well done sujoy!!! great to read abt such lesser known artistes. do
post about composers like vinod, nisar bazmi, ajit merchant etc

mandar

--- In vividhbharati@..., "soojoi_india"
<soojoi_india@...> wrote:
>
> VBLC SANGEET KE SITAARE
> -----------------------
>
> EPISODE 5: SHANKAR DASGUPTA
> ---------------------------
>
> namaskaar! VBLC Sangeet Ke Sitaare ki paanchvi kaDee mein aapka
bahut
> bahut swaagat hai. phir ek baar ham haazir hain, phir ek bahut hi
> anooThe sitaare ki sangeet yaatra lekar. doston, hamein poora
> vishvaas hai ki jaise hi ham aaj ke is sitare ka naam aapko
> bataayenge, aap mein se woh shrotaa jo guzre zamaane ke anmol aur
> behad durlabh, yaani ki 'rare' geeton ke shaukeen hain, woh Khushi
se
> jhoom uThenge. jee haan, aaj ke is kaaryakram mein hamne shaamil
kiya
> hai ek gaayak ko. puraane filmi geeton ke chaahnewaalon ke liye yeh
> gaayak anjaan naheen hain aur agar ham inka koi geet bajaayenge to
> hamaara Khayaal hai aap inhe pehchaan bhi lenge, lekin aaj ki
peeDhee
> ke kuchh naujawaan shrotaaon ke liye yeh naam shaayad jaani
pehchaani
> na ho, to unke liye ham bataa dete hain ki hamaare aaj ke Sangeet
Ke
> Sitaare hain guzre zamaane ke paarshwa-gaayak Shankar Dasgupta.
>
> -----------------------------------------
> Song: ajeeb hai zindagi ki manzil (Akash)
> -----------------------------------------
>
> film sangeet ke sunehre daur ke gaayakon ki jab baat chalti hai to
jo
> naam yakaayak zubaan pe aa jaati hai woh hain Mukesh, Mohd Rafi,
> Talat Mahmood, Kishore Kumar, Manna Dey, Hemant Kumar, Mahendra
> Kapoor. lekin inke alaawaa bhi film sangeet ke sunehre daur ne kai
> aise gaayak gaayikaaon se hamaara parichay karwaaya hai jinke geet
> sankhyaa mein bahut zyaada naheen hai aur na hi inhone bahut lambi
> paari khelee hai, lekin film sangeet ke vishaal Khazaane ko
samriddha
> karne mein inka yogdaan apni jagah mahatwa rakhta hai. aur aise hi
> kuchh kamcharchit gaayak kalaakaaron mein ek naam aata hai Shankar
> Dasgupta ka.
>
> -----------------------------------------------------------
> Song: kisi ka deep jalta hai kisi ka deep bujhta hai (Didi)
> -----------------------------------------------------------
>
> doston, hamaare is kaaryakram ki Khaaseeyat hai ki ham ismein aise
> kalaakaaron ko shaamil karte hain jo bahut zyaada naamcheen naheen
> hain. zaahir hai ki aise kamcharchit fankaaron ke baare mein
> jaankaariyan ikaTTha karna aasaan kaam naheen hai. phir bhi yahaan
> wahaan se, jaane kahaan kahaan se, hamne koshish kee hai ki in
> fankaaron ke baare mein zyaada se zyaada tathya aap tak pahunchaaya
> jaaye. aur aaj ham DhoonD laaye hain gaayak Shankar Dasgupta aur
unke
> sangeet safar se juDee huyi baaten. sabse pehle to ham aapko yeh
> bataa den ki Shankar Dasgupta ka janm san 1927 mein huya tha. 20
saal
> ki umra mein, 1946 mein, unka pehla filmi geet 'record' huya Bombay
> Talkies ki film Milan mein jiske sangeetkaar the Anil Biswas. un
dino
> Shankar Dasgupta Anil Biswas ke sahaayak huya karte the. leejiye
> suniye P L Santoshi ka likha film Milan ka yeh geet Shankar
Dasgupta
> ki aawaaz mein.
>
> -------------------------------------
> Song: upar hai baadariya kori (Milan)
> -------------------------------------
>
> isi saal, yaani 1946 mein hi Shankar Dasgupta ne ek aur film mein
> geet gaaya. yeh film thi S M Yusuf dwaara nirdeshit film Durban
jiske
> sangeetkaar the Gulshan Sufi. is film mein Shankar Dasgupta ne
> Binapani Mukherjee aur Kaushalya jaisi gaayikaaon ke saath gaane
> gaaye the. 1946 se lekar 1968 ke beech Shankar dasgupta ne kareeb
> kareeb 35/36 filmon mein geet gaaye. 1948 mein unhe kul 6 filmon
mein
> gaane ka mauka mila. yeh filmen theen Anjana, Didi, Huya Savera,
Hum
> Bhi Insan Hain, Raambaan, aur Sajan Ka Ghar. in 6 filmon mein 6
alag
> alag sangeetkaar the. Anjana mein D C Dutt, Didi mein Mukund
> Masurekar, Huya Savera mein Gyan Dutt, Hum Bhi Insaan Hain mein H P
> Das aur Manna Dey, Raambaan mein Shankarrao Vyas, aur film Sajan Ka
> Ghar ke sangeetkaar the K S Sagar. Alka Pictures ke 'banner' tale
> bani film Anjana mein gaane likhe the geetkaar Vishwamiyra Adil ne
> aur Shankar Dasgupta ne gaaya tha yeh geet.
>
> ------------------------------------
> Song: ab kis nagri jaaun re (Anjana)
> ------------------------------------
>
> yun to '46 aur '48 ke beech Shankar dasgupta ne 8 filmon mein gaane
> gaaye, lekin unhe koi Khaas kaamyaabi naheen mili aur na hi kisi ne
> unki taraf dhyaan diya. lekin 1949 ka saal unke liye Khushiyon ka
> paiGaam le aaya jab unhe Anil Biswas ne Dev Anand - Suraiyya
abhineet
> film Jeet mein gaane ka avsar diya. yun to is film mein gaayikaaon
ka
> hi dabdabaa raha aur is film ke lagbhag sabhi gaane Suraiyya, Geeta
> Roy aur Lata Mangeshkar ne gaaye. lekin is film ka sabse lokapriya
> geet Prem Dhawan ka likha huya ek yugal geet tha jismein aawaazen
> theen Suraiyya aur Shankar Dasgupta ki.
>
> ------------------------------------------
> Song: chaahe kitni kaTheen Dagar ho (Jeet)
> ------------------------------------------
>
> isi saal Shankar Dasgupta ko Lata Mangeshkar ke saath bhi yugal
geet
> gaane ka mauka mila Amiya Chakraborty ki film Girls School mein. is
> film mein ek baar phir Anil Biswas ka sangeet tha aur saath mein
the
> C Ramchandra bhi. Lata aur Shankar Dasgupta ka gaaya yeh geet ek
> behad durlabh aur anmol moti hai jiski keemat sirf wohi lagaa sakta
> hai jo us daur ke sangeet ki mahatta aur guNvatta ko samajhta ho.
> achchhe bol aur sureele sangeet ke sudhi shrotaaon ke dil ki
vaadiyon
> mein is geet ki tarangen kahin na kahin zaroor goonj rahe honge,
aur
> aaj yeh geet phir se ek baar bahut dino ke baad sunkar aapke man ki
> vaadiyon mein lambe samay tak phir se goonja karegaa, aisa hamaara
> vishvaas hai.
>
> --------------------------------------------------------
> Song: baar baar tum soch rahi ho man mein (Girls School)
> --------------------------------------------------------
>
> doston, beete huye zamaane ke yeh durlabh naGhmen aaj bhi utne hi
pur-
> asar hain jitne us zamaane mein huya karte the. waqt ke saath saath
> yeh gaane hamein aajkal kam zaroor sunne ko milte hain, lekin jab
bhi
> milte hain dil jhoom uThta hai, ek alag hi duniya mein hamein le
> jaata hai. 1948 mein Sohrab Modi ki Minerva Movietone ke 'banner'
> tale ek film bani Daulat, jiske mukhya kalaakaar the Mahipal aur
> Madhubala. Hanuman Prasad ka sangeet tha aur is film mein gaane
likhe
> Qamar Jalalabadi ne. Suraiyya aur Lata Mangeshkar ke baad, Shankar
> Dasgupta ke yugal geeton ki agli kaDee pesh hai Zohrabai Ambalewali
> ke saath, film Daulat ka yeh naGhmaa...
>
> -----------------------------------------------
> Song: tum ek nazar dekh chuke ek nazar (Daulat)
> -----------------------------------------------
>
> 1950 mein ek film ban rahi thi Jaan Pehchan jiske sangeetkaar the
> Khemchand Prakash. lekin 10 August ko unki achaanak mrityu ho gayi
> aur is film ka sangeet poora kiya Manna Dey saahab ne. is film mein
> Geeta Roy aur Talat Mahmood ka gaaya huya ek yugal geet "armaan
bhare
> dil ki lagan tere liye hai" bahut mashoor huya tha. aur saath hi
> kaamyaab raha Shankar Dasgupta ka gaaya yeh dard bhara naGhmaa...
>
> -----------------------------------------------
> Song: dukh se bhara huya hai dil (Jaan Pehchan)
> -----------------------------------------------
>
> sangeetkaar Anil Biswas ke liye Shankar Dasgupta ne samay samay par
> kai filmon mein geet gaaye. inmein se kaiyon ka zikr to ham is
> kaaryakram mein kar hi chuke hain, jaise ki Milan, Jeet aur Girls
> School. san 1952 mein Akash aur Doraha, aur 1953 mein Mehman jaisi
> filmon mein in dono ka saath raha. film Doraha mein Anil Biswas ki
> patni aur gaayika Meena Kapoor ke saath Shankar Dasgupta ne ek
yugal
> gaaya tha jo kaafi lokapriya huya tha. sunwaate hain aapko wohi
gaana.
>
> ------------------------------------------------
> Song: tera mera mera tera pyaar ho gaya (Doraha)
> ------------------------------------------------
>
> Anil Biswas ke alaawaa un dino sangeetkaar Bulo C Rani ke wahaan
bhi
> Shankar Dasgupta kai filmon mein gaa rahe the, jaise ki 1952 mein
> Izzat, 1953 mein Gul Sanobar, aur Husn Ka Chor, aur 1960 mein
Return
> of Mr Superman. 1953 ka saal Shankar Dasgupta ke liye Khaas hai
> kyunki is saal sangeetkaar Madan Mohan ne unse gawaaya tha film
Baghi
> mein. samay samay par kai sangeetkaaron ne unse kuchh geet gawaaye
> lekin unhe bahut zyaada kaamyaabi kabhi haasil naheen huyi. unki
> Hindi film sangeet ki kashti hameshaa toofaano se ghiri hi rahi,
aur
> ek safal aur kaamyaab paarshwa-gaayak banne ka sapnaa ek sapnaa hi
> reh gaya.
>
> ------------------------------------------
> Song: toofaanon se khele meri naaw (Baghi)
> ------------------------------------------
>
> kahaa jaata hai ki Kishore Kumar aur Shankar Dasgupta achchhe dost
> huya karte the. san 1954 mein jab Bimal Roy ne film Naukri banaaee,
> aur Kishore Kumar ne is film mein naayak ki bhoomika adaa kee. is
> film mein Kishore Kumar aur Shankar Dasgupta ne saath milkar is
film
> ka shirshak geet gaaya tha. yeh geet ham aapko thoDi hi der mein
> sunwaa rahe hain, lekin usse pehle ham aapko yeh bataana chaahenge
ki
> Kishore Kumar ne jab 1981 mein film banaaee Chalti Ka Naam Zindagi,
> film ka nirdeshan aur sangeet nirdeshan bhi unhone hi kiya tha, aur
> unhone hi is film mein mukhya bhoomikaa adaa kee thi apne bhaaiyon
> yaani ki Ashok Kumar aur Anup Kumar ke saath. aur is film mein
unhone
> Shankar Dasgupta se gaane gawaaye the. baharhaal sunte hain film
> Naukri ka shirshak geet aur samarpit karte hain yeh geet Kishore
> Kumar aur Shankar Dasgupta ke dosti ke naam!
>
> ---------------------------------------------------------
> Song: ek chhoTi si naukri ka talabgaar hoon main (Naukri)
> ---------------------------------------------------------
>
> Shankar Dasgupta ki pratibhaa sirf gaayiki tak hi seemeet naheen
> rahi. jaisa ki ham aapko pehli bhi bataa chuke hain ki gaayak banne
> se pehle se hi woh sangeetkaar Anil Biswas ke yahaan sahaayak ke
roop
> mein kaam kar rahe the. shaayad ek sangeetkaar banne ki chaahat
unki
> waheen se shuru huyi hogi. gaayak to woh the hi, sangeet aur saazon
> ki bhi pehchaan thi, atah san 1954 mein we utre sangeet nirdeshan
ke
> kshetra mein and unke sangeet se sajee do filmen aayeen is saal -
> Asiatic Pictures ke 'banner' tale bani film Sadma aur Manohar Films
> ke 'banner' tale bani film Sheeshe Ki Deewar. phir ek baar Shankar
> Dasgupta ki kismat ne unka saath naheen diya. unke sangeet se sajee
> yeh dono filmen kuchh Khaas naheen chalee aur na hi inka sangeet
koi
> kamaal kar sakaa.
>
> ----------------------------------------------------------------
> Song: karke majboor kahaan laayi hai taqdeer (Sheeshe Ki Deewar)
> ----------------------------------------------------------------
>
> 1957 mein unhone ek aur film mein sangeet diya, woh film thi Pehli
> Mulaqat, aur yeh film bhi naheen chalee. iske baad Shankar Dasgupta
> ne kisi Hindi film mein sangeet naheen diya. waapas aate hain unki
> gaayiki par. 1960 ki ek mashoor film rahi hai Dil Bhi Tera Hum Bhi
> Tere. navodit sangeetkaar joDee Kalyanji Anandji ke sangeet ne is
> film ko kaamyaabi ki roshni dikhaayi. Mukesh ne is film mein kuchh
> laajawaab geet gaaye. isi film mein Shankar Dasgupta ko bhi ek geet
> gaane ka mauka mila tha. sunna chaahenge woh geet?
>
> ----------------------------------------------------------
> Song: aaj iski hai to kal uski (Dil Bhi Tera Hum Bhi Tere)
> ----------------------------------------------------------
>
> 1960 ke baad Shankar Dasgupta jaise Gaayab hi ho gaye. kai saal
baad
> 1968 mein sangeetkaar O P Nayyar ne unhe ek geet mein gaane ka
avsar
> diya. haalaanki Kahin Din Kahin Raat film ka yeh ek samooh geet tha
> jismein aur bhi kai aawaazen theen jaise ki Asha Bhosle, Mahendra
> Kapoor aur Badri Pawar ki. inke saath saath Shankar Dasgupta ne bhi
> apni aawaaz milaaee
>
> ------------------------------------------------------------
> Song: jab aa hi gaye hain dar pe tere (Kahin Din Kahin Raat)
> ------------------------------------------------------------
>
> film sangeet ke sunehre daur mein Shankar Dasgupta ka gaaya huya
yahi
> aaKhri gaana tha. iske baad, jaisa ki hamne aapko pehle bataaya
tha,
> 1981 mein Kishore Kumar ki film Chalti Ka Naam Zindagi mein unhone
> gaaya. Shankar Dasgupta Hindi filmon mein bataur paarshwa-gaayak
> zyaada naam naheen kamaa sake, lekin woh ek bahut achchhe Gazal
> gaayak bhi the. Bangla sangeet mein bhi unka yogdaan raha hai
bataur
> gaayak aur sangeetkaar. Shankar Dasgupta ne naaa to apne sangeet
> safar mein bahut lambi paari khelee aur na hi apni zindagi mein. 65
> varsh ki aayu mein ek dukhad 'train accident' mein woh is jahaan-e-
> faani se kooch kar gaye. woh dukhad din tha 23 January 1992.
>
> -------------------------------------
> Song: maaTee mein mil jaana (Adhikar)
> -------------------------------------
>
> VBLC Sangeet Ke Sitaare mein aaj hamne aapka parichay karwaaya
gaayak
> aur sangeetkaar Shankar Dasgupta se aur unke geet sangeet se.  agli
> baar kisi aur aise hi kamcharchit fankaar ki sangeet yaatra lekar
ham
> phir ek baar haazir honge, tab tak ke liye deejiye ijaazat,
namaskaar!
>
> THE END
>

VBLC SANGEET KE SITAARE
-----------------------

EPISODE 5: SHANKAR DASGUPTA
---------------------------

namaskaar! VBLC Sangeet Ke Sitaare ki paanchvi kaDee mein aapka bahut
bahut swaagat hai. phir ek baar ham haazir hain, phir ek bahut hi
anooThe sitaare ki sangeet yaatra lekar. doston, hamein poora
vishvaas hai ki jaise hi ham aaj ke is sitare ka naam aapko
bataayenge, aap mein se woh shrotaa jo guzre zamaane ke anmol aur
behad durlabh, yaani ki 'rare' geeton ke shaukeen hain, woh Khushi se
jhoom uThenge. jee haan, aaj ke is kaaryakram mein hamne shaamil kiya
hai ek gaayak ko. puraane filmi geeton ke chaahnewaalon ke liye yeh
gaayak anjaan naheen hain aur agar ham inka koi geet bajaayenge to
hamaara Khayaal hai aap inhe pehchaan bhi lenge, lekin aaj ki peeDhee
ke kuchh naujawaan shrotaaon ke liye yeh naam shaayad jaani pehchaani
na ho, to unke liye ham bataa dete hain ki hamaare aaj ke Sangeet Ke
Sitaare hain guzre zamaane ke paarshwa-gaayak Shankar Dasgupta.

-----------------------------------------
Song: ajeeb hai zindagi ki manzil (Akash)
-----------------------------------------

film sangeet ke sunehre daur ke gaayakon ki jab baat chalti hai to jo
naam yakaayak zubaan pe aa jaati hai woh hain Mukesh, Mohd Rafi,
Talat Mahmood, Kishore Kumar, Manna Dey, Hemant Kumar, Mahendra
Kapoor. lekin inke alaawaa bhi film sangeet ke sunehre daur ne kai
aise gaayak gaayikaaon se hamaara parichay karwaaya hai jinke geet
sankhyaa mein bahut zyaada naheen hai aur na hi inhone bahut lambi
paari khelee hai, lekin film sangeet ke vishaal Khazaane ko samriddha
karne mein inka yogdaan apni jagah mahatwa rakhta hai. aur aise hi
kuchh kamcharchit gaayak kalaakaaron mein ek naam aata hai Shankar
Dasgupta ka.

-----------------------------------------------------------
Song: kisi ka deep jalta hai kisi ka deep bujhta hai (Didi)
-----------------------------------------------------------

doston, hamaare is kaaryakram ki Khaaseeyat hai ki ham ismein aise
kalaakaaron ko shaamil karte hain jo bahut zyaada naamcheen naheen
hain. zaahir hai ki aise kamcharchit fankaaron ke baare mein
jaankaariyan ikaTTha karna aasaan kaam naheen hai. phir bhi yahaan
wahaan se, jaane kahaan kahaan se, hamne koshish kee hai ki in
fankaaron ke baare mein zyaada se zyaada tathya aap tak pahunchaaya
jaaye. aur aaj ham DhoonD laaye hain gaayak Shankar Dasgupta aur unke
sangeet safar se juDee huyi baaten. sabse pehle to ham aapko yeh
bataa den ki Shankar Dasgupta ka janm san 1927 mein huya tha. 20 saal
ki umra mein, 1946 mein, unka pehla filmi geet 'record' huya Bombay
Talkies ki film Milan mein jiske sangeetkaar the Anil Biswas. un dino
Shankar Dasgupta Anil Biswas ke sahaayak huya karte the. leejiye
suniye P L Santoshi ka likha film Milan ka yeh geet Shankar Dasgupta
ki aawaaz mein.

-------------------------------------
Song: upar hai baadariya kori (Milan)
-------------------------------------

isi saal, yaani 1946 mein hi Shankar Dasgupta ne ek aur film mein
geet gaaya. yeh film thi S M Yusuf dwaara nirdeshit film Durban jiske
sangeetkaar the Gulshan Sufi. is film mein Shankar Dasgupta ne
Binapani Mukherjee aur Kaushalya jaisi gaayikaaon ke saath gaane
gaaye the. 1946 se lekar 1968 ke beech Shankar dasgupta ne kareeb
kareeb 35/36 filmon mein geet gaaye. 1948 mein unhe kul 6 filmon mein
gaane ka mauka mila. yeh filmen theen Anjana, Didi, Huya Savera, Hum
Bhi Insan Hain, Raambaan, aur Sajan Ka Ghar. in 6 filmon mein 6 alag
alag sangeetkaar the. Anjana mein D C Dutt, Didi mein Mukund
Masurekar, Huya Savera mein Gyan Dutt, Hum Bhi Insaan Hain mein H P
Das aur Manna Dey, Raambaan mein Shankarrao Vyas, aur film Sajan Ka
Ghar ke sangeetkaar the K S Sagar. Alka Pictures ke 'banner' tale
bani film Anjana mein gaane likhe the geetkaar Vishwamiyra Adil ne
aur Shankar Dasgupta ne gaaya tha yeh geet.

------------------------------------
Song: ab kis nagri jaaun re (Anjana)
------------------------------------

yun to '46 aur '48 ke beech Shankar dasgupta ne 8 filmon mein gaane
gaaye, lekin unhe koi Khaas kaamyaabi naheen mili aur na hi kisi ne
unki taraf dhyaan diya. lekin 1949 ka saal unke liye Khushiyon ka
paiGaam le aaya jab unhe Anil Biswas ne Dev Anand - Suraiyya abhineet
film Jeet mein gaane ka avsar diya. yun to is film mein gaayikaaon ka
hi dabdabaa raha aur is film ke lagbhag sabhi gaane Suraiyya, Geeta
Roy aur Lata Mangeshkar ne gaaye. lekin is film ka sabse lokapriya
geet Prem Dhawan ka likha huya ek yugal geet tha jismein aawaazen
theen Suraiyya aur Shankar Dasgupta ki.

------------------------------------------
Song: chaahe kitni kaTheen Dagar ho (Jeet)
------------------------------------------

isi saal Shankar Dasgupta ko Lata Mangeshkar ke saath bhi yugal geet
gaane ka mauka mila Amiya Chakraborty ki film Girls School mein. is
film mein ek baar phir Anil Biswas ka sangeet tha aur saath mein the
C Ramchandra bhi. Lata aur Shankar Dasgupta ka gaaya yeh geet ek
behad durlabh aur anmol moti hai jiski keemat sirf wohi lagaa sakta
hai jo us daur ke sangeet ki mahatta aur guNvatta ko samajhta ho.
achchhe bol aur sureele sangeet ke sudhi shrotaaon ke dil ki vaadiyon
mein is geet ki tarangen kahin na kahin zaroor goonj rahe honge, aur
aaj yeh geet phir se ek baar bahut dino ke baad sunkar aapke man ki
vaadiyon mein lambe samay tak phir se goonja karegaa, aisa hamaara
vishvaas hai.

--------------------------------------------------------
Song: baar baar tum soch rahi ho man mein (Girls School)
--------------------------------------------------------

doston, beete huye zamaane ke yeh durlabh naGhmen aaj bhi utne hi pur-
asar hain jitne us zamaane mein huya karte the. waqt ke saath saath
yeh gaane hamein aajkal kam zaroor sunne ko milte hain, lekin jab bhi
milte hain dil jhoom uThta hai, ek alag hi duniya mein hamein le
jaata hai. 1948 mein Sohrab Modi ki Minerva Movietone ke 'banner'
tale ek film bani Daulat, jiske mukhya kalaakaar the Mahipal aur
Madhubala. Hanuman Prasad ka sangeet tha aur is film mein gaane likhe
Qamar Jalalabadi ne. Suraiyya aur Lata Mangeshkar ke baad, Shankar
Dasgupta ke yugal geeton ki agli kaDee pesh hai Zohrabai Ambalewali
ke saath, film Daulat ka yeh naGhmaa...

-----------------------------------------------
Song: tum ek nazar dekh chuke ek nazar (Daulat)
-----------------------------------------------

1950 mein ek film ban rahi thi Jaan Pehchan jiske sangeetkaar the
Khemchand Prakash. lekin 10 August ko unki achaanak mrityu ho gayi
aur is film ka sangeet poora kiya Manna Dey saahab ne. is film mein
Geeta Roy aur Talat Mahmood ka gaaya huya ek yugal geet "armaan bhare
dil ki lagan tere liye hai" bahut mashoor huya tha. aur saath hi
kaamyaab raha Shankar Dasgupta ka gaaya yeh dard bhara naGhmaa...

-----------------------------------------------
Song: dukh se bhara huya hai dil (Jaan Pehchan)
-----------------------------------------------

sangeetkaar Anil Biswas ke liye Shankar Dasgupta ne samay samay par
kai filmon mein geet gaaye. inmein se kaiyon ka zikr to ham is
kaaryakram mein kar hi chuke hain, jaise ki Milan, Jeet aur Girls
School. san 1952 mein Akash aur Doraha, aur 1953 mein Mehman jaisi
filmon mein in dono ka saath raha. film Doraha mein Anil Biswas ki
patni aur gaayika Meena Kapoor ke saath Shankar Dasgupta ne ek yugal
gaaya tha jo kaafi lokapriya huya tha. sunwaate hain aapko wohi gaana.

------------------------------------------------
Song: tera mera mera tera pyaar ho gaya (Doraha)
------------------------------------------------

Anil Biswas ke alaawaa un dino sangeetkaar Bulo C Rani ke wahaan bhi
Shankar Dasgupta kai filmon mein gaa rahe the, jaise ki 1952 mein
Izzat, 1953 mein Gul Sanobar, aur Husn Ka Chor, aur 1960 mein Return
of Mr Superman. 1953 ka saal Shankar Dasgupta ke liye Khaas hai
kyunki is saal sangeetkaar Madan Mohan ne unse gawaaya tha film Baghi
mein. samay samay par kai sangeetkaaron ne unse kuchh geet gawaaye
lekin unhe bahut zyaada kaamyaabi kabhi haasil naheen huyi. unki
Hindi film sangeet ki kashti hameshaa toofaano se ghiri hi rahi, aur
ek safal aur kaamyaab paarshwa-gaayak banne ka sapnaa ek sapnaa hi
reh gaya.

------------------------------------------
Song: toofaanon se khele meri naaw (Baghi)
------------------------------------------

kahaa jaata hai ki Kishore Kumar aur Shankar Dasgupta achchhe dost
huya karte the. san 1954 mein jab Bimal Roy ne film Naukri banaaee,
aur Kishore Kumar ne is film mein naayak ki bhoomika adaa kee. is
film mein Kishore Kumar aur Shankar Dasgupta ne saath milkar is film
ka shirshak geet gaaya tha. yeh geet ham aapko thoDi hi der mein
sunwaa rahe hain, lekin usse pehle ham aapko yeh bataana chaahenge ki
Kishore Kumar ne jab 1981 mein film banaaee Chalti Ka Naam Zindagi,
film ka nirdeshan aur sangeet nirdeshan bhi unhone hi kiya tha, aur
unhone hi is film mein mukhya bhoomikaa adaa kee thi apne bhaaiyon
yaani ki Ashok Kumar aur Anup Kumar ke saath. aur is film mein unhone
Shankar Dasgupta se gaane gawaaye the. baharhaal sunte hain film
Naukri ka shirshak geet aur samarpit karte hain yeh geet Kishore
Kumar aur Shankar Dasgupta ke dosti ke naam!

---------------------------------------------------------
Song: ek chhoTi si naukri ka talabgaar hoon main (Naukri)
---------------------------------------------------------

Shankar Dasgupta ki pratibhaa sirf gaayiki tak hi seemeet naheen
rahi. jaisa ki ham aapko pehli bhi bataa chuke hain ki gaayak banne
se pehle se hi woh sangeetkaar Anil Biswas ke yahaan sahaayak ke roop
mein kaam kar rahe the. shaayad ek sangeetkaar banne ki chaahat unki
waheen se shuru huyi hogi. gaayak to woh the hi, sangeet aur saazon
ki bhi pehchaan thi, atah san 1954 mein we utre sangeet nirdeshan ke
kshetra mein and unke sangeet se sajee do filmen aayeen is saal -
Asiatic Pictures ke 'banner' tale bani film Sadma aur Manohar Films
ke 'banner' tale bani film Sheeshe Ki Deewar. phir ek baar Shankar
Dasgupta ki kismat ne unka saath naheen diya. unke sangeet se sajee
yeh dono filmen kuchh Khaas naheen chalee aur na hi inka sangeet koi
kamaal kar sakaa.

----------------------------------------------------------------
Song: karke majboor kahaan laayi hai taqdeer (Sheeshe Ki Deewar)
----------------------------------------------------------------

1957 mein unhone ek aur film mein sangeet diya, woh film thi Pehli
Mulaqat, aur yeh film bhi naheen chalee. iske baad Shankar Dasgupta
ne kisi Hindi film mein sangeet naheen diya. waapas aate hain unki
gaayiki par. 1960 ki ek mashoor film rahi hai Dil Bhi Tera Hum Bhi
Tere. navodit sangeetkaar joDee Kalyanji Anandji ke sangeet ne is
film ko kaamyaabi ki roshni dikhaayi. Mukesh ne is film mein kuchh
laajawaab geet gaaye. isi film mein Shankar Dasgupta ko bhi ek geet
gaane ka mauka mila tha. sunna chaahenge woh geet?

----------------------------------------------------------
Song: aaj iski hai to kal uski (Dil Bhi Tera Hum Bhi Tere)
----------------------------------------------------------

1960 ke baad Shankar Dasgupta jaise Gaayab hi ho gaye. kai saal baad
1968 mein sangeetkaar O P Nayyar ne unhe ek geet mein gaane ka avsar
diya. haalaanki Kahin Din Kahin Raat film ka yeh ek samooh geet tha
jismein aur bhi kai aawaazen theen jaise ki Asha Bhosle, Mahendra
Kapoor aur Badri Pawar ki. inke saath saath Shankar Dasgupta ne bhi
apni aawaaz milaaee

------------------------------------------------------------
Song: jab aa hi gaye hain dar pe tere (Kahin Din Kahin Raat)
------------------------------------------------------------

film sangeet ke sunehre daur mein Shankar Dasgupta ka gaaya huya yahi
aaKhri gaana tha. iske baad, jaisa ki hamne aapko pehle bataaya tha,
1981 mein Kishore Kumar ki film Chalti Ka Naam Zindagi mein unhone
gaaya. Shankar Dasgupta Hindi filmon mein bataur paarshwa-gaayak
zyaada naam naheen kamaa sake, lekin woh ek bahut achchhe Gazal
gaayak bhi the. Bangla sangeet mein bhi unka yogdaan raha hai bataur
gaayak aur sangeetkaar. Shankar Dasgupta ne naaa to apne sangeet
safar mein bahut lambi paari khelee aur na hi apni zindagi mein. 65
varsh ki aayu mein ek dukhad 'train accident' mein woh is jahaan-e-
faani se kooch kar gaye. woh dukhad din tha 23 January 1992.

-------------------------------------
Song: maaTee mein mil jaana (Adhikar)
-------------------------------------

VBLC Sangeet Ke Sitaare mein aaj hamne aapka parichay karwaaya gaayak
aur sangeetkaar Shankar Dasgupta se aur unke geet sangeet se.  agli
baar kisi aur aise hi kamcharchit fankaar ki sangeet yaatra lekar ham
phir ek baar haazir honge, tab tak ke liye deejiye ijaazat, namaskaar!

THE END

Standing with the country and the countrymen in this worst ever terror attacks
and as a mark of tribute to the departed souls, Vividh Bharati has cancelled all
entertaining progs today. Devotional, philosophical and sad songs from films are
being aired.

THE MAKING OF "EK CHAMELI KE MANDVE TALE"
-----------------------------------------

Source: BIOSCOPE KI BAATEN - CHA CHA CHA


"ek chameli ke manDve tale", is rumaani geet ko sunte hi shaayar
Makhdoom Mohiuddin ki yaad aa jaati hai. yeh geet asal mein unki ek
mashoor nazm hai. Makhdoom saahab 3 February 1908 ko Andhra Pradesh
ke shahar Medak mein paida huye the, aur 25 August 1969 ke din Delhi
mein is jahaan-e-faani se ruKhsat ho gaye. is nazm ki ek dilchasp
baat yeh hai ki nirmaata nirdeshak Raj Khosla ne Makhdoom saahab se
isey sirf 600 rupay nazraane ke ehwaz mein le rakha tha, lekin woh
apni kisi film mein iska istemaal naheen kar paa rahe the. ek 'party'
mein unki mulaaqaat abhinetaa Chandrashekhar se huyi. Chandrashekhar
un dino film Cha Cha Cha banaa rahe the. Raj Khosla saahab ne salaah
dee ki yadi is rumaani nazm ko is 'musical film' ke saath joD diya
jaaye, to behad faayda hoga, kyunki film Cha Cha Cha sangeetkaar
Iqbal Qureshi ki film thi aur Iqbal Qureshi ne is nazm ki pehle se hi
dhun banaa rakhi thi, isliye baat ban gayi. aur parde par yeh nazm
Saleem aur Anaarkali ke taareeKhee kirdaaron par filmaayi gayi. yeh
kirdaar 'imagination' mein Chandrashekhar aur Helen ne nibhaaye.

fauji bhaaiyon, aapki Khidmat mein Nusrat Badr ka aadaab, namashkaar,
satsriakaal! meri Khushkismatee hai ki main pehli baar apki Khidmat
mein haazir huya hoon. main jaantaa hoon ki aap kitni mehnat
mashakkat ke saath sarhad par tanhaa laDte hain aur uski hifaazat
karte hain, desh ki hifaazat karte hain. ham logon ka jo farz hai,
kartavya hai, woh ham laDke yaa jang karke to naheen kar sakte hain,
lekin kalam ke zariye karte hain. aapki Khidmat mein main apna ek
sher pesh karta hoon, kahaa hai ki "lahoo bhi ghol ke rakhta hoon
roshnaaee mein, lahoo bhi ghol ke rakhta hoon roshnaaee mein, kalam
ki nok se dushman ko maat deta hoon", aur main chaahta hoon ki aap
dushmanon ko nast-o-naabhoot kar den, aur har taraf Khush-haali ho.
aur Khush-haali ke liye Khoobsoorti bhi zaroori hai aur Khoobsoorti
ke liye Khoobsoorat 'heroine' ki bhi zaroorat hoti hai.
Khoobsoorat 'heroine' ka zikr aaye aur Aishwarya Rai ka na aaye
yeh 'possible' naheen hai, to main apni pehli film Devdas ka "woh
chaand jaisi laDkee mere dil mein aa rahi hai" aapki Khidmat mein
pesh karta hoon.

Song: woh chaand jaisi laDkee (Devdas)


fauji bhaaiyon, main ummeed karta hoon ki aapko 'radio' ke maadhyam
se, zariye se, Aishwarya ki chhavi bilkul saamne aa gayi hogi aur
gaana pasand aaya hoga! lekin ab chalte hain phir usi raah pe, un
raaston pe, jahaan se aap guzarte hain. jee haan, mera matlab hai
film Deewaar ka ek gaana, jahaan mere fauji bhaai mere desh ke liye
jang karte hain, gaane ke bol hain ke "chaliye ve chaliye watan mere
yaara, leke aayi hain hawaayen yeh ishaara, phir se ubhri hain
tasveeren, baandhengi kya yeh zanjeeren, mere apno ne mujhe hai
pukaara, chaliye ve chaliye watan mere yaara". is jazbaat ke saath
main chaahta hoon ki yeh gaana aap mera na samajhke, apna samajhkar
apne bhaaiyon ko, baheno ko, maataaon ko, bachchon ko yaad karen.

Song: chaliye ve chaliye watan mere yaara (Deewaar)


fauji bhaaiyon, main phir aapki Khidmat mein haazir ho gaya hoon, ek
Deewaangee film ka gaana lekar, jiske bol hain "ishq Khataa hai, ishq
sazaa hai, haan ishq se phir bhi kaun bachaa hai". ishq bhi ajeeb
cheez hoti hai, yeh kisi doshizaa se ho, mera matlab hai ki kisi
laDkee se ho, yaa desh se ho, lekin jab desh se hota hai to samajh
leejiye ki woh sabse Khoobsoorat ishq hota hai. mujhe behad Khushi
hai ki aap apne desh se is qadar mohabbat karte hain ke wahaan pe
rehkar tamaam jang karte hain, lekin jang se behetar hota hai aman.
main yeh bhi duyaa karta hoon ke aap hifaazat to zaroor karen lekin
aman barqaraar rahe, isi duyaa ke saath main ek sher aapki Khidmat
mein pesh karna chaahta hoon, kuchh is tarah se kahaa hai
ki "Khushrang pareendon se par kaaT rahe hain, haivaan hain jo
bachchon mein zahar baanT rahe hain, holi mein eid kabhi kabhi eid
mein holi, aise bhi yahaan apne kabhi ThaaT rahe hain", is ThaaT ke
saath aap "ishq Khataa" ka mazaa len.

Song: ishq Khataa hai, ishq sazaa hai (Deewaangee)


fauji bhaaiyon, abhi aapne mera gaana sunaa "ishq Khataa". ishq
Khataa tha yaa sazaa thi yeh to mujhe bhi naheen pataa, lekin phir
ham log waheen pahunchte hain, yaadon mein. jee haan, woh Khoobsoorat
yaaden, woh pyaari yaaden, woh ghar ki yaaden, wahaan ki Khushboo,
wahaan ki sugandh, wohi khet, wohi khalihaan, yaad aaya aapko? yaad
aayi apni galiyaan? yaad aaye apne ghar? dwaar, darwaaze, maa ke
chehre, baap ki muskuraahaT, bachchon ki khilkhilaahaT. to main apni
film Rehguzar ka gaana aapki Khidmat mein pesh karta hoon. kuchh is
tarah se hai yeh gaana ki "pyaar bhara ek Khat aaya hai, jismen ghar
ki Khushboo hai, paDhte paDhte bheegee palken, aankh se Tapkaa aansoo
hai". fauji bhaaiyon, is gaane mein maine ek nayi baat kahee thi, aap
jo jang karte hain, aap jo desh ke liye laDte hain, aur jeet-te hain,
aur aapki jo 'family' hai, to ek biwi apne shauhar se keh rahi hai
ki "is baar piya tum na aana, yeh Gham ham tum seh lenge, is baar
piya tum na aana, yeh Gham ham tum seh lenge, kuchh paise bach
jaayenge, biTiyaa ke zevar le lenge, likhte likhte ankh bhar aayi,
aankh to ab beqaaboo hai", yeh gaana suniye "pyaar bhara ek Khat aaya
hai jismen ghar ki Khushboo hai".

Song: pyaar bhara ek Khat aaya hai (Rehguzar)


fauji bhaaiyon, mujhe lag raha hai ki main aapko bahut zyaada 'bore'
to naheen kar raha hoon lekin 'serious' zaroor kar raha hoon. thoDaa
sa main aapko, ek aisa gaana sunaata hoon jahaan aapko woh din,
apne 'college' ke din yaad aa jaayenge, kisi na kisi ne aap se is
tarah ka vaadaa zaroor kiya hogaa, is tarah se shikaayat zaroor kee
hogi, film Saawariya ka gaana hai, mujhe ummeed hai ki aapko zaroor
pasand aayegi, bol hain ki "thoDe badmaash ho tum, thoDe naadaan ho
tum, haan magar yeh sach hai hamaari jaan ho tum", aur yeh sach hai
ki aap hamaari jaan hain.

Song: thoDe badmaash ho tum (Saawariya)


fauji bhaaiyon, ab main aapko do gaane aise sunaana chaahta hoon jo
film se taalluKh naheen rakhte hain, jismen bahut Khoobsoorat
shaayari, bahut achchhi baaten huyi hain, mera matlab hai ek gaana
hai Tere Bina ka "kabhi yaadon mein aayoon, kabhi Khwaabon mein
aayoon, teri palkon pe aake jhimilaaoon".

Song: kabhi yaadon mein aayoon (Tere Bina - Nonfilm: Abhijeet)


fauji bhaaiyon, ab waqt aa gaya hai ki aap se alvidaa kahaa jaaye aur
jaaya jaaye. jaana hai, lekin is 'programme' se, is duniya se naheen.
abhi to bahut baar aana hai, bahut aapko naye naye gaane sunaana hai.
hamein muskuraana hai, aap se dil lagaana hai, yeh dil deewaana hai,
aur zamaana hai aapka zamaana hai. jaane se pehle main ek gaana aapko
sunaana chaahta hoon Chanda Ki Doli se, ki "rafta rafta nazar ho gayi
hai idhar, dekhta hoon jidhar tu hi aaye nazar".

Song: rafta rafta nazar (Chanda Ki Doli - Nonfilm: Sonu Nigam)

THE END

CHHAYA GEET - FILMI AATMA
-------------------------

Presented By: KAMAL SHARMA
--------------------------

Chhaya Geet sunnewaale sabhi shrotaaon ko Kamal Sharma ka namaskaar!
ek haveli..., kohraa..., poora chaand..., jungle-jhaaDiyaan...,
sookhe patte..., ek baggi..., ek booDhaa chaukidaar..., yeh
sab 'horror' filmon ke 'permanent features' hain. haalaanki abhi 10
baje hain, puraani filmi aatmaaen raat ke Theek 12 baje 'walk' karne
nikalti theen. aajkal unhe 'television' par bhi bahut kaam milne
lagaa hai, waise filmi aatma nayi ho yaa puraani, dono mein kuchh
cheezen baDi 'common' hai. aatma hone ke baawjood woh baal 'shampoo'
se dhokar 'silky' banaati theen. unhe baalon mein 'rubber-band'
yaa 'clip' lagaana pasand naheen, baal khuli rakhti theen. ek baat
aur, sabhi 'female' aatmaaen baDi 'glamorous' hoti hain, aur unhe
kisi na kisi ka intezaar rehta hai.

-------------------------------------------------------
Song: saathi re tujh bin jiya udaas re (Poonam Ki Raat)
-------------------------------------------------------

filmi aatmaaon ki sabse achchhi baat yeh hai ki unhe sangeet mein
bahut ruchi hoti hai. woh achchha gaati hain, din bhar gaane ka
riyaaz karti hain, aur phir raat 12 baje 'open air' mein gaane nikal
paDti hain.

-------------------------------------
Song: jhoom jhoom Dhalti raat (Kohra)
-------------------------------------

filmi aatmaaon ka 'favourite colour' hai 'white', 'jorjet' unki
pasandida saaDee hai. balki yun kahen ki unke paas aisi kai saaDiyaan
hoti hain kyunki unhe kai saalon tak bhaTaknaa hota hai na! aur aise
mein ek hi saaDee se thoDe na kaam chalega! aur haan, 12 baje woh
isliye nikalti hain kyunki 10 baje se woh 'make-up' karti hain,
ismein do ghanTe to lag hi jaate hain. bas, idhar 12 baje, udhar
gaana shuru.

------------------------------------------------
Song: kahin deep jale kahin dil (Bees Saal Baad)
------------------------------------------------

zyaadaatar filmi aatmaaon ke paas mombatti hoti hai, yaa phir
doosra 'option' deeyaa. 'torch' mein woh 'believe' naheen
karti. 'remote areas' mein tel aur mombatti to phir bhi mil sakti hai
lekin 'torch' naheen. usme 'cell' bhi to 'down' hote hain. deeya aur
mombatti filmi aatmaaon ke zaroori 'gadgets' ki tarah hain jo uski
pehchaan se bhi juDe hain. usey raastaa khojne ke liye inki zaroorat
naheen paDtee, saalon bhaTakte rehne se to raaste yaad bhi ho jaate
hain na!

-----------------------------------------------
Song: gumnaam hai koi badnaam hai koi (Gumnaam)
-----------------------------------------------

filmi aatmaaen jab chalti hain to peechhe peechhe 'undercover agent'
ki tarah kohra bhi chalta hai. dhund yaa kohre se mahaul banta
hai, 'ambience' banta hai. phir inke peechhe peechhe hawaa chalti
hai, aur hawaa ke saath saath 'marathon' ke dhaawakon ki tarah sookhe
patte chalte hain.

-----------------------------------------------
Song: yeh raat bhi jaa rahi hai (Sau Saal Baad)
-----------------------------------------------

filmi aatmaaen na to koi 'solid food' leti hain aur na hi
koi 'liquid', kyunki iska abhi tak koi 'record' bhi naheen mila hai.
yeh zaroor hai ki unhe chhoTe chhoTe 'flats' yaa 'chawl' pasand
naheen, unhe 'antique' ka shauk hai, 'vintage' cheezon mein unki
dilchaspee hai, unhe puraani haveliyaan pasand hai, jungle aur
veraano mein inka 'maintenance' kaun karta hai yeh abhi tak naheen
maaloom!

------------------------------------------------
Song: naina barse rimjhim rimjhim (Woh Kaun Thi)
------------------------------------------------

ab Chhaya Geet samaapt karne ki Kamal Sharma ko deejiye ijaazat,
namaskaar!

THE END

VBLC SANGEET KE SITAARE
-----------------------

EPISODE 4: JAMAL SEN
--------------------

namaskaar doston! VBLC Sangeet Ke Sitaare, is shringkhalaa mein ham
aapka ek ke baad ek film sangeet jagat ke aise fankaaron aur unke
geet sangeet se parichay karwa rahe hain jo apne samay mein kaamyaabi
ki bulandiyon tak to naheen pahunch sake, par aaj jab bhi ham unki
rachnaayon par Gaur karte hain, to paate hain ki film jagat ko unka
yogdaan amoolya hai. itni pratibhaashaali hote huye bhi yeh
kamcharchit fankaar zyaada door tak naheen jaa sake, bahut zyaada
kaamyaab naheen ho sake, yeh niyati ka khel hai, un fankaaron ki
badkismati hai. is shringkhala mein ham aise hi kalaakaaron ko
shaamil karte hain, aur aaj hamne is kaaryakram ke liye chuna hai ek
sangeetkaar ko, jinka naam hai Jamal Sen.

----------------------------------------------------------
Song: aayi barkhaa bahaar paDe boondan phuhaar (Shokhiyan)
----------------------------------------------------------

jee haan doston, barkhaa ki halki halki boondon ki tarah hai Jamal
Sen ka sangeet jo dil ko sukoon, man ko ek vichitra shaanti pradaan
karti hai. Lata Mangeshkar aur Pramodini Desai ke gaaye is geet ko
sunkar aapko yeh mehsoos zaroor huya hoga ki Jamal Sen kis star ke
sangeetkaar rahe honge. yeh geet tha film Shokhiyan ka. jee haan, isi
film Shokhiyan se Jamal Sen ek swatantra film sangeetkaar bane the.
filmkaar Kidar Sharma ne apne kaaryakaal mein kai naye kalaakaaron ko
pehla 'break' diya tha. udaaharaN ke taur par Snehal Bhatkar ko 1947
ki film Neelkamal mein aur Roshan ko 1949 ki film Neki Aur Badi mein
unhone hi sabse pehle kaam diya tha bataur sangeetkaar. isi kaDee
mein 1951 mein woh apni film Shokhiyan ke liye khoj laaye Jamal Sen
ko. Ambitious Pictures ke 'banner' tale bani is film ko nirdeshit
kiya Kidar Sharma ne aur is film ke gaane bhi unhone hi likhe. Prem
Nath aur Suraiyya abhineet is film ke baare mein yeh kahaa jaata hai
ki un dino Suraiyya ek film ke liye 1 laakh rupay liya karti theen.
Kidar Sharma ne unhe 1.25 laakh dene ki Khwaahish zaahir kee. sunte
hain Suraiyya ki aawaaz mein isi film ka ek bahut hi maqbool Gazal.

-------------------------------------------------------------------
Song: raaton ki neend chheen lee aankhon ke intezaar ne (Shokhiyan)
-------------------------------------------------------------------

sangeetkaar Jamal Sen ki pratibha ka andaazaa isi baat se lagaaya jaa
sakta hai ki apni pehli hi film mein unhone itna meeTha itna umdaa
sangeet diya. shaastriya sangeet aur Rajasthaani lok sangeet ke
meljol se tayyaar is film ka sangeet aaj bhi dil ko utna hi apni or
aakrishT karta hai jitna us daur ke shrotaaon ke karta tha.
Rajasthani lok sangeet par aadhaarit "aayi barkha bahaar" yeh gaana
to aapne sunaa, Suraiyya ki aawaaz mein Gazal bhi sunee, ab baari hai
Jamal Sen ke sangeet mein shaastriya sangeet ki jhalak ki. raag yaman-
kalyaaN par aadhaarit Lata Mangeshkar ki aawaaz mein Shokhiyan film
ka ek geet behad behad mashoor huya tha, aapko ab sunwa rahe hain
wohi geet.

--------------------------------------------------------------
Song: sapna ban saajan aaye ham dekh dekh muskaaye (Shokhiyan)
--------------------------------------------------------------

film Shokhiyan ke sangeet ne yeh saabit kiya ki Jamal Sen na keval ek
achchhe sangeetkaar hain, balki har tarah ke gaane ko baKhoobee
se 'compose' kar sakte hain, chaahe woh shaastriyata par aadhaarit ho
yaa lok sangeet par, shaastriya aur lok sangeet ka mel ho, yaa phir
koi sanjeedaa Gazal. doston, aapne in geeton mein Rajasthaani sangeet
ki jhalak paayi hogi, to ham aapko yahaan par yeh bataa den ki Jamal
Sen Rajasthan ke hi rehnewaale hain. unka asli naam tha Jamal
Hussain. yeh behad afsos ki baat hai ki Shokhiyan ka sangeet itna
lokapriya hone ke baawjood Jamal Sen ko bahut zyaada baDhaawa naheen
milaa, haalaanki unke 'compositions', unke shaastriya sangeet par
dakshataa, unke gaayan, unki kavitaaen, aur unke kathak nritya mein
paardarshitaa ke charche hote the. isse pehle ki ham Jamal Sen ke
kuchh aur filmon ki charcha karen, film Shokhiyan ka ek aur gaana ham
aapko sunwaana chaahenge jise Suraiyya aur Lata Mangeshkar ne gaaya
hai. is geet mein aapko shaastriya sangeet aur lok sangeet dono ka
Khoobsoorat taalmel nazar aayega.

--------------------------------------
Song: door desh se aaja re (Shokhiyan)
--------------------------------------

Jamal Sen ka 'percussion instruments', jaise ki Dholak, tablaa aur
pakhaawaj par Khaasaa mahaarath haasil tha. 'rhythm' ke isi pratibha
ki wajah se woh us daur ke mashoor sangeetkaar Master Ghulam Haider
ke sahaayak bane, pehle Lahore mein aur baad mein Mumbai aane ke baad
bhi. 1947 mein baTwaare ke baad Ghulam Haider chale gaye Pakistan aur
Jamal Sen reh gaye Mumbai mein ek swatantra sangeetkaar banne ka
sapna aankhon mein liye huye. 1951 mein Shokhiyan mein sangeet dene
ke baad 1953 mein Kamal Amrohi ne unhe mauka diya apni film Daera
mein sangeet dene ka. is film mein bhi kya Khoob tha Jamal Sen ka
sangeet. Meena Kumari aur Kamal Amrohi dwaara abhineet yeh film buri
taraf se 'flop' rahi, lekin aaj bhi yeh film yaad kee jaati hai to
bas is geet ki wajah se.

----------------------------------------
Song: devata tum ho mera sahaara (Daera)
----------------------------------------

Mubaraq Begum aur Mohd Rafi ka gaaya aur Kaif Bhopali ka likha Daera
film ka yeh geet apne zamaane ka ek mashoor geet hai jo sangeetkaar
Jamal Sen ki pehchaan banee. gaayika Mubaraq Begum ke mashoor geeton
mein shumaar hota hai is geet ka. Vividh Bharati ke ek 'interview'
mein Mubaraq Begum ne is geet ka zikr kiya tha:

Mubaraq Begum speaks: (translated) “At that time all other singers
were heavily booked and no one had time. Amrohi saahab told me that I
would be singing all the songs. “devata tum ho mera sahaara� was the
theme song of the film that I sang in solo. I sang some 6 or 7 songs,
Talat Mahmood was the male singer and Asha Bhosle sang one song.� “I
had sung this song with him (Rafi). He was happy with my singing. At
first he was unhappy as he had too few lines to sing in this song. I
told him, "Rafi saahab, you get to sing in every film, so even if you
are given a small part in one song it shouldn’t matter you much. Then
he said, “no, no its all right, I was just joking�. Rafi saahab was a
very noble man; he never used to make fun of others. There were many
singers who would make fun of you while you are singing and make you
nervous.�

aur ab ham aapko sunwaa rahe hain Pyarelal ki aawaaz. jee haan, yeh
wohi Laxmikant Pyarelal ki joDee ke Pyarelal hain. ab aap soch rahe
honge ki baat Jamal Sen aur unki 1953 ki film Daera ki chal rahi hai,
to ismein ekdam se Pyarelal ka zikr kaise aa gaya! to ham aapko bataa
den ki un dino mein Pyarelal Jamal Sen ki 'orchestra' mein
bataur 'violinist' kaam kar rahe the aur Khaas baat yeh bhi hai ki is
geet ke 'notations' bhi Pyarelal ne hi likha tha. suniye Pyarelal ki
aawaaz Vividh Bharati ke Ujaale Unki Yaadon Ke kaaryakram se:

Pyarerlal speaks: (translated) “My father took me to Jamal Sen, who
was his good friend, and recommended me for writing the notations for
this song. In those days, the notations used to be written and then
all musicians used to copy that. So I sat and wrote this song and
then played it from beginning to end. He liked it and gave me 100
rupees, which used to be a big amount in those days. But he did not
allow me to sit and play in the final recording, as I was very young
at that time. I felt sad that I was not allowed to be a part of the
final song in spite of writing the complete notations.�

aur ab aapki Khidmat mein pesh hai film Daera se ek aur geet Mubaraq
Begum ki aawaaz mein, geetkaar hain Majrooh Sultanpuri.

------------------------------------------------------
Song: jale jo shama zamaane ko ho gaya maaloom (Daera)
------------------------------------------------------

1953 mein hi Jamal Sen ke sangeet se sajee do aur filmen aayi -
Dharmpatni aur Rangila. film Rangila ki 'print' ek agnikaanD mein
nashT ho gayi thi. lekin is film ka geet ham aapko zaroor sunwa sakte
hain Asha Bhosle aur Mohd Rafi ki aawaaz mein, geetkaar S H Bihari.

-------------------------------------------
Song: shubh din aaye ho shubh din (Rangila)
-------------------------------------------

doston, Jamal Sen ke liye film sangeet jagat bahut zyaada shubh
naheen rahi. Shokhiyan aur Daera ke gaane 'hit' hone ke baawjood unhe
baDe 'banner' ki filmen naheen mili aur kam 'budget' ki filmon mein
kaam karne se aur un filmon ke naa chalne se unki anooThi sangeet
pratibha aam janata ke dilon tak naheen pahunch paayi, aur woh
peechhe ki taraf hi luDakte chale gaye. apne 11 saal ke
filmi 'career' mein unhone keval 10 filmon mein sangeet diya. in 10
filmon mein se 4 filmon ka zikr ham kar chuke hain. 1955 mein ek
dhaarmik film aayi Patit Pawan jismein Jamal Sen ka sangeet tha. ek
baar dhaarmik aur 'mythological genre' mein sangeetkaar chalaa jaaye
to jaise ek Thappaa sa lag jaata hai, aur uske baad saamaajik
lokpriya filmon mein mauka paana mushkil ho jaata hai. shaayad Jamal
Sen ke saath bhi yahi huya ho! Khair, aaiye ab sunte hain Rafi saahab
ki aawaaz mein Bharat Vyas ki rachanaa film Patit Pawan se.

----------------------------------------------------------------
Song: ham to chale apne gaaon sabko mera raam raam (Patit Pawan)
----------------------------------------------------------------

yeh bhaagya ka ek parihaas hi to hai ki san 1951 mein film Shokhiyan
ke liye 'record' kiya huya ek geet "beeta huya ek saawan" us film
mein shaamil naheen kee gayi thi. dashakon baad Kidar Sharma us geet
ko khoj nikaale aur Jamal Sen ki mrityu ke baad 1982 mein apni 'tele
film' Pehla Qadam mein istemaal kiya. kitne afsos ki baat hai ki yeh
film bas isi geet ke liye yaad kee jaati hai, lekin iske sangeetkaar
ko iska moolya naheen mil sakaa. 1962 tak Jamal Sen filmon mein
sangeet dete rahe, lekin film sangeet ke badalte daur ko na to woh
apna sake aur na hi unki taraf kisi ne Khaas dhyaan diya. aur isi
saal film Manchali ka sangeet dene ke baad film sansaar se door chale
gaye Jamal Sen.

------------------------------------------
Song: huye majboor ham jeene se (Manchali)
------------------------------------------

film jagat se sanyaas lene ke baad Jamal Sen ko apna ghar sansaar
chalaane ke liye bhaari museebaton ka saamnaa karna paDaa. zindagi ki
kaDvee sachchaaiyon se tang aakar woh sharaab ke chungal mein phans
gaye aur zindagi bad se badtar hoti chali gayi jisse unhe keval maut
hi chhuDaa sakee. woh din tha 12 April 1979 aur us waqt unki umra thi
75 saal. doston, ek pratibhaashaali kalaakaar ki aisi duraavasthaa ki
aisi dukhad kahaani sunkar dil udaas ho jaata hai. yeh sochne par
majboor kar deta hai ki kya kamee thi unki kalaa mein, unki pratibha
mein, jiski wajah se unhe yeh durdin dekhne paDe! shaayad film jagat
ke atyadhik vyaavsaayikta ka yahi vikraal roop hai! doston, aaiye ab
jhalken sune Jamal Sen ke sangeet se sajee huyi kuchh aur filmon ke
geeton ki.

sabse pehle unki Bhojpuri film Naag Panchami ka yeh geet Suman
Kalyanpur ki aawaaz mein...

-------------------------------------------------------
Clip: aadi dev ho mahadev tum daya karo (Naag Panchami)
-------------------------------------------------------

film Kasturi, gaayika Madhubala Zhaveri...

------------------------------------
Clip: aanchal bheega jaaye (Kasturi)
------------------------------------

Mohd Rafi ki aawaaz, film Baghdad...

---------------------------------------------
Clip: kaahe ko chhipke door bhaagti (Baghdad)
---------------------------------------------

yeh hai film Dharmpatni mein Asha Bhosle ki aawaaz...

----------------------------------------------------
Clip: lagi tumse lagan mere bhole sajan (Dharmpatni)
----------------------------------------------------

Jamal Sen ke baad unki sangeet saadhna ko unki baad ki peeDhiyon ne
jaari rakha hai. unke beTe Shambhu Sen ka likha aur swarbaddha kiya
huya yeh mashoor geet to aapne kai baar suna hogaa...

---------------------------------------------
Clip: nava kalpana nava roop se (Mrigtrishna)
---------------------------------------------

Jamal Sen ke pote Dilip Sen aur Samer Sen ne bhi apni joDee banaayi
aur 90 ke dashak mein is joDee ne kaafi dhoom machaayi, ek chhoTi si
jhalak pesh hai...

------------------------------------------
Clip: dil ne dil se ikraar kiya (Haqeeqat)
------------------------------------------

Jamal Sen jaise sangeetkaar kabhi naheen marte. unka sangeet aaj bhi
zinda hai aur hamesha zinda rahegi. lekin ek afsos dil ko hamesha
khaTakti hai ki aise pratibhaavaan fankaar ko woh muqaam haasil
naheen huya jiska ki woh haqdaar tha. aur is waqt hamein film Daera
ka Talat Mahmood ka gaaya woh geet yaad aa raha hai ki "aansoo to
naheen hai aankhon mein pehlu mein magar dil jalta hai, honThon par
lahoo hai hasrat ka aara sa jigar par chalta hai". VBLC Sangeet Ke
Sitaare kar raha hai Jamal Sen ki anooThi pratibhaa ko laakhon salaam!

-----------------------------------------------
Song: aansoo to naheen hai aankhon mein (Daera)
-----------------------------------------------

THE END

--- In vividhbharati@..., "manu051980" <manu051980@...>
wrote:
>
> How can I download the shenai played in the early morning (between 6 7
> am) on vividh bharti.
>
> If somebody has please provide me the link.
>
> Manu
>
you can buy any of the cds of ustad bismillah khan from market.

mahendra modi

--- In vividhbharati@..., "manu051980" <manu051980@...>
wrote:
>
> How can I download the shenai played in the early morning (between 6
7
> am) on vividh bharti.
>
> If somebody has please provide me the link.
>
> Manu
>

How can I download the shenai played in the early morning (between 6 7
am) on vividh bharti.

If somebody has please provide me the link.

Manu

VBLC SANGEET KE SITAARE
-----------------------

EPISODE 3: G S NEPALI
---------------------

namaskaar doston! ham ek baar phir haazir hain VBLC Sangeet Ke
Sitaare ki agli kaDee ke saath. pichhle do kaDiyon mein aapne ek
sangeetkaar aur ek gaayika ki kahaani sunee. to aaj kyun na zikr ho
jaaye kisi geetkaar ki. koi aisa geetkaar jo bahut zyaada charchit
na rahe hon, lekin jinki kritiyaan bemisaal hain, laajwaab hain,
sarvottam hain. aise geetkaaron ki jab baat chalti hai, to ek naam
jo yakaayak ubharkar saamne aata hai, woh naam hai Gopal Singh
Nepali, jinhe ham geetkaar G S Nepali ke naam se jaante hain. jee
haan, hamaare aaj ke VBLC Sangeet Ke Sitaare hain guzre daur ke kavi
aur geetkaar G S Nepali.

------------------------------------------
Song: darshan do ghanshyam (Narsi Bhagat)
------------------------------------------

Sudha Malhotra, Manna Dey aur Hemant Kumar ki awaazon mein yeh tha
film Narsee Bhagat ki bhakti rachna, sangeet Ravi ka. G S Nepali ek
mahaan kavi the jinhone kavitaaon ke saath saath film jagat mein
aakar bhi apni lekhan pratibha ka lohaa manwaaya. yeh woh kavi hain
jo prakriti ke chitere to the hi, desh bhakti ka jasbaa bhi kooT
kooT kar samaaya huya tha unmein. yuvaaon ke dilon ko josh se bhar
dene mein adwitiya shakti rakhti thi Gopal Singh Nepali ki
kavitaaen. "jeevan to waise sabka hai, tum jeevan ka shriNgaar bano,
itihaas tumhaara raakh banaa, tum raakhon mein angaar bano, ayyaash
jawaani hoti hai, gat vayas kahaani hoti hai, tum apne sahaj
laDakpan mein, kuchh aisa khel racho saathi, kuchh jeene ka aanad
mile, kuchh marne ka aanand mile"

-------------------------------------
Song: aazaad hain ham aaj se (Ahinsa)
-------------------------------------

Gopal Singh Nepali ka janm Bihar ke Champaran zile mein Bedia naamak
sthaan par 11 August 1911 ko huya tha. baaalaavastha se hi we
ghanTon ekaant mein baiThkar prakriti ki sushmaa ka aanand lete aur
baad mein isi prakriti se juDee kavitaaen likhne lage. sirf
kavitaaon mein hi naheen, prakriti ke sundar vivaraN ki jhalak Gopal
Singh Nepali ke likhe filmi geeton mein bhi nazar aati hai. aisa hi
ek geet aapki Khidmat mein pesh hai film Maya Bazar se, Mohd Rafi
aur Asha Bhosle ka gaaya huya, aur Chitragupt ka swarbaddha kiya
huya.

-------------------------------------------
Song: har phool mein masti hai (Maya Bazar)
-------------------------------------------

1931 mein Kalkatta mein aayojit Akhil Bharatiya Kavi Sammelan mein
shaamil hone ko Gopal Singh Nepali prereet huye, jahaan pe jaakar
saahitya jagat ke kai mahaan vibhutiyon se milne ka saubhaagya unhe
praapt huya. 1932 mein Kashi mein Acharya Mahavir Prasad dwaara
aayojit ek baDe kavi sammelan mein kul 115 kavi shaamil huye jinmein
se keval 15 kaviyon ko kavita paaTh ka mauka mila, aur inmein se ek
the Gopal Singh Nepali. isi se aabhaas hota hai ki un dino bhi kis
star ke we kavi rahe honge. G S Nepali ke baare mein aur bhi bahut
si baaten ham aapko bataaenge lekin usse pehle ek baDaa hi meeThaa
sa gaana ho jaaye unka likha huya. yeh hai 1948 ki film Anokha Pyar,
jismen Anil Biswas ka sangeet tha. is film mein doosre geetkaaron ne
bhi geet likhe, prastut hai G S Nepali ka likha aur Lata Mangeshkar
ka gaaya yeh gaana...

------------------------------------------------------------------
Song: ghaDi ghaDi poochho na ji kinse meri preet hai (Anokha Pyar)
------------------------------------------------------------------

Anil Biswas aur G S Nepali ka ek saath zikr karen to film Gajre ka
ullekh atyant aavashyak ho jaata hai. is film ka ek baDaa hi
Khoobsoorat geet ham aage is 'programme' mein aapko sunwaaenge.
baharhaal ham baat kar rahe the 1932 mein aayojit Kashi Kavi
Sammelan ki. us sammelan mein Gopal Singh Nepali ke kavitaaon ka
rang Khoob jamaa. Sudha patrika ke sampaadak Durarelalji ne unhe
Lucknow aakar unki patrika mein kaam karne ka nimantran diya jahaan
we Suryakant Tripathi 'Nirala' ke sahaayak bane. 1934 mein we dilli
chale gaye aur ek 'cine' patrika Chitrapat mein sanyukt sampaadak ki
naukri kar lee. phir do saal tak we Ratlam mein Ratlam Times se juDe
rahe. 1939 mein we Patna chale gaye. 1944 ka saal Gopal Singh Nepali
ke jeevan ka ek mahatwapoorNa saal tha jab filmkaar P L Santoshi,
Patel aur Ramanand ne unhe aamantraN diya unke filmon mein geet
likhne ka.

--------------------------------------------------------------
Song: sabki nayya paar lagaaya krishna kanhaiya (Narsi Bhagat)
--------------------------------------------------------------

1944 mein G S Nepali Filmistan mein shaamil ho gaye. 1945 mein do
aisi filmen aayi jinmein G S Nepali ne gaane likhe. yeh filmen theen
Begum aur Mazdoor. Begum film bani thi Taj Mahal Pictures
ki 'banner' tale. is film mein Ashok Kumar mukhya kalaakaar the.
unhe is film ke sangeetkaar Hari Prasanna Das aur geetkaar Gopal
Singh Nepali ke gaane itne pasand aaye ki unhone Filmistan ki agli
film Mazdoor mein in dono ko nyotaa diya. film Mazdoor ke gaane
kaafi lokpriya huye aur 1945 mein hi Gopal Singh Nepali ko
sarvashreshTh geetkaar ka puraskaar bhi mila. to aaiye film Mazdoor
ka ek gaana sun liya jaaye yahaan par Amirbai Karnataki ki aawaaz
mein.

---------------------------------------
Song: chhaaye hain kaale megh (Mazdoor)
---------------------------------------

1946 mein Filmistan ne banaayi film Safar jismein C Ramchandra ka
sangeet the. is film mein G S Nepali ke likhe gaane Khoob pasand
keeye gaye. isi film ka ek mashoor gaana Chitalkar aur Binapani
Mukherjee ki aawaazon mein yeh hai aapki nazar...

---------------------------------------------------------
Song: kabhi yaad karke gali paar karke chali aana (Safar)
---------------------------------------------------------

aur ab ek ke baad ek aa raha hai do gaane 1948 ki film Gajre se. is
film ka sangeet Khaasaa lokpriya huya tha. Anil Biswas ke sangeet
mein aur Suraiyya ki aawaaz mein in dono geeton ka aanand leejiye.

---------------------------------------------------
Song: door papeeha bola raat aadhi reh gayi (Gajre)
Song: jalne ke siwaa aur kya hai mohabbat (Gajre)
---------------------------------------------------

Gopal Singh Nepali ke geeton se saje kuchh filmon ke naam hai Begum,
Shikari, Naag Panchami, Safar, Jai Bhawani, Gajre, Narsee Bhagat,
Tulsidas, Nai Raahen, aur Samadhi. Shaayad aapko yeh maloom naheen
hoga ki ki Nepal ke Rana ke saath milkar Gopal Singh Nepali ne
Himalaya Films ki sthaapna kee aur teen filmon ka nirmaan kiya, Yeh
filmen hain Nazrana, Sansari, aur Khushboo. film Khushboo ka ek
gaana suniye Mohd Rafi aur Geeta Dutt ki yugal swaron mein,
sangeetkaar hai Shankarlal Pardesi.

---------------------------------------------
Song: ek laDkaa ghar se nikal gaya (Khushboo)
---------------------------------------------

Gopal Singh Nepali ek taraf to komal bhaavnaaonwali, prakriti prem
se ot-prot kavitaaen likhte the, waheen doosri taraf desh bhakti ki
jhanjhanaati rachnaayen bhi kya Khoob likhe unhone. unki
likhi "dilli chalo" kavita par Filmistan ne Samadhi naamak film ka
nirmaan kiya tha. Gopal Singh Nepali ne apni pehli kavita "Bharat
Gagan Ke Jagmag Sitare" apne baalaavastha mein likha tha, san 1930
mein. unka pehla kavita sangrah "Panchhi" san 1934 mein prakaashit
huyi thi. uske baad we nirantar likhte chale gaye, bas likhte chale
gaye. doston, Gopal Singh Nepali ke rachnaaon aur prakaashit
saahitya ki fehrist itni lambi hai ki is chhoTe se kaaryakram mein
unka zikr karne mein hum asahaay mehsoos kar rahe hain. ab suniye
film Nai Raahen ka geet, Mohd Rafi ki awaaz mein.

-------------------------------------------------------
Song: musafir bataa de kahaan tujhko jaana (Nai Raahen)
-------------------------------------------------------

1946 mein sangeetkaar Sachin Dev Burman ne film jagat mein kadam
rakha Filmistan ki do filmen Aath Din aur Shikari se. in dono filmon
mein G S Nepali ne kuchh gaane likhe the. film Aath Din se Meena
Kapoor aur Chitalkar ke gaaye ek ki jhalak suniye.

--------------------------------------------
Clip: ek nayi kali sasuraal chali (Aath Din)
--------------------------------------------

film Shikari mein G S Nepali ka likha aur Amirbai aur Ashok Kumar ka
gaaya yeh yugal geet behad behad lokapriya huya tha.

-----------------------------------------------------
Song: har din hai naya har raat niraali hai (Shikari)
-----------------------------------------------------

G S Nepali ne bahut saari dhaarmik aur aetihaasik filmon mein gaane
likhe hain. vyaavsaayik drishTi se do chaar filmon ko chhoDkar
zyaadaatar filmen bahut zyaada lokapriya naheen hoti hai. isi vajah
se shaayad G S Nepali filmi geetkaaron mein woh mukaam haasil naheen
kar paaye jaise kuchh doosre lokapriya geetkaaron ne us daur mein
kiya tha. chaliye, ab aapko kuchh aisi dhaarmik aur aetihaasik
filmon ke naam ginaayen jinmein G S nepali ne geet likhe. yeh filmen
hain Waman Avtar, Shivratri, Mahasati Savitri, Shri Ganesh Vivah,
Nag Panchami, Veer Rajputani, Shivbhakt, Navratri, Jai Bhawani,
Gauri Puja, Bhakt Puran, Sati Madalasa, Pawan Putra Hanuman, Raj
Kanya, Apsara, Narsi Bhagat, aur Tulsidas.

--------------------------------------------------------------------
Song: hai dhanya suhagin wo jisne Bharat ko Tulsidas diya (Tulsidas)
--------------------------------------------------------------------

apne 33 saal ki kavi jeevan mein ek se ek sashakt rachnaon ka srijan
karne ke baad, aur apne 18 saal ki filmi geetkaarita ke dauraan ek
se baDhkar ek rachnaa sunnewaalon ko dekar, 52 varsh ki aayu mein 17
April san 1963 mein Gopal Singh Nepali is duniya se kooch kar gaye.
aaj G S Nepali ki kavitaaen aur geet beshkeemti motiyaan hain jo
hamein sahejkar rakhna hai apne aage aanewaali peeDhiyon ke liye,
hamaare liye, hamaare kal ke liye. mahaan kavi aur geetkaar Gopal
Singh Nepali ko hamaari or se haardik shraddhaanjali aur unki param
pratibhaa ko vinamra naman!

----------------------------------------
Song: tum saath raho jeevan bhar (Leela)
----------------------------------------

THE END

CHHAYA GEET - GUZRE ZAMAANE KE ANMOL NAGHMEN
--------------------------------------------

Presenter: Yunus Khan
---------------------

Chhaya Geet ke sunnewaalon ko Yunus Khan ka namaskaar. Chhaya Geet
ki mehfil mein jab bhi aapki aur hamaari mulaaqaat hoti hai, to main
aapke liye lekar aata hoon guzre zamaane ke kuchh anmol naGmen. aur
guzre zamaane ke anmol naGmon ke is silsile mein thoDaa sa badlaav
kiya jaa raha hai. ab ham kuchh anjaan ansune gaane kam sunwayenge
aur kuchh mashoor gaane zyaada sunwaaenge jo aajkal zyaada sunaaee
naheen dete, lekin guzre zamaane mein bahut mashoor rahe the, jaise
ki yeh gaana. Madan Mohan ki tarz, Hasrat Jaipuri ke bol, Lata
Mangeshkar aur Manna Dey ki aawaazen. is gaane ka chalan pashchimee
hai, pashchimee vaadya-yantron ka istemaal is gaane mein kiya gaya,
lekin raat ka jo naazuk samaa Madan Mohan ne apni dhuno aur saazon
ke zariye is gaane mein qaayam kiya hai, woh waaqai anmol hai, Madan
Mohan ki pratibhaa ko salaam hai.

------------------------------------------------
Song: bheegee chaandni chhaayi beKhudi (Suhagan) --------------------
----------------------------

Madan Mohan ka ek gaana sunkar jee naheen bharaa, isliye
is 'programme' mein Madan Mohan ke teen gaane shaamil hain, pehla
gaana Suhagan film ka sunwaaya, doosra gaana Mohar film ka hai, jo
fauran aapko sunwaaya jaa raha hai. Rajendra Krishan ke bol hain aur
is gaane ki dhun apne aap mein bahut hi anmol hai. main is tarah ki
dhuno ko 'infectious' yaani ki sankraamak dhun kehta hoon kyunki yeh
dhune zabaan par is qadar chaDh jaate hain ki phir utarne ka naam
naheen leti.

----------------------------------------------
Song: tum ho saath raat bhi haseen hai (Mohar)
----------------------------------------------

jab ham Mukesh ko yaad karte hain, to unke Gamzadaa gaano ke liye
zyaada yaad karte hain. Mukesh ki aawaaz mein Gam ke geet bahut
phapte the. Nyay Sharma ne film Kinare Kinare ke gaane likhe the.
san 1963 mein yeh film aayi thi, Jaidev ne is film ke gaano ko
swarbaddha kiya tha. is film mein Mukesh ka ek baDaa hi anmol gaana
hai, jo waise to bahut maqbool huya, lekin ab zyaada sunaaee naheen
detaa. kuchh isi tarah ke naGmon ka silsila guzre zamaane ke anmol
naGmon ki is shrinGkhlaa mein ab chalta rahega. to aaiye Mukesh ki
aawaaz mein yeh gaana sune.

-------------------------------------------------
Song: jab Gham-e-ishq sataata hai (Kinare Kinare)
-------------------------------------------------

guzre zamaane ke anmol naGmon ke silsile mein ab ham kuchh maqbool
gaane sun rahe hain. to Woh Kaun Thi film ka gaana sunaa jaaye lekin
thoDi si adaa ke saath, aur woh adaa yeh hai ki Lata Mangeshkar is
gaane ko gaa rahi hain, lekin '6:50 minute' ke baad Madan Mohan is
gaane ko gungunaate huye sunaaee denge. bahut hi anmol TukDaa hai
Madan Mohan ki aawaaz ka jo is gaane ki 'rehearsal' ke dauraan
unhone Khud 'record' kar liya tha. bol Raja Mehendi Ali Khan ke.

-------------------------------------------------------
Song: naina barse rimjhim rimjhim - Lata (Woh Kaun Thi)
Song: naina barse rimjhim rimjhim - Madan Mohan (WKT)
-------------------------------------------------------

san 1962 mein Anand Bakshi ne Wallah Kya Baat Hai film ke liye ek
gaana likha tha, Mohd Rafi ki aawaaz thi, Roshan ki tarz thi. is
gaane ki dhun mein woh chaashni, woh miThaas hai ki kehne hi kya
hai. yeh gaana der tak aur door tak aapko yaad rehne waala hai,
isliye ham isey guzre zamaane ka anmol naGma kehte hain.

------------------------------------------------------------
Song: Gham-e-hasti se bas begaana hota (Wallah Kya Baat Hai)
------------------------------------------------------------

Chhaya Geet mein guzre zamaane ke anmol naGmen aapne sune apne dost
Yunus Khan ke sang. aab aaj ka yeh kaaryakram Khatm hota hai.

THE END

Hi Kaustubh,

Can u pls share the link where these issues are uploaded. unable to
trace through google.

Regards
Sujoy

--- In vividhbharati@..., "Kaustubh Pingle"
<kcpingle@...> wrote:
>
> Yes. many of its issues are online on the internet.
>
> kcp
>
>
> On 11/13/08, prabha joshi <prabha_airpune@...> wrote:
> >
> >     Hi
> > There used to be a magazine called Playback in late eighties.I
have seen
> > few issues in National Film Archaives librery in Pune.I referred
it for
> > Flashback.It was totally dedicated to film music.I will find out
more
> > information for you.
> > Regards,
> > Prabha Joshi
> > --- On *Wed, 12/11/08, soojoi_india <soojoi_india@...>* wrote:
> >
> > From: soojoi_india <soojoi_india@...>
> > Subject: [vividhbharati] Re: Playback
> > To: vividhbharati@...
> > Date: Wednesday, 12 November, 2008, 6:45 PM
> >
> >   Hi,
> >
> > Sorry for the suspense. Actually there is no such magazine as
yet.
> > Its just what came to my mind and designed this cover page.
> >
> > It is really sad that in a country where film music is more
popular
> > than the films themselves, there is not a single commercial
magazine
> > that is exclusively dedicated to HFM, and there are so many
related
> > to films and actors.
> >
> > But like minded people may come forward and make this dream a
> > reality. I always dream that such a monthly magazine called
PLAYBACK
> > be published on a commercial scale. Though I have written to few
> > people seeking their opinion & saleability of such a magazine, I
> > didn't receive any reply yet.
> >
> > If anyone is interested in this mission and have any contacts in
the
> > print media, he/she may contact me. This is tough but not
impossible.
> > If there can be so many film mags like Filmfare, Stardust, Screen
> > etc, then I dont think one mag on HFM can be a flop!
> >
> > Do give your comments, opinions, pros & cons!
> >
> > Regards,
> > Sujoy Chatterjee
> >
> > --- In vividhbharati@ yahoogroups. co.in<vividhbharati%
40yahoogroups.co.in>,
> > "Shirish Koyal"
> > <shirish.koyal@ ...> wrote:
> > >
> > > Hi Sujoy,
> > > The magazine looks interesting. What is its periodicity? More
> > > importantly, what kind of music does it mainly cover: old or
new?
> > > How can one get it?
> > > Shirish
> > >
> > > 2008/11/11 Naresh K <khattarnaresh@ ...>:
> > > > Soojoi thanks for this - I am surely keen . Anymore
information
> > on this
> > > > magazine? Who is publishing it, editing it and how is it
being
> > distributed?
> > > >
> > > > Naresh
> > > >
> > > > ----- Original Message -----
> > > > From: "soojoi_india" <soojoi_india@ ...>
> > > > To: <vividhbharati@ yahoogroups. co.in<vividhbharati%
40yahoogroups.co.in>
> > >
> > > > Sent: Tuesday, November 11, 2008 7:04 PM
> > > > Subject: [vividhbharati] Playback
> > > >
> > > >> Hi,
> > > >>
> > > >> I have uploaded a jpg image file in the Files section.
Below is
> > the
> > > >> link:
> > > >>
> > > >> http://in.groups. yahoo.com/ group/vividhbhar
ati/files/<http://in.groups.yahoo.com/group/vividhbharati/files/>
> > > >>
> > > >> Pls have a look. Would you like to subscribe to this
> > magazine??? :)
> > > >>
> > > >> Regards
> > > >> Sujoy
> > > >>
> > > >>
> > > >> ------------ --------- --------- ------
> > > >>
> > > >> Yahoo! Groups Links
> > > >>
> > > >>
> > > >>
> > > >
> > > >
> > >
> >
> >
> > ------------------------------
> > Add more friends to your messenger and enjoy! Invite them
now.<http://in.rd.yahoo.com/tagline_messenger_6/*http://messenger.yah
oo.com/invite/>
> >
> >
> >
>
>
>
> --
> http://www.brahmanandsingh.com/RDB.htm
>

Hi,

Sorry for the suspense. Actually there is no such magazine as yet.
Its just what came to my mind and designed this cover page.

It is really sad that in a country where film music is more popular
than the films themselves, there is not a single commercial magazine
that is exclusively dedicated to HFM, and there are so many related
to films and actors.

But like minded people may come forward and make this dream a
reality. I always dream that such a monthly magazine called PLAYBACK
be published on a commercial scale. Though I have written to few
people seeking their opinion & saleability of such a magazine, I
didn't receive any reply yet.

If anyone is interested in this mission and have any contacts in the
print media, he/she may contact me. This is tough but not impossible.
If there can be so many film mags like Filmfare, Stardust, Screen
etc, then I dont think one mag on HFM can be a flop!

Do give your comments, opinions, pros & cons!

Regards,
Sujoy Chatterjee



--- In vividhbharati@..., "Shirish Koyal"
<shirish.koyal@...> wrote:
>
> Hi Sujoy,
> The magazine looks interesting. What is its periodicity? More
> importantly, what kind of music does it mainly cover: old or new?
> How can one get it?
> Shirish
>
> 2008/11/11 Naresh K <khattarnaresh@...>:
> > Soojoi thanks for this - I am surely keen . Anymore information
on this
> > magazine? Who is publishing it, editing it and how is it being
distributed?
> >
> > Naresh
> >
> > ----- Original Message -----
> > From: "soojoi_india" <soojoi_india@...>
> > To: <vividhbharati@...>
> > Sent: Tuesday, November 11, 2008 7:04 PM
> > Subject: [vividhbharati] Playback
> >
> >> Hi,
> >>
> >> I have uploaded a jpg image file in the Files section. Below is
the
> >> link:
> >>
> >> http://in.groups.yahoo.com/group/vividhbharati/files/
> >>
> >> Pls have a look. Would you like to subscribe to this
magazine??? :)
> >>
> >> Regards
> >> Sujoy
> >>
> >>
> >> ------------------------------------
> >>
> >> Yahoo! Groups Links
> >>
> >>
> >>
> >
> >
>

Hi Sujoy,
The magazine looks interesting. What is its periodicity? More
importantly, what kind of music does it mainly cover: old or new?
How can one get it?
Shirish

2008/11/11 Naresh K <khattarnaresh@...>:
> Soojoi thanks for this - I am surely keen . Anymore information on this
> magazine? Who is publishing it, editing it and how is it being distributed?
>
> Naresh
>
> ----- Original Message -----
> From: "soojoi_india" <soojoi_india@...>
> To: <vividhbharati@...>
> Sent: Tuesday, November 11, 2008 7:04 PM
> Subject: [vividhbharati] Playback
>
>> Hi,
>>
>> I have uploaded a jpg image file in the Files section. Below is the
>> link:
>>
>> http://in.groups.yahoo.com/group/vividhbharati/files/
>>
>> Pls have a look. Would you like to subscribe to this magazine??? :)
>>
>> Regards
>> Sujoy
>>
>>
>> ------------------------------------
>>
>> Yahoo! Groups Links
>>
>>
>>
>
>

Soojoi thanks for this - I am surely keen . Anymore information on this
magazine? Who is publishing it, editing it  and how is it being distributed?

Naresh

----- Original Message -----
From: "soojoi_india" <soojoi_india@...>
To: <vividhbharati@...>
Sent: Tuesday, November 11, 2008 7:04 PM
Subject: [vividhbharati] Playback


> Hi,
>
> I have uploaded a jpg image file in the Files section. Below is the
> link:
>
> http://in.groups.yahoo.com/group/vividhbharati/files/
>
> Pls have a look. Would you like to subscribe to this magazine??? :)
>
> Regards
> Sujoy
>
>
> ------------------------------------
>
> Yahoo! Groups Links
>
>
>

Hi,

I have uploaded a jpg image file in the Files section. Below is the
link:

http://in.groups.yahoo.com/group/vividhbharati/files/

Pls have a look. Would you like to subscribe to this magazine??? :)

Regards
Sujoy

EK DHUND SE AANA HAI - A TRIBUTE TO B R CHOPRA
----------------------------------------------

Presented by Yunus Khan under YOUTH EXPRESS
-------------------------------------------

Signature tune of B R Films "karmaNyevaadhikaaraste maa phaleshu
kadaachana..." is played.


B R Chopra, jinhone Mumbai ki lokpriya Hindi cinema ko palte, baDhte
aur sanvarte dekha hai. apne prayaason se is lokpriya dhaara mein
saamaajik sarokaaron ka samaavesh kiya hai. aur 'box office' ka
mohtaaj bankar kaam karna kabhi sweekaar naheen kiya.

----------------------------------------
Clip: samay tu dheere dheere chal (Karm)
----------------------------------------

B R Chopra ke filmi safarnaame ki shuruwaat us samay se maani jaa
sakti hai jab bhaarat aazaad naheen huya tha. B R Chopra Lahore
vishvavidyaalay se MA karne ke baad angrezi patrakaarita se juD gaye
the. apne shuruwaati dino mein Chopra filmon ki sameekshaa likhte
the. 1938 mein unhone Cine Herald naam ka ek aKhbaar nikaalaa, jo
baDaa lokpriya huya, aur vibhaajan ke dino tak chalaa. us samay
Baldev Raj Chopra film patrakaarita ke saath saath kahaaniyaan bhi
likha karte the. unhi dino B R Chopra ke pitaa ke ek mitra ne unhe
filmen banaane ki salaah dee. haalaanki filmen banaanaa us samay itna
saral tha, na aaj hai. baharhaal kuchh mitron ne milkar paisa
ikaTThaa karna shuru kiya, aur ek kahaani ko chunkar us par film
banaane ka kaam shuru huya. is beech Baldev Raj Chopra ne ek 'film
production' mein naukri bhi kar lee. is film mein Chishti sangeetkaar
ke roop mein chune gaye. aur aaj ke prasiddha sangeetkaar Khayyam B R
Chopra ke sahaayak chune gaye the. is dauraan Lahore mein vibhaajan
ke dino mein dangaa shuru ho gaya, aur film dangon ki bhenT chaDh
gayi.

-------------------------------------------------
Clip: yeh kiska lahoo hai kaun maraa (Dharmputra)
-------------------------------------------------

vibhaajan ke dauraan apni jaDon se TooTkar B R Chopra Delhi aa gaye
aur ek patrikaa mein sahaayak sampaadak ki naukri kar lee. vibhaajan
ki peeDaa, kaam kaaj ka na hona, aur sthaayitva ki talaash mein Doobe
Chopra saahab ne jeevan ke is bindu par phir se apne shauk ko
punarjeeveet karne ka sochaa. aur apne aatmeeya jano ko sangaThit
karke ek film banaane ki yojnaa tayyaar kee. is film ka nirdeshan
jaane-maane Urdu kahaanikaar Rajender Singh Bedi ne kiya tha. Shri
Gopal Pictures 'banner' ke tale pradarshit is film ke buri tarah se
asafal ho jaane ke baad Chopra ne yeh tay kiya ki woh punah
patrakaarita jagat mein lauT jaayenge, aur film nirmaaN ke apne
swapna ko kuchh samay ke liye bhool jaayenge. lekin shaayad niyati ko
yeh manzoor naheen tha.

------------------------------------------------------
Clip: chalo ek baar phir se ajnabi ban jaayen (Gumrah)
------------------------------------------------------

film Karwat ke asafal ho jaane ke baad bekaari aur niraasha ke dino
mein B R Chopra ki bhenT huyi I S Johar se. Johar ne Chopra saahab ko
ek aisi kathaa sunaayi jise kai logon ne naapasand kar diya tha.
darasal kahaani ek naye 'treatment' aur vyavsaayik saahas ki maang
karti thi. B R Chopra aise maamlon ko sambhaalne mein kaafi kushal
maane jaate hain. jin dino mein Chopra apne 'career' ko Theek tarah
se shuru bhi naheen kar paaye the, tabhi aise 'risky plot' unhone
apni pehli film banaayi Afsana. bhaartiya cinema mein shaayad pehli
baar ek vivaahita stree ko rishte toDkar baahar jaate huye is film
mein dikhaaya gaya tha. saari ashankaayon ko Galat saabit karte huye
yeh film baDi safal huyi. B R Chopra ka poora 'career graph' dekhen
to paate hain ki yeh kahaani aparimeet urjaa ke saath nayi baat kehne
ki kahaani hai.

-------------------------------------------------------------------
Clip: ... mehnat apni lekh ki rekha mehnat se kya Darna (Naya Daur)
-------------------------------------------------------------------

B R Chopra ki film yaatra dhool mein mil jaane ki Khatarnaak sthiti
mein pahunchkar phir phir upar uThne aur aasmaan ko chhoo lene ki
gauravgaatha hai. apne shuruwaati daur mein puraani film Sholay
banaane ke baad Karwat, Chandni Chowk, aur Sahil jaisi filmon ke piT
jaane ke baad B R Chopra ne apni 'film production company' shuru kee
B R Films, aur iske zariye aayi pehli film Ek Hi Rasta. suniye inhi
dino ki kahaani Chopra saahab ki zabaani:

B R Chopra speaks: 'picture' ka naam main bhool raha hoon, lekin
Mukhram Sharma ki 'picture' thi, Aulad thi ki kuchh aur thi, jismein
unko 'best story' ka 'award' mila tha. Mukhram Sharma ko main bahut
pehle se jaanta tha. jab Aulad 'picture' unki bani thi, to sabse
pehle mujhe sunaayi thi, woh Kuldeep Sehgal banaana chaahte the.
maine socha ki Mukhram Sharma ko mubaaraqbaad deni chaahiye, main
unke yahaan chalaa gaya, woh baiThe huye the, kahaa ki 'bahut bahut
mubaaraq ho ki aapko 'award' milaa'. unhone kahaa ki 'Chopra saahab,
aajkal kya banaa rahe ho?' maine kahaa 'kuchh naheen banaa raha hoon,
DhoonD raha hoon ki kuchh karoon, 'story' naheen hai mere paas'. to
bole ki ''story' mere paas ek hai, 'rosky' hai'. maine kahaa
ki 'mujhe aisi ek 'story' darkaar hai, sunaaiye'. kehte ki 'kal ghar
aata hoon aapke aur sunaata hoon'. woh mere ghar pe aaye, sunaayi,
mujhe bahut achchhi lagi, maine usi waqt unko paise deeye thoDe se
aur woh 'story' maine le lee. is 'picture' ka naam tha Ek Hi Rasta.

-------------------------------------------------------
Clip: saanvare salaune aaye din bahaar ke (Ek Hi Rasta)
-------------------------------------------------------

B R Chopra speaks: yeh film B R Films ki pehli 'picture' thi.

Signature tune of B R Films "karmaNyevaadhikaaraste maa phaleshu
kadaachana..." is played.

aapko yaad hogaa B R Chopra Productions ka koi bhi kaam, koi bhi film
Geeta ke is shlok ke saath shuru hoti hai. karm ke is saahasi pujaari
ne hamesha geeta ko apna prerNaa srot maana hai. Mahaabhaarat jaise
granth ko chhoTe parde par saakaar karne ka saahas B R Chopra ne hi
kiya tha. Mahaabhaarat B R Films ki ek mahatwapoorNa uplabdhi maani
jaati hai. B R Chopra dwaara nirdeshit filmon ki soochee vyavsaayikta
ko nibhaate huye apne saamaajik udyeshyon ko poora karnewaali filmon
ki soochee hai. san 1951, Afsana, san 1956, Ek Hi Rasta, san 1957,
Naya Daur. Naya Daur, manushya aur masheeno ki kshamataa ke sangharsh
ki kahaani hai. aisa koi doosra udaaharaN DhoonDne chale to mehnat
karni paD jaayegi.

B R Chopra speaks: Ek Hi Rasta ke baad main 'story' ki talaash mein
tha. koi achchhi 'story' haath mein naheen aa rahi thi. ek din main
Shri Sound Studio mein gaya tha kisi kaam se, Mirza saahab mil gaye,
F A Mirza, Shri Saeed Mirza ke baap, mere puraane dost the. unhone
mujhse poochha ki 'Chopra, kya kar rahe ho aajkal?' maine kahaa 'yaar
soch raha hoon kuchh karne ki, 'story' ki talaash mein hoon'. kehne
lagaa 'mere paas ek 'story' hai, sunenge aap?' maine
kahaa 'kal 'sunday' hai, aa jaayo, khaana mere saath khaao'. 'musical
story' sunaayi, usmein bhi bahut baDaa 'social purpose' tha, mujhe
achchhi lagi. maine kahaa 'maine lee yeh'story' aapki'. khaana khaane
ke baad woh kehne lage ki 'Chopra saahab, main ek baat aur aap se
karna chaahta hoon, mere paas ek aur 'story' hai, maine jis jis ko
sunaayi hai sabne 'reject' kee hai, Vasan ko sunaayi thi woh kehta
hai yeh 'documentary' hai, Mukherjee ko sunaayi thi woh kehta hai ki
bakwaas hai, Mehboob saahab ko sunaayi thi, woh kehte ki taangewaale
ki 'story' kya 'story' hai, Raj Kapoor ko sunaayi thi, usne
woh 'stopry' naheen lee, meri Ab Dilli Door Nahin le lee, aur mere
ko 'somehow' lagta hai ki 'story' achchhi hai, main aapko 'story'
bechne naheen aaya hoon, sirf poochhne aaya hoon ki is par aapka kya
Khayaal hai?' saahab aap maanenge naheen, 'story' mujhe achchhi lagi,
to maine kahaa ki 'dekhiye, pehli 'story' maien khareedee huyi hai,
paise mil jaayenge aapko, 'start' yeh main pehle karoonga'. unhone
kahaa 'aap yeh 'story' banaayenge?' 'pakka naheen bilkul 100% pakka,
yeh 'story' to main banaayunga hi, bas iska rang aisa hona chaahiye
ki jo alag haTke ho, hindustaan mein yeh pehli 'picture' honi
chaahiye jo 'villages' mein bane, 'outdoor' mein 95% 'picture' baahar
banni chaahiye, warna iska mazaa naheen aayega'.

----------------------------------------------
Clip: yeh desh hai veer jawaano ka (Naya Daur)
----------------------------------------------

B R Chopra speaks: 'picture' ban gayi, bilkul 'ready' ho gayi, main
tayyaar hoke ghar pe baiTha tha ki Mehboob saahab ghar pe aa gaye.
kehne lage ki 'Chopra, suna hai ki tum taangewaale ki 'story' banaa
rahe ho!' maine kahaa 'banaa to raha hoon sahaab' kehte hain 'mat
banaao, mar jaayoge, abhi tum baDi mushkil se bache ho Ek Hi Rasta
se, isse to bilkul hi Khatam ho jaayoge'. 'saahab Khatam hona na hona
to mere haath mein naheen hai, woh to uparwaale ke haath mein
hai, 'picture' to main wohi banaata hoon jo apne ko achchhi lage'.
us 'picture' ne, Liberty mein, abhi tak ka 'record' hai, ek
bhi 'seat' Khaali naheen 10 hafte tak. to usi film ki Silver Jubilee
thi, to Mehboob saahab ka 'phone' aaya ki 'teri Silver Jubilee hai,
tera Chief Guest kaun hai?' maine kahaa 'abhi faislaa naheen kiya'.
kehta hai 'Chief Guest tumhaara main hoyunga aaj'. 'bahut
meherbaani'. aa gaye, der tak baiThe rahe, phir ham haar vaar
pehnaake unko leke gaye 'dias' pe to apne andaaz mein kehne lage
ki "muddai laakh buraa chaahe to kya hota hai, wohi hota hai jo
manzoor-eKhudaa hota hai". aur kehta hai 'Khudaa ne bahut zyaada
madad kee hai iska, yeh 'picture' mujhe bilkul pasand naheen thi,
lekin is aadmi ka jigraa, is aadmi ki himmat, is aadmi ki taaqat hai
ki yeh 'picture' banaa lee inhone, aur mere kehne ke baawjood isne
yeh 'picture' banaayi thi, iske liye main iski himmat ki daad deta
hoon', yeh baat unhone kahee us waqt.

-----------------------------------------
Clip: uDe jab jab zulfen teri (Naya Daur)
-----------------------------------------

san 1958, Sadhna...

---------------------------------------------
Clip: kahoji tum kya kya Khareedoge (Sadhana)
---------------------------------------------

B R Chopra speaks: jab Sadhna 'announce' kee, to Sadhna
ek 'prostitute' ki 'story' thi, to vaishye ki 'story' ke liye
to 'industry' bhaDak uThi. mere 'distributors' ne mujhe likhaa
ki 'yeh kya kar rahe hain aap? mar jaayenge ham sab'. woh aaye mere
paas, 'Chopra saahab, aapko pataa hai New Theatres ne 'picture' shuru
kee thi Nartaki, aur baDi 'cast' lekar ke shuru kee thi, K L Saigal
vagerah the, 'fail' huyi, phir Wadia ne usko lekar ke Raj Nartaki
banaayi, woh bhi 'fail' huyi, phir Vijay Bhatt ne Prakash ictures
mein Poornima 'picture' banaayi Sardar Akhtar ko lekar ke, 'again'
vaishyaa ki kahaani thi, woh bhi 'fail' huyi, ek aur Munshi Premchand
ki kahaani Seva Sadan ko lekar ke, Zubeida ko lekar, Zubeda us waqt
ki 'top class heroine', woh bhi 'fail' huyi, to ab chaar 'picture' jo
ban chuki hai woh 'fail' huyi, aapko kya lagta hai, ki yeh chalegi?'
maine unko bas ek hi baat kahee ki 'maine jab pehli 'picture' banaayi
thi us waqt bhi maine yeh naheen socha ki chalegi yaa naheen
chalegi'. mujhe achchhi lagi maine banaayi, yeh bhi achchhi lagi to
banaa raha hoon. iski 'story' jab maine Mukhram Sharmaji se sunee thi
to iska 'end' yeh tha ki laDki ki jo maa hai, uska dil badalta hai
jab woh mandir mein jaakar ek updesh sunti hai to. maine unse
kahaa 'Sharma saahab, yeh rang pasand naheen aaya, kahaani
mein 'social' ang to Khatam ho gaya'. 'to aap kya kehte hain?' 'main
to ek hi baat kehta hoon, 'last shot' jo hai, laDki baahar jaati hai,
vaishya jo hai, aur maa uska haath pakaD leti hai, aur woh kehti hai
ki 'tum is ghar mein bahut bankar aayi thi, vaishyaa bankar baahar
naheen jaa sakti'. to maine kahaa ki main is 'angle' se yeh 'picture'
banaana chaahta hoon, maano to main le leta hoon varnaa main
yeh 'story' naheen loonga. maine woh 'story' uspe lee, aur aaj saahab
yeh baat hai ki jab main woh 'story' dekhne jaata tha to mere aankh
mein aansoo aate the, 'because' aap 'believe' naheen karoge,
woh 'picture release' huyi thi Maratha Mandir mein, aur usmein
auraton ka taantaa laga huya tha. to saahab vishvaas apni jagah
hai, 'picture' chalegi ya naheen chal;egi woh baad ki baat hai, koi
doosri 'picture' chalegi iski kya 'guarantee' hai?

--------------------------------------------
Clip: tora manwa kyun ghabraaye re (Sadhana)
--------------------------------------------

yeh tamaam filmen woh filmen hain jinhe shaayad koi aur banaane ka
saahas naheen kar paataa. yeh aavashyak naheen hai ki yeh apne daur
ki safal filmen theen, lekin yeh filmen apna prabhaav chhoDne mein
kahin bhi asafal naheen rahi.

-------------------------------------------------------
Clip: tere pyaar ka aasra chaahta hoon (Dhool Ka Phool)
-------------------------------------------------------

B R Chopra speaks: 'college' mein jab main paDhta tha, jab main MA
mein tha, to Charles Dickens ki ek kahaan Oliver Twist paDhee. to
mere dimaag mein itni chhaayi ki kya yeh jo 'illegitimate child' hai,
naajaayaz aulaad jisko ham kehte hain, kya uski koi 'status'
naheen 'life' mein? aulaad ka kya qasoor hai? qusoor hoga to doosron
ka hoga, uska to naheen hona chaahiye. us zamaane ki baat hai jab
main yeh sochta tha aur yeh kahaani mujhe baDi achchhi lagi. to maine
ek din Pandit Mukhram Sharmaji ko bola ki 'Panditji, mere paas
ek 'story' Oliver Twist ki hai, achchhi kahaani hai, aur usko jo hai
main chaahta hoon ki 'Indianize' kuchh karen'. aur woh itne 'inspire'
huye ki unhone kahaani likh Daali, magar yeh baat zaroor hai ki Dhool
Ka Phool ek bahut hi 'outstanding picture' bani, aur pehli baar ek
aisi film thi jisne sabse zyaada 'silver jubilee' hindustaan mein
karee.

----------------------------------------------------
Clip: tu Hindu banegaa na Musalmaan (Dhool Ka Phool)
----------------------------------------------------

B R Chopra speaks: ek din main 'office' gaya subah subah, to ek
booDhaa sa aadmi baiTha huya tha. pagDee pehne huye, maine
kahaa 'hukum karo saahab!' kehta hai 'kuchh naheen saahab, aapke
5 'minute' bas akele mein chaahiye, agar aap de saken'. kehta
hai 'main, saahab, Jaipur ka rehnewaala hoon, aur wahaan ka ek Head
Master hoon, ek meri beTi hai aur ek ham, aur koi naheen hai. beTi ki
shaadi huyi 1.5 saal pehle, aur uske koi 2/3 maheene ke baad
uske 'husband' ki 'death' ho gayi, aur woh TooT gayi bechaari. woh
TooT gayi, main bhi TooT gaya, samajh naheen aati thi ki kya karen.
ek din ki baat hai ki jo mera Second Master hai, mera bahut dost, woh
aaya, kehta hai ki 'kitne dino tak paDe rahoge? zindagi jab tak
jaayegi naheen tab tak to tum kuchh kar naheen sakte, jab tak hai tab
tak uske saath raho'. main kisi shakal dekhkar zinda rahoon? isko
dekhta hoon to main rota hoon, mujhe rote huye dekhti hai to yeh roti
hai, kya karen? kehta hai 'iska mere paas to koi 'solution' naheen
hai, mere saath chalkar ek 'picture' dekhiye'. to phir kehta hai
ki 'picture' dikha raha hoon, kya farq paDta hai, dekh lo, phir aakar
ro lenaa'. to woh saahab kehta hai ki 'raat ko 'picture' dekhne gaya,
biwi ko, bachche ko le gaya, woh 'picture' dekhee, 'picture' ka baDaa
asar huya mere pe. baDaa asar huya, ghar pe aakar maine apni beTi se
kahaa ki 'beTi, woh tumne gaana dekha tha, "na munh chhupaake jeeyo,
aur na sar jhukaake jeeyo, Gamon ka daur bhi aaye to muskuraake
jeeyo", tumne yeh gaana suna ki naheen suna?' kehti hai 'suna hai yeh
gaana'. asar bhi huya? kehti hai 'asar naheen huya'. asar naheen
huya, asar to hogaa.

--------------------------------------
Clip: na munh chhupaake jeeyo (Humraz)
--------------------------------------

to yeh tha B R Chopra ki yaad mein ek 'feature' 'ek dhund se aana hai'

THE END

WorldSpace is satellite radio, so obviously one cannot hear it on the
website. I provided the URL for the benefit of people who want to know
more about it.
This is subscription radio; we cannot hear it elsewhere.
Shirish Koyal

2008/11/10 santosh kumar <surhall123@...>:
> hi  this worong not  open any radio st, and play any song .
> godd bye
>
> --- On Sun, 11/9/08, Shirish Koyal <shirish.koyal@...> wrote:
>
> From: Shirish Koyal <shirish.koyal@...>
> Subject: [vividhbharati] On radio
> To: vividhbharati@...
> Date: Sunday, November 9, 2008, 11:44 PM
>
> This is to inform you I will appear on Radio Farishta channel of
> WorldSpace (http://www.worldspa ce.in) at 11 pm on Sunday, November 16.
> I will talk about some songs I have selected, and play them. The
> programme will be aired again from 2 pm on Friday, November 21.
> Please tune in if possible.
> Thanks
> Shirish Koyal
>
>

This is to inform you I will appear on Radio Farishta channel of
WorldSpace (http://www.worldspace.in) at 11 pm on Sunday, November 16.
I will talk about some songs I have selected, and play them. The
programme will be aired again from 2 pm on Friday, November 21.
Please tune in if possible.
Thanks
Shirish Koyal

Hi all,

Hope you have already started tuning into the new VB program
called 'SMS KE BAHAANE VBS KE TARAANE'. Yes, now u can SMS your
favourite song everyday between 12 & 12:50 pm and listen to them
instantly.

Type VBS<space>film name<space>song name<space>your name<space> place

and send it to 5676744.

Names of 12 films are given at the beginning of the program and u have
to select your song from the list only!

Happy Listening!

Sujoy

hi friends,
every one in this cummunity knows soojoi. his contribution is
unmatched. with his and mr. mahenra ji's permission i translate his
bupendra singh interview in roman along with the songs braodcasted on
the show, kindly have a look and if u guys like this effert we can
continue to do his other works in ths fashion.

http://podcast.hindyugm.com/2008/11/inse-milie-singer-bhupendra.html

thanks

VBLC SANGEET KE SITAARE
-----------------------

EPISODE 2: KAMAL BAROT
----------------------

namaskaar! VBLC Sangeet Ke Sitaare ki doosri kaDee mein aapka bahut
bahut swaagat hai. is shringKhalaa ki rawaayat hai ki ham ismein aise
fankaaron ki sur yaatra par roshni Daalte hain jo apne sangeet safar
ke dauraan bahut zyaada charchit naheen rahe. baawjood iske in
fankaaron ne film sangeet sansaar mein apna anooThaa chhaap chhoDaa
hai. aaj is kaaryakram mein zikr ek anokhi paarshwa-gaayika ki. miTTi
ki sondhi sondhi Khushboo jaisi aawaaz-waali yeh hain Kamal Barot.

-----------------------------------------------
Song: kahiye janaab kaisa haal hai (Gangu Dada)
-----------------------------------------------

Kamal Barot speaks: sabhi ko Kamal Barot ka namashkaar. ek kalaakaar
ke naate mujhe is baat ki bahut Khushi hai ki aaj aapki sevaa mein
yeh 'programme' pesh karne ka mauka mila hai. hamaare gaaye geet
aapki tanhaaiyon mein rang bharte hain, aapke udaas honThon ko
gungunaahaT dete hain, aur kuchh der ke liye aapko ek aisi duniya
mein le jaate hain jahaan aap apne aap ko bhool jaate hain. to aaj
bhi is 'programme' ko sunte huye mujhe poori ummeed hai ki aap apne
saare Ghamon ko bhool kar kuchh lamhe Khushi ke saath beetaayenge.

---------------------------------------------
Song: bijli hai mere paaon mein (Rocket Girl)
---------------------------------------------

Kamal Barot ne us daur mein film sangeet jagat mein kadam rakhaa jab
duniya bas do aawaazon ki deewaani bani huyi thi. yeh do aawaazen
theen Lata Mangeshkar aur Asha Bhosle ki. aise mein kisi nayi gaayika
ke liye yahaan par jagah banaana behad mushkil tha aur na hi har kisi
ke bas ki baat thi. Sudha Malhotra, Suman Kalyanpur, Sharda, Minu
Purushottam, Usha Mangeshkar, Mubaraq Begum ke saath saath Kamal
Barot ne bhi gaana shuru to kiya, lekin in gaayikaaon ko
baDe 'banners' ki filmon mein gaane ke mauke zyaada naheen mile. aur
agar mile to yugal aur samooh geeton mein bataur doosri gaayika ke
roop mein gaane ka mauka milaa. in saari kaThinaaiyon ko sweekaar
kiya Kamal Barot ne aur jab jaise gaane unki jholee mein aaye, woh
gaati chalee gayeen. unke gaaye ekal geeton mein bhi kai geet behad
lokapriya huye. aisa hi ek behetareen naGmaa aapki Khidmat mein
yahaan prastut hai.

-----------------------------------------
Song: aaj hamko hansaaye na koi (Badshah)
-----------------------------------------

ullekhniya baat yeh hai ki Kamal Barot ko pehli baar gaane ka mauka
Lata-ji ki sifaarish se hi milaa tha. yehi baat bataa rahi hain Khud
Kamal-ji:

Kamal Barot speaks: zindagi ki tez dhoop mein sangeet ki chhaiya mil
jaaye to kehna hi kya. maine sangeet ki duniya mein pehli baar kadam
rakha jab Lata-ji ne Kalyanji bhaai se meri sureelee sifaarish kee.
unhone kahaa 'aap Kamal se gaana kyun naheen gawaa lete hain!' asal
mein woh gaana Lata didi gaanewaali theen, par woh jaa rahi theen
Kolhapur aur gaana mil gaya mujhe. woh gaana tha "dil leke jaate ho
kahaan".

suniye Kamal Barot aur Subir Sen ka gaaya huya Indeevar ka likha aur
Kalyanji Anandji ka sangeetbaddha kiya O Tera Kya Kehna film ka yeh
gaana.

-------------------------------------------------
Song: dil leke jaate ho kahaan (O Tera Kya Kehna)
-------------------------------------------------

Kamal Barot ne doosri gaayika ke roop mein asankhya yugal geet aur
qawwaaliyaan gaayee hain jinmein se kai behad kaamyaab rahi hain.
aayiye ab kuchh aise hi geeton ki charcha karen. san 1961 mein ek
film aayi thi Gharana, jismein Kamal Barot ne Asha Bhosle ke saath
apni aawaaz milaayi thi bachchonwaale is gaane mein, jo us saal Ameen
Sayani dwaara prastut vaarshik Geet Mala ke 26-ve paaydaan par raha.
yeh geet sunkar aap bhi apne bachpan ke dino mein kho jaayenge, zaraa
suniye to...

------------------------------------------------
Song: daadi amma daadi amma maan jaayo (Gharana)
------------------------------------------------

Kamal Barot speaks: dil leke jaanewaalon mein, yaani apni geeton se
dil churaanewaalon mein shaamil hain Asha Bhosle. apni tarah ki ek
aisi anooThi aawaaz jis par waqt ka koi asar naheen ho paaya. Ashaji
ki aawaaz ke saath ham sab ka yeh kambaKht ishq aisa hai jo saal dar
saal parwaan hi chaDhta raha hai. shoKhi, sharaarat, maadakta, saare
guN simTe huye hain is aawaaz mein. aur mujhe to isliye yeh aawaaz
bahut pasand hai kyunki ham dono hamKhayaal hain, aur saheliyaan bhi
hain.

Asha Bhosle ke saath Kamal Barot ne aage chalkar bahut saari filmon
mein gaane gaaye, jinmein se kuchh ke naam hain Teen Bahuraniyan,
Awara Badal, Do Dushman, Dilli Ka Dada, Yaari Zindabad, Balram Shri
Krishna, Shankar Seeta Anusuya, Shamsheer, Jahan Sati Wahan Bhagwan,
Jantar Mantar, Shri Ram Bharat Milap, Shrimanji, Raaka, Sher Khan,
Watan Se Door, Sab Ka Ustad, Maya Jaal, Nasihat, Maharani Padmini,
Killers, aur Humjoli.

---------------------------
Song: hu tu tu tu (Humjoli)
---------------------------

jaisa ki Kamal Barot ne Khud kahaa hai ki unhe sabse pehle film ke
liye gaane ka mauka Lata Mangeshkar ne hi dilwaaya tha film O Tera
Kya Kehna Mein. yeh film pradarshit huyi thi san 1959 mein. isi saal
Kalyanji Anandji ke sangeet nirdeshan mein ek aur film aayi thi
Madari, jiska sangeet Khoob Khoob chalaa tha. is film mein Kamal
Barot ko Lata Mangeshkar ke saath ek yugal geet gaane ka mauka milaa.
sunte hain wohi geet lok sangeet ki meeThee chaashni mein Dooba huya
yeh gaana

----------------------------------------
Song: akeli mohe chhoD na jaana (Madari)
----------------------------------------

lekin Lata Mangeshkar ke saath gaaye Kamal Barot ke jis gaane ne
itihaas rachaa woh thi Laxmikant Pyarelal ki pehli 'hit' film
Parasmani ka. 1962 mein bani is film ka yeh gaana aaj bhi film
sangeet ke sabse zyaada lokapriya 'female duet' geeton mein shaamil
kiya jaata hai. "hansta huya nooraani chehre" waale is geet ne Ameen
sayani ke vaarshik Geet Mala mein '6th position' praapt kiya tha.

---------------------------------------------
Song: hansta huya nooraani chehra (Parasmani)
---------------------------------------------

is waqt aap sun rahe hain VBLC Sangeet Ke Sitaare aur aaj is
kaaryakram mein aap sun rahe hain guzre daur ki paarshwa-gaayika
Kamal Barot ke gaaye huye gaane.

---------------------------------------------------
Song: garjat barsat saawan aayo re (Barsat Ki Raat)
---------------------------------------------------

Roshan ke sangeet mein raag gaur malhaar par aadhaarit Kamal Barot
aur Suman Kalyanpur ka gaaya film Barsat Ki Raat ke is gaane ka
shumaar aaj bhi shaastriya sangeet par aadhaarit baarish ke lokapriya
aur oochcha koTi ke geeton mein hota hai. yeh geet Kamal Barot ke
sangeet safar ki ek yaadgaar geet rahi hai jiske ullekh ke bina yeh
kaaryakram adhuraa hi reh jaata. aur ab aaiye jaldi jaldi jhalkiyaan
sun lete hain kuchh aur aise yugal geeton ki jinhe amal barot ne
doosri gaayikaaon ke saath milkar gaaya hai. yeh hai Shamshad Begum
ke saath gaaya film Ek Din Ka Badshah ka gaana...

-------------------------------------------------------------
Clip: allaah teri aahon mein itna asar de (Ek Din Ka Badshah)
-------------------------------------------------------------

yeh hain Mubaraq Begum Kamal Barot ke saath film Hum Ek Hain mein...

------------------------------------------------
Clip: matwaare saanwariya ke naina (Hum Ek Hain)
------------------------------------------------

Minu Purushottam aur Kamal Barot ki aawaaz mein Kala Chashma film ka
geet...

-----------------------------------------------------
Clip: aankhon mein koi yaadon mein koi (Kala Chashma)
-----------------------------------------------------

Madan Mohan ke sangeet mein yeh hai Krishna Kalle ke saath film
Naunihal ka gaana...

------------------------------------------------
Clip: chhutti aa gayi dhol bajaayenge (Naunihal)
------------------------------------------------

film Bada Aadmi mein Kamal Barot ne saath diya hai Usha Mangeshkar
ka...

--------------------------------------------------------
Clip: hamen yeh duniyawaale pyaar ka ilzaam (Bada Aadmi)
--------------------------------------------------------

Usha Timothy aur Kamal Barot, film Sati Nari...

----------------------------------------------------
Clip: jaiyo na jamna pe akeli tum raadha (Sati Nari)
----------------------------------------------------

Asha Bhosle aur Usha Mangeshkar ke saath gaaya film Ankhen ka yeh
gaana behad lokapriya huya tha...

-------------------------------------------
Clip: luT jaa luT jaa yehi din hai (Ankhen)
-------------------------------------------

gaayakon ki baat karen to Kamal Barot aur Mahendra Kapoor ki joDee ne
bahut saare geet ek saath gaaye hain. chand filmon ke naam ginaayen
aapko? yeh kuchh filmen hain Khooni Khazana, Patthar Ka khwab,
Bankelal, Rustom-e-Rome, Ram Leela, Apna Ghar Apni Kahani, Sunehra
Jaal, Teen Sardar, Jadui Angoothi, aur Sangeet Samrat Tansen. sunte
hain Shailendra ka likha aur S N Tripathi ka swarbaddha kiya Sangeet
Samrat tansen film ka yeh gaana jo aadhaarit hai raag jogiya par.

-----------------------------------------------------------
Song: he naTraaj gangaadhar shambhu (Sangeet Samrat Tansen)
-----------------------------------------------------------

Mohd Rafi ke saath film Umar Qaid mein Kamal Barot ne gaaya tha
yeh 'duet' geet...

-------------------------------------------------
Clip: bambai puraani kalkatta puraana (Umar Qaid)
-------------------------------------------------

bahut hi anokhaa 'combination', Kishore Kumar aur Kamal Barot, film
Baghi Shahzada mein sangeetkaar Bipin Babul ne in dono ko ek saath
gawaaya tha...

----------------------------------------------
Clip: yeh nazaara mohabbat ka (Baghi Shahzada)
----------------------------------------------

Bipin Babul ki tarah ek aur kamcharchit sangeet the Robin Banerjee,
jinke liye Kamal Barot ne kai filmon mein geet gaaye, jo
zyaadatar 'stunt' filmen theen. aisi hi ek film thi Tarzan And King
Kong, jismen Robin Banerjee aur Kamal Barot ka gaaya ek yugal geet
bhi tha...

----------------------------------------------
Clip: monni idhar to aa (Tarzan And King Kong)
----------------------------------------------

ab tak hamne jitne filmon ka zikr kiya hai aur gaane sunwaaye hain,
aapko shaayad is baat ka andaazaa laga hoga ki Kamal Barot ne
zyaadaatar 'stunt' filmon aur dhaarmik filmon mein paarshwa-gaayan
karne ke mauke mile hain. aur yahi wajah hai ki unki zyaada charcha
naheen huyi. lekin unhe baDe baDe sangeetkaaron ke nirdeshan mein
gaane ke mauke mile hain jinmen shaamil hai Roshan, Kalyanji Anandji,
Laxmikant Pyarelal, Usha Khanna, Ravi, aur O P Nayyar jaise
sangeetkaar.

----------------------------------------
Song: dhaDka to hoga dil jigar (CID 909)
----------------------------------------

to doston, Kamal Barot ke gaaye geeton ki yeh maalaa kaisi algi
aapko? hamein ummeed hai ki in bhoole bisre geeton ko bahut dino ke
baad sunkar aap un puraane dino mein kho gaye honge! chalte chalte
ek ullekhniya baat aapko bataa den ki Kamal Barot ke bhaai Chandra
Barot ne hi 1978 ki 'blockbuster film' Don ka nirdeshan kiya tha.
aajkal Kamal Barot 70 varsh ki aayu paar kar chukee hain aur in dino
woh London aur Mumbai mein baari baari se aakar rehti hain. VBLC
Sangeet Ke Sitaare ki taraf se ham de rahe hain Kamal-ji ko lambi
aayu aur swastha jeevan ki tah-e-dil se shubhkaamnaayen, aur chalte
chalte aapko sunwaa rahe hain jhalak Kamal Barot aur Mukesh ke gaaye
ek bahut hi Khoobsoorat yugal geet ki film Rocket Girl se. suniye yeh
geet aur deejiye hamein ijaazat, phir mulaaqaat hogi VBLC Sangeet Ke
Sitaare ki agli kaDee mein, ek aur kamcharchit fankaar ke sangeet
safar ke saath, namaskaar!

----------------------------------------------
Clip: na jaane chaand kaisa hoga (Rocket Girl)
----------------------------------------------

THE END

INSE MILIYE - VIJEYTA PANDIT
----------------------------

VP: Vijeyta Pandit
RB: Renu Bansal

RB: Inse Miliye kaaryakram mein aap sabhi ka swaagat, aap sabhi ko
Renu Bansal ka namaskaar. aaj jis shahseeyat se aapki mulaaqaat
karwaane jaa rahe hain, unka naam bataane se pehle soch rahi hoon ki
ek gaane ki ek jhalak aapko sunwaa doon jisse ki unka naam bhi aapko
yaad aa jaayegaa aur unki salauni soorat bhi aapke aankhon ke saamne
tair jaayegi.

-------------------------------------------------------
Clip: yeh laDki zara si deewaani lagti hai (Love Story)
-------------------------------------------------------

RB: kahiye, pataa chal gaya na naam? pyaari si muskuraahaT waali
abhinay ki deewaani aur jaapaani guDiya si aap hain Vijeyta Pandit jo
aaj Vividh Bharati ke 'studio' mein mere saamne baiTheen hain.
Vijeyta-ji, bahut swaagat hai, namaskaar!

VP: dhanyavaad Rebu-ji, mera saubhaagya hai ki main pehli baar Vividh
Bharati mein aakar yahaan aapke saath 'programme' kar rahi hoon, aur
main apne aap ko bahut 'lucky' maanti hoon.

RB: Vijeyta-ji, yeh bataaiye ki aap filmon mein ek Khushnuma jhonke
ki tarah aayi theen, aur Love Story aapki abhinay se sajee pehli film
thi, to yeh jo Khushnuma jhonka tha uske baad waisi ThanDi hawaa kyun
naheen aayi?

VP: dekhiye woh Love Story aayi to pyaar ka ek sandes bhi laayi aur
mohabbat bhi aayi, (laughs), to Love Story ke baad maine Mohabbat
mein kaam kiya jismein mera 'I think' bahut hi achchha 'role' tha,
bahut achchha 'challenging performance' tha Anil Kapoor ke saath, jo
maine kiya, aur usey bhi logon ne bahut saraahaa, aur uske baad to
bas gaane, aap to jaanti hain mere 'family' mein sab sangeet ke
deewaane hain, Jatin bhaai, Lalit, Sulaxana, Aadesh Shrivastava
mere 'husband', ham 'music' se hi taalluKh rakhte hain, to hamaara
poora 'basically' jo 'family' hai, Khaandaan hai, woh 'music' ke hi
maadhyam se juDee rehti hai, to sangeet mein main hameshaa bachpan se
thi hi, Love Story mein jo main 'heroine' bani yeh bhi ek ajeeb sa
ittefaaq hai ke Sulaxana-ji ki tarah main bhi dikhne mein shaayad
bahut Khoobsoorat thi (laughs), to Rajendra Kumar-ji ne jab mujhe
dekha to bole ki 'meri 'heroine' bas yahi hai, mujhe isi se 'acting'
karaani hai', aur is tarah mujhe Love Story mein 'heroine' banne ka
mauka milaa. to yeh meri Khoobsoorati hi thi ki, main chaahti to
thi 'singer' banna, ban gayi 'heroine'. uske baad maine 'singing' ko,
gaane ko, sangeet ko, 'I mean first priority' rakhaa, aur aaj bhi
maine ek 'album' nikaalaa hai apna, Propose, usmein Sonu Nigam aur
Hariharan-ji ke saath maine gaaya hai gaana, main chaahoongi
woh 'album' aap zaroor sune aur apne aap hi 'judge' karen ki main
kaisa gaati hoon.

RB: Vijeyta-ji, yeh to aapki abhinay ki kahaani huyi ki kis tarah
abhinay ki duniya mein aapke kadam paDe, lekin ek baat aap se zaroor
jaanna chaahenge ki sangeet ke maahaul mein aap paleen baDheen,
sangeet aapke nas nas mein basaa hai, aur abhinay ka bhi koi na koi
ansh to hoga hi aapke man mein?

VP: bilkul, abhinay to sangeet se aur gaane se juDaa huya hai, woh
koi alag cheez to hai naheen. jab koi 'singer' gaata hai to kuchh
sochkar abhinay ko apne andar Dhaalkar hi woh 'feeling' baahar aati
hai aur wohi abhinay hai. to main sochti hoon har 'singer' pehle
ek 'actor' hai, phir 'singer' hai. to isi tarah 'singing' aur 'music'
hamaare andar to hai hi, bas kudrat ki den samajheeye ki gaane ke
saath saath uparwaale ne thoDi shakal bhi dee ki jiski wajah se
Sulaxana aur main, ham dono ko aap logon ne filmon mein 'as heroine'
dekhaa.

RB: sangeet ke maahaul mein jab aap baDi ho rahi theen, to aapne kya
sochaa tha ki duniya ke saamne Vijeyta Pandit ek gaayika ke roop mein
prastut hongi yaa abhinetri ke roop mein prastut hongi?

VP: gaayika ke roop mein. main bachpan mein jab 9 saal ki thi, maine
gaana hi gaaya tha, maine seekha tha 'classical' mere pitaaji Pandit
Pratap Narayan-ji se, woh aaj naheen hain mere saath mein lekin unki
seekhaayi har cheez mere saath hai, mere rom rom mein basee hai, main
bachpan se gaana hi gaati thi, film Johny aur Jeany mein Kishore-ji
ke saath, mere sabse 'favourite singer' hain, unke saath maine pehla
gaana gaaya tha 'duet', "Johny ko maine jaana hai aaj, jhooTa hai yeh
dil ka sachcha naheen", to main apne aapko bahut saubhaagyashaali bhi
samajhti hoon ki 9 saal ki umra mein maine Kishore Kumar-ji ke saath
gaaya, aur woh bhi us zamaane mein. aajkal aap to jaanti hain ki
gaana aisa hota hai ki 'voice' ko pehle le le 'music' baad mein
Daalen, woh ek 'combination' saath mein naheen hota jo pehle huya
karta tha, jab 'musicians' aur 'singers live' khaDe hokar gaate the.
to us daur se main bhi guzree hoon, aur Kishore-da ke saath main
khaDe hokar 50-60 'musicians' ke saath maine yeh gaana gaaya tha.

-------------------------------------------
Clip: sun jiniaa arey jaa (Jinny Aur Johny)
-------------------------------------------

RB: Vijeyta-ji, aap ne woh daur bhi dekhaa aur aaj ka daur bhi dekh
rahi hain apne bhaaiyon aur apne pati ke saath jahaan 'music'
alag 'record' kiya jaata hai aur 'singer' apni aawaaz alag deta hai.
aap ke hisaab se kaun sa daur zyaada achchha tha haalaanki kehte hain
pehle ke jo gaane the unmein aatma basti hain aur aajkal ke gaano
mein aatmaa naheen hai keval shareer hai.

VP: bilkul, yeh bahut sahee baat hai, pehle ke jo gaane hote the,
pehle jis tarah se gaane 'record' keeye jaate the, 'singers' saath
mein khaDe hain, hans rahe hain, bol rahe hain, gaane ko saath
mein 'rehearsal' kar rahe hain, 'with 40-50-60 musicians, along with
them', woh ek mazaa hi kuchh aur tha, insaan ek doosre
ko 'acknowledge' karta tha, 'hello hi' hota tha, lagta tha ek
poori 'family', ek poora 'studio' bharaa huya 'singers'
se 'musicians' se, aur aapas mein baatchit hoti thi, hans-khelkar
gaana banaaya jaata tha, ek 'combination' karke gaana gaaya jaata
tha, aajkal to akele soone 'studio' mein aayo, akele 'music director'
ke saath gaayo aur bas chale jaayo, bahut hi 'different genre' hai
aaj ka, bahut alag 'type' ka maahaul hai, lekin main yahi sochti hoon
ki pehle ka jo daur tha woh bahut Khoobsoorat tha aur usmein abhut
aatma thi, bahut sachchaai thi, bahut achchha tha woh.

RB: shaayad isiliye jab aap sabke saath milkar kaam karti hain,
bahut 'rehearsals' hote hain to jo 'expressions' hain woh khulkar
aate hain...

VP: khulkar aate hain

RB: shaayad aaj ke gaano mein 'expressions' kam nazar aate hain?

VP: bilkul bilkul, aajkal ka jo 'trend' hai woh bahut 'mechanical' ho
gaya hai, 'machine' jaisa ho gaya hai, pehle dekhiye na 'musicians'
sab 'acoustic' tha, saarangi woh bajaa rahe hain to saarangi hi hota
tha, aaj 'electronics' mein kaafi woh sab 'tones' nikal jaate hain to
dil ki gehraaee ki woh cheez na aapko samajh aayegi aur na aap 'feel'
karenge.

RB: Vijeyta-ji, jab jab aapki aur Sulaxana-ji ki abhinay aur gaayan
ki baat nikalti hai to shrotaaon ke man mein ek sawaal zaroor aata
hai ki aap dono ne abhinay aur gaayan, dono ko saath saath aage
baDhaane ka socha, lekin aap aisa naheen kar paayeen ismein kitna
sach hai?

VP: Sulaxana-ji ne to mere se bahut zyaada 'struggle' kiya hai 'life'
mein, woh jab gaana chaahti thi to bahut baDe baDe 'singers' the unke
saamne, Lataji theen, Ashaji theen, jinse 'compete' karna
har 'singer' ke bas ki baat naheen thi. to woh 'genre' bahut
zyaada 'difficult' tha na ki aaj ka. aaj ka jo daur hai
ismein 'singers' ke liye raastaa seedhaa aur 'easy' ho gaya
hai 'chance' milne ke liye. pehle ki tarah 'difficult' naheen
hai 'because' aajkal itna 'talented' mahaan 'singer' saamne mujhe
naheen lagta koi hai.

RB: achchha chaliye, hamne aapke abhinay ki baat kee, aapke sangeet
ki baat kee, aur aapne bataaya ki aapne apna 'album'...

VP: maine apna ek 'album' banaaya hai Propose, jismein Sonu Nigam ne
do gaane gaaye hain mere saath, Hariharan ne do gaane gaaye hain,
iska main ek mukhDaa sunaati hoon, (sings) "koi sapna banke koi apna
banke nainon mein aaye chheDe sataaye main kya karoon kya na karoon
haaye"

RB: ab main aap se 'propose' yeh kar rahi hoon (VP laughs) ki Vijeyta
Shrivastava jab ghar pe hoti hain, jab sangeet se unhe fursat milti
hai, to woh kya karti hain, kyunki aap ke paas se jab main guzree to
khaane ki bahut pyaari Khushboo aayi.

VP: (laughs) jab main ghar pe rehti hoon to mujhe ghar ki safaai ka
zyaada shauk hai, mujhe har cheez bahut saaf chaahiye, safaai ka
bahut shauk hai, aur khaana pakaane ka bahut shauk hai. to zyaadaatar
mere ghar mein khaana banaake ke liye 'cook' hai, mahaaraaj, par main
hamesha koshish karti hoon ki jab bhi fursat mile to Khud
apni 'dishes' Khud banaayun, kyunki aap jaante hain ki apne haath se,
kahin bhi aap chale jaayen, apne haath se banaayi cheez agar log
taareef karen aur pasand karen to bahut Khushi milti hai.

RB: achchha Vijeyta-ji, yeh bataaiye aap 'vegetarian dishes' banaati
hain, 'non-vegetarian dishes' banaati hain yaa dono?

VP: dono banaati hoon

RB: aur aapki pasandida 'dish' kaun si hai?

VP: meri pasandida 'dish' hai, ek main banaati hoon "dahi baingan",
Laxmikant Pyarelal ke Pyarelal-ji hamesha mujhse kehte hain
ki 'Vijeyta, tumhara dahi baingan mujhe bhejo, mujhe bahut pasand
hai' (both laughs), to woh ek mera 'special dish' hai.

RB: ghar ka rakh-rakhaav aur khaana banaane ka jo shauk hai iske
alaawaa Vijeyta ke aur kya kya shauk hain, aur Vijeyta ki ichchhaayen
kya hain abhi?

VP: meri ichchha to yahi hai abhi ki main phir se ek 'singer' ki
tarah saamne aayun, main abhi ek aur 'album' banaa rahi hoon, Aadesh
jiska 'music' de rahe hain, aur main usmein lagi huyi hoon, ham
uspe 'work' kar rahe hain, 'compositions' ban rahe hain, Javed Akhtar
mere gaane likh rahe hain, aur ummeed kar rahi hoon ki usmein gaane
achchhe bane, aur 'as a singer' main jantaa ke saamne ek baar phir aa
jaayun aur log mujhe bhoole naheen, kisi na kisi tarah main unke
aaspaas ghoomti rahoon.

RB: Vijeyta, hamaari shubhkaamnaaen aur sunnewaalon ki shubhkaamnaaen
aapke saath hain ki log ek baar phir aapko parde par dekhen, parde
par dikhne ke do maadhyam hain, ek to aap abhinay karen, aur doosra
aap 'albums' ke liye abhinay karen. to kya iraade hain aapke?

VP: maine pehle 'album' ki bhi CD banaayi thi lekin shaayad woh Theek
se 'promote' naheen huyi, Hariharan-ji ke saath, aur ab doosra
jo 'album' banaa rahi hoon usmein bhi gaane main Khud par 'picturise'
karoongi, aur main chaahoongi ki jald se jald woh 'album release' ho,
aap mere gaane sune aur mujhe yaad karen, aur jitna pyaar aap ne diya
hai mujhe Love Story ek dauraan woh main phir se haasil karoon.

RB: Vijeyta-ji, aapka bahut dhanyavaad, aap hamaari 'studio' mein
aayeen aur hamaare sunnewaalon se itni pyaari pyaari baaten aapne kee.

VP: yeh mera bahut baDaa saubhaagya hai, main bahut Khush hoon ki
main aap logon ke saamne aayi hoon aut itna achchha 'programme' lekar
aayi hoon, dhanyavaad, 'I am so much thankful to you'.

-----------------------------------------------
Clip: jawaan ho yaaron (Jo Jeeta Wohi Sikander)
-----------------------------------------------

THE END