Guys where can i hear the recorded programs of Vividhbharti..can someone pls
send me the link...


--- In vividhbharati@..., "soojoi_india" <soojoi_india@...> wrote:
>
> ANANDJI ON GULSHAN BAWRA
> ------------------------
>
> Excerpts from UJAALE UNKI YAADON KE series
> ------------------------------------------
>
> AN: Anandji
> KS: Kamal Sharma
>
> AN: ab Mukeshji ke gaane le leejiye, woh Mukeshji ke tarah ke hi gaane honge,
samjhe naa, "chaandi ki deewaar na toDee pyaar bharaa dil toD diya", samjhe na?
abhi Gulshan Bawraji aaye, ham log unko Gullu kehte hain, unko Bawra bhi
Kalyanji bhaai ne naam diya tha. bilkul ek dublaa patlaa sa, woh bhi koi baniye
ke saath hi kaam karte the 'railway' mein, to unhone, kisi ne kahaa ki bhai inko
kaam denaa hai, to dekhaa ki dubla patna, woh 'writer' naheen lagte the, jaise
ki ham bhi 'music director' naheen lagte, waise hi woh 'writer' naheen lagta
tha, samjhe na aap. to unko leke aaye, baiThe baiThe gap maarte huye, to ek din
baDaa ro raha tha. 'kya huya?' to woh Punjabi zyaada bolte the, to bole ki 'woh
kuDi mere ko chhoD deta, yaar, main gareeb aadmi tha, mainu.... chaadi di
deewaar toD dee, pyaar bharaa dil toD detaa'. to maine dekhaa, baiThe baiThe ek
'tune' ban gayi, 'chaandi ki deewaar na toDee pyaar bhara dil toD diya, ek
dhanwaan ki beTi ne nirdhan ka dil chhoD diya'. to aaj bhi woh, jis waqt woh
gaana ho raha tha, woh gaana hone ke baad kam se kam do ghanTe tak woh rote
rahe.
>
> KS: jo unki zindagi mein huya woh is gaane ke saath unko juDaa huya milaa, aur
mujhe lagtaa hai ki log, jo apne dil ka dard hotaa hai kisi na kisi geet ke
saath joD letaa hai.
>
> AN: Kamalji, har insaan ke andar ek bhaavukta to hoti hai. kahin na kahin uska
dukh-dard hota hai. har aadmi izahaar naheen kar saktaa.
>
> -------------------------------------------
> Song: chaandi ki deewaar na toDee (Vishvas)
> -------------------------------------------
>

Hi,

Satyajit Ray's son Sandeep Ray had made a documentary film on Kishore Kumar in
1989 after his death.

Star Ananda (Bangla News Channel of Star network) is going to telecast this
documentary film on 13th October on the occasion of Kishore's death anniversary.

Do mark your calendar for this film. I shall update on the exact timings as soon
as I get it. If someone can record this programme, it will be great!

Regards,
Sujoy

Wahwah !! Great songs selection and tributes by Gulshanji !! May his
soul rest in peace.

On 8/9/09, soojoi_india <soojoi_india@...> wrote:
> jaisa ki aap jaante hain suprasiddha geetkaar Gulshan Bawra ab hamaare beech
> naheen rahe. kai kaaryakramon ke liye 'phone' par ya ru-ba-ru unse baat
> karne ka saubhaagya hamein praapt huya. aaj unke dwaara prstut us Jaimala
> kaaryakram ki 'recording' ham aap ko sunwa rahe hain jo hamne May 1984 mein
> 'record' kee thi. aaiye sunte hain suprasiddha geetkaar Gulshan Bawra dwaara
> prastut Jaimala kaaryakram ki 'recording'.
>
>
> May,1984
>
>
> fauji bhaaiyon, aap ko Gulshan Bawra ka namaskaar qubool ho! kehte hain
> talwaar kaa aur kalam ka sadiyon puraana rishta hai. jab jab aap log
> maidaan-e-jung se jeet ka jhanDaa lehraate huye aate hain, tab mere jaise
> tuchha geetkaar ke kalam se bhi nikal aataa hai...
>
> Song: mere desh ki dharti (Upkaar)
>
>
> fauji bhaaiyon, jis tarah aapki veertaa ka itihas Hawaldar Abdul Hameed,
> Fling Office Ram Chandani, Siddhu, aur Killer Brothers ke bina adhoora
> maanaa jaataa hai, waise hi meri Jaimala un phoolon ka naam liye bina
> adhoori rahegi jin phoolon ka rang aur wajood to is duniya ki patjhaD ne
> looT liya, lekin unki mahak rehti duniya tak qaayam rahegi.
>
> meri is Jaimala ka pehla phool hai Arzu Lucknavi...
>
> Clip: jeevan been madhur na baje jhooTe paD gaye (Street Singer)
>
>
> doosra phool hai Shri D N Madhok...
>
> Clip: saawan ke baadalon (Rattan)
>
>
> teesre, sargamee geetkaar P L Santoshi...
>
> Clip: woh hamse chup hain (Sargam)
>
>
> preet se tans karte huye Shailendra-ji...
>
> Clip: preet yeh kaisi bol duniya (Daag)
>
>
> sab ko chhalne waale Pandit Bharat Vyas...
>
> Clip: zaraa saamne to aao chhaliye (Janam Janam Ke Phere)
>
>
> mohabbat ki choT khaaye huye Shaqeel Badayuni...
>
> Clip: mohabbat ki jhooTi kahaani pe roye (Mughal-e-Azam)
>
>
> jaadugar Sahir Ludhianvi...
>
> Clip: mujhe gale se lagaa lo bahut udaas hoon main (Aaj Aur Kal)
>
>
> ???????? ...
>
> Clip: jab aanchal raat ka lehraaye (Non-film)
>
>
> ummeedon ka chiraaG jalaaye huye Raja Mehendi Ali Khan...
>
> Clip: mera sundar sapna beet gaya (Do Bhai)
>
>
> mujhe hameshaa naseehat denewaale Pandit Gafil
>
> Clip: khoya huya dil mila gaya mil gaya (Daku Mansoor)
>
>
> aur har cheez par aitbaar karne waale Jan Nisar Akhtar...
>
> Clip: main tumhi se poochhti hoon (Black Cat)
>
>
> apni manzil ki khoj mein Kaif Irfani...
>
> Clip: kahaan ho tum zara aawaaz do (Malhar)
>
>
> aur hameshaa intezaar karte huye Nakshab Jarachavi...
>
> Clip: aayega aanewaala (Mahal)
>
>
> fauji bhaaiyon, ye tha mera Khiraaj-e-aqeedat un phoolon ke naam jo ab
> hamaare saath naheen hain. ab main aap ko un geetkaaron ke geeton ki
> jhalkiyaan sunwaayunga jo yaa to is maidaan se 'peacefully retire' ho gaye
> hain, yaa waqt ke andheron ne unhe apni god mein sameT liya hai, yaa kabhi
> kabhaar shamaa jalaane is mehfil mein aa jaate hain.
>
> mere pehle geetkaar hain Shri Qamar Jalalabadi...
>
> Clip: main to ek Khwaab hoon (Himalay Ki God Mein)
>
>
> phir aate hain Shri Prem Dhawan ji...
>
> Clip: seene mein sulagte hain armaan (Tarana)
>
>
> ye suniye Kidar Sharma ji ka shikwaa...
>
> Clip: Khayaalon mein kisi ke is tarah (Bawre Nain)
>
>
> yeh hai Hasrat Jaipuri ki faryaad...
>
> Clip: ham chhoD chale hain mehfil ko (Saheli)
>
>
> yeh hai Naqsh Lyallpuri saahab...
>
> Clip: kai sadiyon se kai janmon se (Milaap)
>
>
> tanhaaiyon mein khoya huya Shamim Jaipuri...
>
> Clip: mujhko is raat ki tanhaai mein (DBTHBT)
>
>
> desh prem mein Doobe huye Kavi Pradeep ji...
>
> Clip: ae mere watan ke logon (Non-film)
>
>
> desh prem ke josh se jagaane waale Kaifi Azmi...
>
> Clip: kar chale ham fidaa jaan-o-tan (Haqeeqat)
>
>
> aastin mein baar baar janam lene waale Asad Bhopali...
>
> Clip: sau baar janam lenge (Ustadon Ke Ustad)
>
>
> aur Punjabi ke rasiyaa Shri Varma Malik...
>
> Clip: tere haathon mein pehnaake chooDiyaan (Jaani Dushman)
>
>
> fauji bhaaiyon, in amar geeton ki jhalkiyaan jo aap ne sunee, yeh ab kisi
> diljale ke hoThon ki shobhaa banke usi prakaar reh gaye hain jis tarah
> Maharana Prataap, Chhatrapati Shivaji aur Maharani Jhansi ki talwaaren
> raNabhoomi mein apna lohaa manwaa kar ab kisi ajaayab ghar ki shobha bani
> huyi hai. ab koi aisa geet shaayad hi kabhi mile jaise ki yah geet...
>
> Song: uThaaye jaa sitam aur jeeye jaa (Andaz)
>
>
> fauji bhaaiyon, jab filmon mein geet aane shuru huye, to pehle woh 'folk
> songs' hote the, yaa 'traditional songs' hote the, jaise ke...
>
> Clip: baabul mora naihar chhooT hi jaaye (Street Singer)
>
>
> iske baad Majrooh Sultanpuri, Shaqeel Badayuni, Qamar Jalalabadi aur mere
> behnoee Shri Rajinder Krishan ji ne is maidan mein qadam rakhaa. is maidaan
> mein Majrooh Sultanpuri aur Rajinder Krishan ki sab se lambi aur sab se
> 'successful innings' rahi hai. leejiye mere behnoee Rajinder Krishan ji ka
> ek geet suniye.
>
> Song: wo bhoolee daastaan lo phir yaad aa gayi (Sanjog)
>
>
> 'Early 50s' se lekar 'late 60s' tak ek aur joDee ne is maidaan mein apna
> lohaa manwaaya. us joDee ka naam tha Shailendra aur Hasrat. in don ne milkar
> aise aise geet likhe, aise aise kamaal ke geet likhe ki wo bhulaaye naheen
> jaa sakte. leejiye Shailendra ji ka likha meri pasand ka ek geet suniye.
>
> Song: miTTi se khelte ho baar baar kisliye (Patita)
>
>
> fauji bhaaiyon, 'mid 60s' mein Sahir Ludhianvi bhi apna makaam banaa chuke
> the. unke Pyasa ke geet jo 'off beat' hote huye bhi itne 'popular' huye,
> bas, kamaal ki baat hai. lekin iske baad saaz aur dhun bolon par haavi hone
> shuru ho gaye. aur soz ka zamaana ham se door hota gaya. ab 'late 60s' mein
> is 'field' mein, mere se ek do saal pehle, Anand Bakshi ne qadam rakhaa.
> unhone kamaal ke geet likhe. bahut bahut 'hit' geet likhe. aur itne 'hit'
> geet likhe ki shaayad hi koi filmi geetkaar itne geet likh sakta ho! Anand
> Bakshi ne to geeton ka 'trend' hi 'change' kar diya. ab main aapko Anand
> Bakshi ka woh geet sunaata hoon jo us aawaaz mein hai jo din-ba-din jawaan
> hoti jaa rahi hai. aur meri prabhu se yahi praarthana hai ki yeh aawaaz
> hamesha rahe, yaani ke Asha Bhosle.
>
> Song: mera naam hai shabnam (Kati Patang)
>
>
> Meera, tune preet mein jo bhi kaha, dil se kahaa. "kaagaa sab tan khaaiyo,
> chun chun khaaiyo maans, yeh do naina mat khaaiyo, mohe piya milan ki aas".
> ye bhaavana usi dil se nikal sakti hai jis dil mein sirf sachchi preet ho.
> main kitna bhaagyashaali hoon ki maine us desh mein janam liya ki jismein
> sansaar ki sab se baDi kaviyatri huyeen hain Meera, aur Lata jaisi gaayikaa.
> Lataji ke baare mein kuchh kehna siwaay waqt barbaad karne ke aur kuchh
> naheen hai. mujhe is baat ka gaurav hai ki mera pehla geet Lataji ne gaaya.
> leejiye suniye Meera aur Lata ka sangam.
>
> Song: mat jaa jogi mat jaa jogi (Meera)
>
>
> fauji bhaaiyon, ab tak maine aapko geetkaaron aur unke geeton ke baare mein
> kuchh kahaa. ab chalte chalte main apne us dil ke baare mein kuchh kehna
> chaahta hoon jo kitni baar TooT chuka hai, kyonki mizaaj mera laDakpan se
> aashiqaana hai. jab bhi main koi haseen laDki dekhta tha, to usse ishq kar
> baiThta tha aur jawaab mein mere ko siwaay naakaami ke aur kuchh naheen
> milta tha. aur main is 'type' ka kuchh geet likh deta tha. woh geet aap sun
> leejiye.
>
> Song: chaandi ki deewaar na toDee (Vishvas)
>
>
> fauji bhaaiyon, ummeed hai aapko mere TooTe huye dil ki sadaa pasand aayi
> hogi. ab main aap se ijaazat chaahoonga, namaskaar!
>
>
> THE END
>
>

ANANDJI ON GULSHAN BAWRA
------------------------

Excerpts from UJAALE UNKI YAADON KE series
------------------------------------------

AN: Anandji
KS: Kamal Sharma

AN: ab Mukeshji ke gaane le leejiye, woh Mukeshji ke tarah ke hi gaane honge,
samjhe naa, "chaandi ki deewaar na toDee pyaar bharaa dil toD diya", samjhe na?
abhi Gulshan Bawraji aaye, ham log unko Gullu kehte hain, unko Bawra bhi
Kalyanji bhaai ne naam diya tha. bilkul ek dublaa patlaa sa, woh bhi koi baniye
ke saath hi kaam karte the 'railway' mein, to unhone, kisi ne kahaa ki bhai inko
kaam denaa hai, to dekhaa ki dubla patna, woh 'writer' naheen lagte the, jaise
ki ham bhi 'music director' naheen lagte, waise hi woh 'writer' naheen lagta
tha, samjhe na aap. to unko leke aaye, baiThe baiThe gap maarte huye, to ek din
baDaa ro raha tha. 'kya huya?' to woh Punjabi zyaada bolte the, to bole ki 'woh
kuDi mere ko chhoD deta, yaar, main gareeb aadmi tha, mainu.... chaadi di
deewaar toD dee, pyaar bharaa dil toD detaa'. to maine dekhaa, baiThe baiThe ek
'tune' ban gayi, 'chaandi ki deewaar na toDee pyaar bhara dil toD diya, ek
dhanwaan ki beTi ne nirdhan ka dil chhoD diya'. to aaj bhi woh, jis waqt woh
gaana ho raha tha, woh gaana hone ke baad kam se kam do ghanTe tak woh rote
rahe.

KS: jo unki zindagi mein huya woh is gaane ke saath unko juDaa huya milaa, aur
mujhe lagtaa hai ki log, jo apne dil ka dard hotaa hai kisi na kisi geet ke
saath joD letaa hai.

AN: Kamalji, har insaan ke andar ek bhaavukta to hoti hai. kahin na kahin uska
dukh-dard hota hai. har aadmi izahaar naheen kar saktaa.

-------------------------------------------
Song: chaandi ki deewaar na toDee (Vishvas)
-------------------------------------------

SPECIAL CHHAYA GEET - A TRIBUTE TO GULSHAN BAWRA
------------------------------------------------

Script & Presentation: Yunus Khan
---------------------------------

sabhi sunnewaalon ko Yunus Khan ka namaskaar! Chhaya Geet kaaryakram mein aaj
ham shraddhaanjali de rahe hain geetkaar Gulshan Bawra ko.

Clip: sapna mera TooT gaya

ye wo geetkaar hain jinhone hamein ek aisa taraana diya jiske zariye ham apne
desh par garv karte hain, ham Khud par garv karte hain ki ham is desh ke niwaasi
hain, hamne is desh mein janm liya

Clip: bailon ke gale mein jab ghungroo.... mere desh ki dharti

Gulshan Bawra ke 'career' ka sab se mahatvapoorN gaana tha yeh. lekin yeh unka
pehla geet naheen tha. yeh to unhone tab likha tha jab woh Railway ke maal
godaam mein 'clerk' the. darasal Mumbai ke maal godaam mein Punjab se gehoon ki
hazaaron boriyaan aati theen. unhe utarte huye dekh kar Gulshan Bawra ne apne
bahi khaate ke kone mein likha "mere desh ki dharti sona ugle". jab sangharsh ke
dino mein unke saathi Manoj Kumar ko in panktiyon ke baare mein pataa chalaa,
unhone film Upkaar mein is gaane ko shaamil kar liya. geetkaar Gulshan Bawra ka
safar kaise shuru huya, filmon mein woh kis tarah se aaye, yeh apne aap mein
baDaa dilchasp hai. Railway mein naukri karte the aur geetkaari ke liye
sangharsh karte the. unki pehli film kaun si thi Khud unhi se suniye. yeh
'recording' Vividh Bharati ke sangrahaalay se hamne lee hai...

Gulshan Bawra speaks: dekhiye main aapko sab se pehle yeh bataa doon ki mera
sabse pehla geet film Chandrasena ke liye 'record' kiya gaya. yeh meri
Khushkismati hai ki mera pehla gaana Lataji ki aawaaz mein 'record' huya, aur
yeh gaana 23 August 1958 ko 'record' kiya gaya tha Basant Studio mein. un dino
gaane jo hote the, woh jahaan par aajkal 'shooting' hoti hai na 'studio' mein,
waheen 'record' hote the, koi 'special studio' naheen hote the. is geet ke
'record' par jo naam hai 'composer' ka, woh Kalyanji Veerji Shah hai. Kalyanji
Veerji Shah ne teen filmen kee, chauthi film mein unke bhaai Anandji ne unhe
'join' kar liya, phir unka sangeet jo tha 'as' Kalyanji Anandji ke naam se
jaanaa jaane lagaa. aur ek aur, aapke 'information' ke liye baat bataa doon, ki
is geet ke 'record' par mera naam bhi 'as' Gulshan aaya huya hai.

Song: main kya jaanoo kaahe laage yeh saawan matwaalaa

Chandrasena Gulshan Bawra ki pehli film thi aur sab se dilchasp baat yeh rahi ki
unka pehla hi geet Lata Mangeshkar ne gaaya. Gulshan Bawra ki sabse baDi
Khaaseeyat yeh hai ki woh maanaveeya rishton par vishvaas rakhte hain. unke
gaane insaani rishton ko baDi gehraaee se parakhte aur pehchaante hain. Gulshan
Bawra ke gaane sun kar hamein pyaar par vishvaas hone lagta hai.

Clip: hamein aur jeene ki chaahat na hoti

film Agar Tum Na Hote film ke is sadaabahaar geet ki jab 'recording' ho rahi thi
to Lataji ne R D Burman se poochha ki is geet ko kisne likha hai. R D Burman ne
unhi ko anumaan lagaane ko kahaa. Lataji Majrooh, Anand Bakshi, aur Gulzar
saahab ke naam liye. jab R D Burman ne unse kaha ki is geet ko Gulshan Bawra ne
likha hai, to Lataji ghar jaa kar Gulshan bawra ko 'telephone' kiya aur itna
achchha geet likhne ke liye badhaaee dee.

Clip: ek main aur ek tu dono mile is tarah

pyaar ke ek gaane ne Gulshan Bawra ko geetkaari ki duniya mein ek chamakta huya
sitaara banaaya. aapko yaad hai woh gaana kaun sa tha?

Clip: Dooba hoon Gham ki gehraaiyon mein... tumhe yaad hogaa kabhi ham mile the

Gulshan Bawra ka janm Shekhupura Punjab mein huya tha. sangharshon mein bachpan
beeta aur uske baad woh Railway mein 'cleark' ho gaye. likhne ki aadat bachpan
se hi thi. filmon min likhne ka man tha, sangharsh kiya, aur Chandrasena aur
Satta Bazar ke zariye filmon mein mahatwapoorN sthaan haasil kar liya. majboori
mein aur kai baar shaukhiya taur par kuchh filmon mein unhone kaam bhi kiya.
jaise film Satta Bazar mein woh mukhya 'comedian' the.

Clip: deewaane hain deewaano ko na ghar chaahiye

Gulshan Mehta Gulshan Bawra kaise bane iski bhi ek daastaan hai.Vividh Bharati
mein unhone Khud bataaya tha...

Gulshan Bawra speaks: Gulshan Bawra hoon, lekin Bawra main bhi 3/4 filmon ke
baad banaa. jab main Satta Bazar film kar raha tha, do geet the mere, ek
"chaandi ke chand TukDon ke liye imaan ko bechaa jaataa hai"...

Clip: chaandi ke chand TukDon ke liye

Gulshan Bawra speaks: aur doosra gaana tha "tumhe yaad hogaa kabhi ham mile
the". to in dono geeton mein Tasan chal rahi thi. Kalyanji bhai bol rahe the
"tumhe yaad hoga" achchhaa geet hai..

Clip: agar zindagi ho apne hi bas mein... tumhe yaad hogaa kabhi ham mile the


Gulshan Bawra speaks: 'distributor' the Shanti bhai, woh bolte the, 'naheen,
"chaandi ke chand TukDon ke liye" achchhaa geet hai. to jaise hi main pahuncha
to Kalyanji bhai bole Shanti bhai se ki 'yeh in dono ka 'writer' hai aur isi se
poochho kaun sa geet achchha hai'. teesra geet main likhne gaya tha. to woh bole
ki 'kyon tum jhooTh bolte ho Kalyanji bhai, kyon tum mazaak uDaate ho, yeh
geetkaar tumhe kis nazar se lagta hai? yeh to kisi bhi taraf se geetkar naheen
lagta! yeh kaise geet likhegaa, abhi to iski moonchhen bhi naheen niklee hain!'
main kaafi chhoTaa tha. to itne mein Ravindra Dave ki 'entry' huyi. to unhone
poochhaa ki 'dekho Kalyanji bhai mera mazaak uDaa rahe hain, keh rahe hain ki is
aadmi ne dono geet likhe hain'. bole ki 'haan, isi ne likhe hain'. us film mein
Shailendra ke geet the, Hasrat ke geet the, Indeevar ke geet the. to Shanti bhai
ne bola ki 'agar yeh dono gaane isne likhe hain, phir main 'banner' pe sirf isi
ka naam doonga. yeh baawra sa lagtaa hai, isliye aaj se main iska naam rakhta
hoon Gulshan Bawra'. tab se mera naam Gulshan Bawra paD gaya.

Clip: mujhe kehte hain Kallu qawwaal

jaisa ki maine kahaa Gulshan Bawra ke gaane insaani rishton par vishvaas karne
ke gaane hain. Kalyanji Anandji, Rajesh Roshan, Usha Khanna, na jaane kitne
mahatwapoorNa sangeetkaar hain jinke saath Gulshan Bawra ka kaam baDaa hi
shaandaar raha.

Clip: yaari hai imaan mera yaar meri zindagi

Chhaya Geet mein aaj ham geetkaar Gulshan Bawra ko shraddhaanjali arpit kar rahe
hain.

Clip: zindagi milke beetaayenge (sad)

yun to kai sangeetkaaron ke saath Gulshan Bawra ke baDe suhaane naGhmen aaye.
lekin jab Rahul Dev Burman ke saath unki joDee banee, to jaise ek sureela
toofaan aa gayaa.

Clip: dilbar mere kab mujhe aise hi taDpaaoge
Clip: hamne tumko dekha tumne hamko dekha aise
Clip: khullam khulla pyar karenge ham dono
Clip: dukki pe dukki ho ya satte pe satta
Clip: aati rahengi bahaaren jaati rahengi bahaaren
Clip: sapna mera TooT gaya tu na raha kuchh na raha


aaiye ab Gulshan Bawra ke kuchh behad puraane, lekin bahut hi Khoobsoorat gaane
aapko sunaayen. film First Love ka yeh geet, Dattaram ki tarz, Suman Kalyanpur
ki aawaaz. aaj kyun naheen bante aise pyaare gaane!

Song: beete huye din kuchh aise hi hain, yaad aate hi dil machal jaaye


film Neeli Ankhen ka yeh geet suniye aur us zamaane, Gulshan Bawra ki kalam ko
lekar puraani yaadon mein kho jaaiye.

Song: yeh nasheeli hawaa chhaa raha hai nashaa


film Sunehri Nagin ka yeh gaana Gulshan Bawra ki kalam ke kamaal ko yaad
dilaataa hai...

Song: milke bhi ham mil na sake, kya mila phir pyaar mein


Gulshan Bawra ko Vividh Bharati parivaar ki or se vinamra shraddhaanjali!

Clip tumhe yaad hogaa kabhi ham mile the, mohabbat ki raahon mein milke chale
the.

THE END

jaisa ki aap jaante hain suprasiddha geetkaar Gulshan Bawra ab hamaare beech
naheen rahe. kai kaaryakramon ke liye 'phone' par ya ru-ba-ru unse baat karne ka
saubhaagya hamein praapt huya. aaj unke dwaara prstut us Jaimala kaaryakram ki
'recording' ham aap ko sunwa rahe hain jo hamne May 1984 mein 'record' kee thi.
aaiye sunte hain suprasiddha geetkaar Gulshan Bawra dwaara prastut Jaimala
kaaryakram ki 'recording'.


May,1984


fauji bhaaiyon, aap ko Gulshan Bawra ka namaskaar qubool ho! kehte hain talwaar
kaa aur kalam ka sadiyon puraana rishta hai. jab jab aap log maidaan-e-jung se
jeet ka jhanDaa lehraate huye aate hain, tab mere jaise tuchha geetkaar ke kalam
se bhi nikal aataa hai...

Song: mere desh ki dharti (Upkaar)


fauji bhaaiyon, jis tarah aapki veertaa ka itihas Hawaldar Abdul Hameed, Fling
Office Ram Chandani, Siddhu, aur Killer Brothers ke bina adhoora maanaa jaataa
hai, waise hi meri Jaimala un phoolon ka naam liye bina adhoori rahegi jin
phoolon ka rang aur wajood to is duniya ki patjhaD ne looT liya, lekin unki
mahak rehti duniya tak qaayam rahegi.

meri is Jaimala ka pehla phool hai Arzu Lucknavi...

Clip: jeevan been madhur na baje jhooTe paD gaye (Street Singer)


doosra phool hai Shri D N Madhok...

Clip: saawan ke baadalon (Rattan)


teesre, sargamee geetkaar P L Santoshi...

Clip: woh hamse chup hain (Sargam)


preet se tans karte huye Shailendra-ji...

Clip: preet yeh kaisi bol duniya (Daag)


sab ko chhalne waale Pandit Bharat Vyas...

Clip: zaraa saamne to aao chhaliye (Janam Janam Ke Phere)


mohabbat ki choT khaaye huye Shaqeel Badayuni...

Clip: mohabbat ki jhooTi kahaani pe roye (Mughal-e-Azam)


jaadugar Sahir Ludhianvi...

Clip: mujhe gale se lagaa lo bahut udaas hoon main (Aaj Aur Kal)


???????? ...

Clip: jab aanchal raat ka lehraaye (Non-film)


ummeedon ka chiraaG jalaaye huye Raja Mehendi Ali Khan...

Clip: mera sundar sapna beet gaya (Do Bhai)


mujhe hameshaa naseehat denewaale Pandit Gafil

Clip: khoya huya dil mila gaya mil gaya (Daku Mansoor)


aur har cheez par aitbaar karne waale Jan Nisar Akhtar...

Clip: main tumhi se poochhti hoon (Black Cat)


apni manzil ki khoj mein Kaif Irfani...

Clip: kahaan ho tum zara aawaaz do (Malhar)


aur hameshaa intezaar karte huye Nakshab Jarachavi...

Clip: aayega aanewaala (Mahal)


fauji bhaaiyon, ye tha mera Khiraaj-e-aqeedat un phoolon ke naam jo ab hamaare
saath naheen hain. ab main aap ko un geetkaaron ke geeton ki jhalkiyaan
sunwaayunga jo yaa to is maidaan se 'peacefully retire' ho gaye hain, yaa waqt
ke andheron ne unhe apni god mein sameT liya hai, yaa kabhi kabhaar shamaa
jalaane is mehfil mein aa jaate hain.

mere pehle geetkaar hain Shri Qamar Jalalabadi...

Clip: main to ek Khwaab hoon (Himalay Ki God Mein)


phir aate hain Shri Prem Dhawan ji...

Clip: seene mein sulagte hain armaan (Tarana)


ye suniye Kidar Sharma ji ka shikwaa...

Clip: Khayaalon mein kisi ke is tarah (Bawre Nain)


yeh hai Hasrat Jaipuri ki faryaad...

Clip: ham chhoD chale hain mehfil ko (Saheli)


yeh hai Naqsh Lyallpuri saahab...

Clip: kai sadiyon se kai janmon se (Milaap)


tanhaaiyon mein khoya huya Shamim Jaipuri...

Clip: mujhko is raat ki tanhaai mein (DBTHBT)


desh prem mein Doobe huye Kavi Pradeep ji...

Clip: ae mere watan ke logon (Non-film)


desh prem ke josh se jagaane waale Kaifi Azmi...

Clip: kar chale ham fidaa jaan-o-tan (Haqeeqat)


aastin mein baar baar janam lene waale Asad Bhopali...

Clip: sau baar janam lenge (Ustadon Ke Ustad)


aur Punjabi ke rasiyaa Shri Varma Malik...

Clip: tere haathon mein pehnaake chooDiyaan (Jaani Dushman)


fauji bhaaiyon, in amar geeton ki jhalkiyaan jo aap ne sunee, yeh ab kisi
diljale ke hoThon ki shobhaa banke usi prakaar reh gaye hain jis tarah Maharana
Prataap, Chhatrapati Shivaji aur Maharani Jhansi ki talwaaren raNabhoomi mein
apna lohaa manwaa kar ab kisi ajaayab ghar ki shobha bani huyi hai. ab koi aisa
geet shaayad hi kabhi mile jaise ki yah geet...

Song: uThaaye jaa sitam aur jeeye jaa (Andaz)


fauji bhaaiyon, jab filmon mein geet aane shuru huye, to pehle woh 'folk songs'
hote the, yaa 'traditional songs' hote the, jaise ke...

Clip: baabul mora naihar chhooT hi jaaye (Street Singer)


iske baad Majrooh Sultanpuri, Shaqeel Badayuni, Qamar Jalalabadi aur mere
behnoee Shri Rajinder Krishan ji ne is maidan mein qadam rakhaa. is maidaan mein
Majrooh Sultanpuri aur Rajinder Krishan ki sab se lambi aur sab se 'successful
innings' rahi hai. leejiye mere behnoee Rajinder Krishan ji ka ek geet suniye.

Song: wo bhoolee daastaan lo phir yaad aa gayi (Sanjog)


'Early 50s' se lekar 'late 60s' tak ek aur joDee ne is maidaan mein apna lohaa
manwaaya. us joDee ka naam tha Shailendra aur Hasrat. in don ne milkar aise aise
geet likhe, aise aise kamaal ke geet likhe ki wo bhulaaye naheen jaa sakte.
leejiye Shailendra ji ka likha meri pasand ka ek geet suniye.

Song: miTTi se khelte ho baar baar kisliye (Patita)


fauji bhaaiyon, 'mid 60s' mein Sahir Ludhianvi bhi apna makaam banaa chuke the.
unke Pyasa ke geet jo 'off beat' hote huye bhi itne 'popular' huye, bas, kamaal
ki baat hai. lekin iske baad saaz aur dhun bolon par haavi hone shuru ho gaye.
aur soz ka zamaana ham se door hota gaya. ab 'late 60s' mein is 'field' mein,
mere se ek do saal pehle, Anand Bakshi ne qadam rakhaa. unhone kamaal ke geet
likhe. bahut bahut 'hit' geet likhe. aur itne 'hit' geet likhe ki shaayad hi koi
filmi geetkaar itne geet likh sakta ho! Anand Bakshi ne to geeton ka 'trend' hi
'change' kar diya. ab main aapko Anand Bakshi ka woh geet sunaata hoon jo us
aawaaz mein hai jo din-ba-din jawaan hoti jaa rahi hai. aur meri prabhu se yahi
praarthana hai ki yeh aawaaz hamesha rahe, yaani ke Asha Bhosle.

Song: mera naam hai shabnam (Kati Patang)


Meera, tune preet mein jo bhi kaha, dil se kahaa. "kaagaa sab tan khaaiyo, chun
chun khaaiyo maans, yeh do naina mat khaaiyo, mohe piya milan ki aas". ye
bhaavana usi dil se nikal sakti hai jis dil mein sirf sachchi preet ho. main
kitna bhaagyashaali hoon ki maine us desh mein janam liya ki jismein sansaar ki
sab se baDi kaviyatri huyeen hain Meera, aur Lata jaisi gaayikaa. Lataji ke
baare mein kuchh kehna siwaay waqt barbaad karne ke aur kuchh naheen hai. mujhe
is baat ka gaurav hai ki mera pehla geet Lataji ne gaaya. leejiye suniye Meera
aur Lata ka sangam.

Song: mat jaa jogi mat jaa jogi (Meera)


fauji bhaaiyon, ab tak maine aapko geetkaaron aur unke geeton ke baare mein
kuchh kahaa. ab chalte chalte main apne us dil ke baare mein kuchh kehna chaahta
hoon jo kitni baar TooT chuka hai, kyonki mizaaj mera laDakpan se aashiqaana
hai. jab bhi main koi haseen laDki dekhta tha, to usse ishq kar baiThta tha aur
jawaab mein mere ko siwaay naakaami ke aur kuchh naheen milta tha. aur main is
'type' ka kuchh geet likh deta tha. woh geet aap sun leejiye.

Song: chaandi ki deewaar na toDee (Vishvas)


fauji bhaaiyon, ummeed hai aapko mere TooTe huye dil ki sadaa pasand aayi hogi.
ab main aap se ijaazat chaahoonga, namaskaar!


THE END

VBLC SANGEET KE SITAARE
-----------------------

EPISODE 26: SHAMIM JAIPURI
--------------------------

doston, ek lambe antaraal ke baad VBLC Sangeet ke Sitaare mein aap sabhi ka ek
baar phir se swaagat hai. aaj hai is shringkhalaa ki 26-vee kaDee. film sangeet
ke sunehre daur ke kamcharchit aur bhoole bisre gaayakon, sangeetkaaron aur
geetkaaron ke naam samarpit is shringkhalaa ko jaari rakhte huye aaj ham aap ke
saath baanTne aaye hain ek azeem shaayar ki filmi daastaan. is shaayar ne filmon
mein bahut kam gaane likhe hain, lekin bataur shaayar wo behad mashahoor rahe
hain apne zamaane mein aur unke likhe air filmi Gazalon ko ab tak ke gulukaar
gaayaa karte hain. VBLC Sangeet Ke Sitaare mein aaj zikr shaayar aur geetkaar
Shamim Jaipuri ka.

------------------------------------------------------
Song: mujhko is raat ki tanhaai mein (DBTHBT - Mukesh)
------------------------------------------------------

Mukesh ke gaaye film Dil Bhi Tera Hum Bhi Tere ke is mashahoor geet se daaKhilaa
huya tha Shamim Jaipuri ka film sangeet ke jagat mein. saal tha 1960. un dino
sangeetkaar joDee Kalyanji Anandji bhi naye naye sangeetkaar bane the. Anandji
ke anusaar unhe pehli kaamyaabi mili thi film Jab Jab Phool Khile mein. lekin
unki shuru ki lagbhag 23-24 filmen 'flop' huyeen, lekin har film ka sangeet
kaamyaab raha| Dil Bhi Tera Hum Bhi Tere inhi filmon mein shaamil hai. Shamim
Jaipuri ke likhe is geet ne film sangeet mein ek naya 'trend' shuru kiya tha.
Kalyanji Anandji ne jis tarah se is geet ko swarbaddha kiya tha aur jis tarah se
Mukesh ki aawaaz ko istemaal kar TooTe dil ke dard ko vyakt ka ek naya 'style'
ijaad kiya tha, usey aage chalkar is sangeetkaar joDee ne Khoob istemaal kiya
aur har baar nikal aaye ek naayaab geet ke saath. is 'trendsetter' geet mein
Kalyanji Anandji aur Mukesh ka jitna yogdaan tha, utna hi yogdaan tha shaayar
Shamim Jaipuri ka. is geet ko Mukesh aur Lata Mangeshkar ne alag alag gaayaa
tha. Mukesh ka gaaya geet aap sun chuke hain, leejiye Lataji ki aawaaz bhi ho
jaaye!

----------------------------------------------------
Song: mujhko is raat ki tanhaai mein (DBTHBT - Lata)
----------------------------------------------------

"kitni raahat hai dil TooT jaane ke baad,
zindagi se mile maut aane ke baad.

lazzat-e-sehra-e-sang-e-dar kya kahen,
hosh hi kab raha sar jhukaane ke baad.

kya huya har masharrat agar chhin gayi,
aadmi ban gaya Gam uThaane ke baad.

raat ka mazara kis se poochhoon 'Shamim',
kya bani bazm par mere aane ke baad."

Gair filmi Gazalon mein shaayar Shamim aipuri ka naam izzat se liya jaataa hai.
Mohd Rafi saahab ki aawaaz mein yah Gazal pesh hai, mausikaar hain Taj Ahmed
Khan.

--------------------------------------------------------------
Song: kitni raahat hai dil TooT jaane ke baad (Nonfilm - Rafi)
--------------------------------------------------------------

aaj se Theek 10 saal pehle, 30 May 1999 ko hriday gati ruk jaane se 76 varsh ki
aayu mein Nai Dilli mein nidhan ho gaya tha. kai Hindi filmon mein mashahoor
geet likhne waale shaayar Shamim Jaipuri ka janm Jaipur mein huya tha lekin
kuchh samay baad hi we Meerut aa gaye the. nidhan se pehle 5 - 6 varshon se wo
Dilli mein Himalay Drugs ke Dr. Farookh ke Jamia Nagar, Okhla sthit niwaas par
reh rahe the. aaiye sunte hain sangeetkaar Avinyas Vyas ke sangeet mein Taqat
Aur Talwar film ka ek geet Suman Kalyanpur ki aawaaz mein.

------------------------------------------------
Song: ui dayya aahe mohe laaj (Taqat Aur Talwar)
------------------------------------------------

"gale lagaa ke jo sunaate the dil ki aahon ko,
taras rahaa hoon unhi ki haseen baahon ko.

qadam qadam pe vo aankhen bichhaa bichhaa denaa
zaroor yaad to hogaa tumhaari raahon ko.

duhaai hai teri ai raahazan duhaai hai,
ki aaj looT liyaa raahabar ne raahon ko.

mile na phir tere daaman mein daaG unke 'Shamim'
sharaab-e-naab se dhoyaa hai jin ki aahon ko."


--------------------------------------------------------------
Song: ro diye jab yaad unki aa gayi (Non-film - Talat Mahmood)
--------------------------------------------------------------

1960 mein Dil Bhi Tera Hum Bhi Tere film se film geet lekhan ki shuruwaat karne
ke baad usi saal yaani ki 1960 mein unhe doosra mauka milaa film Kala Aadmi mein
geet likhne ka. Ved Madan nirdeshit is film ke mukhya kalaakaar the Ashok Kumar
aur Shyama. film mein sangeet tha Dattaram ka. Mukesh ki aawaaz mein Hasrat
Jaipuri ka likha "dil DhoonDta hai sahaare sahaare" lokapriya huya tha. Shamim
Jaipuri ne is film mein kaun sa geet likha tha, yeh aap Khud hi suniye Rafi
saahab ki aawaaz mein.

-----------------------------------------------
Song: aankh milaakar waar karoongi (Kala Aadmi)
-----------------------------------------------

Kala aadmi film Khaas naheen chalee. isake baad Shamim Jaipuri ko kai saalon tak
kisi film mein geet likhne ka mauka naheen mila. 5 saal baad 1965 mein unhone
likha 'stunt film' Baghi Haseena mein geet, jo andhere mein hi reh gayi. aur bhi
us geet ko naheen khoj paaye kahin par. isi saal yaani ki 1965 mein ek film aayi
Saheli. phir ek baar Kalyanji Anandji ke saath Shamim saahab ko kaam karne ka
mauka mila. is film mein phir ek baar Mukesh aur Lataji ne alag alag gaayaa "jis
dil mein basaa tha pyaar tera us dil ko kabhi ka toD diya". lekin is geet ko
Shamim saahab ne naheen balki Indeevar saahab ne likha tha. lekin rang kuchh
kuchh wahi tha jo Shamim saahab ne Dil Bhi Tera Hum Bhi Tere ke us geet mein
pesh kiya tha. leejiye Saheli film ka wah geet suniye jise Shamim saahab ne
likha tha, aawaaz Lataji ki.

-------------------------------------------
Song: kaahe tu been bajaaye sapere (Saheli)
-------------------------------------------

'double version' geeton ki jab baat chal hi rahi hai to 1967 mein bani film Raaz
ek ullekhneeya film rahi hai Shamim Jaipuri ke film sangeet safar ki. is film ka
sab se lokapriya geet, jise Lataji aur Rafi saahab ne alag alag gaayaa tha, wah
Shamim saahab ka hi likha huya tha. Kalyanji Anandji ke sangeet mein "akele hain
chale aayo jahaan ho" film sangeet ke sunehre daur ka ek sunehra naGmaa hai jo
aaj sadaabahaar geeton kee kshreNee mein darj ho chuka hai. Rajesh Khanna aur
Babita abhineet yeh mystery film bahut zyaadaa kaamyaab rahee lekin ek baar phir
geet sangeet ne logon ke dilon ko zaroor chhooyaa.

-----------------------------------------
Song: akele hain chale aayo (Raaz - Rafi)
-----------------------------------------

is waqt aap ne 'tune' kiya hai VBLC Sangeet Ke Sitaare, aur aaj iske antargat
ham aap ko sunwa rahe hain shaayar aur geetkaar Shamim Jaipuri ke likhe huye
filmi aur Gair filmi geet aur Gazlen.

-----------------------------------------
Song: akele hain chale aayo (Raaz - Lata)
-----------------------------------------

doston, film sangeet ke sunehre yug mein jahaan ek taraf mashahoor paarshva
gaayak ek se ek lokapriya filmi geet gaaye jaa rahe the, waheen doosri taraf in
gaayak gaayikaaon ne Gair film sangeet mein bhi bahut se naayaab geet aur
Gazalen gaaye hain. filmi na hone ki wajah se yeh gaane bahut zyaada mashahoor
to naheen huye, lekin puraane zamaane ke sudhi shrotaaon ko aise geeton Gazalon
ki jaankaari hogi. Shamim Jaipuri saahab ne bhi bahut saare Gair filmi Gazlon ki
rachanaa kee hai jinhe Mohd Rafi, Mukesh, Talat Mahmood jaise azeem fankaaron ne
aawaaz dee hai. unhi mein se ab aap ko sunwa rahe hain Talat Mahmood ki aawaaz
mein ye Gazal.

-----------------------------------------------------
Song: roshni lene chale the (Nonfilm - Talat Mahmood)
-----------------------------------------------------

"hazaar ahl-e-junoon halqaa-e-rasan mein rahe
magar Khayaal-e-parastaari-e-chaman mein rahe

tere Khayaal ke ehsaan rahenge yaad hamein
jis anjuman mein rahe teri anjuman mein rahe

gayaa na qaid-e-qafas mein bhi baankpan apna
usi tarah se rahe jis tarah chaman mein rahe

vo Khaar jinse guzarte hain log bach bach kar
bahaar ban ke vohi mere pairahan mein rahe".

suniye C H Atma ki aawaaz mein Shamim Jaipuri ka kalaam

------------------------------------------------------------
Song: Dagmagaate kadamon ko sambhaaloon (Nonfilm - C H Atma)
------------------------------------------------------------

doston, waapas aate hain Shamim Jaipuri ke likhe filmi geeton par. ham aa
pahunche the san 1967 ki film Raaz tak. uske baad san 1970 mein ek film aayi thi
Taqat Aur Talwar.  lekin Taqat Aur Talwar mein wo taaqat naheen thi, film to
naheen chalee. lekin Shamim Jaipuri ke likhe is film ke tamaam geeton ko logon
ne pasand kiya. Suman Kalyanpur ki aawaaz mein is film ka ek geet ham aapko
sunwa chuke hain. yahaan par suniye Mahendra Kapoor aur Krishna Kalle ki aawaaz
mein ek yugal geet. sangeetkaar hain Avinash Vyas.

-----------------------------------------------------
Song: jinko ham apni nigaahon mein (Taqat Aur Talwar)
-----------------------------------------------------

iske baad 10 saal tak Shamim Jaipuri ka likha koi bhi filmi geet baahar naheen
aaya. san 1980 mein Shamim saahab ne filmon ki taraf ruKh to kiya lekin alvidaa
kehne ke liye. yaani ki unka likha antim filmi geet banaa 1980 ki film Chetna
Dorahe Par ke liye. is film ko nirdeshit kiya tha K. Sharif ne, aur sangeetkaar
the Raj Sonik. K Sharif jaane jaate hain Sultan-e-Hind (1978), Chetna Dorahe Par
(1980), Nek Parveen (1982) aur Bismillah Ki Barkat (1983) jaisi filmon ke liye.
baharhaal suniye Shamim Jaipuri ka likha Asha Bhosle ka gaaya film Chetna Dorahe
Par ka yeh geet.

--------------------------------------------------------------
Song: us bewafa ko jiska mujhe aitbaar tha (Chetna Dorahe Par)
--------------------------------------------------------------

VBLC Sangeet Ke Sitaare mein aaj hamne yaad kiya shaayar aur geetkaar Shamim
Jaipuri ko. unke likhe kuchh filmi geet aur Gair filmi Gazalen aap ne sune.
Shamim Jaipuri jaise stareeya shaayaron ki behad zaroorat hai aaj ke saahitya
aur Gazal jagat ko. Shamim saahab ki lekhani us maarg darshak ki tarah hai jo
aaj ke naujawaan shaayaron ko prereet karte hain kuchh achchha likhne ke liye,
saarthak likhne ke liye. Shamim Jaipuri ki pratibha ko ham karte hain salaam aur
chalte chalte sunwaate hain unka likha ek Gair filmi Gazal, ab deejiye ijaazat,
namaskaar!

----------------------------------------------------------
Song: hamaare saath ye hamdam tamaam umra raha (Nonfilm SJ)
----------------------------------------------------------

THE END

Terrific stuff. Thanks a lot KCP bhai.

Regards,
Sujoy

--- On Mon, 8/3/09, Kaustubh Pingle <kcpingle@...> wrote:

> From: Kaustubh Pingle <kcpingle@...>
> Subject: [vividhbharati] To be or not to be !! [1 Attachment]
> To: badhkebolbeta@yahoogroups.com
> Cc: chhotenawab@yahoogroups.com, panchamfans@yahoogroups.com,
saregamapa_zee@yahoogroups.com, vividhbharati@...,
saatsur@googlegroups.com, amitkumar@yahoogroups.com
> Date: Monday, August 3, 2009, 6:04 PM
>
>
>
>
>
>
>
>
>
>
>
>
>  
>
>
>
>
>
>
>         [Attachment(s) from Kaustubh Pingle
> included below]
>
>
>
>
>
> 4th August ( there should be some Kishore-fan
> from Kiribati, right ? ). A day of celebration for Kishore
> Kumar fans. A day of jubiliation of the spirit. Happy
> Birthday to Kishoreda !
>
>
>
>
> Let me present one of THE most important
> Interviews ( in my opinion ) of Kishore Kumar.  Had found
> it last week, but wanted to put up on this auspicious (;))
> occasion.
>
>
>
>
> The time when he was on a cusp of to-be-or-not- to-be.
> A time when he was about to retire from the bad bad world in
> Hindi Cinema and enter the Bengali cinema. A time when his
> 21 years of struggle did not give any friuits. Bracketed
> only as a comedy hero. Ok, before I repeat what Kishoreda
> has expressed, let me present the interview. I have
> translated it into English and hope that the translation is
> ok. Though a small one but very significant and a matter of
> study. The photos are not from that particular
> interview/magazine and from my personnal collection, and
> along with them, the interview has not appeared in the
> internet-world or any books on Kishore, before.
>
>
>
>
>
>
>
>
>
>
> रसरंग - 16/09/1967
>
> माझया अंगी वसत
> असलेल्या खर्‍या
> गुणांना आता येथे वावच
> राहिला नाही. चित्रपटात
> विनोद निर्माण
> करण्यासाठी सध्या मला
> येथे हवे तसे राबवण्यात
> येत आहे. मी यालाच
> वैतागलो आहे.
> माझ्यासमोर प्रश्न
> पडला आहे हिंदी
> चित्रपटवाले
> विनोदाच्या नावाखाली
> मला अशा मर्कटलीला
> करावयास आजून किती दिवस
> भाग पाडणार आहेत ?
> वर्षानूवर्षे ते मला
> अशाच माकड कोलांट्या
> मारीत, माझा जन्म
> घालवावा, अशी त्यांची
> अपेक्षा आहे काय ?
> माझ्याकडून त्यांची
> एवढीच अपेक्षा असेल तर
> यापुढे त्यांच्या
> तालावर नाचून हव्या तशा
> मर्कटलीला करून
> जगण्यापेक्षा मे उपाशी
> पोटी घरी बसणे पसंत
> करीन.
>
> विनोदाचे मला वावडे
> नाही. विनोद हा मानवी
> जीवनाचा स्थायी भावच
> आहे. पण आज विनोदाच्या
> नावाखाली हिंदी
> चित्रपटात जो
> हैदोस-धुल्ला चालू आहे
> त्याला मात्रा माझा
> आक्षेप आहे. विनोद
> म्हणून जी काही 'चीझ'
> आहे ती हीच असेल तर मी
> म्हणेन बाबारे अशा
> विनोदापासून मला वाचाव.
> हिंदीतून बंगाली
> चित्रपटात माझयातील
> कलाकाराचे खरे चीझ होईल
> असे मला आता वाटू लागले
> आहे. याचे कारण बंगाली
> चित्रपटांना विचाराची
> अशी काहीतरी निश्चित
> बैठक असते. हिंदी
> चित्रपटाप्रमाणे ते
> बिनबुडाचे नसतात. हिंदी
> चित्रपटात कथेची
> अवस्था ही बीनशिडाच्या
> होडी सारखी असते. वारा
> येईल त्याप्रमाणे ती
> कोणत्याही दिशेला
> भरकटत जाते.हिंदी
> चित्रपटात भूमिका
> करताना आम्हा
> कलाकारांची यामुळे
> मोठी विचित्र अवस्था
> होते. आमच्या भूमिकेला
> निश्चित अशी कोणती बैठक
> रहात नाही. 
>
>
>
>
>
>
>
>
>
> बंगालीत ही
> विनोदी चित्रपट निघतात,
> पण विनोद हा हिंदी
> चित्रपटाप्रमाणे
> "ट्रएश" नसतो.
> हिंदीतील विनोद
> हास्यास्पद असतो.
> विनोदी भूमिका
> करावयाची झाली तरी ती
> मला आता हास्यकारक
> चित्रपटात करावयाची
> आहे. अशी भूमिका हिंदी
> चित्रपटांच्या
> सदयस्वरूपात मला
> मिळण्याची सूतराम
> शक्यता नाही. यासाठीच
> माझयातील कलाकाराला
> आता हिंदीतून बंगाली
> चित्रपटसृष्टीचे
> आकर्षण वाटू लागले आहे.
>
> कलाकाराला त्याच्या
> क्षेत्रात कितीही पैसा
> मिळाला तरी तो पैसा
> त्याच्यातील खर्‍या
> कलाकाराचे समाधान करू
> शकत नाही. खरा कलाकार
> स्वतःतील कलाकाराचे
> समाधान व्हावे यासाठी
> आपल्या अंगी वसत
> असलेल्या खर्‍या
> कलागुणांचे चीझ व्हावे
> हीच अपेक्षा बाळगत
> असतो. माझयातील कलाकार
> आज याच समाधानासाठी
> आसूसलेला आहे. हिंदी
> चित्रपटांनी आजवर मला
> भरपूर पैसा मिळवून दिला
> आहे. पण माझयातील
> कलाकाराचे समाधान होईल
> अशी एकही भूमिका मला
> दिलेली नाही. माझयातील
> कलाकाराला हिंदी
> चित्रपटसृष्टीचा उबग
> आला आहे तो यामुळेच.
>
> आंतरराष्ट्रीय
> कीर्तीचे बंगाली
> दिग्दर्शक सत्यजीत रे
> एकदा अगत्याने माझा
> चित्रपट पाहावयास आले.
> चित्रपट संपताच मी
> त्यांच्या पायांना
> स्पर्श करून त्यांचा
> आशिर्वाद मागितला. मला
> आशिर्वाद देताना
> त्यांनी माझया
> चित्रपटाचे कौतुक केले.
> मला प्रोत्साहन दिले.
> त्या महान पुरुषाचे हे
> प्रोत्साहन हा माझ्या
> आयुष्यातील आनंदाचा एक
> दुर्मिळ क्षण होता. आज
> माझ्यातील कालावंताला
> अशाच आनंदाचे क्षण हवे
> आहेत. बंगाल मधे
> चाहत्यांचे कौतुक
> करण्याची प्रवृत्ती
> असल्यामुळे बंगालीत
> शिरकाव करण्याचे मी
> ठरविले आहे.
>
>
>
>
>
>
>
>
>
> ------------ ---------
> -------
>
>
>
> Rasrang -
> 16/09/1967
>
> Maazhya angii vasat aslelya kharya gunaanna aata
> yethe vaavach rahila naahi. Chitrapataat vinood nirmaan
> karnyaasaathi sadhya mala yethe have tase raabavnyaat yet
> aahe. Me yaalaach vaitaaglo ahe. Maazhyasamor prashna padla
> ahe Hindi chitrapat-waale vinodaachya naavaakhali mala asha
> markat-leela karavayaas ajun kiti divas bhaag paadnaar ahet
> ? Varshanu-varshe te mala ashaach maakad kolaantya maarit,
> maazha janma ghaalvaava ashi tyaanchi apeksha ahe kaay ?
> Maajhyakadun tyaanchi evdheech apeksha asel tar yaapudhe
> tyaanchya taalaavar naachun havya tasha markat-leela karun
> jagnyaapeksha me upaashi poti ghari basne pasant
> karin. 
>
>
>
>
> Vinodaache mala vaavde nahi. Vinod ha maanavi
> jeevanacha sthaayi bhaavach ahe. Pan aaj vinodaachya
> naavaakhaali Hindi chitrapataat jo haidos-dhulla chalu ahe
> tyaala maatra maazha aakshep ahe. Vinod mhanun ji kaahi
> 'cheez' ahe tii heech asel tar me mhanen baabare
> asha vinodaapaasun mala vaachav. Hinditoon bangali
> chitrapataat maazhyaateel kalaakaarache khare cheez hoil ase
> mala aata vaatu laagle ahe. Yaache kaaran bangaali
> chitrapataanna vichaaraachi ashi kahitari nishchit baithak
> aste. Hindi chitrapataapramaane te binbudaache
> nastaat. Hindi chitrapataat kathechi avastha hi
> bin-shidaachya hodi saarkhi aste. Vaara yeil tyapramaane ti
> kontyaahi dishela bharkatat jaate.Hindi chitrapataat
> bhoomika kartaana aamha kalaakaaraanchi yaamule mothi
> vichitra avastha hote. Aamchya bhoomikela nishchit ashi
> konti baithak rahaat nahi. 
>
>
>
>
>
>
> Bangaalit hi vinodi chitrapat nightat, pan vinod
> ha Hindi chitrapataapramaane "trash" nasto.
> Hinditeel vinod haasyaspad asto. Vinodi bhoomika
> karaavayachi zhaali tari tii mala aata haasyakaarak
> chitrapataat karaavayaachi ahe. Ashi bhoomika Hindi
> chitrapataanchya sadyaswaroopaat mala milnyaachi sootaam
> shakyata nahi. Yaasaathich maazhyaateel kalaakaarala aata
> Hinditoon Bangali chitrapatsrushtiche aakarshan vaatu laagle
> ahe. 
>
>
>
>
> Kalaakaarala tyaachya kshetraat kitihi paisa
> milala tari to paisa tyaachyateel kharya kalaakaarache
> samadhaan karu shakat nahi. Khara kalaakaar swatahateel
> kalakaaraache samadhaan vhaave yaasaathi aaplya angi vasat
> aslelya kharya kalagunaanche cheez vhaave heech apeksha
> baalgat asto. Maazhyaateel kalaakaar aaj yaach
> samadhaanaasaathi asuslela ahe. Hindi chitrapataanni aajvar
> mala bharpoor paisa milvoon dila aahe. Pan maazhyateel
> kalaakaaraache samadhaan hoil ashi ek hi bhoomika mala
> dileli bahi. Maazhyaateel kalaakaarala Hindi
> chitrapatsrushticha ubag ala ahe to yaamulech. 
>
>
>
>
> Aantarrashtriya keertiche Bangali digdarshak
> Satyajeet Ray ekda agatyaane maazha chitrapat pahavayaas
> aale. Chitrapat samptaach me tyaanchya paayanna sparsh karun
> tyaancha aashirwad maagitla. Mala aashirwaad detaana tyaanni
> maazhya chitrapataache kautuk kele. Mala protsahan dile. Tya
> mahaan purushaache he protsahan ha maazhya aayushyateel
> aanandacha ek durmil kshan hota. Aaj maazhyatiil
> kalavantaala ashaach anandaache kshan have ahet. Bangaal
> madhe chaahtyaanche kautuk karnyaachi pravrutti aslyaamule
> bangaleet shirkaav karnyaache me tharavile ahe. 
>
>
>
> ------------ --------- --------- --------- ---------
> --------- --
>
>
>
>
>
> Rasrang - 16/09/1967
> The real inherent qualities in me, have no place
> in this industry anymore. I am used here only to create
> humour/comedy in movies. I am fed up exactly with all this
> matter. One question arises before me and that is how many
> more days will the industry make me perform these monkey
> acts, in the name of comedy ? Years after years , are they
> expecting me to somersault  like a monkey and lead the
> same life ? If they expect me to do only this, then I would
> prefer to remain hungry and sit at home, rather than
> carrying on with these monkey acts, dancing to their
> tunes. 
>
>
>
>
> I am not against humour. Humour is one of the
> basic ways of expression of human beings. But the chaos that
> is going on in the name of comedy in films, I am completely
> against that. If this is it all about comedy, then I would
> say 'god save me' from this humour. Instead of Hindi
> films I think Bengali films would bear fruits for an artist
> in me. The reason is that Bengali films have a certain base
> and stream of proper thoughts. They are not without any
> foundation, like the Hindi films. A story in a Hindi film is
> like a boat without a sail. It sways to the mercy of the
> wind. We the artists of Hindi film industry, face a very
> difficult and embarrassing  situation. We do not have any
> certain base, to our characters. 
>
>
>
>
>
>
> There is comedy in Bengali films too, but it is
> not a "trash" like Hindi. The humour in Hindi
> films is ridiculous. If at all I want to do comedy, I would
> do it in an out-and-out comedy film. But the possibility of
> getting such roles in Hindi is next to impossible. Thats the
> reason why the artist in me is attracted towards the Bengali
> industry.
>
>
>
>
>
>
> No amount of money that an artist gets in his
> field, can make him, the artist, happy. To satisfy his own
> artistic abilities, a real artist always expects that his
> inherent good qualities come forward in front of the world.
> The artist in me is always thirsty for such happiness. 
> Hindi films has earned me a lot of money till today but it
> did not offer me a single role that would satisfy the artist
> in me. This is the main reason why the artist in me is not
> happy being in this industry. 
>
>
>
>
>
> Internationally acclaimed director, Satyajit
> Ray, obliged to come to see one of the films made by me. As
> soon as the movie got over, I touched his feet and sought
> his blessings. While blessing me, he praised my movie.
> Motivated me to make such movies. This moment of praise and
> motivation by such a great personality, was one of the
> rarest and happiest ones in my life. Today the artist in me
> needs such moments of happiness. There is a tendency of
> fans from Bengal, to praise an artist and hence I have
> decided to enter the Bengali Film Industry !
>
>
>
>      
>
>
>
>
>
>
> http://www.mediafir
> e.com/download. php?odqzny4m1hy
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>
>

UJAALE UNKI YAADON KE - SHAMMI KAPOOR
-------------------------------------

SHAMMI KAPOOR ON VARIOUS MUSIC DIRECTORS
----------------------------------------

SK: Shammi Kapoor
NM: Nimmi Mishra


Episode-5 (19 July 2009) : S D Burman
*************************************

Shammi Kapoor says that during his very first film Jeevan Jyoti (1953), he used
to go to the recording of songs like many other actors. Once one song of this
film was getting recorded but the male singer did not appear on time. As the
male portion was just one line at the end of the song, so Burman Dada requested
Shammi to sing it. As Shammi had basic training of music, he sang it. But that
was his first and last singing for any film. The song was a duet with Asha
Bhosle:

----------------------------------------
"tasveeren banti hain, kiraNon si tanti hain, mere Khayaalon mein, jeevan ki
raahon mein, koi aanewala hai" (Jeevan Jyoti)
----------------------------------------

(the tune of "koi aanewala hai" is highly similat to "dil pukaare aa re aa re aa
re" song of Jewel Thief).

When asked why he did not sing again after this, Shammi Kapoor's reply was:

"naheen, filmon ke liye gaana ek baDaa 'professional' kaam hai, 'its not a...',
ki aap khaDe hoke do harkaten banaa lee, thoDaa aa aa kar diya, 'its a very
professional job', Rafi saahab vagerah, yeh aise hi Rafi saahab naheen ban gaye
hain. uske peechhe bahut preraNaa hai, uske peechhe bahut mehnat hai. Khair, woh
mera aaKhiri gaana hi naheen tha, woh mera aaKhiri 'association' tha Burman
baabu ke saath. uske baad S D Burman ne mere liye 'music' naheen diya. waise
Burman baabu, kyaa baat hai unke 'music' ki, Burman baabu ke jo gaane mujhe
bahut pasand hai, waise unke sabhi gaane pasand hai, lekin yeh mujhe baDi jaldi
se yaad aa gaya, Abhimaan ka ek gaana hai, "ab to hai tumse har Khushi apni".

--------------------------------------------
"ab to hai tumse har Khushi apni" (Abhimaan)
--------------------------------------------

NM: to Burman Dada ki aawaaz ki jo ek Khaaseeyat thi, woh seedhe dil pe asar
karti thi, aur ek....

SK: woh ek cheez hai, Kishore Kumar karte hain, Akhtaribai Sahibabadi bhi karti
theen, upar 'pitch' pe jaake woh aawaaz ki ek halki si phaT-ti thi, bahut
achchhi lagti hai. lekin bahut mushkil hai woh karna. darasal Talash ka ek gaana
hai, usmein Burman baabu ka hi 'music' hai, aur woh Khud hi gaa rahe the, "maa",
woh "maa" waala gaanaa, upar jaake ek patli si phaT-ti hai, unhone woh kiya tha
us geet mein, maze aa gaye the. lekin saahab, O P Ralhan, jo film ke 'producer'
aur 'director' the, unhone 'recording cut' kar dee wahaan par, jo bhi wahaan pe
log shaamil the chaunk uThe ki 'kya huya kya huya?' bole ki 'Burman baabu besure
ho gaye!' sab ko taajjub huya, besure ho gaye, kya matlab? unko samajh hi naheen
aaya ki usmein kya baat thi!

----------------------------------------------------
Song: meri duniya hai maa tere aanchal mein (Talash)
----------------------------------------------------

NM: kitna sundar hai yeh Burman saahab ka, kya baat hai! jab jab suno tab ek
alag hi aanand deta hai. aur aap us kisse ka zikr kar rahe the. to aap us waqt
maujood the jab 'recording' ho rahi thi?

SK: main neeche tha, R D Burman neeche aaya aur usne mujhe yeh bataaya. Pancham
ne aake mujhe yeh poora kissa sunaaya aur main bhoola naheen yeh abhi tak, 'its
a very difficult art, that sound is very difficult to produce'.

NM: jee. aur Burman saahab ka kaun sa gaana...

SK: aur unka gaana jo hai, aise hi yaad aa jaata hai, woh Aradhana ka gaana jo
hai, "kora kaagaz", kya baat hai, kya 'composition' hai! 'Its a delight!'

---------------------------------------------
Song: kora kaaGaz tha yeh man mera (Aradhana)
---------------------------------------------

SK: ek aur geet hai, Johny Walker pe diya hai, "sar jo tera chakraaye", waah
waah waah saahab, kya baat hai! 'evergreen song', main abhi bhi gaata hoon.

-----------------------------------
Song: sar jo tera chakraaye (Pyasa)
-----------------------------------

**************************

TRANSCRIPT OF THE VISHESH MAN CHAAHE GEET BROADCAST ON 31ST JULY 2005 ON THE
OCCASSION OF MOHD RAFI'S 25TH DEATH ANNIVERSARY ON VIVIDH BHARATI AT 1330 HRS:

Prastut hai Vishesh Man Chaahe Geet.

Clip: Tum mujhe yun bhula na paayoge (Pagla Kahinka)

Sunnewaalon ko radiosakhi Mamta Singh ka namaskaar.

Clip: Subaha na aayi shaam na aayi (Cha Cha Cha)

31 July ka din awaaz ke farishte Mohd Rafi sahab ke yaad ka din hai.
Aaj Rafi sahab ke is duniya se gaye huye 25 saal ho gaye hain par aaj
bhi unki awaaz hawa, dhool aur khushboo ki taraf fizaayon mein faili
huyi hai.

Clip: Aaj puraani raahon se koi mujhe awaaz na de (Aadmi)

Yun to aap roz is karyakram mein apni pasand ke geet sunte hain, par
aaj is khaas mauke par hum apne Hindi Film udyog ke kuchh naamcheen
fankaaron ke Rafi sahab ke liye unke udgaar aur unke pasandida Rafi
geet sunwaane jaa rahe hain, jinse humne telephone par baat kee hai.

Clip: Ahsaan mere dil pe tumhara hai doston (Gaban)

**********************************************************************
*************

1. SHAMMI KAPOOR
----------------

Rafi sahab ka range bahut badhiya aur vast tha. Alag alag heroes ke
liye alag alag style mein gaate the. Mere liye bhi ek alag hatle
style tha. Meri unse pehli mulaqaat huyi Tumsa Nahin Dekha ke ek
gaane ke recording par. Woh mera intezaar kar rahe the. Main pahuncha
to mujhse poochhne lage ki gaane mein kaisi harkat karni hai? Main
unse kehta tha ki yahaan pe main aisa harkat karoonga, agar aap is
jagah aisa gaayen to achchha rahega, woh waisa hi kar dete. Ek gaana
tha film Kashmir Ki Kali mein "Taarif karoon kya uski jisne tumhe
banaya". Main chahta tha ki is gaane ke end mein line repeat hoti
rahe, aur main gaate gaate ant mein paani mein gir padta hoon. Jab
maine apni yeh baat bataayi to Rafi sahab ko to pasand aayi par O P
Nayyar sahab ne inkaar kar diya yeh kehkar ki gaana khaamakhaa lamba
ho jaayega. Ant mein Rafi sahab ne kaha ki gaana main gaayunga, aap
logon ko takleef kyun ho rahi hai? Aur is tarah se Rafi sahab ki
wajah se meri woh khwahish poori huyi thi. Hum log kabhi kabhi raat
ko ek saath baithkar gaana gaate. Shankar, Jaikishen, Roshan, Rafi
sahab aur main, raat 11/12 baje baith jaate aur hum sab classical
music gaate, main bhi gaata, bahut hi haseen moments the woh sab!

Requested Song: Yun to humne laakh haseen dekhe hain (Tumsa Nahin
Dekha)


2. SUDHA MALHOTRA
-----------------

Rafi sahab ke baare mein main yahi kahoongi ki unke jaisa great
artiste hona bahut mushkil hai, bahut hi jaldi chale gaye is duniya
se, unhone bahut achchha kaam kiya hai. Main bahut khushkismat hoon
ki unke saath kai baar gaane ka mauka mila. Main nayi nayi thi, par
unhone mera hausla badhaaya. As a new artiste, unhone kabhi mujhe yeh
feel nahin hone diya ki main junior hoon aur woh itne bade gaayak
hain. Maine unke saath Barsat Ki Raat ki woh qawwali gaayi thi,
Detective, Love in Simla jaisi filmon mein bhi unke saath duets gaayi.

Requested Song: Ankhon pe bharosa mat kar duniya jadoo ka khel hai
(Detective)


3. HARI PRASAD CHAURASIA
------------------------

Aise kalaakaar kai kai hazaar saalon mein ek baar janam lete hain,
meri unke saath bahut achchhi dosti thi. Woh bahut jaldi chale gaye
par lag raha hai ki jaise kal hi ki baat hai. Maine anginat gaano
mein unke saath bansuri bajaya hai. Keval Hindi filmi geeton mein hi
naheen, balki Marathi, Oriya, Bangla jaise bhashayon ke gaano mein
bhi maine unke saath kaam kiya hai.

Requested Song: Main zindegi ka saath nibhaata chala gaya (Hum Dono)


4. SHABBIR KUMAR
----------------

Gayiki ki duniya mein mera aur Rafi sahab ka guru-shishya ka naata
tha. Jaise Eklavya ne guru ron ki murty banakar vidya laabh kiya tha
waise hi maine jo kuchh bhi seekha hai Rafi sahab ko apne dil mein
basaakar seekha hai. Woh ek mahaan hasti the, unki paak rooh unki
awaaz mein saaf jhalakti hai. Unke geet humen hansaate hain, rulaate
hain, fauji jawaano mein josh bharte hain, zindegi ke har mod par
aanewaali ahsaason ko bayaan karti hai. Mujhpar Rafi sahab ka label
lagaana logon ki khoobsurat galatfehmi hai. Sach to yeh hai ki
sainkdon Shabbir Kumar milaakar bhi ek Rafi naheen banaa sakte. Meri
unse teen baar mulaaqaat huyi thi. Pehli baar 1972 mein Tardeo
recording studio mein. Unke janaaze ke din main local train mein
poochhte poochhte Bandra tak pahuncha. Wahaan utarkar 2/3 taxiwaale
mile, unke taxi mein bhi Rafi sahab ke gaane baj rahe the. Maine unse
poochha ki Rafi sahab ke janaaze mein jaana hai, bataiye kaise
jaayun. Unhone kaha ki Rafi sahab ka janaza to bahut pehli hi jaa
chuki hai, ab tak to mitti bhi dal chuki hogi. Main Juhu qabaristaan
ki taraf bhaaga, hazaaron ki taadaat mein log wahaan pahunch rahe
the, zoron ki baarish ho rahi thi, ghutno tak paani tha. Door se
maine dekha ki janaza rakha huya hai, main betahasha bhaaga. Police
dhakka de rahe the aur mujhe wahaan tak nahin pahunchne de rahe the.
Tabhi Junior Mehmood jo mujhe pehchaante the, unhone policewaalon se
kaha ki mujhe aane de, jab main wahaan pahuncha to bas mitti daal
rahe the, is afra tafri mein mere haath ke steel ki ghadi aur jeb se
mera kalam qabr mein gir gaya. Kya pataa Rafi sahab ne us kalam se
uparwaale ko meri sifaarish kee hogi, shaayad ab bhi woh meri ghadi
mein dum de rahe honge.

Requested Song: Waadiyaan mera daaman (Abhilasha)


5. MOHD AZIZ
------------

Sach baat yeh hai ki Rafi sahab ek Suraj ki tarah hain, hazaaron
laakhon sitaaron mein ek suraj. Maine filmi, gair-filmi aur regional
gaane milaakar 10,000 gaane gaaye hain, lekin stage shows mein main
ab bhi Rafi sahab ke hi gaane gaata hoon kyunki mere apne geeton se
zyada mujhe unke gaane pasand hai. Versatile singer jise kehte hain,
Rafi sahab wohi the. Unke gaaye romantic gaano mein bhi itni variety
thi. Bahaaron phool barsaao, Aaja re aa zara lehra ke aa zara, Yeh
zulf agar khulke bikhar jaaye to achchha, aur na kitne saare hain.
Maine film Krodh mein Rafi sahab ke liye ek gaana gaaya tha - Na
fankaar tujhsa tere baad aaya, Mohd Rafi tu bahut yaad aaya.

Requested Song: Yeh zulf agar khulke bikhar jaaye to achchha (Kaajal)


6. BAPPI LAHIRI
---------------

Rafi (Rofi) sahab to Rafi sahab hain, unke gaane chaaron taraf goonj
rahe hain. Maine unke saath bahut saara gaana kiya. Zakhmee, Ikraar,
Farz Ki Jung mein Govinda ke liye unhone gaaya, Paapi mein bhi
gaaya.Woh ek shantipriya insaan the, itna sundar, bilkul bachcha
jaise. Woh S D Burman ka bhi taarif karte, Bappi Lahiri ka bhi taarif
karte. Jab Laxmikant Pyarelal ne Dosti ka gaana banaya to unhone
Laxmikant se kaha ki dekho tum dono kahaan tak jaate ho. Kabhi woh
paison ki baat naheen karte the, gaana pasand aa gaya to recording
karke hi jaate the, paison ke baare mein kabhi nahin poochhte.

Requested Song: Saathi re gham naheen karna (Ikraar)

Ek gaana tha "Maar gayo re rasgulla ghumaa ke" film Jaanebahaar film
mein, Runa Laila aayi huyi thi. Phir Zakhmee mein gaana tha :Nothing
is impossible" jise Rafi sahab aur Kishore Kumar gaa rahe the, mera
bhi usmein kuchh lines the. Woh dono do side mein aur main beech
mein, sochiye meri haalat, jaise do pahaadon ke beech mein main khada
tha. Main bahut nervous ho raha tha, tab Rafi sahab ne mujhse kaha ki
ghabrana mat.

Requested Song: Nothing is impossible (Zakhmee)


7. NIDA FAZLI
-------------

Jo naam hota hai na, us naam ka asar bhi hota hai. 'Rafi' ka matlab
hai 'Rafar', 'Rafar' matlab hai 'Bulandi'. Unhone apne andar chhupe
huye insaan ko jagaaya tha. Ek baar Mohan Kumar ko apni film ke liye
ek gaana chaahiye tha, recording studio mein unhone Usha Khanna ko
yeh baat kaha, Usha ne tune banaya, maine jaldi jaldi bol likh diye.
Jab yeh gaana record huya to Rafi sahab gaate gaate rone lage.
ecording ke baad usha ke sar par haath rakhkar bole ki bahut dino ke
baad ek achchha gaana gaaya hai. Aur woh gaana tha "Tu is tarah se
meri zindegi mein shaamil hai, jahaan bhi jaayun lagta hai teri
mehfil hai".

Requested Song: Tu is tarah se meri zindegi mein (Aap To Aise Na The)


8. SHAAN
--------

Waise to Rafi sahab apni awaaz ke zariye amar hain aur rahenge, hum
unhe hamesha yaad karte hi rehte hain. Unhone mere daddy (Manas
Mukherjee) ki chhoti moti filmon mein kai baar gaaya hai. Meri didi
Sagarika ne bhi ek baar unke saath ek geet mein gungunaya tha, lekin
us samay hum bahut chhote the to samajh hi nahin aaya ki woh itne
bade singer hain. Hum unhe Rafi uncle kehkar bulaate the.

Requested Song: Khooshboo hoon main phool nahin hoon jo murjhaayunga (


9. SADHANA SARGAM
-----------------

Bachpan se Rafi sahab ke gaane suna hai, har rang ki jhalak milti hai
unke gaano mein. Kabhi kabhi abhimaan hota hai ki woh hamare desh ke
itne bade gayak hain. Unse bahut kuchh seekhno ko hai - expression,
andaaz. Itni variety hai unke gaano mein, romantic, soft, ghazal,
comedy, dance numbers, sab kuchh poore perfection ke saath gaate the.

Sadhana hums "Aaja tujhko pukaare mere geet"

Requested Song: Aaj tujhko pukaare mere geet (Geet)

Sadhana hums "Ahsaan tera hoga mujhpar"

Requested Song: Ahsaan tera hoga mujhpar (Junglee)


10. PANKAJ UDHAS
----------------

Rafi sahab ka ek alag hi andaaz tha, itni pratibha thi unmein. Sabse
jo aham baat unme thi woh hai unki gayiki mein bahut hi versatility
thi, kisi bhi tarah ka gaana ho bahut hi sahejt andaaz mein pesh
karte the, main samjhta hoon ki yahi unka sabse badaa pehlu tha.
Chaahe Johny Walker ka gaana ho ya Shammi Kapoor ka, ya serious gaana
ho ya classical based, bahut hi khoobsurti se gaate the. Ek picture
aayi thi Chitralekha, Sahir sahab ka geet tha, Roshan ka sangeet,
usmein ek gaana tha "Man re tu kaahe na dheer dhare", mujhe yeh gaana
bahut pasand hai. Film Guide ka "Tere mere sapney ab ek rang hai" bhi
mujhe bahut zyada pasand hai.

Requested Song: Tere mere sapney ab ek rang hai (Guide)


11. TALAT AZIZ
--------------

Meri Rafi sahab se pehli mulaqaat huyi jab mera pehla album naya naya
nikla tha. Zubedi sahab ne mujhe unse milwaya tha. Woh itne pyar se
mujhse mile ki mujhe shaque hone laga ki itna bada insaan aise kaise
mil sakta hai. Unki yeh khaasiyat thi ki woh bahut hi saaf dil aur
innocent the, aur kya bataayun unke baare mein, saari duniya jaanti
hai. Stage par pehli baar jab maine programme pesh kiya to unhi ka
gaana maine gaaya aur woh gaana tha "Ahsaan mere dil pe tumhara hai
doston, yeh dil tumhare pyar ka maara hai doston"

Requested Song: Ahsaan mere dil pe tumhara hai doston (Gaban)

**********************************************************************
********

Yun to Suraj roz ug aur doob raha hai, par 31 July 1980 ko jo sunehra
suraj dooba woh aaj tak phir ug naheen paaya hai.

Clip: Charaagh dil ka jalaao bahut andhera hai (Chirag)

Doston, aaj is karyakram se aapko andaaza ho gaya hoga ki duniya
kitni kamee mehsoos karti hai Rafi sahab ki.

Clip: Woh jab yaad aaye bahut yaad aaye (Parasmani)

To doston, yeh tha Mohd Rafi sahab ki yaad mein hamara Vishesh Man
Chaahe Geet karyakram, ab apne is radio sakhi Mamta Singh ko deejiye
ijaazat, namaskaar!

THE END

Lata Mangeshkar renders a new-age 'prison anthem'
IANS
Tuesday, July 21st, 2009 AT 11:07 AM


MUMBAI: Lata Mangeshkar sang "Ae malik tere bande hum", a song that inspired
prisoners in V Shantaram's film "Do Aankhen Barah Haath" in 1957. Now Madhur
Bhandarkar has the singing legend render a new-age 'prison anthem' in his latest
movie "Jail".

"We want Lata-ji's 'Daata sun maula sun' to be the new-age 'Ae maalik tere bande
hum'. We want youngsters to embrace it and get to know the endless magic of
Lata-ji's art. It has the potential to be hummed and sung in schools and
colleges for all times to come," Bhandarkar said.
Lata's "Ae malik tere bande hum" went on to inspire generations of Indians
imprisoned in their prejudices and daily despondencies. Now 52 years later when
Bhandarkar conceived the song, he wanted only Lata to sing it.

"I'm not just a Lata fan. I am her fanatic. When she agreed to sing 'Kitne ajeeb
rishte hain yahan par' for my 'Page 3', I felt I had achieved one of my biggest
dreams. And now to have her sing for me again, and that too for a film that
stars Neil Nitin Mukesh, whose grandfather Mukesh was very close to Lata-ji,"
the director said.
The prison anthem in "Jail" entitled "Daata sun maula sun" is written by a
first-time lyricist Ajay Garg.

"When he recited the lines for me, it was there and then decided that no other
singer but Lata-ji has the right to touch these words," said Bhandarkar, known
for his creative excellence in films like "Chandni Bar", "Page 3" and "Fashion".

The director says it didn't take him much to convince the singer to go behind
the mike for the song.

"I've kept in touch with Lata-ji since 'Page 3'. When I told her it was a song
for my film composed by Shamir Tandon, who had done 'Kitne ajeeb' for her, she
was immediately interested and asked us to send the tune," he said.

Lata was also enamoured by the idea that the film starred her Mukesh-bhaiyya's
grandson Neil. She is very close to the whole family.
Interestingly, in the last decade Lata-ji has sung two bhajans "Oh paalan haare"
("Lagaan") and "Ek tu hi bharosa" ("Pukar") - both for A.R. Rahman.

JUBILEE JHANKAAR - Celebrating 50 Years of Vividh Bharati
---------------------------------------------------------

CINE YATRA KI GAWAAH - VIVIDH BHARATI
-------------------------------------

PART 1 (The 30s)
****************

Vividh Bharati ke sabhi shrotaaon ko Kamal Sharma...

aur Renu Bansal ka...

namaskaar!

doston, aap ke is pasandida 'radio channel' ki swarNajayanti ki shringkhala mein
ham ek baar phir se haazir hain, aur is baar ham aap ke liye laaye hain ek nayaa
aur anooThaa kaaryakram... CINE YATRA KI GAWAAH VIVIDH BHARATI.

aaj se 77 saal pehle, yaani 1931 mein pehli baar Hindustaani cinema ne bolna
shuru kiya tha. iske 26 saal baad, yaani 1957 mein astitva mein aayi Vividh
Bharati. tab se lekar aaj tak Vividh Bharati poori shiddat ke saath Hindi cinema
ko aap tak pahunchaati aa rahi hai. cinema ki har utaar chaDhaav ki gawaah rahi
hai Vividh Bharati. yahi wajah hai ki Vividh Bharati ka Khazaana aaj naayaab
ratnon se bharaa paDaa hai.

aur yeh anmol ratna hain cinema se juDe un kalaakaaron ko 'technician'-on ki
aawaazen jinmein se kai aaj bhale hi hamaare beech naheen hain, lekin cinema ki
ithihaas mein unka anaam swarNaaksharon mein darj hai. doston, Vividh Bharati ne
in durlabh aawaazon ko kareeb 20,000 'spool tapes', aur hazaaron 'records',
'CDs' aur 'DVDs' mein, saakshaatkaar aur geeton ki shakl mein sanjoya huya hai.
to aayiye aap ko le chalen Vividh Bharati ke is tilasmi Khazaane ki yaatra
par...

jaisa ki aap jaante hain, Bhaarat ki pehli bolti film thi Alam Ara. nirmaata
nirdeshak Ardeshir Irani ki 'company' Imperial Movietone dwaara banaaee gayi
Alam Ara 14 March 1931 ko Mumbai ki Majestic Cinema Hall mein pradarshit huyi
thi. aur isi film se shuru huya tha film sangeet ka safar jo aaj tak ba-dastoor
jaari hai. film Alam Ara mein Wazir Mohammad Khan ka gaaya geet "de de Khudaa ke
naam par" us zamaane mein behad mashoor huya tha. iske baad pradarshit huyi
Kolkata ki film 'company' Madan Theatres ki film Shirin Farhad. is doosri bolti
film ke naayak the Master Nisar, jo 'silent' filmon ke daur mein hi 'superstar'
ka darjaa haasil kar chuke the. aap ko yeh jaankar taajjub hoga ki Master Nisar
ki aawaaz aaj bhi Vividh Bharati mein maujood hai. to aayiye sunte hain Vividh
Bharati ke saath Master Nisar ke baatchit ke yeh ansh:

-----------------------------
MASTER NISAR speaks:

1931, to hamaare maalik jo the, Kalkatte ke, Madan Theatres, Madan Theatres Ltd,
to unhone, main naaTak mein kaam karta tha, unhone mujhe bulaakar kahaa ki 'kal
tum 'studio' chale jaana'. maine kahaa 'kyun saahab?' bole 'chale jaana tum'. to
Jahangir-ji, unke laDke the, woh 'direction' karte the, mujhse kehne lage ki
'Shiri Farhad, ham yeh 'talkie' banaana chaahte hain, usmein ek 'scene' lena
chaahte hain'. to Agha saahab se kaho ki kuchh 'dialogues' likh den'. Agha
Hashra saahab se. maine jaake unse kahaa. woh kehne lage 'ek 'scene' ka kya
matlab hota hai? poora Shiri Farhad unse kaho kyun naheen utaarte'. maine jaakar
unse keh diya. to bole ki 'achchha, Agha saahab se jaakar kaho ki woh likhen'.
to Agha saahab likhne lage, aur 1931 ki baat hai, jab Shiri Farhad naam se film
shuru huya.
-----------------------------

bolti filmon yaani ki 'talkies' ka daur shuru hote hi Mumbai ke saath saath
Kolkata, Pune aur Kolhapur bhi film banaane ke kendron ke roop mein apni
pehchaan banaane lage the. Kolhapur ka Jayaprabha Studio, Pune ka Prabhat,
Kolkata ka New Theatres, aur Mumbai ke Bombay Talkies, Ranjit Movietone, Minerva
Movietone aur Wadia Movietone apni apni tarah ka utkrishT filmon ka nirmaaN kar
bahut jald us zamaane ki agraNi film comopaniyon mein gine jaane lage the.
Prabhat ki san 1932 ki film Maya Machhinder ka yeh geet Vividh Bharati mein
uplabdh praacheenatam geeton mein se hai. Pandit Govindrao Tembe ka gaaya aur
sangeetbaddha kiya huya yeh geet us samay mein atyant lokapriya huya tha

-----------------------------------------------------
Clip: chhoD aakaash ko sitaare (Maya Machhinder,1932)
-----------------------------------------------------

Kolkata ki New Theatres Company dwaara nirmit adhikaansh filmon ka aadhaar
mukhya roop se Bangla upanyaas aur kahaaniyaan hote the. B N Sircar dwaara
sthaapit is 'company' ne us zamaane mein R C Boral, Pankaj Mullick, Timir Baran,
K L Saigal, K C Dey, Kidar Sharma aur Kanan Devi jaise diggaj kaam karte the.

madhur sangeet New Theatres ke filmon ki Khaasiyat thi. kaalaantar mein yahi
baaten kahee R C Boral ne:

-----------------------------
R C BORAL speaks:

main lagbhag 40 barson se 'film industry' mein hoon. matlab New Theatres ke
janam se hi film sangeet ki sevaa karta hoon. aaj main un beete huye samay ki
jhalak dikhaayun? ho sakta hai yeh filmen aap ne na dekhee ho, un filmon ke
kalaakaaron ko bhi aapne na dekhaa ho, magar naam zaroor sune honge! yeh baat
hai kareeb 40 saal pehle ki, film Dhoop Chhaon ka sangeet nirdeshan maine kiya
aur gaayak kalaakaar hain K C Dey.
-----------------------------

------------------------------------------------------
Clip: teri gaThari mein laaga chor (Dhoop Chhaon,1935)
------------------------------------------------------

us zamaane mein paarshwagaayan, yaani 'playback' shuru naheen huya tha, aur
abhinetaaon ko 'camera' ke saamne Khud gaana paDtaa tha. 'playback' ka Khayaal
sabse pehle New Theatres mein san 1935 mein bani film Dhoop Chhaon ke dauraan
gaayak sangeetkaar Pankaj Mullick ke man mein kaundhaa tha. Pankaj Mullick ki
aawaaz aaj bhi Vividh Bharati mein apni Khaas jagah banaaye huye hain:

-----------------------------
PANKAJ MULLICK speaks:

bolti filmon ki Bhaarat mein chaalu hone ke do saal pehle hi main filmi duniya
mein aa chukaa tha, yaani san 1928 mein. us samay mook filmen dikhaaee jaati
thi. uske saath jis sangeet ke bajne ka riwaaz tha, us sangeet ki rachna main
kiya karta tha. uske baad jab bolti filmen aayi, Kalkatte mein, to mujhe hi
sangeet nirdeshak banne ka saubhaagya praapt huya. tab to AkaashvaaNi naheen
tha, iska naam tha Indian Broadcasting Corporation. mere aane ke kareeb 6
maheene pehle shaayad yeh 'company' chaalu huyi thi.

Q. yaad hai aap ko woh kaun sa pehla geet tha jise aapne pehli baar 'radio' par
gaaya tha?

woh geet Kaviguru Ravindranath Thakur ki rachnaa thi, (sings a Tagore song in
Bangla)
------------------------------

New Theatres se sambandhit ek aur naam tha Timir Baran ka, jinhone 1935 ki film
Devdas mein sangeet diya tha:


-----------------------------
TIMIR BARAN speaks:

aaj is kaaryakram ke zariye aap logon se baatchit karne ka mujhe jo mauka mila
hai, uske liye main apne ko dhanya samajhtaa hoon. jab ki maine bhi kai filmon
ki dhune banaaee thi aur sangeet nirdeshak reh chukaa hoon, ab bhi filmon se
juDaa huya hoon aur sangeet nirdeshan ka kaarya jaari hai. mujhe geeton ke bolon
se saaz-o-sangeet se zyaada prem hai kyunki main khud ek sarod-vaadak hoon.
------------------------------

30 ke dashak mein Pune ki Prabhat Film Company gambheer saamaajik vishayon par
filmon ka nirmaaN kar apna ek sammaanit sthaan banaa chuki thi. is company ki
neev V Shantaram aur unke 4 sehyogiyon dwaara san 1929 mein Kolhapur mein rakhi
gayi thi. lekin san 1933 mein isey Kolhapur se Pune le aaya gaya. 1932 ki film
Ayodhya Ka Raja is company ki pehli bolti film thi. haalaanki yeh bahut kam log
jaante hain ki Bhaarat mein bani pehli rangeen film ka nirmaaN san 1933 mein
Prabhat dwaara hi kiya gaya tha. haalaanki takneekee drishTi se yeh prayog
asafal raha tha. us zamaane ke 'star' abhinetri Shanta Apte isi company mein
kaaryarat theen, jinhone film Amrit Manthan aur Amar Jyoti mein yeh geet gaaye
the.

------------------------------------------------------------------
Song: raat aayi hai naya rang jamaane ke liye (Amrit Manthan,1934)
------------------------------------------------------------------

1933 mein hi Mumbai mein J B H Wadia aur Homi Wadia bhaaiyon ne neev rakhi Wadia
Movietone ki. 'fantassy', 'action', aur dhaarmik filmon ka nirmaaN kar unhone
bahut jald apna ek darshak-varg tayyaar kar liya. 'Fearless' Nadia Wadia
Movietone ke filmon se hi 'star' bani theen. udhar Chandulal Shah aur Gauharjan
Mamajiwaala dwaara 1929 mein sthaapit Ranjit Films mook filmon ka nirmaaN kar
rahi thi. 1931 mein yeh company Ranjit Movietone ke naam se bolti filmon ka
nirmaaN karne ke liye utar paDee. Divya Devyani is company ki pehli bolti film
thi. san 1934 mein Bombay Talkies astitva mein aayi jiski neev England se aaye
Himanshu Rai aur Devika Rani ne ek 'public limited company' ke taur par rakhi
thi. Shankar Mukherjee, Kavi Pradeep aur Ashok Kumar ne apne 'career' ki
shuruwaat Bombay Talkies ki filmon se hi kee thi.

---------------------------------------------------
Song: main ban ki chiDiya banke (Achhut Kanya,1936)
---------------------------------------------------

-----------------------------
ASHOK KUMAR speaks:

darasal jab main filmon mein aaya tha san 1934-35 ke aaspaas, us samay gaayak
abhinetaa Saigal zindaa the. unhone filmi gaano ko ek shakal dee aur mera
Khayaal hai unhi ki wajah se filmon mein gaano ko ek mahatwapoorNa jagah mili.
aaj unhi ki buniyaad par yahaan ki filmen banaaee jaati hain, yaani 'box office
success' ke liye gaano ko sabse oonchee jagah dee jaati hai. mere waqt mein
'playback' ke 'technique' ki tayyaariyaan ho rahi thi. talat, Rafi, Mukesh filmi
duniya mein aaye naheen the, Lata to paida bhi naheen huyi hogi. abhinetaaon ko
gaana paDtaa tha chaahe unke gale mein sur ho yaa naheen. isliye zyaadaatar
gaane seedhe seedhe aur saral bandish mein banaaye jaate the taaki ham jaise
gaanewaale aasaani se gaa sake.

Q. to daada saahab, koi gaana is waqt aapko yaad hai, sunaaiye to!

main apni puraani filmon se kuchh kuchh mukhDe sunaa sakta hoon.

Q. achchha sunaaiye

suniye... (sings) "main ban ki chiDiya banke ban ban boloon re...".
yeh pehle pehle Bombay Talkies ke geeton mein "re" ka istemaal bahut kiya jaata
tha. (sings) "Chal chal re naujawaan...", phir "re" ka istemaal dekhiye (sings)
"chali re chali re meri naao chali re", (sings) "dheere dheere aa re baadal
dheere dheere jaa, mera bulbul so raha hai, shor gul na machaa". ek aur sunaa
detaa hoon, jiske saath ek baat bhi kahoonga. (sings) "peer peer kya karta re
teri peer na jaane koi...". mujhe yaad hai is gaane ko 'record' mein bharna
mushkil paD gaya tha kyunki yeh gaana tha aadhe 'minute' ka, aur is aadhe
'minute' ko 3 minute ka banaane ke mujhe dheere dheere gaana padaa tha.

Q. kaise?

(sings) "peeeeeeer peeeeeeeer kyaaaa kartaaaaa re.....". aap hans rahi hain,
lekin us 'record' ko sunkar main ro diya tha. usi waqt tay kiya tha ki agar
mujhe filmon mein rehna hai to gaana seekhna hi paDegaa.
---------------------------------------

-------------------------------------------
Clip: chal chal re naujawaan (Bandhan,1940)
-------------------------------------------

san 1936 mein astitva mein aayi Sohrab Modi ki company Minerva Movietone. is
'banner' ke tale bani 1939 ki film Pukar ki aashaateet safaltaa ne dekhte hi
dekhte Sohrab Modi ko us zamaane ki agraNi nirmaata nirdeshakon ki kataar mein
laa khaDaa kiya.

-----------------------------
SOHRAB MODI speaks:

ae nigehbaan-e-watan, ae mard maidaan-e-watan, tere dam se hai bahaaron par
gulistaan-e-watan. tujhpe jaan-o-dil fidaa, hasti fidaa, masti fidaa, tujhpe ham
beqas Ghulaamon ki yeh kul basti fidaa. aaj teri arzmandi ko pahunch saktaa hai
kaun, teri ruhaani bulandi ko pahunch sakta hai kaun, veeron ke liye to waaqai
jab se hosh sambhaalaa, tab se hi apne dil-o-dimaaG mein sabse oonchaa maqaam
paaya, lekin tawaariKh jaise 'subject' mein bachpan mein mujhe koi Khaas
dilchaspi naheen thi. main Cecil B. De Mille ki angrezee filmen bahut dekha
karta tha, aur unse mutaasir hokar apne desh ki tawaariKh par Gaur karne lagaa.
us waqt mujhe Khayaal aaya ki hamaare desh ko aisi filmon ki bahut zaroorat hai,
apne desh ki jantaa ko jagaane ke liye, desh ke bachchon ko desh ki mahaanta ka
gyaan karaane ke liye yahi ek zaroori kaam tha taaki woh apni tawaariKh se
anjaan na bane rahe. doosri baat yeh ki tawaaraKhi film ko 'canvas' jitna baDaa
hai 'social' filmon ka naheen. main hameshaa baDe 'canvas' ki tasveeron ko
kheenchne ka qaayal raha hoon. yeh wajah bhi mujhe is or zyaada kheenchti rahi.
teesri wajah yeh ki har kalaakaar apni kalaa ko panapne ke liye adhik se adhik
'scope' chaahta hai jo mere Khayaal se aise filmon mein hi mil sakta tha. iski
pehli wajah to yeh hai ki har kalaakaar ki apni ek ruchi hoti hai. meri ruchi
isi tarah ke paatron mein thi.
--------------------------------

END OF PART 1


PART 2 (The 40s)
****************

30 ke dashak ke ant tak 'playback' poori tarah se prachalan mein aa chukaa tha.
uske baawjood kuchh abhenetaa abhinetriyaan aise the jo apne geet Khud hi gaana
pasand karte the. 40 ka dashak gawaah hai un utaar chaDhaavon ka jo doosre
vishvayudhh ke us daur mein hindustaani cinemaa ko dekhne paDe the. woh daur tha
Noorjehan aur Suraiyya jaisi gaayika abhinetriyon ke uday hone ka.

-----------------------------------------------------
Clip: hamko hai pyaari hamaari galiyaan (Basant,1942)
-----------------------------------------------------

Madhubala ne 1942 mein Bombay Talkies ki film Basant se bataur baal kalaakaar na
sirf abhinay ke kshetra mein qadam rakhaa balki is film mein do geet bhi gaaye.

----------------------------------------------------------
Clip: chhoTe chhoTe ghar mein chhoTi aTariya (Basant,1942)
----------------------------------------------------------

1941 mein film Radhika se Nalini Jaywant ne na sirf 'career' ki shuruwaat kee
balki shuru ki 9 filmon ke liye Khud ke liye 38 geet bhi gaaye. doston, Nalini
Jaywant ka gaaya san 1941 ki film Bahan mein gaaya aisa hi ek geet haazir hai
jiski dhun Anil Biswas ne banaaee thi.

-----------------------------------------------
Clip: hawaa basant ki Dol rahi hai (Bahan,1941)
-----------------------------------------------

1941 mein hi Lahore mein bani film Khazanchi se Shamshad Begum paarshwagaayak ki
khestra mein aayeen.

----------------------------------------------
Clip: ek kali naazon ki palee (Khazanchi,1941)
----------------------------------------------

nirmaataa nirdeshak Dalsukh Pancholi ki yeh film Khazanchi aur Master Ghulam
Haider dwaara sangeetbaddha keeye gaye iske sabhi geet us zamaane mein atyant
lokpriya huye the. is film ke geeton ki bepanaah safalta ne Shamshad Begum ko
apne daur ki choTi ki gaayikaaon mein laa khaDaa kiya tha.

------------------------------
SHAMSHAD BEGUM speaks:

jab 'playback' ka zamaana naheen tha, 'actors' khud gaana 'screen' par gaate
the, parde par gaate the. mere waalid saahab mujhe 'screen' pe dekhna naheen
pasand karte the. isiliye main 'screen' pe naheen gayi. maine 'screen test' bhi
kiya tha, unhone tab bhi kahaa tha 'filmon mein kaam karo', kahaa 'heroine'
lenge, maine kahaa 'naheen, filmon mein kaam naheen karna, mere baap ne 'allow'
naheen kiya'. mujhe bachpan se gaane ka shauk tha. yeh allaah ki den thi. 5 saal
ki umra mein main sab laDkiyon ke saath 'school' mein paDhti thi. Ramzaan ke
maheene mein mere saare rishtedaar mujhse naate sunte. 12 saal ki umar mein mere
chaacha mujhe Xylophone company mein leke gaye. mere chaachaa, woh mere saath,
meri 'help' kee unhone. baaba ko bahut samjhaaya ke 'tum samajhte naheen, aajkal
duniya ki saari laDkiyaan karne lagi hai'. baaba ne kahaa 'chaar chaar laDkiyaan
hain, kahin inki shaadi mein na museebat ho jaaye'.
--------------------------------

1941 mein Suraiyya ne jahaan ek taraf film Taj Mahal mein bataur baal kalaakaar
abhinay ki shuruwaat kee, waheen doosri taraf 1942 mein bani film Sharda mein
Mehtab ke liye 'playback' bhi kiya.

-------------------------------
Clip: panchhi jaa (Sharda,1942)
-------------------------------

-------------------------------
SURAIYYA speaks:

jab bhi mujhe kuchh kehne ka mauka milta hai to yaadon ka ek toofaan umad aata
hai aur main uski oonchee neechee lehron mein kho si jaati hoon. Is waqt bhi
yahi haalat hai, haan, yaad aaya jab meri pehli film Station Master ban rahi thi
to Naushad sahab ne mujhse ek bachchon ka geet gawaya tha, us film mein bhi
maine ek bachche ka hi role kiya tha. Jab logon ne yeh geet suna aur pasand kiya
to film Sharda ki heroine Mehtab ke liye Naushad sahab ne ek aur geet record
karwaya. Recording ke waqt Mehtab ne dekha ki ek chhoti si bachchi stool par
khadee hokar unke liye gaa rahi hai to woh badee naaraaz huyi, mujhpar naheen
(laughs), film banaanewaalon par. Aur jab yeh gaana hit huya to unki naaraazgee
door ho gayi.
---------------------------------

--------------------------------------------------
Clip: tere naino ne chori kiya (Pyar Ki Jeet,1948)
--------------------------------------------------

1942 mein Homi Wadia ne Wadia Movietone se alag hokar Basant Pictures kee, to V
Shantaram ne Prabhat se alag hokar Rajkamal Studio ki sthaapna kee.

--------------------------------
V SHANTARAM speaks:

main apni zindagi mein updeshpoorN filmen banaata aaya hoon. aur unmein
saamaajik, raajnaitik aur maanavik samasyaayen prastut karta raha hoon. saath hi
saath in samasyaayon ko apne DHang se suljhaane ki koshish bhi karta raha hoon.
meri banaaee huyi filmen dekhne ke baad desh ke kone kone se log mujhe apni
prashansaa aur aalochana likhkar bhejte hain. adhiktar log mujhe aisi filmen
banaane ki updesh bhi dete hain. aise patron ko paDhkar aisi samasyaapoorN aur
updeshpoorN filmen banaane ka mera utsaah aur bhi baDh jaata hai. is sambandh
mein kai pratyaksh ghaTnaayen bhi huyi hain. unmein se ek main aap ko bataaye
bina naheen reh saktaa. meri pehchaan ka ek aadmi kisi gaaon gaya tha. 'station'
par uska saamaan ek chhoT se laDke ne uThaakar kahaa 'baahar pahuncha doon
saahab?' us aadmi ne akhaa 'abhi tu bahut chhoTaa hai, itni kashT ka kaam kyun
karta hai?' laDke ne jawaab diya 'mehnat karke kuchh paise kamaayunga aur apni
maa ki madad karoonga'. us aadmi ne phir poochha 'kya tumhaari maa ne tumhe aisa
kaam karne ko kahaa hai?' tab us baalak ne kahaa 'maa ko to iska pataa bhi
naheen hai, maine Toofan Aur Diya naam ki ek film dekhi thi, usmein mujhse bhi
chhoTa ek laDka apni andhi bahan ke liye isse bhi zyaada kashT uThaata hai, to
kya main apni maa ke liye itna kaam bhi naheen kar saktaa!' us aadmi se yeh
ghaTna sunkar meri aankhen bhar aayeen. aaj tak mujhe milnewaale puraskaaron
mein yahi ek puraskaar mere liye baDaa tha. jee haan, is Toofan Aur Diya film ka
nirmaaN maine kiya tha, aur digdarshan mere putra Prabhat Kumar ne kiya tha. is
film ka shirshak geet aaj bhi nirbal ko balwaan banaane ka sandesh deta hai.
--------------------------------

--------------------------------------------------------
Clip: nirbal se laDaai balwaan ki (Toofan Aur Diya,1956)
--------------------------------------------------------

1942 ka saal isliye bhi mahatwapoorN hai ki abhineta Pran ne Lahore ki Pancholi
Arts ki film Khandan se isi saal Hindi Cinema ke kshetra mein qadam rakhaa tha.

----------------------------
PRAN speaks:

kehte the ki yun kehte, yun kehte jo aata, sab kehne ki baaten hain, kuchh bhi
na kahaa jaata. maashooq ka saamna hote hi is aashiq ka jo haal huya hai, ghar
se chalaa tha yun sochte huye ki aap se yun kahoonga, aise kahoonga, baDe baDe
Khayaali pulaav pakaaye. par aapke saamne aate hi saari bahaaduri Khatam ho
gayi. aur bhaaiyon, yeh 'mike' hai na, yeh meri sabse baDi kamzori hai. yun
samjheeye ki aaj main pehli baar 'mike' ke saamne aaya hoon. isse pehle na main
kisi jalse mein bolaa naa 'radio' par. yahaan bhi main Khud naheen aaya hoon,
aap ki mohabbat khench laayi hai. aur jab aa hi gaya hoon to kuchh kehna bhi
paDegaa. to kyun na sach keh doon to Khwaja Mir DarG ka yeh sher yaad aata hai -
"jaan se ho gaye badan Khaali, aankh bhar tune jis taraf dekhaa", to unmein
sabse pehle Rajinder Krishan-ji ki likhi ek Gazal. Rajinder Krishan-ji ek
achchhe geetkaar to hain hi, saath hi saath ek behetareen 'dialogue writer' bhi
the. film Khandan mein unhone mere liye yeh 'dialogue' likha, jahaan 'hero'
aakar kehta hai ki 'tum beech mein mat bolo' - "ham log Ramayan paDhnewaale log
hain, ki jahaan bhaai bhaai ke liye jaan de deta hai", to 'villain' bolta hai -
"barKhurdaar kaun si Ramayan paDhee hai tumne? hamaari Ramayan to kehta hai ki
RaavaN ko uske sage bhaai VibhishaN aur Baali ko uske bhaai Sugreev ne marwaa
diya tha".
------------------------------

1943 mein Sasadhar Mukherjee aur Ashok Kumar Bombay Talkies se alag hokar neev
rakhi Filmistan Studio ki. aur isi saal Mehboob Khan ki film Taqdeer se naayika
banee Nargis.

------------------------------
NARGIS speaks:

'radio' par aur doosre 'programme'-on mein main itna bol chuki hoon ki ab kuchh
bolne ke liye sochna paDtaa hai. aur aise mauke par jab apni yaadaasht par zor
Daalti hoon to guzre huye zindagi ke waaqyaat tasveer ban bankar saamne aate
hain. aur main un tasveeron mein apne aap ko talaash karne lagti hoon. goya
zindagi mein gum ho jaati hoon, aur mera aqeeda bhi yahi hai ki woh kalaakaar
kalaakaar naheen jo zindagi mein kho na jaaye, samaa na jaaye. maine apni filmi
zindagi mein hamesha koshish kee hai mera har 'role' banaavaTi na maaloom hokar
asli maaloom ho. iski ek wajah yeh bhi thi ki meri taaleem ek aise maahaul mein
huyi thi jahaan zindagi ko zindagi ki nazar se dekhaa jaata tha. rahaa filmi
duniya se mere rishte ka sawaal, to bas yun samjah leejiye ki filmi duniya se
mera rishtaa paidaaishi hai. main us waqt se kaam kar rahi hoon jis waqt mujhe
Theek tarah se bolna bhi naheen aata tha. lekin 'heroine' ki haisiyat se meri
pehli film thi Taqdeer, jo Mehboob saahab ne banaaee thi. sach to yeh hai ki
Mehboob saahab ne meri filmi zindagi ko 'break' diya aur aaKhir mein Mother
India banaakar mujhe ek bahut oonche muqaam par pahunchaa diya.
--------------------------------

---------------------------------------------------------------
Clip: matwaala jiya Dole piya jhoome ghaTaa (Mother India,1957)
---------------------------------------------------------------

san 1944 mein bani Prabhat Studio ki film Chand se pehli sangeetkaar joDi ne
film jagat mein kadam rakhaa. yeh joDi thi Husnlal Bhagatram ki, jo us zamaane
ke mashoor sangeetkaar Pandit Amarnath ke chhoTe bhaai the. film Chand mein
Manju ka gaaya yeh geet unke abhineta bhaai Balak Ram par filmaaya gaya tha...

-------------------------------------------------------------
Clip: do dilon ko yeh duniya milne hi nahin deti (Chand,1944)
-------------------------------------------------------------

san 1944 mein aayi film Rattan. Rattan aur iski sangeet ka andaaza sirf is baat
se hi lagaaya jaa sakta hai ki mahaz 80,000 rupay ki laagat se bani is film ke
nirmaataa ko sirf 'records' ke 'royalty' se hi 3.5 laakh rupayon ki aamadani
huyi thi. sangeetkaar Naushad ki bhi 'career' ko is film ki safalta ne aasmaan
ki oonchaaiyon par pahuncha diya tha.

------------------------------------------
Clip: o jaanewaale baalamwaa (Rattan,1944)
------------------------------------------

-----------------------------
NAUSHAD speaks:

Naushad aadaab pesh karta hai. jis sangeet ki sevaa mein maine apni zindagi ka
ek baDaa hissa guzaar diya hai, aaj usi ke baare mein aap se kuchh kehna hai.
hamaara sangeet ek chaumukhi deepak hai, jisse chaar lau-en ek saath nikal rahi
hai. pehli lau hai bhakti sangeet ki...

Clip: maango milegaa sabko daan (

doosri lau hai darbaari sangeet...

Clip: shubh din aayo (Mughal-e-Azam,1960)

teesri lau hai lok-sangeet ki...

Clip: dukh bhare din beete re bhaiyaa (Mother India,1957)

chauthi lau hai shaastriya sangeet...

Clip: aaj gaawat man mero jhoom ke (Baiju Bawra,1953)

lekin sangeet ki is chaumukhi deepak ko jalaanewaali aatma ek hi hai, aur woh
hai shaastriya sangeet. main agar shaastriya sangeet ki azmat ko bayaan karna
shuru karoon, to zabaan thak jaayegi yaa alfaaz Khatam ho jaayenge, kalam ruk
jaayegaa. magar iski Khoobiyaan na Khatam hongi. lehaaza ek dohaa haazir hai,
sangeet ko samajhne mein yeh aapki madad karegaa - "saat suron ko saat samundar
suno kahen Haridas, sur eeshwar ke roop saat hain har har mein ek aas". saat
suron ke saagar se raag raaginiyon ki anek dhaaraayen nikalti hain.
---------------------------------------

doosre vishwayudh ki wajah se kai kalaakaaron ko  Kolkata chhoDkar Mumbai chale
aana paDaa tha. inmein pramukh the Kidar Sharma, Prithviraj Kapoor, Trilok
Kapoor, Monika Desai, Kurzon, Bipin Gupta, Khemchand Prakash, aur Kundan Lal
Saigal. in sab ko panaah dee thi Ranjit Studio ne, jiske liye kahaa jaata tha ki
aasmaan se kahin zyaada sitaare Ranjit mein hai. Kundan Lal Saigal ne Ranjit ki
3 filmon, 1942 mein Bhakt Surdas, 1943 mein Tansen aur 1944 mein Bhanwara mein
abhinay aur gaayan kiya tha. Bhakt Surdas aur Tansen mein unki naayika theen
Khursheed, jo Khud bhi ek behetareen naayika theen.

-----------------------------------------------------------------
Clip: panchhi baawraa chaand se preet lagaaye (Bhakt Surdas,1942)
-----------------------------------------------------------------

san 1945 mein pehli filmi qawwaali baazaar mein aayi aur dekhte hi dekhte logon
ki zabaan par chhaa gayi. us saal bani film eenat mein Noorjehan, Zohrabai aur
Kalyanibai ki gaayi yeh qawwaali 12/13 saal ki Shashikala, Shyama aur Shalini
par filmaaee gayi thi.

--------------------------------------------------
Clip: aahen na bhari shikwe na keeye (Zeenat,1945)
--------------------------------------------------

Shyama aur Shashikala aage chalkar Hindi cinema ki jaanimaani kalaakaar saabit
huyeen.

--------------------------------------------------
Clip: kyun mujhe itni Khushi de dee (Anupama,1966)
--------------------------------------------------

--------------------------------
SHASHIKALA speaks:

aapki pyaari naani kahiye yaa daadi kahiye yaa maa kahiye yaa bahan kahiye, aap
sabko mera namaskaar!

Q: Meena Kumari-ji ke baare mein koi yaadgaar sansmaraN ho, jo aap bataana
chaahen?

Meena-ji jo theen bahut 'down to earth' theen. unhone kabhi yeh naheen dikhaaya
ki 'main Meena Kumari hoon', yeh kabhi naheen dikhaaya. aur sabse baDi baat yeh
thi ki agar unko deri se aana hai, to pehle se bataa ke jaati thi 'director' ko
ki 'main deri se aa rahi hoon', to 'director' uske mutaabik 'shot arrange' karte
the. aur yeh cheez maine apni aankhon se dekhi hai ki jab woh 'studio' ke andar,
yaani 'set' ke upar jaane se pehle muskaaya karti theen, aur jab bolti theen to
aisa lagta tha ki jaise munh se motiyaan jhaD rahe hain.
----------------------------------

----------------------------------
MEENA KUMARI speaks:

sunehri libaas mein angDaai lekar jhaanknewaali subah ki nanhi-munni kiran,
bhoole bhaTke raahi ko ek lambe mein hi Gham ke ???? se chhuDaakar sukoon ke
saaye tak pahunchaa deti hai. phir Khushiyon ke shagoofe, ummeedon ki kaliyaan
khilkhilaakar raahi ke har ahsaas ke koshe ko gulposh banaa dete hain. yeh
qaayenaat ki fitrat hai. yeh na samjhe pyaar karnewaale ka gunaah.
----------------------------------

------------------------------------------------------------
Clip: dil jo na keh sakaa wohi raaz-e-dil (Bheegi Raat,1965)
------------------------------------------------------------

----------------------------------
SHYAMA speaks:

Q: log Shyama-ji ko ek Khoobsoorat abhinetri ke roop mein jaan rahe hain aur
achaanak khalnaayika. to aapko kaisa lagaa tha woh?

mujhe,... jee, ... mere liye to,... kehna chaahiye ki ek 'challenge' tha ke bhai
'heroine' ban gayi to khalnaayika bhi banker dikhaa do. waise to mujher achchhi
tarah se yaad hai ki L V Prasad, Sharda 'picture, jismein Raj Kapoor saahab the,
aur Meena aapa. Meena Kumari naheen, Meena aapa kaha karte the ham unko. aur
unhone kahaa ki 'hamaare 'picture' mein 'role' hai lekin kya tum karogi?' maine
kahaa 'aap sunaaiye to 4 'line', phir main 'decide' karoongi', kyunki Meena aapa
ke saamne kaam karna baDe baDon ki chhuTTi ho jaati thi. to waise hi allaah ke
fazal se Meena aapa itni achchhi theen, jab ham 'set' pe bhi gaye aur unke saath
kaam kiya, to pataa hai, ek 'second' mein ro deti theen. aur main kehti thi
'Meena aapa, ek baat seekhaaiye hamein ki aap ro kaise le leti hain ekdam se'.
to kehti ki 'yeh bhi ek raaz hai'. to maine kahaa ki 'kya raaz hai?' to kaha ki
'pataa naheen, 'acting' karte karte Khud-ba-Khud aankhon mein aansoo aa jaate
hain'. to waise hi usmein mujhe ek gaana yaad aaya (sings) "ae chaand jahaan woh
jaaye", woh gaana mera aur Meena aapa ka muqaabla huya aur maine kahaa ki
muqaabla bhi aisa hoga ki is 'picture' ne agar 'award' naheen liya to Shyama
naam naheen!
----------------------------------

----------------------------------------------
Clip: o chaand jahaan woh jaaye (Sharada,1957)
----------------------------------------------

san 1946 mein pradarshit huyi film Shahjehan. Saigal ke saath Naushad ke
'career' ki yeh akeli film saabit huyi hi, Mohd Rafi ki Saigal ke saath gaane ki
tamanna bhi isi film mein poori huyi. haalaanki Mohd Rafi ke hisse mein mahaz,
ant ki do panktiyaan hi aayeen, lekin Saigal ke ananya bhakt Rafi ke liye itna
hi kaafi tha.

----------------------------------------------------------
Clip: mere sapnon ki raani Ruhi Ruhi Ruhi (Shahjehan,1946)
----------------------------------------------------------

doston, aapko bataa den ki film Shahjehan geetkaar Majrooh Sultanpuri ke
'career' ki bhi pehli film thi.

---------------------------------------
MAJROOH SULTANPURI speaks:

meri Khaandaani haisiyat ek khaate peete kisaan ki hai. ham kabhi zmaeendaar
huya karte the, lekin dheere dheere dheere dheere woh haalat kisaan ki reh gayi.
to jab 36 mein Khilaaf chalee, videshiyon ke Khilaaf, us zamaane mein videshi
kapDe jalaa deeye jaate the. mere waalid ne kahaa ki 'main apne beTe ko angrezee
naheen paDhaayunga'. isliye meri taaleem huyi arbi-faarsi ki. arbi-faarsi mein
taaleem hone par mera man wahaan naheen Tikaa, main 'rusticate' huya. aur
'rusticate' hone ke baad phir main chalaa aaya Lucknow. wahaan maine hakeemee ki
taaleem haasil kee. beech beech mein main Sultanpur bhi aata raha, kyunki un
dino wahaan ki har kasbe kasbe mein sher-o-shaayri ka maahaul huya karta tha.
sunaate the, wahaan koi mushaayra agar huya to ek aaadh Ghazal maine likhee aur
log pasand karne lage.
----------------------------------------

----------------------------------------
Clip: hamsafar saath (Aakhri Daao (1959)
----------------------------------------

Chetan Anand, jinhone 1946 kifilm Neecha Nagar banaakar shuru kee thi apni
'career' ki.

--------------------------------------------------
Clip: main yeh sochkar unke dar se (Haqeeqat,1964)
--------------------------------------------------

-------------------------------------
CHETAN ANAND speaks:

'programme' shuru main us gaane se karoonga jise maine 17,000' ki bulandi par
Sakhala Pass se guzarte huye ek fauji bhaai ko gungunaate huye sunaa tha.
hamaari 'jeep' ko achaanak do fauji bhaaiyon ne bandooken taan kar rokaa aur
kahaa ki 'jab tak aap hamaare saath chaai naheen peeyenge, aage jaane ki ijaazat
naheen mil sakti'. uske baad unke 'bunker' mein chaai ka intezaar karte karte
achaanak ram ki botal khul gayi aur ek kone se gungunaahaT ki aawaaz aayi...
-------------------------------------

----------------------------------------------------
Clip: kar chale ham fidaa jaan-o-tan (Haqeeqat,1964)
----------------------------------------------------

us zamaane mein aazaadi ki laDaai nirNaayak daur mein thi. desh ka baTwaara huya
to Noorjehan, Shaukat Hussain, Khursheed, Master Ghulam Haider jaise kai diggaj
fankaar jahaan Pakistan chale gaye, waheen kai naye logon ne filmi duniya mein
qadam rakkhaa. san 1947 gawaah hai Hindi cinema ke itihaas mein aaye bepanaah
utaar-chaDhaavon ka. yeh woh saal tha jab Saigal hamaare beech naheen rahe, Lata
aur Mukesh ke 'playback career' ka shubhaarambh huya, Raj Kapoor aur Madhubala
naayak naayika bane, aur bhi bahut kuchh dekhe san '47 ne.

----------------------------------------------------------
Clip: watan ki raah mein watan ke naujawaan (Shaheed,1948)
----------------------------------------------------------

Aap Ki Sewa Mein, is film ke liye sangeetkaar Datta Davjekar ne Lata-ji se unka
pehla paarshwageet gawaaya jise likha tha mashoro abhinetaa Mahipal ne.

----------------------------------------------------
Clip: paa laagun kar jori re (Aap Ki Sewa Mein,1947)
----------------------------------------------------

----------------------------------
LATA MANGESHKAR speaks:

swargeeya shri K.L.Saigal, waise to unse seekhne ka saubhaagya mujhe praapt
naheen huya, magar unke gaane gaane sun sun kar hi mujhmein sugam sangeet gaane
ki ichchha jaagee, aur is kshetra mein main unhi ko apna guru maanti hoon. mere
pitaa-ji, Shri Dinanath Mangeshkar, jo apne zamaane ke maane huye gaayak the,
unko Saigal-saahab ki gaayaki bahut pasand thi, aur mujhe aksar Saigal-saahab
kaa koi geet sunaane ko kehte. mujhse logon ne aksar poochha hai meri safalta ka
raaz, aur maine yahi kahaa hai ki main geet ke bhaav ko samajhne ki koshish
karti hoon aur dhun ko baar baar man mein gungunati hoon aur gaate waqt dil se
gaati hoon. geet ke bhaav ke hisaab se kabhi ghaTaakar dekhti hoon, kabhi
baDhaakar. aur jab gaati hoon tab dil se gaati hoon, sirf gale se naheen.
-----------------------------------

------------------------------------------------------------
Clip: woh bhooli daastaan lo phir yaad aa gayi (Sanjog,1961)
------------------------------------------------------------

san 1947 mein Noorjehan ki film Jugnu pradarshit huyi. is film ka yeh geet
Noorjehan ke saath gaaya Rafi ka pehla aur aaKhri yugal geet saabit huya.

----------------------------------------------------------
Clip: yahaan badlaa wafaa ka bewafaai ke siwa (Jugnu,1947)
----------------------------------------------------------

isi saal gaayak Mukesh ne film Pehli Nazar mein sangeetkaar Anil Biswas ke liye
apna pehla paarshwageet gaaya jise filmaaya gaya Motilal par. Mukesh ke gaayiki
par Saigal ka asar is gaane mein saag jhalakta hai.

--------------------------------------------------
Clip: dil jalta hai to jalne de (Pehli Nazar,1947)
--------------------------------------------------

ab tak baal-kalaakaar ke haisiyat se kaam karte aaye Raj Kapoor aur Madhubala
1947 mein hi Kidar Sharma ki film Neelkamal mein pehli baar naayak naayika bane.

------------------------------------
KIDAR SHARMA speaks:

maine san 1932 mein 'film line' mein qadam rakha tha. aur baDi hi jaddojahad ke
baad, aur kai tarah ke paapaD belne ke baad taqdeer mujhe aaj wahaan le aayi
jahaan main aaj hoon. yaad rahe ke na to main koi bahut baDaa sarmaaydaar hoon
aur na hi meri apni koi 'studio' hai. main to ek Khaanaabadosh filmsaad hoon, jo
baGair kisi baaje-gaaje ke, yaa baGair kisi shor-o-gul ke chupchaap apni Dagar
pe chalaa jaa raha hai. main us mallaah ki tarah hoon jisne bahut se
kalaakaaron, sangeetkaaron, 'technicians' ko, apni chhoTi si kashti mein
biThaakar unko unki manzil tak pahunchaaya hai. aur yahi mera sabse baDaa inaam
hai jo mujhe bhagwaan ki taraf se milaa hai. main jaanta hoon ki bahut kam logon
ko is baat ka ilm hoga ki film Devdas mein Saigal saahab ka gaaya huya woh geet,
jo kabhi bachche bachche ki zabaan pe tha, "baalam aaye baso more man mein", woh
pehla geet tah jo maine likha tha.
------------------------------------

--------------------------------------------------
Clip: baalam aaye baso more man mein (Devdas,1935)
--------------------------------------------------

isi saal, yaani ki 1947 mein Kardar ki film Dard se ek nayi gaayika ne film
udyog mein qadam rakhaa. unka gaayan ka 'career' to zyaada naheen chal paaya,
lekin aage chalkar ek haasya abhinetri ke taur par Khoob mashoor huyeen.

------------------------------------
UMA DEVI speaks:

main tumhe thoDi si aap-beetee sunaati hoon. mashhoor heroine Suraiyya, film
star Suraiyya, haay haay haay haay, ke saath maine film 'Dard' ka yeh gaana
gaaya tha. aap log Khoob sunte hain yeh gaana. usmein main bhi unke saath khaDi
hokar, bilkul unse lipTi khaDi gaa rahi thi, "betaab hai dil dard-e-mohabbat ke
asar se". ismein hum dono ne apne apne gaane ki adaayagee kee thi, zara suniye
to.
-------------------------------------

-----------------------------------------------------------
Clip: betaab hai dil dard-e-mohabbat ke asar se (Dard,1947)
-----------------------------------------------------------

san 1948 mein film aag se Raj Kapoor abhineta hone ke saath saath jahaan
nirmaata nirdeshak bane...

--------------------------------------
Medley of Raj Kapoor's songs' preludes
--------------------------------------

.. waheen Bombay Talkies ki film Ziddi se Kishore Kumar gaayak ke roop mein
saamne aaye. unhone is film mein maali ki ek chhoTi si bhumika bhi nibhaai thi.
Kishore ke is pehle geet mein bhi un par Saigal ka prabhaav saaf jhalakta hai.

---------------------------------------------
Clip: jeene ki tamanna kaun kare (Ziddi,1948)
---------------------------------------------

san 1949 mein pradarshit huyi Bombay Talkies ki film Mahal, jo bhaarat mein bani
pehli 'suspense film' thi. iska geet "aayega aanewaala" ne Lata ko safalta ki
choTi par pahuncha diya tha.

-----------------------------------
Clip: aayega aanewaala (Mahal,1949)
-----------------------------------

is film ke nirdeshak the Kamal Amrohi.

-------------------------------
KAMAL AMROHI speaks:

aamtaur par kya hota ki ek hi film ke do teen 'unit' mein 'hit' ho jaane ke baad
aadmi sochta hai ki main 'director' bhi ban jaayun. lekin mere saath aisa waaqya
naheen huya, aur maine kabhi naheen kahaa ki aise kachchepan ke saath main
chaloon. lekin aage chalke mujhe yeh ahsaas ho gaya ki mujhe isi 'line' pe
chalna hai, yaa isi raaste se guzarnaa hai. film kis tarah 'direct' kee jaati
hai, uske liye kya kya baaten jaanna zaroori hai aur kin kitaabon ka mutaalaa
karna chaahiye , aise kaun se baDe 'directors' huye hain jinhone filmon ko pehli
sabaq paDhaaya hai, bahut se 'screenplays' maine paDhe, aur 13 saal ke baad
maine pehli 'picture direct' karne ka qadam uThaaya, jab mujhe kam se kam yeh
ahsaas ho gaya tha ki main jaan gaya hoon ki 'film director' apna kaun sa
tareeka iKhtiyaar karta hai. darasal meri Khushkismati hai ismein ki Bombay
Talkies jaisi zabardast 'banner' mein apni pehli film 'direct' kee. haan, baDe
tajurbekaar log the, aur tab bhi un logon ko thoDaa thoDaa shaq tha ki main
achchhi tareeke se likh to sakta hoon lekin 'direction' ki takneek se main itni
achchhi tarah se na guzar sakoon. jin logon ne woh film naheen dekhee hai un
logon se to main kuchh keh naheen saktaa. lekin jin logon ne film dekhee hai woh
aaj tak usko yaad karte dekh mujhe bahut Khushi mehsoos hoti hai.
-------------------------------

-----------------------------------
Clip: aayega aanewaala (Mahal,1949)
-----------------------------------

san 1949 mein hi pradarshit huyi Raj Kapoor ki film Barsat. sangeetkaar joDi
Shankar Jaikishan ki yeh pehli film thi. is film ki zabardast kaamyaabi ne na
keval Raj Kapoor ko balki Nargis, Nimmi, Shankar Jaikishan, Hasrat Jaipuri,
Shailendra aur Mukesh ko bulandiyon par laa khaDaa kiya.

----------------------------------------
SHANKAR speaks:

pichhle 25-30 saalon mein is Shankar Jaikishen ne aapki seva mein itne saare
dhune tayyaar kiye hain ki unmein se kuchh geeton ko chunne baitha hoon to ulajh
kar reh gaya hoon. kise bhool jaayun, kise yaad rakhoon. saamne 'records' ka
Dher lagaa hai. har gaane ke saath meeThee yaadon ke sapne saje hain. aankhon ke
saamne maano beeti huye din yun ubhar rahe hain jaise koi film chal rahi ho.
pehla drishya ubharta hai jab main, Jaikishen, Shailendra, Hasrat Jaipuri,
Mukesh aur Raj Kapoor R K Studios mein baithe huye hain aur ho rahi hai geeton
ki barsaat.

Clip: Barsaat mein humse mile tum sajan (Barsat,1949)

Barsat ke baad Awara...

Clip: Awara hoon (Awara,1951)

Shree 420...

Clip: Ramaiya vattavaiya (Shree 420,1955)

Aah...

Clip: Raja ki aayegi baaraat (Aah,1953)

Boot Polish...

Clip: Hum maywaale polishwale (Boot Polish,1954)

Sangam...

Clip: Bol Radha bol sangam hoga ke naheen (Sangam,1964)

Kal Aaj Aur Kal...

Clip: Tik tik tik chalti jaaye ghadi (Kal Aaj Aur Kal,1971)

Jis Desh Mein Ganga Behti Hai...

Clip: Aa ab laut chalen (JDMGBH,1962)

aur Mera Naam Joker...

Clip: E bhai zara dekh ke chalo (Mera Naam Joker,1970)

aur tabhi jaise film TooT jaati hai

Song: Jaane kahaan gaye woh din (Mera Naam Joker,1970)
------------------------------------------------------

------------------------------------
RAJ KAPOOR speaks:

mera mizaaj laDakpan se aashiqaana tha. samjhe na! bachpan mein jab khelta tha,
naaTak hi khelta tha. aaspaas ke bachchon ko ikaTTha karke, ghar ke naukar
chaakaron ko 'audience' banaata tha, 'ticket print' karta tha, chhoTe chhoTe
naaTaken likhta tha, ghar ki chaadaren, 'table cloth' inke parde banaakar chhoTe
chhoTe naaTak khelta tha. yeh sab jab ham Kalkatte mein the. Bambai pahunchne
par 'school' ke naaTakon mein kaam karne ke saath saath All India Radio par jo
bachchon ka 'programme' hota tha, usmein har aitvaar ko baDe shauk se main hissa
leta tha. kabhi gaata, kabhi laghu-naaTika meion hissa letaa, yahaan tak ki
yahaan ek baar mujhe ek gaane ke liye 'gold medal' inaam bhi diya gaya.

Q: Raj saahab, 'acting' ke saath saath film nirmaaN aur nirdeshan ka kaam aap ne
kis vichaar se shuru kiya?

jaise shrishTi ki rachna ke liye Brahma Vishnu Mahesh teeno hain, waise hi mujhe
apni kalaa ko poora karne ke liye kalaakaar, nirmaata aur digdarshak, teeno
banne ki zaroorat thi. naheen to, iske baGair main apne aap ko kalaa mein
adhoora paata.

Q: achchha Raj saahab, desh ki unnati aur pragati mein filmen kahaan tak
madadgaar ho sakti hain?

film dwaara ham laakhon insaano tak pahunchte hain, unke dil-o-dimaaG tak
pahunchte hain. agar hamaare filmon mein koi sandesh, achchhe Khayaal, jo unki
zindagi se milte julte hon, yaa jise dekhkar log apna rahan sahan aur apni
zindagi ko behetar banaa sake, achchhaaiyon ko apnaakar buraaiyon ko doore karte
huye ek naye samaaj ka nirmaaN kar sake, tab film sahi maaine mein desh aur
jantaa ke liye faaydemand saabit ho sakte hain.
-------------------------------------

------------------------------------------------------------
Clip: aa ab lauT chalen (Jis Desh Mein Ganga Behti Hai,1962)
------------------------------------------------------------

END OF PART 2


PART 3 (The 50s)
****************

50 ke dashak mein Hindi cinema ko B R Chopra, Shakti Samanta, Yash Chopra aur
Hrishikesh Mukherjee jaise nirdeshak, Nadira, Waheeda Rahman, Mala Sinha, Asha
Parekh, Sunil Dutt, Manoj Kumar, Rajendra Kumar, Raj Kumar jaise kalaakaar aur
Madan Mohan, Hemant Kumar, O P Nayyar, Ravi, aur Kalyanji Anandji jaise zaheen
sangeetkaar mile. Madan Mohan ki pehli film thi 1950 mein bani Ankhen, jiske
gaane us zamaane mein behad pasand keeye gaye.

------------------------------------------------------
Song: hamse nain milaalo 'BA pass' karke (Ankhen,1950)
------------------------------------------------------

jaanemaane gaayak aur sangeetkaar Hemant Kumar ne apne 'career' ki shuruwaat kee
Filmistan ki film Anandmath se, jo 'release' huyi san 1952 mein.

------------------------------------
Clip: vandemaataram (Anandmath,1952)
------------------------------------

1952 mein hi Dalsukh Pancholi ki film aasman se O P Nayyar utre maidaan mein.
shuru mein to unke haath maayoosi hi aayi, lekin unki chauthi film Aar Paar ke
geeton ne safalta ke aise jhanDe gaaDhe ki har sunnewaale ke zabaan par Nayyar
ka naam chaDh gaya.

------------------------------------------
Clip: kabhi aar kabhi paar (Aar Paar,1954)
------------------------------------------

------------------------
O P NAYYAR speaks:

taubaa keejiye! ek gaane ki ek hi dhun. iska bhi ek 'interesting' kissa sun
leejiye. ek din Guru Dutt, "baabuji dheere chalna" yeh mukhDaa baDaa pasand tha
usko, woh kehne lage ki 'ismein thoDaa 'modulation' kar do, 'change' kar do',
maine kahaa 'yaar, tum 'situation change' kar do, main bhi dhun 'change' kar
deta hoon!' 'naheen naheen, dhun to mujhe yahi rakhni hai, isko zaraa 'change'
kar do'. 15 dino ke baad maine phir wohi dhun phir usko sunaa dee. kehta hai ki
'ab Theek hai'. yeh 'industry' hai, inko kuchh maaloomaat naheen hai
-------------------------

--------------------------------------------------------
Clip: preetam aan milo (Non-film, C H Atma / O P Nayyar)
--------------------------------------------------------

1956 mein ek film aayi Railway Platform, isi film se shuruwaat kee thi Sunil
Dutt ne apne 'career' ki. aur agle hi saal, yaani 1957 mein, Mother India ki
safalta ne unhe 'star' ka darja dila diya.

---------------------------
SUNIL DUTT speaks:

chand saal ho gaye, Kishore Kumar saahab ko maine baDi mushkil se raazi kiya ki
woh hamaare saath Ajanta Arts Welfare Troupe mein aakar aap ka manoranjan karen.
Kishore Kumar saahab isse pehle 'stage' par naheen gaate the. Khair, ham log
Nathu La aur Gangtok ke beech barf se Dhake huye pahaaDi 'camp' mein pahunche.
hamaare phunchte hi dekhte dekhte sanikon ne lakDee ka ek 'stage' banaaya, aur
Khud baraf par palTi maarkar baiTh gaye. 'programme' shuru kiya to Kishore
saahab 'stage' par gaane ko tayyaar naheen. tay huya ki honTh main hilaayunga,
aur 'stage' par mere peechhe khaDe hokar woh gaayenge. Khair gaana shuru huya
aur kuchh hi der ke baad main honTh hilaate hilate Kishore saahab ke saamne se
haT gaya. Kishore saahab bahut jhillaye lekin taaliyon ki goonj ne unhe gaane
par majboor kar diya.
------------------------------

-------------------------------------------------
Song: mere saamnewaali khiDki mein (Padosan,1969)
-------------------------------------------------

1956 mein pradarshit Guru Dutt ki film CID ka sangeet bhi sangeetkaar O P Nayyar
ne hi diya tha. is film se Hindi cinema ki duniya mein kadam rakha tha Waheeda
Rahman ne.

-------------------------------
WAHEEDA RAHMAN speaks:

uske 'director' the Raj Khosla. maheene do maheene to sirf CID ki 'shooting' ho
rahi thi.

(Dialogues from CID).
--------------------------------

------------------------------------------
Song: jaata kahaan hai deewaane (CID,1956)
------------------------------------------

aur ab baat karte hain 1957 ki. isi baras 3 October ko Vividh Bharati ki aawaaz
pehli baar goonjee fizaayon mein.

"jiska udghosh pehle sirf devtaa kiya karte the, dekhte hi dekhte woh huyi
janvaaNi, beh nikli shabd aur sangeet ki gangaa, is gangaa ko keval bhaagirath
ne hi naheen har ghar ne sameTaa apne 'radio set' mein.

----------------------------------
Clip: signature tune of Akashvaani
----------------------------------

yahi to hai aapki Vividh Bharati"

film sangeet ko lokapriya banaane mein Vividh Bharati ne diya apna amoolya
yogdaan.

-----------------------------------------------------
Medley of popular film song preludes from all decades
-----------------------------------------------------

har daur ka sangeet sirf Vividh Bharati par. Vividh Bharati, aapka jeevan
sangeet.

1957 mein hi jahaan Vividh Bharati se prasaaraN ka ek naya daur shuru huya,
waheen darshakon ke liye B R Chopra le aaye film Naya Daur.

------------------------------
B R CHOPRA speaks:

mera naam B R Chopra, poora naam Baldev Raj, poori film line mein ek hi shakhs
hai jo mujhe Baldev ke naam se pukaarta hai, aur woh hain daadaamuni Ashok
Kumar. ek din Baldev ne ek badmaashi kee, aur ek angrezee film dekhee. Arya
Samaaj ke jalse mein jaane ka bahaana karke gzya tha, waapas lauTe to der ho
chukee thi. pitaaji ne poochha ki 'kahaan se aa rahe ho bhaai?', Arya Samaaj ke
usoolon par chalnewaale Baldev se jhooTh na bola gaya. pitaaji sach se hush ho
gaye, magar aainda filmen dekhne par paabandi lagaa dee. 'college' mein likhne
ka shauk paida ho gaya. paDhaai ke saath saath 'magazines' mein Khoob likhe.
kabhi kahaani, kabhi fasaana, kabhi 'film review', kabhi 'article'. aur baad
mein achchha Khaasaa 'writer' maana jaane lagaa. thoDe bahut rupay bhi kamaaye.
angrezee mein MA kiya aur pitaaji ki Khwaahish aur apne Khwaabon ko poora karne
ke liye ICS ke imtihaan mein baiThaa. badkismati se kaamyaab na ho sakaa. bahut
dukh huya. duniya se kinarakashi kar lee, aur zindagi ko Khatam karne ka iraada
kar liya. us waqt pitaaji ne kahaa, 'Baldev, yeh saraasar buzdilee hai, zindagi
ka muqaabla na munh chhupaakar hota hai aur na sar jhukaakar'.
---------------------------------

-------------------------------------------
Clip: na munh chhupaake jeeyo (Humraz,1967)
-------------------------------------------

1958. is baras Filmalaya ki neev rakhi Filmistan se alag huye Sasadhar Mukherjee
ne. Dil Deke Dekho is 'banner' ki pehli film thi jismein Usha Khanna ko pehli
baar sangeet dene ka mauka mila tha.

---------------------------------------------
Song: pyar ki qasam hai (Dil Deke Dekho,1958)
---------------------------------------------

ab tak baal bhumikaaon mein nazar aati rahi Asha Parekh ki bhi bataur naayika
yeh pehli film thi.

--------------------------------
ASHA PAREKH speaks:

kai saal pehle ham log ek film ki 'shooting' kar rahe the Darjeeling mein.
'location' par kaafi pehle pahunch gaye, lekin kismat ki baat kahiye ki us din
baadal chhaaye huye the, 'director' saahab kaafi pareshaan huye. ham logon ne
bhi kahaa ki aaj 'shooting' karna mumkin naheen hai. sardi bhi kaafi hai.
behetar yeh hoga ki ham log 'hotel' lauT chalen. lekin 'director' saahab ne
kahaa 'sooraj zaroor niklegaa'. aur ham logon ke paas wahaan Thaharne ke alaawa
koi chaara na tha. kuchh log taash khelne lage, kuchh ne aapas mein gapshap
shuru kar dee. aur main ek pagDanDi par chalte chalte ek pahaaD ke upar
pahunchee, ek ghanee peD ke neeche baiThee, hawaa ka halka sa ek jhonka meri
jism ko chhoota huya guzar gaya. yeh aankhen Khud ba Khud ban ho gayi, aur ek
ajnabi aawaaz mere kaano se Takraane lagi.
--------------------------------

-------------------------------------------------
Clip: tum bin jaayun kahaan (Pyar Ka Mausam,1969)
-------------------------------------------------

1958 mein hi Bimal Roy ne saamaajik samasyaaon se haTkar rahasya, romaanch aur
punarjanam ko apni film ka vishay banaaya aur apne is prayog mein we safal bhi
rahe. sangeetkaar Salil Choudhary ke sangeet se sajee yeh film thi Madhumati
jise logon ne bharpoor saraaha. aap ko yeh bhi bataa den ki Madhumati ki kahaani
Ritwik Ghatak ne likhi thi

--------------------------------------
Song: aaja re pardesi (Madhumati,1958)
--------------------------------------

1958 mein hi Shakti Samanta ne nirmaaN kiya Howrah Bridge ka.

-------------------------------
SHAKTI SAMANTA speaks:

main UP se aaya tha, to Hindi aur Urdu ke upar thoDi si, matlab, 'hold' tha
mera. to Phani-da ko hamesha Bangla mein 'dialogue' likhne ki bahut aadat thi.
woh Bangla mein likh liya karte the to mujhe kehte the ki isko Hindi mein
'translate' kar do. to main kar diya karta tha. Khair, Pahni-da ke saath maine 3
'picture'-on mein kaam kiya.
---------------------------------

------------------------------------------
Clip: aaiye meherbaan (Howrah Bridge,1956)
------------------------------------------

50 ke dashak ke aahir mein Samrat Chandragupt, Madari aur Satta Bazar jaisi
filmon se sangeet ki duniya mein qadam rakhaa Kalyanji Veerji Shah ne. lekin
bahut hi jald unhone apne chhoTe bhaai Anandji ke saath milkar joDee banaaee
jise aap aur ham jaante hain Kalyanji Anandji ke naam se.

----------------------------------
KALYANJI speaks:

sangeet apne jeevan mein is tarah samaa gaya hai ki iske baGair zindagi ka har
pehlu adhoora sa lagta hai. chaahe Gham ho, chaahe Khushi ho, insaan ke janm se
lekar mrityu tak ke har prasang mein sangeet ko bahut baDaa makaam diya jaata
hai. aur inhi prasangon ko ham apni filmon mein kaise sangeet dwaara ubhaarte
hain yeh ham aapko sunaayenge. ab dekhiye na yeh geet us samay ka hai jab kisi
bachche ka janm huya hai, parivaar mein Khushiyaan manaaee jaa rahi hai,
shubhkaamnaaen dee jaa rahi hain, aur saara ghar Khushiyon ki deep maalaa jalaa
rahi hai.
-----------------------------------

-------------------------------------------------------------
Clip: badhaai ho badhaai janam din ki tumko (Mere Munne,1967)
-------------------------------------------------------------

END OF PART 3



PART 4 (The 60s)
****************

san 1960. duniya ke saamne aaya K Asif ka azeem shaahkaar, Mughal-e-Azam.

-----------------------------------------------------------------
Dialogues between Prithviraj Kapoor & Dilip Kumar (Mughal-e-Azam)
-----------------------------------------------------------------

Dilip Kumar aur Madhubala abhineet is film ke nirdeshak the K Asif aur
sangeetkaar Naushad.

--------------------------------------------------
Clip: pyaar kiya to Darna kya (Mughal-e-Azam,1960)
--------------------------------------------------

hazaaron sheeshon mein "pyaar kiya to Darna kya" geet par nritya karti Madhubala
ka aks aaj bhi darshakon ko achambhit kar deta hai. is drishya ke filmaankan ka
100 fisadi shrey jaata hai is film ke 'cameraman R D Mathur ko.

-------------------------
R D MATHUR SPEAKS:

aap ne film Mughal-e-Azam mein Madhubala ko sheesh mahal mein gaate dekha hogaa
aur sunaa hogaa, "pyaar kiya to Darna kya". is geet ne aap ki hi naheen meri bhi
raaton ki neend uDaa dee thi. jab Art Director Sayyad saahab ne K Asif ke sapnon
ka sheesh mahal 'set' tayyaar karaana shuru kiya, to Khabar yeh aayi thi ki isko
'photograph' karna bahut mushkil hai kyunki aaeene ka 'photo' kheenchnaa
naamumkin baat thi. isse pehle sheeshe ka 'set' kabhi tayyaar hi naheen huya
tha. main na jaane kis xxxx mein Asif saahab se keh chuka tha ki kisi na kisi
tarah se 'set' ko 'photograph' kar liya jaayega. bas kuchh mat poochhiye, kya
kya tarkeeben karni paDee! tab kahin jaakar yeh Khoobsoorat 'set' aapke saamne
nazar aaya.
-----------------------------

60 ke dashak mein ek jahaan Dharmendra, Rajesh Khanna, Biswajit aur Joy
Mukherjee jaise abhinetaa aur Mumtaz aur Hema Malini jaisi abhinetriyon ne
'star' ka darjaa haasil kiya, to waheen doosri taraf R D Burman aur Laxmikant
Pyarelal agraNi sangeetkaaron ki kataar mein aa khaDe huye. Anjaan aur Anand
Bakshi jaise geetkaar bhi isi dashak mein apni pehchaan banaane mein kaamyaab
huye.

-----------------------------
ANAND BAKSHI SPEAKS:

saathiyon, yeh to honewaali baat thi ki aaj bajaaye sangeen ke mere haath mein
kalam hai. is filmi duniya mein bhi aap ka seekhaaya huya sabak bhulaaya naheen
hai.
------------------------------

--------------------------------------------------------
Clip: watan pe jo fidaa hogaa (Phool Bane Angaarey,1963)
--------------------------------------------------------

Shobhana Samarth dwaara nirmit 1960 mein pradarshit film Chhabili se Nutan ne
apni gaayan se sangeet-preemiyon ka dil moh liya.

-----------------------------------------------------
Clip: ae mere hamsafar rok apni nazar (Chhabili,1960)
-----------------------------------------------------

san 1961 mein sangeetkaar Snehal Bhatkar ne apni dhun par gaane ka mauka diya
Mubaraq Begum ko, jo kareeb 12 saalon se apni pehchaan banaane ke liye
chhaTpaTaa rahi theen.

-----------------------------------
MUBARAQ BEGUM SPEAKS:

Q: taaleem aapki Urdu mein huyi na?

Urdu mein, taaleem kya Kamal saahab, aap jaante hain pehle ke zamaane mein
laDkiyon ko paDhaana likhaana zyaada seekhaaya naheen jaata tha. aur hamaare
saath bhi yeh huya ki paach chheh chaupDiyaan paDh lee. chaupDiyaan 'means'
kitaaben, aur likhna to seekhaaya hi naheen. log kehte the ki isey zyaada
paDhnaa likhna seekhaana naheen, naheen to ghar se bhaag jaayegi Khat likhke.
-----------------------------------

---------------------------------------------------------
Clip: kabhi tanhaaiyon mein yun (Hamari Yaad Aayegi,1961)
---------------------------------------------------------

is geet ko aaj Hindi cinema ke sarvashreshTh geeton mein chunaa jaata hai.
geetkaar the Kidar Sharma aur film Hamari Yaad aayegi.

san 1963 mein filmi duniya chaundhiya uThi Parasmani se. is film ke sangeetkaar
the paaras pratibhaa ke dhani Laxmikant Pyarelal.

--------------------------------------------------------
Clip: woh jab yaad aaye bahut yaad aaye (Parasmani,1963)
--------------------------------------------------------

----------------------------
PYARELAL SPEAKS:

Laxmikant Pyarelal ka namaskaar! ab main yeh kyun keh raha hoon Laxmikant aur
Pyarelal ka namaskaar, yeh isliye ki main samajhtaa hoon ki Laxmikant ab bhi
mere saath mein hai, lekin main keh raha hoon Pyarelal ka namashkaar leejiye.
-----------------------------

------------------------------------------------------------------
Clip: mera to jo bhi qadam hai woh teri raah mein hai (Dosti,1964)
------------------------------------------------------------------

1965 mein aayi Vijay Anand dwaara nirdeshit film Guide. Dev Anand aur Waheeda
Rahman dwaara abhineet aur Sachin Dev Burman dwaara sangeetbaddha is film ko aaj
bhi sarvashreshTh bhaartiya filmon ki shreNi mein rakha jaata hai. yeh film
aadhaarit hai suprasiddha upanyaaskaar R K Narayan ke upanyaas par.

----------------------------
DEV ANAND SPEAKS:

yeh kahaani ek saadhu mahaatma ki hai jinhone 12 din tak lagaataar vrat rakhaa
aur bhagwaan ko paani barsaane par majboor kar diya.
----------------------------

------------------------------------------
Clip: aalaah megh de paani de (Guide,1965)
------------------------------------------

is film ke mahatwa ka pataa is baat se chalta hai ki haal hi mein Cannes Film
Festival mein is film ko phir se shaamil kiya gaya hai.

1966 mein duniya ko film jagat se mile Phool Aur Patthar. isi film se Dharmendra
ko 'He-Man' ka rutbaa haasil huya.

-----------------------------
DHARMENDRA SPEAKS:

Ghalib ne Theek hi to kahaa hai ki "ham wahaan hain jahaan se hamko bhi hamaari
Kahbar naheen aati", haan ek baat zaroor kahoonga ki Kalidas ne hazaaron saal
pehle jis naaTak ko janm diya tha, usi naaTak ka ek roop hai aaj ki filmen, aur
ham kalaakaaron ke saamne har film ek tajurbaa hai, ek nayi chunauti hai. is
naaTak ko karte karte ham kabhi kabhi zindagi ko bhi bhool jaate hain. kabhi
kuchh paate hain, kabhi kuchh khote hain, main aaj tak jo paaya hai us par
itraaya bhi. aur jo khoyaa hai usey bhulaaya naheen.
-----------------------------

---------------------------------------------------------------------------
Clip: dekha hai zindagi ko kuchh itne kareeb se (Ek Mahal Ho Sapno Ka,1975)
---------------------------------------------------------------------------

1966 mein hi bankar tayyaar huyi rahasya romaanch se bhari Teesri Manzil, jiske
'record' toD safaltaa ne Rahul Dev Burman ke 'career' ko aasmaan ki bulandiyon
par pahunchaaya hi, Prem Nath ko A-grade khalnaayakon ki kataar par laa khaDaa
kiya.

----------------------------
PREM NATH SPEAKS:

us zamaane mein Film Institute Poona to tha naheen, mujhe 'college' mein 'fancy
dress competition' mein 'first prize' milaa, chhoTe moTe 'plays' keeye. Khaas
koi aise 'professional actor' ka 'standard' naheen tha yaa 'training' naheen
liya. phir Prithviraj-ji ne mujhe 'training' dee Shakuntala mein, Deewar mein,
aur Pathan mein, 1945 se 46 tak
-----------------------------

-------------------------------------------------
Clip: Prelude of "aaja aaja main hoon pyaar tera"
-------------------------------------------------

1966 mein hi Shankar Jaikishan ne film Suraj mein ek nayi gaayika Sharda ko
mauka diya tha. Sharda ka gaaya film Suraj ka yeh geet na sirf us zamaane mein
behad lokapriya huya balki is geet ne Sharda ki jholi mein saal ka sarvashreshTh
gaayika ka Filmfare puraskaar bhi Daal diya.

----------------------------------------
Clip: titli uDi uD jo chali (Suraj,1966)
----------------------------------------

san 1966 mein film Upkar se Manoj Kumar nirmaata, nirdeshak aur lekhak ke roop
mein saamne aaye, aur Khud ko saabit bhi kiya. Upkar darshakon dwaara Khoob
saraahi gayi. abhi tak khalnaayak ke roop mein nazar aanewaale Pran ne pehli
baar ek sakaaraatmak charitra nibhaakar apni chaavi ko badalne ki koshish kee
aur woh ismein kaamyaab bhi rahe. film Upkar ne Manoj Kumar ko ek deshbhakt
kalaakaar ke roop mein sthaapit kar diya.

------------------------------
MANOJ KUMAR SPEAKS:

vaastav mein is tirange ke teen rang - shaanti, prem aur ahimsaa ke prateek hai.
"Shivji yeh naheen par phir bhi sar se behti Khoon ki gangaa hai, jo ek jawaan
ka haath kaTaa dooje ke haath tiranga hai"
-------------------------------

------------------------------------------------
Clip: mere desh ki dharti sona ugle (Upkar,1966)
------------------------------------------------

san 1968 mein film Sapnon Ka Saudagar se Hindi cinema ko aanewaale samay ki
swapna sundari mili - Hema Malini.

-------------------------------
HEMA MALINI SPEAKS:

mujhe bachpan se hi 'dance' ka shauk raha hai. meri maa ne is shak ko dekhaa,
samjhaa aur poora karwaaya. bhaaiyon, mujhe nritya ka shauk, aur meri maa ko
mujhe ek kalaakaar banaane ka shauk, aur nateejaa, jee haan, is nritya kalaa ki
vajah se hi mujhe filmon mein kaam karne ka mauka milaa hai.
-------------------------------

-----------------------------------------------------------------
Clip: seekha naheen sabak tune pyaar ka (Sapnon Ka Saudagar,1968)
-----------------------------------------------------------------

aur 1969 mein bani film Saat Hindustani se aanewaale samay mein kadoDon
hindustaaniyon ko milaa unka 'superstar'

-------------------------------
AMITABH BACHCHAN SPEAKS:

main, yaani Amitabh Bachchan, shuru shuru mein log mujhse kehte 'yeh bhi koi
naam huya, Amitabh, baDaa ajeeb sa naam hai, aur saath mein Bachchan, log tujhe
bachcha kahenge'. mere saathiyon ka vichaar the ki mujhe is naam se prasiddhi
naheen milegi. lekin maine koi aur naam rakhne ka sweekaar naheen kiya, aur aaj
mera yeh vishwaas rang laaya hai.
--------------------------------

-----------------------------------------------------
Clip: ee hai Bambai nagariya tu dekh babua (Don,1978)
-----------------------------------------------------

60 ke dashak ke uttaraardh mein ek naye kism ka cinema astitva mein aaya jise
kalaa yaa samaanaantar cinema ka naam diya gaya. iski shuruwaat huyi Mrinal Sen
ki film Bhubon Shom aur Basu Cahtterjee ki film Saara Akash se. 70 ke dashak
mein samaanaantar cienma ek aandolan ka roop le liya. us daur mein Shyam
Benegal, Govind Nihalani, M S Sathyu, Mani Kaul, Jabbar Patel aur Ketan Mehta
jaise kai film kaaron ne Uski Roti, Ankur, Bhumika, Ardha Satya, Garam Hawa,
Mirch Masala, aur Party jaisi filmen banaaee.

---------------------------------------------------
Clip: saawan ke din sajanwa aan milo (Bhumika,1977)
---------------------------------------------------

70 ke baad ke film yaatra ka haal aapko denge hamaare saathi Yunus Khan aur
Kiran Gwalani.

END OF PART 4



PART 5 (The 70s)
****************

70 se aage ke dashakon ki cineyaatra aap tay karenge Yunus Khan...

aur Kiran ke saath...

san 1970 mein Hrishikesh Mukherjee ki film Anand pradarshit huyi. is film ke
naayak the Rajesh Khanna.

-----------------------------------------------------------
Dialogues betwn Rajesh Khanna & Amitabh Bachchan from Anand
-----------------------------------------------------------

Hrishikesh Mukherjee mulatah 'film editor' the.

---------------------------------
HRISHIKESH MUKHERJEE SPEAKS:

'editor' ke liye nirdeshak banna bahut aasaan hai. film to 'editing' se hi banta
hai na, tukDaa tukDaa aata hai, 'join' karke film banta hai. to 'editor' ko
'knowledge' hota hai sabkaa ki kaise 'sound' Daalna paDtaa hai, kaise 'music'
Daalna paDta hai, sab 'editor' ka kaam hai, to 'editor' ke liye 'director' banna
bahut aasaan hai.
---------------------------------

san 1957 mein Dilip Kumar abhineet film Musafir se unhone nirdeshan ke kshetra
mein kadam rakhaa. bahut jald woh kam 'budget' ki saaf suthri filmon ke nirmaaN
ke liye mashoor ho gaye.

-------------------------------------------------
Clip: zindagi kaisi hai paheli haaye (Anand,1970)
-------------------------------------------------

70 ka dashak ek baar phir se Hindi cinema ke liye khaasaa utaar chDhaav bharaa
raha. 1973 mein pradarshit Prakash Mehra ki film Zanjeer ki zabardast safaltaa
ne 'super stardom' ka taaj ab Amitabh Bachchan ke sar pe rakh diya tha. Pran ne
Zanjeer mein naayak ki paThaan dost ki bhoomika nibhaakar darshakon ki Khoob
waah-waahi baToree. Pran par filmaaya Zanjeer ka yeh geet aaj bhi unke yaadgaar
geeton mein shaamil hai.

------------------------------------------
Clip: yaari hai imaan meraa (Zanjeer,1973)
------------------------------------------

Mera Naam Joker ki shuruwaati asafalta ne Raj Kapoor ko kam 'budget' ki film
Bobby banaane ke liye prerit kiya. is film mein Raj Kapoor ne ek nayi 'team'
banaayi. 'team' mein shaamil the Laxmikant Pyarelal, Anand Bakshi, Indrajit
Singh Tulsi aur Vitthalbhai Patel. puraani 'team' se sirf Lata Mangeshkar yahaan
shaamil theen.

-------------------------------------------
Clip: jhooTh bole kauwaa kaaTe (Bobby,1973)
-------------------------------------------

Raj Kapoor ke kishore beTe Rishi Kapoor aur naya chehra Dimple Kapadia is film
ke naayak naayika the. film Bobby se Hindi cinema ko ek naya gaayak milaa, aur
woh gaayak the Shailendra Singh.

-----------------------------------------
Clip: main shaayar to naheen (Bobby,1973)
-----------------------------------------

70 ka dashak jahaan ek taraf 'super star' Amitabh Bachchan ke uday ka gawaah
hai, waheen doosri taraf Rahul Dev Burman, Laxmikant Pyarelal, aur Kalyanji
Anandji jaise sangeetkaaron ke 'career' ka 'graph' bhi lagaataar upar uThtaa
nazar aaya. hamesha apne samay se aage rahe hain nirmaata nirdeshak aur
abhinetaa Dev Anand. san 1971 mein pradarshit huyi film Hare Rama Hare Krishna.

-------------------------------------------------
Clip: dam maaro dam (Hare Rama Hare Krishna,1971)
-------------------------------------------------

is film ki zabardast safaltaa ne sangeetkaar Rahul Dev Burman ke 'career' ke
'graph' ko upar uThaa diya.

-------------------------------
R D BURMAN SPEAKS:

1957 ki baat kar raha hoon, pehli dafaa is filmi duniya mein 'as music director'
kadam rakha, film thi Chhote Nawab. unse Darte Darte kahaa ki 'yeh gaana agar ek
baDhiyaa 'singer' gaaye to achchha hai'. unhone poocfhha 'kaun?' to 'naturally'
mere dil mein aaya ki Lataji gaaye to achchha hai. unse milaa to kahaa ki 'haan,
koi kaam ke liye zaroor aaye honge'. maine kahaa 'haan, bahut chhoTa sa kaam
hai, lekin aap agar kar dengi to mere liye bahut baDaa kaam ho jaayega. ek gaana
gaana paDegaa, main chaahta hoon ki mere zindagi ka pehla gaana aap gaayen'. to
unhone kuchh do teen jagahon par 'phone' keeye, karne ke baad kahaa ki 'chalo
tumhaare pehle gaane ke liye main teen din ke andar 'date' deti hoon' aur maine
unko woh gaana sunaaya. gaana sunne ke baad bahut aashirvaad diya, shaayad woh
kaam aaj bhi aa raha hai, aap sun leejiye.
---------------------------------

---------------------------------------------
Clip: ghar aaja ghir aaye (Chhote Nawab,1961)
---------------------------------------------

70 ke dashak mein ek naye sangeetkaar Ravindra Jain ka aagaman huya. Ravindra
Jain Rajashree Productions ki filmon ka ek aham hissa ban baiThe. Rajshree
Productions kam 'budget' ki saaf suthri filmon ke liye mashoor tha. in filmon
mein bhaaratiya shaastriya sangeet aur lok sangeet ka baaKhoobi istemaal kar
Ravindra Jain ne apna ek sammaanjanak sthan banaa liya. apne samkaaleen
sangeetkaaron ke viparit Ravindra Jain ne kamcharchit gaayak gaayikaaon ke saath
milkar apni ek alag 'team' banaayi. in gaayak gaayikaaon mein pramukh the
Yesudas, Jaspal Singh, aur Hemlata.

------------------------------------------------
Clip: jogi ji waah jogi ji (Nadiya Ke Paar,1982)
------------------------------------------------

sahi maaeenon mein Hemlata ko Rajashree Productions ki filmon se hi gaayika ke
roop mein pehchaan mili. Yesudas ko bhi Rajashree productions ki filmon ne hi
pehchaan dee. shaaastriya sangeet mein paarangat Yesudas ne Ravindra Jain ke
sangeet mein sangeetpremiyon ko ek se baDhkar ek madhur geet deeye.

--------------------------
YESUDAS SPEAKS:

aaj main Khud ko aap ke saamne paakar kitna Khush hoon bataa naheen saktaa. yeh
aapka apna Yesudas aapko aur aapki bahaaduri ko baar baar salaam karta hai.
mujhe Khushi hai ki aap se baaten karne ka mauka milaa.
---------------------------

----------------------------------------------------
Clip: chaand jaise mukhDe pe (Sawan Ko Aane Do,1979)
----------------------------------------------------

lekin yeh bhi sach hai ki 70 ke dashak ke madhya tak Hindi cinema Amitabh
Bachchan ke 'angry young man' ki chhavi se poori tarah prabhaavit ho chalaa tha.
moTe taur par ab sirf do tarah ki filmen ban rahi thi, ek taraf Sholay, Deewar,
Amar Akbar Anthony, Trishool, Don jaisi 'starcast' waali bhaari bharkam filmen,
aur doosri taraf kam 'budget' ki woh filmen jo aam zindagi se juDee huyi thi.
amuvan in halki fulki filmon ke naayak ke roop mein nazar aate the Amol Palekar.

---------------------------------------------
Clip: suniye kahiye (Baaton Baaton mein,1979)
---------------------------------------------

san 1975 mein pradarshit huyi film Sholay. Sholay ne safalta ke kai 'records'
kaayam keeye. Dharmendra, Amitabh Bachchan, Sanjeev Kumar, Hema Malini aur Jaya
Bhaduri jaisi sitaaron ke beech ek bilkul naye abhineta Amjad Khan ne Gabbar
Singh ki bhumikaa mein jaan phoonk kar darshakon ko achambhit kar diya. Sholay
mein bole gaye Gabbar Singh ke samvaad bachche bachche ke zubaan par chhaa gaye.

-----------------------------------
Dialogues of Amjad Khan from Sholay
-----------------------------------

aur saath hi chha gaya iska madhur sangeet jiski rachnaa Rahul Dev Burman ne kee
thi.

-------------------------------------
Clip: mehbooba mehbooba (Sholay,1975)
-------------------------------------

Sholay ke pradarshan ke agle hi saal, yaani 1976 mein aayi Yash hopra ki film
Kabhi Kabhie.

----------------------------
KHAYYAM SPEAKS:

aapka aur mera rishtaa bahut puraana hai. fauj ka mujhpar bahut baDaa ahsaan
hai, 'discipline and duty', bhale kitni hi kaThinaai aaye, dushvaari aaye, lekin
apni manzil tak pahunchnaa, yeh usool main apne sangeet mein nibhaane ki koshish
karta hoon.
-----------------------------

sahee maaeenon mein yahi woh film thi jiske sangeet ki zabardast safaltaa ne
sangeetkaar Khayyam ko 70 ke dashak ke agarNi sangeetkaaron ki kataar mein laa
khaDaa kiya.

---------------------------------------------------
Clip: kabhi kabhi mere dil mein (Kabhi Kabhie,1976)
---------------------------------------------------

san 1978 mein aayi film Muqaddar Ka Sikandar. Amitabh Bachchan, Rakhi aur Rekha
ki mukhya bhumikaayonwaali is film mein safaltaa ke kai 'record' kaayam keeye.
Kalyanji Anandji dwaara sangeetbaddha is film ke geet likhe the Prakash mehra
aur varishTh geetkaar Lalji Pandey ne, jinhe ham aur aap Anjaan ke naam se
jaante hain. agar dekhaa jaaye to 70 ka dashak Anjaan ke 'career' ke liye bahut
shubh saabit huya.

-------------------------------
ANJAAN SPEAKS:

film geetkaar banne ke baad pataa chalaa ki apni pasand kai pasandon ke ghere
mein bandh jaati hai, phir bhi kabhi kabhi kuchh ek aise geet hote hain jinmein
apne man ki baat kehne ka bhi mauka milta hai, main ek aisa geet lataji ke swar
mein gaaya huya sunwaana chaahoonga, film ka naam hai Shubhkaamna, aur R D
Burman-ji ke sangeet mein Lata-ji ne ise kaise gaaya hai aur maine kya likha
hai, iska andaaza aap yeh geet sunkar swayam lagaa leejiye.
--------------------------------

-------------------------------------------------------
Clip: haal prabhaati sunaaye jagaaye (Shubhkaamna,1983)
-------------------------------------------------------

END OF PART 5



PART 6 (The 80s)
****************

80 ka dashak ek baar phir se gawaah banaa kai utaar chaDhaavon ka. is dashak
mein kai fankaar aise aaye jinhone puraano ki jagah le lee. lekin kuchh puraane
fankaar aise bhi the jinhone na keval apni jagah banaaye rakhi balki apni kalaa
ke zariye logon ko achambhit karne mein koi kasar naheen chhoDee.

-----------------------------------------------
Clip: yeh kya jagah hai doston (Umraojaan,1981)
-----------------------------------------------

Muzaffar Ali dwaara nirdeshit is film mein sangeetkaar Khayyam, gaayika Asha
Bhosle aur abhinetri Rekha ko kalaa ki nayi oonchaaiyon tak pahunchaa. is film
ke gaane likhe the Shahryar ne. is film mein Asha Bhosle ki gaayi Ghazlen aaj
bhi sunnewaalon ka man moh lene mein utni hi saksham hai.

-------------------------------------------------
Clip: dil cheez kya hai aap meri (Umraojaan,1981)
-------------------------------------------------

san 1981 mein aayi film Kranti. is film ki safaltaa ne anoj Kumar ki deshbhakt
waali chhavi ko aur mazbootee dee. baDi 'budget' ki yeh 'multi starrer film'
darshakon ko lubhaane mein poori tarah kaamyaab rahi.

-----------------------------------------------------
Clip: ab ke baras tujhe dharti ki raani (Kranti,1981)
-----------------------------------------------------

80 ka dashak poori tarah se naye naye naye aaye Anil Kapoor, Sunny Deol, Aamir
Khan, aur Salman Khan ke naam raha. is dashak mein Vidhu Vinod Chopra, Sudhir
Mishra, Suraj Barjatya aur Ram Gopal Varma ne bataur nirdeshak apni pehchaan
banaaee. Anand Milind, Anu Malik aur Nadeem Shravan jaise sangeetkaaron ne bhi
isi dashak mein apne 'career' ka shree gaNesh kiya. 80 ke dashak mein ek baar
phir se prem kahaaniyon ka daur shuru huya. aur Love Story, Betaab, Hero,
Qayamat Se Qayamat Tak aur Maine Pyar Kiya jaisi filmen banee aur behad kaamyaab
rahi.

----------------------------------------
Clip: jab ham jawaan honge (Betaab,1983)
----------------------------------------

Salman Khan ki bataur naayak pehli film thi Maine Pyar Kiya. san 1989 mein
pradrshit huyi yeh film Rajashree Productions ki saaf suthri paarivaarik filmon
ki parampara ko banaaye rakhaa.

-----------------------------------
SURAJ BARJATYA SPEAKS:

woh filmen bane jo sab saath mein baiThke dekh sake. mujhe lagta hai woh 'time'
woh tha jab woh shuru mein huye the, us zamaane mein filmon ka 'business',
matlab, achchha naheen maanaa jaata tha. to hamesha chaahte the ki woh aisi
filmen banaaye jo unke naanaaji, unki naaniji, tab dekh sake. to tab se woh
Pondicherry ke bahut bhagat the 'mother' ke, to us aadarsh se bhi chaahte the ki
'family' filmen bane. tab se leke aaj tak jo maahaul maine dekha hai 'as a
director', chaahe woh Rajashree ke is 'office' mein, chaahe woh us maahaul mein
jismein ham pale baDhe, kyun ki ham sab 13 log saath mein rehte hain, to jo
filmon mein aaya hai, woh jo roz marra ki zindagi hai wohi aayi hai.
------------------------------------

lekin is 'banner' ki kam 'budget' aur saadgee ki parampara zaroor film Maine
Pyar Kiya se TooT-ti nazar aayi. baDi 'budget' ki aur tamaam chamak damak se
bhari yeh film Suraj Barjatya ki bataur nirdeshak pehli film thi.

------------------------------------------------------
Clip: dil deewaana bin sajna ke (Maine Pyar Kiya,1989)
------------------------------------------------------

80 ka dashak kai fankaaron ke liye shubh raha. san 1971 mein aayi thi film Lal
Patthar aur is film ka ek geet baDaa hi kaamyaab huya tha, Kishore Kumar ne isey
gaaya tha, bol the "geet gaata hoon main, gungunaata hoon main". is geet ka zikr
isliye kyunki yeh geet geetkaar Dev Kohli ke kalam se niklaa tha. apne is pehle
hi geet se beshumaar lokpriyata haasil karne ke baawjood Dev Kohli gumnaami mein
khoye rahe. 18 saalon ki sangharsh ke baad 1989 mein bani film Maine Pyar Kiya
ke geeton ne Dev Kohli ko lokpriyata ke shikhar par pahuncha diya.

-------------------------------------------------
Clip: aaja shaam hone aayi (Maine Pyar Kiya,1989)
-------------------------------------------------

idhar aaj ke vyastatam geetkaaron mein se ek Sameer ne apna pehla geet "gori
pareshaan hai kaali pareshaan" san 1983 mein bani film Bekhabar mein likha tha.

------------------------------
SAMEER SPEAKS:

tabhi kahin se dil-o-dimaag mein naheen thi ki mujhe kavi banna hai, yaa
geetkaar banna hai. bas shauk tha aur main shauk ki tarah karta gaya, aur maine
pehli kavitaa likhi jab main '12th standard' mein tha, aur mujhe yaad hai us
daur mein naye kavitaaon ka ek silsilaa chala huya tha, to mujhe yaad hai
'college' mein ek pratiyogita unhone rakha huya tha ki 'bhai aap log nayi
kavitaaen le aaiye, sabko puraskaar diya jaayega'. uski pehli 'line' mujhe yaad
hai ki "garbhavati saDak pe rengtaa huya chaand". baad mein jab kabhi main
tanhaai mein sochta tha to mujhe bhi samajh mein naheen aaya ki yeh maine kya
likha tha, par likh gaya main. aur usmein mujhe pehla puraskaar mila tha.
-------------------------------

san 1982 mein bani film Dil Hi Dil Mein sangeetkaar Mandir Jatin ki pehli film
thi. 1988 mein inki doosri film Bhai ka Dushman Bhai pradarshit huyi. lekin yeh
dono filmen kab aayi aur kab gayi pataa hi naheen chalaa. phir Jatin Lalit ki
joDee ke roop mein 1991 ki film Yaara Dildara pradarshit huyi. is film ki
safaltaa ne maano is sangeetkaar joDee ke 'career' ko pankh lagaa diya.

---------------------------------------------------------
Clip: bin tere sanam mar miTenge ham (Yaara Dildara,1991)
---------------------------------------------------------

iske baad to Raju Ban Gaya gentleman aur Khilaadi se lekar Fanaa tak film dar
film ine 'career' ka 'graph' ooncha chaDhtaa gaya.

----------------------------------------------------
Clip: chaand sifaarish jo karta hamaari (Fanaa,2007)
----------------------------------------------------

80 ke dashak mein ek behad guNi nirdeshak ko pehchaan mili. aur woh teh Vidhu
Vinod Chopra, jo pehle Saza-e-Maut aur Khamosh jaisi filmen banaa chuke the. san
1989 mein jab unhone film Parinda banaaee to shaayad unhone bhi naheen sochaa
hogaa ki yeh film aarthik roop se bhi behad kaamyaab rahegi. film Parinda ne
samaalochakon ki bharpoor waahwaahi to baTori hi, aam darshakon ne bhi is film
ko behad pasand kiya.

-------------------------------------------------------
Clip: tumse milke aisa lagaa tumse milke (Parinda,1989)
-------------------------------------------------------

Vividh Bharati Vidhu Vinod Chopra ki aawaaz ko bhi apne Khazaane mein sanjoye
huye hai.

------------------------------
VIDHU VINOD CHOPRA SPEAKS:

bachpan se hi film banaane ka ek sapnaa tha aur yeh ki aap logon ke saath baat
kar sakoon. to yeh mera sapna aaj poora huya. ab main aap logon ka zyaada
takleef na karte huye sabse pehle apni film 1942 A Love Story ka "ek laDki ko
dekha" sunaata hoon.
-------------------------------

---------------------------------------------------
Clip: ek laDki ko dekha to (1942 A Love Story,1993)
---------------------------------------------------

END OF PART 6



PART 7 (The 90s & After)
************************

lambe samay se safalta ki talaash mein bhaTak rahi sangeetkaar joDi Nadeem
Shravan ke liye 1990 ka saal behad bhaagyashaali saabit huya. is saal Nadeem
Shravan ke sangeet se sajee film Aashiqui pradarshit huyi. yeh film apne samay
ki bahut baDi 'hit' saabit huyi. har taraf iske geet goonjne lage aur dekhte hi
dekhte Nadeem Shravan ka naam Aashiqui ke geeton ki tarah har zubaan par chaDh
gaya.

------------------------------------------------------------
Clip: bas ek sanam chaahiye aashiqui ke liye (Aashiqui,1990)
------------------------------------------------------------

90 ke dashak mein ek baar phir se kai behad guNi fankaaron ka 'cinema' ke
kshetra mein aagaman huya. iske saath hi film nirmaaN ke tareekon mein zabardast
badlaav aa gaya. ek waqt tha jab lekhak kahaani lekar nirmaataa ki khoj mein
nikalta tha. kahaani sweekrit hone ke baad nirdeshak ko khoja jaata tha. lekin
90 ka dashak aate aate lekhak kahin peechhe chhooT gaya. yeh zimmeedari
nirdeshak ne le lee. kisi bhi nirdeshak ke paas achchhi kahaani ka hona zaroori
ho gaya. hamaari filmen desh ki seemaayen laanghkar videshi baazaaron tak
pahunch gayeen. nirmaataa ab videshon mein base bhaartiyon ko dhyaan mein
rakhkar filmen banaane lage. film nirmaaN ki laagat kai gunaa baDh gayi. bhaarat
ke gaaon bahut peechhe chhooTte chale gaye. gaaon ki prishThbhoomi par 80 ke
dashak mein bani thi film Nadiya Ke Paar. 90 ke dashak mein bhaari bharkam
laagat se bani chamakti damakti film Hum Aapke Hain Koun. jee haan, Hum Aapke
Hain Koun film Nadiya Ke Paar ki hi 'remake' thi.

---------------------------------------------------------
Clip: didi tera devar deewaana (Hum Aapke Hain Koun,1994)
---------------------------------------------------------

Hindi cinema ke antarraashTriya hone ka faayda mila kshetriya cinema ko. Hindi
cinema se Gaayab huya apnaapan. miTTi se juDe bhaaratiyon ko diya kshetriya
cinema ne diya. swaabhaavik taur par kshetriya cinema se uska juDaav baDhne
lagaa. is dashak mein Shahrukh Khan jaise abhinetaa, A R Rahman aur Ismail
Darbar jaise guNee sangeetkaar, aur Sanjay Leela Bhansali jaise utkrishT
nideshak ko Khaas pehchaan mili. durbhaagya se isi dashak mein 4 January 1994 ko
sangeetkaar Rahul Dev Burman hamaare beech naheen rahe. viDambanaa dekhiye, unke
nidhan ke baad pradarshit huyi film 1942 A Love Story, aur is film ke liye Rahul
Dev Burman ko sarvashreshTh sangeetkaar ka Filmfare puraskaar haasil huya. is
puraskaar ko lene ke liye woh duniya mein zinda naheen the. is film ke geetkaar
the Javed Akhtar.

---------------------------------
JAVED AKHTAR SPEAKS:

fauji bhaaiyon, aaj yeh 'programme' karte huye mujhe yaad aa raha hai ki jab
main 'college' mein paDhta tha, yahi 'programme' kitne shauk se sunaa karta tha.
aaj yeh 'programme' karte huye kitni puraani yaaden mere paas aa gayi hain.
yaadon ko to bahaana chaahiye hota hai aane ka. kabhi geet banke aa jaate hain,
kabhi dost banke aa jaate hain, aur kabhi chiTThi banke.
----------------------------------

-------------------------------------
Clip: sandese aate hain (Border,1997)
-------------------------------------

1996 mein pradarshit huyi Sanjay Leela Bhansali ki pehli nirdeshit film Khamoshi
- The Musical. saaf suthri paTkathaa ke saath bani yeh film darshakon par jaadoo
naheen chalaa paayi. lekin 1999 mein bani unki agli film Hum Dil De Chuke Sanam.
is film ne safalta ke saare 'records' dhwast kar deeye.

-----------------------------------------------------------
Clip: Dholi thaaro Dhol baaje (Hum Dil De Chuke Sanam,1999)
-----------------------------------------------------------

ek baar phir se saabit ho gayi ki aam darshak bhaartiya sanskriti ki buniyaad
par bani filmen dekhna pasand karti hai. Ismail Darbar ke sangeet se sajee yeh
film Hindi cinema ki safaltam filmon ki suchee mein apna naam darj karaa chuki
hai.

----------------------------------------------------------
Clip: ham dil de chuke sanam (Hum Dil De Chuke Sanam,1999)
----------------------------------------------------------

Cineyatra ki gawaah Vividh Bharati. Vividh Bharati ki swarnajayanti ke silsile
mein yeh hai June ki maheene ki vishesh peshkash. Shahrukh Khan 1992 ki film
Deewana se aandhi ki tarah aaye, aur dekhte hi dekhte unhone samooche film udyog
ko apni giraft mein le liya, aur bahut jald woh kehlaane lage Bollywood Ka
Baadshaah. Shahrukh Khan ki is safalta ke peechhe nirmaata nirdeshak Yash Chopra
ka bhi bahut baDaa haath hai. unki filmen Darr, Dilwale Dulhaniya Le Jaayenge,
Dil To Paagal Hai, Mohabbatein, aur Veer Zaara ki safalta ne Bollywood Ka
Baadshaah ke tamuye par Shahrukh ke haq ko aur zyaada mazbootee dee. film
Dilwale Dulhaniya Le Jaayenge Mumbai ke Maratha Mandir 'cinema hall' mein
pichhle 12 saalon, yaani takreeban 625 hafton se lagaataar dikhaayi jaa rahi
hai. yeh apne aap mein ek 'record' hai.

------------------------------------------------
Clip: tujhe dekha to yeh jaana sanam (DDLJ,1993)
------------------------------------------------

-------------------------------
YASH CHOPRA SPEAKS:

waise to main apne man ki baat ane filmon mein keh deta hoon, lekin aaj aap se
milne ar baaten karne ka mauka mila hai. to filmi duniya ki oonch neech aur
kisse kahaaniyaan bataane ke bajaaye aapko yeh bataana chaahoonga ki ab tak main
filmon mein kya kya keh saka hoon aur apni filmon ka zikr isliye karoonga kyunki
har taraf se main inke liye zimmedaar hoon.
-------------------------------

film Veer Zaara ko Madan Mohan ke sangeet bhi yaad rakhaa jaayega. iske geeton
ke liye Yash Chopra ne swargeeya sangeetkaar Madan Mohan ke banaaye dhuno ka
istemaal unke nidhan ke kareeb 30 varshon baad kiya. Yash Chopra ka yeh prayog
safal bhi raha.

------------------------------------------------
Clip: tere liye ham hain jeeye (Veer Zaara,2004)
------------------------------------------------

nayi sadi apne saath badlaav ki aisi aandhi le aayi ki cinema ka chehra poori
tarah se badal gaya. dashakon se chale aa rahe ek pardewaale baDe baDe 'cinema
hall' 'multiplexes' mein tabdeel ho gaye. baDi baDi 'corporate' campaniyaan film
nirmaaN ke kshetra mein utar aayi. film udyog mein paison ki barsaat hone lagi.
laakhon mein bannewaali filmen ab karoDon mein banne lagi. filmon ke vishay bhi
bhaaratiya seemaayen laanghkar antarraashTriya hone lagi. aisi vishayon par bani
Dhoom, Koi Mil Gaya, aur Krishh jaisi filmon ko darshakon ne behad pasand kiya.

-------------------------------------------
Clip: dil na liya dil na diya (Krishh,2006)
-------------------------------------------

lekin isi dashak mein ek naya prayog huya, woh yeh ki 50 ke dashak ki Madhumati
aur 70 ke dashak ki Karz ko milaakar usmein baaki tamaam masaale Daale gaye aur
is tarah paida huyi desi 'hit' film' Om Shaanti Om. is film ko bhi darshakon ne
haathon haath liya. yeh film beete saal ki sabse baDi 'hit' rahi.

----------------------------------------
Clip: om shaanti om (Om Shaanti Om,2007)
----------------------------------------

agar ham Aamir Khan ki baat karen to unhe Mr Perfectionist kehna zyaada behetar
hoga. Yaadon Ki Baraat, Madhosh aur Holi jaisi filmon mein abhinay ke baad 1988
mein pradarshit film Qayamat Se Qayamat Tak mein woh pehli baar 'hero' bane.
uske baad to Aamir film dar film darshakon par apne abhinay pratibhaa ki chhaap
chhoDte gaye. aur 1998 ki film Ghulaam mein unhone ek geet kya gaaya ki woh geet
har gali har chauraahe par bajne lagaa.

--------------------------------------
Clip: aati kya Khandala (Ghulaam,1998)
--------------------------------------

san 2001 mein Aamir ne Lagaan film ka nirmaaN kiya. paramparaagat kahaani se
haTkar graameeN prishThbhoomi par aadhaarit DheeTh desi kism ki yeh film
aashaateet roop se safal rahi.

-------------------------------------
Clip: mitwaa sun mitwaa (Lagaan,2001)
-------------------------------------

film Lagaan ke sangeetkaar the A R Rahman aur is film ke nirdeshak the Ashutosh
Govarikar.

----------------------------------
ASHUTOSH GOVARIKAR SPEAKS:

jab ham desh bhakti ki baat karte hain to use mehsoos karna zyaada 'important'
hai, woh mehsoos karne ka hai, na kisi ko sandesh dene ka. mujhe sandesh dene ke
door rehna tha, aur is tarah se mujhe sandesh dete huye bhi ek mehsoos karaane
ka jo 'feel' hai, woh main koshish kar raha tha. to maine jo raasta apnaaya woh
bahut hi 'simple' tha, jitna 'satility' ho sake, utna karne ki koshish kee is
film mein, phir woh chaahe kahaani mein ho, chaahe paatron mein ho, chaahe
'music' mein ho.
----------------------------------

------------------------------------------------------
Clip: ghanan ghanan ghir ghir aaye badra (Lagaan,2001)
------------------------------------------------------

Lagaan ki safalta ne saabit kar diya ki aam bhaaratiya darshak aaj bhi
bhaavnaayon ko varyataa deta hai, phir chaahe woh desh bhakti ka jazbaa hi kyun
na ho. Ashutosh Govarikar aur A R Rahman ki joDi ki ek aur film thi Swades jisne
samaalochakon ki bharpoor waah-waahi baTori thi. is film ke naayak the Shahrukh
Khan. is film ka sangeet bhi Khaasa lokpriya huya tha.

---------------------------------------
Clip: yeh jo des hai tera (Swades,2004)
---------------------------------------

aur ab baat isi joDi ki haaliya behad mahatwakaanshi film Jodha Akbar ki.
aetihaasik filmon ki daur ko lauTaane mein is film ka bahut baDaa yogdaan hai.

--------------------------------------------------
Clip: azeem-o-shaan shahanshaah (Jodha Akbar,2008)
--------------------------------------------------

is sadi mein filmi duniya ko ek behad zaheen nirdeshak mila, woh hain apni
filmon ke vishay aam zindegi se uThaane mein mashoor Madhur Bhandarkar.

-----------------------------------
MADHUR BHANDARKAR SPEAKS:

kya hai ki aaj 'multiplex culture' jo aa chuka hai, itna mashoor ho chuka hai
'all over India', ki chhoTe shehron mein bhi aaj 'multiplex' hai, log filmen
dekhna chaahte hain. jo filmi 'theatre' them, woh bhi TooTke ab 'four theatre,
five theatre' ban chuke hain. to film aaj ek 'mall' ki tarah ban chuki hai ki
aap jaayo to har prakaar ki film aapko dekhne ko milti hai. kahin log
Bunty-Bubly bhi dekhna chaahte hain, kahin Iqbal bhi dekhna chaahte hain. to
kahin log Page 3 bhi dekhna chaahte hain to kahin log Dus 'picture' bhi dekhna
chaahte hain. to log hara tarah ki 'picture'-en dekhan chaahte hain. to aap yeh
naheen keh sakte ki log is tarah ki 'picture'-en dekhna chaahte hain. haan yeh
baat hai ki 'satellite' aane se ek bahut baDaa 'change' huya hai, ghar mein
baiThe TV mein '40 channel' aapke haath mein hai, log chaahte hain ki alag alag
prakaar ka cinema dekhen, to har tarah ke 'filmmaker' ke liye jagah hai yahaan
pe.
------------------------------------

------------------------------------------------------
Clip: kitne ajeeb rishte hain yahaan pe (Page-3, 2005)
------------------------------------------------------

san 2001 mein 'bar girls' par film Chandni Bar banaakar unhone sabko chaunkaa
diya tha. uske baad Satta, Page-3, Traffic Signal, aur ab aanewaali film
Fashion. yaani ki Madhur Bhandarkar ki baini nazar se samaaj ka koi bhi hissa
bach naheen paaya hai. aaj ke daur ke zaheen yuvaa nirdeshakon mein naam aata
hai Nagesh Kukunoor ka. peshe se rasaayan vugyaani rahe Nagesh Kukunoor America
se apni achchhi Khaasi naukri chhoDkar bhaarat aaye aur unhone banaayi film
Hyderabad Blues. uske baad Teen Deewaren, Dor aur Iqbal jaisi filmen banaakar
nagesh agraNi yuvaa nirdeshak ban chuke hain.

----------------------------------------
Clip: yeh hauslaa kaise jhuke (Dor,2006)
----------------------------------------

in zaheen nirdeshakon ke alaawa aaj cinema ke har ek vibhaag mein aatmavishwaas
se bhare fankaar kaaryarat hai, phir chaahe woh sangeet ka hi kshetra kyun na
ho! Shankar Ehsaan Loy, Shantanu Moitra, Vishal-Shekhar, aur Pritam aaj ke
vyastatam sangeetkaaron mein se hain. zaraa dekhiye baandhgi. Pritam jahaan ek
taraf "dhoom machaa le" jaise gaane ki rachna karte hain, waheen doosri taraf
mauka milte hi bhaaratiya shaastriya sangeet ka istemaal karne se bhi naheen
chookte.

----------------------------------------------
Clip: mere Dholnaa sun (Bhool Bhuulaiyya,2007)
----------------------------------------------

doston, aapne is meeThi aawaaz ko pehchaana? jee haan, yeh hain Shreya Ghoshal.
inki aawaaz ki miThaas aur gaayan Khud hi inka parichay de deta hai. aaiye sunte
hain kya kehna hai Shreya Ghoshal ka.

--------------------------------
SHREYA GHOSHAL SPEAKS:

gaane ka shauk kis umra se shuru huya yeh to mujhe yaad naheen, lekin 'mummy'
kehti hai ki 4 saal ki umra se, jab se maine bolna shuru kiya maine gaana shuru
kiya. bahut 'high pitch' mein roti thi aur sabke kaan kharaab kar deti thi. usi
dauraan mummy paapa ne dekha ki yeh achchha gaati hai, kyunki jab mummy riyaaz
karti theen, mummy achchha gaati hain, to main aaju baaju ghoomti rehti thi, to
mummy kehti thi ki 'beTaa yeh gaa', to main sahi sahi 'note' lagaa deti thi,
khelte khelte hi. lekin mummy papa ko lagaa ki ismein koi baat hai, unko lagaa
ki ismein 'potentials' hai to isko gaana seekhaayo. jis jagah rehti thi wahaan
itna 'scope' to naheen tha, main Rajasthan mein palee baDhee, abhi to main
Bombay mein, lekin pehle main Rajasthan ke Kota shahar se 70 km door ek jagah
thi Lal Bhata, wahaan pe 'music' seekhne seekhaane ka itna 'atmosphere' naheen
tha. to wahaan pe maine kuchh din tak 'folk music' seekhaa, phir mere 'school'
ke 'music teacher' Bhatnagar sir ne 'classical music' seekhaaya. phir main Kota
shahar mein jaati thi seekhne ke liye, to is tarah se seekhne ka silsila shuru
huya.
---------------------------------

inhi dino ek aisa daur aaya jab desi kism ke filmi geet abne aur Khoob baje, aur
aaj bhi baDe chaav se sune jaa rahe hain.

-------------------------------------------------------
Clip: billo raani kaho to abhi jaan de doon (Goal,2008)
Clip: sajna ji vaari vaari (Honeymoon ravels Pvt Ltd,2006)
Clip: beeDee jalaile jigar se piya (Omkara,2006)
-------------------------------------------------------

inhi dino ek daur 'remake' ka bhi aaya. haal hi mein Don aur Sholay jaisi
lokpriya filmon ko naye kalebar mein phir se parde par utaarne ki koshishen
huyi. itna hi naheen in filmon ki mashoor geeton ko bhi phir se 'record' karke
in filmon mein istemaal kiya gaya. mool geet to aap hamesha se sunte aaye hain,
lekin ab zara 'remake' filmon ke in 'remake' geeton par Gaur kar liya jaaye.

---------------------------------------------
Clip: yeh mera dil pyar ka deewana (Don,2006)
---------------------------------------------

aur aaiye ab ek sarsari nigaah Daal lee jaaye un geeton par jo in dino KHoob baj
rahe hain aur chaav se sune jaa rahe hain

-----------------------------------------------
Clip: pehli nazar mein kaisa jaadoo (Race,2008)
Clip: mauja hi mauja (Jab We Met,2007)
-----------------------------------------------

yeh thi Vividh Bharati ki swarNajayanti ke kaaryakramon ki shrinkhala ki
naveentam kaDee. aap jaante hi hain ki san 19031 mein film Alam Ara ke saath
shuru huyi cineyaatra, 77 saal baad aaj bhi ba-dastoor jaari hai. Majrooh
Sultanpuri ne sahee likhaa tha ki "main akela hi chalaa tha jaanib-e-manzil
magar, log saath aate gaye aur kaarwaan banta gaya". is kaarwaan ke anginat
musaafir hain aur inmein se kuchh musaafiron ki charcha hamne is kaaryakram mein
kee. 3 ghanTe mein sabhi musaafiron ki charcha karna mumkin naheen tha. chalte
chalte aap se itna vaada karna chaahte hain ki Vividh Bharati is cineyaatra ka
aham hissa rahi hai aur hamesha rahegi. bas aapka saath aur aapki
shubhkaamnaayen Vividh Bharati ke saath isi tarah bani rahe, aameen!

chalne se pehle aapko itna bataa den ki is kaaryakram ki parikalpana thi
Mahendra Modi ki, saari jaankaariyaan juTaakar shodh aur aalekha tayyaar kiya
Shishir Krishna Sharma ne.

END OF PART 7

CONCEPT: MAHENDRA MODI
SCRIPT: SHIRSHIR KRISHNA SHARMA
NARRATION: KAMAL SHARMA, RENU BANSAL, YUNUS KHAN, KIRAN GWALANI

THE END

Hi,

I was listening to the non-film songs based programme Guldasta 2/3 days back on
Vividh Bharati and came across one song sung by Sudha Malhotra that sounded
exactly like the famous Asha number of Bandini - "ab ke baras bhej bhaiya ko
baabul". The Sudha Malhotra number is composed by Pt. Shivram and the lyrics
goes like "nimbua tale Dola rakh de musaafir, aayi saawan ki bahaar re"

Can someone throw some light if the original tune is that of a folk song from
which both the composers (Dada Burman and Pt Shivram) have got inspired, or
something else....

Regards,
Sujoy

namaskaar fauji bhaaiyon! is samay ap jitna mere nazron se door hain, utna hi
mere dil ke kareeb. kareeb isliye hain ki aap ka aur hamaara ek aTooT naataa
hai, aur yeh naataa us din se hai jis din se insaan ke man mein desh bhakti ki
bhaavna jaagrit huyi, jab se aap kesariya pagaDi baandh kar raN mein jaane lage,
aur hamaara sambhandh us din se. jab se is desh mein rachne aur basne waali
sanskriti ki raksha aap kar rahe hain, sadiyaan beet gayi, zamaana badal gaya,
puraane rishte TooTe, naye sambandh bane, lekin hamaara aur aapka rishta, yaani
kalaakaar aur sainik ka sambandh samay ke saath na badal sakaa. doston, is
puraane sambandh aur is prem ke naate meri shubhkaamanaa hai ki pawan ke mast
jhonkon mein, saawan ki madhyam phuhaaron mein, aap Khushiyaan manaayen, aur
mukh se yahee shabd nikalte huye ki aayaa saawan jhoom ke.

Song: ke aaya saawan jhoom ke (Aaya Saawan Jhoom Ke)


jigri dost Pyarelal. fauji bhaaiyon, ho sakta hai ki aap log sochte hon ki
filmon mein to Laxmikant aur Pyarelal dono saath rehte hain, magar 'radio' par
keval Laxmikant kyun? darasal baat yeh hai ki mere saathi Pyarelal-ji kahin aur
naheen yaheen hain, aur jo geet aap sun rahe hain unein wioh chhupe baiThe hain.
ghar se chalte samay maine unse kahaa thaa 'Pyare, chal Jaimala pesh karne'. woh
kuchh sochne lage, phir ThanDi saans lee aur muskuraakar bole, 'baaten to tum
kar hi lete ho, gaane meri taraf se lete jaayo, inhe fauji bhaaiyon ko sunwaa
denaa'. to leejiye, Pyarelal-ji ki farmaaish par ab aapko Jigri Dost film ka ek
geet sunwa raha hoon.

Song: dil mein kya hai (Jigri Dost)


ham log gaana 'compose' karte waqt 'singer' ka Khayaal pehle hi kar lete hain.
misaal ke taur par Madan Mohan ji ki yeh rachnaa prastut hai. jaise bol, waisi
hi dhun aur aawaaz aisi jiski jagah koi doosri aawaaz woh asar paida na kar
sake.

Song: phir wohi shaam wohi gham (Jahan Ara)


"rahiman dhaaga prem ka mat toDo chaTkaaye, joDe se phir na juDe, juDe to gaanTh
paDi jaaye", prem ki Dori mein bandhne waale duniyawaale ????????? magar ek baar
bandhee prem ki Dori ko toDnaa baDaa hi kaThin hai. is geet ka bhaav bhi kuchh
is tarah ka hai. isey Dharti Kahe Pukar ke film ke liye Mukesh aur Lataji ne
gaaya hai.

Song: ke ham tum chori se (Dharti Kahe Pukar Ke)


doston, ab jo geet aap sunenge woh film Inteqam ka hai. aawaaz hai Lataji ki.
Lataji ke baare mein kehna baDaa mushkil hai. aur kuchh na kehna sangeet se
vishvaasghaat ke baraabar. meri samajh mein to keval itna aata hai ki sangeet ke
jitne raag hain, sundar gaayaki ki jitni upamaayen hain, suron mein jitne bhaav
chhupe hain, un sab ko agar ek jagah dekhna ho to Lataji ki aawaaz sun leejiye.

Song: kaise rahoon chup ke maine pee hi kya hai (Inteqam)


ab suniye apne manpasand aur hamaare puraane mitra Kalyanji Anandji ki sangeet
rachna jo hamein bahut pasand hai.

Song: chhoD den saari duniya (Saraswati Chandra)


aksar log mujhse yeh sawaal kar baiThte hain ki filmon mein 'background music'
kyun hota hai. jawaab bahut aasaan hai, bina 'background music' ki film aisi
hogi jaise binaa Khushboo ka phool, yaa yun samjhiye ki aap filmon mein behti
huyi nadi ko dekh sakte hain, lekin lehron ki kal kal naheen sun sakte. Daaliyon
par baiThe panchhiyon ko dekh sakte hain, par unka chahakna naheen sun paayenge.
matlab yeh ki jab tak vaataavaraN ka mazaa aap ko poora na milegaa, aap kahaani
ke kareeb naheen jaa paayenge. aur sach to yeh ki geeton ki dhune banaana aasaan
hai, lekin 'background music' tayyaar karna bahut mushkil. Khair, chhoDiye in
baaton ko, ab pesh hai Kishore Kumar aur Asha Bhosle ke swaron mein film Aansoo
Ban Gaye Phool ka yeh geet.

Song: jaane kaisa hai mera deewana (Aansoo Ban Gaye Phool)


saathiyon, aisa geet banaana bahut aasaan hai jise log mushkil se gaa paayen,
lekin kisi mushkil dhun ko aasaan karna bahut mushkil hai. meri aur Pyarelal-ji
ki sadaa yeh koshish rehti hai ki dhun itni aasaan ho ki logon ko aasaani se
yaad ho jaaye. aur gaane mein aasaani ho. prastut geet ham mushkil bhi banaa
sakte the. lekin jo mazaa is aasaan geet mein hai woh mushkil mein na aata.
leejiye suniye, film hai Jeene Ki Raah, aur aawaaz hai Mohd Rafi saahab ki.

Song: baDi mastaani hai meri mehbooba (Jeene Ki Raah)


fauji bhaaiyon, kaaryakram ke ant mein aaiye mere saath jamuna kinaare, jahaan
kabhi kanhaiya ki murli goonjee thi, wahaan aaj bhi nar naari saanjh Dhale raas
rachaate hain.

Song: shaam Dhale jamuna kinaare (Pushpanjali)


yeh samooh gaan film Pushpanjali ka tha. ab samay naheen ki main aap ko kuchh
aur geet sunaayun. geeton ki jo jaimala maine apni aur mere saathi Pyarelal-ji
ki taraf se aap ko bhenT kee, aasha hai aap ne sweekaar kee hogi, ab ijaazat
deejiye, Jai Hind!

AAJ KE MEHMAAN - PRAHLAD AGARWAL (NOTED FILM JOURNALIST)
--------------------------------------------------------

namaskaar, Aaj Ke Mehmaan, is kaaryakram mein ham aapki bhenT karwa rahe hain
Hindi filmon aur filmkaaron par niyameet roop se likhnewaale jaanemaane lekhak
Prahlad Agarwal se Yunus Khan ki sthal 'recording' par aadhaarit yeh baatchit.


PA: Prahlad Agarwal
YK: Yunus Khan


YK: Aaj Ke Mehmaan, is kaaryakram mein hamaare saath hain mashoor lekhak Prahlad
Agarwal. Prahlad-ji ki visheshagyataa filmon par likhne ki hai aur film sangeet
par unhone bahut kaam kiya, mujhe Shankar Shailendra par inke likhe kai lekh
yaad hai jo kai ptarikaaon mein chhape hain. Prahlad-ji, bataaiye ki bachpan
kahaan beeta aapka aur gaano ki jo lau hai, film sangeet ki jo lau hai woh kab
lagi aapko?

PA: dekhiye bachpan mera beeta Jabalpur mein. Jabalpur mein paida huya, Jabalpur
mein paDhaa, Jabalpur mein maine 7/8 saal naukri kee aur naukri karte huye
paDhaa.

YK: kis ilaake mein?

PA: maine MP Electrocity Board mein naukri kee, 'cleark' tha main wahaan par,
aur BA se leke MA tak waheen rehte huye, naukri karte huye paDhaa, aur yeh
vichitra baat thi ki main naukri karte huye paDhaa haalaanki mujhe aisa karne ki
zaroorat naheen thi. zaroorat isliye naheen thi kyunki mera parivaar, mere
sdaare bhaai bandhu, mera gharbaar, sab bahut saamarthavaan log hain, ek aise
parivaar se tha jahaan cinema dekhna bhi, yaa cinema ki baat karna bhi utna hi
gandaa samjhaa jaata tha jitna aapka vaishyaalay mein jaana. parantu main yeh
dekhta tha ki mere jitne baDe bhaai hain yaa chaachaa hain, maamaa hain, woh
saare cinema dekhte hain magar chhipke dekhte hain. mere paas paise naheen hote
the isliye main chhipke naheen dekh sakta tha. aur jis din se paise hone lage,
us din se main bhi chhipke dekhne lagaa.

YK: achchha! to chhip chhip ke kaun kaun si filmen dekhee aur kaun kaun si
Talkies mein gaye chhip chhip ke Jabalpur mein?

PA: main chhip chhip ke, maine sabse pehli film jo chhipke dekhee thi, woh thi
Anadi, woh 1959 mein maine dekhee thi aur us waqt main 11 saal ka tha, aur ek
doosri film jo mujhe yaad hai maine chhipke dekhee thi woh hai Pyasa.

YK: kya baat hai!

PA: yeh shaayad maine 60 yaa 61 mein dekhee thi. mere baDe bhaai mere saath
baiThe huye the aur 'interval' mein aise baiTha karte the ki koi dekh na le.
dekh lega to ghar mein shikaayat ho jaayegi. shikaayat ho jaayegi to yeh Theek
baat naheen hogi, bahut DaanT paDegi, maar-vaar bhi paD sakti thi, kyunki tab
tak main kamaata naheen tha. itne mein huya kya ki ham logon ne Gaur se jab
dekhaa to paaya ki Gyan Ranjan-ji bilkul saamne baiThe huye hain aur mere baDe
bhaaisaahab unke vidyaarthi the, main naheen.

YK: achchha

PA: woh G S College of Commerce mein paDhte the, to unhone dekha to unki to rooh
hi kaamp gayi, magar jab maine Gyan-ji ko dekhaa, kyunki tab tak main unki kai
kahaaniyaan paDh chuka tha, to mujhe aisa lagaa ki jo Galat kaam main kar raha
hoon, wohi Galat kaam yeh itna baDaa aadmi kar raha hai jisne Pitaa kahaani
likhee hai. to yeh koi Galat kaam naheen hai. aur jab maine Pyasa par poori ek
kitaab likhee, jo Megha Books se chhapee hai, to maine us kitaab ko Gyan
Ranjan-ji ko samarpit kiya. to Gyan-ji ne kahaa ki 'mujhe bahut achchha lagaa
ki...', maine kahaa 'yeh achchha lagne ki baat naheen hai, maine apna karz
utaara hai, mere man pe jo ek bhaari bojh tha ki main Galat kaam kar raha hoon,
woh utar gaya tha us din'.

YK: kyunki zikr Pyasa ka hai, to aap mera ishaara samajh hi rahe honge.

PA: Pyasa film ki gaano ki agar baat karen, to bahut bahut baar suni gayi hai,
"duniya agar mil bhi jaaye to kya hai", "jaane woh kaise log the jinke pyaar ko
pyaar milaa", aur bhi kai gaane hai usmein, "jaane kya tune kahee", aur ek
adbhut geet hai "aaj sajan mohe ang lagaalo". yeh main zaroor jaanta hoon ki yeh
geet sunkar ek adbhut sansaar aapke bheetar nirmit hota hai.

----------------------------------------
Song: aaj sajan mohe ang lagaalo (Pyasa)
----------------------------------------

YK: filmi geeton ke baare mein likhna, Hindi saahitya mein aur Hindi
patrakaarita mein, doin darje ka maana jaata hai, film patrakaarita ko bhi bahut
achchhi drishTi se naheen dekha jaata raha hai, jaisa ki aapne kahaa 'cinema
dekhna hi hamaare yahaan achchhi baat naheen thi'. aapne sangeet ke baare mein
kab likhna shuru kiya aur kab chhapna shuru kiya? logon ne kab isey sweekaarna
shuru kiya ki 'han, yeh bhi ek vidhaa ho sakti hai lekhan ki'?

PA: main naheen jaanta ki logon ne sweekaara yaa naheen sweekaara. magar chand
logon se milke mujhe aisa zaroor laga ki cinema ke jo geet hain, jise 'golden
era' kaha jaata hai, 40 se leke 60, 65, main thoDaa sa aur kheench dena chaahta
hoon, 70 tak bahut hi Khoobsoorat geet likhe gaye aur bahut hi Khoobsoorti se
unhe parde par bhi prastut kiya gaya. main bilkul is baare mein DriDh vishvaas
rakhta hoon ki kam se kam aadhi aisi Khoobsoorat filmen zaroor hain jo apne
sangeet ke kaaran hi aaj hamein yaad hain warnaa ham kabhi ka bhool chuke hote,
chaahe woh Nagin ho yaa Anarkali ho, aur to aur chhoD deejiye, Madhumati bhi
uske sangeet ke bina bilkul apaahij ho jaayegi...

YK: bahut sahi hai

PA:... yaddapi woh ek Khoobsoorat film hai aur bahut hi KHoobsoorti se banaaee
gayi film hai, parantu uski Khoobsoorti uske sangeet se hi nikharkar saamne aati
hai, yadi woh sangeet naheen hota to woh Khoobsoorti kabhi nikharkar saamne
naheen aati.

---------------------------------------------
Song: ghaDi ghaDi mora dil dhaDke (Madhumati)
---------------------------------------------

PA: duniya pe likhne ka koi kaaraN hi naheen tha, main sapne mein rehta hoon,
aaj bhi main sapne mein rehta hoon, parantu aaj sthiti aisa hai ki aaj mujhe
film dikhaane ke liye log mujhe bahut door door se bulaate hain ki 'aap aaiye,
film dekh leejiye aur bataaiye ki film ka bhavishya kya hoga ya kya kuchh
hogaa'. parantu woh ek aisa samay tha jab mujhe film dekhne ke liye bahut paisa
kharch karna paDta tha, to film banaana jitna kharcheela kaam hai, usse adhik
film dekhna kharcheela hai (YK laughs). ek 'common man' ke liye woh sochte
naheen ki yeh kitna kharcheela aur kaThin kaam hai. us samay to aisa hota tha ki
film 'release' hone ke 2 maheene baad, 4 maheene baad hi Jabalpur mein film aati
thi. Jabalpur koi chhoTi jagah naheen hai lekin aadhi se zyaada filmen to baad
mein hi aati theen. to ham un filmon ko dekhne ke liye, kisi tarah unko dekh
paate the, kabhi kabhi rishtedaaron ki madad se bhi dekhee. lekin 16/17 saal ki
umra mein main itna saamarthavaan ho gaya tha ki apne paise se filmen dekh sakta
tha. tab maine kisi ki baat naheen maanee aur filmen dekhta tha, kyun dekhta tha
yeh mujhe pataa naheen. maine Mera Naam Joker dekhkar hi, pratidin Mera Naam
Joker dekhkar maine apne MA ke chaaron 'papers' 'previous' ke deeye the, aur
'university' mein 'top' kiya tha.

YK: waah! (PA laughs)

-----------------------------------------------
Song: more ang lag jaa baalma (Mera Naam Joker)
-----------------------------------------------

PA: to log yeh tohmat naheen lagaa paate the ki 'tum cienema dekhoge to 'fail'
ho jaayoge, paDhta likhta naheen hai, kuchh naheen karta hai'. main naukri bhi
karta tha, paDhta bhi tha, aur cinema bhi dekhta tha. to apne kharch ke liye hi,
apne parivaar ke kharch ke liye hi mujhe naukri karne ki zaroorat thi, aur uske
saath saath cinema bhi ek aanand tha. par maine cinema par likha kabhi naheen,
meri saahitya par do teen kitaaben aa gayi, tab tak bhi maine cinema par kabhi
naheen likha tha. meri swargeeya patni Vartika Agarwal, woh swayam ek kahaani
lekhika theen, aur woh jis samay bahut beemaar paDeen, to unko bhi cinema dekhne
ka shauk tha, mujhe bhi tha, to ekaaek Vishvanath film dekhne ham gaye huye the
aur Kalicharan film dekhke mujhe lagaa tha ki yeh Subhash Ghai naam ka jo naya
nirdeshak aaya hai, yeh achchha aadmi lagta hai jinko jaankaari hai cinema ki,
to main us film ko dekhne gaya aur baDa niraash hokar lauTaa. maine ek lekh
likha bhi tha 'Vishvanath baabu, aap muqaddama haar gaye'

YK: kahaan chhapaa yeh?

PA: lekh kya likha kuchh 10/12/16 panktiyaan likhee, to Vartika ne paDheen aur
kahaa ki 'yeh to bahut baDhiyaa hai, kahin bhej do, yeh to chhap jaayegaa'.
maine kahaa 'kahaan chhap jaayega, kaun si patrika ise chaapegi?' kehne lagi
'tum kuchh mat karo', aur unhone us lekh ko dobaara likha aur likhne ke baad
Mayapuri patrika mein bhej diya, aur woh, isey kya kahen, ek haadsaa hi kehna
chaahiye, uske agle hi ank mein usey chhaap diya aur uske sampaadak mahoday ne
mujhe likha ki aage aur in in vishayon par, in in logon par likh sakte hain to
likhkar bhej deejiye. agla lekh Madhuri mein chhap gaya, phir Manorama mein mere
lekh nirantar chhapne lage. phir uske baad Ravivaar mein Udayan Sharma-ji ne
mere bahut lekh chhaape, Saaptaahik Hindustaan mein bhi mere kitaab se kuchh
ansh nikaalkar doosron ke naam se chhaape, Raj Kapoor par waali kitaab se.

YK: achchha?

PA: haan. agle ank mein phir unhone maafinaama bhi chhapaa jab maine aapatti kee
ki 'yeh lekh aapne chhaapa hai jo mere kitaab ki hai', to unhone agle ank mein
maafinaama chhaapaa ki 'ham khed vyakt karte hain ki yeh Prahlad Agarwal ki
pustak se banaaya gaya lekh tha, kintu galati se unka naam Daalna chhooT gaya
tha, uski ham truTi sudhaar karte hain'. phir maine unko likha ki agar aap ne
truTi sudhaar kar hi lee hai to uska parishramik mujhe bhej deejiye, lekin
unhone paarishramik mujhe kabhi naheen bhejaa (laughs)

YK: is tarah aapki filmi lekhan shuru huyi, matlab aap chhapne lage tamaam
jagahon par. kaun sa sangeet aapko zyaada prabhaavit karta tha aur zindagi mein
cinema aur sangeet ki itni jagah thi to aapko aisa naheen lagta tha ki aapke
kaam mein aur paarivaarik zindagi mein baadhaa aa rahi hai?

PA: naheen, paarivaarik zindagi mein baadhaa isliye naheen mehsoos kee kyunki
main dekhta tha sab gaate the. us samay ek gaana log dason saal se gaa rahe the
"mera joota hai jaapaani". mere maamaaji aaye, 1960 ki baat hai. Mughal-e-Azam
mujhe bahut achchhi lagi thi, maine Kalkatte mein dekhee thi apne mausaji ke
saath. to woh aaye aur film dekhne gaye aur uThkar jab woh aaye, main 13 saal ka
tha us samay, to unhone hamaari maa se kahaa ki 'jiji, yeh film dikhaane ham
aapko zaroor le chalenge, usmein ek bahut achchha gaana hai "pyaar kiya to Darna
kya"'. maine suna unke munh se aur man hi man kasmasaaya ki dekho buDhou kya keh
rahe hain ki inhe "pyaar kiya to Darna kya" gaana achchha lag raha hai (YK
laughs)

---------------------------------------------
Song: pyaar kiya to Darna kya (Mughal-e-Azam)
---------------------------------------------

PA: cinema ne sab par prabhaav Daala, gehra prabhaav Daala, magar is 'hypocrite'
samaaj ne cinema ke prabhaav ko kabhi sweekaar naheen kiya. huya yeh ki mera
'internal examination' tha BA ka, usmein upmaa alankaar ka udaaharaN poochha
gaya. maine upmaa alankaar ka udaaharaN usmein likh diya "dekhaa bhi naheen
tujhko, soorat bhi na pehchaani, tu aake chali chham se jo dhoop ke din paani".
to itne prasanna huye mere shikshak jiski koi had naheen thi. unhone poochha
'beTe, yeh kiski rachnaa hai? hamne to kahin paDhaa naheen, tum kahaan se yeh
udaaharaN DhoonD laaye?' maine kahaa ki yeh Shankar Shailendra ki rachnaa hai,
main jaanta tha ki woh naaraaz honewaale hain. poochha ki 'yeh kaun kavi hain?'
maine kahaa ki yeh filmon mein likhte hain (YK laughs). bole 'yeh film ka geet
hai?' unhone usey kaaT diya aur mujhe shoonya 'number' deeye. to yeh mujhe
majboor kiya, majboor naheen kehna chaahiye, galat huya, mujhe prereet kiya,
pryotsaahit kiya ki main Shailendra par ek poori kitaab likhoon aur woh kitaab
Gyan-ji ke hi, mujhe kehna chaahiye ki unke kripaa se hi sambhav huyi ki pahal
mein unhone mujhse bahut dabaaV daalkar, bahut dabaav Daalkar mujhse lekh
likhwaaya Shailendra par aur Sudha Arora-ji jo yaheen rehti hain Bambai mein,
unhone mujhe ek saptaah apne Vasundhara kaaryaalay mein bulwaakar khud chhaapna
chaahti theen woh kitaab Shailendra par, par baad mein usey Rajkamal ne chhaapa
aur maine uska shirshak bhi diya "Kavi Shailendra - Zindagi ki Jeet Mein
Yakeen". to Shailendra ko hamne kavi naheen maana, isse woh kavi hone se reh
naheen jaayenge, Shailendra kavi hain, aur dekhiye "maaTi se khelte ho baar baar
kisliye, TooTe huye khilauno se hai pyaar kisliye", "tu pyaar ka saagar hai"

YK: "teri ek boond ke pyaase ham"

PA: "lauTaa jo diya tune, chale jaayenge jahaan se ham"

------------------------------------
Song: tu pyaar ka saagar hai (Seema)
------------------------------------

TO BE CONTD...


YK: Prahlad-ji, ek geetkaar jise bahut bandhe bandhaaye daaere mein kaam karna
paDta hai kyunki hamaare yahaan filmon mein bahut vividhataa naheen hai vishayon
mein.

PA: ham phir kehna chaahte hain ki vishayon ki vividhataa duniya bhar ke cinema
mein kahaan hai, aur Raj Kapoor ki ek film mein gaana hai, Jis Desh Mein Ganga
Behti Hai, "pyaar karle naheen to phaansi chaDh jaayega", to do hi cheezen hain
ki pyaar karna chaahte hain yaa phaansi chaDhna chaahte hain, to achchhaai ki
kahaani hai yaa buraaee ki kahaani, yathaarth zindagi mein kabhi kabhi buraaee
bhi jeet-ti hai.

YK: Prahlad-ji, kuchh aise geeton ki charcha keejiye jo Shailendra ne filmon ke
liye likhe lekin jo kavita se kam naheen hain.

PA: main aapko bataayun, woh bahut adbhut geet hai aur uski 'simily' bhi bahut
adbhut 'simily' hai, aur aaj bhi woh geet aa jaata hai to naye se naye log sunte
hain, "mere piya gaye Rangoon, kiya hai wahaan se 'telephone', tumhaari yaad
sataati hai"

YK: Panna Lal Santoshi ne isey likha hai

PA: jee haan, Pyarelal Santoshi ne jo geet likha usmein 'simily' dekhiye, ki
"tum bin saajan janvari farvari ban gaye mai aur joon", dekhiye angrezikaran ki
kya shaandaar baat thi aur kis tarah se 'simily' aur kis tarah se cheezon ko
'comic' andaaz mein pesh kiya, to usmein ek aadmi ko sochne ki, ek aadmi ko ek
vyang ki ek dhaar unhone diya.

--------------------------------------
Song: mere piya gaye Rangoon (Patanga)
--------------------------------------

PA: filmi geeton ki jab baat ho, Rajendra Krishan-ji hain, aur Rajendra Krishna
ke saath Shaqeel Badayuni bhi hain, aur isse baDi agar ham baat karen, jo
saampradaayik ektaa hai, jo qaumi ektaa ho sakti hai, ki ek bhajan jise Shaqeel
ne likha, Naushad ne sangeetbaddha kiya aur Mohd Rafi ne gaaya, "o duniya ek
rakhwaale"

YK: Baiju Bawra

-----------------------------------------
Song: o duniya ek rakhwaale (Baiju Bawra)
-----------------------------------------

PA: Sahir Ludhianvi ne bhi bahut adbhut geet likhe, yeh cinema ka geet hai, ki
"yeh badkismat maa hai jo beTon ki sej pe leTee hai, aurat ne janam diya mardon
ko, mardon ne usey baazaar diya". yeh antim pankti agar aap dekhen to aaj is
aadhuniktam samay mein bhi kya koi aisi kaThor baat keh sakta hai, aur kitni
kaThor baat kitni shaaleenta se kahee jaa sakti hai, ki "avtaar payambar janti
hai phir bhi shaitaan ki beTi hai, yeh woh badkismat maa hai jo beTon ki sej pe
leTee hai"

---------------------------------------------
Song: aurat ne janam diya mardon ko (Sadhana)
---------------------------------------------

YK: aapko kya lagta hai ki bhaaratiya film udyog, jo sansaar mein mahatwapoorNa
film udyogon mein maana jaata hai, sabse zyaada filmen hamaare yahaan banti hai,
kitna mahatwapoorNa kaam kar rahi hai samaaj ko badalne ki disha mein?

PA: Dr Ramakant Shrivastava se 'telephone' par baat ho rahi thi, Vasudha ke film
ank ke baare mein, to hamne kahaa ki 'aap kis film par likhna pasand karenge?'
to kaafi 'discussion' hota raha, unhone kahaa ki 'Prahlad, dekho cinema ne bahut
kaam kiya hai Hindi 'belt' mein, usko log bhool jaate hain, usne logon ko prem
karna seekhaaya hai, aur koi bhi kraanti prem ke abhaav mein naheen ho sakti.
prem ke abhaav mein koi aap se juDegaa naheen, prem shareer par naheen hota hai,
magar yeh mat samajhiyega ki shareer se judaa bhi prem hota hai, kyunki aatma
bhi rehti hai to shareer mein hi rehti hai, to shareer ka mahatwa bahut baDaa
hai, yeh das dwaare ka jo pinjra hai, is pinjre mein bahut saari baaten samaati
hain, aur cinema par baat karenge to saahityakaar hi baat karenge, likhe paDhe
log hi baat karenge, aur saahityakaar ki jagah cinema mein kabhi bani naheen,
isliye yeh bhram kisi bhi lekhak ko naheen hona chaahiye ki cinema uska maadhyam
hai, cinema lekhak ka maadhyam katai naheen.

YK: aap itne saalon se lagaataar cinema dekh rahe hain. aaj ke abhinetaaon mein
sabse zyaada prabhaavit aapko kaun karta hai?

PA: Pankaj Kapoor, nirdwand roop se, main keh sakta hoon ki adbhut abhineta
hain, woh vishvastar ka yaani, main kya kahoon ab, abhi Halla Bol bhi maine unki
vajah se, kaaT-chhaanT ke CD banaaee, utne hi drishya usmein joD liye jitne
Pankaj Kapoor ke hain. sirf unki bhangimaa dekhiye haath ki, hinsaa dikhaane ke
liye kitni kam hinsaa dikhaane ki zaroorat hoti hai aur kitna tivra prabhaav aap
paida kar sakte hain, yeh Pankaj Kapoor ne us drishya mein dikhaa diya.

-----------------------------------------
Song: ang ang zaKhmi hai tera (Halla Bol)
-----------------------------------------

YK: kya aapko lagta hai ki bhaaratiya abhineta vishvastar par apna prabhaav
chhoD paane laayak pratibhaashaali hain?

PA: usse adhik hain, maine tamaam angrezee filmen dekhee hain, tamaam Oscar
praapt filmen bhi main dekha karta hoon.

YK: Satna mein rehte huye bhi kaise juTaate hain aap yeh sab saamagri?

PA: dekhiye, pehle to main asamarth tha, baDi mushkil huya karta tha, magar ab
to main cinema dekhne ke liye Satna par bahut kam aashrit hota hoon, aajkal to
DVD ka zamaana hai, mere paas sab taamjhaam hai aur main Khud dekh sakta hoon,
parantu ab bhi main 'theatre' mein jaakar film dekhna hi pasand karta hoon, aur
film dekhne ka mazaa 'theatre' mein hi hai, ghar mein katai naheen hai.

YK: bahut sahi hai.

PA: aur main abhi bhi filmen dekhne 'theatre' mein jaata hoon, aur bambai bhi
aata hoon aapki film dekhne ke liye, dilli bhi jaata hoon, kalkatta bhi jaata
hoon, yahaan tak ki Hyderabad bhi gaya hoon film dekhne ke liye, mujhe pataa
chalaa ki wahaan Hindi ki filmen bahut dekhee jaati hai, shaayad hi koi shahar
bachaa ho jahaan par jaakar maine filmen na dekhee ho, aur Film Festivals mein
bhi jaata hoon aur Film Festivals mein jaakar patrakaaron ke beech baiThkar film
dekhna mujhe kabhi raas naheen aaya

YK: bahut sahi hai

PA: main mahangi 'tickets' khareedke filmen dekhta hoon kyunki main ek darshak
ke saath baiThkar film dekhna chaahta hoon, main jab film dekhne ke liye jaata
hoon to film ki aalochana karne ke liye naheen jaata hoon, 'I wish to enjoy it'
aur main usko 'enjoy' karta hoon. to woh saari cheezen bahut maadak Dhang se
mere paas aati hain, aur mere saath rehti hain, aur main dekhta hoon ki mujhe
saahitya ko samajhne mein bhi cinema ne baDaa yogdaan diya. to cinema ek kalaa
hai, aur zaroor hai, aur saari kalaaon ka samoocha hai keh leejiye kyunki usmein
kavita bhi hogi, kahaani bhi hogi, naaTak bhi hoga, usmein baDhai bhi kaam
aayega, usmein 'electrician' bhi kaam aayega, usmein saari 'technology' bhi juD
jaayegi. to saare samooh ko lekar jo srijankarta hai woh sarjak, cinema ka
sarjak hota hai, saahityakaar ekaaki srijak hota hai.

YK: Prahlad-ji, ab ek gaana sun liya jaaye

PA: avashya

YK: bataaiye kaun sa gaana sunaa jaaye

PA: Mughal-e-Azam film ka ek geet suniye, woh bhi ek bahut adbhut geet hai,
"mohabbat ki jhooThi kahaani pe roye"

--------------------------------------------------------
Song: mohabbat ki jhooTi kahaani pe roye (Mughal-e-Azam)
--------------------------------------------------------

YK: aaKhri sawaal Prahlad-ji aapse, bahut aanand-daayakl baatchit aap se ho rahi
hai, sawaal yeh hai ki itni saari filmon ko dekhne aur filmon ko is gambheerta
ke saath jeene ke baad kya aapko kisi bhi pal yeh naheen lagaa ki aapko film
lekhak yaa nirdeshak hona chaahiye tha?

PA: naheen! ek mere man mein, jab maine Raj saahab se kahaa tha, jo unke saath
waale log to naheen samajh sakte the, magar woh samajh sakte the, ki main film
lekhak kabhi naheen hona chaahta, isliye kyunki film lekhak ka 'medium' hai hi
naheen, aur jo lekhak ka 'medium' naheen hai, wahaan main lekhak hoyoon jaake,
yeh bahut bhaari bewakoofi hai. yadi main lekhak hona chaahoon to main likhta
hoon, magar meri khwaahish hai ki marne se pehle ek film zaroor banaayun, aur
maine ek baar prayaas bhi kiya tha, aur woh prayaas poori tarah se asafal bhi
naheen kahaa jaa sakta, main apne shahar mein hi main yeh maanta hoon ki jab tak
film chhoTi poonji se naheen banegi to is samay mein achchhi film banna bahut
kaThin hai. main yeh bhi naheen maanta ki koi achchhe log naheen hai, koi Bimal
Roy naheen hai, koi Mehboob Khan naheen hai, koi Raj Kapoor naheen hai, main yeh
maanta hoon ki adbhut adbhut log hain, aur adbhut kaam kar sakte hain, magar is
poonji ke tantra ko...

YK: toD degaa

PA: toDnaa to paDegaa hi, poonji ka tantra cinema se naheen joDaa jaa sakta.
poonji ke tantra ko behetar upayog mein naheen laa paa rahe hain. aakhir Raj
Kapoor bhi poonji ke tantra mein kaam karte the aur V Shantaram bhi karte the
aur Satyajit Ray bhi karte the, Satyajit Ray ki adhikaansh filmen R D Bansal ne
'produce' keeye jo sabse baDe 'producer' hain Bangla filmon ke. to poonji ko aap
laDiye naheen, poonji ka sadupayog keejiye. yadi aap '18 crore' denge kisi
'star' ko, to film us 'star' ka mahima mandan naheen karegi to '18 crore'
aayenge kahaan se?

YK: to aap ne film banaane ka prayaas kiya tha?

PA: haan, kiya tha, maine film banaane ka prayaas kiya tha aur woh prayaas jaari
hai aur mujhe lagta hai ki kabhi na kabhi main safal hoyunga.

YK: Prahlad-ji, bahut aanand aaya, Aaj Ke Mehmaan kaaryakram mein aane aur itna
samay dene ke liye, bahut bahut shukriya.

PA: dhanyavaad, bahut bahut shukriya aapka huzoor.

THE END

The following has been taken from Yogesh Yadav's book on Film Music Directors
titled `Suvarna Yugwale Sangeetkar'

Pandit Amarnath Lahore
Date Of Birth: Approximately 1912 (Jallandhar most likely)
Death: 20-02-1947
Pandit Amarnath was a harmonium player basically. He had produced the `Soft'
sound in the Table. He belongs to the category of Ghulam Haider in the musical
field.

Pandit. Amarnath started his career in Delhi as the Director of Orchestra with
H.M.V. We can find the blend of Classical Music, Light music and Punjabi folk
music. He was the elder brother of the duo Husnlal-Bhagatram. While giving music
for `Mirza Saheban' Husnalal-Bhagatram were working along with Pandit Amarnath.
Shankar of Shankar Jaikishan fame had played Tabla and Dhol in this film.

The Britishers had banned the song `Pagdi Sambhal Re Jatta', which was a
patriotic song fearing that there wouldn't be a revolution among the farmers as
a result of hearing this song.
Panditji died six months before India got independence.


Songs Listing:
1). Khamosh Nigahein 1,2 		 Daasi 	 1944  Sachin. Dev. Burman
2). Woh Din Yaad Karo 			 Daasi 	 1944  Zeenat Begum
3). Dekha Karo Bhagwan 		 Daasi 	 1944  Zeenat Begum
4). Raatein Na Rahi Woh 		 Daasi 	 1944  Zeenat Begum
5). Phir Mohabat Ke 			 Iraada 	 1944  Hemant Kumar
6). Aaram Se Jo Raatein Kate 		 Iraada 	 1944  Hemant Kumar
7). Aankh Milaye Koyi 			 Dhamkee  1945  Zeenat Begum
8). Yaad Mein Raat Kati 			 Dhamkee  1945  Zeenat Begum
9). Haye Re Udh Jaayein 		 Mirza Saheban  1947  Zohra, Noorjehan, Shamshad
10). Haath Seene Pe Jo Rakh Do 		 Mirza Saheban  1947  Durrani, Noorjehan
11). Khayegi Thokre Yeh Jawani 		 Mirza Saheban  1947  Durrani
12). Tum Ankhon Se Door Ho 		 Mirza Saheban  1947  Durrani, Noorjehan
13). Ruthu Rangeeli Aayein 		 Mirza Saheban  1947  Zohra, Noorjehan, Shamshad
14). Kya Yehi Tera Pyar Tera 		 Mirza Saheban  1947  Noorjehan

We have over 700 companies that will pay you


We have over 700 companies that will pay you to:
Take online surveys - Get paid from $5 to $125 Each Survey!
Get paid to drive your car $1000 to $3000 per month!
Participate in Focus Groups - Get Paid up to $150 per hour
Try new products and paid $10 to $25 or even more (Keep the products FREE!)
Take telephone surveys and get paid up to $120 per hour.
Preview new movie trailers and get paid anywhere from $10 to $25 per hour.
Get paid to take surveys offline and get paid $5 to $95 per hour
Get Paid $10 to $40 per hour To Shop and Eat!
Get Paid $10 to $50 To Set Appointments online!
Get Paid To Travel - Earn $100's each month just for traveling!

Click here
http://microsoft-office-live.blogspot.com/2009/05/working-at-home.html