaas
baat main poochhna chaahta hoon, jin bachchon ki tum madad karti ho,
jinke 'successful operation' ho jaate hain, kaise 'reaction' milte
hain unke maa baap se, pratikriyaaen kaisi rehti hain unki?

PM: waise to jab bhi main 'show' deti hoon, to bachche ko 'hospital'
mein bharti karke hi jaati hoon, aur 'redirect hospital' ke naam se
hi 'cheque' leti hoon jismein 'operation' honewaala rehta hai, aur
jab 'operation' hota rehta hai, us dauraan main gaayatri mantra ka
paaTh karti hoon, aur navkaar mantra bhi bolti hoon jispe mujhe bahut
zyaada shraddha hai, aur zyaadaatar 'operations' mein main khud bhi
maujood rehti hoon, aur 'hospitals' mein meri 'size' ke 'dress' bhi
bane huye hain, to main 'operation theatre' mein 'doctor uncle' ke
saath rehti hoon. aur sabse achchha mujhe tab lagta hai
jab 'operation' khatam ho jaata hai aur 'doctor uncle' kehte hain
ki 'badhaai ho Palak, tumhaara bachcha bach gaya'. to woh mere
liye 'happiest moment' rehti hai, aur phir Theek ho jaane par woh
bachche milne bhi aate hain ghar pe, aur samay samay par main unse
milti bhi hoon, jaise diwaali main un logon ke saath manaati
hoon, 'birthday' bhi main unke saath hi manaati hoon, 'letters' bhi
aate hain kaafi saare, jo laDke hain woh mujhse raakhi bhi bandhwaate
hain, to bahut hi achchha 'relationship' rehta hai.

AD: abhi tak kisi bachche ka 'operation' aisa bi huya hai
jo 'successful' naheen raha ho?

PM: mere liye yeh bahut baDi baat hai ki abhi tak 305 yaani sabhi
bachchon ke 'operations successful' hi huye hain. ek 'operation' aisa
tha ki ummeed to yahi thi 'doctor uncle' kahenge ki 'operation
successful' ho gaya hai, lekin 'doctor' logon ne baahar aakar kahaa
ki 'ham logon ne poori ummeed chhoD dee hai, tumhaara jo hai,
bhagwaan ka, tum woh sabkuchh kar sakti ho'. to phir main ICU mein
gayi thi, aur us bachche ke paas navkaar mantra bahut bola tha,
Barkha us bachchi ka naam hai, aur kuchh hi samay mein us bachchi ko
hosh aa gaya tha. to woh bahut yaadgaar 'case' hai, naheen to poore
ke poore 'operations' abhi tak 'successful' rahe hain.

AD: iska matlab yeh hai ki niswaarth roop se madad karnewaalon ke
eeshwar saath hote hain. main aap se yeh jaanna chaahoonga ki yeh jo
aapka 'mission' hai, jis tarah se bachchon ko aap ikaTTha karte hain
yaa bachche aap tak pahunchte hain apne maa baap ke zariye, unke liye
aap ne koi 'standard', koi niyam aapne banaaya hogaa, woh poora
aapka 'system' yaa 'procedure' kya hai?

PM: haan, main 17 saal se kam umra ke 'patients' ka hi
main 'operations' karwaati hoon aur jo hriday rog se peeDeet hote
hain, aise bachche jinko ek waqt ka khaana bhi mushkil se ho paata
hai, jinke mummy-paapa 'capable' naheen hain ki unka 'operations'
karwa sake, unke 'operations' main karwaati hoon, aur kis bachche
ka 'operation' karwaana hai, aisa naheen hai ki 'waiting list' hai
500 bachchon ka to, jo zyaada 'serious' hai uska pehle ho jaata hai,
aur yeh sab 'decide' karte hain 'doctor uncle' aur mere 'mamma
patients' ko dekhte hain.

AD: hun, to yeh kahaan se 'operate' karte hain aap log? aajkal Mumbai
se?

PM: naheen. haan, aajkal 'operate' to Mumbai se hi karte hain,
lekin 'operations' zyaadaatar Indore mein hote hain kyunki Indore
mein Dr Gandhi hain, Dr Dhiraj Gandhi, jo hindustaan mein, jis
bachche ko 'high risk' kehkar manaa kar diya jaata hai, us bachche ko
bhi 'successfully operate' kar dete hain. lekin kaafi
saare 'operations' Bangalore mein, Nasik mein, Shirdi ke bhi
ek 'hospital' mein.

AD: Mumbai ke bhi kisi 'hospital' se aapko koi 'response' is tarah
ki 'cooperation' ke liye koi 'offer' naheen aaya?

PM: Mumbai mein abhi tak K N Hospital mein ek do 'operations' ho
chuke hain lekin haan, aisa koi 'offer' naheen aaya hai aur
kisi 'hospital' se koi 'tie-up' bhi naheen huya hai.

AD: aap log is dishaa mein Khud koi prayaas naheen karte hain, aap
intezaar karte hain ki 'hospitals' Khud saamne aaye?

PM: abhi tak to naheen kee hai kyunki zaroorat hi naheen paDee.
saare 'hospitals' Khud aaye hain hamaare paas 'tie-up' karwaane ke
liye lekin yeh bahut achchhi baat hai, ham koshish karenge ki Mumbai
mein bhi koi 'hospital' hamse juD paaye.

AD: yeh jo 305 bachche hain, inmein zyaada bachche kin chehron ke
hain?

PM: zyaadaatar bachche MP ke hain, 'south' ke bahut saare bachche
hain, kyunki zyaada 'shows south' mein hote hain, Maharashtra ke bhi
bachche hain, lekin India ke alaawaa Pakistan ke bhi 3 bachchon
ke 'operations' maine karwaaye hain, aur Thailand ke bhi 4
bachche 'operate' ho chuke hain aur 2 bachche abhi meri 'waiting
list' mein bhi hain. to jahaan doosre deshon mein ham jaa rahe hain
to wahaan ke bachche bhi hamaare 'waiting list' mein shaamil ho rahe
hain.

AD: tumhe naheen lagtaa Palak ki jaise jaise yeh cheez aage baDhti
jaayegi waise waise yeh 'waiting list' aur jo tumhaara kaam hai woh
baDhte jaayenge, tab tumhaare 'shows' bhi baDhte jaayenge. tab
tumhaare apne liye waqt nikaalna mushkil hogaa, tab
tumhaari 'playback singing' par asar paDegaa, tab tumhaare saamne do
mein se ek ko chunne ke liye sawaal khaDaa hogaa, tab tum kya karogi?

PM: waise, agar bhagwaan ka saath raha to aisa do raahon mein se
chunne ka mauka naheen aayegaa. lekin agar aisa huya bhi to
main 'charity prefer' karoongi. kyunki un bachchon ke kismat se, jin
bachchon ke 'operations' main karwa rahi hoon, aur jo 'waiting list'
mein hain, unhi ke kismat se mujhe aur 'shows' mil rahe hain, aur
unki kismat se hi unke 'operations' jaldi jaldi hote jaa rahe hain.
aur 'playback singing' se mujhe yeh bhi faayda milega ki agar meri
aawaaz 'popular' ho gayi, to ham logon ko zyaada 'shows' bhi milenge.
to dono 'connected' hain.

AD: bilkul, dono ko ek doosre ka faayda milegaa. nishchit roop se.
yeh bataaiye ki in sab kaam ke peechhe pehla shrey, mummy pappa, bhai
bahen eeshwar, yeh sab to hain hi, lekin sabse pehla shrey agar denaa
hoga to kiska naam hoga?

PM: bhagwaan ka hi (AD smiles). sabse pehle bhagwaan ka hi naam
hogaa, doosra meri 'mummy pappa' ka hoga, aur sabse zyaada sehyog
mujhe mere chhoTe bhaai ka milta hai, aur woh ek 'guitarist' hai,
uska naam hai uiness Book of World Records mein, to uska sehyog bhi
milta hai.

AD: Palak, iske saath saath ek Khaas baat jo juDti hai, ki tumhaari
umra bahut chhoTi hai, bahut chhoTe umra se yeh sab kar rahi ho,
apni 'school' ki paDhaai ke liye waqt kab milta hai?

PM: 'school' ki paDhaai ke liye thoDaa sa bhi waqt nikalta hai to
main paDhti jaati hoon. aur jab main 'shows' dene jaati hoon to
main 'books' lekar hi jaati hoon. mere 'school' se mujhe bahut hi
zyaada 'support' milta hai, aur sabse baDi baat to yeh hai ki mujhe
chhuTTiyaan mil jaati hai. main Mumbai mein rehti hoon aur paDhaai
Indore mein karti hoon. aur Class VII ka jo Moral Science 'subject'
hai CBSE ka, usmein mere 'achievements' bhi shaamil keeye gaye hain.
to CBSE Delhi se mujhe 'permission' hai ki sirf 'exams' dene ke liye
main 'school' jaa sakti hoon. aur 'school' se 'support'
  mil jaata hai, 'notes' bhi mil jaate hain, aur paDhaai bhi main kar
hi leti hoon.

AD: 'number' kaise aate hain?

PM: abhi tak to achchhe hi aate hain

AD: achchha, abhi kitne bane?

PM: abhi 11th mein 78% bane 'commerce' mein

AD: achchhe naheen aaye, bahut achchhe naheen aaye

PM: bahut achchhe naheen the, kyunki is saal bahut 'shows' bhi the

AD: ham maaf kar sakte hain kyunki wahaan aapke 'percentage' bahut
achchhe the jahaan aap ne 'operations' karwaaye. jaise aap
ke 'college' se aap ko 'relaxation' hai, hamne bhi aap
ko 'relaxation' de diya

PM: 5th mein, 8th mein meri 'merit' bhi aayi thi, 5th mein 96% aaye
the, 8th mein 91% aaye the.

AD: achchha achchha, bahut achchhi baat hai yeh. ab Palak, phir se ek
waisa hi gaana sunaayo, waisi ek cheez sunaayo jo tum aise bachchon
ke liye gaati ho, aise logon ke liye sunaayo jinke liye aaj tum
yahaan aayi ho.

PM sings Bengali song "naa mono laage e jeebone kichhu jeno bhaalo
laage naa".

PM also sings Sindhi, Rajasthani & Marathi mukhdas.

AD: bahut bahut shukriya Palak, Vividh Bharati mein aane ka, aut itni
baaten karne ka, nishchit roop se aaj yeh hamaara saubhaagya hai ki
ham Palak Mujhal se baat kar rahe the. Palak, bahut bahut shukriya,
namaskaar!

PM: 'thank you'

END OF PART 2

THE END

Poetry recitation by Dr Shivmangal Singh Suman, recorded in the year
1980.


Download from Files/Audio Files/VB's Golden Jubilee Celebrations.

Happy listening!!!

Sujoy...

We are the only Hindi music website without any pop up advertisements.

We have one of the largest database of songs supported by phonetic aware
search capability and lots of other cool stuff like -

- Binaca Geetmala listings and their audio/video
- YouTube interface for video playlists
- User generated playlists for all moods
- Top20 chart

Come visit us. We promise you'll find us very different from the rest.

The Bollango Team
www.bollango.com

A non-film song of Jaishankar Prasad, sung by Asha Bhosle.

Download from Files/Audio Files/VB's Golden Jubilee Celebrations.

Happy listening!!!

Sujoy

2008

main Anupama Deshpandey, 'playback singer', mere fauji bhaaiyon ko
mera pyaar bhara namashkaar! mujhe baDi Khushi hai ki mere pyaare
fauji bhaaiyon se baaten karne ka mauka milaa. aur sabse baDi baat
yeh hai ki is Vividh Bharati ko 50 saal huye. is avasar par mujhe
yahaan aamantrit kiya gaya, iske liye main Vividh Bharati ki bahut
bahut aabhaari hoon. ab meri pasand ka ek gaana sunaana chaahti hoon,
film ka naam hai Dor, sangeet diya hai Salim Suleiman, geet likha hai
Mir Ali Hussain, aur gaaya hai Shafaqat Ali - Amanant Ali, to
suniye...

Song: yeh hauslaa kaise ruke (Dor)

mujhe maaloom hai ki aap sab is 'programme' ka besabri se intezaar
karte rehte hain. ham to Vividh Bharati se achchhe achchhe gaane
sunkar hi baDe huye hain. aur gaane mein hi 'film industry' mein
maine 'career' banaa liya. dekhiye main aapke saamne hoon. aaj jo
hoon uska kaafi shrey Vividh Bharati ko hi jaata hai. waise bachpan
mein mere pitaaji Shri Ramakant Kaikani mujhe gaana seekhaate the.
woh mere sabse pehle guru hain. tab main sirf 4/5 saal ki
thi. 'basically' main Karnataka ki hoon, hamaare parivaar mein hi
gaana hai. thoDi baDi ho gayi, phir uske baad Shri Bhanukant Luptuke,
Durgesh Chandavarkar, Shri Feroz Dastur, aur Fayyaz Ahmed Khan
saahab, ho kiraane gharaane ke hain, in gurujano se hi mujhe gaane ki
shiksha mili. meri do beTiyaan hain, dono achchha gaati hain, lekin
is 'film line' mein naheen hain. kuchh puraare gaane aise hain ki
unhe sunke aur unhe gaane ki koshish karte karte riyaaz ho jaata hai.
jaise Manna-da, Rafi saahab, Lata-ji, Asha-ji ke kitne
saare 'classical' gaane hain. ab main Manna-da aur Lata-ji ka ek
mazedaar gaana sunaayungi. kyunki Manna-da jaise 'classical' gaana
gaate hain, aise mastibhare gaane bhi gaate hain, to film hai
Bahaaron Ke Sapne, aur Majrooh saahab ka likha huya, sangeet diya hai
Shri R D Burman saahab ne, suniye...

Song: chunari sambhaal gori (Bahaaron Ke Sapne)

fauji bhaaiyon, main ek baat kehna bhool gayi ki mera aap se ek aur
rishtaa hai, kyunki mere daamaad fauj mein Cornell hain. is baat ka
mujhe baDaa fakr hai. unko bhi gaano ka baDaa shauk hai, aur woh
bahut achchha tablaa bhi bajaate hain. sabke 'favourite' hain R D
Burman. Majrooh saahab ka likha film Caravan ka gaana, haan lekin
gaana sunaane se pehle main kehna chaahoongi ki Lata-ji aur Asha-ji
aasmaan ke chaand aur sooraj hain, aur ham sab chhoTe chhoTe sitaare
hain. to suniye Asha-ji ko...

Song: ab jo mile hain to (Caravan)

fauji bhaaiyon, baaten karte karte ham yahaan tak aa gaye, aisa lag
raha hai ki sach mein main 'radio' ke zariye naheen, main aapke beech
mein hi baiThi hoon. mere ek aur guru hain, Kishore-da. unke wajah se
hi mujhe film Kaash ka gaana milaa. woh kissa baDaa 'interesting'
hai. us zamaane mein main 'dubbing' gaati thi. matlab, film ke 'set'
lage rehte hain, aur baDe 'singers available' naheen hote.
to 'shooting' ke liye kisi achchhe 'singer' se gawaa lete hain. aur
baad mein usi 'track' pe baDe 'singer' gaa lete hain. mujhe waise hi
Kaash film mein 'dubbing' gaane ke liye bulaaya gaya. Kishore-da the,
ham 'rehearsal' kar rahe the, aur bhagwaan ki dayaa se main achchha
gaa rahi thi. uske ek maheene pehle hi mujhe Filmfare Award mila tha.
Kishore-da ko bhi milaa tha. aur ham Shanmukhnand Hall mein saath
mein hi baiThe the. gaana shuru huya, 'take' chal raha tha. pataa
naheen Kishore-da ko kya ho gaya, unhone 'take cut' kiya, 'music
director' Rajesh Roshan, film ke 'director' Mahesh Bhatt ko bulaaya,
kahaa ki 'yeh laDki itna achchha gaa rahi hai, to yeh gaana isi ka
rahegaa, yeh gaayegi to hi main gaayunga, naheen to main chalaa'. aur
Kishore-da aise the ki bahut 'moody type' ke the, to woh sachchi mein
chale jaa rahe the to unko pakaD ke laaya gaya. to ab suniye Kishore-
da ke saath mera gaana film Kaash ka, (sings) "o yaara tu yaaron se
hai pyaara....."

Song: o yaara tu yaaron se hai pyaara (Kaash)

silsilaa aise hi chalta raha, mere gaane aate rahe. Marathi,
Bangaali, Bhojpuri, kaafi bhaashaayon mein. phir ek baar Bappi-da ne
mujhe Sunny Studio mein bulaaya. jab Sunny Studio gayi aur pataa
chalaa ki Madhuri-ji ke liye mujhe gaana hai, to main bahut khush ho
gayi, kyunki woh mujhe bahut achchhi lagti hai, main unki bahut
baDi 'fan' hoon. Madhuri-ji ko bhi yeh mera gaana bahut pasand hai.
yeh unka 'favourite dance' hai. main 'dance' to naheen dikhaa sakti
lekin gaana sunke Madhuri-ji ka 'dance' aap 'imagine' keejiye, aur
khush ho jaaiye, (sings) "hamko aajkal hai intezaar, koi aaye leke
pyaar...". main to film ka naam bataana hi bhool gayi, aap 'imagine'
kaise karenge, film ka naam hai Sailaab.

Song: hamko aajkal hai intezaar (Sailaab)

fauji bhaaiyon, aap logon ko filmen dekhen ka mauka to milta hoga.
mere bhaaiyon ne Aandhi film to dekhi hogi na! usmein Suchitra Sen
aur Sanjeev Kumar-ji the. 'director' Gulzar-ji aur gaane bhi unhi ke
the. aur sangeet R D Burman ka. kya film thi aur kya gaane the!
Kishore-da aur Lata-ji ko sochte hi rongTe khaDe ho jaate hain. to
gaana sun hi leejiye, (sings) "is moD se jaate hain...."

Song: is moD se jaate hain (Aandhi)

fauji bhaaiyon ke liye boloon, woh hain isliye to ham yahaan zindaa
hain, surakshit hain. unhone itna hamaare liye kya kya 'sacrifice'
kiya hai. jo gaana main abhi sunaanaa naheen chaahti lekin, "mere
watan ke logon", jismein poora likha huya hai, 5 antaron ka gaana
hai, to bas unko main bahut bahut dhanyavaad deti hoon, aur unko
praNaam karti hoon. arey jab poora khaana khaa liya, jab tak kuchh
meeTha na ho jaaye to tripti naheen hoti na, waise hi gaano mein
Madan-ji, Laxmikant Pyarelal-ji, aur sartaaj Shankar Jaikishan-ji
naheen hon to sab adhura sa lagta hai. lekin hamaare paas waqt itna
kam hai aur achchhe achchhe gaane Dher saare. to aakhri gaana sunaane
jaa rahi hoon, is gaane ke saath hi mere fauji bhaaiyon se main
ijaazat le rahi hoon, fauji bhaaiyon ko mera koTi koTi praNaam.

Song: aa ab lauT chalen (Jis Desh Mein Ganga Behti Hai)

THE END

JUBILEE JHANKAAR - Celebrating 50 Years of Vividh Bharati
---------------------------------------------------------

CINE YATRA KI GAWAAH - VIVIDH BHARATI
-------------------------------------

PART 1 (The 30s)
****************

Vividh Bharati ke sabhi shrotaaon ko Kamal Sharma...

aur Renu Bansal ka...

namaskaar!

doston, aap ke is pasandida 'radio channel' ki swarNajayanti ki
shringkhala mein ham ek baar phir se haazir hain, aur is baar ham aap
ke liye laaye hain ek nayaa aur anooThaa kaaryakram... CINE YATRA KI
GAWAAH VIVIDH BHARATI.

aaj se 77 saal pehle, yaani 1931 mein pehli baar Hindustaani cinema
ne bolna shuru kiya tha. iske 26 saal baad, yaani 1957 mein astitva
mein aayi Vividh Bharati. tab se lekar aaj tak Vividh Bharati poori
shiddat ke saath Hindi cinema ko aap tak pahunchaati aa rahi hai.
cinema ki har utaar chaDhaav ki gawaah rahi hai Vividh Bharati. yahi
wajah hai ki Vividh Bharati ka Khazaana aaj naayaab ratnon se bharaa
paDaa hai.

aur yeh anmol ratna hain cinema se juDe un kalaakaaron
ko 'technician'-on ki aawaazen jinmein se kai aaj bhale hi hamaare
beech naheen hain, lekin cinema ki ithihaas mein unka anaam
swarNaaksharon mein darj hai. doston, Vividh Bharati ne in durlabh
aawaazon ko kareeb 20,000 'spool tapes', aur
hazaaron 'records', 'CDs' aur 'DVDs' mein, saakshaatkaar aur geeton
ki shakl mein sanjoya huya hai. to aayiye aap ko le chalen Vividh
Bharati ke is tilasmi Khazaane ki yaatra par...

jaisa ki aap jaante hain, Bhaarat ki pehli bolti film thi Alam Ara.
nirmaata nirdeshak Ardeshir Irani ki 'company' Imperial Movietone
dwaara banaaee gayi Alam Ara 14 March 1931 ko Mumbai ki Majestic
Cinema Hall mein pradarshit huyi thi. aur isi film se shuru huya tha
film sangeet ka safar jo aaj tak ba-dastoor jaari hai. film Alam Ara
mein Wazir Mohammad Khan ka gaaya geet "de de Khudaa ke naam par" us
zamaane mein behad mashoor huya tha. iske baad pradarshit huyi
Kolkata ki film 'company' Madan Theatres ki film Shirin Farhad. is
doosri bolti film ke naayak the Master Nisar, jo 'silent' filmon ke
daur mein hi 'superstar' ka darjaa haasil kar chuke the. aap ko yeh
jaankar taajjub hoga ki Master Nisar ki aawaaz aaj bhi Vividh Bharati
mein maujood hai. to aayiye sunte hain Vividh Bharati ke saath Master
Nisar ke baatchit ke yeh ansh:

-----------------------------
MASTER NISAR speaks:

1931, to hamaare maalik jo the, Kalkatte ke, Madan Theatres, Madan
Theatres Ltd, to unhone, main naaTak mein kaam karta tha, unhone
mujhe bulaakar kahaa ki 'kal tum 'studio' chale jaana'. maine
kahaa 'kyun saahab?' bole 'chale jaana tum'. to Jahangir-ji, unke
laDke the, woh 'direction' karte the, mujhse kehne lage ki 'Shiri
Farhad, ham yeh 'talkie' banaana chaahte hain, usmein ek 'scene' lena
chaahte hain'. to Agha saahab se kaho ki kuchh 'dialogues' likh den'.
Agha Hashra saahab se. maine jaake unse kahaa. woh kehne
lage 'ek 'scene' ka kya matlab hota hai? poora Shiri Farhad unse kaho
kyun naheen utaarte'. maine jaakar unse keh diya. to bole
ki 'achchha, Agha saahab se jaakar kaho ki woh likhen'. to Agha
saahab likhne lage, aur 1931 ki baat hai, jab Shiri Farhad naam se
film shuru huya.
-----------------------------

bolti filmon yaani ki 'talkies' ka daur shuru hote hi Mumbai ke saath
saath Kolkata, Pune aur Kolhapur bhi film banaane ke kendron ke roop
mein apni pehchaan banaane lage the. Kolhapur ka Jayaprabha Studio,
Pune ka Prabhat, Kolkata ka New Theatres, aur Mumbai ke Bombay
Talkies, Ranjit Movietone, Minerva Movietone aur Wadia Movietone apni
apni tarah ka utkrishT filmon ka nirmaaN kar bahut jald us zamaane ki
agraNi film comopaniyon mein gine jaane lage the. Prabhat ki san 1932
ki film Maya Machhinder ka yeh geet Vividh Bharati mein uplabdh
praacheenatam geeton mein se hai. Pandit Govindrao Tembe ka gaaya aur
sangeetbaddha kiya huya yeh geet us samay mein atyant lokapriya huya
tha

-----------------------------------------------------
Clip: chhoD aakaash ko sitaare (Maya Machhinder,1932)
-----------------------------------------------------

Kolkata ki New Theatres Company dwaara nirmit adhikaansh filmon ka
aadhaar mukhya roop se Bangla upanyaas aur kahaaniyaan hote the. B N
Sircar dwaara sthaapit is 'company' ne us zamaane mein R C Boral,
Pankaj Mullick, Timir Baran, K L Saigal, K C Dey, Kidar Sharma aur
Kanan Devi jaise diggaj kaam karte the.

madhur sangeet New Theatres ke filmon ki Khaasiyat thi. kaalaantar
mein yahi baaten kahee R C Boral ne:

-----------------------------
R C BORAL speaks:

main lagbhag 40 barson se 'film industry' mein hoon. malab New
Theatres ke janam se hi film sangeet ki sevaa karta hoon. aaj main un
beete huye samay ki jhalak dikhaayun? ho sakta hai yeh filmen aap ne
na dekhee ho, un filmon ke kalaakaaron ko bhi aapne na dekhaa ho,
magar naam zaroor sune honge! yeh baat hai kareeb 40 saal pehle ki,
film Dhoop Chhaon ka sangeet nirdeshan maine kiya aur gaayak
kalaakaar hain K C Dey.
-----------------------------

------------------------------------------------------
Clip: teri gaThari mein laaga chor (Dhoop Chhaon,1935)
------------------------------------------------------

us zamaane mein paarshwagaayan, yaani 'playback' shuru naheen huya
tha, aur abhinetaaon ko 'camera' ke saamne Khud gaana paDtaa
tha. 'playback' ka Khayaal sabse pehle New Theatres mein san 1935
mein bani film Dhoop Chhaon ke dauraan gaayak sangeetkaar Pankaj
Mullick ke man mein kaundhaa tha. Pankaj Mullick ki aawaaz aaj bhi
Vividh Bharati mein apni Khaas jagah banaaye huye hain:

-----------------------------
PANKAJ MULLICK speaks:

bolti filmon ki Bhaarat mein chaalu hone ke do saal pehle hi main
filmi duniya mein aa chukaa tha, yaani san 1928 mein. us samay mook
filmen dikhaaee jaati thi. uske saath jis sangeet ke bajne ka riwaaz
tha, us sangeet ki rachna main kiya karta tha. uske baad jab bolti
filmen aayi, Kalkatte mein, to mujhe hi sangeet nirdeshak banne ka
saubhaagya praapt huya. tab to AkaashvaaNi naheen tha, iska naam tha
Indian Broadcasting Corporation. mere aane ke kareeb 6 maheene pehle
shaayad yeh 'company' chaalu huyi thi.

Q. yaad hai aap ko woh kaun sa pehla geet tha jise aapne pehli
baar 'radio' par gaaya tha?

woh geet Kaviguru Ravindranath Thakur ki rachnaa thi, (sings a Tagore
song in Bangla)
------------------------------

New Theatres se sambandhit ek aur naam tha Timir Baran ka, jinhone
1935 ki film Devdas mein sangeet diya tha:


-----------------------------
TIMIR BARAN speaks:

aaj is kaaryakram ke zariye aap logon se baatchit karne ka mujhe jo
mauka mila hai, uske liye main apne ko dhanya samajhtaa hoon. jab ki
maine bhi kai filmon ki dhune banaaee thi aur sangeet nirdeshak reh
chukaa hoon, ab bhi filmon se juDaa huya hoon aur sangeet nirdeshan
ka kaarya jaari hai. mujhe geeton ke bolon se saaz-o-sangeet se
zyaada prem hai kyunki main khud ek sarod-vaadak hoon.
------------------------------

30 ke dashak mein Pune ki Prabhat Film Company gambheer saamaajik
vishayon par filmon ka nirmaaN kar apna ek sammaanit sthaan banaa
chuki thi. is company ki neev V Shantaram aur unke 4 sehyogiyon
dwaara san 1929 mein Kolhapur mein rakhi gayi thi. lekin san 1933
mein isey Kolhapur se Pune le aaya gaya. 1932 ki film Ayodhya Ka Raja
is company ki pehli bolti film thi. haalaanki yeh bahut kam log
jaante hain ki Bhaarat mein bani pehli rangeen film ka nirmaaN san
1933 mein Prabhat dwaara hi kiya gaya tha. haalaanki takneekee
drishTi se yeh prayog asafal raha tha. us zamaane ke 'star' abhinetri
Shanta Apte isi company mein kaaryarat theen, jinhone film Amrit
Manthan aur Amar Jyoti mein yeh geet gaaye the.

------------------------------------------------------------------
Song: raat aayi hai naya rang jamaane ke liye (Amrit Manthan,1934)
------------------------------------------------------------------

1933 mein hi Mumbai mein J B H Wadia aur Homi Wadia bhaaiyon ne neev
rakhi Wadia Movietone ki. 'fantassy', 'action', aur dhaarmik filmon
ka nirmaaN kar unhone bahut jald apna ek darshak-varg tayyaar kar
liya. 'Fearless' Nadia Wadia Movietone ke filmon se hi 'star' bani
theen. udhar Chandulal Shah aur Gauharjan Mamajiwaala dwaara 1929
mein sthaapit Ranjit Films mook filmon ka nirmaaN kar rahi thi. 1931
mein yeh company Ranjit Movietone ke naam se bolti filmon ka nirmaaN
karne ke liye utar paDee. Divya Devyani is company ki pehli bolti
film thi. san 1934 mein Bombay Talkies astitva mein aayi jiski neev
England se aaye Himanshu Rai aur Devika Rani ne ek 'public limited
company' ke taur par rakhi thi. Shankar Mukherjee, Kavi Pradeep aur
Ashok Kumar ne apne 'career' ki shuruwaat Bombay Talkies ki filmon se
hi kee thi.

---------------------------------------------------
Song: main ban ki chiDiya banke (Achhut Kanya,1936)
---------------------------------------------------

-----------------------------
ASHOK KUMAR speaks:

darasal jab main filmon mein aaya tha san 1934-35 ke aaspaas, us
samay gaayak abhinetaa Saigal zindaa the. unhone filmi gaano ko ek
shakal dee aur mera Khayaal hai unhi ki wajah se filmon mein gaano ko
ek mahatwapoorNa jagah mili. aaj unhi ki buniyaad par yahaan ki
filmen banaaee jaati hain, yaani 'box office success' ke liye gaano
ko sabse oonchee jagah dee jaati hai. mere waqt mein 'playback'
ke 'technique' ki tayyaariyaan ho rahi thi. talat, Rafi, Mukesh filmi
duniya mein aaye naheen the, Lata to paida bhi naheen huyi hogi.
abhinetaaon ko gaana paDtaa tha chaahe unke gale mein sur ho yaa
naheen. isliye zyaadaatar gaane seedhe seedhe aur saral bandish mein
banaaye jaate the taaki ham jaise gaanewaale aasaani se gaa sake.

Q. to daada saahab, koi gaana is waqt aapko yaad hai, sunaaiye to!

main apni puraani filmon se kuchh kuchh mukhDe sunaa sakta hoon.

Q. achchha sunaaiye

suniye... (sings) "main ban ki chiDiya banke ban ban boloon re...".
yeh pehle pehle Bombay Talkies ke geeton mein "re" ka istemaal bahut
kiya jaata tha. (sings) "Chal chal re naujawaan...", phir "re" ka
istemaal dekhiye (sings) "chali re chali re meri naao chali re",
(sings) "dheere dheere aa re baadal dheere dheere jaa, mera bulbul so
raha hai, shor gul na machaa". ek aur sunaa detaa hoon, jiske saath
ek baat bhi kahoonga. (sings) "peer peer kya karta re teri peer na
jaane koi...". mujhe yaad hai is gaane ko 'record' mein bharna
mushkil paD gaya tha kyunki yeh gaana tha aadhe 'minute' ka, aur is
aadhe 'minute' ko 3 minute ka banaane ke mujhe dheere dheere gaana
padaa tha.

Q. kaise?

(sings) "peeeeeeer peeeeeeeer kyaaaa kartaaaaa re.....". aap hans
rahi hain, lekin us 'record' ko sunkar main ro diya tha. usi waqt tay
kiya tha ki agar mujhe filmon mein rehna hai to gaana seekhna hi
paDegaa.
---------------------------------------

-------------------------------------------
Clip: chal chal re naujawaan (Bandhan,1940)
-------------------------------------------

san 1936 mein astitva mein aayi Sohrab Modi ki company Minerva
Movietone. is 'banner' ke tale bani 1939 ki film Pukar ki aashaateet
safaltaa ne dekhte hi dekhte Sohrab Modi ko us zamaane ki agraNi
nirmaata nirdeshakon ki kataar mein laa khaDaa kiya.

-----------------------------
SOHRAB MODI speaks:

ae nigehbaan-e-watan, ae mard maidaan-e-watan, tere dam se hai
bahaaron par gulistaan-e-watan. tujhpe jaan-o-dil fidaa, hasti fidaa,
masti fidaa, tujhpe ham beqas Ghulaamon ki yeh kul basti fidaa. aaj
teri arzmandi ko pahunch saktaa hai kaun, teri ruhaani bulandi ko
pahunch sakta hai kaun, veeron ke liye to waaqai jab se hosh
sambhaalaa, tab se hi apne dil-o-dimaaG mein sabse oonchaa maqaam
paaya, lekin tawaariKh jaise 'subject' mein bachpan mein mujhe koi
Khaas dilchaspi naheen thi. main Cecil B. De Mille ki angrezee filmen
bahut dekha karta tha, aur unse mutaasir hokar apne desh ki tawaariKh
par Gaur karne lagaa. us waqt mujhe Khayaal aaya ki hamaare desh ko
aisi filmon ki bahut zaroorat hai, apne desh ki jantaa ko jagaane ke
liye, desh ke bachchon ko desh ki mahaanta ka gyaan karaane ke liye
yahi ek zaroori kaam tha taaki woh apni tawaariKh se anjaan na bane
rahe. doosri baat yeh ki tawaaraKhi film ko 'canvas' jitna baDaa
hai 'social' filmon ka naheen. main hameshaa baDe 'canvas' ki
tasveeron ko kheenchne ka qaayal raha hoon. yeh wajah bhi mujhe is or
zyaada kheenchti rahi. teesri wajah yeh ki har kalaakaar apni kalaa
ko panapne ke liye adhik se adhik 'scope' chaahta hai jo mere Khayaal
se aise filmon mein hi mil sakta tha. iski pehli wajah to yeh hai ki
har kalaakaar ki apni ek ruchi hoti hai. meri ruchi isi tarah ke
paatron mein thi.
--------------------------------

END OF PART 1

2008

pyaare fauji bhaaiyon, aap sab ko Ibrahim Ashq ka aadaab! desh ki
rakshaa aur surakshaa ki jo zimmedaari aap ke kaandhon par hai, aur
jis tarah aap jaan hatheli par lekar yeh zimmedaari nibhaate hain,
yeh kaam koi aasaan naheen hai. desh ki sarhadon ki aap nigehbaan
hain, aap uske paasbaan hain, aur aapki paasbaani hi saari mulk ko,
saare desh ko surakshit rakhti hai, iski hifaazat karti hai. fauji
bhaaiyon, main bachpan se hi Jaimala baDe pyaar se sunaa karta tha.
aaj jab Jaimala pesh karne ka mauka milaa hai, to mujhe baDi Khushi
ho rahi hai. Khushi is baat ki hai ki main apne desh ke un
naujawaanon se baat kar raha hoon jo hamaare desh ke rakshak hain, jo
hamaare desh ke liye Khoon paseena hi naheen bahaate balki jaan bhi
luTaa dete hain. aise naujawaan doston se pyaari pyaari baaten karne
ka jee kiska naheen chaahegaa! aaj main bhi Vividh Bharati ke zariye
aap se baaten karte huye bahut Khush hoon, aur mera dil mohabbat se,
desh prem se is qadar bhar aaya hai ki main bayaan naheen kar saktaa.
to aaiye is sunehre mauke par main aap ko ek kahaani sunaata hoon.
yeh kahaani geet ke roop mein hai, jo maine film Krrish mein bayaan
kee hai, aap ne kai baar sunee hogi, ek baar phir suniye...

Song: aayo sunaayun pyaar ki ek kahaani (Krrish)

fauji bhaaiyon, meri zindagi bahut hi chhoTe se parivaar se shuru
hoti hai. main ek maamooli parivaar ka chhoTa sa phool hoon, jo miTTi
mein khilaa hai, desh ki hawaayon mein parvaan chaDhaa hai, aur uski
Khushboo aaj aap tak pahunch rahi hai. fauji bhaaiyon, Ujjain shahar
ka ek chhoTa sa kasbaa hai Vadhnagar, jahaan ka main rehnewaala hoon.
waheebn meri parvarish huyi, waheen main palaa baDhaa, meri ibtidaaee
taaleem bhi waheen huyi. aur phir mera safar patrakaaritaa se shuru
hota hai, jiski meri karmbhoomi Indore thi. Indore, jahaan se Indore
Samaachaar ke zariye maine saahityik aur geeton ke safar ki shuruwaat
kee. ek geet aur is mauke pe main aap ko sunaana chaahta hoon. yeh
geet film Koi Mil Gaya ka hai. is geet ke saath ek kahaani juDee huyi
hai, aur kahaani yeh hai ki isey gaane ke liye Khaas taur
se 'director' ne America se ek 'singer' ko bulaaya tha, jiska naam
hai Taz. aur woh gaana 'stage song' tha, jispar Hrithik Roshan ne
bahut hi achchha 'dance' kiya hai...

Song: 'its magic its magic' (Koi Mil Gaya)

main 1981 mein Bombay ki sarzameen par qadam rakkha maine. aur uske
baad yahaan ki filmi yaatra shuru huyi. us zamaane mein Gazal ka
bahut achchha maahaul tha. haathon haath meri Gazlen lee gayi, har
mehfil mein meri Gazal goonjne lagi. Jagjit Singh, Asha-ji,
Hariharan, Pinaz, Chandan Das, Talat Aziz, sabne meri Gazlen gaayi.
har taraf us zamaane mein meri Gazlen goonj rahi thi. usi beech mujhe
ek film mili Geet Mere Pyar Ka. us film ke baad ek Khaas film jiska
main yahaan zikr karna chaahta hoon, woh thi Bahaar Aane Tak, jiska
gaana aapko yaad hogaa ab tak, "mohabbat inaayat karam dekhte hain,
kahaan ham tumhaare sitam dekhte hain"

Song: mohabbat inaayat karam dekhte hain (Bahaar Aane Tak)

jis zamaane mein Gazal ka shor tha har taraf, woh zamaana mere liye
bahut hi Khoobsoorat zamaana tha. ek ek maheene mein us zamaane mein
mere 30-30 40-40 Gazlen 'record' hoti thi. ek ek din mein 4-
4 'studios' mujhe bhaagna paDtaa tha. aur maheene mein 15-20 'record'
mere 'release' hote the. har 'company' ka koi 'release function' aur
is tarah aadhi aadhi raat guzaarnaa 'functions' mein, mehfilon mein,
bahut achchha lagtaa tha. kabhi Lata-ji ne mera 'record release'
kiya, kabhi Mehedi Hasan ne, kabhi Dev Anand ne, kabhi Dilip Kumar
ne. woh ek sunehra daur tha, ab Gazal ka woh waqt naheen hai, aur
main film ki taraf muD chukaa hoon. aur film mein sanjeedgee ke saath
gaane likh raha hoon. meri hameshaa yeh koshish rahi hai ki arthpooN
gaana likha jaaye, 'meaningful' gaana ho. Hindustan ki sabhyataa aur
sanskriti se juDaa huya gaana ho. fauji bhaaiyon, jis tarah aap
hamaari sarhadon se juDe hain, main bhi apni miTTi se juDaa huya
hoon. maine kabhi apne miTTi se ukhaDne ki koshish naheen kee. ek
gaana suniye, yeh gaana hai film Dus Kahaaniyaan ka. is tarah ke
gaane baDi mushkil se filmon mein aa paate hain. "bhulaa diya bhulaa
diya tere ishq mein Khud ko bhulaa diya"

Song: bhulaa diya tere ishq mein Khud ko (Dus Kahaaniyaan)

fauji bhaaiyon, zindagi mein kai utaar chaDhaav aate hain. kabhi
aadmi aasmaan ki bulandiyon ko chhootaa hai, to kabhi zameen par gir
paDtaa hai. aise maukon par insaan ka dheeraj hi uska sabse baDaa
sambal hotaa hai. jo aadmi dhairya se kaam letaa hai, sabr se kaam
leta hai, uski hameshaa jeet hoti hai. yeh maine apni zindagi ke
tajurbaat mein mehsoos kiya hai. maine kabhi bahut oonchee uDaan
bharne ki koshish naheen kee. isliye naheen ki jitna ooncha aadmi
uDtaa hai utni hi tez neeche girta hai, lekin hameshaa ek jaisa main
raha hoon. log jab mujhse milte hain, 'uneasy' naheen 'feel' karte
woh log. zyaadaatar log mujhe chaahnewaale milte hain, jo mujhse
mohabbat karte hain, meri shaayri se mohabbat karte hain, mere fan se
mohabbat karte hain, aur mohabbat main sameTkar waapas main unko
lauTaata hoon apne geeton mein, apne fan ke zariye, apni mohabbat ke
zariye. isi mohabbat se juDaa huya ek mohabbat bharaa gaana suniye,
yeh gaana film Yeh Tera Ghar Yeh Mera Ghar ka hai...

Song: hansaate ho rulaate ho (Yeh Tera Ghar Yeh Mera Ghar)

fauji bhaaiyon, main ek aisi film ka zikr karna chaahta hoon jismein
desh prem kooT kooT kar bharaa hai. yeh film hai Subhash Ghai saahab
ki Black & White. ismein ek aise vishay ko unhone uThaaya hai jismein
aaj ke maahaul, aaj ke vaataavaraN, aur bhaartiyataa kooT kooT kar
bhari hai. iske gaano ki zimmedaari jab Ghai saahab ne mujhe dee, to
ek baDi zimmedaari thi. Sukhwindara iske 'music director' the. aur
gaane jo the woh bahut hi 'meaningful', kuch 'Sufis',
kuchh 'romantic', aur miTTi se juDee huyi baaten ismein kehni thi,
maine koshish kee, uska 'result' achchha aaya, aap logon ne yeh sab
gaane sune honge, "main chalaa main chalaa", "jogi aaya jogi aaya"

Song: jogi aaya jogi aaya (Black & White)

fauji bhaaiyon, aaj aap se baaten karke bahut achchha lagaa. zindagi
mein aise mauke baar baar mile to kya kehne. lekin aap to jaante hain
ki waqt kisi ka saath naheen detaa hai. aaj aapka aur hamaara saath
itne hi waqt ke liye tha. aur ab main aap se vidaa letaa hoon, Jai
Hind!

Song: kaho naa pyaar hai (Kaho Naa Pyaar Hai)

THE END

2008

SS: Sandesh Shandilya
MS: Mamta Singh

MS: Sandesh Shandilya-ji, aap Vividh Bharati ke 'studio' mein aaye
hain, hamein bahut achchha lag raha hai, aap ko kaisa lag raha
hai 'studio' mein aakar?

SS: mujhe bhi bahut achchha lag raha hai, aur 'actually' main pehle
bhi aa chuka hoon, maine aapko jaise bataaya ki mujhe sabse zyaada
yahaan pe 'comfort' lagta hai aur bahut achchha lagta hai baat karna.

MS: Vividh Bharati ke puraane ssadasya ki tarah hain, ek puraana
naata hai aapka.

SS: bilkul sahi baat hai

MS: Sandesh-ji, hamein sabse pehle bataaiye ki sangeet ka sureela
safar aapne kahaan aur kab shuru kiya.

SS: sangeet ka safar 'actually' Bambai se hi shuru kiya. seekhlaaee
meri Dilli mein huyi hai Shri Ram Bharati Kala Kendra mein. aur
yahaan Bambai aakar main 'assistant' banaa aur yaheen pe apne sangeet
ka safar shuru kiya.

MS: lekin kya sangeetkaar banne aaye the yaa kuchh aur? kyunki hamne
suna hai ki aap 'engineering' ki paDhaaee karna chaahte the.

SS: jee main, bilkul, baat sahi hai, mere 'father' chaahte the ki
main 'engineer' banoo aur Jammu mein 'engineering' karne gaya bhi
tha. par wahaan mujhe lagaa ki shaayad yeh mere bas ki baat naheen
hai. aur phir main Dilli aaya aur maine sangeet poori tarah se
seekhna shuru kiya. aur phir Bombay.

MS: kinse seekha?

SS: wahaan Dilli mein Shri Ram Bharti Kala Kendra mein Anit??? Roy
theen 'teacher' meri. uske baad Mumbai mein Ustad Sultan Khan se, aur
abhi bhi meri seekhlaayi chal rahi hai, Rajeshwari Pathak hain, unse
main seekhta hoon.

MS: jee jee, 'piano' bhi seekha aapne?

SS: 'piano' bhi seekha, 'guitar' bhi seekha, 'actually' mujhe shauk
hai in sab cheezon ki

MS: 'music' ki

SS: aur sangeet aisa lagta hai ki itna saara hai, kitna bhi seekho
aisa lagta hai ki kuchh naheen pataa hai, seekhte hi jaayo, bas!

MS: Ustad Sultan Khan saahab se seekha aap ne, yeh baaten ham abhi
aage karenge, pehle aap yeh bataaiye ki jab aap Mumbai aaye to pehla
mauka aapko kisne diya, aur kab.

SS: mere saath, jab main 'assistant music director' tha, Surender
Singh Sodhi-ji ka, to wahaan pe meri mulaaqaat huyi thi Faiz Anwar
se, jo ek achchhe shaayar hain, jinhone Dil Hai Ki Maanta Nahin ke
gaane unhone likhe the aur aur bhi bahut se filmon ke gaane likhe
the. to unhone mera naam 'recommend' kiya aur Wings Music Company
mein mujhe pehla 'break' mila, us 'company' se. aur mera
pehla 'album' tha jo Udit Narayan ne gaaya tha.

MS: wahaan se aap ke 'career' ki shuruwaat huyi

SS: hun

MS: Sandesh-ji, ek gaana ho jaaye aapki pasand ka, phir ham aage baat
karenge.

SS: meri pasand ke bahut saare gaane hain, abhi jo mujhe gaana yaad
aa raha hai, woh hai Pakeezah film ka, "mausam hai aashiqaana"

--------------------------------------
Song: mausam hai aashiqaana (Pakeezah)
--------------------------------------

MS: Sandesh-ji, Jab We Met, is film mein aap ne ek gaana 'compose'
kiya jo behad behad kaamyaab raha, aur mujhe bhi woh gaana behad
pasand hai. "aayoge jab tum o saajna". aur ham yeh jaanaa chaahte
hain ki Ustad Rashin Khan saahab ko aap ne kaise raazi kiya. aur is
gaane ki 'composition' ke baare mein hamein bataaiye.

SS: Rashid Khan saahab ka main bahut baDaa 'fan' hoon. aur maine, jab
yeh gaana banaa to maine socha ki ustaad-ji yeh gaana gaaye. to Khan
saahab ko maine Calcutta 'phone' kiya. unko kahaa ki 'Khan saahab,
aap mujhe jaante naheen hain, lekin main aap ka bahut baDaa 'fan'
hoon, aur main aap se Calcutta aake milna chaahta hoon'. to bahut hi
pyaare insaan hain, unhone ki 'aap aayiye'. Calcutta gaya aur maine
unko woh geet sunaaya, to unhone geet sunke turant 'haan' keh diya
ki 'main usko zaroor gaayunga', aur phir unhone bahut 'cooperate'
kiya aur mujhe bilkul naheen lagaa ki main itne baDe ustaad ke saath
kaam kar raha hoon. bahut hi achchhe maahaul mein yeh gaana banaa.

MS: is gaane ki 'recording' ke baare mein hamein bataaiye ki kya
tha 'situation', aap unhe bataa rahe the gaane ke baare mein? aap ek
sangeetkaar the aur woh ek gaayak. to aap unhe 'guide' kar rahe the
ki, kis tarah se 'recording' huyi thi?

SS: jab unke ghar gaya tha, jab unke 'bungalow' ke paas gaya tha to
mujhe lagaa tha ki mere galey se aawaaz naheen niklegi, main kaise
unko gaana sunaayunga ki yeh meri dhun hai, aur, 'but', phir pataa
naheen unka 'nature' itna achchha hai ki mujhe bahut aasaani huyi,
aur maine unke hi 'harmonium' pe gaana unko gaake sunaaya. sab kuchh
baDaa aasaan sa ho agay aur pataa hi naheen chalaa ki kab gaana ban
gaya aur uske baad aaj bhi ham gapshap baatchit karte hain, aur mujhe
khushi hai ki aap ne is gaane ka zikr kiya, kyunki yeh gaana mere dil
ke bahut kareeb hai.

MS: ham sab ke dil ke bahut kareeb hai, aur ham sab ne bahut baar
isey suna hai. aur yahi gaana aap hamein gaake sunaayenge agar aa
gaate hon? gaate hon ka sawaal hi naheen hota hai, Baarish 'album'
aapka hai jismein aap ne gaane gaaye hain, main aap se guzaarish
karoongi ki yeh gaana aap gungunaayen hamaare shrotaaon ke liye.

SS sings "aayoge jab tum o saajna, angnaa phool khilenge..."

------------------------------------------
Song: aayoge jab tum o saajna (Jab We Met)
------------------------------------------

MS: Jab We Met Imtiyaz Ali ki film thi, aur unki pehli film Socha Na
Tha mein aap ne unke saath kaam kiya tha. to unke saath aapki kis
tarah ki dosti hai, kis tarah ki 'tuning' hai?

SS: woh mere bahut hi kareebi dost hain, yeh hamaari dosti Socha Na
Tha ke dauraan huyi thi. aur unki pehli film thi Socha Na Tha, aur
mujhe lagta hai ki meri bhi pehle film Socha Na Tha, kyunki main
itna 'involved' hoon is film mein. uske baad jab unhone Jab We Met
banaaee, kis aur 'project' mein bahut zyaada masroof tha, to Imtiyaz
ko mera yeh gaana bahut pasand tha "aayoge jab tum o saajna", aur
unko 'music' ki bahut samajh hai. unhone kahaa ki 'mujhe yeh gaana to
chaahiye hi chaahiye, kuchh bhi karo'. to yeh geet unhone mere se
liya is film ke liye. jab maine unko kahaa ki main chaahta hoon ki
Rashid Khan saahab is gaane ko gaaye, unhone kahaa 'bilkul', kyunki
woh bhi unka bahut baDaa 'fan' hai.

MS: Irshad Qamil-ji Vividh Bharati ke 'studios' mein aaye the aur
Imtiyaz-ji bhi aa chuke hain, aur unhone bhi ek baat ka zikr kiya
tha, ki aap log, mere Khayaal se, isi film ke gaano ki charcha kar
rahe the aadhi raat ko, aur raaste mein aap log Tahal rahe the
(laughs).

SS: haan Socha Na Tha ka us waqt ham log 'music' pe kaam kar rahe
the. main, Imtiyaz aur Irshad. raat ko kaafi der tak kaam kar rahe
the, to Imtiyaz ne kahaa ki 'chalo thoDaa 'walk' karte hain baahar
saDak pe'. tab andaaza naheen tha 12/1 baj gaye the shaayad. to ham
log baahar 'walk' kar rahe the, phir ek 'footpath' mein
baiThke 'discusson' chal raha tha. phir kuchh 'police'-waale aaye aur
hamein bhagaaya wahaan se (laughs).

MS: to Socha Na Tha film ka kaun sa gaana aap ke dil ke bahut kareeb
hain? kaun sa gaana aap sunwaana chaahte hain?

SS: ji mujhe Socha Na Tha ke sabhi gaane pasand hai, mera jo sab se
pasandida gaana hai, woh Sonu Nigam aur Sanjeevani ne gaaya hai, "o
yaara rab rus jaane de"

MS: "o yaara rab rus jaane de", mujhe bhi yeh gaana bahut pasand hai,
main soch rahi thi ki aap shaayad isi ka zikr karenge.

---------------------------------------------
Song: o yaara rab rus jaane de (Socha Na Tha)
---------------------------------------------

MS: is gaane ki kis tarah se huyi thi 'recording'?

SS: iski maine 'composition' pehle banaaee thi. aur Irshad Qamil ko
jab maine is gaane ki dhun sunaaee to (hums the tune of the mukhDa),
unhone shaam ko bolaa ki "o yaara rab rus jaane de, deewaana jag
chhuT jaane de", to ham log bahut khush huye. Irshad Qamil hamaari
filmi duniya ke, mujhe lagta hai bahut aage jaayenge, kyunki bahut,
bahut hi kamaal ke shaayar hain. 'script' bhi likhte hain, bahut hi
achchhe se kirdaaron ko samajhte hain.

MS: "o yaara rab rus jaane de", 'rus' shabd par koi vivaad naheen
huya tha?

SS: "rus jaane de" Imtiyaz ko thoDaa lag raha tha 'because' usmein
hamko Punjabi 'touch' dikhaana naheen tha, Imtiyaz ko lagaa
ki 'naheen'. Imtiyaz bahut 'flexible' hain, woh 'rigid' naheen hain,
unko kabhi kabhi lagta hai ki agar koi achchhi baat huyi hai to woh
thoDaa apne aap ko 'adjust' karte hain aur achchhe se 'adjust' karte
hain.

MS: Socha Na Tha film ka ek aur geet sunte hain yahaan par.

----------------------------------------------------------
Song: kabhi dil ke kareeb tumhe mere naseeb (Socha Na Tha)
----------------------------------------------------------

MS: Karan Johar ki film thi K3G, Kabhi Khushi Kabhie Gham, is film
mein kitne gaane aap ke the, aur kaisa anubhav raha aap ka is film ka?

SS: is film mein meri shuruwaat huyi thi ek gaane se. phir maine
kuchh 5 'track' is film mein 'record' keeye the, "suraj huya
madhyam", "you are my Sonia", "deeawaana hai dekho", phir usmein
ek "vandemaataram" tha jo Usha Uthup-ji aur Kavita Krishnamurthy ne
gaaya tha, ek aur 'track' hai 'Soul of K3G', kul '5 track'
hamne 'record keeye. meri zindagi ka sabse baDa hissa hai woh kyunki
meri 'career' ki usi se shuruwaat huyi thi. agar woh naheen hoti to
aaj main yahaan naheen hotaa. Karan Johar meri zindagi mein bahut
aham 'role' rakhte hain.

MS: kaise mile the woh aap ko, kaise mulaaqaat huyi thi? kaise is
film se juDe?

SS: unke saath maine ek 'sitting' kee thi, maine apna 'music' unko
sunaaya tha. Kabhi Khushi Kabhie Gham ke shuru hone se kuchh din
pehle. phir woh apne 'shooting' mein mashgul ho gaye aur kaam shuru
kar diya unhone. achaanak ek din 'phone' aaya unka ki 'Sandesh, main
aap se milna chaahta hoon aur "suraj huya madhyam" ek gaana aap ne
mujhe sunaaya tha, woh meri zahan mein abhi tak hai, main chaahta
hoon ki aap woh mere liye 'record' karen'. to wahaan se ek gaana kiya
to unko mera kaam achchha lagaa to ek aur unhone mauka diya, ek aur
gaana kiya, phir ek aur gaana kiya. "you are my Sonia", 'because'
Hrithik bahut achchhe 'dancer' hain, aur Kareena, aur Karan ne mujhe
keh diya tha ki yeh ek 'dance song' aur aur usmein 'melody' bhi
chaahiye, mere liye baDaa imtihaan tha, Karan ne bhi usmein 'support'
kiya aur yeh geet banke niklaa. aur isko Sonu Nigam aur Alka-ji ne
gaaya bhi bahut Khoobsoorat hai, aur Sameer-ji ne likha bhi bahut
achchha hai.

MS: main chaahti hoon ki aap ek 'line' gungunaayen

SS: jee yeh gaana bahut mushkil hai mere liye gaana

MS: mushkil hai? (laughs)

SS: jab Karan ko main sunaata tha yeh gaana to kehta tha ki 'tu
Ghazal gaa raha hai' (both laughs), woh ek alag kism ka gaana hai, jo
ham banaa sakte hain lekin ham chaahte hain ki koi aur 'perform' kare
to behatar hogaa.

MS: jee, to ham sunwaate hain apne shrotaaon ko K3G ka yehi gaana.

SS: jee

---------------------------------------------------
Song: 'You are my Sonia' (Kabhi Khushi Kabhie Gham)
---------------------------------------------------

MS: "suraj huya madhyam" is gaane ke baare mein kuchh bataana
chaahenge?

SS: yeh gaana baDe kamaal ka 'incident' hai, Mumbai mein jab
shuruwaati daur mein 'paying guest' rehta tha, to usi ghar mein, ek
aur 'room' mein ek aur insaan 'paying guest' rehta tha. to usse meri
dosti ho gayi. to unhone mujhse kahaa, woh un dino kuchh 'serial
produce' kar rahe the, dosti ho gayi to unhone kahaa ki 'tum koshish
kar rahe ho, to maine ek geet likha hai'. unhone mazaak mein liya aur
unhone geet ke bol sunaaye mujhko "suraj huya madhyam chaand jalne
lagaa". to maine kahaa 'yaar', uske 'original' shabd the "suraj huya
madhyam chaand jalne lagaa, barf ka kalejaa bhi kyun pighalne lagaa".
to aisa unhone likha tha Anil Pandey Allahabad ke. to usko maine
rakha sambhaal ke ki jab 'mood' hoga to 'compose' karoonga.
kyunki 'lyrics' ke saath nyaay na ho to. phir uparwaale ne aakhir...

MS: to bol ko waise hi rakha ki kuchh 'changes'...

SS: "suraj huya madhyam chaand jalne lagaa, aasmaan mein haaye kyun
pighalne lagaa", barf ko hamne 'change' kiya, baaki sab waise hi tha.

MS: to yeh gaana bhi sunaa jaaye?

SS: jee zarooor!

---------------------------------------------------
Song: suraj huya madhyam (Kabhi Khushi Kabhie Gham)
---------------------------------------------------

MS: Sandesh-ji, Sudhir Mishra ki film Chameli aapke 'career' ki
yaadgaar film rahi, hai na? kamaal ka sangeet tha aur is film ke kin
kin gaano ka aap zikr karna chaahenge, kaun kaun se gaane aap ko
behad pasand hai?

SS: iska jo gaana "bhaage re man" mujhse sabse zyaada pasand hai.

MS: arey! taajjub hai, woh mujhe bhi bahut pasand hai. iska ek 'line'
gungunaaiye phir uske baad iski 'composition' ke baare mein charcha
karenge.

SS: main din aap ko, Sunidhi-ji ko yahaan laayenge aur unse in geeton
ko sunenge, yeh mera vaada hai (MS laughs).

MS: Sunidhi-ji jab aayi theen 'studio' mein to miThaas ke saath gaaya
tha.

SS: jaise ki kisi insaan ka 'career' hota hai, bahut saare log uske
kareeb hote hain, jisko ham 'team' kehte hain. akela insaan kabhi
kuchh naheen karta. to hamaari 'film industry' ke jo bahut achchhe
kalaakaar hain, un sab ka bahut sehyog raha hai mere liye. Sonu
Nigam, Alka Yagnik-ji, Sunidhi Chauhan, Shreya Ghoshal. to yeh saare
log jab, 'you know', milte hain aur ek bahut achchhe 'harmony' ke
saath milte hain, tab aisi cheez banti hai. main apne kisi bhi kaam
ka shrey main sabse zyaada in logon ko denaa chaahta hoon.

MS: is geet ki 'recording' se juDee huyi koi Khaas baat, koi yaadgaar
ghaTnaa jo aapko yaad aati ho is waqt?

SS: meri Rajashree Productions ki ek film thi Uff Kya Jadoo Mohabbat
Hai, Rajat Barjatya-ji uske 'producer' the, aur woh geet
ki 'recording', usey Sunidhi ne gaaya tha, aur mujhe yaad hai Sunidhi
us din 11 baje 'mike' pe gayi theen, aur woh Khud 'satisfy' naheen ho
rahi theen. unhone khaana bhi naheen khaaya aur shaam ke 5 baje
tak 'mike' pe theen. uske baad jo geet banke niklaa woh mera bhi
bahut 'favourite' gaana hai, aur 'Sunidhi ka bhi bahut 'favourite'
gaana hai, producer' Rajat-ji ka bhi bahut 'favourite' hai, aur woh
geet, uske baad duniya ke jo mashoor 'piano player' hain
Richard ??????, Charriots of Fire ka unhone, agar aap ko yaad ho to,
woh 'music' unhone bajaaya tha. uske baad ham Paris gaye aur woh us
gaane ki 'recording' hamne unke saath kee. aur unhone jab Sunidhi ki
aawaaz sunaa to woh log keh rahe the ki 'yeh kaun hai, matlab yeh
aawaaz kamaal hai', hamein naheen maaloom hamaare desh mein aise
kamaal ke kalaakaar hain, jab baahar ke log saraahte hain. unhone
kahaa ki 'yeh 'artiste' kaun hai Sunidhi Chauhan, hamko inke saath
apna agla 'album' banaana hai'. woh geet maine Richard ke
saath 'record' kiya. baad mein 2 saal baad jab Richard ki apni 'album
release' huyi, jo unhone 'world-wide score' kee thi...

MS: unhone shaamil kiya?

SS: unhone shaamil kiya hi naheen aur 'number one' pe shaamil kiya

MS: waah

SS: woh unke 'album' mein 'number one song' hai. to woh hamaare liye
bahut fakr ki baat hai aur tab kagaa ki woh mehnat, jis mehnat se
usne gaaya, aur woh bahut kaamyaab huyi.

MS: Chameli ki baat chal rahi thi aur "bhaage re man" bahut hi
behatareen gaana tha

-----------------------------------
Song: bhaage re man kahin (Chameli)
-----------------------------------

MS: is film ka ek aur behetareen gaana tha "bheegi si shaam"

SS: utnaa logon tak naheen pahunchaa, kyunki ismein baaki aur bhi
gaane the, "man saat samundar Dol gaya"

MS: woh zyaada 'hit' huya

SS: woh zyaada 'hit' huya, uska ek alag rang hai, ek Sufi rang hai

MS: "man saath samundar Dol gaya", jo ki, jab yeh film aayi thi,
logon ke 'mobile' pe is geet ki 'ringtone' bajti thi, to aap bataaiye
ki ek 'music director' ke haisiyat se is gaane ki kya Khaasiyat haie.

SS: ek 'dance number' hote huye bhi, jaise ham uparwaale ko pukaarte
hain, to usmein ek hai woh baat mujhe nazar aati hai, Irshad Qamil ne
likha hai aur Sunidhi ne gaaya hai. yeh jo dhun hai woh 'best
combination' mujhe lagaa.

MS: ab baari hai is gaane ko sunne ki

-------------------------------------------
Song: man saath samundar Dol gaya (Chameli)
-------------------------------------------

MS: Sandesh-ji, aap ke 'music' mein kahin 'western soft tunes' ki
jhalak milti hai, doosri taraf 'classical', 'Indian classical' bhi
kamaal ka hota hai, jo gaane aap ne 'compose' keeye hain,
jaise "aayoge tum saajna", jiska zikr hamne kiya hai. aap bataaiye
ki 'western music' kitna 'inspire' karta hai aap ke gaano ko.

SS: 'inspiration' do tarah ka hota hai, ek to jis maahaul mein palkar
aap baDe huye ho, jisko aap ne bachpan se suna hai, jo hamaari
Hindustaani sangeet hai, aur doosra hai jo hamein door se dekh ke
baDaa pyaara lagta hai. woh hai mere liye 'western music', kyunki
usey maine baad mein sunaa, to uska ek alag 'charm' hai. koi bhi
bahut Khoobsoorat 'western song' hota hai, kisi bhi, jismein 'melody'
hoti hai, bahut saare gaane hain. agar unko aap kisi aur bhaashaa
mein DHaal den to utna hi achchha lagegaa.

MS: ab ham aap ke kuchh 'albums' ki baat karte hain. Ustad Sultan
Khan saahab ke saath aap ne 'albums' keeye hain, 'Piya Basanti'
aur 'Ustaad And Diwaas'. to yeh kaisa anubhav raha unke saath?

SS: Khan saahab ke saath, jab maine unse shuru shuru mein seekhna
shuru kiya tha, mujhe unki aawaaz bahut pasand thi. mujhe lagta tha
ki itna achchha yeh gaate hain. mera shuruwaati dino ka hi 'time'
chal raha tha, tab main filmon mein naheen aaya tha, Sony Music ne
mujhse kahaa ki unke liye main ek 'album' karoon. to maine kahaa ki
mere man mein hai ki main Ustaad Sultan Khan saahab ke saath
ek 'album' karoon. to unhone kahaa ki 'Theek hai'. to ham log Khan
saahab ko milne aaye, unko 'convince' kiya to woh raazi huye,
aur 'Piya Basanti'. iska 'basically concept' yeh tha ki pyaar jo hai
yeh ek aisi cheez hai, ek jiski umra 20 hai, 19 hai, 18 hai, to pyaar
ki 'definition' uske liye bahut zyaada 'dreams' mein hogi,
ek 'fantassy' hogi, uske liye kuchh alag 'defintion' hai, aur ek
insaan jo 60 saal ki umar mein pahunch jaata hai, uske liye pyaar
ki 'definition' alag hoti hai

MS: bilkul

SS: to ek hi sikke ke do pehlu hain. to yahi mera 'concept' tha ki
yeh dono apne andaaz se gaaye to kaisa lagegaa! to Chitra-ji, unko
liya 'young version' ke liye aur Khan saahab ko liya hamne 'old
version' ke liye. aur 'combination' kaafi Khoobsoorat ban gaya
aur "piyaa basanti re" kaafi muqammal huya.

MS: isi 'album' se koi geet sunwaana chaahenge?

SS: isi 'album' se "piyaa basanti" sunaa jaaye to...

--------------------------------------------------
Song: piyaa basanti re (Piya Basanti Re - Nonfilm)
--------------------------------------------------

MS: ab Ustaand And Diwaas ki baat kee jaaye

SS: Ustaad And Diwaas usi 'continuity' ka 'second album' hai. usmein
yeh sochaa ki aur isko behatar banaake ke liye aur kya ismein 'add'
kiya jaaye. to uska naam rakha gaya Ustaad And Diwaas jismein ki
Chitra-ji ke saath aur do 'artsits' ko hamne shaamil kiya. Irshad
Qamil ne ismein jhanDe gaaDh deeye.

MS: yeh bataaiye ki Shubha Mudgal ki 'album' Pyaar Ke Geet
ko 'compose' karna aap ke liye kaisa 'experience' tha.

SS: Pyaar Ke Geet mera 'second album' tha meri 'life' ka, Sultan Khan
saahab ne hi kahaa 'beTaa tum Shubha-ji ke saath kyun naheen
ek 'album' karte ho?' maine, jab meri Rajashree Productions ke saath
meri 'meeting' ho rahi thi to maine kahaa ki Shubha Mudgal-ji ke
saath kaam karna hai mujhe. Shubha-ji se mile woh log aur Shubha-ji
ki aawaaz bhi unko pasand aayi. Rajat Barjatya jo us 'album'
ke 'producer' the, aur phir hamne kaafi mehnat kee is 'album' pe. aur
uske kuchh geet jaise "pyaar ke geet sunaa jaa re", yaa "rangeelo
mhaaro Dholnaa re", woh geet likhe the Anil Pandey ne, jinhone "suraj
huya madhyam" likha tha.

---------------------------------------------------------
Song: rangeelo mhaaro Dholnaa re (Pyar Ke Geet - Nonfilm)
---------------------------------------------------------

MS: is 'album' ke baad ab ham aate hain aapka jo 'album' aaya tha,
Baarish. aur ismein aap ke geeton ki phuhaar to paDee hi, kyunki
us 'album' se, abhi to aap ko gungunaana hi hogaa, lyunki woh saare
gaane aap ne gaaye.

SS: Baarish meri ek 'experimental album' hai

MS: aur 'video' bhi kaafi achchha hai.

SS: woh Imtiyaz Ali ki meharbaani hai

MS: ek 'line' agar gungunaayen to hamein achchha lagegaa

SS sings "aa re aa re megh kaare kaare megh aa re aa, kaise main
bhooloon rimjhim si barse woh kaari aankhen...."

------------------------------------------------------
Song: aa re aa re megh kaare kaare (Baarish - Nonfilm)
------------------------------------------------------

MS: kyaa baat hai, bahut achchha lagaa, yeh to thi baarish ki phuhaar
Sandesh-ji, ab yeh bataaiye ki kab prem ki phuhaar aapke dil par
paDee thi, aur Kiran-ji se aapki mulaaqaat huyi thi, woh ghaTnaa
hamein bataaiye

SS: Kiran-ji se mulaaqaat meri zindagi ka ek bahut aham moD hai. unse
milne se pehle main bahut 'sad songs' banaata tha (MS
laughs), 'sadness' thoDi kam huyi

MS: phir uske baad 'romantic songs' banaana shuru kar diya (laughs)

SS: phir kya ho gaya pataa naheen.

MS: to aage, matlab yeh ummeed kee jaaye ki aur zyaada 'romantic'
gaane aayenge.

SS: achchha hi ho to achchha hai (laughs)

MS: kaisi hain woh, unke 'career' ke baare mein bataaiye, unkaa
kaakaaj alag hai mera Khayaal hai

SS: woh 'doctor' hain aur mere kaam ko bahut pasand karti hain, jaise
ki main unke kaam ko bahut pasand karta hoon. mujhe aisa lagta hai ki
sanjog tha aur sabkuchh Khud-ba-Khud hota chalaa gaya. hamaatri
shaadi ho gayi aur...

MS: aap hamein yeh bataaiye ki jab aap gaana 'compose' karte hain tao
Kiran-ji ko sunwaate hain?

SS: jee haan, Kiran-ji meri bahut baDi 'critic' hain. agar maine geet
banaaya hai aur woh aaspaas hon to main unhe zaroor sunaata hoon. to
mere zyaada geet woh 'reject' kar deti hain.

MS: to apni patni ke liye kaun sa gaana sunwaana chaahenge?

SS: "akhiyon ko rehne de akhiyon ke aaspaas"

----------------------------------------------------
Song: akhiyon ko rehne de akhiyon ke aaspaas (Bobby)
----------------------------------------------------

COMPILED, EDITED & PRODUCED BY: MAMTA SINGH

THE END

Jaidev speaks...

Download from Files/Audio Files/VB's Golden Jubilee Celebrations.

Happy listening!!!

Sujoy

---Shamshad Begum- Geet Kosh

A rare and complete book on living legend Shamshad Begum,the great
playback singer of yesteryears is going to hit the world of music in
July
2008.
Fuelled by my efforts and research for the last 7 years I introduce
to you
her life and contribution of more than 1600 songs in
Hindi,Urdu,Punjabi,regional languages and non film songs.Detailed
listings
include the first line of song,year,composer,lyricist,gramophone
record
numbers and artists who have performed on the screen.The book also
has a
collection of rare photographs of various artists. The book is
bilingual
in Hindi and English.

It can be reserved at a pre-launch price of Rs 650 + Rs 100 Postal
Charges
in India with the author before 30th June 2008. Therafter the book
surinder dhall: Therafter the book will be available for Rs 850.

For Booking Contact

Chandrakant +91 9819883628

Email :mchandrakant@...
URL : www.shamshad-begum.blogspot.com

DHALL

Fullname: surinder dhall

Location: canada

email:surhall123@...

UJAALE UNKI YAADON KE
---------------------
INTERVIEW OF SHASIKALA
**********************

Excerpts where Shashikala talks about HFM
-----------------------------------------

SK: Shashikala
KS: Kamal Sharma

KS: aap ne Zeenat ka zikr kiya, 1945 mein yeh film aayi thi, ismein
ek mashoor qawwaali jo hai...

SK: jee haan, aap koi yakeen naheen karenge, agar woh 'picture' aaj
bhi lage to sirf qawwaali dekhne ke liye log wahaan pe baiThte
the, 'theatres' mein. aur un dino jo hai qawwaali aadmi log gaaya
karte the, magar saari 'ladies' logon ne gaaya hai, ham logon ne
usmein kaam kiya hai.

KS: Shashi-ji, aap ne Noorjehan-ji ke saath kaam kiya. jaisa unka
abhinay tha usse bhi zyaada achchha woh gaati theen. aap ne unko
kaisa paaya?

SK: main bataayun aap ko, un dono ko main bhaai saahab aur aapa-ji
kehkar hi bulaati thi. bhaai saahab aur aapa-ji, iske siwaa baat
naheen hoti thi.

KS: kya baat hai!

SK: aur Khoobsoorat to theen woh, aur Shaukat bhaai saahab bhi utne
Khoobsoorat the. main Karachi gayi thi aur aapa-ji ko mil naheen
sakee. Shaukat bhaai saahab se meri mulaaqaat huyi, bahut roye woh.
bahut roye, bahut riye woh, kyunki us waqt unka 'separation' ho gaya
tha. aur jab kabhi main wahaan se guzarti hoon jahaan woh rehte the,
apni bhi woh din yaad hain. agar woh aaj hoteen to meri zindagi kuchh
ka kuchh ho jaati. magar uske liye ab mujhe afsos naheen
hai. 'Mother' (Mother Teresa) ke paas aane ke baad mujhe iska koi
afsos naheen hai.

KS: to Zeenat ki wohi qawwaali suni jaaye

SK: zaroor zaroor

---------------------------------------------
Song: aahen na bhari shikwe na keeye (Zeenat)
---------------------------------------------

SK: Jugnu film mein maine gaana gaaya tha, "desh ki purka purangeen
si Khizaayon mein kahin" aisa kuchh hai gaana

KS: aap ko abhi bhi yaad hai?

SK: hun, thoDaa sa yaad hai

-------------------------------------------------------------
Song: desh ki purka purangeen si Khizaayon mein kahin (Jugnu)
-------------------------------------------------------------

KS: yahaan par ham koi aur gaana, jo aap ko pasamd ho, aap ki kisi
film ka, kisi aur ke film ka bhi ho sakta hai

SK: jee, film Sujata mein ek mera gaana hai "bachpan ke din bhi kya
din the"

---------------------------------------------
Song: bachpan ke din bhi kya din the (Sujata)
---------------------------------------------

KS: aap ki film Karodpati ki baat karna chaahenge.

SK: jee haan. Karodpati hamaare ghar ki film thi. Karodpati mein main
thi, aur hamaare Kishore Kumar the. 'music' tha Shankar Jaikishan ka.
lekin film bilkul naheen chalee. gaane bhi naheen chale. Shankar
Jaikishan 'music director' the. lekin phir bhi naheen chale. ham
kehte the ki Karodpati banaate banaate ham kangaalpati ban gaye.

KS: is film ke gaane hamaare paas hai, ham yahaan par is film ka ek
gaana apne shrotaaon ko sunwa sakte hain

SK: hai? (excited) arey waah! bachche to bahut Khush hoyenge yeh
gaana sunkar. kaun sa gaana lagaa rahe hain?

KS: bas, sunte hain

---------------------------------------------------
Song: aap huye mere balam main tumhaari (Karodpati)
---------------------------------------------------

KS: Shashikala-ji, abhi aap ne Kishore-da ka zikr kiya. kamaal ke
kalaakaar the, gaayak to the hi Khoob. to Kishore-da se juDee aap
apni sansmaraN bataaiye.

SK: (laughs) Kishore-ji, un dino mein, mera Khayaal hai sirf 3 yaa
4 'artistes top' mein the, Dilip Kumar, Raj Kapoor, Dev Anand,
Kishore-da. unko milna bahut mushkil tha. 'time' dete the, milte
naheen the. 'time' dete the, kabhi naheem aate the.

KS: shaitaan bachche ki tarah the

SK: bilkuuuul. bilkul, aap ko main unka aaKhri kissa sunaati hoon.
film to ban gayi, 'flop' bhi ho gayi, chali bhi naheen, yeh sab huya,
ek din mujhe 'phone' aata hai unka ki 'Shashi, tum mujhe milne aayo'.
to main gayi apne 'friend' ke saath milne ke liye. to baat kar rahe
hain, 'mujhe 'heart attack' ho gaya, aise huya, waise huya'.
aur 'suddenly' mujhe aawaaz aati hai 'time up, time up, time up'.
main to ghabraa gayi, maine kahaa 'arey yeh kahaan se aawaaz aa rahi
hai?' hanse lage 'ha ha ha ha ha... pataa hai main 'heart'
ka 'patient' hoon na, isliye yahaan pe ek 'recording' karke rakhi
hai, 5 'minute' se zyaada kisi se baat naheen karni hai'. (KS burts
into laughter). maine kahaa 'Kishore-da, aap ne mujhe Daraa hi diya
bilkul!' aur bahut 'emotional' the mera Khayaal hai, 'very emotional
person'

KS: kabhi 'serious' bhi ho jaate the

SK: haan, unke to kitne kisse hain, jitna sunaaye to kam hai (KS
laughs), par bahut hi achchhe, bahut hi kamaal ke 'artiste', 'genius'
bhi kehna chaahiye, dekhiye gaane bhi unhone kitne achchhe
likhe, 'music' bhi kitna achchha diya, 'singing' to achchha karte hi
the.

--------------------------------------------------
Song: Khwaab ho tum ya koi haqeeqat (Teen Deviyan)
--------------------------------------------------

KS: gaayikaaon mein Lata-ji ke baare mein kya vichaar hai aap ke?

SK: Bhaarat Ratna unko milaa hai, magar abhi bhi usi tarah pyaar se
mujhe milti hain.

KS: hamne bhagwaan ko naheen dekhaa, devi saraswati ko to dekha hai.

SK: sahi hai

KS: Lata-ji ko dekhke lagta hai saraswati ko paa liya, Lata-ji ne
baDe hi meeThe meeThe madhur geet gaaya hai. chaliye aap hi ki film
Aayi Milan Ki Bela ka ek gaana sun liya jaaye.

--------------------------------------------
Song: main kamseen hoon (Aayi Milan Ki Bela)
--------------------------------------------

SK: hamaare 'picture' mein Latabai ne gaane gaaye hain, ek paisa
naheen liya unhone. un dino mein shaayad woh, mera Khayaal hai 10,000
rupay 'charge' karti theen, un dino mein.

KS: baap re

SK: aur jab woh mere yahhan pe 'recording' ke baad khaana khaane
aayeen, koi parhez naheen, maine baai se poochha ki 'baai, aap khaane
mein kya loge?' to maine achchhe ghee mein khaana banaaya tha taaki
unko takleef na ho. jaise ham log 'normal' log baiThke khaana khaate
hain waisa unhone baiThke khaana khaaya.

KS: yeh 'simplicity' jo hai, yehi aadmi ke saath chalti hai aur yeh
usko baDaa banaati hai.

---------------------------------------------------------------
Song: na aasmaan na dharti fareb dete hain, hamein to apne sahaare
fareb dete hain
---------------------------------------------------------------

KS: Lata-ji ki bahen Asha-ji ne aap ke liye bahut saare gaane gaaye
hain. unki aawaaz ki bhi Khoobi hai ki...

SK: dekhiye main aap ko bataayun hoon, Lata-ji Lata-ji hain, Asha-ji
ASha-ji hain. Lata-ji ke gaane suno, jab aap Gamgeen hon to aap ka
saara Gham door ho jaata hai. lagtaa hai ki mera hi gaana hai. Asha-
ji ka gaana suno to lagta hai chalo 'dance' karna chaahiye, 'dance'
karna chaahiye, 'dance' karna chaahiye (KS laughs).

---------------------------------------------------
Song: roz roz Dali Daali kya likh jaaye (Khubsurat)
---------------------------------------------------

SK: yeh fark hai, aur dono ki jagah koi naheen le saktaa. koi bhi
naheen le saktaa.

KS: Anupama ka zikr kiya tha na aap ne?

SK: jee

KS: Anupama ka ek gaana aap pe filmaaya gaya tha, (sings) "kyun mujhe
itni Khushi de dee"

---------------------------------------------
Song: kyun mujhe itni Khushi de dee (Anupama)
---------------------------------------------

SK: Phool Aur patthar ka gaana bhi unhone hi gaaya

KS: jee jee jee

SK: pataa naheen aap ko yaad hai yaa naheen

KS: kyunki yeh 'picture' maine bahut pehle dekhi thi, haalaanki iske
gaane Vividh Bharati par ham bajaate hain, woh uski dhundli si yaad
hai film dekhne ki, lekin Phool Aur Patthar ek bahut hi kaamyaab film
rahi.

SK: aur yeh har jagah pe 'golden jubilee' kee hai

KS: isne phool bhi bikhere aur ismein jo hai patthar ki tarah jaD bhi
gaye hain filmi ithaas mein.

SK: bilkul, bilkul

------------------------------------------------------------
Song: sun le pukaar aayi aaj tere dwaaar (Phool Aur Patthar)
------------------------------------------------------------

THE END

A RARE COMBO - Naushad as Poet, Mahendra Kapoor as Composer
-----------------------------------------------------------

Ghazal: "haaye kaisi woh shaam hoti hai"
Lyrics: Naushad
Music : Mahendra Kapoor
Singer: Mahendra Kapoor
Source: Guldasta programme, Vividh Bharati


haaye kaisi woh shaam hoti hai,
daastaan jab tamaam hoti hai.


shaam-e-furkat ki uljhanen taubaa,
kis Gazab ki yeh shaam hoti hai,
daastaan jab tamaam hoti hai,
haaye kaisi woh shaam hoti hai.


yeh tasavvur hai unki zulfon ka,
meri har subah shaam hoti hai,
daastaan jab tamaam hoti hai,
haaye kaisi woh shaam hoti hai.


peenewaala ho gar to saaqi ki,
har nazar daur-e-jaam hoti hai,
daastaan jab tamaam hoti hai,
haaye kaisi woh shaam hoti hai.

***************

Listen to Pt Shiv Kumar Sharma, the famous Santoor Player, speaking
about R D Burman.


Download from Files/Audio Files/VB's Golden Jubilee Celebrations.

Happy listening!!!

Sujoy

INSE MILIYE - PALAK MUJHAL
--------------------------

INTRO: PALAK MUJHAL is a 16 year old upcoming playback singer, who
has so far raised funds through her stage shows, worth Rs 1.58 crores
for the open heart surgery of 305 poor children! 509 children are
still on the waiting list! She has also given playback in 13 films
till date.
*****************************************

PART 1
------

PM: Palak Mujhal
AD: Amarkant Dubey


AD: doston, namaste. aaj Inse Miliye kaaryakram mein aap se milwaane
ke liye main ek aisi hasti ko aamantrit kar chuka hoon is Vividh
Bharati ki 'studio' mein, jo bahuuuuut baDi hain. jee haan, umra mein
naheen, kad mein naheen, apne kaamon mein. pehle unki aawaaz sunte
hain...

PM sings "guDiyaa main naheen laayungi, 'toffee' bhi naheen laayungi,
gullak ke saare paise bas unko de aayungi, haan unko de aayungi. sau
dukh jo jhel rahe hain, aahon se khel rahe hain, aahon se khel rahe
hain"

AD: doston, yeh jo sureelee aawaaz, yeh andaaz, aur yeh jo shabd
hain, yeh sirf apna shauk poora karne ke liye naheen hai. yeh koi
aisi aawaaz naheen hai jo sirf gaane se manoranjan karti ho aapka yaa
Khud ka. yeh jo shabd hain inko arth deti hai yeh aawaaz. yeh aawaaz
hai Palak Mujhal ki. umra sirf 16 saal. kaam, jo 16 sadiyon mein log
na kar paayen, woh is chhoTi si laDkee ne keeye hain. jee haan,
gullak ke paison se 'toffee' khareedne ke dino mein is laDkee ne apne
kaam ke zariye un logon ki madad kee jo apne dil ki beemaari se joojh
rahe hain. Palak aapka bahut bahut swaagat hai Vividh Bharati
ke 'studio' mein.

PM: namaste, 'thank you'

AD: Palak, thoDi si baaten main bataa chukaa hoon, aap ne bhi sunee.
kuchh apne baare mein bataaiye, aap kahaan ki rehnewaali hain, aap
Mumbai mein kaise aayeen, kyun aayeen, kuchh Khud hi bataaiye aap.

PM: main Indore ki rehnewaali hoon, aur jab 2.5 saal ki thi tabhi se
gaa rahi hoon. aur kaamkaaj ka jaisa ki aap ne bataaya hridayrogi
bachchon ka 'operations' karwaati hoon. aur ab tak 15,800,000
rupay 'donate' kar chuki hoon, aur 305 bachchon ki 'operations' karwa
chuki hoon. aur Mumbai mein 'shift' huyi hoon 2 saal pehle, aur
kyunki main 'playback singer' banaa chaahti hoon, mere guruji ne
kahaa tha ki 'Bombay 'shift' karne ka waqt aa gaya hai'. isliye
yahaan 'shift' huyi hoon aur yahaan par 'playback' ki 'training' bhi
le rahi hoon Jatin-ji se. saath hi saath 'classical' bhi seekh rahi
hoon Pt Satyanarayan Mishra-ji se, aur abhi tak 13 filmon
mein 'playback' bhi kar chuki hoon.

AD: bahut bahut tezee se jaa rahi ho, apni zindagi ki dauD mein bhi
jis tezee se tum qadam baDhaa rahi ho, usi tezee se yahaan apne
baaten bataa rahi ho, thoDaa dheere dheere ham baat karenge (PM
laughs), baghut samay hai hamaare paas. Palal, doston jaisa ki Palak
ne kahaa, ki 'heart patients' ka 'operations' karwaati hai, to main
aap ko thoDaa sa vistaar se, thoDaa sa samjhaakar bataa doon ki woh
bachche jo dil ki beemaari se joojh rahe hote hain, lekin aarthik
roop se itne sambal naheen hote ki Khud se apni is beemaari ka ilaaj
karwaa sake. unke ilaaj ke liye paise ikaTThe karne ke liye
Palak 'stage shows' karti hain. aur in 'stage show3s' ke zariye jo
paise aate hain, un paison se un bachchon ka ilaaj hota hai. ab tak
305 bachchon ke hriday ke 'operation' karwaa chuki hain. Palak, yeh
bataayo ki gaana gaane ka shauk, yaa yeh tumhe kab lagaa ki gaana gaa
sakti ho. kab se gaa rahi ho?

PM: jab main 2.5 saal ki thi tab se gaa rahi hoon. aur ek 'family
function' chal raha tha jismein meri 'mamma announcement' kar rahi
theen. aur sab log kuchh na kuchh kar rahe the. to maine bhi 'mamma'
se kahaa ki mujhe bhi kuchh karna hai. to 'mamma' ne sochaa ki
main 'poem' vaherah 'stage' pe jaakar bol doongi, to unhone
mujhe 'stage' par bhejaa, aur maine "chal ri sajni ab kya soche" yeh
gaana 'start' kar diya.

AD: 2.5 saal ki umra mein yeh gaana poora yaad tha tumko?

PM: haan (laughs) yaad tha, kyunki main sunti rehti thi, isliye yaad
ho gaya tha. tab 'mummy pappa' ko pehli baar pataa chalaa ki main
gaati hoon, tab se 'mummy pappa' ne mujhe seekhaaya, guruji se, aur
tabhi se mera gaane ka silsila shuru huya.

AD: phir aksar 'stage show' karti theen?

PM: jab se maine gaana shuru kiya, tabhi se kisi na kisi maqsad
se 'stage shows' kar rahi hoon

AD: pehla 'show' kis umra mein diya tha, is pehle gaane ke alaawa?

PM: is pehle gaane ke alaawaa maine pehla 'stage shows' diya tha jab
main 4 saal ki thi. aur tab maine netraheen bachchon ke sahaayataarth
gaaya tha. aur teen chaar 'shows' maine netraheen bachchon ke
sahaayataarth ke liye keeye the. aur Orissa mein jo toofaan aaya tha,
to toofaan peeDeeton ke liye bhi maine 'show' kiya tha.

AD: lekin Palak, 4 saal ki bachchi ko itni samajh to naheen hoti ki
mere gaane se kisi ki sahaayata honi chaahiye. yeh, is baare mein
tumhe kisne bataaya, yaa kisne prereet kiya, maa ne, pitaaji ne, yaa
kisi aur ne jinse aap seekh rahi theen unhone?

PM: soch meri Khud ki thi, lekin 'support' meri 'mummy pappa' ne
kiya. kyunki jab bhi main ghoomne jaati thi, kahin bhi, pappa ke
saath kaDakti ThanD mein, to Khoob saare 'sweater' aur 'shawl' oDhkar
jaati thi, par main dekhti thi ki woh bachche jo 'footpath' par so
rahe hote hain, unke paas to kapDe bhi naheen hote hain pahanne ke
liye. aur jab main 'train' mein safar karti thi to dekhti thi mere hi
hamumra bachche apna 'shirt'utaarkar zameen saaf karte the paise
kamaane ke liye. to aisi ghaTnaaon ko dekhkar mujhe bhi lagaa ki
kaash main bhi kuchh kar paayun in bachchon ke liye. to aisa to
naheen keh sakti, lekin haan, unka dard hi meri prerNaa hai.

AD: 4 saal ki umra mein is tarah se sochna sachmuch vilakshaN baat
hai yeh! aur 4 saal ki umra mein goli, 'chocolate, biscuits' ke
alaawa shaayad ki bachchon ko kuchh aur soojhta hai yaa samajhtaa
hai. aur tumne is tarah se socha samjhaa, aur na sirf socha samjhaa
balki apne is soch ko ek dishaa dee, ek raaste pe is soch ko leke aa
gayeen, aur nishchit roop se main tumhaari maa aur pitaaji, dono ko
salaam karta hoon jinhone tumhe poora sehyog diya, poora saath diya
tumhaara.

PM: jee haan

AD: ab, jaisa ki tumne bataaya ki 4 saal ki umra mein netraheeno ki
sahaayata ke liye tumne gaana gaaya. yeh 'mission' jo tumhaara aajkal
chal raha hai hriday rogeeon ke liye, woh log jo hriday rog se
peeDeet hain, is 'mission' ki shuruwaat kaise huyi, aur hridayrogi
bachchon ke liye hi kaam karna hai yeh kyun sochaa?

PM: jab maine Kargil ke liye dukaan dukaan jaakar paise ektrit keeye
to Indore ka ek laDkaa hai Lokesh, jiske 'heart' mein do cheed the
baDe baDe, aisa lag raha tha ki 3-4 'shows' dene paDenge, tab jaakar
us bachche ki madad ho paayegi, lekin pehla 'show' hi
itna 'successful' huya ki, ek Thelewaale 'uncle' the jinke paas dene
ke liye paise naheen the to unhone apne taambe ki angooThi
mere 'donation box' mein Daal dee. to aisa karte karte 55,000 'rupees
collect' ho gaye. to kaafi 'channels' par dikhaaya gaya, to Bangalore
ke ek 'doctor' hain Dr Devi Shetty-ji, unhone kahaa ki 'ham log
bachche ka 'operation' poora 'free' mein kar denge, tum bachche ko
Bangalore lekar aayo'. to ham log Bangalore gaye, 'operation free'
mein ho gaya, 'successful' bhi ho gaya, par jo 55,000 'rupees' jo
bache reh gaye the uske liye ham logon ne 'paper' mein diya
ki 'doners' waapas le len, yaa phir zarooratmand bachche aakar mile.
to 'doners' waapas to naheen aaye, lekin 7 bachche aur aa gaye madad
ke liye. to tabhi se silsilaa jaari hai aur aaj 509 bachche 'waiting
list' mein hai jinke liye main gaa rahi hoon. aur jahaan bhi
ham 'show' dene jaate hain, madad to ek bachche ki ho paati hai, aur
4 bachche aur 'waiting list' mein shaamil jaate hain. main
bas 'shows' deti jaa rahi hoon aur 'operations' hote jaa rahe hain.

AD: jaisa ki tumne kahaa ki 'pehli baar 'channels' par dikhaaya gaya'
aur yeh saara kuchh huya, aur Bangalore ke 'doctor' saahab ne Khud
saamne aakar kahaa ki 'ham 'operation free' karenge, to is tarah ki
madad phir aage bhi milti rahi?

PM: haan, kaafi saare 'hospitals' se madad mil rahi hai, Bangalore
ki 'hospital' Heart Foundation mein 50% ka 'discount' hai, aur Delhi
ke Escorts Hospital mein 33% ka 'discount' hai. aur Indore ke
Bhandari Hospital mein to mujhe yeh 'facility' de rakhi hai ki agar
mere paas 'fund' naheen hai to 10 laakh rupay tak ka 'credit' mil
jaata hai, agar koi 'shows' naheen hai us dauraan aur koi
bachcha 'serious' ho jaata hai to us bachche ka 'operation' ho jaata
hai, aur main baad mein 'fund' deti rehti hoon. to kaafi
saare 'hospitals' se sehyog mil raha hai.

AD: achchha, aur abhi tak to, jaisa tumne bataaya ki tum
Mumbai 'shift' ho chuki ho. aur yeh to baat thi ki apne kaam se logon
ki madad karna. kuchh tumhaare baare mein poochhta hoon main, kuchh
tumhaare baare mein baat karte hain ki tum Khud kya banna chaahti ho?

PM: main ek 'playback singer banna chaahti hoon, aur saath hi
saath 'charity' bhi 'continue' rakhna chaahti hoon.

AD: aur 'playback singing' ke baare mein sochaa hai, isiliye
MUmbai 'shift' huyi ho?

PM: haan, 'playback signing' ke liye hi main Mumbai 'shift' huyi hoon.

AD: Palak, aage isi tarah se yeh 'mission' chalti rahegi, yeh yagya
chalta rahegaa, aisa to naheen ki 'playback singing' jo hai,
yeh 'glamour' ki duniya hai, woh ismein kisi tarah ki aDchan yaa
baadhaa to naheen paidaa karegi?

PM: naheen, bilkul naheen, kyunki maine nishchit kar rakha hai ki
main gaati rahoongi, gareeb bachchon ke liye hi gaati rahoongi, aur
gaana to mujhe zindagi bhar hai, aur isse 'related' main ek sher
kehna chaahoongi

AD: bilkul bilkul

PM: "yeh sach hai ki ek boond paani ki hazaaron ki pyaas bujhaa
naheen sakti, yeh bhi sach hai ki ek TukDaa roTi ka saare jahaan ki
bhookh naheen miTaa saktaa, aur yeh bhi sach hai ki ek Dhaal hazaaron
talwaaron ki vaar bachchaa naheen sakti, lekin phir bhi main
prayaasrat hoon kyunki mujhe poora yakeen hai, poora vishvaas hai, ki
jab kal itihaas rachaa jaayegaa, tab mera naam duniya miTaanewaalon
mein naheen duniya bachaanewaalon mein likhaa jaayegaa"

AD: waah! bahut Khoob, bahut achchhe! yeh Khud hi likha hai?

PM: haan, aur thoDaa thoDaa meri 'mamma' ne bhi likha hai

AD: achchha. ab is poori baatchit mein tumhaare 'mamma' aur tumhaare
pitaaji ka jo zikr aa raha hai, aur hamaare doston ne jo yeh baatchit
sunee hai usmein woh jitni taareef is samay tumhaari kar rahe honge
usse zyaada taareef tumhaari maa aur pitaaji ki ho rahi hogi.
nishchit roop se jisne aisi beTi ko janm diya hai woh taareef ke
qaabil to hain! tumne bataaya ki 13 filmon mein gaana gaa chuki ho ab
tak. yaani is 'misson' ke alaawa yeh jo 'career'waala 'mission' hai
usmein bhi kaafi tezee se aage baDh rahi ho. kaun kaun si filmon
mein, kaun si bhaashaaon mein gaana gaayi ho?

PM: waise main 14 bhaashaaon mein gaati hoon...

AD: arey waah

PM: lekin filhaal maine 'playback' 3 bhaashaaon mein hi kiya hai, 13
filmon mein gaaya hai jinmein 4 Hindi hai, baaki Bhojpuri hain aur ek
Rajasthani bhi hai. aur jo film sabse pehle 'release' honewaali hai
woh hai Saturday Nights, jismein Jatin-Lalit-ji mein se Jatin-ji
ka 'music' hai, aur SHaan-ji ke saath maine 'title song' gaaya hai
ismein.

AD: Palak, aap hamein koi doosri bhaasha ka gaana jo aapko aata ho,
jo jaise Bhojpuri hai yaa Rajasthani hai, jo aap gaa sakti hai, to
zaraa aap sunaayengi hamein?

PM: main Tamil mein ek gaana sunaayun, kyuni sabse zyaada 'shows'
mere 'south' mein hote hain, aur jahaan bhi jaati hoon to wahaan ki
bhaashaa mein gaati hoon, to main Tamil mein...

AD: haan, zaroor! pehle gana sunaayo, phir main aap se yeh bhi
poochhoonga ki aap kin kin shahron mein 'shows' kar chukee hain,
pehle gaana sunaayo.

PM sings Tamil song.

AD: bahut Khoob, bahut achchhe! mujhe samajh to naheen aaya (PM
laughs), lekin kaano ko bahut achchha lagaa, isliye dil ko chhoo gaya.

PM sings Kannada song.

AD: yeh kya tha?

PM: yeh KannaDa thi.

END OF PART 1

SUHAANA SAFAR - KAMCHARCHIT SANGEETKAAR
---------------------------------------

Broadcast date: 21 April 2008
-----------------------------

aaj ka yeh safar ham tay karenge kamcharchit sangeetkaaron ke
sangeetbaddha keeye huye geeton ke saath. aur aaj ke is kaaryakram
mein hamne jin sangeetkaaron ko shaamil kiya hai unke naam hain
Avinash Vyas, Lachhiram, Hansraj Behl, G S Kohli, Ramlal, Manohar,
Jaidev, aur Ajit Varman.

--------------------------------------------------
Song: main naina hoon tum kaajal ho (Dwarkadheesh)
--------------------------------------------------

kitna pyaara geet tha yeh! aapka aur hamaara saath bhi kuchh aisa hi
hai, yaani Vividh Bharati ka aur uske shrotaaon ka saath bhi itna hi
pyara hai. yeh Dwarkadheesh film ka gaana tha Asha Bhosle aur Manna
Dey ki aawaazon mein. Bharat Vyas ke bol the aur sangeet Avinash Vyas
ka tha. Avinash Vyas mukhyatah dhaarmik aur aetihaasik filmon ke
sangeetkaar rahe hain. 40 aur 50 ke dashak mein unhone bahut saari
aisi filmon mein sangeet diya hai. lekin dhaarmik filmon mein sangeet
dete rehne se un par jo 'type cast' hone ka mohar lag gaya tha usse
woh baahar naheen nikal paaye. bhale hi unhone bahut zyaada
vyaavsaayik safalta haasil naheen kee, lekin unke sangeet ki miThaas
isse kuchh kam naheen ho jaati. iska pramaaN abhi abhi aap ne
Dwarkadheesh film ke is geet mein paayi hogi!

Suhana Safar ka agla geet Main Suhagan Hoon, is film se hai, Lata
Mangeshkar ki aawaaz mein. Butaram Sharma ne is geet ko likha hai aur
tarz banaaee hai Lachhiram ne.

-----------------------------------------------------
Song: ae dil machal machal ke yun (Main Suhagan Hoon)
-----------------------------------------------------

"ae dil machal machal ke yun rota hai zaar zaar kya, apna chaman ujaD
gaya aayegi ab bahaar kya". yeh Khoobsoorat naGhmaa maano uske
sangeetkaar ki vyathaa hi vyakt kar rahi hai! sangeetkar Lachhiram ke
jeevan mein bhi sitaaron se roshan kai raatein aayi. lekin phir unki
qismat ka sitaara Dhalne lagaa. unhone sangharsh to bahut kiya lekin
us sangharsh ka pratiphal bahut sureela nahin tha. leejiye isi film
ka ek aur geet suniye Mohd Rafi ki aawaaz mein. geet Kaifi Azmi ka
hai.

---------------------------------------------------------------
Song: sab jawaan sab haseen koi tumsa nahin (Main Suhagan Hoon)
---------------------------------------------------------------

Suhana Safar ke hamaare agle pathik sangeetkaar hain Hansraj Behl.

-------------------------------------------------
Song: dekho bina saawan baras rahi badli (Saawan)
-------------------------------------------------

Mohd Rafi ki aawaaz mein yeh Saawan film ka gaana tha, Prem Dhawan ke
bol the aur sangeet Hansraj Behl ka tha. 1959 mein bani film Saawan
ke sabhi gaane behad pasand keeye gaye, aur yeh film Hansraj Behl ki
lokapriya filmon mein shaamil hai. iske baad unhe keval 'stunt'
aur 'fantassy' filmon mein hi sangeet dene ke avsar mile. aur is
vajah se woh lokapriya sangeetkaaron ki shreNee mein kramashah
peechhe chale gaye. film Saawan aayi thi 1959 mein, iske baad agle 20
saalon tak woh sangeet to dete rahe, lekin unki bas ek hi film apna
chhaap chhoD sakee, aur woh film thi Sikandar-e-Azam. sunte hain isi
film ka yeh sadaabahaar deshbhakti naGhmaa.

--------------------------------------------------
Song: woh bhaarat desh hai meraa (Sikandar-e-Azam)
--------------------------------------------------

sangeetkaar Ramlal, jinki sangeet se sajee do naayaab filmen theen
Sehra, aur Geet Gaaya Pattharon Ne. Ramlal san 1944 mein Mumbai aaye
aur yahaan aakar Prithvi Theatres mein sangeetkaar Ram Ganguly ke
sahaayak ke roop mein unhe kaam mil gaya. san 1948 mein Raj Kapoor ki
pehli nirdeshit film Aag mein Ram Ganguly ke sangeet nirdeshan mein
Ramlal ne is film ke kai geeton mein baansuri aur shenaaee bajaaya
tha aur in lokpriya geeton ke nirmaan mein apni kalaa se
mahatwapoorna yogdaan diya. bataur swatantra sangeetkaar Ramlal ko
pehlaa mauka diya tha filmkaar P L Santoshi ne san 1950 ki film
Tangawala mein jismein mukhya kalaakaar the Raj Kapoor aur
Vyajayanthimala. Ramlal ne is film ke kul 6 geeton ka sangeet-
nirdeshan kar chuke the lekin durbhaagyavash film aage banee naheen.
aur we ek baar phir filmi geeton mein bataur saazinde baansuri aur
shehnaai bajaane lage. iske baad san 1952 mein unke haath ek baar
phir sangeetkaar banne ka mauka lagaa aur Baal Hardeep ki film
Husnbano mein unhone sangeet diya. aur phir uske baad aayi V
Shantaram ki aisi do filmen jinhone yeh saabit kiya ki lokpriya geet
banaane mein Ramlal bhi us daur ke doosre safal sangeetkaaron se
kuchh kam naheen. pehli film thi Sehra aur doosri Geet Gaaya
Pattharon Ne. to aaiye ab is moD par sunte hain film Sehra mein Lata
Mangeshkar ki aawaaz, bol likhe hain Hasrat Jaipuri ne.

--------------------------------------
Song: pankh hoti to uD aati re (Sehra)
--------------------------------------

Vividh Bharati par is samay aap ne 'tune' kiya hai 'programme' Suhana
Safar, aur aaj ham yeh sureela safar tay kar rahe hain kuchh
kamcharchit sangeetkaaron ke geeton ke saath. ab tak aap ne sune
Avinash Vyas, Lachhiram, Hanraj Behl aur Ramlal ke swarbaddha keeye
huye kuchh sureele naGhmein. aaiye baDhte hain apne agle paDaav ki or
aur sunte hain yeh meeTha sa naGhmaa...

---------------------------------------------------
Song: mere do naina matwaare kiske liye (Namasteji)
---------------------------------------------------

doston, yeh gaana tha Namasteji, is film ka. Lata Mangeshkar ki
aawaaz thi, Anjaan ne is geet ko likha tha, aur tarz thi sangeetkaar
G S Kohli. jee haan doston, Hindi film sangeet ko ek se baDhkar ek
meeThe geet denewaale aise anginat kamcharchit sangeetkaaron ki
daastaan kaDvaahaT se bhare hain. utkridhT sangeet dene ke baawjood
unhe aage baDhne ke zyaada mauke naheen mil sake. unke naam kisi
bhoole bisre naGme ki tarah hi yaad keeye jaate rahenge. leejiye, G S
Kohli ka swarbaddha kiya huya ek aur geet prastut hai. Farooq Qaiser
ke bol hain, Asha Bhosle aur Usha Mangeshkar ki aawaazen hain, aur
film ka naam hai Shikari.

-----------------------------------------------
Song: maangi hai duyaayen hamne sanam (Shikari)
-----------------------------------------------

ab aglaa geet Mr Q, is film se hai, Suman Hemadi ki swar mein.
geetkaar hain Asad Bhopali, aur sangeetkaar Manohar. geet sunne se
pehle ham aapko bataa den ki sangeetkaar Manohar ne 1948 ki film
Raees, aur 1950 mein Josh, aur Rangila Musafir jaisi filmon mein
sangeet diya hai. to chaliye sunte hain Mr Q film ka yeh geet.

-------------------------------------------------
Song: mera naam mohabbat mera naam jawaani (Mr Q)
-------------------------------------------------

sangeetkaar Jaidev ke gaane zyaadatar shaastriya sangeet aur lok
sangeet par aadhaarit rahe hain. apne miTTi ki Khushboo soonghaati
Jaidev ka sangeet man ko ek ajeeb si shaanti pradaan karti hai. ab jo
geet ham aap ko sunwaane jaa rahe hain, woh lok sangeet par aadhaarit
hai, aur saath hi saath aap ke dil mein gudgudee paidaa kar degi, yeh
hamaara daavaa hai. to pehle geet ko sunte hain...

---------------------------------------------------------------
Song: jiyara kasak masak mor rage laagal (Naihar Chhooto Jaaye)
---------------------------------------------------------------

jiyara ko kasak masak karnewaala yeh geet tha Naihar ChhooTo Jaaaye
film se, Mohd Rafi ki aawaaz thi, Shailendra ke bol the, aur Jaidev
ka sangeet tha.

ab aglaa geet jo ham aapko sunwaane jaa rahe hain, yeh Vijeyta film
se hai, aawaazen hain Asha Bhosle aur Satyasheel Deshpandey ki.
Vasant Dev ne is geet ko likha hai aur tarz banaaee hai Ajit Varman
ne. Ajit Varman ne 80 ke dashak mein bahut se kalaatmak filmon mein
sangeet diya hai. unhone Mahesh Bhatt ki film Saransh mein sangeet
diya jiske gaane behad maqbool huye. Govind Nihalani ki 4 kalaatmak
filmon mein unhone sangeet diya hai. yeh filmen hain Aakrosh, Ardha
Satya, Aaghaat, aur Vijeyta.

-----------------------------------------
Song: man aanand aanand chhaayo (Vijeyta)
-----------------------------------------

to doston, yeh tha aaj ka Suhana Safar jise hamne tay kiya kuchh
kamcharchit lekin bahut ghi sureele sangeetkaaron ki rachnaayon ke
saath!

THE END

Interview & song clippings of Jesudas

Download from Files/Audio Files/VB's Golden Jubilee Celebrations.

Happy listening!!!

Sujoy

1975

fauji bhaaiyon ko Indeevar ka namaskaar. aaj main aap ki sevaa mein
kuchh geet laayaa hoon, jaise aur kalaakaar laate hain, vaise hi.
geet ke saath saath sangeetkaaron ke baare mein bhi kuchh baat kehna
chaahoongaa. to sabse pehle baat karte hain Kalyanji-Anandji ki,
kyonki inke saath maine bahut kaam kiya hai. ab aap log to jaante
honge ki jiske saath kaam zyaada karte hain, unse jhagDaa bhi bahut
hotaa hai. hamaara bhi bahut jhagDaa rehta tha, ek-ek geet ko leke
saalon jhagDaa rehta hai, ham log ek-doosre se Theek se baat bhi
nahin karte hain. magar yeh yaad rahe ki mera jhagDaa Kalyanji se
rehta hai, Anandji samjhauta karvaate hain. to leejiye, 'Samjhauta'
film ka yeh gaana suniye...

Song: samjhauta Gamon se kar lo (Samjhauta - Lata version)

baat jhagDe ki ho rahi thi mere aur Kalyanji-Anandji ke beech mein.
aur jhagDaa kyon na ho, Kalyanji baat hi aisi karte the. ab ek baar
ek 'accident' kisi ne kiya tha, aur Kalyanji kuchh aur hi baat karne
lage. ek dhamaakaa sunaaee diya tha. Kalyanji kehne lage, "Indeevar
gali mein gaaDi moD rahe the, uski vajah se yeh 'accident' huaa."
logon ne poochhaa ki, "bhai, gali mein gaaDi moD rahe the to
dhamaakaa kaise huaa?" to kehne lage, "vahaan gali hi nahin thi!"
Khair, mazaaq ki baat chhoDiye aur film 'Dharmatma' ka ek gaanaa
suniye, jismein Kalyanji-Anandji ne ek nayi aawaaz ko 'introduce'
kiyaa hai, Mukesh bhai ke saath. woh aawaaz hai Kanchan ki, aur film
hai Feroz Khan ki 'Dharmatma'...

Song: kyaa Khoob lagti ho (Dharmatma)

fauji bhaaiyon, ab main jo geet aap logon ko sunaane jaa rahaa hoon,
woh film 'Amanush' se hai, jismein sangeetkaar the Shyamal Mitra.
unke saath kaam karne ka yeh mera pehla mauqaa tha. mere liye woh
naye the, Shakti Samant unhe laaye the. magar woh baDe hi yogi saabit
huye, vinamra aur guNee bhi. leejiye unki film ka geet suniye...

Song: dil aisa kisi ne mera toDaa (Amanush)

meri ek kavitaa hai jiski ek pankti suniye - (recites) "jiske liye
maine sab kuchh chhoDaa, wohi chhoD ke chal dee, dil meraa toD ke
chal dee". isi kavitaa ke jaisa ek geet Nayyar-saahab ne film 'Ek
Baar Muskura Do' ke liye 'compose' kiya tha. Nayyar-saahab bahaadur
tabeeyat ke insaan hain. kisi se dosti nibhaanaa aur doston ke liye
qurbaani denaa Khoob jaante hain, zindagi se akele laDnaa Khoob
jaante hain, aur shikaayat karnaa bhi Khoob jaante hain...

Song: tu auron ki kyon ho gayi (Ek Baar Muskura Do)

hamaari filmon mein aajkal 'cabaret' bahut aataa hai. sangeetkaar bhi
lakeer ke faqeer ki tarah usi tarah kaa sangeet, wohi
angrezee 'style' kaa 'dance' aur 'sexy romance' laate hain. ek baar
mujhe bhi 'cabaret' geet likhne ka mauqaa milaa. agar main koi
saadhaaraN-saa geet likh detaa, to jo 'heroine' hai, woh logon ki
nazar se gir jaati. to maine sochaa, kyon na kuchh aisa likha jaaye,
jisse 'heroine heroine' hi bani rahe, logon ki nazron se gire nahin.
aur mujhe Khushi huyi jab maine sangeetkaar Sapan-Jagmohan ko yeh
geet sunaayaa, aur unhone kahaa ki vaaqai yeh kuchh alag hai. aur
phir unhone tarz banaaee, tarz bhi bahut achchhi banaaee. aap Khud hi
sun leejiye film 'Doraha' ka yeh gaanaa...

Song: tumhi rahanumaa ho meri zindagi ke (Doraha)

waise mujhe 'chance stunt' filmon mein sabse pehle Shyam Babu Pathak
ne diya tha, magar maine kuchh 'social' filmon mein Roshan-ji ke
saath bhi kaam kiyaa hai. unki shuru ki film mein geet likhe hain,
jaise 'baDe armaanon se rakkhaa hai balam teri qasam, pyaar ki duniya
mein yeh pehla qadam'. yeh mera bhi pehla qadam tha, aur Roshan-ji ka
bhi pehla qadam tha. ek baar maine Roshan-ji se kahaa tha ki, "Roshan-
ji, jaise aap ka naam hai, waise hi aap ka kaam bhi ek din roshan
hoga". aur mujhe bahut Khushi huyi jab woh sachmuch roshan huye, aur
ab to unka beTaa Raju Roshan bhi apni roshni phailaa rahaa hai.
Roshan-ji ka pehla gaana bhi maine likha, aur aaKhri gaanaa bhii. yeh
tha 'Anokhi Raat' film se, leejiye suniye...

Song: oho re taal mile nadi ke jal mein (Anokhi Raat)

fauji bhaaiyon, sangeet ki duniyaa mein Shankar-Jaikishan ka
ekchhatra raaj rahaa hai, kai dinon tak. jab unkaa naam paDtaa hai to
ham koi achchhi cheez ki hi aashaa rakhte hain. to suniye woh geet jo
unhone meri film 'Resham ki Dori' ke liye 'compose' kiyaa thaa...

Song: behanaa ne bhaai ki kalaaee se (Resham ki Dori)

shuru-shuru mein jab main film 'industry' mein aayaa to yahaan
angrezee kaa baDaa zor tha. log 'story' bhi angrezee mein sunaate
the. maine sochaa, "yaar Indeevar, apni yeh kamzori ka kisi ko pataa
nahin chalna chaahiye." aur maine angrezee par 'command' haasil kiya.
tab kisi ne kahaa ki, "bhai kahaan ho tum, yahaan to Urdu ka zor
hai!" to maine Urdu paDhnaa shuru kiya aur Urdu par bhi kuchh aboor
haasil kiya. tab phir Punjabi kaa daur aa gayaa. ab main Punjabi
seekhoon tab tak pataa nahin kaun si bhaashaa ka daur aa jaayegaa.
(laughs) Khair, Punjabi ke jo do-teen lafz (laughs) main seekhaa
hoon, woh swargeeya Madan Mohan-saahab ke is geet mein aap ko
milenge...

Song: mere dil pe kya guzri hai tu kee samajhegaa (Ek Mutthi Aasman)

doston, Anand Bakshi ka naam to aap ne suna hi hogaa. saathi hain
hamaare, aur bahut achchhaa likhte hain. maine film 'Suhaagraat' ke
liye ek geet likhaa thaa, 'Khush raho har Khushi hai tumhaare liye,
chhoD do aansooyon ko hamaare liye'. lekin mujhe isse zyaada Anand
Bakshi ka yeh geet pasand hai, jo unhone likha tha film 'Khilona' ke
liye...

Song: Khush rahe tu sadaa yeh duaa hai meri (Khilona)

fauji bhaaiyon, ant mein main aap sab ka aabhaar prakaT kartaa hoon.
mujhe Khushi hoti hai aap logon ki taraf dekhkar, aap ki veertaa,
bahaadoori, aap jo seemaaon ki rakshaa karte hain. lekin jab main
film 'industry' ki taraf dekhtaa hoon to thoDaa saa dukhi ho jaataa
hoon. main sochta hoon ki mere kai saathi chale gaye, pehle
Shailender, phir Jaikishen, aur Meena-ji. doston, in sab ki wajah thi
sharaab. sharaab pee-pee ke ho gayaa 'liver' ka 'cirrhosis'. main
maantaa hoon ki insaan ko Gam hotaa hai. magar Gam ka saamnaa karna
chaahiye, Gam ko door karna chaahiye. Gam ki dawaa to pyaar hai, Gam
ki dawaa sharaab nahin...

Song: Gam ki dawa to pyar hai, Gam ki dawa sharaab nahin (Amanush)

THE END

PITAARE MEIN PITAARA - INTERVIEW OF KUNAL GANJAWALA
---------------------------------------------------

PART 2

KG: Kunal Ganjawala
MS: Mamta Singh

---------------------------------------------------------
Song: dil keh raha hai tumse yeh rishta joD loon (Kyunki)
---------------------------------------------------------

KG: jab main "dil keh raha hai" gaata hai, tab 'because'
uski 'melody' itni 'profound' hai, tab logon ko itni pasand hai
woh 'melody', main kahaan kahaan, South America se leke woh Fiji
Islands, woh do kone hai jahaan ke, jahaan bhi is gaane ko 'perform'
kiya hai, ek aadat si lag gayi hai. mujhe pataa hai ki taaliyaan
goonjengi jab yeh gaana main gaayunga.

MS: to 'stage shows' ki baat aa gayi hai to yeh bataaiye ki itne
saare 'stage shows' aap ne keeye hain, aur hamne sunaa hai ki bahut
shaandaar 'concerts' aap ke hote hain, koi yaadgaar 'concert' ka zikr
keejiye.

KG: aah 'my God', jo bhi 'public concerts' maine keeye hain, America
mein, maine apni pehli 'concert' kee thi 2004 mein, Fiji mein, jahaan
pe Hindustaani bahut hain

MS: jee bilkul

KG: hamaare Bihar aur UP ke bahut saare log wahaan hain, jis tarah se
Surinam mein bhi hain, South America mein, aur Amsterdam mein bhi
hain, jinhe Surinami kehte hain

MS: jee jee

KG: to bahut se log hain wahaan pe jo teen teen peeDheeyon tak waapas
naheen aaye, kyunki bahut gareeb hain woh log, aur wahaan pe African
American log, Black jinhe kehte hain, woh aur Indians hi hain, bahut
Khoobsoorat 'beaches' hai wahaan, 'cultures' jo,
Hindustaani 'cultures' jo ham bhool chuke hain, woh wahaan aaj
bhi 'original form' mein maujood hain aur usey bilkul seekhaaya jaata
hai, aur aapki koshish rehti hai ki jo nayi peeDhee hai woh seekhe,
lekin nayi peeDhee jo hai unki upaj is tarah se huyi hai ki
woh 'confused' hain ki woh 'foreigners' hain ki Indians hain. to
wahaan pe 4 'concerts' lagaataar huye the 7 din mein, aur woh
chaaron 'concerts' 6/7 hazaar log 'minimum' bhare huye the
poore 'auditorium' mein, aur ek yeh huya ki ek unmein se 'village'
hai Baa, B A A Baa, wahaan ki 'economy', bahut se baDe Indians hain
woh 'support' karte hain, to unmein se ek jo bahut
baDe 'industrialist' hain, 'three-fourth of the economy' unke paise
se aati hai, unke paise se, to woh unka gaaon hai, to unke 'family'
ko beshaq 10 'tickets' maine dee thi, aur unko sab se aage maine
biThaaya tha, kyunki woh Hindustaaniyon se bahut pyaar karte hain aur
unki wajah se Hindustani logon ke paas kaam hai wahaan pe.
unhone 'show' ke baad mujhe kahaa 'Kunal', ham 'dinner' kar rahe the
saath mein, unki maa saath mein theen, unke 'wife' aur bachche aaye
the, unke 'cousins' aaye the, ki 'is 'country' mein 'football' mazhab
hai, aap ke aane se ek 'saturday' pehle, yaani is 'saturday' ke
pehle 'saturday' ko 'finals' thi yahaan, aur yahaan pe 'finals' ke
liye, kyunki akaal thi udhar, DeDh saal se baarish naheen huyi thi,
itne pareshaan the wahaan ke 'farmers' ki kuchh huya naheen tha, aur
aap maanoge, isliye mere liye 'remarkable' cheez hai, mere 'concert'
ke 'time' pe wahaan pe baarish huyi

MS: kya baat hai

KG: ham sab bheege aur poora 'concert', haalaanki kisi ko pataan
naheen tha ki baarish honi thi, bin baadal barsaat the woh, aur
unhone us shaam ko 'dinner' ke 'time' pe mujhe kahaa ki 'mujhe yakeen
naheen ho raha hai ki yahaan pe 6000 log paisa deke 'ticket' leke
kaise aaye hain, kyunki ek hafte pehle 'football' ke liye jahaan
maaraamaari hoti hai, wahaan 'stadium' ek chauthaai bhara huya tha,
aur yahaan pe 6000 log paisa kharch kake, unke paas paise hi naheen
hai kharch karne ke liye, to 'tickets' laaye kahaan se!'. to
Bollywood se itna pyaar hai unko aur bahut saalon se 'concerts'
naheen huya tha, to yeh mera hi 'concert' hona tha aur us din baarish
honi thi, aur hamko bheegna tha. main 'actually stands' ke andar ghus
gaya tha, log itna 'believe' naheen kar paa rahe the ki bheege
unka 'singer', kyunki gaane mein 'world' mein mujhe jis tarah ki
sthiti dee, jo pehchaan dee, woh mujhe 'believe' naheen ho raha tha
ki yeh sab ho raha tha. ek tarah ka jaadoo. aur phir uske baad
baarish ruka hi naheen.

MS: kuchh gaane hamein yaad aa rahe hain jinka zikr ham karna
chaahenge. Ankahee film ka gaana, bahut maqbool huya tha

KG: "tumse yun milenge"?

MS: jee, to uski 'recording' se juDee koi Khaas baat agar hai to
bataaiye.

KG: Pritam ne mujhe 'phone' kiya to maine kahaa 'zaroor'. aur kisi
aur 'singer' ne bhi gaaya tha yeh gaana. aur Pritam naheen saka tha
us 'recording' mein, mujhe yaad hai Empire Studio ke 'first floor' pe
yeh gaana 'record' huya tha. unke 'assistant' the. yeh ek
aur 'reason' hai, maine gaana sunaa, bahut 'emotional' ho gaya tha,
gaana bilkul alag, aaj Pritam ka jis tarah ka 'colour' log sun rahe
hain, tab bhi us tarah ke gaane, Dhoom to 'already' aa chuki thi, aur
woh 'guitar' ka gaana, mujhe pataa hai woh 'guitar play' karta hai,
aur is tarah ka 'guitar' ka gaana, aur is tarah ke gaane koi
Khareedta naheen. Pritish Nandy-ji ki film thi yeh, dekhiye kya hota
hai na, maine yahi cheez apne ghar se seekhee, koi bhi cheez
imaandaari se karo, phal ki mat socho, ab mujhe bhi naheen pataa tha,
unhone kahaa tha ki yeh gaana film mein naheen rahegaa, to maine
kahaa 'koi fak naheen paDtaa mere liye, kyunki gaana to gaana hai'.

MS: to kya sach mein yeh gaana naheen tha film mein?

KG: naheen, jab gaana 'highlight' huya, jab Pritish Nandy-ji ki beTi
ne sunaa, jab Vikram Bhatt-ji ne sunaa, tab unhone kahaa 'is gaane
ki 'shooting' naheen, is gaane ke saath main tumhaari 'video shoot'
karoonga'. is gaane ka 'promotional video' banaa, jispar unhone 10
laakh kharch keeye, aur 'video' banaaya aur film ki 'beginning' mein
yeh poora gaana Daal diya, 'opening credits' mein, aur yeh gaana bhi
main hamesha gaata hoon, aur Pritam bhi yahi kehta hai ki ''thank
you' tu yeh gaana gaata hai 'shows' mein warna yeh gaana mar jaata'

----------------------------------------------------
Song: tumse yun milenge hamne socha na tha (Ankahee)
----------------------------------------------------

MS: Kunal-ji, yeh to hamne apni or gaane ka zikr kiya, ham chaahte
hain ki aap ke itne saare gaane hain gaaye huye, unmein se aap ko
kaun se gaane bahut priya hain, aap ke gaaye huye

KG: jo aap ne zikr keeye, woh gaane to hain hi, aur mujhe bahut
Khushi hai ki All India Radio ke 'listeners' ne bahut yeh waale gaane
pasand keeye jaise Saawariya ke, Channa Ve to har jagah 'popular'
huya hi hai, "tumse yun milenge", jo mere shrotaaon ne yahaan pe
pasand kiya, yeh saare gaane 'emotionally' mere dil ke bahut kareeb
hain, aur iska 'title track' jo hai, "aankhon mein anjaane manzar",
Ankahee ka 'title track', "tere bin", Bhaagambhaag ka gaana, Pritam
ke saath jise maine kiya, woh gaana mujhe 'personally' bahut pasand
hai, Sheesha film ka ek gaana aaya tha "yaar ko maine", woh gaana
mujhe 'personally' bahut bahut achchha lagta hai.

--------------------------------------------------------
Song: yaar ko maine mujhe yaar ne sone na diya (Sheesha)
--------------------------------------------------------

KG: Fareb film mein Anu Malik-ji ka 'compose' kiya huya ek 'sad'
gaana jo hai (sings) "shaayad hamaare beech kahin koi baat hai...
pehle se ab yeh din hai...", Fareb ka yeh gaana mujhe bahut pasand
hai, 'I think its one of the finest melodies composed by Anu-ji',
unhone bahut se Khoobsoorat gaane mujhse gawaaye hain, jo mere liye
likhe gaye hain.

--------------------------------------
Song: pehle si ab woh din hain (Fareb)
--------------------------------------

KG: Sandesh-ji ke saath maine gaane keeye the Uff Kya Jadoo Mohabbat
Hai mein

MS: jee jee, achchha lagaa tha bahut

KG: "shahzaadi hai koi", Sunidhi ke saath gaaya tha

MS: is gaane ka zikr Sandesh Shandilya-ji ne bhi kiya tha
apne 'interview' mein.

KG: (sings) "shahzaadi hai koi, hai phoolon si koi...". yeh gaana,
yeh gaana maine itna gaaya hai 'stage' par, is gaane ko 'personally'
maine bahut 'enjoy' kiya.

-----------------------------------------------------
Song: shahzaadi hai koi (Uff Kya Mohabbat Jaadoo Hai)
-----------------------------------------------------

KG: usi tarah se Pyar Ka Superhit Formula, Sandesh-ji ka hi, "chhoDo
na mujhe" gaana hai, woh mujhe 'personally' bahut achchha lagta hai,
haalaanki woh 'famous' naheen huya gaana, par 'radio' sunnewaale...

MS: aap ko bahut pasand hai aur...

KG: chhoTe shahron mein main jaata hoon to log pasand karte hain

MS: 'soft' gaana hai

KG: kyunki bahut apne aap mein 'complete melody' hai, aur yeh baat
main kehna chaahoonga ki jo hamaare 'country' ka pehla 'radio
station' hai, jo aap ho, aap shor-o-gul ke gaane kam bajaate ho,
aur 'melody' ke gaane zyaada bajaate ho (MS laughs), isliye jo
gaane 'famous' hote hote reh jaate hain baaki ke, is 'radio station'
se shrotaaon tak zaroor pahunchta hai. aap ne ek waqt tay kiya hai
ki...

MS: jee bilkul bilkul...

KG: ki ham dopahar ke waqt puraane gaane naheen bajaayenge

MS: subah Bhoole Bisre Geet

KG: subah bajaayenge, shaam ko bajaayenge, raat ko bajaayenge. to yeh
bahut achchhi baat hai, aur bhagwaan kare ki jo baaki ke 'radio
stations' hain, woh bhi yeh baat sune aur samjhe.

MS: jee (laughs)

KG: aur maine yeh baat unko kahee hai unke 'radio stations' mein jaake

MS: kya baat hai

KG: aur wahaan maine zikr kiya hai Vividh Bharati ka, ki
aap 'programme' sune Vividh Bharati ka, ki jo raat ke 'programmes'
hote hain, raat ko jo 'radio jockeys' hain woh bolte bhi dheere se
hain raat ko, 12:30 baje...

MS: sahi baat hai

KG: unka jo 'music' hai woh bhi alag bajtaa hai, kyunki dopahar
ka 'music' raat ko naheen bajaa sakte aap, har cheez ka ek waqt hota
hai.

------------------------------------------------
Song: chhoDo na mujhe (Pyar Ka Superhit Formula)
------------------------------------------------

MS: Kunal-ji, ab aap yeh bataaiye ki aap Gayatri-ji se kaise mile?

KG: Gayatri aur main mile 'studio' mein, Ranjit Barot ki 'studio'
mein. Ranjit Barot-ji kii 'studio' mein ham mile saal 2000 mein, 2001
mein, jab woh Lucknow se waapas aayi apna IIM Graduation karke. She
is an IIM Graduate from IIM Lucknow. usse pehle bhi woh Anand Milind-
ji ke liye gaa chuki theen bahut saari filmon mein. agar aap dekhen,
Sridevi-ji,  Anil Kapoor-ji, main filmon ke naam abhi bhool raha
hoon, magar jin jin filmon mein Poornima-ji ne gaaya hai, jo 'hit
hit' filmen hain, unmein Gayatri ne 7/8 geet 'already' gaaye hain,
Shankar Mahadevan ke saath, Parvez Qadir ke saath. to woh utne gaane
kar kar, 'jingles' karke woh 'academics' ko 'pursue' unko karna tha,
woh 'south Indian family' se hai.

MS: aap ke gaano ke liye unka kya 'reaction' rehta hai?

KG: aap unko hi poochhiye (both laughs)

MS: koi geet pehli baar sunti hai to taareef karti hain?

KG: haan, 'well', bahut saari cheezen hain zindagi mein, pasand
zaroor karti hai, woh hameshaa, usko lagta hai ki sabse
achchha 'romantic' gaana agar koi gaa sakta hai to woh hoon main. yeh
mujhe padavi mili hai unse.

MS: (laughs) kya baat hai

KG: par iska matlab yeh naheen ki jab ham apna 'private moment', jab
ham rehte hain band darwaazon mein tab ham gaana hi gaate hain, aisa
naheen hai. ham gaane sunte zaroor hain, alag alag kism ka, usey
Thumri bahut pasand hai sunna, usey 'classical music' se bahut lagaav
hai, saath hi saath woh ek aisi ek 'heroine' hai hamaare 'industry'
ki jinhone Broadway par 'acting' bhi kee hai aur gaana bhi gaaya hai.
London mein Western Stage par unhone Fa Pavellions karke ek 'play',
ek saal tak, jismein saare gore log the, jismein 'Kabir Bedi was
playing Khan saheb', aur inhone Pricess Anjali ka kirdaar nibhaaya
tha, yeh jo 'musical' naaTaks hote hain na, jinmein gaane
aur 'dialogues' dono hote hain, woh 'heroine' theen aur
saare 'posters' par unki tasveeren thi.

MS: kya baat hai. chaliye unke liye bahut shubhkaamnaayen. aur unke
saath, Gayatri-ji ke saath aap ne koi 'duet'...

KG: bilkul, bilkul, hamse sabse pehla 'duet' Shankar Ehsaan Loy ke
liye film Rudraksh mein, "rak rak rak" karke, uske baad abhi Mumbai
Salsa jo aayi, usmein Adnan Sami-ji ka 'music' tha, usmein 'friday'
karke ek gaana hai.

-----------------------------------------------------------
Song: I want to live in my way...just Friday (Mumbai Salsa)
-----------------------------------------------------------

KG: ek nayi film aa rahi hai, 'animation' film Yash Raj-ji ki,
Roadside Romeo, Jugal Hansraj-ji uske 'director' hain, Salim Suleiman
ka 'music' hai, usmein bahut hi Khoobsoorat ek 'duet' gaana hamne
gaaya hai. Aditya Chopra-ji ko bahut pasand hai, Salim Suleiman-ji ko
to pasand hai hi. Jugal ko bhi bahut pasand hai gaana, main filhaan
naheen gaa sakta, 'but its one of the finest duets I have ever sung'.

MS: chaliye ham intezaar karenge

KG: aur phir Kuchi Kuchi Hota Hai, ek film aa rahi hai, jo Karan
Johar-ji ki film Kuch Kuch Hota Hai ka 'remake' hai. isey Kuchi Kuchi
Hota Hai naam diya hai, kyunki yeh bhi 'animation film' hai. usmein
do gaane hain mere aur Gayatri ke.

MS: chaliye shubhkaamnaayen aap dono ko

KG: aur ham apni 'album' par kaam kar rahe hain, 4 'duets already' ho
gaye hain

MS: 'non-film album'?

KG: 'non-film', uska kaam aadha Khatam ho gaya hai.

MS: waise 'non-film album' se yaad aaya, aap ne ab tak 'non-film
albums' zyaada...

KG: Channa Ve

--------------------------------------------------
Song: channa ve ghar aaja ve (Channa Ve - Nonfilm)
--------------------------------------------------

MS: Channa Ve ke alaawaa?

KG: Channa Ve ke alaawaa, matlab, matlab, maine in 3.5/4 saalon mein
maine kuchh 300/325 gaane gaaye, to waqt kahaan milaa 'non-film
album' karne ka! jaise Kay Kay ka bhi agar aap dekho, Pal ke baad
7/7.5 saal ke baad usne ab nayi Humsafar 'album' nikaali hai.hamein
waqt naheen milaa 'album' karne ki kyunki jab ham aaye 'industry'
mein, us waqt 'pace' duguni naheen, '4 times', chauguni ho
gayi 'almost'

MS: tez raftaar ho gayi

KG: usmein roz gaane gaana, aur hamaara jo 'senior singers' hain, jo
hamaare saath aaj bhi gaa rahe hain, unke zamaane mein thoDa 'pace'
kam tha. aap din mein do gaane kar sakte the, TV ke 'channels' itne
naheen the, har cheez ke itne 'channels' naheen the

MS: bilkul sahi baat hai, 'competition' bhi kam tha

KG: 'competition', ek tarah se aap bol sakte ho, haan, abhi bhi aap
dekho, 'singers' 5/6 hi hain, jo saare gaane karte hain, naye
naye 'singers' ko mauke mil rahe hain jaisa mujhko milaa, par ek din
mein 25 cheezen naheen hoti, isliye waqt naheen mila hamein 'album'
karke ke liye.

MS: Kunal-ji, Gayatri-ji ka zikr chalaa tha, ek gaana sun liya jaaye
unke liye, phir aage baDhte hain

KG: woh main bahut achchhe, aap phir kahenge kyun Guide film ka
gaana, "tere mere sapne", (MS Laughs), woh gaana Rafi saahab ki
aawaaz mein, woh mera 'favourite' gaana hai, aksar jab koi poochhta
hai, to hamaari sur isi gaane mein aTki huyi hai bahut saalon se
(laughs)

--------------------------------------------
Song: tere mere sapne ab ek rang hai (Guide)
--------------------------------------------

MS: mohabbat ka izahaar to naheen huya tha is gaane ke saath? (laughs)

KG: naheen, hamaari mohabbat thoDi si angrezi thi (laughs)

MS: achchha (laughs), chaliye ham zyaada naheen poochhtaachh karte
hain. TV ka jo 'show' hai...

KG: Chhote Ustaad

MS: aap ne zikr bhi kiya hai, aap usmein ek 'judge' hain

KG: hamein bahut kuchh seekhne ko mil raha hai isse, hamein Dar to
tha ki lagaav bachchon se to bahut hi hogaa

MS: koi haar raha hai, koi jeet raha hai

KG: haaaan, aur hamein naheen pataa tha ki woh chubhegaa itnaa. ham
bilkul 'talent' par jaa rahe hain, 'emotions' par naheen. gaane se do
ghanTe mein lagaav ho jaata hai to insaanon se to hoga hi. ek cheez
bahut achchhi lagi ki Pritam, Shreya aur main, teeno, hamne kahaa tha
ki ham thak gaye hain 'reality shows' dekhke ki jahaan pe
Galat 'singer' ko Khitaab mil raha hai, jo sabse 'popular' tha uey
mil raha tha, jo sab se 'talented' tha usey naheen. kyunki Gajendra
Singh-ji ne jo 'programme' shuru kiya tha Sa Re Ga Ma, sangeet ki
mahaan mahaan hastiyon ko bulaakar, jo gyaani the sahi mein, woh
nirnay lete the sahi vijeyta ka, usi mein se Shreya Ghoshal aayi, usi
mein se Vijay Prakash aaye, usi mein se aap ko kai 'singers' mile

MS: jee bilkul

KG: woh cheez badalkar, zamaana badlaa, sab cheez badlaa, 'voting'
ka 'trend' shuru huya, to usmein 'participation' milaa hamaare
shrotaaon ko, aur hamaare shrotaa bahut 'emotional' hain, unmein se
bahuton ko yeh pataa naheen hota hai ki achchha 'singing' kya hota
hai, aur achchha 'singing', 'choice' karna aur gaana ek cheez hota
hai, usey nibhaana ek hota hai, aur usey darshaana ek hota hai. aap
bahut saare kood kar gaa lo to iska matlab yeh naheen ki aap achchha
gaa rahe ho

MS: sahi baat hai

KG: haaalaanki unhone Kishore-da ko, Rafi saahab ko, ham
sabko 'concert' mein dekhaa hai, par ham 'control' kar sakte hain
hamaari 'singing' ko 'dancing' ke saath kyunki ham 'professional'
hain. kyunki unko utni samajh to hai naheen, 'vote' karnewaale ko,
kyunki woh gaane ko 'vote' kar rahe the gaanewaale ko naheen, yeh
cheez Galat ho rahi thi, to hamne sochaa ki 'powers' kyun na ham apne
haathon mein le le, 'voting' bhi shuru rakhen taaki 'atleast' kuchh
to log aayen, jo 100s mein 'votes' aa rahe the woh 1000 hone lage, ab
to laakhon mein hone lagi hai. ham woh sab 'viewers' ko jo rooThkar
chale gaye the TV se, hamaare 'programme' se, is tarah
ke 'programmes' se, woh waapas aa gaye.

--------------------------------------------------------
Song: tere bin kahin lagta hi naheen dil (Bhaagam Bhaag)
--------------------------------------------------------

MS: Kunal-ji, aanewaali aap ki kaun kaun si filmen hain jinka aap
zikr karna chaahen? kaun kaun se gaane hain?

KG: aanewaale filmen, Harman Baweja 'launch' honewaale hain Love
Story 2050, Anu Malik-ji ka 'music' hai usmein, Javed saahab ke bol,
jaisa maine kahaa Roadside Romeo, Kuchi Kuchi Hota Hai, Venus ki ek
bahut baDi film hai Maan Jaayo Mughal-e-Azam, jismein Mallika
Sherawat aur Rahul Bose, ek 'funny' si film hai, aur yeh jo kuchh
chand filmen maine haal hi mein keeye hain unka main zikr kar raha
hoon, Pritam ke saath Chhota Chetan 'animation' mein aa rahi hai,
Mukta Arts ki kuchh filmen jo Pritam kar rahe hain unmein aa raha
hai, nayi bahut saari filmen chhoTi choTi 'banners' ki jo bahut
chalti hai, naye 'music directors' ke saath, woh bhi 'list' kaafi
lamba hai, 'I am very excited', Monty ke saath Heroes karke ek film
aa rahi hai, Sameer Karnik, usmein mere 2 yaa 3 gaane hain, Roadside
Romeo mein saare gaane mere hain, Saif kirdaar ki aawaaz hoga,
gaanewaali aawaaz meri hogi us 'animation character' ki. chaaron
gaane mere hain, Jugal ki film hai, Salim Suleiman ka 'music' hai.
Monty ke saath ek aur film, Shaurya karke ek film aa rahi hai,
uska 'title track' Adnan Sami-ji ke liye maine gaaya hai, One Two
Three karke ek film ki 'music release' huyi hai, uska 'title track'
mera hai, Monty ke liye kuchh nayi filmen kee hai maine jo Sunny aur
Bobby ki 'banner', Dharam-ji ki 'personal release' hai, Vijeyta
Films, uske liye kuchh gaane keeye hain

MS: lambi fehrist hai

KG: jaise jaise mujhe yaad aa rahe hain to main bataa raha hoon

MS: jee, aur ham shubhkaamnaa karenge ki aap ke saare gaane 'hit' hon
jaise ab tak hote aaye hain

KG: 'thanks'

MS: 'thanks' ki baat chali hai to bataaiye ki aap apne 'fans' ke
saath, apne chaahnewaalon ke saath kis tarah ka bartaav karte hain?

KG: main to yahi chaahta hoon ki main apne har 'fan' ko, jo woh
chaahte hain, 'autograph' yaa 'photo' main detaa hoon, aur 'shows' ke
baad main kitna bhi thakaa huya hoon, ek kamre mein, main hameshaa
kehta hoon ki aap aaraam se aayen, ek doosre ke upar se koodkar na
aayen, aap kataar banaakar, chhoTi lambi jaisa bhi hai,
jismein 'patience' hai woh aayen, ek sawaa ghanTe tak main jin
jinko 'photographs' chaahiye, 'autographs' chaahiye main detaa hoon,
kyunki phir kab main us shahar mein jaayun, chaahe woh Indore ho,
chaahe woh Sikkim ho, chaahe woh Assam ho.

MS: hamaara 'experience' bhi bahut achchha hai jo Kunal-ji ki jo
Khaas baat jo hamein achchhi lag rahi hai, jach rahi hai, woh hai
unki vinamrata, aur itne achchhe se baat kar rahe hain, itminaan se,
bahut achchha lag raha hai hamein...

KG: naheen, main aisa hi hoon, agar aap mujhse 4 saal pehle milte,
ham 2 saal mil naheen sake ittifaaq se, to achchha hai ki aap aaye is
baar, agli baar main zaroor aayunga

MS: Kunal-ji, sach mein bahut achchha lag raha hai baatchit karte
huye, aisa lag raha hai ki baatchit ka silsilaa yunhi chalta rahe.

KG: naheen, kai baar aisa hota hai ki milna naheen hota hai, aur jab
hota hai to itminaan se hi hona chaahiye

MS: jee. achchha Kunal-ji, gaano ke alaawaa aap ke kya shauk hain?

KG: mujhe 'travel' karna bahut pasand hai, mujhe agar kahaa jaaye ki
do din kaam mat karo, main to nikal jaayunga gaaDi leke, yaa
phir 'flight' lekar, aur mujhe 'boat' se 'travel' karna bahut achchha
lagta hai, paani mein, main hameshaa 'cruises' par jaane ki yeh karta
hoon par hotaa naheen, kyunki 'cruise' ke liye bahut zyaada waqt
lagta hai, 8 ghanTe, yeh zaroor hai ki kabhi Gayatri ko lekar poore
Europe ka 'cruise' karen yaa 'atlantic cruise' par jaayen, 'pacific
cruise' par jaayen, woh alag hi hota hai ki aap 'ship' par rahen. jab
main apne gaaon jaata hoon to 'boat' se hi jaana paDtaa hai, Gateway
of India se Rewas tak 'boat' se jaata hoon main.

MS: kahaan hai aapka gaaon?

KG: Alibaug se aage, jahaan mere poorvaj kareeb 150 saal pehle aake
sthit ho gaye the. wahaan hamaare kuldevi ka mandir hai. wahaan jaane
ke liye poori 'community', ham sab 'boat' se hi jaate hain.

MS: kya baat hai, itni vyastataa hone ke baawjood bhi aap apne gaaon
ko naheen bhoole

KG: naheen, maa ka hawan hota hai na ek din, chaar din ka melaa lagta
hai, har saal koshish hoti hai ki ek din jaakar wahaan maathaa
Tekoon. iske liye to waqt njikaal hoon

MS: gaaon se juDe huye hain to kya 'folk' bhi gaate hain aap?

KG: 'folk' koshish karta hoon, mujhe pasand bahut hai, kyunki har
cheez ki upaj waheen se hai, 'classical music' bhi 'folk' se niklaa
hai. aur hamaare filmon mein bahut saare 'folk music' ka istemaal
huya hai, chaahe Gujarati 'folk' ho, Marathi 'folk' ho, pahaaD
ka 'folk' ho, 'north-east' ka folk' ho, 'south' ka 'folk' ho. to
jaisa ki maine kahaa main koshish to karta hoon ki har kism ka gaana
gaayun, kitna nibhaa sakta hoon woh to mere shrotaa hi bataa sakte
hain aur mere 'music director'. waise woh Khushboo hai, "channa ve"
mein hai woh Khushboo, ek 'folk' baat hai usmein.

MS: achchha Kunal-ji, kin 'music directors' ke saath aap
zyaada 'comfort feel' karte hain aur gaana pasand karte hain zyaada?

KG: jinke saath 'relationship' ho unke saath, 'comfort level' ho hi
jaati hai jaise Anu-ji ke saath, Himesh-ji ke saal, SEL ke saath,
Shankar Ehsaan Loy, Vishaal Shekhar puraane dost hain, Anu-ji ki
dosti se pehle bhi maine 'jingles' bahut se keeye Ehsaan ke liye, Loy
ke liye, Vishaal Shekhar ke liye, Ranjit Barot ke liye, 'Pritam is
also a friend from 10 years ago', to yeh saare dost hain mere.
haalaanki Sandesh-ji ke saath bahut zyaada kaam naheen kiya hai maine
par pehle hi din se hamaari dosti bahut achchhi rahi hai.

MS: jee jee, Vishaal Shekhar-ji ne, Pritam-ji ne aapke aawaaz ki
taareef kee thi jab woh yahaan pe aaye the. Vishaal Shekhar-ji ne bhi
wohi baat kahi thi ki aapke aawaaz ki jo 'range' hai, 'soft' gaane
bhi aur, dono tarah ke gaane, dono logon ne zikr kiya tha.

---------------------------------------
Song: mast malang mast malang (Golmaal)
---------------------------------------

MS: ab hamein yeh bataaiye ki apni safalta ka shrey aap kise dete
hain?

KG: sabse main kahoonga eeshwar ko, woh kuchh bhi karaa sakte hain,
uski marzi agar ho, aur main usak bilkul jeeta jaagta saboot hoon, ki
us shaKhs ko yeh naheen pataa ki agle kshaN uski zindagi badal
jaayegi, jo 'I am sure' hoti hai ham sab ke saath, ham sab ki alag
kahaani hai, aisa badlaav aata hai jo aadmi Khwaab mein bhi naheen
soch saktaa, jaisa mera huya hai. ek pal mein meri zindagi badal gayi
aur main gaana gaane lagaa.

------------------------------------------------
Song: bheege honTh tere pyaasa dil mera (Murder)
------------------------------------------------

KG: iske liye main sab se pehle shukriyaa bhagwaan ka karta hoon,
phir apne maataa pitaa ka ki main naheen chaahta tha ki main 'singer'
banoo.

MS: kya banna chaahte the aap?

KG: main Chartered Accountant

MS: arey (starts laughing), bilkul ulTaa

KG: bilkul! kyunki main 'busness family' se hoon, to 'music' ka shauk
sab ko hai, mere maata pitaa bhi bajaate hain, 'harmonica',
aur 'radio, TV', TV to jab se aaya hai, 1971, tab se mere ghar mein
hai, unhone mujhe zaroor bahut pryotsaahit kiya ki aap zaroor gaayen,
aur aap 'doctor' yaa 'singer' yaa 'chartered accountant'
yaa 'engineer' bante hain, aap zaroor apni paDhaaee shuru rakhen, aur
jo bahut se gharon mein naheen hota hai woh mere ghar mein huya. uske
saath saath aap bilkul 'music' ki taaleem len aur usko aap 'parallel'
rakhen. agar aap, kisi waqt aap ki paDhaaee par asar kar raha hai to
usey kam kar den.

MS: bilkul sahi baat hai

KG: main kaafi saare 'competitions' jeetne lagaa, mujhe apne aap par
vishwaas naheen ho raha tha ki main aisa gaa saktaa hoon, aur phir
maine 'recordings' kee 'studios' mein jaakar, Showbiz Studios,
Nandeep Duggal-ji, jinhone Kishore Kumar ko pehli baar ;stage shows'
par gawaana shuru kiya tha, unke 'family freinds' rahe hain, Nandeep
Duggal, aur sabse pehla 'star shows' ko 'abroad' le jaana yeh
inka 'concept' tha, Manna Dey saahab ko, aaj bhi Manna Dey saahab
unke bahut kareebee dost hain. Rafi saahab, Lata-ji, Asha-ji, un
sabko woh le jaa chuke hain. to unke 'studios' mein main sabse
pehle 'competitions' jeetkar gaya to unhone kahaa ki 'cigarettes' aur
baaki sab jo vyasan hai un sab se agar tum door rahe to tum zindagi
mein bahut baDe 'singer' banoge, yeh unka kehna tha, maanna tha. aur
Poornima-ji, yeh sab log jis tarah se meri zindagi mein aaye, sabse
pehle main bhagwaan ki ichchha par main 'singer' banaa, maataa pitaa
ke 'encouragement' ki vajah se maine isko 'pursue' kiya, phir Nandeep
Duggal-ji mile, jinhone pehle Kishore-da ko sunaa, Rafi saahab, Manna-
da ko sunaa, unke saath 'travel' keeye, to in mahaan 'singers' ke
baad unhone kahaa ki 'bahut saalon ke baad maine ek aisi aawaaz suni
hai jo 'cinemascope' hai'. unhone kahaa 'teri aawaaz mein hai, tu
seekh aur tu vyasano se door rahena, tu banegaa kuchh'. to mujhe
himmat usmein se milee, aur phir mujhe Poornima-ji milee, 'playback
singer', Sushma Shreshtha jinko ham jaante hain, unhone bhi mujhe
wohi baat kahee ki 'teri aawaaz mein woh 'quality' hai', phir Aadesh
Shrivastava ne mujhe, jab Sa Re Ga Ma ki pehli 'episode' mein main
aaya, unhone kahaa ki 'teri aawaaz mein 'cinemascope quality' hai, tu
seekh'. to is tarah se phir Ranjit Barot meri zindagi mein aaye. aur
didi ne, Poornima-ji ke saath to mera ghar ka 'relationship' hai, aur
Nandeep 'uncle' ke saath, Poornima-ji mujhe har jagah le gayeen,
unhone  sabko kahaa 'suno is bachche ko, ismein hai woh baat'. maine
bahut seekhaa unke saath rehkar, 'recordings' mein jaakar, unke
maine 'atleast 50/60 recordings' dekhe.

---------------------------------------------------------
Song: aankhon mein rehti hai anjaane manzar kai (Ankahee)
---------------------------------------------------------

MS: shuruwaati din bahut sangharsh mein beete the

KG: haan, jaise sabke hote hain. aur aaj bhi sangharsh hai par alag
kism ka. aaj 'maintain' karne ka sangharsh hai, ki 'quality' aap kis
tarah se 'maintain' karo, kis tarah e nayi cheezen aap apne mein se
nikaalo, aap 'music director' naheen nikaal saktaa to aap pehchaano.
to is tarah se phir Ranjit Barot-ji meri zindagi mein aaye. did ne
bahut 'push' kiya, 'support' kiya, 'recommend' kiya, kaam to 'music
director' deta hai. yeh hai saal 1991, 91 mein mujhe Nandeep 'uncle'
mile, 90 mein meri khoj huyi. to 1997 tak mujhe kisi ne kaam naheen
diya. bahut se 'jingles' mein, kyunki paapa se 'pocket money' naheen
leta tha. kyunki 'self respect' bhi to tha. unhone kahaa 'pursue'
karo to jaake paise bhi unse loon ghar ke kharch ke aur ek laDke ke
aatma sammaan ko bhi Thes pahunchta hai. aur paapa ne bahut himmat se
mujhe kahaa tha ki 'tumko jo karna hai tum karo, mera to banaa
banaaya 'business' hai, tum aa sakte ho', lekin unhone bhi kahaa
ki 'naheen, tum apna karo', maa ke bolne pe. to sangharsh mein woh
seekhne ko milaa. agar sangharsh naheen hota to main ;value' naheen
karta is cheez ko. kyunki woh '2nd class ticket train' mein jaakar
lenaa, 'travel' karna shaam ko, kaafi saare 'music directors' bulaate
the, main Tardeo mein rehta tha, Famous ke saamne, to achchha hai.
1995 ke baad thoDe aur paise aane lage 'jingles' se, to phir '1st
class' ka 'pass' liya. phir wahaan se 'bus' leta tha main, Sunny
Studios jaane ke liye. phir 'rickshaw' mein 'graduate' huya, thoDe
aur paise milne lage.

MS: log sun rahe hain aapki baaton ko, inse prerNaa lenge, bahut se
aise yuvaa jo sochte hain ki Mumbai chale jaayen aur gaayak ban
jaayen, jab aap ki aawaaz sunte hain, gaayakon ki, geetkaar ban
jaayen, sangeetkaar ban jaayen, filmkaar ban jaayen, to in tamaam
bhaTke huye logon se aap kya kehna chaahenge? jo sangeet mein ruchi
rakhte hain unhe kya tayyaari karni chaahiye?

KG: pehle to Thokaren khaana, aap maan lo ki aap ko bahut Thokaren
khaani hai, yeh 'overnight success' jo 'picture'-on mein dikhaate
hain yeh bahut kam hota hai, aapko, bahut saare naseebwaale log aise
bhi hain jinko bahut jaldi sabkuchh mil gaya. par hamein yeh naheen
pataa ki unko wahaan tak aane se pehle kya huya, 'unless' ki unhone
zaahir kee woh baat. to aap achchhe hain ki naheen yeh to aap hi
bataa sakte hain. aap mein hunar hai ki naheen. aaj 'platforms' bhi
bahut hain jahaan pe aap apne aap ko 'showcase' kar sakte ho, jaisa
ki Shreya ko Sanjay Leela Bhansali ne, Sunidhi ko Lata-ji ne
pehchaana aur unki Khoobiyaan nikaali. us tarah se zaroori naheen ki
sabko 'Godfather' mile, yaa 'believe' karnewaala mile. to aap bilkul
tayyaari lekar aa jaayo Bombay ki 'overnight' kuchh naheen milna hai,
jitna aap ne paisa kamaaya hai yaa 'save' kiya hai usey ghar mein
poonji banaakar rakhen taaki agar aap pe 'depend' hai aapke daadaa-
daadi yaa aap ke 'parents' yaa bahen bhaai, to woh poonji ko Bombay
lekar na aayen.

MS: bilkul sahi baat hai

KG: 'because' aise bahut se log maine dekhe hain junooni jo sar pe
bhoot sawaar karke aate hain aur 1.5 saal ke baad 'suicide' karne ka
man ho jaata hai. aise aise log bhi dekhe hain maine. isliye jab
koi 'struggler' mujhe milta hai to mujhe takleef hoti
hai, 'empathize' bhi karta hoon, mujhe 'understanding' bhi hai unke
dashaa ki. main kehta hoon ki bahut saara 'patience' lekar aaiyo
yahaan par, kyunki mauke bhi bahut jaldi milenge is zamaane mein
kyunki kaam itna ho raha hai, par kab mauka mile yeh naheen pataa.

MS: jitni chamkeelee duniya dikhti utni hai naheen

KG: haan, aur ek dukh ki baat yeh hai ki hamaara jo 'generation' hai,
hamaare baad ka jo 'generation' hai, bahut utaavlaa hai, bahut hi
utaavla hai, aur yeh hamaare roz marra ki zindagi mein bhi dikhegaa.
jis tarah se koi gaaDi aap ko maarke nikal jaata hai aur 'sorry' tak
naheen kehta. is tarah ka bartaav hai. 'thank you' kehna log bhool
gaye hain. aur kaam ho gaya to nikal paDe. to yeh naheen hai hamaari
sanskriti mein. yeh ham apne 'rules' ko bhool rahe hain, yeh
shikaayat naheen hai, yeh main saamne waale ko bolta hoon lekin main
yeh naheen karta, mere ghar se mujhe aisi seekh naheen milee. to yeh
badtameezee jab main dekhta hoon to saamnewaale ko bolta hoon ki yeh
Theek naheen hai. tu mere saath to kar chuke ho, par ab mere saath
koi vaasta naheen. kal yahi tum apne gharwaalon se karoge. yeh apne
baDon se mat karna. yeh 'strugglers' samjhen ki sonaa tapne ke baad
hi sonaa hota hai. to yeh zaroori hai. 'instant success' 'instant
failure' bhi ban jaati hai. agar itne baDe lekhar hamaare saamne
hain, Javed saahab, Sahir saahab, jo 'stalwarts' huye hain, aur aaj
ke jo hain, Prasoon Joshi, Mehboob saahab, Sameer-ji, to inhe
aap, 'just because' ki aapki soch kuchh alag hai, inko aap koi aira
Gaira na samjhe, yeh apne aap mein 'institutions' hain. tabhi
500 'picture'-en, 1000 'picture'-en kar chuke hain yeh sab.

MS: bahut mehnat hai

KG: bahut mehnat hai, bahut tapasya hai. inki mehnat ko aap yeh na
samjhen ki yeh to ham bhi kar sakte hain. yahaan pe aane ke baad
bahut achchhe achchhon ki seetee gul ho jaati hai.

--------------------------------------
Song: dil na liya dil na diya (Krishh)
--------------------------------------

MS: achchha Kunal-ji, chalte chalte ab yeh bataaiye ki Gayatri-ji ki
aap kitni madad karte hain rasoighar mein, khaane ke alawaa (laughs)?

KG: naheen, 'both of us are working people', to Gayatri ka rasoi
ki 'responsibility' to kabhi hai hi naheen. aur main chaahta bhi
naheen hoon kabhi. kyunki maine 'housewife' se shaadi naheen kee.
kyunki aap ke 'character', aapka swabhaav, aap ka jo 'role' hai
hamaari zindagi mein, woh bahut pehle se hi 'draw' kiya huya hai.
uske alaawa jab hamein kuchh waqt milta hai, usmein agar woh kuchh
banaana chaahti hai to achchha banaati hai, haaalaanki usne kuchh
seekha naheen hai kabhi. man lagaati hai to banaa deti hai.

MS: mauka paDe to aap bhi banaa sakte hain?

KG: arey naheen (MS laughs), kabhi naheen. main kuchh naheen, main
chaai banaa letaa hoon (laughs)

MS: chaliye chaai mil jaayegi, matlab Vividh Bharati ki 'team' ko.

KG: bilkul, naheen naheen naheen, ghar pe bilkul khana banaanewaala
hai (MS keeps on laughing)

MS: chaliye, hamaare shrotaaon ko bahut aanand aaya hogaa yeh
baatchit sunte huye. bahut mazaaiyaah baaten bhi huyi, gambheer
baaten bhi, 'music' se juDee huyi, hamein ummeed hai ki hamaare
shrotaa bahut 'enjoy' karenge is baatchit ko lekar, aur tamam
chiTThiyaan likhenge. Kunal-ji, aapka bahut bahut shukriyaa, lekin
shukriya se pehle ek geet gungunaa deejiye.

KG: zaroor, main bhi pehle Vividh Bharati ka shukriya kehna
chahoonga, aapka aur saare logon ka 'station' par ki itni baar
bulaane par bhi main naheen aa sakaa. bahut achchha yeh sochkar ki
meri aawaaz wahaan tak bhi jaayengi 'radio' par jahaan 'television'
naheen pahunch saktaa, jahaan koi naheen pahunch saktaa siwaay ki
hawaa aur paani ke (laughs)

MS: sahi baat hai, Bhaarat Pakistan seemaa, aur ham log abhi abhi
Rajasthan hokar aaye hain, 'Golden Jubilee' ki 'special recording' ke
liye

KG: 'oh OK!'

MS: to wahaan jaakar pataa chalaa ki unke manoranjan ka koi zariya
naheen hai siwaay Vividh Bharati ke

KG: wowww!

MS: to wahaan tak aapki aawaaz pahunchti hai

KG: 'thank you', to jaate jaate main kya sunaayun, main sunaayunga,
(sings) "aanewaala pal jaanewaala hai, ho sake to ismein zindagi
bitaa do, pal jo yeh jaanewaala hai..."

MS: kya baat hai, bahut achchha lagaa! aur agar inmein se koi film ka
gaana chalte chalte gungunaanaa chaahen, agar aap ko pasand ho,
Dosti, Salaam Namaste, Kya Kool Hain Hum....

KG: (sings) "ek din ek pal uDjaniya.....mil jaa phir hale hanste
hanste, salaam namaste..."

-------------------------------------
Song: salaam namaste (Salaam Namaste)
-------------------------------------

KG: main hoon Kunal Ganjawala, aur Vividh BHarati ke tamaam shrotaaon
ko salaam namaste meri taraf se.

MS: bahut bahut shukriya Kunal-ji, namaskaar

KG: 'thank you', namaskaar!

THE END

Listen to this popular rain song penned by the great poet Amir Khusrau.
one record was released in 1975 of his songs. This song is from that
record and is sung by Krishna Kalle, Dilraj Kaur, Pushpa Pagdhare &
Sudha Malhotra.

Download from Files/Audio Files/VB's Golden Jubilee Celebrations.

Happy listening!!!

Sujoy

Thanks a lot for sharing Kamal-ji's blog. Its great! Please request
him to join this forum as well.

Regards
Sujoy Chatterjee

--- In vividhbharati@..., "hkb1168" <hkb1168@...> wrote:
>
> --- In vividhbharati@..., "web_world29" <sai_ram3@>
> wrote:
> >
> > Hello everybody here.first of all I would like to thank you to
owner of
> > this group.you are bringing my all childhood memory back by
posting all
> > those audio files.i love to hear it even i am living in USA since
many
> > years but i still remeber when i used to listen vividhbharti on
my
> > radio upto late night.wish i can here entire programs with their
> > original signature tunes.thanks for all.regards.
> >
>
>
>
> hello listeners of vividh bharti long waited kamal sharma is now
> available on his blog - http://apkadostkamalsharma.blogspot.com/
>

--- In vividhbharati@..., "web_world29" <sai_ram3@...>
wrote:
>
> Hello everybody here.first of all I would like to thank you to owner of
> this group.you are bringing my all childhood memory back by posting all
> those audio files.i love to hear it even i am living in USA since many
> years but i still remeber when i used to listen vividhbharti on my
> radio upto late night.wish i can here entire programs with their
> original signature tunes.thanks for all.regards.
>



hello listeners of vividh bharti long waited kamal sharma is now
available on his blog - http://apkadostkamalsharma.blogspot.com/

Hi,

The presenter was Lokendra Sharma. He has now retired. He used to be
one of the most popular presenters/producers of VB.

Sujoy

--- In vividhbharati@..., "Kaustubh Pingle"
<kcpingle@...> wrote:
>
> one more angle to the story ( Shailendra getting annoyed with
Dada "*after*"
> the song "Mora Gora Ang" )
>
> !! wow !! never knew that !! who was the presenter ?
>
> kcp
>
>
> On 5/29/08, soojoi_india <soojoi_india@...> wrote:
> >
> >   BIOSCOPE KI BAATEN
> > ------------------
> >
> > Some facts about BANDINI (1963)
> > -------------------------------
> >
> > Broadcast Date: 14 Nov 1997
> > ---------------------------
> >
> > The Gulzar - Shailendra - SDB triangle:
> >
> > As Gulzar was an assistant to Bimal Roy in the early sixties, he
was
> > around during the making of Bandini. One day he showed his
song "mora
> > gora ang lai le" to S D Burman, who was the music director of the
> > film. Burman dada liked the song so much that he got it recorded
in
> > Lata's voice. Everybody liked this new colour of Gulzar except for
> > the official lyricist of the film, Shailendra. He became somewhat
> > annoyed and told S D Burman to get the rest of the songs also
written
> > by Gulzar. He made it clear that either he or Gulzar writes the
songs
> > and that S D Burman has to choose any one between them. S D Burman
> > could not think of leaving Shailendra, hence, Gulzar was the odd
man
> > out. And only one song of Gulzar found place in the film.
> >
> > The Recording of "o jaanewaale ho sake to":
> >
> > The recording of the song "o jaanewaale ho sake to lauT ke aana"
was
> > about to start. Laxmikant was sitting with the mandolin, Pyarelal
was
> > sitting with the violin, Hari Prasad Chaurasia was the flutist,
and
> > as an assistant to S D Burman present was his son Pancham, that
is,
> > Rahul Dev Burman. Pancham was insisting upon including Manohari's
> > saxophone in this song. But Sachin-da was against the idea. When
> > Pancham continued to argue over and over again, Sachin-da got
angry,
> > stood up and left the recording studio. Pancham, with his own
> > approval, got the song recorded. When S D Burman did not return
even
> > after a long time, people present there began to look for him. He
was
> > roaming in the backyard of the studio. He was called inside. He
came
> > and a happy Pancham wanted to make him listen to what he has got
> > recorded. But recordist Kaushik said that the song was never
recorded
> > and that he was just doing the rehearsals. Pancham kept looking at
> > Kaushik's face. Then it happenned that was destined to. As per
Dada
> > Burman's will, the song got recorded and what beautifully it got
> > recorded!
> >
> >
> >
>
>
>
> --
> http://www.brahmanandsingh.com/RDB.htm
>