Hi,

I dont think VB announcer Ganesh Sharma is the same composer Ganesh
because in Pyarelal's Ujaale Unki Yaadon Ke series, they talked about
Ganesh but nowhere it was highligted that he was part of VB.

Mahendraji/ Yunus bhai, can you kindly confirm if Ganesh Sharma of
VBS and composer Ganesh (Sharma) are the same person or not.

Regards,
Sujoy Chatterjee

--- In vividhbharati@..., Kaustubh Pingle
<kcpingle@...> wrote:
>
> Ganesh was a very good Violin player. In fact he used to teach
violin to
> students ( Ismail Darbar was one ! ). It seems that due to his
short temper,
> he lost many assignments in the Industry. Pyarelal said that he was
one of
> the most talented musicians in the industry.
>
> I dont know if the radio-presenter on Vividhbharati, Ganesh Sharma,
was ( he
> is no more ) the same Ganesh. Maybe Sujoy can confirm ?
>
> kcp
>
>
>
> On Sat, Jan 31, 2009 at 9:39 AM, somnath ganguly
> <somnath.ganguly@...>wrote:
>
> > Got this song from a an online forum Dil Hai Jawan - Saa Re Gaa
Maa Paa,
> > the tune is quite Pancham-ish.
> >
> > Quite a good fast number by a lesser known music
director "Ganesh" ,.
> > can anyone provide some inputs on this MD...??
> >
> >
> >
> >
> > Rgds
> > Som
> >
> > --~--~---------~--~----~------------~-------~--~----~
> > You received this message because you are subscribed to the
Google Groups
> > "Sangeet Mitr [संगीत मित्र]" group.
> > To post to this group, send email to saatsur@googlegroups.com
> > To unsubscribe from this group, send email to
> > saatsur+unsubscribe@googlegroups.com<saatsur%
2Bunsubscribe@googlegroups.com>
> > For more options, visit this group at
> > http://groups.google.com/group/saatsur?hl=en
> > -~----------~----~----~----~------~----~------~--~---
> >
> >
>
>
> --
> http://www.brahmanandsingh.com/RDB.htm
>

MUMBAI: The hugely popular weekly show 'Binaca Geetmala' that aired
top Bollywood songs during 1952-1994, is back with a different tune.

The show, which was anchored by veteran radio host Ameen Sayani,
garnered millions of regular fans and is now back in a unique concept
album format titled 'Geetmala ki Chhaon Mein'. The album was released
under the Saregama label on 26 January 2009.

'Geetmala ki Chhaon Mein' brings back the radio industry's icon,
Ameen Sayani in an album series comprising five volumes. The concept
album contains gems from Indian film music from 1930s to the 1950s.
This time, the veteran broadcaster has picked up songs which missed
the limelight by a whisker. "I went half mad doing the short listing.
I had to think of a lot of angles. In this compilation I am
highlighting the songs that maybe did not headline too much. For the
first three volumes, I hunted for the songs I thought were
outstanding but did not really got that much acclaim." Sayani said.

The remarkable repertoire of songs selected for 'Geetmala ki Chhaon
Mein' has been interwoven with interview snatches of filmstars like
Amitabh Bachchan, Kishore Kumar, Meena Kumari, Ashok Kumar, Nutan,
Sunil Dutt and many more. "The listeners will get a unique feel - a
feel of listening to the radio. Besides this, there are many star
interviews and a brief snippet of what was happening generally in
India during that time - it's an mixuture of humor, nostalgia and
poetry." Sayani adds, "It will definelty remind them of Binaca Geet
Mala."

At a time when SMS and emails were yet to appear on the horizon, the
success of the radio show was clear � it drew 9,000 letters after its
first show and thereafter an astounding 60, 000 letters a week! This
album is courtesy to the non stop requests that listeners have been
making, for more Ameen Sayani and 'Geetmala'. The veteran broadcaster
has a deep understanding of music and it's nature, Sayani
say's, "Music, like civilization, is a  river. It's origins are way
back in past and as it flows it keeps gathering treasures through his
shores therefore it continually flows in past present and moving in
future."  With 'Geetmala ki Chhaon Mein, hopefully the magic will
return.

Source: http://www.radioandmusic.com/content/editorial/news/ameen-
sayani-back-with-geetmala-ki-chhaon-mein

Congrats ! Der se hi sahi !!

On 1/28/09, soojoi_india <soojoi_india@...> wrote:
> New Delhi, Jan 26 (IANS) Veteran broadcaster Ameen Sayani, who has
> mesmerised old and young alike for decades with his golden voice, has
> been conferred with the Padma Shri in recognition of his contribution
> in the field of broadcasting.
>
> One of the most popular announcers of All India Radio (AIR), Sayani,
> 77, became a household name with his signature `behno aur bhaiyo'
> catchphrase in musical programmes like `Geetmala'.
>
> Sayani has immensely contributed in the development of commercial
> broadcasting in India.
>
> According to the Limca Book Of Records 2005, he has presented over
> 54,000 radio programmes and around 19,000 commercial spots and
> jingles, making waves in the radio world of India, Sri Lanka, the US,
> Canada, Britain, UAE and New Zealand.
>
> His legendary countdown began on Radio Ceylon and continued over
> AIR's Vividh Bharati for almost 46 years.
>
> He has also produced and presented film personality interviews, plays
> and skits, musical features, quiz shows, career guidance and AIDS
> awareness programmes, feature film promotional trailers, etc.
>
> Sayani was also a part of various movies like `Bhoot Bangla', `Teen
> Devian', `Boxer', `Qatl'. He appeared in these movies in the role of
> an announcer.
>
>
> Source: http://www.sindhtoday.net/south-asia/55950.htm
>
>
>


--
http://www.brahmanandsingh.com/RDB.htm

New Delhi, Jan 26 (IANS) Veteran broadcaster Ameen Sayani, who has
mesmerised old and young alike for decades with his golden voice, has
been conferred with the Padma Shri in recognition of his contribution
in the field of broadcasting.

One of the most popular announcers of All India Radio (AIR), Sayani,
77, became a household name with his signature `behno aur bhaiyo'
catchphrase in musical programmes like `Geetmala'.

Sayani has immensely contributed in the development of commercial
broadcasting in India.

According to the Limca Book Of Records 2005, he has presented over
54,000 radio programmes and around 19,000 commercial spots and
jingles, making waves in the radio world of India, Sri Lanka, the US,
Canada, Britain, UAE and New Zealand.

His legendary countdown began on Radio Ceylon and continued over
AIR's Vividh Bharati for almost 46 years.

He has also produced and presented film personality interviews, plays
and skits, musical features, quiz shows, career guidance and AIDS
awareness programmes, feature film promotional trailers, etc.

Sayani was also a part of various movies like `Bhoot Bangla', `Teen
Devian', `Boxer', `Qatl'. He appeared in these movies in the role of
an announcer.


Source: http://www.sindhtoday.net/south-asia/55950.htm

Dear all,

If you have any new idea and concept of a programme that can be started
by Vividh Bharati, then please visit the following link of this group
and type in your thoughts.

http://in.groups.yahoo.com/group/vividhbharati/database

You need to mention the Proposed Programme Title, Duration of the
Proposed Programme, and the Concept/ details of the proposed programme.

Regards,
Sujoy Chatterjee

For the timebeing it seems the quality of shortwave (9870kHz) will
improve. There is some issue with AIR's internet broadcast (heard
from some unofficial source :-)

Sujoy



--- In vividhbharati@..., Kaustubh Pingle
<kcpingle@...> wrote:
>
> which means if the authorities decide, AIR/VB can go on the
internet ?
>
>
> On Thu, Jan 15, 2009 at 8:01 PM, soojoi_india
<soojoi_india@...>wrote:
>
> >   The first digital shortwave transmitter of All India Radio will
start
> > functioning from Friday (16th Jan 2009). The Chief Executive
Officer of
> > Prasar Bharati, Mr. B. S. Lalli will inaugurate this transmitter
to
> > mark the Golden Jubilee of High Power Transmitter Centre of AIR at
> > Khampur in New Delhi. It will provide quality output to the
listeners
> > on the shortwave. The External Services programmes of AIR and
Vividh
> > Bharati services will be available with a boosted backup.
> >
> > Source: www.newsonair.com
> >
> >
> >
>
>
>
> --
> http://www.brahmanandsingh.com/RDB.htm
>

The first digital shortwave transmitter of All India Radio will start
functioning from Friday (16th Jan 2009). The Chief Executive Officer of
Prasar Bharati, Mr. B. S. Lalli will inaugurate this transmitter to
mark the Golden Jubilee of High Power Transmitter Centre of AIR at
Khampur in New Delhi. It will provide quality output to the listeners
on the shortwave. The External Services programmes of AIR and Vividh
Bharati services will be available with a boosted backup.

Source: www.newsonair.com

BROADCAST DATE: 31st December 2005 8:15am to 9:15am
---------------------------------------------------

Baheno aur bhaiyon, hello, namaste, aadaab, main aap ka puraana radio
dost Ameen Sayani bol raha hoon. Bol to raha hoon bade maze mein,
lekin bolne ka kaaran mujhe badi museebat mein daal diya tha, jab All
India Radio waalon ne mujhse kaha ki aap ko apne pasand ke 2005 ke Top
10 gaane chunne hain aur woh bhi Geet Mala ki chadhti takhti par. Ab
aap yeh kahenge ki 1952 se lekar 2002 tak to main yahi kar raha tha,
phir to yeh mere baayen haath ka kaam hona chaahiye? Par jawaab yeh
hai ki, arey naheen, aisa bilkul naheen hai, is mushkilaat ka kya
kaaran tha yeh main aap ko baad mein bataayunga, lekin pehle 2005 ke
top 10 daudte bhaagte geeton ki sangeet seedhee shuru to karen!
Isse pehle ki, baheno aur bhaiyon, hum 2005 ke top 10 geeton ki
seedhee shuru karen, main kuch aise geeton ki jhalkiyaan sunwana
chaahunga jo top 10 list mein aate aate thode se peechhe reh gaye, to
aayiye sune kuchh aisi 'runner-up' geeton ki jhalkiyaan.

Sabse pehle do sureeli maharaaniyon ka zikr - Lataji aur Ashaji. Unke
gaaye geet is saal bhi 'popular' to huye, lekin aaj ki mahaaraaniyon
ke daud mein unhe shaamil karna humein shobha naheen deta. To aayiye
'salute' karen Lataji aur Ashaji ko. Yeh hai Ashaji ka gaaya Teesra
Panna yaani ki Page 3 film ka geet.

Clip: Huzoor-e-aala (Page 3)

Aur Asha ki bahen, Lata ka gaaya yeh gaana, pataa hai yeh geet kaun si
film ka hai? Yeh bhi Teesra Panna, jee haan, Page 3

Clip: Kitne ajeeb rishte hain yahaan pe (Page 3)

Aur saahab, aanewaale saal mein bhi Lataji aur Ashaji ko sureelepan ki
shubhkaamnaayen dete hain. Aur ab Lataji aur Ashaji ke bhateeje aur
bhateejiyon ke kuchh aise gaane jo hain 'runner-up' ke paaydaan par,
jo saalaana top 10 ke seedhiyon se zara neeche aakar ruk gaye.

Clip: Ishq di gali vich no entry (No Entry)

Jee haan, baheno aur bhaiyon, No Entry ko 'entry' naheen mil paayi top
10 geeton mein. Agla runner-up geet hai film Aashiq Banaya Aapne film
se.

Clip: Aashiq banaya aapne (Aashiq Banaya Aapne)

Aur ab dekhen kaun sa geet kar raha hai salaam namaste

Clip: Salaam namaste (Salaam Namaste)

Agla gaana film Garam Masala ka hai jise bade adaa se gaaya gaya hai

Clip: Adaa aaye haaye adaa (Garam Masala)

Ek aur runner-up geet, film Fareb

Clip: Baras jaa ae saawan (Fareb)

Aur yeh hai khanakta huya 'last runner-up' geet, film Paheli

Clip: Kangna re kangna re (Paheli)

Aur hit sangeet ke shehdaaiyon, ho jaayiye tayyaar, 10 paaydaano ki
chadhaan par chadhne ke liye. lekin ussey pehle main aap ko bataa doon
ki mujhe yeh kaam karne mein takleef kyun huyi thi. Jab Geet Mala ka
programme chala karta tha, tab 'tapes' aur 'cassettes' ki bikri, aur
'radio clubs' ke lists mila karte the, jinke aadhaar par main vaarshik
karyakram ke paaydaan nirdhaarit kiya karta tha. Lekin 3 saal se yeh
karyakram band ho gaya hai. To jab All India Radio ke Director mahoday
ne mujhse kaha ki 2005 ke Top 10 geeton ko baakaayda Geet Mala ke
andaaz mein pesh karoon, to maine unke saamne yeh shart rakh dee ki
aap mujhe geeton ka aisa list deejiye jisme woh gaane hon jinke liye
aapke shrotaaon ki sabse zyaada farmaaishen aayeen aur jinhe Chitralok
kaaryakram mein sabse zyaada bajaaye gaye. Unhone mujhe list dee aur
usmein se maine chun liya mere pasand ke top 10 geet. To yeh hai gaana
number 10, isey gaaya kisne hai? Isey gaaya hai Kunal Ganjawala,
Caralisa aur Ravi Khote ne. Geetkaar Shabbir Ahmed aur sangeet Saleem
Suleiman ka, film ka naam hai Kaaaal.

SONG NO: 10
-----------
Song: Is kaal kaal mein hum tum karen dhamaal
Film: Kaal
Singers: Kunal Ganjawala,
Lyrics: Shabbir Ahmed
Music: Saleem Suleiman


O ho ho ho ho, baheno aur bhaiyon, aap yeh kya kamaal kar rahe hain,
aapne to yeh poochha hi naheen ki agar All India Radio ne top 20 gaane
chun kar de diye to phir bhala maine kya kiya? Jee, maine un 20 geeton
ko badi imaandaari se sunaa aur sunkar un mein se 10 geeton ko chuna
aur unhe 1 se 10 paaydaano ka kram dekar aap ke liye sangeet seedhee
banaayee. Aur ab gaana number 9 keh raha hai ki Ameen bhai ne mujhe
chun liya tu bhi mujhe chun. Arey arey, yeh to 1985 ka top gaana tha,
main khaamakha is saal ke is gaane ka 'murder' kyun kiye jaa raha
hoon! Sangeetkaar A R Rahman, geetkaar Javed Akhtar, aur awaazen
Kavita Krishnamurthy aur Reena ki, film Mangal Pandey.

SONG NO: 9
----------
Song: Tumhari adaayon pe main vaari vaari
Film: Mangal Pandey The Rising
Singers: Kavita Krishnamurthy, Reena
Lyrics: Javed Akhtar
Music: A R Rahman


Baheno aur bhaiyon, kisi geet ke hit hone ke liye usey 4 adhaaron par
khare utarne ki zaroorat padtee hai. Pehla, gaayak gaayika ki awaazen
aur unke andaaz aapke dil ko chhoo jaaye, doosra, shabd kaano se
seedhe dil mein utar jaayen, teesra, jo aap ki bhaavnaaon ko tatoley,
aur chautha, jiski dhuno aur orchestration hon madhurtam, in chaar
aadhaaron ki kasauti par khare utar kar paaydaan number 8 par jaa
pahuncha hai geetkaar Gulzar ka naghma, jise gaaya hai Alisha Chinoy,
Shankar Mahadevan aur Javed Ali ne, sangeetkaar Shankar Ehsaan Loy aur
film ka naam Bunty Aur Bubly.

SONG NO: 8
----------
Song: Kajra re kajra re
Film: BUnty Aur Bubly
Singers: Alisha Chinoy, Shankar Mahadevan, Javed Ali
Lyrics: Gulzar
Music: Shankar Ehsan Loy


Bhai, abhi abhi aapne ek haseena ke kaali kaali kajraari nazron ki
karaamaat dekheen, isi baat par, baheno aur bhaiyon, main ek sher arz
karna chaahta hoon. Kuchh unki nazar ne uthke kaha, kuchh meri nazar
ne jhukke kahaa, jhagdaa jo na huya barson se, tay ho gayaa baaton
baaton mein. Jab baaton baaton mein tay ho jaata hai to phir kya hota
hai? Jee haan, pyar aata hai. Yahi baat kahi gayi hai 2005 ke top 10
geeton ke gaana number 7 mein. Sonu Nigam aur Alka Yagnik ki awaazen,
Sameer ke bol, Nadeem Shravan ka sangeet, film Barsaat.

SONG NO: 7
----------
Song: Pyar aaya aur zyaada
Film: Barsaat
Singers: Sonu Nigam, Alka Yagnik
Lyrics: Sameer
Music: Nadeem Shravan


Aha ha, bhai kitna meetha, kitna madhur tha yeh gaana, jo humne suna
saatven paaydaan par. Baheno aur bhaiyon, aaj main Ameen Sayani 2005
ke top 10 geeton ke saath Geet Mala ke apni puraani yaadon ko taaza
kar raha hoon. Kaise kaise playback singers ke gaane maine bajaaye
hain puraane saalon mein! Mohd Rafi, Shamshad Begum, Mukesh, Geeta
Dutt, Manna Dey, Lata Mangeshkar, Hemant Kumar, Suraiyya, Asha Bhosle,
Kishore Kumar, aur Rajkumari bhi, Suman Kalyanpur, Sudha Malhotra,
Shankar Dasgupta, Mahendra Kapoor. Afsos ki baat hai ki in mein se
zyaadatar aaj hamare beech naheen hain, Manna Dey, Sudha Malhotra aur
Mahendra Kapoor in dino zyaada naheen gaa rahe hain, par Lata aur
Ashaji to 2005 mein bhi gaa rahi hain, waise aaj ke gaayak gaayikaaon
ka bhi jawaab naheen hai, woh bhi bahut hi 'talented' hain aur wohi
ubhar kar saamne aa rahe hain jinka ek alag 'style' hai, ek alag
andaaz hai. 2005 ke top 10 countdown mein number 6 par hai aise hi do
awaazen jo kareeb kareeb naye hain. Sangeet Saleem Suleiman ka, geet
XXXX ka, aur film Iqbal.

SONG NO: 6
----------
Song: Ashaayen khile dil ki
Film: Iqbal
Singers: Kay Kay, Clinton Cerejo, Dominique, Salim Merchant
Lyrics:
Music: Saleem Suleiman


Baheno aur bhaiyon, abhi abhi aap ne 2005 top 10 geeton ki ladi mein
woh gaana suna jo tha number 6 par. Usmein jo aashaayen theen, cricket
mein, jee haan film Iqbal mein, 'college' ke mard yaani ki jawaan
'youths' ki ek asha yeh bhi hoti hai ki kabhi koi haseena unhe dekh
muskuraaye aur woh bhi unse thodi bahut 'romance' kare. Meri bhi aisi
ashaayen theen apne college ke zamaane mein jo kabhi poori naheen
huyi, kam se kam college ke dino mein to naheen. Isi baat par Ghalib
ka sher yaad aa raha hai. Chaahiye achchhon ko jitna chaahiye, woh
agar chaahen to phir kya chaahiye. Aur ab ek aadhyaatmik,
'philosophical', yaani ki gehra matlab rakhne waala gaana, is
programme ke paaydaan no 5 par. Is film mein do sangeetkaaron ne
sangeet diya hai. Ek hain A R Rahman, lekin is geet ke sangeetkaar
hain Ismal Darbar, aur is geet ko gaaya hai Ismail Darbar ke saath
Ayesha Darbar, Sukhwindara Singh aur S P Shaileja ne, film to aap
samajh hi gaye honge, jee haan baheno aur bhaiyon, Kisna.

SONG NO: 5
----------
Song: Woh Kisna hai
Film: Kisna
Singers: Sukhwindara Singh, Ismail Darbar, Ayesha Darbar, S P Shaileja
Lyrics: Javed Akhtar
Music: Ismail darbar


Dekhiye baheno aur bhaiyon, aaj 2005 ke top 10 geeton ka yeh programme
pesh karte huye maine puraane playback singers ka zikr kiya, to phir
kaayde se us zamaane ke geetkaar aur sangeetkaaron ka bhi zikr hona
chaahiye, jinhone puraane zamaane mein dhoom machaayi thi, lekin un
sab ki fehrist itni lambi hai ki aaj yahaan main unka naam naheen le
paayunga, waise yeh amar gaane aap aksar kisi na kisi 'radio station'
se sunte hi hain. Film sangeet ki dhaara har zamaane se guzarti huyi
aage hi aage badhti chali jaa rahi hai aur har zamaane mein apne andar
shaamil kar rahi hain geet sangeet ke naye naye khazaane aur saath hi
is baat ki poori koshish kar rahi hai ki aanewala kal aur mastana ho,
meetha ho, sureela ho. Ab ek geet jo hamaare 'traditional' sangeet par
aadhaarit hote huye bhi aaj ke yug ke sangeet se prabhaavit hai. Poore
dhoom dhadaake ke saath yeh geet is sangeet seedhee ki chauthi
paaydaan par chadh gayi hai. Rahat Fateh Ali Khan ki awaaz, Aseem Raja
ke bol, Anu Malik ki tarz, aur film ka naam Kalyug.

SONG NO: 4
----------
Song: Jiya dhadak dhadak jaaye
Film: Kalyug
Singer: Rahat Fateh Ali Khan
Lyrics: Aseem Raja
Music: Anu Malik


Aur ab aap sab log tayyaar ho jaayiye 2005 ke top 10 sangeet seedhee
ke us geet ke liye jo hai paaydaan number 3 par. Yeh gaana hai josh
aur hungama bhara, isme hai disco-visco, behad naujawaan joshilaa
gaana. Is geet ko sunkar meri bhi yeh tamanna huyi ki main bhi 'dance'
karoon lekin behatar yahi hoga ki main apna 'dancing' is programme ke
khatam hone ke baad karoon, warna programme ke beech mein hi mujhe
'hospital' na le jaana pade. Waise apne jawaani ke dino mein main
kuchh kam naheen tha. New Year ki raat main raat bhar dance karta aur
subah 4 baje ghar lautne ke baad apni ammi se daant khaata. Waise aaj
to ladke ladkiyon ko kaafi chhoot hai, unke mummy daddy bhi aaj
'dancing' ka mazaa lete hain. To chaliye jhoom jaayiye paaydaan number
3 ke geet ke saath, Kay Kay aur Shaan ki awaazen, Vishal Shekhar ki
dhun, Panchhi Jalonvi ka geet, aur film ka naam Dus.

SONG NO: 3
----------
Song: Dus bahaane karke le gayi dil
Film: Dus
Singers: Kay Kay, Shaan
Lyrics: Panchhi Jalonvi
Music: Vishal Shekhar


Baheno aur bhaiyon, maine is 'hit parade' mein aise geeton ko shaamil
kiya hai jo mujhe sahee lagaa hoga, main yahi ummeed karoonga ki yeh
gaane aap ko bhi 'personal' lage honge. Yahaan pe main kahoonga E&OE.
Yeh E&OE kya hai? Woh Gujarati mein kehte hain na ki bhool chook levi
devi, to E&OE ka matlab hai 'Error & permissiOn Excepted'. Is saal ke
film sangeet mein thode puraane 'type' ke 'romance' bhi chale hain, is
yug ke bhadakte naghmein bhi khoob chale hain, aur in dono ke sangam
se nikli sur lehriyaan bhi kaamyaab rahi hain. 'Yes, this beautiful
song is a little bit of English' aur thoda Hindi bhi, Shantanu Moitra
ka sangeet, Swanand Kirkire ke bol, Shreya Ghoshal aur Sonu Nigam ki
awaazen, jee haan jee haan jee haan, film ka naam Parineeta.

SONG NO: 2
----------
Song: Piu bole piya bole
Film: Parineeta
Singers: Sonu Nigam, Shreya Ghoshal
Lyrics: Swanand Kirkire
Music: Shantanu Moitra


'OK everybody, now its time to get set Song number 1, give it a
fanfare' (pause for a moment), arey, recordist saahab gaana lagaaiye
na (again a pause), arey naheen lagaayenge?...achchha gaana Punjabi
style ka hai, isliye mujhe Punjabi mein kehna padega? Par ki karaan
mainu Punjabi theek se aandi naheen hai, chaliye Hindi mein hi keh
deta hoon. Baheno aur bhaiyon, ab tak ke top 9 hit geeton ko sunkar
aap ko mazaa aa gaya hoga, hai na? Ab hum pahunch gaye hain climax
par, yaani ki is saal ka sartaaj, hit geet number 1 aa raha hai ab,
Iske singers hain Shankar Mahadevan, Soumya Raoh aur Loy Mendonsa, is
geet mein sangeetkaar ek naheen teen teen log hain, jee haan, Shankar
Ehsan aur Loy. To aayiye khade hokar, zara jhoom kar is gaane ka
swaagat keejiye baheno aur bhaiyon, film ka naam hai Bunty Aur Bubly.

SONG NO: 1
----------
Song: Nach baliye
Film: Bunty Aur Bubly
Singers: Shankar Mahadevan, Soumya Raoh, Loy Mendonsa
Lyrics: Gulzar
Music: Shankar Ehsan Loy


Wah wah wah bhai kya baat hai! Aaj hum 2005 ke top 10 hit geeton ke
saath khoob jhoome, muskuraaye. Chaahe kisi bhi tooth-paste se daant
saaf karen, par yunhi muskuraate rahiye. Ant mein main na keval Vividh
Bharati, balki All India Radio aur Prasar Bharati ko shukriya kehna
chaahoonga, aur aap sab shrotaaon ko bhi shukriya kehna chaahoonga
jinhone mujhe apne ghar waapas aane ka mauka diya, jee haan, All India
Radio mera ghar hi to hai, maine apne 7 saal ki umra se yaheen Bambai
mein 'broadcasting' shuru kee thi. Chalte chalte aap ko naye saal ki
bahut saari shubhkaamnaayen, aabaad rahiye, kaamyaab rahiye, paise bhi
kamaaiye, lekin khush bhi rahiye, see you soon, bye.

THE END

hi sojoi,
thanks for the skskm on biupin-babul.we recently had a thread on
bipin-babul on hf.here is the link-

http://www.hamaraforums.com/index.php?showtopic=66697


regards,
mahesh


--- In vividhbharati@..., "soojoi_india"
<soojoi_india@...> wrote:
>
> SANGEET KE SITAARON KI MEHFIL
>
> AMEEN SAYANI'S PROGRAMME ON BABUL (of BIPIN-BABUL duo)
> ------------------------------------------------------
> ******************************************************
>
> BB: Babul
> AS: Ameen Sayani
> Recorded in 1973
> ----------------
>
> aur baheno aur bhaaiyon,  Sangeet Ke Sitaaron Ki Mehfil mein
tayyaar
> ho jaaiye us baDe guNee 'music director' se milne ke liye,
> jinki 'personality' bhi baDi mazedaar thi saahab! raubdaar,
> milansaar, hansmukh, oonchaa kad magar kisi khilaaDi ki
tarah 'slim'
> aur 'smart', aur saath hi saath thoDe se sankee aur swabhaav mein
> thoDe se jhagDaalu, jaise achchhe kalaakaar kabhi kabhi ho jaaya
> karte hain! naam hai unka Babul.
>
> ----------------------------------------------------------
> Song: hamein haal-e-dil tumse kehna hai kahiye (24 Ghante)
> ----------------------------------------------------------
>
> yeh gaana tha film 24 Ghante ka, lekin ismein Babul akele 'music
> director' naheen the, unke saath unke baDe sureele 'partner' bhi
huya
> karte the, Bipin. Bipin-Babul ki joDee ek saath kai filmon mein
aayi
> aur phir na jaane kyun yeh dono alag ho gaye. hamaare 'programme'
> ki 'interview' ke liye bhi Babul akele hi aaye the san 1973 ke
> aaspaas. ek aise kaaryakram ke liye aaye the jismein filmi sitaare
> aur alag alag tarah ke kalaakaar aakar apne saathiyon ka haal
bataate
> the. us waqt meri aawaaz kuchh waisi thi bahenon aur bhaaiyon jiski
> nakal aaj bhi kai 'radio announcers' kiya karte hain, lekin aaj
main
> us 'style' mein naheen bolta kyunki ab mujhe woh 'style' apna
bilkul
> hi achchha naheen lagta hai, baDaa ajeb sa lagta hai. baherhaal
1973
> mein 'record' keeye huye Babul ke saathiyon waali 'programme' mein
> meri wohi aawaaz thi, isliye mujhe woh sunaani hi paD rahi hai
aapko,
> to suniye:
>
> ********************
> AS: aaiye aaiye Babul saahab, lekin aap to akele hi aaye hain,
Bipin
> saahab kahaan reh gaye?
>
> BB: Ameen saahab, Bipin saahab ne aane se saaf inkaar kar diya.
>
> AS: o ho, woh kyun?
>
> BB: kehne lage, ham teeno ko baaten karne ka is qadar shauk hai
ke...
>
> AS: yeh "ham teeno ko" se kya matlab hai aapka?
>
> BB: teeno se muraad hai, ek main, ek Bipin saahab, aur teesre, maaf
> keejiye, kuchh aapki, samajh to rahe honge aap (laughs)
>
> AS: baat to sach hai Babul saahab, achchhe achchhe kalaakaar saamne
> hon to man karta hai ki achchhe achchhe sawaal unse poochhoon aur
> baaten is tarah se zaroorat se zyaada hi kar leta hoon (laughs).
> lekin Khair, isse pehle ki main aapke teen saathiyon ke baare mein
> kuchh kehne ke liye kahoon, Babul saahab, ek baat main zaroor
> kahoonga, aur woh yeh ki pichhle kai barson se ham kai tarzen sunte
> aaye hain aapki aur Bipin saahab ki banaaee huyi, jo aapne saath
> saath banaaee thi, woh bhi jo aapne alag banaaee, in sab tarzon ke
> liye main sunnewaalon ki or se aapka shukriya adaa karna chaahta
> hoon, baDi pyaari, baDi Khoobsoorat, baDi achchhi tarah se.
>
> ---------------------------------------------
> Song: duniya mujhko paagal samjhe (24 Ghante)
> ---------------------------------------------
>
> AS: achchha Babul saahab, ab mera Khayaal hai aapke teen saathiyon
ka
> silsilaa jo hai woh shuru kiya jaaye, bataaiye ki teen saathi jo
> aapne chune hain woh kaun se hain?
>
> BB: teen hi saathi kyun Ameen saahab? zindagi mein mere bahut se
> saathi hain aur main bolta chalaa jaayunga aur saathiyon ka zikr
aata
> chalaa jayegaa.
>
> AS: chaliye yahi sahi Babul saahab.
>
> BB: to Ameen saahab, yeh un dino ki baat hai jab main Morris Music
> College mein tha
>
> AS: yaani Lucknow mein?
>
> BB: jee haa, aur Lucknow 'radio station' se gaata tha. aur Madan-ji
> wahaan ke 'programme assistant' the
>
> AS: Madan-ji yaani Madan Mohan?
>
> BB: jee haan
>
> AS: achchha achchha
>
> BB: yakaayak unhone Bambai aane ka 'programme' banaaya aur ham bhi
is
> Khayaal se Bambai ki taraf chal paDe ki chalo 'playback singer'
> banenge. 'singer' to saahab ban na sake, lekin Madan saahab
> ke 'assistant' zaroor ban gaye. aur waheen par Bipin-ji se
mulaaqaat
> huyi
>
> AS: to woh bhi Madan-ji ke saath the?
>
> BB: jee haan! woh chupke chupke dhune banaate the aur main unhe gaa
> gaakar tarzen diya karta tha. aur aahista aahista phir dono ne yeh
> sochaa ki ham bhi kyun na 'music director' ban jaayen!
>
> AS: achchha achchha
>
> BB: bas, Madan-ji se aashirvaad liya aur Naaz Films ki pehli film
> mein hamein mili 'chance'
>
> AS: woh pehli film kaun si thi Babul saahab?
>
> BB: film Shahi Mehman. film Khaasi rahi aur ham kaamyaab ho gaye.
> iske baad Zaar saahab ke hi Taj Poshi, 24 Ghante, Sultana Daku,
Raat
> Ki Rani, vagerah vagerah bahut si filmon mein 'music' diya.
>
> AS: lekin ek baat bataaiye Babul saahab, jab Bipin saahab se itna
> gehra saath tha to phir aap dono judaa kyun huye?
>
> BB: Ameen saahab, aadmi ko haal mein hi Khush rehna chaahiye,
judaai
> ki baat bhool jaaiye, aur is baat ko yaad rakhiye ki ham dono phir
ab
> saath saath hain.
> *************************
>
> achchha doston, yeh baat Babul ne kahee thi 1973 mein, aur uske
agle
> saal 'release' huyi 'producer' Bipin aur Babul ki, yaani dono ki ek
> saath ki film Dawat. yaani ki Bipin se kareeb 10 saal alag rehne ke
> baad dono daawat mein phir mile, magar bahenon aur bhaaiyon, mujhe
> yahaan par bajaane ke liye film Dawat ka koi geet to naheen milaa,
to
> leejiye aapko akele Babul ke sangeet nirdeshan ka ek geet yahaan
par
> sunwaata hoon, phir lauT aayenge Dawat par. yeh gaana hai Babul ki
> film 40 Din ka.
>
> ---------------------------------------
> Song: baiThe hain rehguzar par (40 Din)
> ---------------------------------------
>
> aaiye ab lauT-te hain 1973 mein jab sangeetkaar Bipin aur Babul
phir
> mile the film Dawat mein, lekin 1973 ke us 'interview' mein Babul
ne
> Bipin ke baare mein kuchh naheen kahaa tha, balki Dawat
ki 'producer'
> Dilip Dutt ki baat chheDee, Dilip Dutt, jo ki bahut
> mashoor 'comedian' aur 'mimicry artiste' huya karte the.
>
> *************************
> BB: ek baat main kehna chaahta hoon, yeh jo 'producer' hain na
> hamaare Dilip Dutt saahab, unke baare mein main kuchh zaroor kehna
> chaahta hoon.
>
> AS: zaroor
>
> BB: to yun kahoonga Ameen saahab, baat ke baDe dhanee aur vaade ke
> baDe pakke. 5 saal puraana vaadaa unhone Dawat mein 'music' dene ka
> daawat dekar poora kar diya tha.
>
> AS: achchh achchha, bahut Khoob bahut Khoob!
>
> BB: aur waise to aap jaante hain ki woh 'stage' par 'comedy'
vagerah
> karte rehte hain
>
> AS: jee haa jee haan, bahut achchhi 'comedy' kar lete hain, Gazab
> ke 'artiste' hain, ek aadh namoona sunnewaalon ko bhi sunaaiye
Babul
> saahab.
>
> BB: jaise ki, misal ke taur par, kisi ne poochha tha ki 'Dilip
Kumar
> aur Dilip Dutt mein kya farq hai?'
>
> AS: achchha achchha
>
> BB: kehne lage 'Dilip Kumar 'syllable' hain aur Dilip
Dutt 'avalable'
> hai'
>
> AS: 'syllable' aur 'available', bahut achchhe
>
> BB: ek saahab ne poochha 'Dilip saahab, aap kya kalaakaar hain?' to
> fauran kehne lage 'main to kalaa hi kalaa hai, 'kaar' to...'
> (laughs), aise chuTkule aksar karte rehte the.
>
> AS: achchha Babul saahab, ab tak aapke saathiyon mein 'music
> directors' aur 'producers' ka hi zikr huya hai. kya kuchh 'heroes'
> aur 'heroines' bhi hain jinhe aap apna saathi maante hain?
>
> BB: jee haan Ameen saahab, yeh apna Manoj Kumar.
>
> AS: achchha. to Babul saahab, aapne sabse numaayaa baat kya dekhee
> Manoj Kumar mein?
>
> BB: sabse numaaya baat yeh hai ki bahut kam bolte hain aur bahut
> zyaada sunte hain. Zaar saahab ki film Reshmi Rumaal se lekar unki
> apni film Shor tak unka ek yahi andaaz raha hai.
> ************************
>
> aa haa haa, yeh naam jo aa gaya Reshmi Rumaal ka, to uske 'hit'
> geeton ki kataar saj gayi hai meri yaadon mein bahenon aur
bhaaiyon.
> to aaiye lage haathon woh bhi yahaan sunte chalen, hun, to silsilaa
> main shuru karta hoon us geet se jo sabse zyaada mujhe pasand hai.
>
> --------------------------------------------
> Song: zulfon ki ghaTaa lekar (Reshmi Rumaal)
> --------------------------------------------
>
> Sangeet Ke Sitaaron Ki Mehfil mein abhi abhi jo zulfon ki ghaTaa
> bikhree usey sangeetkaar Babul ne akele hi sanvaara tha, yaani ki
> apne 'partner' Bipin ke baGair. 40 Din, Naqli Nawaab aur Reshmi
> Rumaal jaisi filmon mein Babul ne akele hi sangeet diya. Reshmi
> Rumaal ke baare mein kehte huye Babul ne mujhe Manoj Kumar ke baare
> mein kuchh aur bhi baaten bataaee.
>
> *********************
> BB: main samajhta hoon Ameen saahab, unki kaamyaabi ka sabse baDaa
> raaz yeh hai ki chhoTe baDe ka lihaaz unke zindagi ka Khaas pehlu
> hai. aur woh hamesha apne aap ko 'student' samajhte hain.
>
> AS: achchhe kalaakaar ki yahi to pehchaan hai Babul saahab? ab yeh
> bataaiye ki kya sangeet se bhi lagaav hai Manoj Kumar ko?
>
> BB: bahut zyaada Ameen saahab, bahut puraane gaane, dhun aur bolon
ke
> saath aise yaad hai unhe jaise kal hi sune ho
>
> AS: waise bhi Bipin aur Babul ki tarzen bhi to aisi hain ki barson
> yaad rahe Babul saahab? dekhiye abhi jo geet mujhe yaad aarahi hai
> usey Manoj hi ne 'screen' par adaa kee thi film Naqli Nawaab mein,
> kahiye to chheD den woh geet!
>
> BB: zaroor
>
> ---------------------------------------------
> Song: cheDaa jo dil ka fasaana (Naqli Nawaab)
> ---------------------------------------------
>
> achchha bahenon aur bhaaiyon, aapko yaad hogaa Babul ke
> is 'interview' ke shuru mein unhone kahaa tha ki 'singer' banne ke
> liye, jee haan, gaayak banne ke liye woh Bambai aaye the aur filmi
> duniya se juD gaye. to us 'interview' mein maine Babul saahab se
> poochha tha:
>
> ***********************
> AS: maine sunaa hai ki aap gaa bhi bahut achchha lete hain, balki
do
> teen gaane to aap ne 'record' bhi keeye hain, phir aap ne gaana
kyun
> chhoD diya.
>
> BB: achchha gaana gaana aur 'playback' denaa, dono alag alag
cheezen
> hain Ameen saahab! aap ne aksar suna hoga ki baDe achchhe achchhe
> kalaakaar 'stage' par aur mehfilon mein is qadar aur itna umdaa
gaate
> hain, lekin jan hamaari filmon mein gaate hain to poori tarah se
> kaamyaabi naheen milti.
>
> AS: hummm, yeh baat to sahee hai
>
> BB: lekin iska matlab yeh naheen hai ki main gaana bajaana bhool
gaya
> hoon Ameen saahab!
>
> AS: agar aisi baat hai Babul saahab to hamaare sunnewaale zaroor
> chaahenge ki aap gaakar apne kuchh geeton ke mukhDe unhe sunaa den.
>
> BB: jee haan, dekhiye main koshish karta hoon, (sings) "gardish
mein
> ho taare na ghabraana pyaare, gar tu himmat na haare to honge vaare
> nyaare...."
> ****************************
>
> aur yahi geet film Reshmi Rumaal mein Mukesh ne kaise gaaya tha
yaad
> hai aapko?
>
> -------------------------------------------
> Song: gardish mein ho taare (Reshmi Rumaal)
> -------------------------------------------
>
> BB: main ek aur sunaayun aapko?
>
> AS: zaroor, zaroor sunaaiye
>
> BB: (sings) "naseeb hogaa mera meherbaan kabhi na kabhi..."
>
> AS: Babul saahab, mera Khayaal hai aapke 'hit' geeton ke mukhDe
hain
> na woh aap hi ki zindagi ki kahaani kehte hain.
>
> BB: jee haan Ameen saahab, na main gardish se ghabraata hoon aur
main
> naseeb ka khwaahishmand rehta hoon.
>
> ---------------------------------------------------------
> Song: naseeb hogaa mera meherbaan kabhi na kabhi (40 Din)
> ---------------------------------------------------------
>
> BB: ek aur sunaayun, 'bore' to naheen ho rahe?
>
> AS: naheen naheen, bilkul naheen
>
> BB: (sings) "jab chhaaye kabhi saawan ki ghaTaa, ro ro ke na karna
> yaad mujhe...."
> ************************
>
> "jab chhaaye kabhi saawan ki ghaTaa", bahenon aur bhaaiyon, yeh
geet
> bhi 1961 ki film Reshmi Rumaal ka tha. waise Bahul saahab ne bhi
> kaafi sur mein isey gaaya magar film mein gaaya tha Talat Mahmood
ne,
> to aaiye unki aawaaz mein suniye.
>
> --------------------------------------------------------
> Song: jab chhaaye kabhi saawan ki ghaTaa (Reshmi Rumaal)
> --------------------------------------------------------
>
> bahenon aur bhaaiyon, sureele sangeetkaar Babul ke us 'interview'
ko
> dekhiye kitne baras ho gaye, 1973 mein aaye the woh mere 'studio'
> mein 'programme record' karne ke liye aur uske baad Babul se meri
> mulaaqaaten kam kam hone lagi. kabhi sunaa ki woh Bambai chhoD gaye
> hain aur kabhi pataa chalaa ki woh Hindustaan hi chhoD gaye hain.
aur
> abhi abhi jab maine Sangeet Ke Sitaaron Ki Mehfil ke liye unka
> yeh 'interview' dubaara 'edit' kiya, tab jaake pataa chalaa ki
Babul
> kai saal pehle Pakistan chale gaye the, aur waheen kaafi arsaa
pehle
> unka inteqaal bhi ho gaya. to bahenon aur bhaaiyon, is 'programme'
ko
> Babul ki yaadon ko salaami samajhiye aur mujhe zaroor e-mail se
> bataaiye ki aapko yeh 'programme' kaisa lagaa aur mujhe bataaiye ki
> aap Sangeet Ke Sitaaron Ki Mehfil mein aur kin kin sureele hastiyon
> ke 'interviews' sunna chaahte hain. mera e'e-mail address' to aapko
> pataa hi hai na, naheen hai to likh leejiye, sayani@... achchha
> to main ab phir juT jaata hoon aap ke liye Sangeet Ke Sitaaron Ke
> Khazaane khojne mein aur aap tayyaar rahiye Sangeet Ke Sitaaron Ki
> Mehfil ke agle 'programme' ko sunne ke liye, namaste, aadaab!
>
> THE END
>
> Audio Courtesy: N Ramaswamy
>

AMEEN SAYANI's BINACA GEETMALA
******************************

INTERESTING FACTS & FIGURES
***************************

The first broadcast of Geetmala was on 3rd December 1952 from Radio
Ceylon (now Srilankan Broadcasting Corporation)

It used to be a 30 min programme every Wednesday at 8 pm, in which 7
popular songs were played.

The first song played in the first episode was "tu ganja ki mauj"
from Baiju Bawra.

The duration of the programme was increased to 1 hour on 6th January
1954 and 16 songs were played in countdown format according to
increasing popularity.

During its span from 1952 to 1994, there were 2081 episodes of this
programme, one of the longest running radio programmes.

Initially, the signature tune of Binaca Geetmala was taken from the O
P Nayyar composition in the film Aasman (1952) "po po po baaja bole".
This was changed in the year 1970.

Apart from the weekly episodes, there used to be an annual Geetmala
on the last week of the year in which 16 most popular songs of the
year were played in countdown format. From 1957 onwards, 32 songs
were played distributed over 2 episodes.

In the annual episodes of 1972, 1973, 1977 & 1979, 38, 37, 42 & 35
songs were included respectively.

In 1966, a new feature was introduced - if a song was played in
atleast 18 episodes, it was declared "Sartaaj Song" and retired from
the countdown.

The first "Sartaaj Song" in the history of Binaca Geetmala was "chhoo
lene do naazuk hothon ko" from Kajal. It was played in the programme
of 23rd March 1966.

800th episode on 30th Oct 1968, 1000th episode on 25 Oct 1972, 1500th
episode o 20 Oct 1982, 2000th episode on 14 Sep 1992. The last
episode (2081st) was broadcast on 4th April 1994.

The 6th Jan 1982's episode was a special tribute episode dedicated to
the departed singers, music directors & lyricists.

Binaca Geetmala used to be recorded at Bombay and the tape sent to
Ceylon for broadcast.

There were instances when the programme could not be broadcast due to
non-reachability of the tape from Bombay or any other reason. In
those cases, previous episodes or special episodes were broadcast.
This happened around 80-85 times in these 41 years.

Ameen Sayani's voice was missing in around 30 episodes in these 41
years, when other popular announcers of Radio Ceylon like Manohar
Mahajan, Shiv Kumar Saroj, Vijay Kishore Dubey and Brij Bhushan
presented the programme in their own style.

For the first time a non-film song was included in the countdown on
12 Aug 1981 and the song was "disco deewane" by Nazia Hassan.


In 1989, Hasan Jehangir's non-film song "hawa hawa ae hawa" was
judged the Number-1 song in the episodes of 24th & 31st August.

Binaca Geetmala became Cibaca Geetmala on 21st May 1986. It was
1672nd episode.

From 27th Oct 1988, the day of brodacast was changed from Wednesday
to Thursday. This was due to the increasing populaity of
Doordarshan's Chitrahaar.

From 6th Nov 1989, the day & timing was again changed to Monday 9 pm.

From 6th April 1989, the number of songs were reduced from 16 to 14.

From the end of 1992, the programme was parallely broadcast from the
24 Vividh Bharati stations on Monday 8 pm.

The last regular episode was broadcast on 21st Mar 1994. The last
song played was "jaadoo teri nazar" from Darr.

On 28th March & 4th April 1994, there were 2 final episodes in which
Ameen sayani played hit songs of all previous years.

On 18th Feb 2001, Geetmala was again started from Vividh Bharati and
it was called Colgate Cibaca Geetmala. But it was finally called off
within 2 years due to some Service Tax issue.

COMPILED FROM ANIL BHARGAV'S ARTICLE PUBLISHED IN LISTENERS' BULLETIN.

Hi,

This year there was no Top-10 songs programme by Ameen bhai. In 2005,
there was Chitralok Top-10 presented by Ameen Sayani on 31st Dec. I
shall post that transcript once again soon.

Regards
Sujoy

--- In vividhbharati@..., dolly k <gudiya.dolly@...>
wrote:
>
> thank you so much for sharing..are we going to have top songs
choice by Ameen sayani as well?
>
> --- On Sun, 12/28/08, soojoi_india <soojoi_india@...> wrote:
>
> From: soojoi_india <soojoi_india@...>
> Subject: [vividhbharati] VBLC Flashback 2008
> To: vividhbharati@...
> Date: Sunday, December 28, 2008, 4:32 AM
>
>
>
>
>
>
> FLASHBACK 2008
> ------------ --
>
> A Musical Review of 2008
> ------------ --------- ---
>
> namaste doston! saal 2008 hamse alvidaa kehne ki tayyaari par hai
aur
> darwaaze par dastak de rahi hai saal 2009. har saal ki tarah 2008
> mein bhi bahut saari filmen banee Hindi 'film industry' mein,
jinmen
> se kuchh chaleen aur kuchh ke sitaare gardish par hi rahe. to
chaliye
> 2008 ko alvidaa kehne se pehle ham charcha kar len is beete huye
saal
> mein bani kuchh charchit aur kamcharchit filmon ki aur saath saath
> sunte chale unke sangeet ki jhalkiyaan. pesh-e-Khidmat hai saal
2008
> ke Hindi filmon aur film sangeet ka lekhaa jokhaa, Flashback 2008.
>
> ------------ --------- --------- --------- --------- --------
> Clip: dekhee zamaaane ki yaari bichhDe sabhi baari baari
> ------------ --------- --------- --------- --------- --------
>
> doston, 2008 mein hamne kuchh mahaan kalaakaaron ko khoyaa hai, jo
is
> duniya-e-faani ko chhoDkar apni anant yaatra par nikal paDe isi
saal.
> is kaaryakram ki shuruwaat ham karte hain aise hi kuchh mahaan
> kalaakaaron ko shraddhaanjali deet huye. yeh hain abhinetri
Jayshree
> Gadkar, lekhak aur kahaanikaar Vijay Tendulkar, abhinetaa
Chandrakant
> Gokhale, filmkaar B R Chopra aur paarshwa-gaayak Mahendra Kapoor.
>
> ------------ --------- --------- --------- --------- -------
> Clip: beete huye lamhon ki kasak saath to hogi (Nikaah)
> ------------ --------- --------- --------- --------- -------
>
> doston, ab ham zikr karna chaahenge teen aise gaayak gaayikaaon ki
> jinhone film sangeet sansaar par lambe arse se jamkar raaj kiya hai
> aur aaj bhi kar rahe hain. aaj bhi shaayad koi aisa din ho jab inki
> aawaaz ke gaane hamein kahin se sunaayi na de. yeh teen naam hain
> Lata Mangeshkar, Asha Bhosle aur Kishore Kumar. ham in teen mahaan
> gaayakon ka zikr isliye yahaan par kar rahe hain kyunki 2008 mein
yeh
> teeno gaayak gaayikaaen kisi na kisi tarah se film sangeet par apna
> asar chhoDe hain. sabse pehle Lataji ki baat karen. Lata-ji ne 1997
> mein Yash Chopra ki film Dil To Paagal Hai ke liye ek
gaana 'record'
> kiya tha jise us waqt film mein shaamil naheen kiya gaya tha. saal
> 2008 mein Yash Chopra ne apni filmon se chunkar 14 geeton ka
> ek 'album release' kiya aur Lataji ke gaaye is 'unreleased' geet ko
> unhone is 'album' mein shaamil kiya. kya aap sunna naheen chaahenge
> us geet ki jhalak?
>
> ------------ --------- --------- --------- --------- -------
> Clip: chandaa ki chaandni (Tum Paas Aa Rahe Ho - Album)
> ------------ --------- --------- --------- --------- -------
>
> aur ab Lataji ki bahen Ashaji. 2008 mein Ashaji ne kuchh filmon
mein
> gaane gaaye. abhi bhi unki aawaaz mein wohi khanak, wohi jaadoo,
wohi
> asar barkaraar hai. zara suniye to film 1920 ke is dilkash aur
> nasheele andaaz mein gaaye huye unke geet ko. kya yeh aawaaz aaj
bhi
> aapke dil mein tarangen paidaa naheen karti!
>
> ------------ --------- --------- --------- -------
> Clip: aise jalta hai jiyaa jaise deeyaa (1920)
> ------------ --------- --------- --------- -------
>
> Lataji aur Ashaji ki baat to samajh mein aati hai doston, lekin aap
> soch rahe honge ki Kishore Kumar ka zikr kyun? to bhai, 2008 mein
> Rishi Kapoor ke beTe Ranbir Kapoor ko lekar film bani Bachna Ae
> Haseeno, jo ki Rishi Kapoor ki film Hum Kisi se Kam Nahin ke ek
> mashoor gaane ka mukhDa hai jise Kishore Kumar ne gaaya tha. aur is
> nayi film Bachna Ae Haseeno mein usi geet ka 'remix' istemaal kiya
> gaya hai. aur sabse Khaas baat yeh hai ki is gaane mein Kishore
Kumar
> ki aawaaz bhi rakhi gayi usi 'original' gaane se aur saath mein
> aawaaz milaaee Kishore-da ke beTe aur ubharte huye gaayak Sumit
Kumar
> ne, aur saath mein Vishal Dadlani ki aawaaz bhi thi. hai na yeh ek
> anokhaa 'combination' !
>
> ------------ --------- --------- --------- --------- --------- -
> Clip: bachna ae haseeno lo main aa gaya (Bachna Ae Haseeno)
> ------------ --------- --------- --------- --------- --------- -
>
> to doston, yeh to thi film sangeet jagat ke teen 'legendary
singers'
> Lata Mangeshkar, Asha Bhosle aur Kishore Kumar ka zikr, jinke
ullekh
> se 2008 ke is sangeetmay safar ko chaand chaand lag gayi. aur aaiye
> ab shuru karen saal 2008 mein bani filmon, unse juDe kalaakaaron
aur
> geet-sangeet ka vishleshaN. is saal ke filmon ki Khaaseeyat yeh
rahi
> ki 'big budget' filmon ne woh kamaal naheen dikhaaya jitni ki unse
> ummeed kee gayi, balki chhoTe filmon ne zyaada vyaapaar kiya. to
> aaiye zikr karen kuchh aise baDi 'budget' filmon ka jinhe niraasha
hi
> haath lagi, yaa phir yun kahen ki in filmon ne kaamyaabi ki un
> bulandiyon ko naheen chhuaa jitna ki inse ummeeden lagaayi gayi.
aisi
> filmon mein pehla naam aata hai Jodhaa Akbar ka. Ashutosh Gowarikar
> ki is film mein baDi 'budget' ki film hone ke sabhi guN the. ek to
> bahut hi vikhyaat aetihaasik paatra par film, uspar Hrithik Roshan
> aur Aishwarya Rai jaisi joDee, aur us par A R Rahman ka sangeet,
> zaahir hai logon ki aashaayen kuchh zyaada ki baDh gayi is film ko
> lekar. film chaahe kaisi bhi bani ho, iske sangeet ko lekar yahi
> kahaa jaa sakta hai ki...
>
> ------------ --------- --------- --------- --------- -
> Clip: kehne ko jashn-e-bahaara hai (Jodhaa Akbar)
> ------------ --------- --------- --------- --------- -
>
> Anil Kapoor, Akshay Kumar, Saif Ali Khan aur Kareena Kapoor
abhineet
> Tashan mein woh Tashan nazar naheen aayi jo 'public' ko apni taraf
> kheench sake. lekin is film mein Vishal Shekhar ka sangeet zaroor
> poori Tashan ke saath chal paDaa.
>
> ------------ --------- --------- --------- -
> Clip: falak tak chal saath mere (Tashan)
> ------------ --------- --------- --------- -
>
> Saif aur Kareena ke baad Priyanka Chopra aur Harman Baweja ki joDee
> bhi is saal kaafi charche mein rahi. yeh dono nazar aaye film Love
> Story 2050 mein jisse Harwan Baweja ne apni paari ki shuruwaat kee.
> is film se bhi kaafi ummeeden theen lekin film buri tarah se piTee.
> Javed Akhtar ne is film ke gaane likhe aur sangeetkaar the Anu
Malik.
> is film ka kam se kam yeh gaana to zaroor 'hit' huya tha.
>
> ------------ --------- --------- --------- --------- -------
> Clip: milo na milo main milne aayunga (Love Story 2050)
> ------------ --------- --------- --------- --------- -------
>
> jab is saal ki charchit joDiyon ki baat chal hi rahi hai to Rishi
> Kapoor ke beTe Ranbir Kapoor aur film Om Shaanti Om se 'hit' huyeen
> Deepika Padukone ki baat ham kaise peechhe chhoD den? Bachna Ae
> Haseeno mein in dono ke saath saath Bipasha Basu bhi nazar aayeen.
> jaisa ki pehle hi ham aapko bataa chuke hain ki is film ke
> sangeetkaar the Vishal Shekhar. Kay Kay aur Shilpa Rao ki aawaaz
mein
> is yugal geet ki goonj har taraf sunaaee paDee.
>
> ------------ --------- --------- --------- --------- ---------
> Clip: Khudaa jaane ke main fidaa hoon (Bachna Ae Haseeno)
> ------------ --------- --------- --------- --------- ---------
>
> Drona, Yuvraaj aur Heroes, yeh filmen bhi 'box office' par
> dharaashaahi huyi. yahaan tak ki Shahrukh Khan ki Rab Ne Banaa Di
> JoDi ne bhi bahut Khaas vyaapaar naheen kiya. phir bhi film ki
> kahaani kuchh haTke thi aur 'multiplex' ke darshakon ne isey kaafi
> had tak saraahaa. Aditya Chopra ne is film ka nirdeshan kiya aur is
> film mein naayika banee nayi abhinetri Anushka Sharma. Dil Se aur
> Chakde jaisi filmon mein Sukhwindara Singh ne Shahrukh Khan
> ka 'playback' kiya tha. is film mein bhi sangeetkaar Salim Suleiman
> ne Sukhwindara Singh se ek gaana gawaaya jo is film ka sabse
mashoor
> geet saabit huya.
>
> ------------ --------- --------- --------- --------- --------- -
> Clip: haule haule se hawaa chalti hai (Rab Ne Banaa Di JoDi)
> ------------ --------- --------- --------- --------- --------- -
>
> Don, Umraojaan, aur Sholay jaisi filmon ke 'remake' banne ke baad
> 2008 mein bani Rishi Kapoor abhineet aur Subhash Ghai dwara nirmit
> 1980 ki film Karz ka 'remake'. isey banaaya Bhushan Kumar aur
Krishan
> Kumar ne aur iska nirdeshan kiya Satish Kaushik ne. is film mein
> bataur naayak apne naye avataar mein nazar aaye Himesh Reshammiya,
> aur filmkaar Indra Kumar ki beTi Shweta Kumar is film mein bataur
> naayika apni paari ki shuruwaat kee. Urmila Matondkar usi bhumika
> mein nazar aayeen jo Simi Garewal ne 'original version' mein
nibhaaee
> theen. nayi Karzz to asafal rahi par ismein Himesh Reshammiya ka
> sangeet aur unki aawaaz ka suroor zaroor chal paDa.
>
> ------------ --------- --------- --------- --------- -
> Clip: luT jaayun luT jaayun is karz mein (Karzzz)
> ------------ --------- --------- --------- --------- -
>
> Kunal Kohli nirdeshit film Thoda Pyar Thoda Magic mein Saif Ali
Khan
> aur Rani Mukherjee woh 'magic' naheen dikhaa paaye jo unhone Hum
Tum
> mein dikhaaya tha. bachchon ko lekar bani is film se bhi ummeeden
> lagaayi gayeen, par film naheen chalee. lekin Shankar Ehsaan Loy
> ke 'music' aur Prasoon Joshi ke 'lyrics' par 'audience' nihaal
zaroor
> huye.
>
> ------------ --------- --------- --------- ------
> Clip: nihaal ho gayi (Thoda Pyar Thoda Magic)
> ------------ --------- --------- --------- ------
>
> Salman Khan ke liye 2008 buri hi saabit huyi. unke kisi bhi film
> ne 'box office' par kamaal naheen kiya. chaahe woh Yuvraaj ho yaa
> Heroes, yaa phir Hello. phir bhi woh yahi kehte nazar aaye ki God
> Tussi Great Ho! Amitabh Bachchan ke hote huye bhi yeh film kab aayi
> kab gayi pataa bhi naheen chalaa! is film ka ek geet hai jise Wajid
> ne bilkul Sallu miya ke 'style' mein gaaya tha...
>
> ------------ --------- --------- --------- --------- -------
> Clip: tujhe aksa 'beach' dikhaayun (God Tussi Great Ho)
> ------------ --------- --------- --------- --------- -------
>
> God Tussi Great Ho ke alaawaa Amitabh Bachchan nazar aaye bachchon
ki
> film Bhootnath aur Rituparno Ghosh ki film The Last Lear mein. aaj
ki
> jwalant samasyaa aatankvaad par is saal kai filmen banee jaise ki
> Black & White, A Wednesday, Mumbai Meri Jaan, Shoot On Sight, aur
> Aamir. film Aamir mein 'television' ke jaanemaane abhineta Rajeev
> Khandelwal ne kadam rakhaa 'silver screen' par. Subhash Ghai ki
film
> Black & White mein Sukhwindara Singh ka sangeet tha. unke saath
> Sadhana Sargam ka gaaya yeh gaana aapko film Taal ke "ramtaa jogi"
ki
> yaad zaroor dilaayegi!
>
> ------------ --------- --------- --------- --
> Clip: jogi aaya jogi aaya (Black & White)
> ------------ --------- --------- --------- --
>
> aur ab kuchh aisi filmon ka zikr, jinki kahaani bahut saadhaaran
thi,
> lekin in filmon ne 'box office' par achchha paisa kamaaya. teen
aise
> hi filmon ke naam main yahaan aapko ginwaa sakta hoon. in teeno
> filmon ke sangeet ne kaafi dhoom machaaya aur inke sangeetkaar the,
> jee haan, wohi dhoom machaanewaale Pritam. film Race mein Atif
Aslam
> ka yeh geet jo Akashaye Khanna par filmaaya gaya, kaafi lokapriya
> huya.
>
> ------------ --------- --------- --------- --------- ---
> Clip: pehli nazar mein kaisa jaadoo kar diya (Race)
> ------------ --------- --------- --------- --------- ---
>
> Pritam ke sangeet ki yahi Khaaseeyat hai ki geet kisi bhi 'mood' ka
> kyun na ho, woh bahut hi 'glamorous' aur 'bright' hota hai. film
Race
> ke sabhi gaane 'hit' huye, ek aur geet ki jhalak pesh hai Monali ki
> aawaaz mein. doston, aapko yeh kaaryakram sunte huye is baat ka
> ahsaas hoga ki is saal bahut si nayi nayi aawaazon ne 'playback' ki
> duniya mein kadam rakhaa.
>
> ------------ --------- --------- --------- ---
> Clip: zara zara 'touch me touch me' (Race)
> ------------ --------- --------- --------- ---
>
> pichhle saal yaani 2007 mein film Jab We Met mein Pritam ke
> sangeetbaddha Punjabi 'flavour' ke gaane behad maqbool huye the.
> yahaan tak ki Pritam Chakraborty ko Punjab mein Pritam Singh ke
naam
> se jaana jaane lagaa tha. 2008 mein film Singh Is Kinng mein bhi
> unhone kaafi dhoom machaaya. Labh Janjua ki aawaaz aur Pritam ke
> sangeet ke saath zaraa aap bhi jhoom jaaiye...
>
> ------------ --------- --------- --------- --------- -
> Clip: jee kardaa bhai jee kardaa (Singh Is Kinng)
> ------------ --------- --------- --------- --------- -
>
> Akshay Kumar aur Katrina Kaif ki joDee Namaste London aur Welcome
> jaisi safal filmen dene ke baad Singh Is Kinng mein ek baar phir
> nazar aayi.
>
> ------------ --------- --------- --------- --------- -----
> Clip: kheenche mujhe koi Dor teri or (Singh Is Kinng)
> ------------ --------- --------- --------- --------- -----
>
> Shahid Kapoor aur Vidya Balan abhineet Aziz Mirza ki film Kismat
> Konnection ne bhi Theek-Thaak vyaapaar kiya. ek baar phir Pritam ke
> sangeet ne logon ke pairon ko thirkaaya.
>
> ------------ --------- --------- --------- -------
> Clip: sajnaa karle 'party' (Kismat Konnection)
> ------------ --------- --------- --------- -------
>
> Golmaal 2006 ki ek charchit film thi. 2008 mein aayi is film
> ka 'sequeel' Golmaal Returns ke naam se. Golmaal ke sangeetkaar the
> Vishal Shekhar, lekin Golmaal Returns mein Vishal Shekhar ke saath
> saath Pritam aur Ashish Pandit ne bhi sangeet diya. Ajay Devgun ne
> nirdeshan mein apna haath aazmaaya film U Me Aur Hum mein, lekin
film
> naakaamyaab rahi. Ajay Devgun ke liye saal 2008 achchhi naheen
rahi.
> Halla Bol aur Sunday bhi 'flop' rahi. Golmaal Returns ne unhe kuchh
> had tak sambhaal liya.
>
> ------------ --------- --------- ---
> Clip: Tha karke (Golmaal Returns)
> ------------ --------- --------- ---
>
> navodit kalaakaaron mein Harman Baweja ke alaawaa Aamir Khan ke
> bhaanje Imran Khan ne filmi duniya mein kadam rakha film Jaane Tu
Ya
> Jaane Na se. film 'superhit' huyi. Imran Khan ke 'chocolate looks'
> aur unki 'natural acting' ko logon ne haathon haath sweekaara. is
> film mein A R Rahman ka sangeet tha jismein ek nayi taazgee thi. is
> film se nirdeshak bane 'script writer' Abbas Tyrewala. is film ka
yeh
> gaana har ek ke 'mobile' par 'caller tune' ke roop mein sunaayi
diya.
> kya aap jaante hain is geet ko kisne gaaya? ise gaaya hai Rashid
Ali
> ne.
>
> ------------ --------- --------- --------- --------- --------- -
> Clip: kabhi kabhi aditi zindagi mein (Jaane Tu Ya Jaane Na)
> ------------ --------- --------- --------- --------- --------- -
>
> iske baad Imran Khan Kidnap film mein bhi 'hero' bane lekin yeh
film
> pehli film ki tarah 'hit' naheen huyi. Javed Akhtar ke beTe,
filmkaar
> Farhan Akhtar ne bhi apni abhinay ke paari ki shuruwaat kee Rock On
> film se. unke abhinay ko kaafi saraaha gaya, aur is film ko apni
> alag 'story line' ke liye yaad rakha jaayega. isi film se Shahana
> Goswami aur nirdeshak Abhishek Kapoor ne bhi apni filmi yaatra ki
> shuruwaat kee. Rock On mein Farhan Akhtar ne gaane bhi gaaye.
>
> ------------ --------- ----
> Clip: 'rock on' (Rock On)
> ------------ --------- ----
>
> jab navodit fankaaron ka zikr chal hi raha hai to ismein ek naam
> Sonal Chauhan ka bhi hai jo film Jannat mein pehli baar abhinetri
> banee. is film ko nirdeshit bhi kiya navodit nirdeshak Kunal
Deshmukh
> ne. Emran Hashmi ke saath bani yeh film 'cricket betting' par
> aadhaarit thi. film kuchh Khaas naheen chalee lekin wohi baat ek
baar
> phir, iske gaane pasand keeye gaye, Khaaskar Kay Kay ki aawaz mein
> sangeetkaar Pritam ka swarbaddha aur Saeed Quadri ka likha huya yeh
> gaana...
>
> ------------ --------- --------- --------- -----
> Clip: zaraa si dil mein de jagah tu (Jannat)
> ------------ --------- --------- --------- -----
>
> naye chehron mein Anupam Kher aur Kirron Khen ke suputra Sikander
> Kher ne filmi duniya mein kadam rakhaa do 'flop' filmon se -
> Woodstock Villa aur Summer 2007. Mithun Chakraborty ke beTe Mimoh
ne
> bhi kadam rakha film Jimmy se. is film ka kya hashr huya shaayad
yeh
> bataane ki zaroorat naheen hai. My Name Is Anthony Gonsalves mein
> Nikhil Dwivedi ko samaalochakon ke achchhe 'comments' mile. teen
aur
> naye chehron ne bhi apni apni paariyon ki shuruwaat kee Kumar
Mangat
> ki film Haal-e-Dil se. yeh teen sitaare hain Kumar Mangat ki beTi
> Amita Pathak, Nakuul Mehta, aur Shekhar Suman ke beTe Adhyayan
Suman.
> film buri taraf se 'flop' rahi, lekin iske sangeet ko thoDi bahut
> taarifen zaroor milee.
>
> ------------ --------- --------- --------- --------- --------
> Clip: meri sooni sooni raaton ko sajaa degi (Haal-e-Dil)
> ------------ --------- --------- --------- --------- --------
>
> pichhle saal Ram Gopal Varma Sholay ka 'remake' banaakar
> samaalochakon ke shikanje mein phans gaye the. Ram Gopal Varma ki
Aag
> bhale hi naakaamyaab rahi ho, lekin ismein koi shaq naheen ki woh
ek
> manjhe huye filmkaar hain. Sarkaar ke baad Sarkaar Raj unhone 2008
> mein banaayi jisne unke chehre par thoDi si muskaan zaroor waapas
lee
> aayi. 'horror' filmon mein jaan Daalne mein Ram Gopal Varma ka koi
> saani naheen hai. 2008 mein bani film Phoonk iska misaal hai,
> haalaanki yeh film bhi utni naheen chalee jitni ki unke pehle
> ki 'horror' filmen chalee theen. is saal Vikram Bhatt ne
bhi 'horror
> subject' par apna haath aazmaaya film 1920 mein. film sabhi drishTi
> se kaamyaab rahi. navodit kalaakaar Rajneesh Duggal aur Adah Sharma
> ne is film mein achchha kaam kiya. film ke sangeetkaar the Adnan
Sami
> aur is film mein kai baDe baDe gaayak gaayikaaon ne gaane gaaye
jaise
> ki Asha Bhosle, Shubha Mudgal, Kailash Kher aur Pandit Jasraj.
>
> ------------ --------- --------- ------
> Clip: vaadaa tumse hai vaadaa (1920)
> ------------ --------- --------- ------
>
> saamaajik aur paarivaarik filmon ke vishayon se baahar nikalkar
Karan
> Johar ne Dharma Productions ke 'banner' tale banaaee 'comedy film'
> Dostana. John Abraham, Abhishek Bachchan aur Priyanka Chopra ki
> tikDee kaamyaab rahi jantaa ko apni or aakrishT karne mein. Vishal
> Shekhar ke sangeet ne bhi Khoob dhoom machaaya. sangeetkaar Pritam
> aur Vishal Shekhar samay samay par naye gaayak gaayikaaon ko mauka
de
> rahe hain. isi kaDee mein navodit gaayika Anvita Dutt Gupta ko
mauka
> mila Dostana ke kai geet gaane ka. lekin is film ka jo geet sabse
> zyaada 'hit' huya, woh tha Shankar Mahadevan, Sunidhi Chauhan aur
> Vishal Dadlani ka gaaya huya yeh gaana..
>
> ------------ --------- ---------
> Clip: 'my desi girl' (Dostana)
> ------------ --------- ---------
>
> Priyanka Chopra ke liye yeh saal kaafi achchha raha. Madhur
> Bhandarkar ki film Fashion mein unhone 'leading lady' ki bhumika
adaa
> kee. 'fashion' aur 'glamour' ke duniya ki sachchaaiyon se avagat
> karaati huyi is film ne bhi 'above average business' kiya.
>
> ------------ --------- --------- --------- ----
> Clip: 'fashion' ka hai yeh jalwaa (Fashion)
> ------------ --------- --------- --------- ----
>
> Rakesh Roshan ki film Krazzy 4 yun to baDi 'budget' ki film naheen
> thi, lekin is film ki vyaavasaayikta ko dhyaan mein rakhte huye is
> film mein Shahrukh Khan aur Hrithik Roshan ke 'item numbers'
shaamil
> keeye gaye. is film ka 'title song' vivaadon mein phansaa lekin
> aaKhir mein saare bandhano ko toDkar 'chartbuster' saabit huya.
> Vishal Dadlani ki aawaaz mein Rajesh Roshan ka hai yeh sangeet.
>
> ------------ --------- -------
> Clip: 'breakfree' (Krazzy 4)
> ------------ --------- -------
>
> doston, picchle kuchh saalon mein naye sangeetkaar, geetkaar aur
> bahut saari nayi aawaazen goonj rahi hai Hindi filmon mein. Sonu
> Niigaam, Shaan, Kay Kay, Sunidhi Chauhan, aur Shreya Ghoshal to
hain
> hi, inke alaawaa bahut si nayi nayi aawaazon ko mauke mil rahe
hain,
> jinmein shaamil hain Neeraj Shridhar, Anushka Manchanda, vagerah.
> Udit Narayan aur Alka Yagnik pichhle saal ki tarah is saal bhi
bahut
> zyaada sunaaee naheen deeye. haan, ek film aayi Mehbooba, jismein
> Sanjay Dutt, Ajay Devgun aur Manisha Koirala ne kaam kiya. is film
ke
> gaane likhe, jee haan, swargeeya Anand Bakshi saahab ne. Ismail
> Darbar ke sangeet mein is film ke gaane karNpriya the. Udit Narayan
> aur Alka Yagnik ne ismein ek yugal geet bhi gaaya tha. yeh geet
aapko
> 90 ke dashak ke Udit-Alka 'duets' ki yaad zaroor dilaayegi.
>
> ------------ --------- --------- ------
> Clip: yaar tera shukriyaa (Mehbooba)
> ------------ --------- --------- ------
>
> Rajashree Productions aur Ravindra Jain ka saath bahut puraana hai.
> beech mein kuchh saal yeh dono zara alag zaroor rahen lekin pichhle
> saal film Vivaah mein inka saath ek baar phir se huya aur Ravindra
> Jain ke geet sangeet ek naye andaaz mein logon ko bahut pasand
aaye.
> saal 2008 mein Rajashree ne ek baar phir se Ravindra Jain ke saath
> banaaee Ek Vivaah Aisa Bhi. Sonu Sood aur Isha Kopikar abhineet is
> film ke gaano mein bhi Ravindra Jain ke wohi bemisaal geetkaari aur
> sureela sangeet maujood hai. Shaan aur Shreya Ghoshal ki aawaazon
> mein is film ke zyaadaatar gaane hain, kuchh geeton mein Suresh
> Wadekar ki aawaaz bhi shaamil hai.
>
> ------------ --------- --------- --------- --------- --
> Clip: mujhmein zindaa hai woh (Ek Vivaah Aisa Bhi)
> ------------ --------- --------- --------- --------- --
>
> Shyam Benegal nirdeshit Welcome to Sajjanpur kam 'budget' ki film
thi
> lekin isne Theek-Thaak vyaapaar kiya. ismein Shantanu Moitra ka
> sangeet tha. 2008 mein aur bhi bahut si filmen aayi, jinmein se
kuchh
> chalee aur kuchh naheen chalee. ab un saare filmon ka zikr aur unke
> gaane sunwaana to is ek ghanTe mein sambhav naheen. chaliye ab ham
> aapko kuchh aur filmon ke naam yahaan ginaa dete hain jo 2008 mein
> pradarshit huyi. yeh filmen hain Anamika, Bombay To Bangkok,
Chamku,
> Dasvidanya, De Taali, Har Pal, Hijack, Maan gaye Mughal-e-Azam,
> Mission Istaanbul, Mithya, Money Hai Toh Honey Hai, Shaurya, Sorry
> Bhai, Superstar, aur Ugly Aur Pagli. Ugly Aur Pagli mein Anu Malik
ka
> sangeet tha aur ismein unhone apni beTi Anmol Malik se yeh gaana
> gawaaya.
>
> ------------ --------- --------- --------- --------- ----
> Clip: main Talli main Talli ho gayi (Ugly Aur Pagli)
> ------------ --------- --------- --------- --------- ----
>
> aur aajkal jo film sabse adhik charcha mein hai woh hai Aamir Khan
ki
> Ghajini. Alloo Arvind ke is film ke nirdeshak hain A R
> Murugadoss. 'perfectionist' Aamir Khan ne is film ke charitra ke
> mutaabik apne shareer ke gaThan ko hi badal Daalaa. unki har film
> pehle se alag aur Khaas hoti hai. is film se jitni unhe ummeed hai
> utni hi ummeed ham bhi kar rahe hain. film pichhle hi shukravaar
> cinemagharon mein lag chukee hain. ab dekhna yeh hai ki kya Aamir
> Khan apne doosre filmon ki tarah ismein bhi apna kamaal dikhaa
paate
> hain ya naheen!
>
> ------------ --------- --------- --------- ----
> Clip: tu meri adhoori pyaas pyaas (Ghajini)
> ------------ --------- --------- --------- ----
>
> to doston, yeh tha saal 2008 mein bani filmon ka lekhaa
jokhaa. 'film
> industry' ke liye yeh saal kaamyaabi aur naakaamyaabi ka mila-jula
> sangam raha. jaisa bhi raha, ham ummeed karte hain ki hamaare
> filmkaar is beete huye saal se seekh zaroor lenge aur aanewaale
saal
> mein hamein achchhi se achchhi filmen dene ki koshish karenge. isi
> ummeed ke saath aap sabhi ko nava-varsh ki haardik shubhkaamnaaen
> dete huye aaj ka yeh FLASHBACK 2008 kaaryakram ham yaheen samaapt
> karte hain, namaskaar!
>
> ------------ --------- --------- --------- -----
> Clip: beete kal se hamko seekhte jaata hai, naye kal ki kalkal se
pal
> pal sajaana hai (Thoda Pyar Thoda Magic)
> ------------ --------- --------- --------- -----
>
> Khoj Aur Aalekh: Sujoy Chatterjee
>
> THE END
>

SANGEET KE SITAARON KI MEHFIL

AMEEN SAYANI'S PROGRAMME ON BABUL (of BIPIN-BABUL duo)
------------------------------------------------------
******************************************************

BB: Babul
AS: Ameen Sayani
Recorded in 1973
----------------

aur baheno aur bhaaiyon,  Sangeet Ke Sitaaron Ki Mehfil mein tayyaar
ho jaaiye us baDe guNee 'music director' se milne ke liye,
jinki 'personality' bhi baDi mazedaar thi saahab! raubdaar,
milansaar, hansmukh, oonchaa kad magar kisi khilaaDi ki tarah 'slim'
aur 'smart', aur saath hi saath thoDe se sankee aur swabhaav mein
thoDe se jhagDaalu, jaise achchhe kalaakaar kabhi kabhi ho jaaya
karte hain! naam hai unka Babul.

----------------------------------------------------------
Song: hamein haal-e-dil tumse kehna hai kahiye (24 Ghante)
----------------------------------------------------------

yeh gaana tha film 24 Ghante ka, lekin ismein Babul akele 'music
director' naheen the, unke saath unke baDe sureele 'partner' bhi huya
karte the, Bipin. Bipin-Babul ki joDee ek saath kai filmon mein aayi
aur phir na jaane kyun yeh dono alag ho gaye. hamaare 'programme'
ki 'interview' ke liye bhi Babul akele hi aaye the san 1973 ke
aaspaas. ek aise kaaryakram ke liye aaye the jismein filmi sitaare
aur alag alag tarah ke kalaakaar aakar apne saathiyon ka haal bataate
the. us waqt meri aawaaz kuchh waisi thi bahenon aur bhaaiyon jiski
nakal aaj bhi kai 'radio announcers' kiya karte hain, lekin aaj main
us 'style' mein naheen bolta kyunki ab mujhe woh 'style' apna bilkul
hi achchha naheen lagta hai, baDaa ajeb sa lagta hai. baherhaal 1973
mein 'record' keeye huye Babul ke saathiyon waali 'programme' mein
meri wohi aawaaz thi, isliye mujhe woh sunaani hi paD rahi hai aapko,
to suniye:

********************
AS: aaiye aaiye Babul saahab, lekin aap to akele hi aaye hain, Bipin
saahab kahaan reh gaye?

BB: Ameen saahab, Bipin saahab ne aane se saaf inkaar kar diya.

AS: o ho, woh kyun?

BB: kehne lage, ham teeno ko baaten karne ka is qadar shauk hai ke...

AS: yeh "ham teeno ko" se kya matlab hai aapka?

BB: teeno se muraad hai, ek main, ek Bipin saahab, aur teesre, maaf
keejiye, kuchh aapki, samajh to rahe honge aap (laughs)

AS: baat to sach hai Babul saahab, achchhe achchhe kalaakaar saamne
hon to man karta hai ki achchhe achchhe sawaal unse poochhoon aur
baaten is tarah se zaroorat se zyaada hi kar leta hoon (laughs).
lekin Khair, isse pehle ki main aapke teen saathiyon ke baare mein
kuchh kehne ke liye kahoon, Babul saahab, ek baat main zaroor
kahoonga, aur woh yeh ki pichhle kai barson se ham kai tarzen sunte
aaye hain aapki aur Bipin saahab ki banaaee huyi, jo aapne saath
saath banaaee thi, woh bhi jo aapne alag banaaee, in sab tarzon ke
liye main sunnewaalon ki or se aapka shukriya adaa karna chaahta
hoon, baDi pyaari, baDi Khoobsoorat, baDi achchhi tarah se.

---------------------------------------------
Song: duniya mujhko paagal samjhe (24 Ghante)
---------------------------------------------

AS: achchha Babul saahab, ab mera Khayaal hai aapke teen saathiyon ka
silsilaa jo hai woh shuru kiya jaaye, bataaiye ki teen saathi jo
aapne chune hain woh kaun se hain?

BB: teen hi saathi kyun Ameen saahab? zindagi mein mere bahut se
saathi hain aur main bolta chalaa jaayunga aur saathiyon ka zikr aata
chalaa jayegaa.

AS: chaliye yahi sahi Babul saahab.

BB: to Ameen saahab, yeh un dino ki baat hai jab main Morris Music
College mein tha

AS: yaani Lucknow mein?

BB: jee haa, aur Lucknow 'radio station' se gaata tha. aur Madan-ji
wahaan ke 'programme assistant' the

AS: Madan-ji yaani Madan Mohan?

BB: jee haan

AS: achchha achchha

BB: yakaayak unhone Bambai aane ka 'programme' banaaya aur ham bhi is
Khayaal se Bambai ki taraf chal paDe ki chalo 'playback singer'
banenge. 'singer' to saahab ban na sake, lekin Madan saahab
ke 'assistant' zaroor ban gaye. aur waheen par Bipin-ji se mulaaqaat
huyi

AS: to woh bhi Madan-ji ke saath the?

BB: jee haan! woh chupke chupke dhune banaate the aur main unhe gaa
gaakar tarzen diya karta tha. aur aahista aahista phir dono ne yeh
sochaa ki ham bhi kyun na 'music director' ban jaayen!

AS: achchha achchha

BB: bas, Madan-ji se aashirvaad liya aur Naaz Films ki pehli film
mein hamein mili 'chance'

AS: woh pehli film kaun si thi Babul saahab?

BB: film Shahi Mehman. film Khaasi rahi aur ham kaamyaab ho gaye.
iske baad Zaar saahab ke hi Taj Poshi, 24 Ghante, Sultana Daku, Raat
Ki Rani, vagerah vagerah bahut si filmon mein 'music' diya.

AS: lekin ek baat bataaiye Babul saahab, jab Bipin saahab se itna
gehra saath tha to phir aap dono judaa kyun huye?

BB: Ameen saahab, aadmi ko haal mein hi Khush rehna chaahiye, judaai
ki baat bhool jaaiye, aur is baat ko yaad rakhiye ki ham dono phir ab
saath saath hain.
*************************

achchha doston, yeh baat Babul ne kahee thi 1973 mein, aur uske agle
saal 'release' huyi 'producer' Bipin aur Babul ki, yaani dono ki ek
saath ki film Dawat. yaani ki Bipin se kareeb 10 saal alag rehne ke
baad dono daawat mein phir mile, magar bahenon aur bhaaiyon, mujhe
yahaan par bajaane ke liye film Dawat ka koi geet to naheen milaa, to
leejiye aapko akele Babul ke sangeet nirdeshan ka ek geet yahaan par
sunwaata hoon, phir lauT aayenge Dawat par. yeh gaana hai Babul ki
film 40 Din ka.

---------------------------------------
Song: baiThe hain rehguzar par (40 Din)
---------------------------------------

aaiye ab lauT-te hain 1973 mein jab sangeetkaar Bipin aur Babul phir
mile the film Dawat mein, lekin 1973 ke us 'interview' mein Babul ne
Bipin ke baare mein kuchh naheen kahaa tha, balki Dawat ki 'producer'
Dilip Dutt ki baat chheDee, Dilip Dutt, jo ki bahut
mashoor 'comedian' aur 'mimicry artiste' huya karte the.

*************************
BB: ek baat main kehna chaahta hoon, yeh jo 'producer' hain na
hamaare Dilip Dutt saahab, unke baare mein main kuchh zaroor kehna
chaahta hoon.

AS: zaroor

BB: to yun kahoonga Ameen saahab, baat ke baDe dhanee aur vaade ke
baDe pakke. 5 saal puraana vaadaa unhone Dawat mein 'music' dene ka
daawat dekar poora kar diya tha.

AS: achchh achchha, bahut Khoob bahut Khoob!

BB: aur waise to aap jaante hain ki woh 'stage' par 'comedy' vagerah
karte rehte hain

AS: jee haa jee haan, bahut achchhi 'comedy' kar lete hain, Gazab
ke 'artiste' hain, ek aadh namoona sunnewaalon ko bhi sunaaiye Babul
saahab.

BB: jaise ki, misal ke taur par, kisi ne poochha tha ki 'Dilip Kumar
aur Dilip Dutt mein kya farq hai?'

AS: achchha achchha

BB: kehne lage 'Dilip Kumar 'syllable' hain aur Dilip Dutt 'avalable'
hai'

AS: 'syllable' aur 'available', bahut achchhe

BB: ek saahab ne poochha 'Dilip saahab, aap kya kalaakaar hain?' to
fauran kehne lage 'main to kalaa hi kalaa hai, 'kaar' to...'
(laughs), aise chuTkule aksar karte rehte the.

AS: achchha Babul saahab, ab tak aapke saathiyon mein 'music
directors' aur 'producers' ka hi zikr huya hai. kya kuchh 'heroes'
aur 'heroines' bhi hain jinhe aap apna saathi maante hain?

BB: jee haan Ameen saahab, yeh apna Manoj Kumar.

AS: achchha. to Babul saahab, aapne sabse numaayaa baat kya dekhee
Manoj Kumar mein?

BB: sabse numaaya baat yeh hai ki bahut kam bolte hain aur bahut
zyaada sunte hain. Zaar saahab ki film Reshmi Rumaal se lekar unki
apni film Shor tak unka ek yahi andaaz raha hai.
************************

aa haa haa, yeh naam jo aa gaya Reshmi Rumaal ka, to uske 'hit'
geeton ki kataar saj gayi hai meri yaadon mein bahenon aur bhaaiyon.
to aaiye lage haathon woh bhi yahaan sunte chalen, hun, to silsilaa
main shuru karta hoon us geet se jo sabse zyaada mujhe pasand hai.

--------------------------------------------
Song: zulfon ki ghaTaa lekar (Reshmi Rumaal)
--------------------------------------------

Sangeet Ke Sitaaron Ki Mehfil mein abhi abhi jo zulfon ki ghaTaa
bikhree usey sangeetkaar Babul ne akele hi sanvaara tha, yaani ki
apne 'partner' Bipin ke baGair. 40 Din, Naqli Nawaab aur Reshmi
Rumaal jaisi filmon mein Babul ne akele hi sangeet diya. Reshmi
Rumaal ke baare mein kehte huye Babul ne mujhe Manoj Kumar ke baare
mein kuchh aur bhi baaten bataaee.

*********************
BB: main samajhta hoon Ameen saahab, unki kaamyaabi ka sabse baDaa
raaz yeh hai ki chhoTe baDe ka lihaaz unke zindagi ka Khaas pehlu
hai. aur woh hamesha apne aap ko 'student' samajhte hain.

AS: achchhe kalaakaar ki yahi to pehchaan hai Babul saahab? ab yeh
bataaiye ki kya sangeet se bhi lagaav hai Manoj Kumar ko?

BB: bahut zyaada Ameen saahab, bahut puraane gaane, dhun aur bolon ke
saath aise yaad hai unhe jaise kal hi sune ho

AS: waise bhi Bipin aur Babul ki tarzen bhi to aisi hain ki barson
yaad rahe Babul saahab? dekhiye abhi jo geet mujhe yaad aarahi hai
usey Manoj hi ne 'screen' par adaa kee thi film Naqli Nawaab mein,
kahiye to chheD den woh geet!

BB: zaroor

---------------------------------------------
Song: cheDaa jo dil ka fasaana (Naqli Nawaab)
---------------------------------------------

achchha bahenon aur bhaaiyon, aapko yaad hogaa Babul ke
is 'interview' ke shuru mein unhone kahaa tha ki 'singer' banne ke
liye, jee haan, gaayak banne ke liye woh Bambai aaye the aur filmi
duniya se juD gaye. to us 'interview' mein maine Babul saahab se
poochha tha:

***********************
AS: maine sunaa hai ki aap gaa bhi bahut achchha lete hain, balki do
teen gaane to aap ne 'record' bhi keeye hain, phir aap ne gaana kyun
chhoD diya.

BB: achchha gaana gaana aur 'playback' denaa, dono alag alag cheezen
hain Ameen saahab! aap ne aksar suna hoga ki baDe achchhe achchhe
kalaakaar 'stage' par aur mehfilon mein is qadar aur itna umdaa gaate
hain, lekin jan hamaari filmon mein gaate hain to poori tarah se
kaamyaabi naheen milti.

AS: hummm, yeh baat to sahee hai

BB: lekin iska matlab yeh naheen hai ki main gaana bajaana bhool gaya
hoon Ameen saahab!

AS: agar aisi baat hai Babul saahab to hamaare sunnewaale zaroor
chaahenge ki aap gaakar apne kuchh geeton ke mukhDe unhe sunaa den.

BB: jee haan, dekhiye main koshish karta hoon, (sings) "gardish mein
ho taare na ghabraana pyaare, gar tu himmat na haare to honge vaare
nyaare...."
****************************

aur yahi geet film Reshmi Rumaal mein Mukesh ne kaise gaaya tha yaad
hai aapko?

-------------------------------------------
Song: gardish mein ho taare (Reshmi Rumaal)
-------------------------------------------

BB: main ek aur sunaayun aapko?

AS: zaroor, zaroor sunaaiye

BB: (sings) "naseeb hogaa mera meherbaan kabhi na kabhi..."

AS: Babul saahab, mera Khayaal hai aapke 'hit' geeton ke mukhDe hain
na woh aap hi ki zindagi ki kahaani kehte hain.

BB: jee haan Ameen saahab, na main gardish se ghabraata hoon aur main
naseeb ka khwaahishmand rehta hoon.

---------------------------------------------------------
Song: naseeb hogaa mera meherbaan kabhi na kabhi (40 Din)
---------------------------------------------------------

BB: ek aur sunaayun, 'bore' to naheen ho rahe?

AS: naheen naheen, bilkul naheen

BB: (sings) "jab chhaaye kabhi saawan ki ghaTaa, ro ro ke na karna
yaad mujhe...."
************************

"jab chhaaye kabhi saawan ki ghaTaa", bahenon aur bhaaiyon, yeh geet
bhi 1961 ki film Reshmi Rumaal ka tha. waise Bahul saahab ne bhi
kaafi sur mein isey gaaya magar film mein gaaya tha Talat Mahmood ne,
to aaiye unki aawaaz mein suniye.

--------------------------------------------------------
Song: jab chhaaye kabhi saawan ki ghaTaa (Reshmi Rumaal)
--------------------------------------------------------

bahenon aur bhaaiyon, sureele sangeetkaar Babul ke us 'interview' ko
dekhiye kitne baras ho gaye, 1973 mein aaye the woh mere 'studio'
mein 'programme record' karne ke liye aur uske baad Babul se meri
mulaaqaaten kam kam hone lagi. kabhi sunaa ki woh Bambai chhoD gaye
hain aur kabhi pataa chalaa ki woh Hindustaan hi chhoD gaye hain. aur
abhi abhi jab maine Sangeet Ke Sitaaron Ki Mehfil ke liye unka
yeh 'interview' dubaara 'edit' kiya, tab jaake pataa chalaa ki Babul
kai saal pehle Pakistan chale gaye the, aur waheen kaafi arsaa pehle
unka inteqaal bhi ho gaya. to bahenon aur bhaaiyon, is 'programme' ko
Babul ki yaadon ko salaami samajhiye aur mujhe zaroor e-mail se
bataaiye ki aapko yeh 'programme' kaisa lagaa aur mujhe bataaiye ki
aap Sangeet Ke Sitaaron Ki Mehfil mein aur kin kin sureele hastiyon
ke 'interviews' sunna chaahte hain. mera e'e-mail address' to aapko
pataa hi hai na, naheen hai to likh leejiye, sayani@.... achchha
to main ab phir juT jaata hoon aap ke liye Sangeet Ke Sitaaron Ke
Khazaane khojne mein aur aap tayyaar rahiye Sangeet Ke Sitaaron Ki
Mehfil ke agle 'programme' ko sunne ke liye, namaste, aadaab!

THE END

Audio Courtesy: N Ramaswamy

good work.
--- In vividhbharati@..., "Amish" <gola_raj@...> wrote:
>
> These songs:
>
> 1-Mujh Se kab milo gi Mujahay pyar kab karo gi
> 2-Jis Mod se Guzre the Phir wunhi aa gaye
> 3-Pyar Hai Kya Jaan to lu Aashiq hun tera maan to lo
>
> All are sung by Kumar Sanu and broadcasted on VB in the mid-late 90s.
> First one is from 'Pareebhasha Pyar Ki'.
>
> Does anyone else remember these or have them in audio recording?
> Any help would be much appreciated.
>
> Amish
>

These songs:

1-Mujh Se kab milo gi Mujahay pyar kab karo gi
2-Jis Mod se Guzre the Phir wunhi aa gaye
3-Pyar Hai Kya Jaan to lu Aashiq hun tera maan to lo

All are sung by Kumar Sanu and broadcasted on VB in the mid-late 90s.
First one is from 'Pareebhasha Pyar Ki'.

Does anyone else remember these or have them in audio recording?
Any help would be much appreciated.

Amish

CHHAYA GEET - GUZRE ZAMAANE KE ANMOL NAGHMEN
--------------------------------------------

Presenter: Yunus Khan
---------------------

Chhaya Geet ke is mehfil mein aap sabhi ko Yunus Khan ka namaskaar!
Chhaya Geet mein jab bhi meri aur aapki mulaaqaat hoti hai, to main
lekar aata hoon guzre zamaane ke anmol naGhmon ki yeh KhaasamKhaas
shringkhalaa. jab main kehta hoon guzre zamaane ke anmol naGhmen to
iska matlab un naGhmon se hai jo sahi maaeeno mein apni lekhani, apni
gaayikee, aur apne sangeet mein anmol hain. yeh zaroori naheen ki yeh
gaane apne zamaane mein bahut maqbool huye hon aur aap ko aaj baar
baar sunne ko milte hon. aaj ke is ank mein main kuchh aise naGhmen
lekar aaya hoon jinhe aap mein se bahut chuninda logon ne sunaa
hogaa. aaiye yeh silsilaa shuru karte hain 1965 mein aayi film Raka
ke gaane se. is film ke sangeetkaar Dattaram the, Asad Bhopali ne yeh
gaane likhe the, aur yeh jo geet main aap ke liye lekar aaya hoon,
yeh Lata Mangeshkar ne gaaya hai. zaraa suniye aur sochiye ki kya
kamee thi is gaane mein jo yeh bahut maqbool gaano ki fehrist mein
shaamil naheen ho paaya!

--------------------------------------------------------
Song: dil ki betaabiyaan yeh kali hai wahaan (Raka,1965)
--------------------------------------------------------

guzre zamaane ke anmol naGhmon ko khoj kar aur sunaakar aap ke is
dost ko bahut aanand milta hai. kai baar kuchh pauraaNik filmon mein
kuchh aise gaane aa jaate hain jo apni lekhani aur apni gaayikee aur
sangeet sanyojan mein behad kamaal hote hain. isi tarah ki khoj-been
ke dauraan mujhe 1961 mein bani film Ram Leela ke kuchh geet mile
jinhe S N Tripathi ne swarbaddha kiya tha. S N Tripathi kuchh alag
tarah ki filmon mein kuchh alag tarah ka sangeet dene mein mashoor
rahe hain. Sangeet Samrat Tansen unki ek behad maqbool film thi. Lata
Mangeshkar aur saathiyon ne Ram Leela mein ek gaaya hai jismein ek
taraf lok rang hai, doosri taraf shaastriyata hai, aur teesri taraf
saraltaa hai. kai aayaamon par yeh geet apne aap ko saabit karta
chalta hai. Ram Leela film Chitrabharati Productions ke 'banner' tale
san 1961 mein aayi thi.

----------------------------------------------
Song: dekha kis chanda ko aaj (Ram Leela,1961)
----------------------------------------------

jab main kehta hoon film Mast Kalandar, to aapko kya yaad aata hai?
mere Khayaal se aapko yaad aata hai Hansraj Behl ka sangeet. yeh film
1965 mein aayi thi. Asha Bhosle aur Talat Mahmood ne is film mein
mohabbat karnewaalon ko ek aisa gaana diya tha jo unki haalat ko har
daur mein bayaan karta hai. zaraa is gaane ko suniye aur mehsoos
keejiye Asad Bhopali ne kis tarah se mohabbat karnewaalon ko unki
zabaan de dee.

-----------------------------------------------------
Song: dil-e-naadaan zamaane mein (Mast Kalandar,1965)
-----------------------------------------------------

guzre zamaane ke anmol naGhmen aap sun rahe hain Chhaya Geet mein
apne dost Yunus Khan ke sang. aur jab Mukesh ke gaano ki baat aati
hai to lagbhag sabhi gaane unke behad maqbool huye. lekin aise kuchh
chuninda geet hain jinka bahut zyaada naam naheen ho paaya. san 1960
mein ek film aayi thi Mud Mud Ke Na Dekh. is film mein Prem Dhawan ne
ek geet likha tha jiske sangeetkaar the Hansraj Behl. zara suniye
Mukesh apni aawaaz ki shoKhi ke zariye naayak ko kis tarah se zabaan
de rahe hain aur naayak kis tarh se apne premeeka ki Khoobsoorti ki
duhaai de raha hai aur use bataa raha hai ki haseen ho Khuda to
naheen ho!

-------------------------------------------------------------
Song: haseen ho Khudaa to naheen ho (Mud Mud Ke Na Dekh,1960)
-------------------------------------------------------------

san 1952, film Shokhiyan, aawaaz Suraiyya ki, geetkaar Kidar Sharma,
sangeetkar Jamal Sen. is gaane ke baare mein main kya kahoon, jo
kahoonga woh kam hogaa. isliye seedhe is gaane ko sunte hain.

-------------------------------------------------
Song: raaton ki neend chheen lee (Shokhiyan,1952)
-------------------------------------------------

sangeetkaar Jaidev ek behad saral aur sahaj sangeetkaar the. Jaidev
ne bahut saari filmen naheen kee, unka bahut saara waqt waise Sachin
Dev Burman ke sahaayak ke roop mein guzraa tha. san 1974 mein unki ek
gumnaam kism ki film aayi thi Ek Hans Ka Joda. Asha Bhosle aur
saathiyon ne is film mein yeh geet gaaya tha, jo is puraani, bemaani
duniya ko badalne ki baat karta hai. aaiye is gaane ko sune aur apni
zindagi mein Dhaalen.

------------------------------------------------------
Song: aa jaayo ke milkar badlen (Ek Hans Ka Joda,1974)
------------------------------------------------------

guzre zamaane ke anmol naGhmen aap sun rahe the Chhaya Geet mein apne
dost Yunus Khan ke sang. ham yeh silsilaa aage bhi jaari rakhenge. to
agli baar jab mulaaqaat hogi, main aapke liye lekar aayunga aise hi
kuchh anmol nageene.

THE END

SANGEET KE SITAARON KI MEHFIL

AMEEN SAYANI'S PROGRAMME ON LATA MANGESHKAR (CONTROVERSIAL)
-----------------------------------------------------------
***********************************************************

PART 2

LM: Lata Mangeshkar
OP: O P Nayyar
AS: Ameen Sayani

shukar hai, shukar hai bahenon aur bhaaiyon, ki Sangeet Ke Sitaron Ki
Mehfil ke pichhle 'programme' se to aapka 'radio' dost Ameen Sayani
sahee salaamat nikal aaya kyunki usmein maine suron ki mahaaraani
Lata Mangeshkar se aise mushkil, 'controversial' sawaal poochhe the
ki mujhe lag raha tha ki meri jaan Khatre mein paD jaayegi. aur
bahenon aur bhaaiyon, kai saare gaDbaD sawaal aur bhi hain mere paas
Khaaskar Lataji ke liye jo main kaafi himmat karke aaj unse
poochhnewaala hoon.

----------------------------------------------
Song: duniya kare sawaal to ham kya jawaab den
----------------------------------------------

doston, mujhe bhi Lata Mangeshkar ke gaane sunne ka shauk hai, isliye
main 'situation' dekhke unka yeh 'hit' gaana bajaa diya yahaan, magar
asleeyat to yeh hai ki pichhle 'programme' ke mushkil sawaalon ke
baDe hi Khoobsoorat jawaab deeye the Lataji ne, Dada, yaani S D
Burman, Mohd Rafi aur unki apni bahen Asha Bhosle se unki an-ban ke
baare mein, aur unki paidaaish, unki bhaashaaon vagerah ke baare
mein. Khair saahab, main baDhta hoon aage, aur ab ki baar bhi Darte
Darte (laughs) Lataji ke saamne aaj ke sawaalon ka 'qouta' rakhne ke
liye. achchha doston, yaad hai na aapko, pichhle 'programme' mein
Lataji ne na sirf unki Mohd Rafi ke saath huyi kashmakash ke baare
mein bataaya tha balki baDi taarif bhi kar dee thi unhone Rafi saahab
ki saadgee aur sharaafat ki. to Rafi saahab ka hi zikr karke main aj
baat aage baDhaanewaala hoon.

AS: achchha Lataji, Rafi saahab to jaisa aapne kahaa baDe seedhe
aadmi the, bahut saaf dil ke the, ek saahab aise bhi the jo Khud bhi,
matlab, thoDe 'controversial' the (laughs), zaraa thoDe se garam
mizaaj ke aur kaafi dhoom dhaDaakedaar tha, aur aake shaayad 'so-
called' dushmanon mein unka bhi shaayad naam aata hai...

LM: o baap re (laughs)

AS: O P Nayyar. dekhiye main aapko ek baat bataata hoon, O P Nayyar
jab hamaare yahaan aaye the, 'studio' mein 'recording' ke
liye, 'interview' bahut achchha diya tha. to maine unko poochha tha
ki Lata Mangeshkar se gaane kyun naheen gawaate the to unhone kya
jawaab diya tha zaraa suniye:

******************
OP: mere dost the K K Kapoor, K K saahab ne kahaa ki, B R Chopra
saahab ko mere saamne biThaaya, bolaa ki inki tasveer karni hai.
maine bola ki pehle to yeh 'condition' hai ki main Lata Mangeshkar
naheen letaa.

AS: achchha Nayyar saahab, yeh naheen samajh mein aayi baat ki aap ne
aisa kyun kahaa! Lataji se kya koi iKhtilaak tha, koi jhagDaa ho gaya
tha, kya huya tha?

OP: Ameen saahab, Khuda gawaah hai, 78 ki meri 'age' hai, mujhe marte
waqt jaan deni hai, to main aapko bataayun ki koi unse jhagDaa naheen
hai, na maine unse 'approach' kiya.

AS: to Lataji ko na lene ki wajah kya bataayi aapne B R Chopra saahab
ko, yeh bhi to bataaiye Nayyar saahab?

OP: to bole Chopra saahab ki 'main aapka aur Lataji ka sulah karwa
deta hoon'. unhone Lata ke baGair kabhi kaam hi naheen kiya. to maine
kahaa ki koi jhagDaa naheen hai, koi aisi baat naheen hai. unki
aawaaz meri 'music' ko 'suit' naheen karti. mujhe chaahiye 'seductive
voice', jiski 'voice' mein 'weight' ho, to woh mujhe Geeta Dutt,
Shamshad begum aur Asha Bhosle mein milaa.
*********************

AS: aur na sirf yeh Lataji, usi 'interview' mein Nayyar saahab ne yeh
bhi kahaa tha aapke baare mein, yeh bhi suniye:

*********************
OP: Asha Bhosle baDi achchhi gaayika hai, lekin 'number-1' gaayika
Lata Mangeshkar hi rahegi, aur 'number-2' Asha Bhosle hi rahegi.
*********************

AS: aur na sirf itna Lataji, balki us 'interview' mein unki pasand ka
aapka ek geet bhi bajaa tha lekin unke sangeet mein naheen aaya,
lekin unke 'programme' mein zaroor aaya tha, yeh tha woh geet:

---------------------------------------------------
Song: jiya beqaraar hai chhaayi bahaar hai (Barsat)
---------------------------------------------------

AS: to Lataji, aapne sun liya ki O P Nayyar ka aapke baare mein kya
Khayaal hai aur aap ne woh gaana bhi sun liya, aapka apna gaana jo O
P Nayyar ne apne 'programme' mein bajaaya tha. to kya aap O P Nayyar
ek baare mein kehna chaahengi?

LM: jee, main zaroor kehna chaahoongi kyunki mera aur Nayyar saahab
ka koi jhagDaa to tha hi naheen, na mere dil mein unke liye aisa tha
ki 'bhai yeh bahut bura aadmi hai', aur na kuchh unke dil mein. itna
main jaanti hoon ki woh jab pehli baar aaye aur woh shaayad Pancholi
ki koi film kar rahe the, tab mujhe unhone bulaaya tha, aur ek gaana
unhone mere liye nikaala tha. par kya huya us waqt ki main, us waqt
mujhe 'cynus' ki bahut zyaada takleef thi aur woh gaana 'record'
naheen huya. woh gaana 'record' na hone ke baad, ab yeh main soch
rahi hoon, ho sakta hai ki aisa naheen ho, mujhe aisa lagta hai ki
shaayad unhone phir socha ho ki 'naheen, Lata se naheen lenge'. aur
yeh baat unhone bilkul sach kahee hai ki jo unka 'style' tha woh
shaayad mere gale se achchha naheen lagta. aaj bhi mujhe aisa mehsoos
hota hai. par woh mere hisaab se bahut achchhe 'music director' the
aur bahut hi achchha unhone 'music' diya. aur jo 'music' us waqt chal
raha tha, usse haTke unhone apna ek 'style' us waqt shuru kiya tha,
jaise ki Master Ghulam Haider...

AS: C Ramchandra. to Anna sahab, yaani ki C Ramchandra se kya baat ho
gayi, kaisi an-ban ho gayi, kyun ho gayi, aur na hoti to kitna
achchha hota.

LM: (laughs) naheen, agar aap aise sochen to mera dushman koi naheen
hai, na hi main kisi ki dushman hoon. par itne saare 'music
directors' ke saath jab ham kaam karte hain, itne log milte hain roz,
to kahin na kahin chhoTi moTi baat ho jaati hai. unke saath kya huya
tha ki ek 'recordist' the jo mere peeTh peechhe kuchh baat karte the,
mujhe maaloom huya tha aur woh jisne mujhe bataaya tha woh aadmi
mujhe bahut zyaada pyaar karta tha, kehta tha 'main sun naheen sakta
hoon Lataji woh aapke baare mein baat aisi karte hain'. aur
meri 'recording' thi C Ramchandra ki jo usi 'studio' mein thi. maine
Anna ko kahaa ki 'Anna, main is 'recordist' ke paas 'recording'
naheen karoongi kyunki yeh mere liye bahut kharaab baat karta hai,
jab main gaayungi mera man naheen lagega yahaan aur main jab gaati
hoon mere dimaag ko achchha lagna chaahiye, sukoon milna chaahiye ki
bhai jo gaana main gaa rahi hoon, achchha lag raha hai, tabhi gaana
achchha ban sakta hai'. unko pataa naheen kya huya, unhone kahaa
ki 'Lata, tum agar naheen gaayogi to main apne dost ko naheen chhoD
sakta hoon, main tumhaari jagah kisi aur ko laayunga'.

AS: arey!

LM: maine kahaa 'bilkul, aap laa sakte hain, kisi ko bhi le aaiye'.
aur maine woh kaam chhoDaa, par mera unka jhagDa aisa naheen huya.
maine woh gaana, matlab 'rehearsal' kiya huya, main chhoDke chali
gayi aur unhone phir kisi aur se woh gaana liya, aur woh Marathi
gaana tha, Marathi 'picture' ka tha. to woh gaana hone ke baad, us
samay unke paas kaam bhi bahut kam tha, aur phir baad mein meri unki
baat naheen huyi, mulaaqaat naheen huyi, kuchh naheen. aur phir agar
unka mera itna jhagDaa hota to phir woh phir mere paas dobaara
aaye "aye mere watan ke logon" ke liye.

AS: haaaaan bilkul bilkul bilkul

LM: to jhagDaa to tha hi naheen. aur "aye mere watan ke logon" ke
liye woh mere ghar mein aaye bulaane ke liye, woh aur Pradeep-ji,
dono ne aakar kahaa ki 'yeh gaana tumko gaana hi paDegaa'. maine
kahaa 'main gaayungi naheen, meri tabeeyat achchhi naheen, mujhe aap
yeh mat keejiye, main 'rehearsal' karoongi, Delhi jaayungi'. maine
kahaa 'Delhi jaana bhi mujhe itna pasand naheen is waqt'. par us
gaane ke liye Pradeep-ji ne bahut zor lagaaya. Pradeep-ji ne kahaa
ki 'Lata, agar tum yeh gaana naheen gaayogi to phir main yeh gaana
doonga hi naheen'. to unka dil naheen toD sakee main. maine
kahaa 'achchhi baat ha, main gaati hoon aur unke ghar jaakar
maine 'rehearsal' vagerah keeye aur maine woh gaana gaaya.

AS: aur kya gaana banaa

LM: bahut achchha gaana tha

AS: waah waah waah. aur Lataji, woh gaana itni baar bajaa hai aur
baar baar bajta hi rehta hai...

LM: haan haan

AS: koi aisa mauka aata hai, jaise 15 August

LM: jee haan

AS: ya koi raashTriya din, to bajta hi hai, to par main pesh karoonga
kuchh jhalaken, kuchh aise amar geeton ki, jinki dhun C Ramchandra ne
banaayi thi aur jinhe aap ne gaaya tha Lataji, us zamaane mein jab
aapka Anna Sahab se jhagDaa naheen huya tha.

-------------------------------------------
Clip: mujhpe ilzaam-e-bewafaai hai (Yasmin)
Clip: dil ki duniya basaake saanvariya (
Clip: main jaagoon saari rain sajan tum so jaayo (
Clip: mehfil mein jal uThi shamaa (Nirala)
Clip: yeh zindagi usi ki hai (Anarkali)
Clip: tum kya jaano tumhaari yaad mein (Shin Shinaki Bablaboo)
-----------------------------------------

AS: aur aaKhir mein Lataji ek sharaarti 'duet' C Ramchandra ke saath
gaaya huya...

--------------------------------------
Song: shaam Dhale khiDki tale (Albela)
--------------------------------------

AS: Lataji ab main aapko yaad dilaata hoon, meri ek mulaaqaat aap se
huyi thi bahut arsaa pehle, yeh 'studio' mein naheen huyi
thi, 'recording' naheen ho rahi thi, aise hi kabhi kabhi main aa
jaaya karta tha aapke ghar, to ek baar maine aap se poochha tha
Lataji ki ek zamaana woh tha jab Geeta Dutt ka dehaant ho chuka tha,
aur Shamshad ne bhi kareeb kareeb gaana band kar diya tha, aur
Noorjehan aur Suraiyya ka daur to usse pehle hi Khatam ho gaya tha,
to sawaal yeh tha, pataa naheen dekhiye aapko yaad hai yaa naheen,
dekhiye hamaare bhaarat mein to jeevan ka har moD aur har sanskaar
sangeet se juDaa huya hai...

LM: jee haan

AS: phir aisa kyun hai ki 'playback' gaayikaaon mein 'number-1' par
Lata Mangeshkar hain aur 'number-2' par Asha Bhosle hain, aur uske
baad kai 'number' Khaali jaane ke baad auron ke 'number' aate hain.
to aap bataayengi ki aap ne is sawaal ka jawaab tab kya diya tha aur
aaj kya dengee? yaad hai aapko kya diya tha?

LM: jee naheen

AS: achchha main bataata hoon aapko. aap ne yeh kahaa tha ki 'dekho,
maine jab gaana shuru kiya tha to mujhe kamaaee karni thi, baDi
mehnat se main jaati thi, kai baar chappal phaTe huye hote the, kai
baar chhatri phaTi huyi hoti thi, 'studios' ke baahar ghanTon khaDee
rehti thi, aur aise jatan se, mehnat se,....



*************** SOME PART MISSING*******************




-----------------------------------------------------
Song: mere laaDlon tum phoolo phalo (Sant Gyaneshwar)
-----------------------------------------------------

AS: ab aaKhir mein ek sawaal aisa hai Lataji, jisse aap bach naheen
paayengi

LM: achchha (laughs)

AS: aapki ek baDi zabardast zyaadtee ke baare mein hai

LM: arey baap re!

AS: jo aapko naheen karni chaahiye thi

LM: 'oh my God!'

AS: dekhiye woh baat yeh hai ki apni sangeet aur apni lagan aur apni
jatan ke bal par jis gaayika ne Bharat Ratna ki padvi paayi ho,
Lataji, uska to yeh kartavya ho jaata hai ki woh har haal mein woh
apni tanduroosti ka aur Khaas taur par apne gale ka Khayaal rakhe.
lekin aap ne hamesha apne sehat ke saath zyaadtee kee, itne
saare 'stage shows' le leeye, yaani Bhaarat mein bhi, baahar bhi,
jahaan dekho Lataji gaa rahi hain, aur 'strain' ho raha hai. itna
aapne 'strain' kar liya ki gala hi naheen shareer par 'strain' aa
gaya aur iske alaawaa na aapne 'ice cream' se parhez kiya na chaTni
achaaron se (Lata laughs), jinse kehte hain ki gala aur bhi Kharaab
ho jaata hai. to Lataji, aapki aawaaz ab sirf aaki to hai naheen,
balki desh bhar ki poonji hai, isliye main aap se poochhna chaahta
hoon ki kyun aap ne apne sangeet ke saath, apne shareer ke saath,
apne gale ke saath is tarah zyaadtee kee?

LM: naheen Ameen bhaai, yeh aap Galat keh rahe hain, maine koi
zyaadtee naheen kee, yeh to 'film industry' mein aane se pehle
hi 'ice cream' khaana, chaTni khaana, achaar khaana, yeh to mera tha
hi, mirch main bahut khaati thi, ab main khaati naheen hoon zyaada,
par usse gale ko kuchh naheen hota hai. gala bhagwaan deta hai aur
aise hote hain gale, aur jo bahut zyaada sambhaalte hain, unko to
aisa hota hai ki thoDi si dhool andar gayi yaa dhuyaan andar gaya to
gale baiTh jaate hain. aisa kabhi mera huya naheen bhagwaan ki daya
se, aur aise maine zyaadtee naheen kee. jahaan tak 'program'-on ka
sawaal hai, abhi maine '74 mein 'program' kiya tha London mein, jo
pehla mera bhaarat ke baahar 'program' tha, uske baad maine 5/6 saal
baad 'program' kiya. main zyaada 'shows' karti naheen hoon aur agar
baahar gayi bhi hoon, to itne saalon mein, mera Khayaal hai 100 ya
110 'shows' huye honge. sab jagah. Hindustaan ko ginke. beech mein
maine 'shows' thoDe zyaada keeye jaise Bombay mein 2/3 'shows' keeye,
us samay mere pitaaji ki 'centenary' thi, to ek 'show' uske liye kiya
tha, ek 'show' Raj Thackerey ki ek sanstha hai uske liye kiya tha,
aur baaki main 'shows' zyaada isliye naheen karti hoon kyunki, aapko
pataa hai, 'stage' pe jaana mujhe itna pasand bhi naheen hai, aur woh
sab jo ek vaataavaraN hota hai, us sab ke saath main, matlab, mil
naheen paati hoon. par ap yeh sab mere upar bilkul Galat ilzaam laga
rahe hain (laughs)

AS: (laughs) achchha to yeh phir achchhi baat hai ki aap ne zyaadtee
naheen kee apne gale ke saath, apni sehat ke saath, isiliye aapne
Pune mein ek zabardast 'hospital' kholee hai (Lata laughs loudly)
apne pitaaji ke naam se.

LM: naheen naheen naheen, 'hospital' hamne isliye khulwaaya tha
kyunki mere pitaaji ki 'death' Poona mein huyi thi, aur Poona mein us
samay, '42 ki baat hai, mere pitaaji ko jaise 'medical aid' milna
chaahiye tha milaa naheen

AS: woh kyun?

LM: naheen, bas haalaat aise the, aur woh zamaana aisa tha ki '42
mein jab dange fasaad sab chalta tha, aur mere pitaaji ke saath
baDaa, matlab, yeh huya tha ki ham sab kuchh naheen kar sake aur mere
pitaaji ki 'death' huyi. to mere maa ke man mein bahut tha ki kabhi
agar ho sakaa to tum log pitaaji ke naam ka 'hospital' zaroor
kholnaa. haalaanki maa bhi naheen rahi, ismein sabse zyaada jisne
kaam kiya woh Hridaynath ne kiya. Hridaynath, Usha, yeh log chhoTe
chhoTe 'shows' karke, matlab, baDaa 'shows' kaise ho sakta tha,
Hridaynath jaake akela gaa raha hai, aur usse jo paise aate the,
laakh do laakh aise, aise kar karke unhone paisa ikaTTha kiya, phir
hamaara ek Dinanath PratishThaan shuru kiya, usse 'awards' shuru
keeye, phir usse aage jaake, jab Pawar saahab yahaan ke 'Chief
Minister' the, to phir unse jagah hamne lee aur yeh 'hospital' hamne
banaane ki koshish kee aur abhi bhagwaan ki daya se kaafi achchha ho
gaya.

AS: main gaya hoon wahaan aur bahut achchhi jagah hai

LM: mujhe bataaya aur woh aapki bahut taareef kar rahe the aur mujhe
bataa rahe the ki Ameen bhaai ko phir le aana. maine kahaa ki 'zaroor
le aayenge lekin 'patient' banaakar naheen' (laughs)

AS: waise Lataji mujhe yakeen hai ki main agar 'patient' bankar bhi
jaayunga na to bhi aapke 'hospital' ki fazaayen mera swaagat poore
bahaar se karengi kuchh is tarah!

--------------------------------------------------------
Song: agar mujhse mohabbat hai mujhe sab apne Gham de do
--------------------------------------------------------

LM: Ameen bhaai, aap to kitno ke 'interviews' kar chuke hain, mera
Khayaal hai 'industry' ka koi aadmi bacha naheen hogaa, aur aap
sawaal karte hain aur ham log jawaab dete hain, aaj main aap se ek
sawaal karna chaahoongi.

AS: mujhse sawaal aap karengi?

LM: (laughs)

AS: arey main to pehle se hi 'nervous' ho raha tha, aur bhi 'nervous'
ho jaayunga

LM: naheen, naheen, main yeh poochhna chaahti hoon ki aap ne itne
logon ka 'interview' kiya hai, jab aap sawaal poochhte hain to aap ko
kya mehsoos hota hai, kaisa lagta hai aapko ki ek 'artiste' ke saath,
yaa ek 'hero' ke saath baat kar arhe hain, 'music director' ke saath,
aur kya 'feel' karte hain aap?

AS: main hamesha koshish karta hoon, ek to main sangeet ka baDaa
saadhak hoon, aur bahut seekha bhi hai, bachpan mein bahut seekha,
gaa naheen paaya main, 'classical' bhi seekha tha

LM: achchha?

AS: lekin main gaa naheen paaya kyunki jab meri aawaaz phaTee to main
bilkul 'out' ho gaya. jab main gaana shuru karta to log kehte 'arey
phaTe Dhol band karo!'

LM: par Ameen bhaai, agar us samay aap riyaaz karte to aapki aawaaz
Theek ho jaati, kyunki har laDke ke saath yeh hota hai ki 14/15 saal
ke hone ke baad aawaaz phaT-tee hai, aur us waqt agar riyaaz kare
aadmi to Theek ho sakta hai

AS: par us waqt to hamein Lata didi mili naheen salaah dene ke liye
(Lata laughs), to ham jab bhi shuru karte the to yeh mushkil ho jaati
thi. aur phir main hamesha yeh koshish karta tha ki kyunki mujhe unka
sangeet pasand tha, main dekhta tha ki kya unmein Khoobsoorat cheezen
hain, woh saamne laayi jaaye. aur main ek baat zaroor kahoonga,
haalaanki is 'programme' mein log mujhse zyaada Lataji ko sunna
chaahenge, ki Lataji aap jaise hi log jinse mera sampark huya, jinko
maine sunaa, jinhone mujhe prerNaa dee, aise hi mahaan logon ko
muKhaatib karte huye maine jeevan mein mekmaatra sher kahaa hai.

LM: jee

AS: to woh sher arz yun hai Lataji

LM: irshaad

AS: ki kaam baraabar baanTaa jaaye

LM & AS: kaam baraabar baanTaa jaaye

AS: aap pakaao bandaa khaaye (Lata laughs loudly)

LM: kyunki mere kuchh pehchaan ke log hain, woh aapke 'programme' ki
itni taareef karte hain, kal hi mujhe kisi ka 'phone' tha, ki 'ham
haath joDte hain, aapke paas agar unke 'programme' ki CD aayi ho to
hamein bhej deejiye' (AS laughs), aur woh 'request' kar rahe the
ki 'aap Ameen bhaai ko kahiye ki woh jo 'programme' karte hain uski
CD banaake, 'tape' banaake 'market' mein Daalen'. maine kahaa main
unse zaroor baat karoongi (laughs). aapke bahut 'fan' hain yeh aap
mat bhooliyegaa.

AS: main to 'side' mein hoon, 'fans' to aap jaise...

LM: lekin aap sab logon ko laake jis tarah se pesh karte hain na, woh
bhi to ek Khoobee hai.

AS: bahut dhanyavaad aapka, bahut dhanyavaad Lataji, aur bahut
achchha lagaa jo aap aaj aayeen aur aaj jo na jaane kitne log sun
rahe honge, woh keh rahe honge ki 'achchha huya ki Ameen bhaai ne yeh
yeh sawaal poochhe Lataji se taaki jo Galatfehmiyaan theen...

LM: jee haan, woh door ho gayeen. bahut bahut shukriyaa.

--------------------------------------------------------------
Song: achchha to ham chalte hain (From Lata-Kishore Live Show)
--------------------------------------------------------------

AS: to bahenon aur bhaaiyon, Lata Mangeshkar se mere poochhe huye
zaraa mushkil se sawaalon ke do 'programme' ho gaye Khatam, yeh sab
sawaal Khaas Sangeet Ke Sitaaron Ki Mehfil ke liye Lataji se poochhe
gaye the. waise unke puraane 'interviews' ka ek Khazaana bharaa huya
hai meri 'library' mein, jise maine Sangeet Ke Sitaaron Ki Mehfil ke
kai 'programme'-on mein bikheraa hai, aap to sunte hi rahe hain aur
Lataji ki 'record' kee huyi kuchh nayi baaten bhi hain mere paas, jo
aanewaale 'programme'-on mein pesh hongi. matlab yeh huya bahenon aur
bhaaiyon ki guzre huye kal se aaj tak, aur aaj se aanewaale poore
zamaane tak Lata Mangeshkar ki madhur aawaaz aur sureelee soch
hamaare jeevan ko sanvaarti rahi hai aur sanvaarti rahegi, hamein har
moD par apne paas bulaati rahegi.

--------------------------------------------
Song: mere paas aayo nazar to milaao (
--------------------------------------------

ab apne 'radio' dost Ameen Sayani ko aagya deejiye aur zaraa sochiye
baheno aur bhaaiyon ki kaise kaise sureele hangaame aapka intezaar
kar rahi hai aanewaali Sangeet Ke Sitaaron Ki Mehfilon mein. achchha
to sabko namaskaar aur sabko salaam!

THE END

VBLC SANGEET KE SITAARE
-----------------------

EPISODE 8: SUBIR SEN
--------------------

VBLC Sangeet Ke Sitaare ki aaj ki kaDee mein aap sabhi ka haardik
swaagat hai. aaj is kaaryakram mein ek gaayak ka zikr, ek aise gaayak
jinhone Hindi filmon mein bahut zyaada geet naheen gaaye hain, lekin
film sangeet ke sunehre daur mein unke huye gaaye kuchh geet unki
pehchaan ban gaye hain, aur aaj jab un geeton ka zikr chhiDta hai to
sabse pehla naam unhi ka swamaN mein aata hai. VBLC Sangeet Ke
Sitaare mein aaj ham yaad kar rahe hain paarshwa-gaayak Subir Sen ko.

------------------------------------------
Song: manzil wohi hai pyaar ki (Kathputli)
------------------------------------------

1957 ki film Kathputli ke isi geet se shaandaar padaarpaN huya tha
gaayak Subir Sen ka film sangeet jagat mein. Balraj Sahni par Subir
Sen ki aawaaz is gaane mein Khoob jamee thi. Shankar Jaikishan ka yeh
prayog itna kaamyaab raha ki aage chalkar inhone Subir Sen se aur bhi
kai 'hit' gaane gawaaye. balki Subir Sen ne sabse zyaada Shankar
Jaikishan ke nirdeshan mein hi Hindi filmon mein gaane gaaye. san
1959 mein jab Balraj Sahni ki mukhya bhumika mein Chhoti Bahen film
ka nirmaaN shuru huya, aur Shankar Jaikishan ko is film ka
sangeetkaar niyukt kiya gaya to inhone ek baar phir se Subir Sen ki
aawaaz ka sahaara liya Balraj Sahni par filmaaye gaye is 'superhit'
geet ke liye.

-------------------------------------------------
Song: main rangeela pyaar ka raahi (Chhoti Bahen)
-------------------------------------------------

Chhoti Bahen film ke is sadaabahaar yugal geet mein Subir Sen ka
saath de rahi theen Lata Mangeshkar. Subir Sen aur Lata Mangeshkar ne
kai yugal gaaye hain. isi saal, yaani ki 1959 mein, in dono ne gaaye
film Ardhangini mein Raj Kumar aur Meena Kumari par filmaaya gaya,
Majrooh Sultanpuri ka likha aur Vasant Desai ka swarbaddha kiya yeh
Khoobsoorat gaana.

--------------------------------------------------
Song: pyaar mein milna sanam hota hai (Ardhangini)
--------------------------------------------------

doston, Lata Mangeshkar aur Subir Sen ki aawaazon mein do yugal geet
ek ke baad ek aapne sune. 'programme' mein aage chalkar ham in dono
ke gaaye chand aur yugal geet aapko sunwaayenge. Subir en ne jab
sangeet sansaar mein kadam rakhaa to bahut se logon ne yeh kahaa ki
unki aawaaz Hemant Kumar se milti hai. lekin sangeet ke sachche
jaankaar logon ko Hemant Kumar aqur Subir Sen ki aawaazon ka antar
pataa hai. sach to yeh hai ki Subir Sen ke aawaaz ka apna alag hi
andaaz hai jise jhuThlaaya naheen jaa saktaa. kuchh ka kehna hai ki
Subir Sen ke aawaaz ka 'range' bahut zyaada naheen tha jiski wajah se
unki gaayiki ek seemaa mein bandhkar reh gayi. aur yahi kaaraN hai ki
woh Hindi filmon ke paarshwagaayan mein zyaada aage naheen jaa sake.

-----------------------------------------------------------
Song: sun jaa dastaan yun na sataa chhoD yeh ada (Passport)
-----------------------------------------------------------

Bangla sangeet mein bhi Subir Sen ka naam bahut zyaada charchit
naheen huya. haalaanki Salil Chaudhury ne unse bahut se Khoobsoorat
Bangla gaane gawaaye, jo lokapriya bhi huye the. chaliye waapas aate
hain Subir Sen ke gaaye Hindi film sangeet par. san 1961 mein J Om
Prakash ne film banaayi Aas Ka Panchhi. is film mein Shankar
Jaikishan ne Subir Sen se gawaaya film ka sabse mahatwapoorN geet,
yaani ki film ka shirshak geet.

-------------------------------------------------
Song: dil mera ek aas ka panchhi (Aas Ka Panchhi)
-------------------------------------------------

dil mera ek aas ka panchhi, uDtaa hai oonche gagan par, pahunchegaa
ek din kabhi to, chanda ki ujlee zameen par - is sakaaraatmak geet ko
sunkar man jitna prasanna ho uThta hai, doosre hi pal dil udaas ho
jaata hai yeh sochkar ki is geet ke gaayak ke mukh se nikle yeh shabd
unki apni zindagi mein jhooThe paD gaye. Khwaab Subir Sen ne bhi
dekhaa hogaa ek safal paarshwagaayak banne ka, par unke dil ke aas ka
woh panchhi bahut der tak uDaan na bhar sakee. kuchh 'hit' geet
unhone zaroor gaaye lekin uske baad Subir Sen jaise film sangeet ki
duniya se Gaayab se hone lage.

--------------------------------------------
Song: dheere chalaayo zaraa (Aas Ka Panchhi)
--------------------------------------------

saal 1964. Manoj Kumar aur Mala Sinha abhineet film aayi Apne Huye
Paraye. ek baar phir Shankar Jaikishan aur ek baar phir Subir Sen ki
aawaaz. Lata Mangeshkar aur Subir Sen ka gaaya yeh yugal bhi apne aap
mein ek Khoobsoorat ahsaas hai, rumaaniyat se bhara huya yeh naGhmaa
hamein ek alag hi duniya mein le jaata hai.

-------------------------------------------------------
Song: gaganke chanda na poochh hamse (Apne Huye Paraye)
-------------------------------------------------------

is waqt aap sun rahe hain VBLC Sangeet Ke Sitaare aur iske tahat aaj
ham aapko sunwaa rahe hain film sangeet ke sunehre daur ke paarshwa
gaayak Subir Sen ke gaaye huye gaane.

---------------------------------------------
Song: aise na jaao ae jaan-e-man (Boy Friend)
---------------------------------------------

yeh tha Shammi Kapoor aur Madhubala abhineet 1961 ki film Boy Friend
ka gaana, ek baar phir Shankar Jaikishan ke sangeet nirdeshan mein.
Subir Sen ke gaaye is ekal geet ka ek doosra 'version' bhi tha jise
Lata Mangeshkar ne gaaya tha. doston, ab tak is kaaryakram mein aap
ne Subir Sen aur Lata Mangeshkar ke gaaye kam se kam teen yugal geet
sun chuke hain, jinmein se ek tha Vasant Desai ke sangeet mein aur
baaki do ke sangeetkaar the Shankar Jaikishan. Shankar Jaikishan ne
isi saal, yaani ki 1961 mein film Roop Ki Rani Choron Ka Raja mein
Subir Sen ko gawaaya Asha Bhosle aur saathiyon ke saath. Dev Anand
aur Waheeda Rahman abhineet is film ka yeh gaana pesh hai aapki
Khidmat mein.

-------------------------------------------------------
Song: aaja re aaja re nainan dwaare taras gaye (RKRCKR)
-------------------------------------------------------

Subir Sen ko aap ek gaayak ke roop mein jaante hain. aap mein se
bahut kam shrotaaon ko yeh pataa hoga ki Subier Sen ne ek film mein
sangeet bhi diya tha. yeh film thi 'Midnight', jo England mein san
1972 mein pradarshit kee gayi thi. is film mein unhone Talat Mahmood,
Mohd Rafi, Geeta Dutt aur Asha Bhosle se gaane gawaaye the aur unhone
Khud bhi apni aawaaz milaaee thi. is film mein Talat Mahmood aur
Geeta Dutt ka gaaya ek baDaa hi Khoobsoorat yugal geet hai jo ab ham
aap ko sunwaane jaa rahe hain. geet sunne se pehle aapko ham yeh
bataa den ki isi saal 1972 mein Geeta Dutt ne is duniya ko alvidaa
keh diya tha. to leejiye Subir Sen, Talat Mahmood, aur Geeta Dutt ki
yaad mein sunte hain Midnight film ka woh geet.

-----------------------------------
Song: tum saa meet milaa (Midnight)
-----------------------------------

yeh to thi bataur sangeetkaar Subir Sen ke doosre gaayakon se gaane
gawaane ki baat. aur ab kuchh aise geeton ki jhalkiyaan jinhe Subir
Sen ne gaaye hain alag alag sangeetkaaron ke sangeet nirdeshan mein.
Shankar Jaikishan ke saath to unke kai gaane bane jo ham aapko sunwa
chuke hain, aur Vasant Desai ke saath film Ardhangini ka bhi ek geet
aap sun chuke hain. sangeetkaar Hemant Kumar ne Subir Sen aur Geeta
Dutt se gawaaya tha Hum Bhi Insan Hain film ka ek yugal geet...

--------------------------------------------------
Song: gori tere naTkhaT naina (Hum Bhi Insan Hain)
--------------------------------------------------

Sardar Malik ke sangeet nirdeshan mein Bharat Vyas ka likha Roop
Sundari film ka yeh gaana...

------------------------------------------------------------
Clip: ab to aisa lagta hai tum is jeevan mein (Roop Sundari)
------------------------------------------------------------

film Pick Pocket mein bhi Sardar Malik ne Gulshan bawra ka likha ek
geet Mahendra Kapoor aur Subir Sen se gawaaya tha...

----------------------------------------------
Clip: jeevan ki lambi raahon par (Pick Pocket)
----------------------------------------------

sangeetkaar Bulo C Rani ne Subir Sen ki aawaaz ka istemaal kiya tha
Abhimanyu aur Jadoo Mahal jaisi filmon mein. Shewan Rizvi ka likha
film Jadoo Mahal mein Subir Sen aur Poornima Seth ka gaaya yeh
durlabh yugal geet suniye.

--------------------------------------------------
Clip: qasam na leejiye kasam deejiye (Jadoo Mahal)
--------------------------------------------------

Suman Kalyanpur ke saath Subir ne kuchh yugal gaaye the. ek film to
thi Abhimanyu, doosri film thi Jab Se Tumhe Dekha Hai, jiske
sangeetkaar the Dattaram.

------------------------------------------------------
Clip: chaand tale jhoom jhoom (Jab Se Tumhe Dekha Hai)
------------------------------------------------------

S L Merchant ke sangeet mein Suman Kalyanpur aur Subir Sen ne gaaye
Sati Renuka ka ek yugal geet "chaand salone itna bataa de". S
Mohindar ke sangeet mein Subir Sen aur Asha Bhosle ka gaaya Raja
Mehendi Ali Khan ka likha Mehlon Ka Khwab film ka yeh geet bhi Khaas
hai.

----------------------------------------------
Clip: gar tum buraa na maano (Mehlon Ka Khwab)
----------------------------------------------

sangeetkaar Robin Banerjee ki ek ullekhniya film rahi hai 1960 mein
bani Masoom. is film mein unhone Subir Sen aur Arati Mukherjee ki
aawaazon mein yeh yugal geet 'record' kiya tha.

---------------------------------------------
Clip: hamein un raahon pe chalna hai (Masoom)
---------------------------------------------

gaayika Kamal Barot ka pehla geet Kalyanji Anandji ke sangeet
nirdeshan mein O Tera Kya Kehna film ke liye 'record' huya tha. aur
woh gaana tha Subir Sen ke saath gaaya huya yeh mashoor naGhmaa.

-------------------------------------------------
Song: dil leke jaate ho kahaan (O Tera Kya Kehna)
-------------------------------------------------

to doston, Subir Sen ke gaaye aur sangeetbaddha keeye geeton ko sunte
huye samay kaise nikal gaya pataa bhi naheen chalaa. sunehre daur ke
geeton ki yahi to Khaaseeyat hai ki chaahe kitna bhi sun len jee hi
naheen bhartaa. lekin is vaade ke saath ki kuchh aise hi mahakte aur
laajwaab geeton ke saath agle kaaryakram mein aapki sevaa mein phir
se haazir honge, aaj ka yeh kaaryakram yaheen Khatm kar rahe hain.
chalte chalte Subir Sen ki yaad mein suniye unhi ke sangeet nirdeshan
mein bani film Midnight ka yeh geet, namaskaar!

---------------------------------
Song: saajan yaad mein (Midnight)
---------------------------------

THE END

--- In vividhbharati@..., santosh kumar <surhall123@...>
wrote:
>
> H�A�P�P�Y���N�E�W���Y�EA�R��2 0 0 9
>
> --- On Wed, 12/31/08, soojoi_india <soojoi_india@...> wrote:
>
> From: soojoi_india <soojoi_india@...>
> Subject: [vividhbharati] Happy New Year 2009!
> To: vividhbharati@...
> Date: Wednesday, December 31, 2008, 6:08 PM
>
> HAPPY NEW YEAR TO ALL MEMBERS.
>
>
>
>
>

--- In vividhbharati@..., "soojoi_india"
<soojoi_india@...> wrote:
>
> Wishing all members of this group and Vividh Bharati a very Happy &
> Prosperous New Year 2009!
>
> Regards
> Sujoy Chatterjee
>
All members gets lots of good wishes which they want & happy new year
to all the meber & of course our family vividhbharti.