Happy Navratri to you and all members.
Regards,
Ramaswamy
--- In vividhbharati@..., "soojoi_india"
<soojoi_india@y...> wrote:
> Hi all,
>
> I am going home on a 10 day vacation (from 9th to 18th). So there
will
> be no posting of transcripts during this period.
>
> However I shall try my best to listen to the important programmes at
> home.
>
> Ramaswamy, id possible try to keep track of 13th Oct.
>
> Wishing all members a very Happy Navratri, Durga Puja & Dusshehra.
>
> Bye
> Sujoy

So you won't mind u/lding the files if I send them to your email-id ?
Re,
Ramaswamy
--- In vividhbharati@..., Susan Renda <waikin_62@y...>
wrote:
> Hello! Ramaswamy,
>
>          NO, I don't have problem getting onto the group site. I
just tried..its around 7:45am here in New Jersey,USA.
>
> Susan
>
> Ramaswamy <ramaswamy21in@y...> wrote:
> Are all members facing problems while u/lding to the grp. I was
> wanting to u/ld some prog files. Sujoy isn't also able to u/ld. I
will
> mail the files to the personal id then it can be u/lded.
> Regards,
> Ramaswamy
>
>
>
>
> ---------------------------------
> Yahoo! Groups Links
>
>    To visit your group on the web, go to:
> http://in.groups.yahoo.com/group/vividhbharati/
>
>    To unsubscribe from this group, send an email to:
> vividhbharati-unsubscribe@...
>
>    Your use of Yahoo! Groups is subject to the Yahoo! Terms of
Service.
>
>
>
> ---------------------------------
> Yahoo! for Good
>  Click here to donate to the Hurricane Katrina relief effort.

Hi all,

I am going home on a 10 day vacation (from 9th to 18th). So there will
be no posting of transcripts during this period.

However I shall try my best to listen to the important programmes at
home.

Ramaswamy, id possible try to keep track of 13th Oct.

Wishing all members a very Happy Navratri, Durga Puja & Dusshehra.

Bye
Sujoy

Are all members facing problems while u/lding to the grp. I was
wanting to u/ld some prog files. Sujoy isn't also able to u/ld. I will
mail the files to the personal id then it can be u/lded.
Regards,
Ramaswamy

Are all members facing problems while u/lding to the grp. I was
wanting to u/ld some prog files. Sujoy isn't also able to u/ld. I will
mail the files to the personal id then it can be u/lded.
Regards,
Ramaswamy

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB
Programmes/Interviews/20050928_Lata_Mangeshkar
   Uploaded by : soojoi_india <soojoi_india@...>
   Description : Lata Mangeshkar

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Interviews/20050928_Lata_Mangeshkar

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

1983

Song: Lata chants Sanskrit Praarthana.

Namaskaar fauji bhaiyon, mujhe jin jin par garv hain, unme hamari
sena aur aap log shaamil hain. Maine praarthana se na keval apne
karyakramon ko shuru karti hoon, balki mere har din ki shuruwaat bhi
praarthana se hi hoti hai. Fauji bhaiyon, jab main aapko jaate huye
dekhti hoon, to main apne pitaji ko jaate huye dekhti hoon. Unhe
shraddhanjali diye bina main kaise aage badh saki hoon?

Song: Marathi Natya sangeet by Dinanath Mangeshkar.

Kya aap yakeen karenge ki jab hum chhote the to humein filmen dekhne
ki bilkul ijaazat naheen thi. Haan par jab Saigal sahab ki filmen
aati thi to hum zaroor dekhte the. Aage chalkar Saigal sahab hi mere
maarg darshak bane. Aapko pata hai ki Saigal sahab ki heere ki
angoothi main aaj bhi har recording mein pahenti hoon.

Song: Main kya jaanoo kya jadoo hai (





Song: Ae dil-e-naadaan (Razia Sultan)






Song: Marathi Song by Asha Bhosle

Maine in dino ek gaana record kiya hai pyare Kishoreda ke saath,
gaana halka phulka zaroor hai magar yaad reh jaanewaali, iske
sangeetkaar hain Hridaynath Mangeshkar aur film hai Mashaal.

Song: Mujhe tum yaad karna aur mujhko yaad aana tum (Mashaal)

Kuchh der pehle maine disco aur paashchaatya sangeet ke baare mein
kaha tha. Abhi haal hi mein ek film aayi Subah. Iske ek geet ne aisi
aasha jagaayi, vishvaas jagaaya ki hamara sangeet hi janmaanav ko
shaanti pradaan karti hai. Suniye wohi geet, sangeet Hridaynath ka,
geet likha hai Pt Narendra Sharma ne.

Song: Tum asha vishvas hamare (Subah)

1983 ki shuruwaat mein hum stage show karne Khaadi (Gulf) jaanewaale
the, to humein bataya gaya ki hum wahaan sirf wohi gaane gaaye jinme
Urdu ki bharmaar ho. Khair humne sabhi tarah ke gaane gaaye, Sanskrit
praarthana se maine shuru kiya aur khatam kiya ap logon ke liye "Ae
mere watan ke logon se". Aapko pata hai wahaan ke logon ko sabse
zyada kaun sa gaana pasand aaya? Pandit Narendra Sharma ka likha film
Satyam Shivam Sundaram. Main yeh kehna chaahti hoon ki logon ko apne
ghar aaye mehmaan ki sanskriti aur rasmo-riwaazon ko jaanna hi zyada
pasand karte hain. Ab main aapko madhya-purv sangeet par aadhaarit ek
qawwali sunwaati hoon. Qawwali hote huye bhi isme shor-sharaba naheen
hai. Film Rustam Sohrab, sangeetkaar Sajjad Hussain.

Song: Phir tumhari yaad aayi ae sanam (Rustam Sohrab)

Mujhe kuchh aisa lag raha hai ki Hridaynath par ek thappa lag gaya
hai gair filmi geet compose karne ka ya phir unke gaane mein
classical music ki bharmaar rehti hai. Lekin aisa naheen hai, ek geet
aapko sunwaati hoon jisme filmi geet ka rhythm bhi hai aur mithaas
bhi hai.

Song: Footpaathon ke hum rehnewaale (Mashaal)

Swargiya Sahir sahab, mere aziz shaayar, woh na keval satheek shabdon
ka prayog karte the, balki unke naghmen purosar hoti thi. Agar unke
kisi bhi gaane ko film ki situaion se baahar nikaal deejiye, to bhi
woh geet utna hi praasangik rehta hai. Agar unka gaana sanjeeda hai
to usme ek chubhan hoti hai aur agar prem geet hai to chhoo jaati
hai. Aisa hi unka likha aur Hridaynath ka swarbaddh kiya film
Dhanwaan ka ek geet suniye.

Song: Yeh aankhen dekhkar hum saari duniya bhool jaate hain (Dhanwaan)

Fauji bhaiyon, jis tarah karyakram ka aarambh maine Praarthana se
kiya tha, usi tarah har karyakram ke ant mein main kehti hoon - Jai
Hind!

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Vishesh Jaimala/Lata
Mangeshkar/20050928_Lata_Mangeshkar
   Uploaded by : soojoi_india <soojoi_india@...>
   Description : Lata Mangeshkar - 1983

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Vishesh%20Jaimala/Lata%20Mangeshkar/20050928_Lata_Mangeshkar

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Namaskaar, hamari Aaj Ke Fankaar hain woh kalakaar jinki awaaz zamana
6 dashakon se sun raha hai.

Song: Kuhu kuhu boley koyaliya (Suvarna Sundari)

Aaj swar saamraagyi Lata Mangeshkar apne jeevan ki 75 baras poore kar
chuki hain. In varshon mein apni madhur awaaz se amrit chhalkaanewali
Lataji ke is amrit mahotsav par hum unhe dete hain bahut bahut
shubhkaamnaayen.

Clip: Roshan tumhi se duniya ronak tumhi jahaan ki salamat raho
salamat raho (Parasmani)

Bharat ke hriday pradesh Madhya Pradesh ke Indore ke Sikh Mohalla
naamak sthaan par 28 September 1929 ko huya. Janm tithi ke anuroop
unka naam Hema rakha gaya. Pita Dinanath Mangeshkar unhe pyar se
Hridaya bulaate the. Yahi pyar unke chaahnewaalon se bhi mila aur woh
sangeet rasikon ke hriday ki saamraagyi bani.

Song: Main keval tumhare liye gaa rahi hoon (Prem Bhakti MUkti)

Lataji ne 9 saal ki umra mein pehli baar manch par shashtriya sangeet
pesh kiya. Tab shrotaaon ko ek baar bhi yeh ahsaas huya hoga ki aage
chalkar woh zaroor itihaas rachegi.

Song: Saanvare o saanvare kaahe mose karo jorajori (Anuradha)

Apne pita ke alawa Lataji ne Ustad Amar Ali aur Tulsidas Sharma se
sangeet ki shiksha lee. Sureela kanth to tha hi, apni saadhna, lagan
aur mehnat, suron ki dhaara to behni hi thi.

Song: Sakal ban gagan pawan chalat purvaaee (Mamta)

Lata Mangeshkar ne pehli baar san 1942 mein Marathi film Kiti Hasaal
mein paarshwa gaayan kiya jiske sangeetkaar the Newrekar. Lekin woh
geet film mein shaamil naheen kiya gaya. usi saal unhone film Pahili
Magalagaur film m ein ek geet gaaya jiske bol the "Naatli chaitrachi
navalai". Hindi mein unhone pehli baar paarshwa gaayan kiya san 1947
mein bani Aap Ki Seva Mein film mein. Geet tha "Paa laagoon kar
jode". Tab se lekar aaj tak aap ki seva mein arthaat apne shrotaaon
ki seva mein na jaane kitne moti luta chuki hain.

Clip: Vandemataram (Anandmath)
Clip: Govind ke gun gaayiye (Non-film Song)
Clip: Kahin pyar na ho jaaye (Parasmani)
Clip: Jaana tha humse door (Adalat)
Clip: Aa jaanejaan (Inteqaam)
Clip: Payal ki jhankaar raste raste (Mere Laal)
Clip: Dilbar dil se pyare (Caravan)
Clip: Gumnaam hai koi (Gumnaam)
Clip: Kuchh dil ne kaha (Anupama)
Clip: Meri gudiya ko sula chaand ke palne mein tu (Rishte Naate)
Clip: Pyar ki daastaan tum suno to kahen (

Apne career ke shuruwaati saalon mein Lataji ne kuchh Marathi filmon
mein abhinay bhi kiya tha. Yeh filmen hain 1942 ki Pahili
Mangalagaur, 1943 ki Chimukla Sansaar, 1943 ki hi Maazhe Baal, aur
1944 ki Gajabhau jisme unke abhinay ki kaafi prashansa kee gayi. Usi
daud mein unhone kuchh Hindi filmon mein bhi abhinay kiya jaise 1945
mein bani Badi Maa, 1946 mein bani Jeevan Yatra aur Subhadra, aur
1948 mein bani film Mandir. Par unki alsi pehchaan to bani unke
gaayan se.

Song: Aaj mere mann mein sakhi baansuri bajaaye koi (Aan)

Lataji ki gaayan bahut hi anootha aur meetha hai. Unki daiviya swar
jab bhakti ras ke geet gaati hai, to usey sunkar mann pavitra ho
jaata hai. Allah ki ibaadat ka naam hai Lata Mangeshkar,  kudrat ka
karishma hai Lata Mangeshkar. Yeh woh amrit ganga hai ki isme jisne
bhi dubki lagaayi usne hi tripti paayi.

Song: Allah tero naam eeshwar tero naam (Hum Dono)

Woh kaun sa ghar aangan hoga, woh kaun si pagdandi hogi, woh kaun sa
gali gooncha hoga ki jisme is mohak awaaz ki chhaya na padee hogi.

Song: Zara si aahat hoti hai (Haqeeqat)

Jaise baarish ka, hawa ka, roshni ka khushboo ka koi ghar naheen
hota, waise hi Lataji ki awaaz bhi samooche jahaan mein faili huyi
hai, jo saalon se fizaaon mein goonj rahi hai nirantar.

Song: Yeh meri zindegi ek paagal hawa (Ziddi)

Har ghar mein is awaaz ne lutaaye hain mithaas ke moti.

Song: Mere jeevan saath kali thi main to pyasi (Saathi)

Chaahe maahaul khushi ka ho, koi dhaarmik parv ho ya saheli ki
bidaayi ki ghadi, Lataji ki awaaz har kahin rachi basi hai.

Song: Chali aaj gori piya ki nagariya (Godaan)

Bhor hote hi yeh awaaz humein jagaata hai aur prerit karta hai apne
aap ko us viraat param satta ko samarpit kar dene ke liye.

Song: Jaago mohan pyaare (Jaagte Raho)

Lataji ne kucch Marathi filmon ke liye sangeet bhi tayyaar kiya hai
Anandghan ke naam se. Yeh filme hain 1950 mein bani Raam Raam Pahune,
1962 ki Mohityanchi Manjula, 1964 ki Maratha Tituka Melvava, 1965 ki
Saadhi Maanse, aur 1969 mein bani film Tambadi Maati.

Song: Piya tose naina laage re (Guide)

Lataji ki awaaz mein prem apne sundartam roop mein abhivyakt hota hai.

Song: Aapki nazron ne samjha (Anpadh)

Kitne hi anu bhutiyon ko apni awaaz se vyakt kiya hai Lataji ne. Unki
awaaz se jeevan ke chhote bade sukh dukh, khatte meethe ahsaason ki
varnan hum sab ke abhivyakti ban jaate hain.

Song: Naina barse rimjhim (Woh Kaun Thi)

Lataji ne kuchh filmon ka nirmaan bhi kiya hai. Yeh filme hain 1953
ki Marathi film Vaadal, 1953 mein hi C Ramchandra ke sehyog se bani
film Jhaanjhar, 1955 mein bani Kanchan aur 1990 mein bani film Lekin.

Song: Yara sili sili (Lekin)

Lataji ko chaar baar Filmfare ke Sarvashreshth Paarshwa gaayika ke
puraskaar se sammanit kiya gaya hai. Pehli baar 1958 ki film
Madhumati ke is geet ke liye jise likha hai Shailendra ne aur sangeet
hai Salil Choudhury ka...

Clip: Zulmi sang aankh ladi (Madhumati)

1962, film Bees Saal Baad, geet Shakeel Badayuni, sangeet Hemant
Kumar, aur geet ke bol...

Clip: Kahin deep jale kahin dil (Bees Saal Baad)

1965, film Khandaan, geetkaar Rajinder Krishan, sangeetkaar Ravi, aur
gaane ke bol...

Clip: Tumhi mere mandir tumhi meri pooja (Khandaan)

aur 1969, film Jeene Ki Raah, geet Anand Bakshi, sangeet Laxmikant
Pyarelal, aur geet ke bol...

Clip: Aap mujhe achchhe lagne lage (Jeene Ki Raah)

1969 ke baad Lataji ne yeh puraskaar na lene ka nirnay kiya taaki
naye gaayikaaon ko ubharne aur yeh puraskaar milne ka avsar mil sake.
Zindegi ka woh kaun sa rang hai jo Lataji ki awaaz se na ubhakar aaya
hoga. Unke doosre gaayakon ke saath gaaye duet geeton ka bhi koi
jawaab naheen.

Clip: Main chali main chali (Professor)
Clip: Mehtaab tera chehra (Aashiq)
Clip: Gaata rahe mera dil (Guide)
Clip: Itna to kehdo humse tumse hi pyar hai (Satta Bazar)
Clip: Itna na mujhse tu pyar badhaa (Chhaya)
Clip: Yeh raat bheegi bheegi (Chori Chori)

1984 mein Madhya Pradesh shaasan ke saanskritik Vibhaag ne Sugam
Sangeet ke kshetra mein 1 lakh rupay raashi ka vaarshik Lata
Mangeshkar Puraskaar ki sthaapna kee hai. Isey paane waale pehle
kalakaar the sangeetkaar Naushad. Lataji ko 1969 mein Padmabhushan,
1989 mein Dada Saheb Phalke aur 2001 mein desh ke sarvochya sammaan
Bharat Ratna se sammaanit kiya gaya hai. Bharat ke ek sachche ratna
ke liye yeh sammaan sachmuch saarthak hai.

THE END

Hamare Mehmaan, is karyakram mein aaj hum aapki mulaqaat karwa rahe
hain ek aise kalakaar se jinki taarif mein har shabd chhota pad jaata
hai. Kaha jaata hai ki Ganga nadi Shivji ki jataa se is dharti par
utri thi, par sur ki ganga to swarg se seedhe hamare aaj ke mehmaan
ke galey mein utar gayi aur saalon se hum sab ko apni meethi awaaz ke
baarish se bheego rahi hai.

Clip: Main keval tumhare liye gaa rahi hoon

Ab shaayad aur zyada bhumika ki zaroorat naheen hai, aap samajh gaye
honge ki aaj hum aapki mulaaqaat karwa rahe hain sur saamraagyi Lata
Mangeshkar se. Aapse baatchit kee hain Aniruddh Chawla ne. To aayiye
sune yeh baatchit.

AC: Aniruddh Chawla
LM: Lata Mangeshkar

AC: Doston, kitne khushnaseeb hain hum ki sur saraswati Lataji ke yug
mein humne janam liya hai jab Lataji is dharti par maujood hain,
hamaare saath hain. Afsos to un logon ke liye hota hai jo is surganga
mein nahaaye bina hi is dharti se chale gaye. Lataji ki awaaz ke
baare mein kya kahen, unki muskurahat mein bhi wohi anootha mithaas
hai.

Clip: Bhanwre ne khilaya phool (Portion in which Lata laughs)

AC: Doston, aaj is waqt mere saamne baithi huyi hain hamaare
apne "cho-chweet" Lata Didi.

Lataji laughs.

AC: Didi, bahut bahut swaagat hai aapka, sabse pehle to main aapse
yeh poochhoonga ki aapne aaj tak itne kam interviews kyun diye hain?

LM: Mere khayaal se kisi bhi kalakaar ko ek hi kaam karna chaahiye,
log agar mujhe sunte hain to mujhe sirf gaana chaahiye. Waise bhi
mujhe in sab mein, interviews mujhe pasand naheen hai.

AC: Iska matlab kya yeh hai ki aap is industry mein bahut kam logon
ko jaanti hain?

LM: Jee haan, main hamesha door door hi rehti hoon. Kai galat
fehmiyaan ho jaati hain, fizul ki tohmaten lagaayi jaati hain, isliye
main in sab se door hi rehna chaahti hoon.

Clip: Hum to bhai jaise hain waise rahenge (Veer Zaara)

AC: Didi, aap filmen dekhti hain?

LM: Pehle theatre mein jaakar bahut dekhti thi, par ab naheen,
theatre mein jaati hoon to log mujhe dekhne lag jaate hain.

AC: Humne suna hai ki aapko Amar film bahut pasand hai?

LM: Jee haan, us zamane ke filmon mein ek mesaage hota tha, aaj aisi
filmen hum miss karte hain. Aajkal ke gaane real nahin lagte, matlab,
hum jo aaspaas dekhte hain, vo reality humein dekhne ko nahin milti.
Ab hero-heroine kahin garden mein jaate hain, aur jaise gaanaa shuruu
karte hain to bees-pachchis ladke-ladkiyaan aaspaas se aate hain aur
dance karnaa shuru kar dete hain. Hero ko pata hai heroine kya
gaanewaali hai, heroine ko bhi pata rehta hai. To yeh real nahin
lagtaa. lekin yeh meri raay hai, ho sakta hai, aaj ke bachchon ko yeh
cheez achchi lagti ho. Main maanti hoon ki aaj ke zamaane mein log
apne roz ke jeevan ki thakaan se door jaanaa chaahate hain, aur
isliye film dekhanaa chaahate hain, lekin thakaan door karne ka yeh
tareeka meri samajh mein nahin aayaa.

AC: Raj Kapoor sahab ne film Awara mein background mein ladke-
ladkiyon se dance karwaane ka system shuru kiya tha, jise dream
sequence bhi kaha jaata hai.

LM: Jee haan, Raj sahab ne isey shuru kiya tha, gaana tha "Ghar aaya
mera pardesi", lekin aajkal to sapne mein naheen, aise hi baithe
baithe log Switzerland pahunch jaate hain aur wahaan dance karne
lagte hain (laughs).

Clip: Tu aaja, tere bina besuri baansuri (

AC: Raj ji ke alawa aur bhi bade bade directors the us daud mein,
unme se kisi ke baare mein kuchh kehna chaahengi?

LM: Guru Dutt the, Mehboob Khan the. Aaj bhi bahut achchhe directors
hain, par waqt badal gaya hai.

AC: Didi, kya aapko aisa lagta hai ki is badalte waqt ke saath saath
humein bhi badalna chaahiye?

LM: Main samajhti hoon ki insaan ko apne siddhaanton pe chalna
chaahiye, main aisa maanti hoon, jo maine tay kiya hai main usi pe
chalna pasand karoongi. Yeh zaroori naheen hai ki sabhi yeh maane,
lekin main naheen badal sakti.

AC: Didi, agar puraane filmon ko aaj phir se banaya jaaye to kya
aapko lagta hai ki log unhe pasand karenge?

LM: Mera khayaal hai pasand karenge. Bas unme wohi baat honi
chaahiye, 20-25 ladkiyaan dance karti huyi naheen honi chaahiye
(laughs).

Clip: Duniya mein hum aaye hain to jeena hi padega (Mother India)

AC: Didi, aapne filmen produce karne ke baare mein socha hai?

LM: Mujhe filmen banana pasand naheen, na hi music dena. Main ek do
filmen banayi hai, par mujhe achcha naheen lagta.

AC: Didi, ab sangeetkaaron ki baaten karen, aapko yeh naheen lagta ki
Sajjad Hussain ki bad luck rahi hai?

LM: Jee haan, log unhe ghamandi kehte the, ki woh producer ko tang
karte hain, aur na jaane kya kya. Par aisa naheen tha. Haan, woh zara
gussewaale zaroor the, chaahe saazinda ho ya singer, alag kisi se
galati ho jaaye to keh dete the "saaz milaa lo yeh kya kar rahe
ho?"Logon ne unhe galat samjha hai. Unko filmen bhi bahut kam mili.
Mere khayaal mein unhone 100 se bhi kam filmon mein sangeet diya hai.

AC: Lata didi, kya koi aisa geet aapko yaad hai ki jo zyada popular
to naheen huya par aapko bahut pasand hai?

LM: Saiyan ke gaane, jo record par naheen utaare gaye kyunki
recording company ne keh diya ki record naheen ban sakti kyunki
recording achchhi naheen huyi hai, abhi haal hi mein iska record
nikaala gaya hai.

Clip: Kaali kaali raat re dil badaa sataaye (Saiyan)

AC: Ek aur sangeetkaar jo kaafi struggle karte rahe aur unki
masterpiece unke guzarne ke baad release huyi, Ghulam Mohd.

LM: Jee haan, Pakeezah. Ghulam sahab ko yakeen tha ki yeh film
chalegi aur gaane bhi chalenge, jis haalat mein woh marey, haalat
bahut kharaab thi unki.

AC: Aapko kya lagta hai ki unke gaane kyun naheen zyada chale?

LM: Pataa naheen, us samay competition bhi itne the ki unke gaane
kahin kho jaate the.

Clip: Chalte chalte yunhi koi mil gaya tha (Pakeezah)

AC: Pakeezah ke zikr se yaad aaya, Meena Kumariji ko aap zyaati
zindegi mein jaanti theen? Unke itne jaldi chale jaane se aapko dukh
huya hoga!

LM: Jee haan, Main unke death ke ek maheene pehle unse milne gayi thi.

AC: Aisa kyun hai ki is industry mein aise bade bade fankaaron ko is
tarah ki haalat se guzarni padti hai? Kya kisi ne unki madad naheen
kee?

LM: Duniya mein kaun kiska saath deta hai? Insaan akela hi aata hai,
akela hi chala jaata hai.

Clip: Aaj teer-e-nazar dekhenge (Pakeezah)

AC: Aur aisa koi abhinetri hain jinhe aap jaanti hon?

LM: Nargis ke saath meri bahut achchhe sambandh the. Madhubala, bahut
achchhi theen woh, ekdum bachpanaa thaa unme, matlab, bahut baaten
karti theen. Kabhi kabhi ghar aa jaati theen aur agar main baahar
gayi huyi hoti, to mere aane tak baithtin aur baaten karke hi jaati.
Woh jaake producer se kehti ki aap apne contract mein likhiye, ki
Lata Mangeshkar hi mere liye gaayegi,(laughs), aur phir mujhe phone
karke kehati ki maine phalaane producer se keh diya hai ki aap mere
liye gaayengi to aap ko gaanaa hi padegaa.

Clip: Pyar kiya to darna kya (Mughal-e-Azam)

AC: Lekin didi, aapne kabhi yeh socha hai ki achchhe log itni jaldi
kyun guzar jaate hain? Meenaji, Nargisji, Madhubalaji, yeh sabhi
kitne jaldi chale gaye.

LM: Jo log dharti par pasand kiye jaate hain, bhagwaan bhi unhi ko
chaahte hain, isiliye shayad unhe apne paas jald se jald bula lete
hain.

AC: Didi, aapne itne saare gaane gaaye hain, kya koi aisa geet hai jo
aapko pasand naheen?

LM: Bahut saare hain jo chale bhi hain. Film Sangam mein ek gaana
tha "Main kaa karoon Ram mujhe buddhaa mil gayaa", usko lekar mera
Raj Kapoorji ke saath badaa jhagdaa ho gayaa tha. Mujhe woh gaana
theek nahin lag raha tha, gandaa lag raha tha. Lekin phir Raj Kapoor-
ji ne samajhaayaa ki main poora Khayaal rakhoonga ki isme koi
ashleelta naheen aaye, matlab, kapde achchhe honge, acting bhi
achchhi hogi, bas, yeh apne husband ke saath mazaak kar rahi hai woh
dikhaana chaahte hain, to maine woh gaana gaaya, lekin phir woh film
nahin dekhi phir.

AC: Achchha? (surprised)

Clip: Main kaa karoon Ram (Sangam)

AC: Ek aur film thi Mera Naam Joker, humne aisa suna hai ki aap usme
ek geet gaanewaali theen, par baad mein aapne aitraaz kar diya gaane
se?

LM: Jee haan, maine us gaane ki rehearsal bhi kee thi, lekin kuchh
royalty par mera Raj ji se jhagda ho gaya, isliye maine gaane se
inkaar kar diya. Mera Rafi sahab ke saath bhi isi baat par jhagda
huya tha. Royalty to mujhe milti thi par main chaahti thi ki sab ko
mile, bas yahi baat thi.

AC: Kya aapko ab in baaton se afsos hota hai?

LM: Jee naheen, mujhe koi afsos naheen hai.

AC: Phir aakhir mein Bobby ke liye Raj ji ko aap ke paas aana hi padaa

Clip: Akhiyon ko rehne de akhiyon ke aas paas (Bobby)

AC: Didi, aap, Rafi sahab, Kishoreda, aur Mukeshji ne milkar ek geet
gaaya tha.

LM: Maine bahut saare gaane gaaye hain inke saath.

AC: Nahin, aap chaaron milkar ek geet gaaya tha, aapko yaad hai woh
geet?

LM: Naheen

AC: Film Amar Akbar Anthony ka geet.

Aniruddh sings "Humko tumse ho gaya hai pyar kya karen"

LM: Achchha, haan (laughs)

Clip: Humko tumse ho gaya hai pyar (Amar Akbar Anthony)

AC: Humne suna haiki Kishoreda bahut zyada improvise karte the, par
Rafi sahab naheen. Is it true?

LM: Naheen dono karte the, par Kishoreda kuchh zyada.

AC: Didi, kya aapne kabhi music director ko dhun sujhaayi?

LM: Naheen aisi baat to naheen hai, haan ek baar zaroor huya tha, yeh
main zyada kisi se naheen kehti. Ek gaana tha jo Shankar-Jaikishan
banaa rahe the film Amrapali ke liye. Main recording studio pahunchi
to pataa lagaa ki wahaan par sthiti badal gayi thi. Kisi aur producer
ne unse woh dhun pehle hi maang rakhi thi aur us producer ne keh diya
ki aap yeh dhun naheen istemaal kar sakte. To woh log soch rahe the
ki kya kiya jaaye. To Shankarji ne mujhse kaha ki Lataji, aap hi
kuchh sujhaaiye. To maine unhe asthaayi gaa ke sunaayaa ki yeh is
tarah se kaisa rahegaa? to woh khush ho gaye, bole, yeh to bahut
achchha hai, isi ko lete hain. Woh gaana tha "Jaao re, jogi tum jaao
re", to aisaa hotaa thaa us zamaane mein.

Clip: Jaao re jogi tum jaao re (Amrapali)

AC: Humne suna hai ki "Naina barse rimjhim rimjhim" aapki apni
composition thi?

LM: Naheen, woh to Madan bhaiya ne hi banaya tha. Main kabhi gaane
compose naheen karti, kabhi kabhi suggesion deti thi agar koi poochhe
to.

Song: Maayi ri main kaa se kahoon peed apne jiya ki (Dastak)

AC: Didi, naye naye gaayakon ke saath bhi aapne gaaya hai. Kaun sa
gaayak aapko achchha lagta hai? (Pause) Kishoreda ke bete Amit Kumar
zyada aage naheen badh paaye, aapko kya lagta hai?

LM: Mujhe lagta hai ki Amit ne zyaada dhyaan is taraf naheen diya.
Yahaan pe jo thoda theher jaata hai usey phir koi poochhta naheen hai.

AC: Didi, main roz subah sajda karta hoon aapke gaaye Sajda album ke
ghazlon ka. (Both AC & LM laughs). Kaisa anubhav raha Jagjit Singh ke
saath gaane ka?

LM: Jagjitji ke baare mein kya bataayun? Maine unke saath ek film
mein gaaya tha par woh film bani naheen. Jab unhone mujhe Sajda album
mein gaane ka offer diya us waqt meri tabeeyat kharaab ho gayi, aur
bahut dino tak recording naheen ho paayi, kaafi der ho gayi, par baad
mein recording bahut achchha huya aur bahut chalaa.

Song: Dard se mera daaman bhar de (Sajda - Ghazal Album)

AC: God was really watching over you, really!

LM: Pehle Jagjitji chaahte the ki is album mein sirf mere solo ghazal
ho, par maine unse kaha ki duet bhi achchhe lagenge. Mujhe "Mili
hawaayon mein mudne ki woh sazaa yaaron" pasand hai.

AC: Wow, its amazing, jadoo hai jadoo!

Song: Mili hawaayon mein mudne ki woh sazaa (Sajda - Ghazal Album)

AC: Didi, jab aap ko is bheed se door jaane ka mann hota hai to aap
kahaan jaati hain?

LM: Mujhe baahar jaana pasand hai, main Kolhapur jaati hoon, wahaan
Panhala mein hum logon ka ghar hai, Poona mein achchha lagta hai.

AC: Didi, aapka koi typical day kaisa hota hai? Aap din bhar kya kya
karti hain? Would you like to share with us?

LM: Subah uthke nahaa dho ke, pooja karti hoon, aur phir shaam ko,
matlab, praarthana karti hoon. Bahut achchhaa lagta hai pooja karna.

AC: To Bhagwaan se baatem karti hain aap?

LM: Haan, karti hoon, par jawaab to naheen aata na! (laughs)

Clip: Allah tero naam eeshwar tero naam (Hum Dono)

AC: Achchha, phir uske baad, agar reording huyi to kya karti hain?

LM: Jab subah recording hoti hai to thodaa tension rehta hai, jaldi-
jaldi bhagna padta hai.

AC: Achchha aaj bhi aapko tension hoti hai? To kuchh naheen badla aaj
bhi? Kya ab bhi aap ko in sab ki aadat naheen padee?

LM: Abhi bhi recording se pehle thodaa tension rehta hai ki kaisaa
rahegaa gaana. Aadat to pad jaati hai, lekin aisaa hai ki ab
zimmedari bah gayi hai, pehle pehle to itanaa tension nahin hotaa
thaa, gaana gaake aa jaate the. Lekin kuchh naam hone ke baad, man
mein yeh rehtaa hai ki aur bhi achchhaa kaam karnaa chaahiye. Jab koi
mujhse kahega ki ab woh baat naheen rahi jo pehle thi, us waqt sat
karke nikal jaao (laughs)

Clip: Tere liye hum hain jeeye (Veer Zaara)

AC: Didi, kya aap gaana jaari rakhengi? Kya aap ko lagta hai ki har
kalakaar ko ek waqt ruk jaana chaahiye?

LM: Kisi kalakaar ko jab yeh lage ki woh ab pehle jaisa naheen raha,
jabkhud ko mehsoos ho to ruk jaana chaahiye. Agar mujhe yeh lage ki
ab bhi main kuchh kar sakti hoon to kyun rukoon? Jaise aap Ashok
Kumar ko le leejiye, unhone ant tak alag alag role apne umra ke
mutaabik kiye hain.

AC: Aur aap mein bhi wohi baat hai!

LM: Abhi tak to hai Bhagwaan ki kripa se.

AC: Inshallah!

Clip: Kitne ajeeb rishte hain yahaan pe (Page 3)

AC: Didi, aap angrezi music bhi sunti hain?

LM: Sunti hoon, mujhe pasand bhi hai, par aaj jaisa naheen. Main
Beatles tak pasand karti hoon, Unke gaane achchhe lagte hain mujhe.
Phir woh ek Nat King Cole gaataa tha, aur Frank Sinatra ke gaane
achchhe lagte hain. Ek Barbara Streisand hain, woh mujhe bahut
achchhi lagti hain, meri nazar mein woh ek mahaan kalaakaaraa hain.
Aur waise main symphonies sunnaa pasand karti hoon, operas bilkul
achchhe nahin lagte.

AC: Aisa kyun?

LM: Pata naheen, operas muhe kuchh jamti naheen.

AC: Achchha didi, ab mere haath mein do patthar ke records hain,
bahut bhaari hain, main aap ko ek ke baad ek do gaane sunwaayunga,
phir unke sangeetkaaron ke baare mein hum baaten karenge.

Clip: Tadpaaoge tadpaa lo (Black Cat)
Clip: Main tumhi se poochhti hoon (Barkha)

AC: Aur hum aap se poochhte hain ki aapki awaaz kyun humein itna
pasand hai? (laughs), jawaab dengi aap?

LM: Yahaan main laajawaab hoon (Both laughs)

AC: Didi, pehla geet N Dutta ji ka tha, aapko film ka naam yaad hai?

LM: Naheen, bahut saal ho gaye.

AC: Black Cat

LM: Achchha

AC: Aur doosra gaana Chitraguptji ka, film Barkha.

LM: Jee haan.

AC: To pehle N Dutta ji ke baare mein kuchh bataayen

LM: N Dutta Goa ke rehnwaale the, woh S D Burman ke assistant bhi reh
chuke hain. Unka naam tha Dutta Naik, woh Goa ki zubaan mein jaan
boojhkar mujhse baaten karte, par mujhe kuchh bhi samajh naheen aati
thi. Bahut achchhe the.

Clip: Sunoji tum kya kya khareedoge (

AC: Aur Chitraguptji?

LM: Bahut achchhe the, bahut bhale, padhe likhe, unhone MA kiya huya
tha. Kisi ke assistant se shuru kiya tha. Ek baar aakar mujhse kaha
ki Lataji, aap mera gaana gaayengi? Main kabhi kabhi sochti hoon ki
kyun unka utna naam naheen huya. Gaane unke dekhiye kitne sureele
hain, par pataa naheen kyun unka utna naam naheen huya.

Clip: Is raat ko do chaand khile (

AC: Film Bhabhi mein ek gaana tha "Tie lagaake maana ban gaye janaab
hero", badaa hi mazedaar gaana tha, aapne aise kai mazedaar geet
gaaye hain

Clip: Tie lagaake maana ban gaye janaab hero (Bhabhi)

AC: Waise un sangeetkaaron mein, aapko kaun sa sangeetkaar aisa lagta
hai ki jinhone sabse zyada experiments kiye?

LM: Salilda aur Hridaynath. Aur bhi honge, par main samajhti hoon yeh
dono sabse zyada hain.

AC: Aur Panchamda?

LM: Koi shaque naheen, par unke do style huya karte the, ek Indian,
bahut sweet compositions, aur doosra western, jaise Asha ne Teesri
Manzil mein gaaya hai.

Clip: Bangle ke peechhe (Samadhi)

AC: Hum experimental music directors ki baat kar rahe hain to ek naam
aur yaad aa raha hai.

LM: Jee haan, A R Rahman. Maine 2/3 gaane gaaye hain unke liye, ek
gaana to mere upar picturize bhi kiya gay hai Pukar picture mein.

Clip: k tu hi bharosa (Pukar)

LM: Bade bhakt aadmi hain, recording se pehle kisi Dargaah ki
mombatti le aate hain aur usey jalaate hain.

AC: Kya unka claasical base bahut strong hai?

LM: iska to mujhe itna idea naheen hai kyunki main zyaada unse naheen
mili, par woh kamaal ke aadmi hain. Unki style hi alag hai. Woh gaane
ko kisi ek instrument pe poora bajaa ke rakhte hain, aur phir singer
ko sunaate hain. Unke saath kaam karne ka tareeka hi alag hai. Woh,
mujhe lagtaa hai ki, thodaa sa Arabic style karte hain, woh pasand
hai shaayad unhe. Matlab, pehle lagtaa tha ki bahut mushkil hogaa par
ab bilkul mushkil nahin lagtaa. Maine pehla gaana unka gaaya "Jiya
jale jaan jaley", maine unse kaha ki aap tape bhej deejiye gaane ka.
Unhone apne assistant se gawaakar tape bhej diya mere paas, jab
rehearsal ke liye pahunchi to dekha ki ek bas instrument hai. Main jo
bhi rehearsal karti ya kuchh gungunaati woh usey record kar lete aur
kahin par gaane mein jod dete. Main kehti ki yeh to main aise hi
rehearsal kar rahi hoon, to kehte ki koi baat naheen mujhe aisa hi
chaahiye. To jo bhi main gaati woh usey cut karke gaane mein daal
dete. Kamaal unka style hai.

Clip: Jiya jale jaan jale (Dil Se...)

AC: Didi, jab aapka dil jalta hai, yaani ki jab aap udaas hoti hain
to apne aansoo kisko zaahir karti hain?

LM: Kisi ko naheen, dukh apne liye rakhna chaahiye aur khushi baantna
chaahiye. Mera khayaal hai ki dukh sirf Bhagwan ko hi bataana
chaahiye.

Clip: O paalanhaare nirgun o nyaare (Lagaan)

AC: Aisa koi masla ya samasya hai industan ka, jo aapko achchha
naheen lagta?

LM: Desh ki haalat to achchhi naheen hai. Gundagardi hai chaaron
taraf, dukh to hota hai ki hum kahaan jaa rahe hain?

Clip: Humse na dekha jaaye barbaadiyon ka samaa (Pukaar

AC: To kya aapko lagta hai ki hum us hadh se aage nikal aaye hain ki
ab kuchh naheen kiya jaa sakta?

LM: Jab tak janta naheen uthegi tab tak kuchh naheen ho sakta. Aaj
logon ko desh se pyar hi naheen hai, yeh sochtenaheen ki yeh desh hi
naheen rahega to hum kahaan jaayenge. Jo doosre desh ke log hain woh
apne desh mein to humein gair hi samajhte hain. Doosron ke dharti pe
jaakar aap apne ko unka naheen keh sakte, aap unke liye gair hi hain,
isliye humein apne desh ki raksha karni chaahiye.

Clip: O jaanewaalon jaao na ghar apna chhodke (

AC: To aap yeh maanti hain ki aaj hum mein josh aur jwala naheen hai?

LM: Main maanti hoon ki ek agar khadaa hoga to doosra bhi khadaa hoga
aur is tarah se poori fauj tayyaar hogi. Itihaas mein hum jhaank kar
dekhen to paayenge ki aise hi badi badi ladaaiyaan jeeti gayi hain.
Shivaji ne pehle kraanti shuru kee thi, phir aur khade huye unke
saath ho gaye.

Song: Ae mere watan ke logon (Non-film)

To doston, yeh tha Lataji se Aniruddh Chawala ki baatchit par
aadhaarit karyakram. Lataji par kisi karyakram ko ek ghante mein
samet paana sambhav naheen, par phir bhi hum ummeed karenge ki aapko
yeh karyakram pasand aaya hoga. Chalte chalte hum dhanyavaad ada
karte hain Akashvani Mumbai ko jinke saujanya se yeh recording humein
praapt huyi, hum dhanyavaad dete hain Aniruddh Chawla ko jinhone
aapke aur Lataji ke beech setubandh ka kaam kiya, aur is karyakram ko
sajaya aur sanwaarkar aapke liye prastut kiya Vividh Bharati ne.

Clip: Do pal ruka khwaabon ka caravan aur phir chal diye tum kahaan
hum kahaan (Veer Zaara)

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Vishesh Jaimala/20051001_Hemlata
   Uploaded by : soojoi_india <soojoi_india@...>
   Description : Hemlata

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Vishesh%20Jaimala/20051001_Hemlata

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Aaj Ke
Fankaar/Singers/20040928_Lata_Mangeshkar
   Uploaded by : soojoi_india <soojoi_india@...>
   Description : Lata Mangeshkar

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Aaj%20Ke%20Fankaar/Singers/20040928_Lata_Mangeshkar

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Aap sabhi ko Shehnaz ka namaskaar. Hamare aaj ke Sargam Ke Sitare
hain geetkaar shayar Majrooh Sultanpuri.

Clip: Haaye haaye yeh zaalim zamana (Shahjehan)
Clip: Jalte hain jiske liye (Sujata)
Clip: Yeh dil na hota bechara (Jewel Thief)
Clip: Teri ankhon ke siwa duniya mein (Chirag)
Clip: Huyi shaam unka khayaal aa gaya (Mere Humdum Mere Dost)
Clip: Bangle ke peechhe beri ke neeche (Samadhi)
Clip: Papa kehte hain bada naam karega (Qayamat Se Qayamat Tak)

Majrooh Sultanpuri aise fankaar hain jinke rache geeton ko Kundan Lal
Saigal se lekar aaj ke peedhee ke kalakaaron ne apni labon se
gungunaya hai.



Song: Chahoonga main tujhe (Dosti)



Aapne suna film Dosti ka geet Mohd Rafi ki awaaz mein, sangeetkaar
the Laxmikant Pyarelal. Hazaaron geeton ke rachaita Majrooh
Sultanpuri ke fan ke baare mein jitni taarif kee jaaye kam hai. Zikr
chaahe dost ke dosti ki ho ya phir mehboob dwara apne mehbooba se
chhuwan ka pehla ahsaas, mushkil se mushkil bhaav ko bhi sahejta se
wyakt karna unka kamaal tha aur badi khoobsurti ke saath in ahsaason
ko we lafzon mein pakad lete the.

Song: Baiyan na dharo (Dastak)



Lata Mangeshkar ki awaaz mein abhi aap ne suna film Dastak ka geet.
Sangeetkaar the Madan Mohan. Majrooh Sultanpuri UP ke Sultanpur ke
niwaasi the. Bachpan se hi unko shero shayari ka shauk tha. Naamcheen
shayron ke mushaayron mein we jaaya karte the. Woh daud kraanti ka
tha jiski wajah se unki shaayri mein bhi kranti ka bigul tha. Jo bhi
ho, Majrooh sahab ne rukh kiya Bambai ke cine jagat ki or. Leejiye
unhi se suniye ki woh kaise film line aa pahunche.

Majrooh Sultanipuri speaks: Har kasbe kasbe mein mushaayere ka
maahaul tha. Main itna aakarshit huya ki meri practice par asar hone
lagi. Shaayri haqeemi par haavi hone lagi. Phir ghoomte ghaamte
Bambai aa pahuncha. Yahaan pe aakar main rof Rashid Ahmed Siddiqui se
mila. Woh un dino gareeb bachchon ke fees vagerah ke liye kaam kiya
karte the, to unhone mujhse kaha ki aap bhi yahaan aa jaayiye. To
unhone mujhe bhi rakh liya, teen saalon tak main unke saath raha 1944
tak. Main mushaayron mein bhaag lene laga, Rashid sahab kabhi raat ko
khaane pe bulaate aur mujhse shaayri sunte. Maine gaur kiya ki aise
hi chalta raha to kuchh khaas naheen kar paayunga, zara samajh boojh
se kaam karni padegi. Kismat achchhi thi ki Kardar sahab ne mujhe
apni film Shahjehan mein gaane likhne ke liye chun liya. Shahjehan
Mughal kaaleen film thi jiske liye woh aise geetkaar ki talash kar
rahe the ki jo us maahaul par gaane likh sake. Aur main naya bhi tha
to mujhe zyada paise bhi naheen dene padenge. nhone mujhe 500 rupay
maheene par rakh liya, jo us samay ke hisaab se bahut zyada the.

Song: Jab dil hi toot gaya (Shahjehan)



Is tarah sangeetkaar Naushad ne Majrooh Sultanpuri se pehli baar film
Shahjehan mein geet likhwaee jo bahut popular huyi, aur is tarah se
geeton ki kataaren banti chali gayi.



Song: Hum bekhudi mein tumko pukaare chale gaye (Hum Dono)

Majrooh sahab ne us daur ke sabhi diggaj sangeetkaaron ke dhuno par
gaane likhe hain. Woh kisi bhi situation par badi sahejta se geet
likh sakte the, jo alag se sunne par bhi ek alag hi jasbaat ki
gehraai mehsoos hoti hai. Aayiye ab sune film Fareb ka geet Lata
Mangeshkar aur Kishore Kumar ki awaazon mein, sangeetkaar hain Anil
Biswas.

Song: Mohabbat ki basti basayenge hum (Fareb)



Doston, is samay aapne tune kiya hai Vividh Bharati aur programme hai
Sargam Ke Sitare. Hamare aaj ke sitaare hain mashoor shaayar aur film
jagat ke suprasiddha geetkaar Majrooh Sultanpuri.

Song: O mere dil ke chain (Mere Jeevan Saathi)

Aksar yeh maan liya jaata hai ki Hindi ke katheen shabd shayri ke
prabhaav mein baadha daalte hain. Par Majrooh sahab ne vikal shabdon
ka badi hi kaamyaabi aur khoobsurti se prayog karke hamein diya ek se
ek sundar geet. Leejiye Lata Mangeshkar ki awaaz mein film Mamta ka
yeh geet suniye aur khud dekhiye ki Majrooh sahab ne Hindi shabdon ka
istemaal kis behatari se kiya hai. Film Mamta san 1966 mein bani thi
aur yeh geet us samay bahut lokpriya huya tha.

Song: Hum gawanwa na jaibe ho (Mamta)



Majrooh sahab zamindar gharane se taaluk rakhte the. Unhone Arbi aur
Faarsi mein taalim lee. Sultanpur se Lucknow jaakar Haqeemi ki
shiksha praapt kee aur kuchh samay ke liye haqeemi bhi kiya. Par
kudrat ko to kuchh aur hi pasand tha. Kudrat ne unke anadar jazbaat
ki aisi leharen paida kee jo geet bankar hamaare jazbaaton ko haseen
banadiya. Aayiye unhi ka likha film Phir Wohi Dil Laya Hoon ka ek
yugal geet sunte hain. Asha Bhosle aur Mohd Rafi ke gaaye is geet ko
sangeetbaddha kiya hai O P Nayyar ne.

Song: Teri raaton ke liye dil ko jalaya humne (Phir Wohi Dil Laya
Hoon)



Mashoor shayar aur geetkaar Majrooh Sultanpuri ke baare mein aaj ke
daud ke shaayar geetkaar Nida Fazli kya kehte hain, suniye unhi ki
zubaan se:

Nida Fazli speaks: Majrooh sahab ka taallukh adab se hai. Woh aise
shaayar hain jo film industry mein aakar mashoor naheen huye, balki
usse pehli hi apna taarif karwa chuke the. Unhone bahut zyaada gaane
likhe hain, jinme kuchh achchhe hain kuchh bure bhi hain. Aadmi ke
dehaant ke baaduski achchhaiyon ke baare mein hi kehna chaahiye. Woh
ek bahut achchhe ghazalgo the. Woh aaj hum sab se itne door jaa chuke
hain ki unki achchhaiyon ke saath saath unki buraaiyaan bhi humein
aziz hai. R D Burman sahab ki lafzon mein Majrooh sahab ka tune pe
likhne ka abhyaas bahut zyaada tha. Majrooh sahab ne beshumaar gaane
likhe hain jis wajah se sahitya aur adab mein kuchh zyaada naheen kar
paaye. Unhe jab Dada Saheb Phalke puraskaar se nawaaza gaya tab
unhone yeh kaha tha ki agar yeh puraskaar unhe sahitya ke liye milta
to uski ahmiyat bahut zyada hoti. Unhone kuchh aise gaane likhe hain
jinhe koi padhaa likha aadmi, bhasha ke achchhe gyaan ke saath hi,
hamare composite culture ke liye likh sakta hai.

Song: O haseena zulfonwali (Teesri Manzil)



Majrooh sahab apni shaayri ke baare mein kya sochte hain, suniye unhi
ki zubaan se:

Majrooh Sultanpuri speaks: 1945 se 1952 ke darmiyaan ki baat hai. Us
samay maine tarakki pasand ashaar ki shuruwaat kee thi. Mere umra ke
jaankaar logon ko yeh maaloom hoga ki aaj aise ashaar jo kisi aur ke
naam se log jaante hain, woh tarakki pasand shaayri maine hi
shuruwaat kee thi. Main ek baar American aur Canada gaya tha, wahaan
ke kai universities mein main gaya, muhe is baat ki hairaani huyi ki
wahaan ke shayri pasand logon ko mere ashaar to yaad hain par koi
Faiz ke naam se, to koi Farhad ke naam se, Majrooh ke naam se naheen.

Waqt ke saath saath kisi bhi geetkaar ki lekhni mein gehraai aati
chali jaati hai. Majrooh sahab ke geeton mein bhi aisi gehraai dekhne
ko milti hai chaahe woh us daur ke geet ho, ya is zamane ka. Unke
geeton mein kuchh na kuchh zaroor hai jo hamaare khayaalon ko mehka
dete hain. Aayiye ab sune Lata Mangeshkar ki awaaz mein film Abhimaan
ka geet, sangeetkaar hain Sachin Dev Burman.

Song: Piya bina baaje na (Abhimaan)



Shaayar geetkaar Majrooh Sultanpuri ke baare mein varishth
sangeetkaar Naushad sahab kehte hain:

Naushad speaks: Majrooh sirf Urdu ke shayar hi naheen the, woh to
haafiz-e-quraan the sahab, koi masla poochhna ho to woh Arbi-Faari se
reference diya karte the. Jahaan tak unki shaayri ka sawaal hai, woh
ek muqammal shayar the. Unki shaayri mein koi jhol naheen tha. Faiz
Ahmad Faiz ke saathi the, tarakki pasand shaayri ki shuruwaat bhi
unhone hi kee thi, us waqt we jail mein the. Unki jitni bhi taarif
kee jaaye kam hai. Mujhe is baat ka faqr hai ki maine hi unko
mushayre se film line mein laaya. Bhindi Bazar ki Punjabi shayri mein
main unse mila tha. Shakeel, Khumar aur Majrooh, in teeno ko maine hi
mushaayre se Kardar Studios mein le gaya tha. Fankaar kabhi marta
naheen hai, apne fan se woh hamesha zinda rahta hai aur Majrooh
hamesha apne geeton ke zariye amar rahenge.

Song: Bheegi palken na jhukaa, aaina hoon main tera (Saathi)

Abhi aap sun rahe the geetkaar shaayar Majrooh Sultanpuri par kendrit
Sargam Ke Sitare. Humne unke likhe geeton ke maadhyam se unki yaadon
ke chiraag roshan kiye. Chalne se pehle aapko yeh bataa den ki is
karyakram ko tayyaar karne mein prastuti sehyog diya Vijaya Pillai
aur Ramesh Tailor ne aur aalekh, swar aur prastuti thi Shehnaz
Akhtari ka, ab deejiye ijaazat, namaskaar!

THE END

Song: Akhiyon ke jharonkhon se (Title Song)

Mere pyare fauji bhaiyon, main Hemlata, aako kehti hoon namaskaar,
salaam, satsriakaal, hello. Desh ki tamaan behno ki tarah main bhi
aapki bahen hoon. Main bhi aapko utna hi sneh karti hoon jitna kisi
bahen apne bhai se karti hai. Sneh se bhi zyada main aap par garv
karti hoon. Aaj main aapke liye kuchh geet lekar aayi hoon, sunne ke
baad kahiyega ki aapko pasand aaya ke naheen. Agar pasand na bhi aaye
to bhi kahiyega ki pasand aaya, naheen to main udaas ho jaayungi.

Song: Sona kare jhilmil jhilmil (Paheli)

Fauji bhaiyon, agla geet, waise film Akhiyon Ke Jharokhon Se kesabhi
geeton ko Bhagwaan ka ashirvaad mil chuka hai, main khaas taur se woh
geet aapko sunwana chaahti hoon jisme ek line aata hai "Will you
forget me then?" Is line ko sunkar film ke producer, yeh Rajashree ki
film thi, to Raj Kumar Barjatya ji ne mujhse kaha ki aap ka
Hindustani look hai, par is particular line ko sunkar aisa lagta hai
ki aap English hi gaati hain. Maine jahaan ek or Lataji ko follow
kiya hai, waheen doosri or Barbaras Streisand, Lousiana, Frank
Sinatra jaise artistes bhi mere schoolon mein se ek hain.

Song: Ek din tum baut bade banoge, Will you forget me then (Akhiyon
Ke...)

Teesra gaana jo maine socha hai aapko sunwaane ke liye, woh hai film
Maan Abhimaan se. Is geet mein main khat likh rahi hoon. Iske saath
ek chhoti si ghatna judee huyi hai, jise yaad kar aaj mujhe hansi aa
jaati hai par us waqt muhe badaa rulaaya tha. Main jis parivaar se
taallukh erakhti hoon, woh Rajasthan ka ek Brahmin parivaar hai, jo
kaafi orthodox vichaaronwaale hain. Mere bachpan mein hi mere baba
meri shaadi karwa dena chaahte the, aur main yeh sochti thi ki kis
tarah se apni jaan bachaaya jaaye. Ek baar koi ladka mujhe dekhne
aane waala tha, maine ek chitthi likhi. Pataa naheen ki kaise yeh
baat logon ko pataa chal gayi aur hamare gaaon ke Panchayat ke
Panchon ne mere baba ko yeh bata diya ki Hemlata ne love letter likha
hai aur unhe Panchayat mein bulaya hai. Mere baba ne mujhe ek zor ka
chaanta maara aur nikal gaye. Us chitthi mein maine likha tha
ki "Shreemaan so and so, aap vyarth hi apna samay nasht kar rahe
hain, mujhe aisa lagta hai ki shaadi karne se main besura ho
jaayungi. Main Lataji ki fan hoon aur woh janamkunwari hai, isiliye
itna achchha gaati hai. Unki tarah main bhi safed saree pehenna
chaahti, mujhe yeh lagta ki colour saree pehenne se mera galaa
kharaab ho jaayega (laughs), isliye kripaya aap mujhe kshama karen
aur kisi aur ladki se shaadi kar leejiye". Jab yeh khat mere baba ke
saamne Panchayat mein padhaa gaya to sab Panch log zameen dekhne lage
aur baba ghar waapas aakar mujhe bahut pyar kiya.

Song: Kya likhoon kaise likhoon (Maan Abhimaan)

Yeh geet zaroor aapko sunaana chaahoongi, yeh mere career ka pehla
gaana tha, us din mere do gaane record huye, unme se yeh ek duet hai.
Aur jinke saath maine yeh gaana gaaya woh living example, jinka koi
jawaab naheen, Mukeshji. Film Vishvas ke liye is gaane ke saath meri
sangeet yatra shuru huyi jo aaj bhi jaari hai. Is geet jo jab maine
gaaya tha tab main bahut chhoti thi, almost Baby Lata, lekin maine
isme heroine ke liye playback kiya tha, meri pehli heroine Aparna
Sen. Aur gaana tha "Le chal mere jeevan saathi le chal mujhe us
duniya mein pyar hi pyar hai jahaan"

Song: Le chal mere jeevan saathi (Vishvas)

Jaimala karyakram ka shesh bhaag aap sunenge is chhote se antaraal ke
baad.

COMMERCIAL BREAK

Is samay aap sun rahe hain Vishesh Jaimala jise fauji bhaiyon ki seva
mein aaj prastut kar rahi hain film jagat ke suprasiddha paarshwa
gaayika Hemlata.

Song: Tu is tarah se meri zindegi mein (Aap To Aise Na The)

Great Rafi sahab ke saath itna gaaya hai ki hisaab hi naheen hai.
Filmi gaane zyaada naheen par stage shows mein bahut baar unke saath
programmes kiye hain. 1968 se shuru kiya, pehla programme tha Roshan
Nite. Ek bahut lamba arsa unke saath maine gaaya hai, Rafi sahab, the
Great Great Legend. Unke saath maine filmon mein kai duets gaaye
hain, is waqt jo gaana sunaa rahi hoon, usme bhai bahen ka rishta hai
jaisa mera aur aapka hai.

Song: Behena pyari behna o meri laadli (Aatish)

Fauji bhaiyon, yeh geet shaayad aapko pasand aaye. Film Dulhan Wohi
Jo Piya Man Bhaaye film ka gaana hai. Yeh geet main meri bhabhiyon
aur honewaali bhabhiyon ko dedicate karti hoon.

Song: Le to aaye ho humein sapno ke gaaon mein (Dulhan Wohi Jo Piya
Mann Bhaaye)

Mere pyare fauji bhaiyon, aakhir mein main woh geet sunana chaahoongi
jo geet mere liye milestone ka kaam kiya tha. Akhiyon Ke Jharonkhon
Se film ka title song maine aapko shuru mein hi sunwaya hai. Isi geet
ke sad version se chand line aapko sunayungi. Ab tak is karyakram
mein aapko kahin bhi aisa gaana naheen sunaaya jo aapko udaas kare.
Humein aap par bahut garv hai, aap jaag rahe hain to hum so rahe
hain, zaroorat pade to aapke liye khoon ka ek ek katra bhi haazir hai
mere fauji bhaiyon. Yeh line gaate waqt main royi thi. "Kaliyaan yeh
sadaa pyar ki muskaati rahegi, khaamoshiyaan tujhse meri afsaane
kahegi, jee loongi nayaa jeevan teri yaadeon mein baithke, khushboo
jaise phoolon mein udne se bhi reh jaaye". Yeh lines main Kargil mein
shaheed huye jawaano ko samarpit karti hoon.

Song: Kaliyaan yeh sadaa pyar ki (Akhiyon Ke Jharokhon Se)

Isi geet ke saath vidaa bhi loongi, Jai Hind!

THE END

1970

Fauji bhaiyon, namaste, aaj mera dil to yahi chaahtahai ki na keval
aap ko balki sunnewaale tamaam shrotaaon ko itne pyar bhare geet
sunaayun ki aapki zindegi bas pyar hi pyar se bhar jaaye. Par yeh
kaise mumkin hai ki jab akhbaar kholen to duniya bhar mein sirf jung
ki hi baaten padhne ko milti hai. Chaaron taraf nafrat, ladaai aur
maar-kaat ke nazaare hain. Mera dil to naheen behelta par aayiye is
geet se aapka dil behlaya jaaye. Sangeetkaar O P Nayyar ki rachna,
mashoor gaayika Asha Bhosle ke saath Shamshad Begum ne bhi is gaane
ko itna achchha gaaya hai, mujhe ummeed hai ki geet bajne se pehle hi
aap ke zubaan pe aa gaya hoga, to suniye film Kismat ka yeh geet.

Song: Kajra mohabbatwala akhiyon mein aisa daala (Kismat)

"O kanhaiya, o kanhaiya, o kanhaiya, aaj panghat par hai Radha
akeli", jab maine yeh geet likhkar sunaya to Asha Bhosle aur O P
Nayyar ne aashcharya se mujhe poochha ki aap ek Musalmaan hote huye
bhi yeh gaana kaise likh daala? Fauji bhayon, Geeta, Bible, Quraan,
sab alag alag dharmon ke zaroor hain par sabka ek hi uddeshya hai.
Yeh zaroori hai ki hum apne desh ke sabhi tehzeebon ko jaane, samjhe.
Agar kal hum apne bachchon se yeh poochhe ki Bapu kaun the, Pt Nehru
kaun the, aur woh inka jawaab na de paaye to hamaare liye doob marne
ki baat hogi. Gokul ki bansi agar jung ke maidaan mein sunaayi de to
shaayad ladnewaale bhi ladna chhod den, aisi hai hamare desh ki
mahaanta. Aayiye ab sune film Inspector ka mera hi likha huya ek
geet, sangeetkaar hain N Dutta aur awaaz Asha Bhosle ki.

Song: Marhabba marhabba (Inspector)

Fauji bhaiyon, jis tarah aapki zindegi mein har kadam par mushkilaat
hain, hamari is filmi duniya mein bhi humein kathin raaston se hokar
guzarna padta hai. Maine Asrahool Haque jaise shayar ko yahaan se
naakaam laut-te huye dekha hai, aur uske baad unhi ki shayari ka
filmi geeton mein najaayaz istemaal hote huye dekha hai aur jinhe
kaamyaabi bhi haasil huyi hai. Yeh shayari ki kangaali hai jise maaf
naheen kiya jaa sakta. Meri zindegi mein bhi dhup-chhaon aate rahe
hain. Ek baar Raja Mehendi Ali Khan sahab mujhe pareshaan dekhkar
kaha ki kya pareshani hai, maine apni pareshani bataayi to woh mujhe
ek baba ke paas le gaye. Wahaan jaakar dekha ki baba ke darshan ke
liye motaron ki kataaren lagi huyi hain. Ab dekhiye ek gareeb roti ke
liye baba ke paas gaya to ek motar gaadi mein unhi ke paas gaya. Har
kisi ko kuchh na kuchh pareshani hai. Khair, main baba se mila,
unhone mujhe ek chaandi ka rupaiya diya aur mere baazu par baandhne
ke liye kaha. Main use baandhkar Mr Mukherjee ke ghar gaya, din bhar
intezaar karta raha par woh ghar par naheen the, bhookh se bura haal
tha. Maine woh sikka apni baazu se nikaala aur saamne ki dukaan mein
jaakar bhajiya khaa liya. Phir main Mr Mukherjee ke gate par waapas
jaa pahuncha. Mr Mukherjee gate par hi khade the. Maine unhe salaam
kiya, jiska unhone jawaab naheen diya, shayad kuchh logon ki yahi
adaa hoti hai. Unhone mujhse poochha ki kya bechte ho? Maine kahaa ki
main dil ke tukde bechta hoon par woh naheen jo filmi geeton mein
likha hota hai ki ek dil ke sau tukde ho gaye, wagerah wagerah. Meri
baaton se woh prabhaavit ho gaye. Chaandi ka sikka to kamaal naheen
dikhaya par meri zubaan kamaal kar gayi. Aur aaj se 17 saal pehle is
gaane ka janam huya - Na yeh chaand hoga na taare rahenge, magar hum
hamesha tumhare rahenge. Khair, Raja Mehendi Ali Khan ka likha ek
geet aapko ab sunaata hoon jise sunkar hi dushmano ke chhakke chhoot
jaayen.

Song: Watan ki raah mein watan ke naujawaan shaheed ho (Shaheed)

Fauji bhaiyon, taarikh gawaa hai ki jawaano ke dilon mein watan
parasti ka jasbaa sabse zyaada hota hai. Kabhi dum todte huye kisi
fauji ne apni mehbooba ko yeh paigaam zaroor diya hoga.

Song: Phir miloge kabhi is baat ka vaada karlo (Yeh Raat Phir Na
Aayegi)

Yeh gaana tha film Yeh Raat Phir Na Aayegi ka. Sitaar ke tukde ko
Nayyar sahab ne kis khoobsurti se istemaal kiya hai. Kisi sangeetkaar
ko aashaar ka jaanna bahut zaroori hai, kis bol pe kaisa dhun hona
chaahiye, uski meter kaisi honi chaahiye, yeh dhyaan mein rakhna
bahut zaroori hai. Lafzon ki tarjumaani na ho to gaane ki kamar hi
toot jaati hai. Aaj kai geeton ko sunkar to aisa lagta hai ki jaise
koi mazdoor chhat pe eent tod raha ho (laughs). Doston, Aap logon ke
kaano tak yeh gaane jitni aasaani se pahunchte hain, woh utni aasaani
se naheen likhe jaate. Jab raat raat bhar jaag kar main likhta hoon
to biwi kehti hai ki aapki yeh daastaan kab khatam hogi, bachche
kehte hain ki papa kab baahar aayenge. Film Mohabbat Zindegi Hai ka
ek geet mujhe itna pareshaan kar diya tha ki apne fan par hi mujhe
shuba hone lagaa tha. Kuchh baat naheen ban rahi thee. Recording
studio mein Nayyar sahab maujood the. Ashaji bhi aayeen, mujhe
pareshaan dekhkar mujhe woh ek achchhe hotel mein le gayeen aur chaay
peelaaya. Mera hausla badhaate huye kaha ki geet likhna to aapke
baayen haath ka kamaal hai. Unki is encouragement ne asar dikhaya aur
geet ban gaya. Par woh geet itna maqbool naheen huya. Usi film ka ek
doosra gaana jo bahut aasaani se maine likha tha kaamyaab ho gaya.

Song: Raaton ko chori chori bole mera kangna (Mohabbat indegi Hai)

Badnaseeb hai woh insaan jiske dil mein watan ke liye izzat na ho.
Humein aap par naaz hai, aap har lamha maut sekhel rahe hain, aur
aapke mehbooba ki awaaz pukaar pukaar kar kehti hogi ki...

Song: Meri jaan mujhpe sadke ahsaan itna kardo (Sawan Ki Ghata)

Fauji bhaiyon, aapki Himalay ki pahaadiyon mein posting hoti hogi,
Himalay ki chotiyaan sipaahiyon ka sar hamesha ooncha rakhne ki
taalim deta hai. Yun to hamare desh mein anek hill stations hain, par
Kashmir jaisa koi naheen. Shakti Samant ki film Kashmir Ki Kali mein
Sharmila Tagore aur Shammi Kapoor ke saath ek gaana filmaya gaya tha
Dal Lake par, aayiye usi geet ka mazaa liya jaaye.

Song: Deewana huya baadal (Kashmir Ki Kali)

Geetkaar Shailendra bhi bahut chahete geetkaar the jinke likhe
hazaaron geet aapne sune honge, lekin main aaj unka likha ubharti
huyi gaayika Sharda ka gaaya yeh geet sunwaana chaahunga.

Song: DEkho mera dil machal gaya (Suraj)

Aaj ki daud ke geetkaaron mein main Anand Bakshi ka zikr zaroori
samajhta hoon, jo in dino kai gaane likh rahe hain. Film Khilauna ka
yeh geet suniye, sangeet hai Laxmikant Pyarelal ka.

Song: Khilauna jaankar tum to mera dil (Khilauna)

Ab main aap se ijaazat chaahunga,
Jai Hind!

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Jaimala Gold/20050918_S_H_Bihari
   Uploaded by : soojoi_india <soojoi_india@...>
   Description : S H Bihari - 1970

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Jaimala%20Gold/20050918_S_H_Bihari

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Namaste doston, aa gayi aapki radio sakhi Mamta Singh lekar Aaj Ke
Fankaar.

Clip: Kuchh na kaho (1942 A Love Story)

Aap kehte hain to main chup ho jaati hoon, phir Aaj Ke Fankaar ki
kahaani kaun sunaayega? Aaj Ke Fankaar Kumar Sanuji, ab aap hi kuchh
kahiye na!

Clip: Tu mile dil khile aur jeene ko kya chaahiye (Criminal)

Sachmuch, aise sureele geet mil jaaye to jeene ko bhala aur kya
chaahiye!

Kumar Sanu speaks: Sangeet mein koi paabandi naheen honi chaahiye, jo
dil chaahe wohi gaana chaahiye. Mujhe Kishoreda, Lataji, Rafi sahab
ke gaane achchhe lagte hain. Rafi sahab ki gaayan mein sur ka
thehraav hai, Kishoreda ka throwing aur acting achchhi hai, Mukeshji
ka sentiment, yaani dukhi gaane ka style, to har ek se maine achchhai
liya aur usi ka naam hai Kumar Sanu (laughs).

Kedarnath Bhattacharjee, yaani Kumar Sanu, ka janm Kolkata mein ek
sangeetmay parivaar mein huya.

Clip: Der lagi aane mein lekin (

Kumar Sanu ne apni aarambhik sangeet shiksha pane pita Pashupatinath
Bhattacharjee se praapt kee.

Kumar Sanu speaks: Maine tabla se shuruwaat kiya, kabhi kahin pe
jaakar seekha naheen, ek show mein mujhe gaane ka mauka mil gaya.
Naihati karke ek jagah hai, wahaan ek show mein main tabla bajaane
gaya tha, stage khaali jaa raha tha ki kisi ne kaha ki yeh ladka gaa
bhi sakta hai. Aur mujhe gaane ke liye khadaa kar diya. Maine jo apna
pehla stage song gaaya woh tha "Vaada tera vaada". Public ne mujhe
accept kar liya aur mujhe bhi yeh laga ki main gaa sakta hoon.

Song: Tu meri zindegi hai (Aashiqui)

Music hi Kumar Sanu ki pehli mohabbat hai, sangeet mein hi unka dil
dhadakta hai.

Song: Tum dil ki dhadkan mein rehte ho (Dhadkan)

Kumar Sanu speaks: Jab maine gaana shuru kiya to maine socha ki agar
gaana hai to filmon mein gaana chaahiye. Main Delhi gaya aur Gulshan
Kumarji se mila. Unko Kishoreda ka gaana sunaaya to woh hairaan ho
gaye. Unko bhi ek aisa singer chahiye tha jo Kishoreda ke geeton ka
cover versions gaa sake. Phir kya tha, silsila shuru ho gaya. Uske
baad 1986 ya 87 ki February mein main Bombay aa gaya. Kisi recording
studio mein main Kishore Kumar ke gaaye kuchh geeton ko apni awaaz
mein record karwa raha tha ki sanyog se wahaan par Jagjeet Singh aa
pahunche aur mujhe gaate huye suna. Unko meri awaaz pasand aayi aur
agle din apne ghar par bula liya. Agle din jab main unse milne unke
ghar pahuncha to Jagjeet sahab ne mere haath mein kisi geet ke bol
thama diye, uski dhun mujhe bataya aur phir mujhe gaane ke liye kaha.
Meri ek baat hai ki main pick up bahut jaldi karta hoon. Maine gaa
diya aur iske baad unhone mujhe seedha recording studio le gaye aur
meri awaaz mein wohi geet record kar liya. Recording ke baad mere
haathon mein 1000 rupay dekar kaha ki abhi tumne Shatrughan Sinha ke
liye film Aandhiyaan ka geet gaaya. Main jitne khush huya ussey kahin
zyaada hairaan. Phir uske baad Jagjeet Singh ne mujhe sangeetkaar
Kalyanji Anandji ke ghar le gaye aur kaha ki yeh ladka bahut achchha
gaata hai, ispe zara dhyaan deejiye. Mujhe pehla break mila Prakash
Mehra ki film Jadoogar mein jisme maine Bachchan sahab ke liye gaaya.

Song: Main jadoogar hai mera naam Goga (Jadoogar)

Aayiye doston, ab Kumar Sanu ke kuchh sureele naghmon ko chhoote
chalen. Aapko yeh bataa den ki ek din mein 28 gaane record karnewale
gaayak ke roop mein Kumar Sanu apna naam Guiness Book of World
Records mein darj karwa chuke hain.

Clip: Chot dil pe lagi (Ishq Vishq)
Clip: lelo leo mera imtihaan (Andaaz)
Clip: Woh ladki bahut yaad aati hai (Qayamat)
Clip: Badi udaas hai zindegi (Kasoor)
Clip: Kaho to zara jhoom loon (Albela)

Zikr Kumar Sanu ka ho raha ho aur film Aashiqui ki baat na ho, yeh
kaise sambhav hai! Isi film ke geeton se to Kumar Sanu ke naam ka
sitara chamka aur gali gali goonj utha Kumar Sanu ka naam aur unke
geet.

Song: Bas ek sanam chaahiye aashiqui ke liye (Aashiqui)

Kumar Sanu ne anek sangeetkaaron ke saath kaam kiya hai. Rahul Dev
Burman ke saath kaam karne ka unka sapna poora huya Vidhu Vinod
Chopra ki film 1942 A Love Story se.

Song: Ek ladki ko dekha to aisa laga (1942 A Love Story)

Kumar Sanu speaks: Ek school maine dekha Panchamda ke saath. Mera
durbhagya hai ki Sachin Dev Burman, Shankar Jaikishen, O P Nayyar
jaise sangeetkaaron ke saath main naheen gaa saka, unke Kishoreda ke
cover versions gaakar tasalli diya apne aap ko. R D Burman mujhse
kehte the ki yeh tera gaana hai, tu kaise gaayega tujhpe hai, tu
pehle gaakar suna, phir main kahoonga ki theek hai ki naheen. "Ek
ladki ko dekha to aisa laga" ke time unhone kaha ki is "jaise" ko
prominent karna kyunki yeh baar baar gaane mein aata hai.

Doston, Kumar Sanu ko 6 baar Filmfare ke Best Male Playback Singer ke
award se puraskrit kiya gaya hai. We ekmaatra aise purush gaayak hain
jinhe yeh puraskaar lagaataar 5 baar mile.

1990 film Ashiqui...

Clip: Ab tere bin jee lenge hum (Aashiqui)

1991 film Saajan...

Clip: Mera dil bhi kitna paagal hai (Saajan)

1992 Deewana...

Clip: Sochenge tumhe pyar karen ke naheen (Deewana)

1993 Baazigar...

Clip: Yeh kaali kaali aankhen (Baazigar)

aur 1994 film 1942 A Love Story

Clip: Ek ladki ko dekha to aisa laga (1942 A Love Story)

Kumar Sanu ne 800 se adhik filmon mein gaaye hain aur kai bhashaayon
mein bhi gaaye hain. Unhone kai Bangla filmon mein abhinay bhi kiya
hai, aur aajkal we ek sangeetkaar banne aur film nirmaan mein lage
huye hain.

Song: Kitna haseen chehra kitni pyari aankhen (Dilwale)

Kumar Sanu aur nayee oonchaaiyon ko chhooyen, hamari unke liye yahi
shubhkaamnaayen hain. Aaj Ke Fankaar ka yeh safar aapne aaj tay kiya
apni radio sakhi Mamta Singh ke saath.

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Aaj Ke
Fankaar/Singers/20050922_Kumar_Sanu
   Uploaded by : soojoi_india <soojoi_india@...>
   Description : Kumar Sanu

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Aaj%20Ke%20Fankaar/Singers/20050922_Kumar_Sanu

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Namaskaar doston, aa gayi aapki radio sakhi lekar Aaj Ke Fankaar. Aaj
is karyakram mein hongi kuchh pyar ke izhaar. Zara pyar ke is izhaar
ko to pehle suniye!

Clip: Yeh mera prem patra padhkar (Sangam)

Ya phir kuchh is tarah...

Clip: Sau saal pehle mujhe tumse pyar tha (Jab Pyar Kisi Se Hota Hai)

Ya phir pyar ka bayaan kuchh is tarah...

Clip: O maine pyar kiya oye kya jurm kiya (

Aaj is karyakram mein aapki yeh radio sakhi aapko bataayegi ki ek
geetkaar ne kitne anoothe andaaz mein likhe hain pyar ke taraane.

Clip: Tumne pukara aur hum chale aaye (Rajkumar)

Is geetkaar ko hum karte hain bade pyar se yaad, aur unki pratibha ko
karte hain sau sau salaam. Geetkaar Hasrat Jaipuri hain hamare aaj ke
fankaar.

Hasrat Jaipuri speaks: Namaskaar, main aapko ek sher sunaata hoon,
isey sunkar aap mujhe bataaiye ki yeh maine kiske liye kaha hai. Arz
hai, "Gale mein jiske Saraswati ho usko kaun haraaye, Naam hai uska
Hind ki Bulbul ab aap hi uska naam bataayen", aapko zaroor samajh aa
gaya hoga main kiski baat kar raha hoon, chaliye mera gaana hi aapko
bata dega.

Song: Rasik balma (Chori Chori)

Hasrat Jaipuri ka asli naam tha Iqbal Hussain. Woh Jaipur se taallukh
rakhte the. Geetkaar banne se pehle unhone Bus Conductor ki naukri
kee thi. Waise Johny Walker sahab bhi bus conductor reh chuke hain.
Khair, aaiyiye ujaagar karen Hasrat Jaipuri ka woh paksh jisme hai
mohabbat, maasoom mohabbat, sharaarti mohabbat, beqaraar mohabbat,
aur haseen mohabbat.

Song: O mere shaahekhubaan (Love in Tokyo)

Doston, samajh hi naheen aa raha hai ki Hasrat sahab ka likha kaun sa
gaana aapko sunaaye aur kaun sa chhod den. Sharaarat bhari mohabbat
ka yeh naghma to suniye.

Song: Badan pe sitare lapete huye (Janwar)

Hasrat Jaipuri badi hasrat se shaayri ki duniya mein aaye the. Ek
baar woh kisi mushaayre mein apna nazm padh rahe the jisme Prithviraj
Kapoor bhi shaamil the. Unki shaayri se we prabhaavit huye aur is
tarah Hasrat Jaipuri shaamil ho gaye Prithvi Thatres mein. Wahaan Raj
Kapoor, Shailendra, Shankar Jaikishen aur Mukesh ke saath apni toli
banaa lee, aur yeh toli ek itihaas ban gayi jiski shuruwaat huyi is
naghme ke saath.

Song: Jiya beqaraar hai (Barsat)

Hasrat Jaipuri speaks: Ab doosra sher mulhaayeza keejiye aur phir
mujhe bataaiye ki yeh maine kiske liye kaha - "naghmon ke payambar,
ae naghmon ke payambar kya tera bigadta, jo tu na marta kai din aur"
Woh kaun hai, leejiye yeh mera gaana hi aapko bata dega ki maine jo
kaha woh sach hai ya jhooth.

Song: Dil ke jharokhon mein tujhko bithaakar (Brahmachari)

Aayiye doston, ab Hasrat Jaipuri ke kuchh mahatwapoorna filmon aur
unke geeton ka zikra karen.

Song: Neel gagan ki chhaaon mein (Amrapali)
Song: Ae nargis-e-mastana (Arzoo)
Song: Hum tere pyar mein saara aalam kho baithe hain (Dil Ek Mandir)
Song: Parde mein rehne do (Shikari)
Song: Tujhe jeevan ki dor se baandh liya hai (Asli Naqli)
Song: Tum mujhe yun bhula na paayoge (Pagla Kahinka)
Song: Kitna haseen hai yeh sama (Humsaya)
Song: Bahaaron phool barsaao (Suraj)
Song: Jaayun kahaan bataa ae dil (Chhoti Bahen)
Song: Mohabbat aisi dhadkan hai (Anarkali)
Song: Aaja re ab mera dil pukaare (Aah)

Doston, Aaj Ke Fankaar the geetkaar Hasrat Jaipuri, aur aaj is
karyakram ka safar aapne tay kiya apne is radio sakhi Mamta Singh ke
saath, ab mujhe deejiye ijaazat, namaskaar.

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Aaj Ke
Fankaar/Lyricists/20050917_Hasrat_Jaipuri
   Uploaded by : soojoi_india <soojoi_india@...>
   Description : Hasrat Jaipuri

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Aaj%20Ke%20Fankaar/Lyricists/20050917_Hasrat_Jaipuri

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Hamare aaj ke fankaar hain lekhak, geetkaar aur nirdeshak Sanjay
Chhel.

Song: Mera ek sapna hai (Khoobsurat)

Sanjay Chhel televison aur filmon mein haasya vyang ke liye zyaada
jaane jaate hain. Television ke haasya dhaaravaahikon se chalkar ek
lokpriya geetkaar ke roop mein bhi sthaapit ho chuke hain.

Song: Hey Shivani tu lagti hai naani (Khoobsurat)

Sanjay Chhel speaks: Main bachpan se hi film director aur lekhak
banna chhahta tha. Jis umra mein bachche train ke driver banna
chaahte ya aeroplane udaana chaahte, main us umra hi film direct
karne ki baat sochta aur usi disha mein koshish kee hai.

Sanjay Chhel ki lokpriya TV serials mein shaamil hain Naya Nukkad,
Filmi Chakkar, Philips Top 10, Dekh Tamasha Dekh, Mailini Iyer, aadi.

Sanjay Chhel speaks: Logon ke pyar aur naam paane ki khwaahish ne hi
mujhe is taraf le gayi.

Song: Zindegi yeh dillagi hai (Kya Dil Ne Kaha)

Sanjay Chhel ke likhe filmon ki baat karen to unme se kuchh jaane
maane filmon ke naam hain Rangeela, Yes Boss, Pehla Nasha, Phir Bhi
Dil Hai Hindustani, One 2 Ka 4, Khoobsurat, vagerah.

Sanjay Chhel speaks: Ashutosh Gowarikar ne muhe pehli baar film mein
samvaad likhne kamauka diya, film thi Pehla Nasha. Phir maine TV
serial Naya Nukkad likha, kareeb 12 filmeon ke samvaad likhe, kuchh
chali kuch naheen chali.

Song: Nikamma kiya is dil ne (Kya Dil Ne Kaha)

Sanjay Chhel speaks: Main bahut saalon se gaane likhna chaahta tha
par koi deta naheen tha. Jab main director bana to gaane bhi likhne
laga, Khoobsurat mein likha, Kya Dil Ne Kaha mein saare gaane likhe,
Khoobsurat mein Gulzar sahab ne likhe, mujhe bhi 2/3 gaane likhne ka
permission de diya (laughs).

Song: Teri adaayen hain mast (Kya Dil Ne Kaha)

Sanjay Chhel speaks: Mujhe gaane likhna bahut achchha lagta hai,
issey creativity ko ek naya rang milta hai, audience tak apni baat
pahunchaane ka yeh ek achchha maadhyam hai. Khoobsurat ke 3 gaane -
Mera ek sapna hai, Hey Shivani, Ghunghat mein chaand hoga, Kya Dil Ne
Kaha ka title song, Taaza taaza behka behka, Nikamma kiya is dil ne,
yeh sabhi gaane hit huye hain.

Song: Kya dil ne kaha (Title Song)

Ahmedabad ke ek regional TV channel se apna career shuru kar aaj
Sanjay Chhel cinema aur televison ka ek jaana maana naam hai.

Sanjay Chhel speaks: Television ki ek bahut badi janta hai, ek bahut
bada audience hai TV ka jiski ek alag style honi chaahiye naheen to
bheed mein kho jaayegi. Cinema ka alag style hai. Television akhbaar
ki tarah hai, aaj dekha kal bhool gaye, par filmi geet bahut saal
chalte hain, isliye usi depth uski gehraai dekhni padti hai.

Song: Piya pyar yeh kyun kiya (Kya Dil Ne Kaha)

Sanjay Chhel speaks: Main aisa kaam karna chaahta hoon jo aam aadmi
ke dil ko chhoo jaaye, main wahaan tak pahunchna chaahta hoon, agar
maine aam aadmi ko khush kar diya to lagega ki maine kuchh kiya hai.

Song: Sajna tere pyar mein hum pardesi ho gaye re (Kya Dil Ne Kaha)

Sanjay Chhel speaks: Mujhe lagta hai ki ek kalakaar ko sachche dil se
imaandaari se filmen banana chaahiye. Haal hi mein Subhash Ghai ne
mujhe chance diya hai bachchon ke liye ek suspense thriller banane ke
liye, yeh ek alag hatke film hogi. Mere hobbies aur kaam, dono ek hi
hain, filen dekhna, kahaniyaan padhna mere hobbies hain, aur mera
kaam hai filmen banana aur kahaniyaan likhna, main is maamle mein
lucky hoon ki mera kaam hi meri hobby hai.

Song: Mohabbat hai mirchi sanam (Chura Liya Hai Tumne)

Hamare aaj ke fankaar the jaanemaane lekhak, geetkaar aur nirdeshak
Sanjay Chhel.

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Aaj Ke
Fankaar/Lyricists/20050912_Sanjay_Chhel
   Uploaded by : soojoi_india <soojoi_india@...>
   Description : Sanjay Chhel

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Aaj%20Ke%20Fankaar/Lyricists/20050912_Sanjay_Chhel

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Clip: My heart is beating...o ri chhori (Lagaan)

Namaskaar mere saare fauji doston, mera naam Vasundhara Das, sabse
pehle main aapko aapke sacrifice ke liye dil se shukriya ada karti
hoon, aap jis tarah se hamari raksha kar rahe hain, woh hum kaise
bhool sakte hain. Aaj main aap ko ek safar par le jaana chaahti hoon,
seemaayon se door, sangeet ki duniya mein, to chalen!

Song: Rabba rabba (Aks)

Fauji doston, kho gaye kya? Manoranjan ki is jadooi duniya mein kadam
rakhne ke baad mera bhi yahi haal huya tha. Main ek abhinetri hoon
aur ek gaayika bhi. Pehle abhinetri hoon ya gaayika yeh mat
poochhiye. Meri abhineet pehli film thi Hey Ram, aur mera pehla gaaya
filmi geet tha Shaka laka baby. Maine live shows karne bhi shuru kar
diye hain, ek din aapke saamne perform karne ki ichchha rakhti hoon.
Aayiye ab film Lagaan ka ek geet sunte hain jo mujhe bahut pasand hai.

Song: O mitwa sun mitwa (Lagaan)

Jaante hain jab main college mein padhti thi, main NCC mein jaana
chaahti thi. Main Bangalore se hoon, meri height zyada hone ke kaaran
NCC ke officer ko khushi huyi aur unhone mujhe Republic Day ki parade
mein representation ka bhi mauka de diya. Mujhe padhaai mein koi
interest nahin thi, aur Scouts Guides NCC in sab mein kaafi interest
tha. Mere parents ko dar laga rehta tha ki is line mein agarmain gayi
to unse bahut door jaakar rehna padega. Door to hai par khoobsurat
bhi to hai. Aap log jahaan pe rehte hain tents banaake, woh sab jagah
khoobsurat to hoga, par mushkilen bhi hongi aur adventurous bhi. I
hope that you are enjoying. Par war ke samay to nazariya kuchh aur hi
hoga, lekin peace time to aap khoob enjoy karte honge doston ke
saath. Agla gaana maahaul ke baare mein hai, hawaayon ke baare mein
hai.

Song: Chale jaise hawaayen sanan sanan (Main Hoon Na)

Doston, khoobsurat samaa, khoobsurat mausam kiski yaad dilata hai
kahiye to? Pyar ki, aap ko bhi apne pyar ki yaad to aati hogi. Jaane
log kyun pyar karte hain, kya aapne socha hai kabhi ki pyar ke bina
duniya kaisa hota? Aayiye sune "Jaane kyun log pyar karte hain", film
Dil Chahta Hai.

Song: Jaane kyun log pyar karte hain (Dil Chahta Hai)

Is gaane mein "jaane kyun, jaane kyun" baar baar dohraya gaya hai,
aur mere mann mein bhi aise sawaalon ka silsila jaari hai, jaane kyun
main ek gaayika hoon! Jaane kyun aap sainik hain! Aapke bina to
hamari security bilkul naheen banti. Is baat par main ek apna
geet "salaame" se aapko salaami deti hoon kyunki aap hamare liye itna
kuchh kar rahe hain.

Song: Salaame salaame (Dhoom)

Fauji doston, bahut hi serious baaten hone lagi hain, aayiye ab kuchh
masti ki baaten karen. 1970s aur 80s mein mujre type ke gaane kaafi
filmon mein sunaayi padte the, jinme traditional touch tha. Pichhle
do dashakon se mujre naheen aa rahe hain filmon mein, par haal hi
mein film Bunty Aur Bubly mein ek mujra aaya "kaja re" jo mujhebahut
zyada pasand hai, aap bhi suniye.

Song: Kajra re kajra tere kaare kaare naina (Bunty Aur Bubly)

Hai na bahut hi masti bhara gaana! Aap hamesha yaad rakhiye ki
zindegi bahut lambi hai aur isey haseen banaaye rakhne ke liye thoda
gaa lena chaahiye, aur thoda jhoom bhi len to kya baat hai. To
leejiye isi baat par suniye aur jhoomiye "Its the time to Disco".

Song: Its the time to Disco (Kal Ho Na Ho)

To ab mere fauji bhaiyon, samay aa gaya hai ki main alvida kahoon,
par maine jaise ki pehle kahaa tha ki hum ek din zaroor milenge. To
isi ummeed ke saath mujhe aagya deejiye,

Jai Hind!

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Vishesh
Jaimala/20050910_Vasundhara_Das
   Uploaded by : soojoi_india <soojoi_india@...>
   Description : Vasundhara Das

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Vishesh%20Jaimala/20050910_Vasundhara_Das

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

SB: Shamshad Begum
KS: Kamal Sharma

Sargam Ke Sitare karyakram mein aaj hum aapki mulaaqaat sargam ke us
sureeli aur lokpriya gaayika se karvaa rahehain jinhe aap Shamshad
Begum ke naam se jaante hain, jinki khanakbhari awaaz se na keval woh
thirakta tha balki unki lokpriyata ka aalam yeh hai ki aaj ki yuva
peedhee unke gaaye geeton ki remixon par thirak rahi rahe hain.
Shamshadji se yeh baatchit hamare sehyogi Kamal Sharma ne Shamshadji
ke Powai ke unke ghar par record kiya. To aayiye sune yeh baatchit.

Song: Boojh mera kya naam re nadi kinare gaaon re

SB: Mere ko gaana nahin seekhaaya kisi ne, gramophone par sun sunkar
maine seekha. Mere gharwale ne ek paisa nahi kharch kiya. Ladkon ka
hi filmon mein gaana bajaana achchha nahi maana jaata tha, ladkiyon
ki kya baat thi. Maine gaane lagti ghar mein to sab chup kara dete
the ki kya har waqt 'chen chen' karti rehti hai.

KS: Shamshadji, aapne kis umra se gaana shuru kiya tha?

SB: 8 saal se gaana shuru kiya, jab se hosh aaya tabhi se gaati thi

Song: Kaahe koyal shor machaaye re koi apna mujhe yaad aaye re

KS: Aap jis school mein padhti theen, wahaan aapke music teacher ne
aapka hausla badhaaya hoga?

SB: Unhone kaha ki awaaz achchhi hai, par gharwalon ne is taraf
dhyaan nahin diya. Main jis school mein padhti thi woh British ne
banaya tha, Urdu zabaan mein, maine 5th standard tak padhaai kee. Hum
chaar bahen aur teen bhai the. Ek meraq chacha tha, ek unko gaane ka
shauk tha. Woh kehte the ki hamare ghar mein yeh ladki aage chalkar
achchha gaayegi.Woh mere baba ke sage bhai the. Woh Urdu itna achchha
bolte the ki tabeeyat khush ho jaati, lagta hi nahi ki woh Punjab ke
rehnewale the. Mere walid ghazlon ke shaukin the aur we mushayre mein
jaaya karte the. kabhi kabhi we mujhse ghazlen gaane ko bhi kehte
the. Lekin woh mere gaane se darte the. Woh kehte ki chaar chaar
ladkiyaan hain ghar mein, tu gaayegi to in sabki shaadi karwani
mushkil ho jaayegi.

KS: Shamshadji, aapki gaayiki ki phir shuruwaat kaise aur kab huyi?

SB: Mere us chacha ne mujhe Xynophone company mein le gaye, woh ek
nayi gramophone company aayi huyi thi. Us samay main 12 saal ki thi.
Waqhaan pahunchkar pata chala ki audition hogi, un logon ne takhtposh
bichhaaya, hum chadh gaye, us par baith gaye (SB laughs). Waheen par
maujood the sangeetkaar Master Ghulam Haider sahab. Itne kamaal ke
aadmi maine dekha hi naheen tha. Woh mere walid sahab ko pehchaante
the. Woh kamaal ke pakhaawaj bajate the. Unhone mujhse poochha ki
aapke saath kaun bajaayega? Maine kaha main khud hi gaati hoon, mere
saath koi bajaanewala naheen hai. Phir unhone kaha ki thoda gaa ke
sunaao. Maine Zafar ki ghazal shuru kee "Mere yaar mujhse mile to",
ek asthayi ek antara, bas! Unhone mujhe rok diya, maine socha gaye
kaam se, yeh to gaane hi naheen dete. Yeh maine khwaab mein bhi
naheen socha tha ki main playback artiste ban jaayungi, mera itna
naam hoga. Main sirf chaahti thi ki main khulkar gaayun.

Song: Mere ghunghar waale baal

SB: Maine Masterji se phir kaha ki doosra gaana sunaayun? Unhone kaha
ki naheen, itn atheek hai. Phir 12 gaano ka agreement ho gaya, har
gaane ke liye 12 rupay. Mastreji ne un logon se kaha ki is ladki ko
woh sab facilities do jo sab bade artiston ko dete ho. Us zamane mein
6 maheeno ka contract huya karta tha, 6 maheene baad phir
recordingwaale aa jaate the. 10 se 5 baje tak hum rehearsal kiya arte
musicians ke saath, Masterji bhi rehte the. Aap hairaan honge ki unhi
ke gaane gaa gaa kar main artiste bani hoon.

Song: Naino ke baan ki geet anokhi

KS: Aap mein bhi lagan rahi hogi?

SB: Master Ghulam Haider sahab kaha karte the ki is ladki mein guts
hai, awaaz bhi pyaari hai. Shuru mein har geet ke liye 12 rupay dete
the. Poora session khatam hone par mujhe 5000 rupay mile. Jab rab
meherbaan to sab meherbaan (SB becomes emotional & starts sobbing).
Jab result nikalta hai to phir kya kehna!

Song: Duniya ko laat maaro duniya salaam kare

KS: Aapne phir radio se bhi jud gayeen, is baare mein kuchh bataayen

SB: Jab maine gaana shuru kiya tha tab radio nahin tha, sirf
gramophone companies thi, aur bahut mehenga bhi tha, 100 rupay keemat
thi gramophone ki aur har record ki keemat hoti thi 2.50 rupay. 2
saal baad jab hum tayyaar ho gaye, tab rab ne radio khol dee aur main
Peshwar Radio mein shaamil ho gayi.

Song: Har dil ki daastaan, dukh dard bhi hai, aaraam bhi hai

KS: Radio mein kisi producer ko aap jaanti thi, aapko mauka kaise
mila?

SB: Us waqt producer nahi, station director hote the, unke liye
gaanewaale kahaan se aayenge? Woh gramophone company waalon se
poochhte the gaayakon ke baare mein. Xynophone company se bhi unhone
poochha aur is tarah se mera naam unhe mil gaya. Maine Peshawar Radio
se shuruwaat kee, Pashto, Persian, Hindi, Urdu aur Punjabi programmes
karne lagi. Phir Lahore aur Dilli Radio se bhi judee.

Song: O jaadugar baalma

KS: Aap maanengi ki aapki kaamyaabi ke peechhe radio ka bhi badaa
haath hai?

SB: Bahut bada haath hai ji, radio ne hi ek seekhaya sabhi ko ki yeh
ladki ek artiste hai.

Song: Kahin pe nigaahen kahin pe nishaana

KS: Shamshaji, yeh bataaiye ki us samay aap gair filmi gaane gaati
theen, kabhi filmwaalon ki bhi ichchha huyi hogi ki aapse filmon mein
gawaaye?

SB: Baba filmon mein mujhe kaam naheen karne nahi denge yeh saaf saaf
keh diya tha, gramophone company aur radio mein gaa rahi ho, bahut ho
gaya, ab iske aage aur naheen, unhone aisa keh diya tha. Mera to film
ke liye screentest bhi ho gaya tha. Lekin baba ne mana kar diya, kaha
ki aur nahi chaahiye. Us zamane mein playback nahi tha, isliye agar
filmon mein gaane ke liye usme acting karna bhi zaroori tha, isliye
filmon mein gaane ka mauka nahi mil paaya. Maine 2/3 saal radio mein
kas ke gaaye. Phir playback aa gaya. Us waqt main Xynophone company
mein gaa rahi thi, isliye company ne filmwale ke saamne yeh shart
rakh dee ki main film mein gaa sakti hoon, lekin gramophone record
par Xynophone ka naam rahega. Pehli film jisme maine gaaya, woh tha
Yamla Jatt, Pancholi sahab ki. Maine isme 4/5 gaane gaaye, jo saare
super hit huye, film ne bhi silver jubilee manaayi.

KS: Aapne dekha ki naheen is picture ko?

SB: Dekha tha, ek baar.

KS: Achchha Shamshaji, us zamane mein recording studios ka maahaul
kaisa huya karta tha?

SB: Achchha tha aur kaam karnewale log the. Jab tak music director
nahi kehta ki sab perfect hai, tan tak artiste ko rehearsal karte
rehn padta. Itni baar rehearsal hoti thi ki sur ke saath saath bol
bhi yaad ho jaate the.

Song: Jab usne gesu bikhraaye baadal aaya jhoom ke

SB: Us daud mein aisa naheen hota tha ki "aaaaa" kiya aur 'cut' kar
diya, "ooooo..." kiya phir cut kar diya. 8 minute ka bhi gaana hai
tostart se end tak theek hona padta tha, koi bhi galati ho, chaahe
singers ki ya musicians ki, retake karwate the.

KS: Humne suna hai ki us zamane mein kisi bhi geet ko do baar gaane
padte the, film ke liye alag, gramophone ke liye alag?

SB: Haan, pehle film company mein gaate the jo picture ke parde par
dikhaay aur sunayi deta, phir gramophone company jaate the, agar
gramophone record nikaalna tha.

KS: Aap recording ke liye ghar se studio kaise jaati thi, bus ya taxi
mein?

SB: Jee nahi, taange mein. Hamar bungla tha Maal Road par, wahaan se
Pancholi Studio, apne taange mein hi aaya jaaya karti thi.

Song: E ji thandi sadak hai akad akad ke chalo na babu

KS: Yamla Jatt ke baad aapne kin filmon mein gaaye?

SB: Yamla Jatt pehli film thi, music director the Master Ghulam
Haider. Yeh Punjabi zubaan ki film thi. Uske baad aayi Khazanchi, jo
Hindi zabaan ki thi, Masterji hi music director the. Isme sabhi 8
gaane mere gaaye huye the. Yeh picture 52 hafton se zyada chali.
Pancholi Arts ke liye maine 7/8 filmon mein gaaye, sabhi ne silver
jubilee manaayi, do ne golden jubilee bhi manaayi. Sangeetkaar Shyam
Sundar ke liye ek picture mein maine gaaya, jisne silver jubilee
manaayi, is picture ka ek gaana tha "Goriye soniye na kar gumaan" jo
superhit huya. Shukriya film bhi silver jubilee thi, Ustad Zande Khan
ke ek picture mein bhi gaaya jo silver jubilee manaayi.

Song: Na bol pee pee more angana panchhi jaa re jaa

KS: Kaun kalakaar aapko sabse zyada pasand hai?

SB: Saigal sahab, kya insaan the, wah wah wah!

Clip: Main kya janoo kya jadoo hai

KS: Saigal sahab se aapki kabhi mulaqaat huyi?

SB: Main to unki fan thi shuru se hi, unke baare mein kya kahoon, woh
to kamaal ke aadmi the, itne khoobsurat ke jawaab naheen. Maine unhe
jab dekha to we beemaar ho gaye the.

KS: Achchha, pehle kabhi unse naheen mile?

SB: Naheen, maine unki Devdas 14 baar theatre mein jaakar dekhi hai,
jab bhi paise ikattha ho gaye, chale gaye Devdas dekhne. Ek theatre
thi jahaan pe auraton ke liye alag se seats lage hote the, wahaan jaa
jaakar dekhti thi.

KS: Devdas ka kaun sa gaana sabse zyada aapko pasand hai?

SB: Baalam aaye baso more mann mein

Clip: Baalam aaye baso more mann mein

KS: Unke saath huyi milaqaat ke baare mein hamare shrotaaon ko kuchh
bataaiye.

SB: Unhe maine Bambai mein dekha tha. Ek din main Ranjit mein
rehearsal  kar rahi thi. Khabar aayi ki Saigal sahab aa rahe hain.
Maine un logon se keh rakha tha ki Saigal sahab ki gaadi aaye to
mujhe batana. Itne mein unki gaadi aa gayi, unki ungli mein heere ki
angoothi thi. Maine kahaa 'salaam'. Kisi ne unhe mere baare mein
bataaya huya tha, woh mere paas aaye aur Punjabi mein kaha ki oye
tune apne baare mein kuch nahi bataya, sirf salaam kehkar chali jaa
rahi thi!

KS: Saigal sahab ke baad, ab main Kishoreda ke baare mein poochhna
chahta hoon, yeh bahut baad ki baat hogi, unke saath bhi aapne gaaya
hai.

SB: Woh bahut hi shareef aadmi the (SB laughs)

KS: Unki pyari pyari sharaarton ke baare mein humne suna hai (KS
laughs).

SB: Woh apni style ka badaa achchha gaayak the, unke saath kuchh
duets maine gaaye hain, ek gaana badaa chala tha Naya Andaz picture
ka, unhone itna achchha gaaya tha isey.

Song: Meri neendon mein tum mere khwaabon mein tum

KS: Aur kin kin gaayakon ke saath aapki jodi bani?

Song: Koi jodi wodi naheen ji, us zamaane mein music directors kisi
ki baat naheen sunte the, woh jis gaayak ko chunenge humein usi ke
saath gaana padega, kisi ki majaal hai jo koi zabardasti kare.

KS: Achchha to kis gaayak ke saath aapko gaate huye sabse achchha
lagaa?

SB: Kisi ke bhi saath bura naheen laga. Maine hamesha chaaha ki main
jiske saath gaa rahi hoon, woh bhi achchha gaaye. Uska achchha hoga
to mera bhi achchha hoga.

Song: Bheega bheega pyar ka samaa bataade tujhe jaana hai kahaan

To yeh tha guzre zamaane ki mashoor gaayika Shamshad Begum se Kamal
Sharma ki baatchit par aadhaarit is Sargam Ke Sitaron karyakram ki
pehli kadee. Agle hafte sunna na bhoolen is baatchit ki doosri kadee.
Ab deejiye humein ijaazat, namaskaar!

END OF PART 1

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Sargam Ke Sitaare/Singers/Shamshad
Begum/20050910_Shamshad_Begum_01
   Uploaded by : soojoi_india <soojoi_india@...>
   Description : Shamshad Begum Part 1

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Sargam%20Ke%20Sitaare/Singers/Shamshad%20Begum/20050910_Shamshad_Begum_0\
1

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Namaskaar doston, Hindi sahitya ki agar baat karen to hamare desh ne
ek se ek mahaan sahityakaaron ko janm diya hai jinke kalam ne is
sahitya jagat ko beshkeemti sahitya pradaan kiye hain. Yeh
saahityakaar na keval apne kalam se sahitya ko hi samriddh kiya hai
balki apne kalam ke jadoo se Hindi film jagat ko kuchh aise naayaab
gaane bhi deeye hain jinhe paakar yeh film jagat dhanya ho gaya hai.
Aaj Sargam Ke Sitare ke is ank mein hum baat karenge kuchh aise hi
mahaan Hindi saahityakaaron ki jinhe filmi geetkaar ke roop mein
paana hamara saubhaagya hai.

Song: Phoolon ke rang se dil ki kalam se (Prem Pujari)

Kishore Kumar ke gaaye film Prem Pujari ke is khoobsurat geet ko
likha tha suprasiddha sahityakaar, kavi aur geetkaar Gopaldas Neeraj
ne. Sahitya jagat ke chamkile sitare Kavi Gopaldas Neeraj pehle
sahitya geetkaar hain, phir filmi geetkaar. Unki likhi kavitaayen aur
sahitya jitne prabhaavshaali hain utne hi lokpriya hain unke rache
filmi geet. Filmon mein gaane likhte huye kisi geetkaar ko kai baar
bediyon mein bandhkar likhna padta hai, par Neeraj ne kisi bhi
situation ke gaane ko bade hi sundar shabdon se aise vyakt kiya hai
ki aam janta se lekar sher-o-shayri ke shaukeen shrotaaon ko unhone
ek hi samay mein santusht kar diya hai.

Song: Caravan guzar gaya gubaar dekhte rahe (Nai Umar Ki Nayi Fasal)

Kavi Gopaldas Neeraj bhasha aur vishay mein atyant paardarshi hain.
Unhone filmi geeton mein bhi aisa laalitya pradaan kiya hai ki yeh
sachmuch ek aashchariya ki baat hai.

Song: Likhe jo khat tujhe woh teri yaad mein (Kanyadaan)

Kavi Gopaldas Neeraj ke baad ab baat karte hain Pandit Narendra
Sharma ki.

Song: Satyam Shivam Sundaram (Title Song)

Eeshwar satya hai, satya hi shiv hai, shiv hi sundar hai, is param
satya ko ujaagar karnewaale Pt Narendra Sharma aaj hamaare beech
nahin hai. Sach to yeh hai ki woh kahin gaye hi naheen hain balki
bikhar gaye hain. Unke geeton, kavitaaon aur sahitya se jab chaahe
unhe paaya jaa sakta hai. Pt Narendra Sharma jaise shakhs is duniya
se jaakar bhi yahin rehte hain. Pt Narendra Sharma ek vyakti nahin,
ek saath kai vyakti the - shreshth kavi, mahaan sahityakaar, filmi
aur gair filmi geetkaar, daarshanik, ayurved ke gyaata, Hindi, Urdu
aur Angrezi ke vidwaan, aur usse bhi upar ek mahamaanav. Hamaare
baune haath unke uplabdhiyon ko chhoo bhi nahin sakte.

Song: Tum asha vishvas hamare (Subah)

Virendra Mishra, ek jaane maane sahityakaar. Yeh hamara saubhagya hai
ki woh Vividh Bharati mein producer reh chuke hain. Mishraji ne
filmon ke liye kuchh zyaada gaane to naheen likhe hain, par jitne bhi
likhe hain woh hamare liye kisi anmol dharohar se kam naheen. Woh aaj
hamare beech naheen hai par unke komal bhaavpoorna geet aur kavitaaen
hamaare saath hi to hain.

Song: Joode mein gajra mat baandho mera geet bahek jaayega (

Apne radio set par is samay aapne tune kiya hai Bharat ka sabse
lokpriya radio channel Vividh Bharati aur is waqt hum aapko sunwa
rahe hain Sargam Ke Sitare. Aur aaj ka yeh karyakram samarpit hai
Hindi sahitya ke kuchh chamakte sitaaron par jinhone sahitya ke panno
par to apne pratibha ke chhaap chhode hi hain, unhe filmi geetkaar ke
roop mein paana bhi kisi saubhagya se kam naheen. Kavi Gopaldas
Neeraj, Pandit Narendra Sharma aur Virendra Mishra ke baad aayiye ab
baat karen Baal Kavi Bairagi ki. Kavita paath ke rasik Bairagiji ko
apne ojhpoorna swaron mein manch par kavita paath karte suna hoga.
Unke sahitya mein graamya sanskriti ki mahek milti hai, jo unke likhe
film Reshma Aur Shera ke is sadabahaar naghmen mein bhi saaf jhalakti
hai.

Song: Tu chanda main chaandni (Reshma Aur Shera)

Hindi sahitya chhayavaadi vichaardhara ke liye jaana jaata hai. 26
March 1907 ko janme Mahadevi Verma ko chhayavaadi yug ke chaar
pramukh stambhon mein se ek maana jaata hai. Unki likhi Yama naamak
kavya sankalan behad charchit huyi thi. 1956 mein Bharat Sarkar ne
sahitya mein unke sarahniya yogdaan ke liye Padma Bhushan se sammanit
kiya. Mahadevi Verma ko ek filmi geetkaar ke roop mein shaayad hi koi
jaane. Par sach to yeh hai ki film Trikon Ka Chautha Kon mein unka
likha ek geet shaamil kiya gaya tha. Suniye Jaidev ka swarbaddha kiya
Chhaya Ganguly ka gaaya wohi geet.

Song: Kaise unko paayun (Trikon Ka Chautha Kon)

Kavi Gopaldas Neeraj, Pandit Narendra Sharma, Virendra Mishra, Bal
Kavi Bairagi aur Mahadevi Verma ke zikra ke baad ab jis sahityakaar
ki charcha hum karne waale hain woh prakriti ke chitere to the hi,
desh bhakti ka jasba bhi unme koot koot kar samaya huya tha. Jee
haan, Gopal Singh Nepali, jinhe hum G S Nepali ke naam se bhi jaante
hain, ka janm Bihar ke Champaran zile mein Bedia naamak sthaan par 11
August 1911 ko huya tha. Balavastha se hi we ghanton ekaant mein
baithkar prakriti ki sushma ka aanand lete aur baad mein isi prakriti
se jude kavitaaen likhne lage. 1931 mein Kalkatta mein aayojit Akhil
Bharatiya Kavi Sammelan mein shaamil hone ko we prerit huye, jahaan
pe jaakar sahitya jagat ke kai mahaan vibhutiyon se milne ka
saubhagya praapt huya. 1932 mein Kashi mein Acharya Mahavir Prasad
dwara aayojit ek bade kavi sammelan mein kul 115 kavi shaamil huye
jinmein se keval 15 kaviyon ko kavita paath ka mauka mila, aur inmein
se ek the Gopal Singh Nepali.

Song: Door papeeha bola raat aahi reh gayi (Gajre)

Gopal Singh Nepali ek taraf komal bhaavnaaonwali, prakriti prem se ot-
prot kavitaaen likhte the, waheen doosri taraf desh bhakti ki
jhanjhanaati rachnaayen bhi kya khoob likhe. Unki likhi "Dilli Chalo"
kavita par Filmistan ne Samadhi naamak film ka nirmaan bhi kiya.
Suniye unka likha film Nai Raahen ka geet, Mohd Rafi ki awaaz mein.

Song: Musafir bataa de kahaan tujhko jaana (Nai Raahen)

Ab jis sahityakaar ki baat hum karne waale hain, woh hain Amrita
Preetam. Maanav mann ki jo abhivyakti hoti hai, unhe varnan karna
badaa mushkil hota hai, lekin Amrita Preetam dwara likhe sahitya ko
agar hum dhyaan se padhen to paayenge ki kis sahejta se unhone badi
se badi baat keh daali hai jinhe hum keval mehsoos hi kar sakte hain.
Unki lekhni to jaise phool par thehri huyi os ki boonden hain. 31
August 1919 ko janme Amrita Preetam Punjab ki pehli mashoor kaviyatri
aur lekhika hain. Sahitya Academy Puraskaar paanewaali woh pehli
mahila hain aur Rashtrapati se Padmashree praapt karnewali pratham
Punjabi lekhika. Yun to unhone Punjabi mein adhiktar likha hai, par
Hindi sahitya mein bhi unhone apni alag pehchaan banaayi hai. Hindi
film Kadambari mein unhone ek geet likha tha, aayiye sune Asha Bhosle
ki awaaz mein yeh geet.

Song: Ambar ki ek paak suraahi (Kadambari)

Aur ab baat Dr Harivanshrai Bachchan ki, jinki kriti Madhushala Hindi
sahitya mein ek itihaas bana chuki hai. Jab bhi woh stage par apni
Madhushala paath karte, shrotagan usmein poori tarah se kho jaate aur
uski bahaav mein beh jaate. Omar Khayyam ki Rubaiyaat se prerit hokar
Dr Bachchan ne Madhushala ke baad Madhubala aur Madhukalash naamak
kavitaaon ki rachna kee. Unki jaani maani kritiyon mein shaamil hai
unka Bhagwadgeeta ka Avadhi aur Hindi mein anuvaad. Hindi film
sangeet ki baat karen to unhone film Alaap aur Silsila mein kuchh
lokpriya gaane likhe hain. Kya koi Holi aisi beeti hai jisme aapne
Silsila film ke is geet ke saath na jhooma hoga? Jee haan, Dr
Harivanshrai Bachchan ka likha aur unke suputra Amitabh Bachchan
dwara gaaya film Silsila ka yeh mashoor Holi geet suniye.

Song: Rang barse bheege chunarwali (Silsila)

To yeh tha aaj ka Sargam Ke Sitare karyakram jismein humne kuchh aise
Hindi ke sahityakaaron ki charcha kee jinhone Hindi sahitya ke saath
saath film sangeet ko bhi apne kalam se bol dekar dhanya kiya hai.
Jin sahityakaaron ki humne zikr kiya unke naam hain Kavi Gopaldas
Neeraj, Pt Narendra Sharma, Virendra Mishra, Bal Kavi Bairagi,
Mahadevi Verma, Gopal Singh Nepali, Amrita Preetam aur Dr
Harivanshrai Bachchan. Ab is karyakram ko samaapt karne ki deejiye
humein ijaazat, namaskaar!

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Sargam Ke
Sitaare/Lyricists/YYYYMMDD_Sahitya_Ke_Geetkaar
   Uploaded by : soojoi_india <soojoi_india@...>
   Description : Neeraj, Narendra Sharma, Virendra Mishra, Bal Kavi Bairagi,
Mahadevi Verma, G S Nepali, Harivanshrai Bachchan, Amrita Preetam

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Sargam%20Ke%20Sitaare/Lyricists/YYYYMMDD_Sahitya_Ke_Geetkaar

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>

Namaskaar doston, aaj ka yeh karyakram samarpit hai ek kamcharchit
sangeetkaar ki smriti ko.

Prelude of "Sawan ko aane do" is played.

Woh sangeetkaar jinki aaj yaani 3 September ko poonyatithi hai.

Song: Tumhe geeton mein dhaaloonga (Saawan Ko Aane Do)

Shraavan maheene ke aas paas jab hum is khoobsurat gaane ko sunkar
khush ho uthte hain, waheen doosri or yeh sochkar dil udaas ho jaata
hai ki is sundar geet ke sangeetkaar ab hamare beech naheen hai apni
is sundar rachna ke baare mein humein apni zubaan se kuchh bataane ke
liye. To aayiye aaj is karyakram mein yaad karen sangeetkaar Rajkamal
ko.

The song "Tumhe geeton mein dhaaloonga" continues.

Hindi film sangeet ke itihaas mein aise anek sangeetkaaron ne kadam
rakha haijinhone kuchh zyada filmon mein sangeet to naheen diya par
jitne bhi diye kya khoob diye. Rajkamal bhi ek aise hi kamcharchit
sangeetkaar the jinke swarbaddha kiye huye chuninda gaane aaj bhi
hamaare kaano mein ras gholte hain.

Song: Chaand jaise mukhde pe bindiya sitara (Saawan Ko Aane Do)

Yun to Rajkamal ko filmon mein sangeet dene ka kuchh khaas mauka
naheen mil paaya, par unke sangeet nirdeshan mein bani film Saawan Ko
Aane Do ke gaane behad kaamyaab huye aur aaj bhi sangeet rasikon ko
aziz hain. Aisa bhi kaha jaa sakta hai ki is film ki kaamyaabi ke
peechhe iske geeton ka ek bahut badaa haath tha. Is film ke do gaane
to hum aapko sunwa chuke hain, aayiye isi film ke kuchh aur geeton ke
ansh sune.

Song: Bole to baansuriya (SKAD)
Song: Jaanam jaanam (SKAD)
Song: Kajre ki baati (SKAD)
Song: Patthar se sheesha (SKAD)

Rajkamal ke sangeet mein Bhartiya Shastriya Sangeet aur Bhartiya lok
dhuno ki jhalak milti hai. Unki dhune itni bholi, itne saral hain ki
sunkar bhi mann pavitra ho jaaye.

Song: Dekho Kanha naheen (Payal Ki Jhankaar)

Rajkamal ke swarbaddha kuchh gine chune filmon ke naam hain Saawan Ko
Aane Do, Saaz, Payal Ki Jhankaar, aur Chashm-e-Baddoor. Aayiye
Yesudas aur Haimanti Shukla ka gaaya film Chashm-e-Baddoor ka yeh
khoobsurat naghma sunte hain jise likha hai Indu Jain ne. Zara suniye
to Rajkamal ne kis khoobsurti se Raag Vrindavani Sarang ka is gaane
mein prayog kiya hai.

Song: Kahaan se aaye badra ghulta jaaye kajra (Chashm-e-Baddoor)

Film Payal Ki Jhankaar ka yeh sureela naghma...

Song: Sur bin taan naheen (Payal Ki Jhankaar)

Saawan Ko Aane Do film ka ek aur gaana...

Song: Tere bin soona (Saawan Ko Aane Do)

Doston, kuchh to baat hai Rajkamal ke sangeet mein warna itne kam
filmon mein sangeet dene ke baawjood bhi aaj tak log unke geeton ko
kaise apne seene se lagaakar rakhe hain?

Song: Teri tasveer ko seene se laga rakha hai (Saawan Ko Aane Do)

Aaj Ke Fankaar aaj samarpit tha sangeetkaar Rajkamal ki smriti ko. Ab
deejiye ijaazat, namaskaar!

THE END

Hello,

This email message is a notification to let you know that
a file has been uploaded to the Files area of the vividhbharati
group.

   File        : /Transcripts of VB Programmes/Aaj Ke Fankaar/Music
Directors/YYYYMMDD_Rajkamal
   Uploaded by : soojoi_india <soojoi_india@...>
   Description : Rajkamal

You can access this file at the URL

http://in.groups.yahoo.com/group/vividhbharati/files/Transcripts%20of%20VB%20Pro\
grammes/Aaj%20Ke%20Fankaar/Music%20Directors/YYYYMMDD_Rajkamal

To learn more about file sharing for your group, please visit

http://help.yahoo.com/help/in/groups/files

Regards,

soojoi_india <soojoi_india@...>